Метаморфизм - Geologiya - Referatlar

Метаморфизм

Yuklangan vaqt:

20.09.2019

Ko'chirishlar soni:

0

Hajmi:

80.5 KB

Ko'chirib olish

Метаморфизм Режа : 1. Умумий маълумотлар 2. Метаморфизм омиллари 3. Метаморфизм турлари

1. Умумий маълумотлар Тоғ жинсларининг юқори ҳарорат, босим ва газ ҳамда эриган компонентлар таъсиридан ўзгариши метаморфизм дейилади. Метаморфизм жараёнида тоғ жинсларининг кимёвий ва минерал таркиби, структураси, ётиш ҳолати ўзгаради. Чўкинди ва магматик тоғ жинслари , баъзан метаморфик жинсларнинг ўзи ҳам метаморфизмга учрайди. Буларни метаморфлашган жинслар дейилади. Метаморфизм кечадиган ер ичида 5 км дан 20 км гача чуқурликдаги табиий - кимёвий жараёнларни биз бевосита кўра олмаймиз, уларни фақат ер юзасида очилиб қолган тоғ жинсларини кузатиш орқали ўрганиш мумкин. Тоғ жинслари мураккаб минерал тизим сифатида ўзлари ҳосил бўлган муҳитнинг табиий географик шароитларида мувозанатда бўлади . Лекин кўп ҳолларда минтақаларнинг геологик эволюциясида тоғ жинслари дастлабки шароитлардан ўзгача вазиятларга тушиб қолади . Бундай ҳолларда тоғ жинсларининг таркибига кирувчи минераллар мажмуаси янги шароитларга “мослашишга” мажбур бўлади . Бу “мослашиш” метаморфизм дейилади . М етаморфизм сўзининг луғавий маъноси ўзгариш жараёнини англатади . Шундай қилиб , метаморфизм деганда табиий географик ва термодинамик шароитларнинг ўзгариши туфайли структураси, текстураси, минерал, баъзан эса кимёвий таркибининг ўзгаришига олиб келувчи эндоген жараёнларнинг мажмуаси тушунилади . Бундай ўзгариш тизимнинг қаттиқ ҳолда сақланиши билан кечади . Метаморфизм га барча тоғ жинслари - чўкинди , магмати к ва олдин ҳосил бўлган метаморфи к ҳосилалар учраши мумкин . Дастлабки жинслар протолит лар дейилади . Метаморфи к ўзгаришларда тоғ жинслари тўлиқ ёки қисман қайта ҳосил бўлади . Агар метаморфизм да протолитларнинг дастлабки таркиби ва тузилишини тиклаб бўладиган реликт лари сақланиб қолган бўлса, бундай

жинслар метаморфлашган , бирламчи хусусиятлари батамом йўқолганлари эса метаморф ик жинслар дейилади . 2. Метаморфизм омиллари Метаморфизм омиллари деганда дастлабки жинсларнинг ўзгаришига олиб келувчи сабаблар тушунилади. Уларнинг орасида ҳарорат, босим ва тоғ жинслари билан ўзаро таъсирга киришадиган кимёвий фаол бирикмалар (эритмалар, флюидлар) асосий ўринда туради. Ҳарорат - минерал ҳосил бўлиш жараёнига таъсир кўрсатувчи ва пайдо бўладиган минераллар мажмуасини белгилайдиган муҳим омил ҳисобланади. Тоғ жинасларининг метаморфик қайта ўзгариши 250-1100°С ҳарорат оралиғида кечади. Метаморфик жараёнларнинг бошланиши тоғ жинсларининг 250°С ортиқ ҳароратларда ўзгаришидан бошланади. Айнан шу чегарада кимёвий реакциялар тезлигининг кескин ўзгариши сабабли диагенез ва метаморфизм орасидаги чегара ўтказилади. М етаморфизм нинг устки чегараси тоғ жинсларининг суюқланабошлаш ҳарорати билан белгиланади . Ҳарорат ошиши билан тоғ жинсларининг қайта кристалланиш фаоллиги ошади . Ҳароратнинг ошиши бир қанча геологик жараёнлар туфайли амалга ошади : - тоғ жинсларининг чуқурликка тушиши ; - совиётган магма; - Ер қаъридан келаётган иссиқлик оқими; - тектоник ҳаракатлар вақтида ишқаланишга боғлиқ исссиқлик генерацияси. Флюидлар - минераллашган газсимон эритмалар. Чўкаётган майдонлар денгиз ва океанлар билан қопланиб, уларнинг тубида чўкинди тўпланади ва вулканизм жараёнлари кечади. Чўкмалар ва вулканитлар олдин шаклланган жинсларни қоплаб қолади, вақт ўтиши билан улар катта чуқурликларга кўмилиб кетади. Бу жараёнлар қанча узоқ давом этса, шаклланаётган

