Тог жинслари хакида умумий маълумотлар - Geologiya - Referatlar

Тог жинслари хакида умумий маълумотлар

Yuklangan vaqt:

16.09.2022

Ko'chirishlar soni:

0

Hajmi:

193.5 KB

Ko'chirib olish

Тог жинслари хакида умумий маълумотлар Режа: 1. Тог жинслари тугрисида умумий тушунчалар ва уларни синфларга булиниши 2. Магматик тог жинслар 3. Чукинди тог жинслари 4. Метаморфик - узгарган тог жинслари

Тог жинслари тугрисида умумий тушунчалар ва уларни синфларга булиниши Минераллар одатда муайян бир шароитда минерал агрегатларини хосил килади. Минералларнинг бундай табиий бирикмалари тог жинслари деб аталади. Тог жинслари шу хосил булган мавжуд шароит учун доимий булган таркибга ва тузилишга эга булади. Тог жинсларининг асосий таркиби бир хил минералдан (мономинерал) ёки бир неча хил минераллардан (полиминерал) ташкил топиши мумкин. Тог жинслари минерал ва кимёвий таркибига, тузилишига (структурасига), ётиш ва хосил булиш (генезис) шароитларига караб синфларга булинади. Уларнинг минералогик ва кимёвий таркиблари маълум даражада узгариб туришлари мумкин. Агар тог жинси таркибида айрим минералларнинг микдори 10% дан ортик булса, бундай минералларни жинс хосил килувчи минераллар, 10% дан кам булса иккинчи даражали акцессор минераллар дейилади. Минераллар тог жинсларида бирламчи ва иккиламчи булиши мумкин. Бирламчи минераллар тог жинси билан бир вактда пайдо булади ва уларнинг таркибида деярли узгармаган холда сакланиб коладилар. Иккиламчи минераллар эса тог жинслари шаклланиб булганидан сунг содир буладиган геологик жараёнлар натижасида хосил буладилар. Тог жинсининг маълум бир тури учун бирламчи булган минераллар, бошкаси учун иккиламчи булиши мумкин. Масалан: каолинит (гилнинг минерали) гранитларда иккиламчи махсулот хисобланади, кимёвий чукиндиларда эса, бирламчи махсулотдир. Тог жинсларидаги кристалл доналарининг шакли хилма - хил булиб , асосан минералларнинг кристалланиш кобилиятига ва унинг ажралиб чикиши тартиби билан боглик . Тог жинсларининг минерал таркибини аниклаш, уларнинг таркибий кисмини урганишга имкон берса, тог жинслари кандай хосил булган деган саволга уларнинг структураси ва текстураларини урганиш жавоб беради.

Тог жинсининг структураси ( ички тузилиши ) тог жинслари таркибий кисмининг ( минерал булакларининг ) катталиги , шакли ва узаро муносабати билан боглик булган , тузилишининг узига хос белгиларини курсатади . Текстура тог жинсини ташкил килувчи минерал булакларининг фазода жойлашиши ва таксимланишини курсатувчи белгилар йигиндисини курсатади. Жинсларнинг ташки куринишида текстура катта масштабдаги тузилиш белгиларини-катламланганлигини, говаклилигини, яхлитлигини курсатади. Тог жинслари хосил булиш шароитига (генезис) караб шартли равишда учта синфга булинади. 1.Магматик ёки вулкан тог жинслари. Улар табиий силикат эритмаларининг (магма, лава) совуши ва котиши натижасида хосил булади. 2.Чукинди тог жинслари. Улар ер юзасида илгари мавжуд булган тог жинслари ва минералларнинг нураши, сунгра бу махсулотларнинг механик ва кимёвий йул билан ёткизилиши, хамда усимлик ва организмларнинг хаёт фаолияти ёки чириши натижасида хосил булади. 3.Метаморфик (узгарган) тог жинслари. Бу синфга мансуб тог жинслари катта чукурликларда юкори харорат, катта босим ва магматик учокдан ажралган газ ва буг махсулотларининг магматик, чукинди ва илгари метаморфизацияга учраган жинсларга таъсири натижасида хосил булади. Магматик тог жинслар Магматик ёки откинди тог жинслари магманинг совиб котиши ва кристалланишидан хосил булади. Магманинг каерда - ер пустининг ичкарисидами ёки юзасидами совуб котишига караб икки хил турдаги, интрузив (ер ичкарисида совуб котган жинслар) ва эффузив (окиб чикиб совиб котган) тог жинсларига булинади. Интрузив (откинди) тог жинслари юкори харорат ва босимли шароитда магманинг секин совушидан хосил булади. Бундай шароитда магмани ташкил килган заррачалари яхши кирраланган кристаллар ва кристалл зарралари куринишидаги баркарор