ётқизиқларнинг қалинлиги шунча юқори бўлади. Бунда уларнинг чўкиш чуқурлиги ўнлаб километрга боради. Чуқурлик ошган сари ҳарорат ҳам қонуний равишда ошиб боради (геотермик градиент). Тектоник фаол вилоятларда геотермик градиент 50-100 град/км га боради, қадимий пўстлоқларда эса градиент қиймати 10-30 град/км ташкил этади. Демак бир хил чуқурликдаги чўккан турли минтақадаги жинслар турлича ҳарорат таъсирига учрайди. Архей ва протерозой акронларида умумий иссиқлик оқими фанерозой эонидагига нисбатан бир неча марта ортиқ бўлган. Шу сабабли Ер ривожланишининг дастлабки босқичларида шаклланган тоғ жинслари фаол иссиқлик таъсирига учраган. Ёндош жинсларнинг фаол қизиши мантия чуқурликларидан ер юзасига кўтарилаётган йирик устунсимон мантия моддаси - плюмлар таъсирида ҳам кечиши мумкин. Тоғ жинсларининг ўлчамлари жуда катта бўлган бўлаклари сурилганда ишқаланиш кучлари вужудга келади ва бу жараёнда иссиқлик энергияси ажралиб чиқади. Бу иссиқлик тектоник чокга туташган зоналардаги тоғ жинсларига таъсир кўрсатади. Тоғ жинсларига таъсир кўрсатувчи босим литостатик (ҳар томонлама) ва стресс (бир томонлама) турларга бўлинади. Литостатик босим тоғ жинсларининг чуқурликларга чўкиши билан боғлиқ. Чуқурликдаги жинслар турли томондан, шу жумладан устида ётувчи жинсларнинг босимига учрайди. Умумий ҳолда литостатик босим чуқурлик сари ошиб боради. Стресс босим аниқ ифодаланган йўналиш векторига эга бўлади, уни ташкил этувчиларидан бири иккинчисига нисбатан қиймати бўйича юқоридир. Стресс босимнинг сабаби бўлиб тектоник ҳаракатлар таъсирида ер пўстининг йирик блоклари сурилиши ҳисобланади. Босим катталиги минераллар метаморфизми давомида шаклланган таркибига ва ички структурасига таъсир қилади .

Одатда юқори босимда ҳосил бўлувчи минералларнинг бутун бир гуруҳи (глаукофан, омфацит ва б .) ажратилади . Босим анча юқори ҳароратларда ҳам метаморфизм жараёнларида қатнашувчи, кимёвий фаол моддаларни келтирувчи сувнинг суюқ ҳолатда бўлишини таъминлайди. Босимнинг ўзгариши кимёвий реакция мувозанатининг у-ёки бу томонга силжишига олиб келади . Босим тартибли текстура шаклланишига сабабчи бўлади . Пластинкали, таблеткали, варақли ёки узунчоқ шаклларга эга бўлган минераллар бир текисликда мўлжалланиб йўл-йўлли, гнейсли ва сланецли текстураларни ҳосил қилади. Юзага яқин ва кам чуқурликларда бир томонлама босим тартибсиз текстура шаклланишига олиб келиши мумкин. Бунда тектоник брекчия ҳосил бўлиш билан кечадиган тектоник бузилиш зоналаридаги тоғ жинсларининг бурдаланиши тушунилади. Юқори босимда ва узоқ вақт давомида таъсир кўрсатишида тоғ жинсларининг майдаланиши туфайли унга ва талқонга айланиши мумкин. Метаморфизмда тоғ жинсларига таъсир кўрсатувчи кимёвий фаол моддалар бўлиб биринчи навбатда деярли барча тоғ жинсларида у-ёки бу миқдорда мавжуд бўлган сув ва карбонат ангидрит саналади. Улардан ташқари, К 2 О, Na 2 O, O 2 , Cl, F ва баъзи шунга ўхшаш компонентлар ҳам катта аҳамиятга эга. Уларнинг манбаси бўлиб магманинг совушида ажралиб чиқадиган магма эритмалари, чуқурлик флюидлари, ёндош жинсларда эритиб олинган кимёвий бирикмаларга эга иссиқ ерости сувлари ҳисобланади. Кимёвий бирикмаларнинг манбаси ўтмишдаги денгиз ва океанларнинг кўмилиб кетган қолдиқ сувлари ҳам бўлиши мумкин. Метаморфик жинслар учун одатда фақат метаморфизм жараёнларида вужудга келадиган ўзига хос (типоморф) минераллар характерли бўлади. Уларнинг орасида хлорит лар , актинолит, тремолит, эпидот, дистен, андалузит, силлиманит, графит, серпентин, гранат, кордиерит, ставролит, диопсид ва бошқаларни кўрсатиш мумкин .

Бирламчи магмати к ва чўкинди минерал лардан кварц, биотит, мусковит, дала шпатлари , роговая обманка, пироксен лар , кальцит ҳамда босим ва ҳароратнинг кенг оралиқларида барқарор бўлган бошқа минераллар учраши мумкин . Юқори ҳарорат шароитларида кимёвий фаоллик кескин ошади ва баъзи минераллар орасида кимёвий реакция кетиб, янги минераллар ҳосил бўлади . М етаморфи к жинсларнинг минерал таркиби ташқаридан моддалар қўшилмайдиган ва ташқарига чиқиб кетмайдиган ёпиқ тизимда ҳам, ташқарида моддалар қўшиладиган (чиқиб кетадиган) очиқ табиий кимёвий шароитларда ҳам ўзгариши мумкин . М етаморфизм нинг бошланғич босқичларида ҳароратнинг ошиши минерал ларнинг дегидратаци яс и га (конституцион сув чиқиб кетади ) олиб келади . Бу жараён бирнеча юз градусга қизиган ва босим таъсирида бўлган катта ҳажмдаги сувнинг ажралиб чиқиши билан бирга кечади. Бундай ҳолатда сув кимёвий томондан фаол бўлади ва тоғ жинсларининг компонентларини эритиб олиб, бошқа жойга ётқизади . Ички ҳарорат нафақат метаморфизм жараёнида ажралиб чиқадиган сувга таъсир кўрсатади, балки устки сувлардан келиб чиққан ерости сувларининг ҳам фаоллашишига олиб келади . М етаморфиз имга олиб келувчи эритмаларда эриган моддаларнинг умумий миқдори 50 - 60 масса % етиши мумкин . Тоғ жинслари кимёвий таркибининг ўзгариши ўрин олиш ва ион алмашиш реакциялари натижасида содир бўлади ва у псевдоморфозага олиб келади. 3. Метаморфизм турлари Тоғ жинсларига таъсир кўрсатувчи омиллар, уларнинг жадаллиги ва геологик шароитлари мажмуаси бўйича метаморфизмнинг олтита:

минтақавий, ультраметаморфизм, динамометаморфизм, контактли, метасоматик ва а втометаморфизм турлари ажратилади. Минтақавий (динамотермал) метаморфизм йирик майдон ларни қамраб олади , деформация ва бурмаланиш минтақа лари да содир бўлади. Ундаги тоғ жин сларини ташкил этувчи минерал ларнинг турлари чуқурликка томон ў згариб боради. Бу жараён давомида енгилроқ бўлган сувли минерал жинслари оғир сувсиз минерал жинслари билан ўрин алмашади. Метаморфизм жараёни устида жуда кўп илмий ишлар олиб борилган ва анча масалалар. ечилган. Кўпчилик олимлар метамор физмни чуқурлик бўйича 3 та асосий зоналарга ажратадилар: юқори - эпизона, ўрта – мезозона ва чўқур – катазона. Эпизонада — босим ва ҳарорат паст бўлади. Бу зонага хос минералллар кўпроқ гидроксиллар (ОН), хлоритлар, эпидот, цоизит, серицит, биотит, актинолит, роговая обманка ва г л а у к о н и т д а н и б о р а т б ў л и б , б у л а р д а н т а ш қ а р и у н и н г таркибида альбит ва гранат каби бардошли минераллар учрайди. Мезозона ўртача босим ва ҳароратга эга бўлади. Бу зонада юқоридаги гидроксидли минераллардан ташқари, дистен, ставро лит, альмандин, пироп, плагиоклаз учрайди. Жинслари сланецли структурага эга бўлади, лекин бу структура эпизонага нисбатан кучлироқ ривожланган. Катазонадаги метаморфизм жараёни юқори гидростатик босим ва ҳароратда (минераллар эриш нуқтасига яқин бўлади) кечади. Жинсда сланецли текстура камаяди, у пластик ҳ олатга келади ва таркибида силлиманит, альмандин, пироксен, оливин, пироп, кордиерит, шпинел, анортит, альбит, дала шпати, биотит, эгирин, андалузит, везувиан ва бошқа кўп минераллар учрайди. Юқори босим ва ҳароратга бардошли минераллар ҳам учрайди. Буларга кварц, рутил, титанит, магнетит, кальцит, альбит ва бошқлар киради. Бу минераллар таркибида (ОН) бўлмайди.