кимёвий бирикмалар хосил килишга улгурадилар. Бундай тог жинслари учун тулик кристалли структура характерлидир. Интрузив жинсларнинг типик намунасига гранитлар, гранодиоритлар, диоритлар ва бошкалар киради. Магма лава куринишида ер юзасига ёки океан, денгиз остига окиб чикиши билан узи хосил булган шароитдан кескин фарк киладиган кичик босим ва харорат шароитига дуч келади. Бундай шароитда, тез совиб котиш натижасида хосил булган эффузив жинслар тулик кристалланиб улгурмайди ва шунинг учун уларнинг таркибида турли микдорда вулкон шишаси мавжуд булади. Совуб котган, пуффаксимон лаваларда, ташки босимнинг кескин камайиши натижасида куп микдорда газсимон махсулотлар ажралиб чикади ва уларнинг урнида юмалок бушликлар - говаклар хосил булади. Бундай жинсларнинг тузилиши хеч качон тулик кристалли булмайди. Бу холни липарит, кварцли порфир, дацит, андезит тог жинсларида яккол куриш мумкин. Интрузив тог жинслари хосил булиш чукурлигига караб абиссал (катта чукурликларда хосил булган) ва гипабиссал (кичик чукурликларда хосил булган) турларга булинади. Гипабиссал жинслар хосил булиши жараёнида магманинг харорати абиссал жинслар хосил буладиган шароитга нисбатан, кичик босим хисобига тезрок пасаяди. Ташки киёфаси буйича гипабиссал жинслар эффузив ва интрузив жинслар оралигида жойлашади. Магматик жинсларни урганишда унинг структураси ва текстураси катта ахамиятга эга. Магматик тог жинсларининг структураси магманинг кристалланиш шароити, унинг таркиби ва учувчан, енгил бирикмаларнинг мавжудлиги билан боглик. Кристалланиш даражаси буйича, тулик кристалли-донали, тулик кристалли-микродонали, яримкристаллик ва шишасимон структураларга ажратилади. Тулик кристалли-донали структуралар катта чукурликда магманинг енгил учувчан компонентлар иштирокида секин совиб котишидан пайдо булади. Тулик кристалли-микродонали структуралар магманинг кичик

чукурликларда ва айрим холларда ер юзига окиб чикишидан, кристалланишидан хосил булади. Ярим кристалли ва шишасимон структуралар магманинг ер юзига окиб чикиб тез совиб котишидан хосил булади. Доналарнинг нисбий катталигига караб текис донали (доналар катталиги тенг) ва нотекис (доналар бир-бирига тенг эмас) донали структураларга ажратилади. Текис донали структурали жинсларда кристалл доналарининг катталиги нисбатан бир-хил катталикга эга булади. Бундай турдаги структуралар маълум кристаллизация шароити узок вакт сакланиб турганда хосил булади. Бу структуралар абиссал жинслар учун хосдир. Нотекис донали, структурага эга булган жинсларда доналарнинг катталиги хилма-хил булади. Бундай структураларнинг пайдо булиши кристалланиш содир булаётган физик-кимёвий шароитнинг кескин узгарганлиги тугрисида гувохлик беради ва тулик кристалли жинслар учун порфирсимон структурани, ярим кристалли ва шишасимон жинслар учун порфир структурасининг хосил булишига олиб келади. Порфирсимон структура учун, урта ва майда донали асосий масса таркибига нисбатан катта донали кристалларнинг таркалиши характерлидир. Бундай структуранинг пайдо булиши харорат режимининг кескин узгариши билан богликдир. Порфир структуралари магманинг ер юзасига окиб чикиши шароитида пайдо булади. Бунда яхши кристалланган, зич, шишасимон масса ичида яхши кристалланган айрим минерал доналари ёйилиб таркалган булади. Доналарнинг мутлак катталиклари буйича тулик кристалли структуралар, йирик донали (>5 мм), урта донали (1-5 мм) ва майда донали (< 1 мм) турларга булинади. Магматик тог жинсларининг текстураси кристаллизация шароитига ва хосил булган ёки булаётган жинсларга ташки омилларнинг таъсири билан боглик . Минералларнинг тог жинсларидаги жойлашишига караб яхлит ва говакли текстураларга ажратилади. Биринчи турдаги текстура интрузив

жинслар учун иккинчи турдаги текстура эффузив жинслар характерлидир. Зич (яхлит) текстурали жинсларда уларнинг таркибини ташкил килувчи, таркиби ва структураси буйича бир хил булган кисмлари, фазода бир текис маълум бир тартибсиз жойлашади. Улар интрузив ва эффузив жинсларда кенг таркалган. Говакли ва нотекис донали текстуралар учун, тог жинсларининг таркибий кисмлари нотекис жойлашган ва тог жинси булагида турли структурага ёки турли структура ва таркибга эга булган кисмлари кузатилади. Бу текстураларнинг куйидаги турлари булиши мумкин. Таксит текстураси-тог жинсларининг айрим кисмлари бир-бирларидан таркиби ёки структураси билан ёки хам таркиби хам структураси билан фарк килади; гнейссимон текстура-призмасимон ва тангачасимон минераллар бир- бирларига параллел жойлашадилар; флюидал текстура-турли минералларни жойлашиши окимни эслатиб бир томонга чузилиб жойлашган; говакли текстура-тог жинслари куп микдордаги бушликлар мавжудлиги билан характерланади. Магматик жинсларнинг кимёвий таркиби уларнинг кандай шароитда хосил булишидан катъий назар, магмада куйидаги оксидларнинг яъни SiO 2 , Al 2 O 3 , Fe 2 O 3 , FeO, MgO, TiO 2 , CaO, Na 2 O, К 2 О, Н 2 О нинг неча фоиз микдорда борлигига караб аникланади. Магма таркибида кремнийли ва алюминийли оксидлар куп булади. Агар магма таркибида SiO 2 куп булса, магма жуда ёпишкок ва куюк, кам булса суюк ва харакатчан булади. Магматик жинслар уз таркибидаги SiO 2 нинг микдорига караб куйидаги гурухларга булинади: 1. Нордон жинслар - 65-75% 2. Урта жинслар - 52-65% 3. Асосли жинслар - 40-52% 4. Ута асосли жинслар - 40% дан кам. Нордон жинсларда кремнийли кислотанинг микдори куп, рангли силикатларнинг микдори 3-12% ни ташкил килади, оч рангга эга. Таркибида кварц, ортоклаз, нордон плагиоклаз, биотит, шох алдамчиси ва озгина авгит

учрайди. Нордон жинсларга гранит, гранит-порфир, обсидиан, пемза, кварцли-порфир киради. Урта жинслар таркибида тук рангдаги минералларга ( шох алдамчиси , биотит , авгит ) нисбатан куп микдорда оч рангдаги минераллар учрайди . Бу эса урта жинсларга оч-кулранг ёки кулрангни беради. Очик рангдаги минераллар ортоклаз, микроклин, плагиоклазлардан иборат. Урта жинсларга сиенит, трахит, сиенит-порфир, диорит, андезит, порфиритлар киради (3- жадвал). Асосли жинслардаги жинс хосил килувчи минералларга пироксенлар (авгит), оливинлар ва плагиоклазлар (лабрадор) киради. Баъзида шох алдамчиси минерали хам учраши мумкин. Асосли жинсларда куп микдорда тук рангли минералларнинг мавжудлиги жинсларга тук рангни беради. Тук ранг мухитида плагиоклазларнинг кулранг-кора доналари ажралиб куриниб туради. Бу гурухдаги тог жинсларининг типик намунаси булиб габбро, базальт, диабаз жинслари хисобланади. Магматик тог жинслари ер пусти ва юзида турли шаклларда ётади (6- расм). Интрузив жинслар учун батолитлар, шток, факолит, лакколит, томирлар, ва эффузив жинслар учун ёпкич ва оким куринишидаги шакллар характерлидир. Чукинди тог жинслари Чукинди тог жинслари деб, литосферанинг физик ва кимёвий бузилишидан хосил булган махсулотлардан хамда кимёвий чукмалар ва организмларнинг фаолияти натижасида хосил булган геологик жисмларга айтилади. Чукинди жинс хосил килувчи чукмалар ер юзасида ва сув хавзаларида турли геологик жараёнлар натижасида пайдо булади. Бу жараёнлар уз мохияти жихатидан физик-механик, физик-кимёвий, кимёвий ва органик жараёнлардир хамда чукинди хосил булиш (чукиш) мухитининг физик- кимёвий шароити узгариши билан идора килиниб туради (эритманинг