Минтақавий метаморфизм жараёнлари прогрессив ва регрессив хусусиятларга эга бўлиши мумкин. Ҳар иккала ҳолда ҳам бу жараёнлар ультраметаморфизмга олиб келади. Прогрессив метаморфизм босим ва ҳарорат кўрсаткичларининг ошиши шароитларида амалга ошади ва паст ҳароратли минерал мажмуаси ўрнига юқори ҳароратлисининг пайдо бўлишида намоён бўлади. Регрессив метаморфизм ёки диафторез магматик ёки метаморфик жинсларнинг янги шароитларга мослашишидан пайдо бўлган минерал ҳосилаларни ўз ичига олади. Бунда юқори ҳароратли минераллар ўрнини паст ҳароратлилари эгаллайди. Бундай жараёнларда ҳосил бўлган метаморфизм маҳсулотларини диафторитлар дейилади. А рхей ва протерозой ёшидаги метаморфик ҳосилалардан тузилган минтақалар учун полиметаморфизм характерли бўлади. Полиморфизм деганда метаморфизм жараёнларининг полихрон устама тушиши туфайли тоғ жинсларининг кўп босқичли ўзгариши тушунилади. Минтақавий метаморфизм нинг энг кенг тарқалган жинслари бўлиб яшил сланецлар, кристалли сланецлар, гнейслар, амфиболитлар, мармарлар, кварцитлар саналади. Улар одатда фаол деформацияланган, мураккаб бурмаланган қатламлар, линзалар ва қатламалар шаклида ётади. Ультраметаморфизм жуда чуқурда (15 - 20 км), геосинклинал вилоятларнинг ороген босқичида вужудга келади. Ультраметаморфизм минтақавий метаморфизмнинг хусусий ҳоли бўлиб, муайян табиий-кимёвий шароитларда кечади. Бу шароитлар мигматитизация ва гранитизациядан иборат. Ультраметаморфик жинслар суюқланган моддаларнинг сезиларли таъсирида ҳосил бўлади. Ультраметаморфизмнинг омиллари бўлиб юқори ҳарорат, сувнинг кимёвий фаоллиги ҳамда учувчи компоненлар (К, Н 2 О, HF, Р 2 О 5 и др.) келтирилиши шароитлари саналади.

Мигматитизация – бу ёндош метаморфик жинсларга ёки ишқорли метасоматозга гранитли магманинг кириши туфайли аралаш таркибли (мигматит) жинсларнинг вужудга келиш жараёни. Гранитизация – тоғ жинсларининг кимёвий ва минерал таркиби ўзгариб гранит ларга айланиш жараёни ҳисобланади . У льтраметаморфиз мда асосан мигматит лар, гранит лар ва гнейс - гранит лар пайдо бўлади . Автометаморфизм. Магматик тоғ жинсларидаги ҳ ароратнинг пасайиши натижасида улардаги учувчи ва тез ҳаракатланувчи компонентлар ҳамда гидротермал суюқликлар таъсирида ўзгариш жараёнига автометаморфизм дейилади. Динамометаморфизм ер ёриқлари зонасида юқори ҳарорат шароитида йўналган босим (стресс) остида вужудга келади ва тоғ жинсларининг қайта кристалланмасдан туриб бурдаланиши ва талқонга айланишидан иборат бўлади. Д инамометаморфизм маҳсулотларининг бурдаланиш даражаси бўйича тектони к брекчи ялар , катаклазит лар ва милонит лар ажратилади . Термал метаморфизм. Магма литосферанинг юқори қатламларига кўтарилишида чўкинди ва бошқа жинсларни ёриб чиқиб, атрофдаги тоғ жинсларини ўзининг юқори ҳарорати билан қизитади, бир қисмини эритади ва улар билан кимёвий реакцияга киришиб, ўзгартиради. Бу жараён термал метаморфизм дейилади Термал метаморфизмнинг муҳим хилларидан бири контакт метаморфизм ҳисобланади. Бу ҳодиса интрузивга ёндош жинслар билан вужудга келгани учун контакт метаморфизми деб юритилади. Контакт метаморфизм ўз навбатида иккига: контакт метаморфизмга ва метасоматик метаморфизмга бўлинади. Контакт метморфизимида магма сув ва карбонат кислотаси билан бирга бошқа элементларни бериб ёки қабул қилиб, атрофдаги жинсларнинг кимёвий таркибини ўзгартиради. Бу жараёнда скарнлар, маъданли, метасоматик жинслар пайдо бўлади. Термал метаморфизмнинг минтақавий метаморфизмдан фарқи босимнинг кучсизлиги ва магманинг ёндош