таркиби ва концентрацияси, нордонлиги, ишкорийлиги, оксидланиши, тикланиш потенциали рН). Чукинди жинсларнинг хосил булиши ва узгариши жараёнлари катор боскичларни уз ичига олади . Биринчи боскичда чукинди жинс хосил булиши учун илк ( бирламчи ) махсулотлар тайёрланади . Бу махсулотларнинг асосий кисми нураш натижасида хосил булади ва бу боскични гипергенез дейилади. Иккинчи боскичда нураш натижасида хосил булган махсулотлар ташилади ва чукмага тушади (чукинди хосил булади). Бу боскични седиментогенез дейилади. Учинчи боскичда чукманинг кайта узгаришидан чукинди жинслар пайдо булади. Бу боскични-диагенез дейилади. Натижада чукинди жинслар хосил булади ва юкоридаги боскичларни эса литогенезнинг боскичлари дейилади. Чукмаларнинг хосил булиш шароити иклим, рельеф ва худуднинг тектоник режими билан белгиланади. Бу омиллар орасида иклим катта ахамиятга эгадир. Бу хол литогенезнинг турларини иклимга караб ажратишга асос булади. Литогенез нивал, гумид ва арид турларига булинади. Литогенезнинг нивал тури кутб минтакаларида таркалади ва физик нураш натижасида музлик ёткизикларининг турли-туман чакилган жинслари хосил булади. Литогенезнинг гумид тури муътадил иклим шароитида кенг таркалган. Бу минтакалар учун нурашнинг физик, кимёвий ва биологик турлари характерлидир. Натижада, чакилган (булакли), кумирли, гилли, темирли, марганецли, фосфатли, кремнийли карбонатли жинслар хосил булади. Литогенезнинг арид тури кургокчил иклимли минтакаларда кенг таркалади ва бу худудларга асосан физик нураш характерлидир. Натижада, чакилган (булакли) жинслар, доломитлар, сульфатлар, хлоридлар ва турли тузлар, хамда муътадил иклимли минтакалар учун характерли булган карбонатли, кремнийли, фосфатли жинслар хосил булади. Гипергенез боскичи. Бу боскичда Ер юзасидаги туб тог жинслари сув,

муз, харорат ва бошка физик, кимёвий ходисаларга хамда организмларнинг таъсирига учрайди ва бузилади (парчаланади), яъни нураш ходисаси руй беради. Хароратнинг кунлик узгариши ва минералларнинг турли иссиклик утказиш, ютиш кобилиятига эга эканлиги натижасида тог жинсларида майда дарзлар пайдо булади. Бу дарзларга сувнинг кириши уларни кенгайишига, чукурлашувига олиб келади. Натижада турли катталикдаги жинс ва минерал булаклари хосил булади. Сувларнинг минералларга таъсири: эриш, гидратация, гидролиз жараёнларига олиб келади. Сув буглари эса минералларни оксидланишига олиб келади. Натижада минераллар кимёвий жихатдан узгариб янги шароит учун баркарор булган янги минерал турларига айланади. Нурашнинг бу турлари билан бир каторда унинг органик тури хам ривожланади. Шундай килиб, ер юзасида узгарган, бузилган, парчаланган жинслар катлами, нураш кобиги хосил булади, яъни илк (бирламчи) махсулот хосил булади (тайёрланади). Седиментогенез боскичи. Нураш жараёнидан сунг ва у билан бир вактда хосил булган илк (бирламчи) махсулотлар ташилади ва ёткизилади-чукма хосил булади. Муътадил иклимли минтакаларда тайёрланган махсулотлар ёмгир сувлари , кор - музлик сувлари ва дарё сувлари билан ювилади , ва парчаланган жинс булакларининг катталигига , окимларнинг кучига караб узи хосил булган ерларидан турли масофаларда ёткизилади . Булардан ташкари денгиз ва кул хавзаларида дарёлар билан ташиб келтирилган эриган ва донали махсулотлар, окимлар ва тулкинланиш натижасида ташилади, сараланади ва турли ерларда ёткизилади. Дарё сувлари хавзаларга коллоид ва мукаммал эритмалар куринишида куп микдордаги моддаларни ташиб келтиради. Коллоидлар куринишида гилл минераллари, кремнезем, органик моддалар, темир бирикмалари, марганец, фосфор ва катор нодир (ванадий, хром, никел, кобальт) элементлари ташиб келтирилади. Хакикий эритмалар куринишида

барча енгил эрувчи тузлар: хлоридлар, сульфатлар, карбонатлар, ишкорий металлар купинча кремнезем, органик моддалар, темир бирикмалари, маргенец, фосфор ва бошка элементлар ташиб келтирилади. Коллоидларнинг куп кисми дарёнинг куйи окимида ва киргок олди кисмида айрим холда хавзанинг урта кисмида гилли махсулотлар билан бирга чукади. Хакикий эритмалардан карбонатлар фосфатлар, темир бирикмалари ва марганец чукади: хлорид ва сульфатлар эритмада коладилар. Одатда киргокдан хавзанинг урта кисмига караб кум ёткизиклари, алевритлар, улар эса гилли ёткизиклар билан алмашиниб боради. Кумлардан гилларга томон, темир, марганец ва алюминийнинг концентрацияси ортиб боради. Махсулотларнинг ташилиши ва чукмага ёткизилиши жараёнида организмларнинг механик ва кимёвий таъсири катта ахамиятга эга. Арид иклимли минтакада чукма хосил булиши ва ташилиши жараёни шамол ва кисман окар сувлар иштирокида содир булади. Шамоллар арид иклимли худудларда куп микдорда парчаланган жинс зарраларини майда чанг ( алеврит ) ларни кучиради . Ташилиш жараёнида парчаланган зарралар ер юзасида юмалатилади ва катталигига караб сараланади. Таркибида турли катталикдаги зарралар булган шамолнинг таъсирида коятошлар силликланади. Бу зарраларнинг ташилиши, тупланиши ёткизилиши натижасида кум тепалари-барханлар, денгиз ва дарё киргокларида дюналар хосил булади. Кургокчил иклимли минтакаларда атмосфера ёгинининг микдори жуда оз ва камдан - кам киска муддатли жала куринишида ёгади . Натижада тог ва баландлик этакларида парчаланган махсулотлар елпигич шаклига ухшаш ташилиш конуси хосил килиб ёйилиб ёткизилади. Ташилиш конуси ёткизиклари силликланмаган, деярлик сараланмаган тог жинси ва минераллар булакларидан иборат булади. Эриган моддаларнинг асосий кисми арид иклимли минтакаларга юкори баландликларда жойлашган муътадил иклимли минтакалардан дарёлар билан денгиз , океан сувларининг курфазларига ва лагуналарига ( култикларига )