жинсларга қисқа вақт таъсир этишидир. Шунинг учун ўзгарган тоғ жинсларининг зонаси унча кенг бўлмай, у фақат икки жинс контакти бўйлаб ривожланади. Контакт метаморфизми натижасида магма ёнидаги чўкинди жинслар қайта кристалланади, баъзан ҳатто кимёвий таркиби ўзгариб кетади. Масалан, контактга яқин жойдаги оҳактош қатлами кристалланиб мармарга айланади. Гил ва қумтошли жинслар роговик ва кристалли жинсларга айланади. Магма массасидан узоқлашган сари, чўкинди жинслардаги метаморфизм жараёнининг интенсивлиги ва таъсир даражаси камайиб боради. Бундай жинсларни ер юзига чиқиб қолган ва емирилган жойларда учратиш мумкин. Масалан, Ўзбекистоннинг ғарбидаги Қоратепа ва Зирабулоқ тоғларидаги гранит интрузиви контактидаги жинслар бунга жуда яхши мисол бўлаолади. Контакт метаморфизмининг минерал таркиби интрузив тана контактидан узоқда ҳосил бўлувчи паст ҳароратли гидрооксидли мажмуадан интрузия яқинида юқори ҳароратли мажмуагача ўзгаради. Контакт-термал метаморфизм турлари бирламчи жинсларнинг моддий таркиби ва жараён кечган шароитларга боғлиқ бўлади. Бунда мусковит - роговик ли , амфибол - роговик ли ва пироксен - роговик ли мажмуалар ажратилади . Метасоматик метаморфизм (метасоматоз) – бу тоғ жинсларининг кимёвий ва минерал таркиби ўзгаришига олиб келувчи бир элементларнинг чиқиб кетиши, бошқаларининг эса кириб келиши жараёнидир . М етасоматоз жараёнид а минералларнинг эриши ва бир-бирининг ўрнини эгаллаши тоғ жинсларининг қаттиқ ҳолатида ҳажми деярли ўзгармасдан туриб биргаликда кечади . М етасоматоз да бош агент бўлиб кўпинча магмати к ва пост магмати к фаолият билан генетик боғлиқ бўлган кимёвий фаол эритмалар ва газлар ҳисобланади . Уларнинг кириш йўллари тектони к бурдаланиш зон алари бўлиб , унда эритмаларнинг фаол циркуляцияси - фильтрацион миграция кечади ; бундан ташқари , тоғ жинсларининг метасомати к ўзгариши

гранулалар орасидаги бўшлиқларга эритмаларнинг диффузи яси боғлиқ бўлиши мумкин . Тоғ жинсларининг ўзгариш фаоллиги ва характер и метаморфиз мга олиб келувчи эритмаларнинг кимёвий таркиби ( ишқорли, кислотали, асосли ), уларнинг концентраци яс и, ҳарорати , умумий босими ҳамда метаморфизмга учраётган тоғ жинсларининг таркиби ва структур асига боғлиқ бўлади . М етасомати к жараёнларнинг маҳсулотлари метасоматит лар дейилади ва ўзига хос минерал таркиби, структураси ва текстураси билан фарқ қилади . Улар учун қуйидагилар характер ли : - бирламчи шакли сақланиб қолган ҳолда бир минералнинг иккинчиси билан ўрин алмашиниши натижаси ҳисобланувчи псев доморфоз анинг ривожланиши ; - марказий қисмида мономинерал ва минераллар сони кам бўлган жинслар шаклланувчи метасомати к таналарнинг зонал тузилиши ; - турли ўлчамли йирик кристалли структур а ва доғли текстуранинг ривожланиши . М етаморфизм нинг бундай турида шаклланувчи амалий томондан муҳим ҳисобланган ва энг кенг тарқалган тоғ жинслари бўлиб скарн лар , грейзен лар , иккиламчи кварцит лар , пропилит лар , березит лар ва лиственит лар саналади . Бу метасоматит ларда нодир элементларнинг концентрацияси кузатилади, улар полиметалл ар , қалай , вольфрам, молибден, олтин ва бошқа фойдали қазилмаларнинг муҳим қидирув белгилар бўлиб хизмат қилади . М етаморфизм жараёнлари билан кўпчилик фойдали қазилма конлари боғлиқ . Бунда, айниқса, минтақавий метаморфизм ва мета соматоз нинг аҳамияти катта бўлади . П рогрессив минтақавий метаморфизм шароитларида полиметалли, олтинмаъданли , уран ли ва б . конлар шаклланади . Бунда ме таморфизм нинг маъдан ҳосил қилувчи аҳамияти ёндош жинслардан маъданли элементларни йиғиб олиши ва уларни нисбатан кичик жойларда тўплаб саноат аҳамиятига эга бўлган конларни ҳосил қилишидир .