окиб утиши натижасида ташиб келтирилади . Бу минтакаларда сувлар катта микдорда бугланади ва унинг таркибидаги тузлар чукмага тушиб кимёвий чукиндиларни хосил килади. Нивал иклимли минтакаларда чукманинг ташилиши асосан музликларнинг харакати билан , кисман огирлик кучи ва сувларнинг фаолияти билан боглик . Музликлар уз харакати давомида уз асосини бузади, дунгликларни текислайди, жинс булаклари билан уз тагини тирнайди (бузади, хайдайди) ва парчаланган жинс булакларини узок масофаларга ташийди. Музлик билан ташиладиган махсулотларнинг катталиги турлича булиб бир неча миллиметрдан йирик гула тош катталигигача булиши мумкин. Бу махсулотлар кисман кайта ишланади ва музликнинг эриши ва кайтиши натижасида мореналар куринишида ёткизилади. Морена жинслари деярли сараланмаган булади. Чукинди махсулотнинг ташилиши ва ёткизилиши давомида , чукиндилар катталиклари , солиштирма огирлиги , кимёвий таркиби ва ухшашлигига караб турли кисмларга булинади ( дифференциацияга учрайди ). Тоглик худудларда механик дифференциация натижасида аввал йирик булакли чукиндилар, сунгра кумлар ва кейин гиллар ёткизилади. Сув хавзаларида кимёвий дифференциация жараёнида сувдан туз бирикмалари сувда эрувчанлигига боглик равишда тартиб билан чукмага тушади. Диагенез боскичи. Чукмада содир буладиган узгаришлар диагенез деб аталади. Янги ёткизилган чукма сувга туйинган ва зичлиги кам булади. Чукма таркибида парчаланган жинс булакларидан чукмага тушган биокимё ва кимёвий компонентлардан ташкари, оз микдорда кислород, кремний, темир, марганец гидрооксидларнинг эритмалари, тирик бактериялар ва органик моддалар мавжуд булади. Демак чукма куп компонентли узгарувчан турли физик, кимевий ва органик узгаришларга

учраган тизимни ифода килади. Диагенез боскичи мобайнида чукма зичланади ва намлиги камаяди, коллоидлар пайдо булади ва эскиради (карийди), ил эритмаларидан янги минераллар хосил булади бир хил минераллар узгариб янгилари пайдо булади, чукмадаги моддалар аралашади ва иконцентрацияси узгаради. Диагенез натижасида чукмалар чукинди тог жинсларига айланади. Одатда (купинча) чукма каттик холатга утиши-цементланиши мумкин. Лекин цементланмаган холатда колиш холлари хам учрайди. Чунки жинслар хосил булиш шароитига кура чакилган (синик, булакли), гилли, хемоген ва органоген жинсларига булинади. Синф учун жинсларнинг таснифномасига асос килиб унинг структураси (доналарининг катталиги) цементнинг мавжудлиги ва минералогик таркиби олинган. Синик жинслар структурасига караб йирик булакли - псефитлар (>2 мм ), кумлар - псаммитлар (2-0,05 мм ), чангли - алевритлар (0,05-0,005 мм ) ва гилли - пелитларга (< 0,005 мм ) булинади . Йирик булакли жинслар - псефитларга турли буш синик ( йирик шагал , майда шагал , майда киррали тош ва цементланган ( конгломерат , брекчия ) нураш ) махсулотлари киради . Бу жинслар таркибидаги булаклар аксарият

турли-туман минераллардан ташкил топади. Йирик булакли жинслар турли таркибдаги цементлар билан (охакли, темирли, гилли) жипслашган булиши мумкин. Бу жинслар катлам-катлам булиб ётади. Кумли жинслар-псаммитлар. Бу гурухдаги жинсларга кумлар ва кумтошлар киради. Доналарнинг катталигига караб кумлар ва кумтошлар йирик донали (1,0-0,5 мм), уртача донали (0,5-0,25 мм) ва майда донали (0,25- 0,05 мм) жинсларга булинадилар (3-жадвал). Кумли жинслар таркибидаги доналарнинг катталиги ва шакли асосан хосил булиш шароити билан белгиланади. Денгиз киргоги минтакасида кумлар яхши силликланган ва сараланган, бир хил катталикдаги урта ва майда донали кумлардан ташкил топади. Шамол фаолиятидан хосил булган кумлар буларга якин булади. Дарё сувлари фаолиятидан хосил булган кумлар нисбатан кам силликланган ва сараланган, вактинча окар сувларнинг фаолиятидан хосил булган кумлар янада ёмонрок силликланган ва сараланган буладилар. Кумтошлар гил-карбонатли, кремний-гил-карбонат таркибли цементлар билан жипслашган булади. Жинсларни ташкил килувчи доналарнинг узаро жойлашишига ва цементнинг структурасига караб цементланишнинг бир неча тури ажратилади (расм). 1.Базал (асосий) цементи, яъни чукиндининг асосий кисми цемент таркибида таркок холда жойлашган. Мустахкам цементланиш. 2.Контакт цементи, факат доналарнинг бир-бирига тегиб турган ерлари цементланган. Цементланиш-мустахкам эмас. 3.Говак цементи, доналар оралигидаги бушликлар (говаклар) турли даражада цемент билан тулдирилган. а. Базал цементланиш; б. Контакт цементланиш;в. Говак цементланиш; 1.Цемент моддаси; 2.Жинс зарраси; 3.Тулдирилмаган говаклар.

3-расм. Чукинди тог жинсларининг цементланиш турлари Кумлар текстураси буйича кия ва диагонал катламли, тулкинсимон катламли ва горизонтал катламли булади. Чангли жинслар -алевролитларга турли буш, юмшок чангли жинслар (лёсслар-сог тупроклар, иллар) ва цементланган жинслар (алевролитлар) киради. Бу жинсларнинг минералогик таркиби-кварц, дала шпати, слюда ва глауконитлардан иборат. Таркибидаги цементи эса гилли, карбонатли, темирли ва кремнийли жисмлардан ташкил топади. Ташки куриниши ва ранги буйича чангли жинслар турли-туман булади ва одатда кумларга ухшайди. Структураси буйича жинслар йирик ва ута майда зарралардан ташкил топади, куп холларда микрокатламли булади. Текстураси буйича эса катлам- катлам ёки катламчиз булади. Ер кесимида катлам, катламча, линза куринишида турли калинликда (бир неча сантиметрдан бир неча метргача) етади. Улар денгизларда, кулларда, дарё водийларида, киялик ерларда (тог ёнбагирларида) кенг таркаладилар. Чангли (алеврит) жинсларнинг яккол мисоли булиб лёсслар (сарик тупроклар) ва алевролитлар (цементланган алевритлар) хизмат килади. Лёсслар саргиш-кулранг, кунгирсимон-кулрангли, таркиби 0,05-0,005 мм катталикдаги (60-95%) зарралардан ташкил топган жинслардир. Зарралар молекулалар орасидаги кучлар ва цементланиш хисобига богланиб турадилар, бармоклар орасида майдаланади, эзилади ва сувда осон ивийди. Лёсснинг пластиклик сони 3-5 га тенг. Лёсслар очилган ерларида тик, устунсимон булакланган деворлар хосил килади. Говаклиги 50% дан ортик. Таркибида асосан кварцлар, кисман дала шпатлари ва акцессор минераллари таркалган. Иккиламчи минераллардан кальцит ва гипснинг кристалл ва конкрециялари, гилл минералларидан оз микдорда гидрослюда ва

монтмориллонитлар учрайди. Лёсс жинслари сизот ва ер усти сувлари билан намланса ва уз огирлиги таъсирида катта микдорга ва нотекис чукади. 3- жадвал Кенг таркалган синик ва гилли жинсларнинг таснифномаси Структура Доналарнин г катталиги, мм Цементланган Цементланга нБуш, сочма . Силликланмага н Силликланга н . Йирик донали (псефитлар) >100 100-40 40-2 Киррали йирик тош Киррали урта тош Киррали майда тош Харсангтош Йирик шагал Майда шагал Брекчия ва конгломерат Брекчия ва конгломерат Урта донали(псаммитлар ) 2-0.05 Турли катталикдаги кумлар Кумтош Майда донали (алевритлар) 0.05-0.005 Кумок тупрок, сог тупрок, алеврит Алеврит Гиллар (пелитлар) <0.005 Гилли тупрок, гил, каолит Аргиллит Марказий Осиёда кенг таркалган лёсс жинсларини батафсил урганган олим, Узбекистон Фанлар Академиясининг академиги Г.О.Мавлоновнинг ишлари катта ахамиятга эгадир. Унинг "Урта Осиёнинг Марказий ва Жанубий кисмидаги лёсс ва лёссимон жинсларнинг генетик турлари" деган илмий