М етаморфизм жараёнида саноат аҳамиятига эга бўлган минераллар - тальк, асбест, графит ; қимматбаҳо тошлар - рубин, сапфир, гранат конлари ҳосил бўлади . М етаморфи к жинсларнинг ўзи ҳам кўпинча фойдали қазилмалар ҳисобланади. Мармарлар, темирли кварцитлар, глиноземли гнейслар, мисли қумтошлар ва б. шулар жумласидандир. Кўпчилик метасоматит лар маъдандор жинслар ҳисобланади . Масалан, скарн ларда темир , полиметалл маъданлар , молибден, вольфрам, м ис , кобальт, флогопит, вермикулит конлари ; грейзен ларда - топаз, турмалин, флюорит, қалай , вольфрам, молибден; иккиламчи кварцит ларда - олтингугурт , олтин-кумушли , сур а-маргимушли , м ис- колчедан ли маъданлар ; березит ва лиственит ларда олтин ва полиметалл маъдан конлари учрайди . Маъданли компонент лар гидротермал эритмалар ва флюид лар ёрдамида ташқаридан келтирилади ёки метасоматоз га учраган ёндош жинслардан ўзлаштирилади . М етасоматит ларда маъданли минерализация синхрон ёки устама тушган бўлиши мумкин . Маъдан чўкмага ўтишига асосий сабаб бўлиб эритмаларнинг нейтрализаци я жараёнлари ҳисобланади. Нейтрализация ҳароратнинг ўзгариши, ишқорли-кислотали шароитлар ёки ёндош жинслар билан ўзаро таъсири туфайли содир бўлади.

Адабиётлар : 1. Jo`liev. A . X ., Chiniqulov . X . Umumiy geologiya ( Oliy o ` quv yurtlarining geologiya fakulteti talabalari uchun darslik ). Тошкент, «Университет», 2005. 2. Общая геология: учебник. Под редакцией профессора А. К. Соколов ского. Т 1 . М.: КДУ, 2006. 3. Общая геология. Под редакцией А.К.Соколовского. Том 2. Пособие к лабораторным занятиям, М .: , 2006. 4. Историческая геология: учебник для студ. высш. учеб. за веде ний /Н.В.Короновский, В.Е.Хаин, Н.А.Ясаманов. — 2-е изд., пе рераб. и доп. — М. : Издательский центр «Акаде мия», 2006. 5. Долимов Т.Н., Троицкий В.И. Эволюцион геология. Т., 2007. 6. Исломов О.И., Шораҳмедов Ш.Ш. Умумий геология. Т., 1971. 7. Шораҳмедов Ш.Ш. Умумий ва тарихий геология. Тошкент, 1985. 8. Шораҳмедов Ш.Ш., Қодиров М.Ҳ. Умумий ва тарихий геоло гиядан лаборатория машғулотлари учун қўлланма. Т., 1988. 9. Хаин В.Е. Геология. М., 1993. 10. Қодиров М.Ҳ., Шораҳмедов Ш.Ш. Геологиядан амалий машғулотлар. Т., 1994. 11. Жўлиев А.Х., Соатов А., Юсупов Р. Геология асослари. Т . 2001. 12. Chiniqulov Kh. Litologiya (darslik). Toshkent, «Yangi asr avlodi», 2008.

O'xshashlar

Метаморфик тог жинслари

Тоғ жинслари

Тог жинслари хакида умумий маълумотлар

Ернинг хосил булиши ва тузилиши

Колчедан конлар