асарида лёсс жинслари кенг ва аник ёритиб берилган. Лёссларнинг асосий белгиларига куйидагилар киради: 1. Ранги саргиш ёки оч малла. 2. Серговак, говаклар оддий куз билан куриниши лозим. 3.Кальцийли ва магнийли карбонат тузларининг микдори таркибининг 5% дан ортикрогини ташкил килиши керак. 4.Аник катламланмаган, киркимда кум, гил, шагал катламчалари, линзалари булмаслиги керак. 5.Курук холатда тик устунсимон деворни хосил килиш кобилиятига эга. 6.Сув таъсирида уз огирлидан нотекис чукади. 7.Сув утказувчанлиги нисбатан катта. 8.Курук холатда намланса, тез ивийди ва парчаланади. 9.Таркибида сувда осон эрийдиган тузлар микдори куп ва бошка хусусиятларга эга булиши керак. Курсатиб утилган дастлабки 7 хусусиятдан бирортасига тог жинсининг хусусияти тугри келмаса, ундай жинсни лёссимон жинслар гурухига киритилади. Алевролитлар - массив, зич, тошкотган чангли жинсдир. Охакли, кремнийли ва бошка цементлар билан жипсланган булиб, котишма сув таъсиридан деярли ивимайди. Кумли-чангли-гилли аралаш жинсларга -кумок тупрок киради. Бу жинслар кум, чанг ва гил заррачаларидан ташкил топади ва таркибидаги гил зарраларнинг микдорий муносабатига ва пластиклигига караб номланади. Агар жинс таркибида гил заррасининг микдори 30% дан ортик булса гиллар, 30-10% булса-гилли тупроклар, 10-5% булса кумок тупрок дейилади ва 5% дан кичик булса алевритлар ёки кумлар дейилади. Аралаш жинсларнинг минерал таркибида кварц, дала шпати, слюда, гилли минераллар, иккиламчи минераллардан эса глауконит, циркон, турмалин, гранат, магнетит, гематит, аутигенлардан эса кальцит, гилли минераллардан гидрослюда, монтмориллонит, темир оксид ва гидрооксидлари, гипс минераллари таркалган булади.

Гилли жинслар. Гилли жинсларга турли гиллар, аргиллитлар ва бошка жинслар киради. Улар стратосферанинг ярмидан ортикрогини ташкил килади ва инсон фаолияти учун катта ахамиятга эга. Гиллар пластик хусусиятига эга. Гилли жинсларнинг таснифномаси уларнинг хусусиятига, хосил булиш шароитига ва минерал таркибига асосланади. Гилли жинслар икки гурухга булинади. Биринчи гурухга -гиллар-богланган жинслар-молекулалар орасидаги кучлар хисобига ва юпка зарраларининг узаро тортишиши хисобига жинс булагида ушланиб турадиган, говаклиги 50%, хатто 60% га етадиган жинслар киради. Иккинчи гурухга - аргиллитлар ва гилли сланецлар-тошкотган ва метаморфизацияга учраган, зич, говаклиги жуда оз булган, сувда ёмон ивийдиган ёки умуман ивимайдиган жинслар киради. Гиллар ва аргиллитлар хосил булишига караб донали кимёвий булиб- денгиз, култик, дельта, кул, дарё, флювиогляциал турларга булинади. Таркибида каолинит, гидрослюда, монтмориллонит минераллари кенг таркалган. Гилли жинсларнинг гранулометрик таркибида диаметри 0,005 мм дан кичик булган зарраларнинг микдори 30-50% дан кам булмайди. Одатда гилларда чанг ва кум зарралари оз микдорда учрайди. Гилларнинг майда зарраларга булинганлиги унинг минерал таркиби ва хосил булиш шароити билан белгиланади. Айникса денгизнинг чукур кисмида хосил булган монтмориллонит таркибли гиллар ва сув хавзаларидаги суспензиядан чукмага тушиб хосил булган каолинли гиллар жуда майда зарралардан ташкил топади. Таркибида кум зарралари микдори куп булган аллювиал ва делювиал гиллар ёмон сараланган булади. Гилли тог жинсларининг асосий таркибини каолинит гурухининг гилли минераллари, гидрослюдалар, монтмориллонитлар ташкил килади. Гилли минераллар билан бир каторда айрим гилларда хлоридлар, палигорскит гурухи минераллари, алюминийнинг оксидлари, гидрооксидлари хамда

глауконит ва опал минераллари гилларнинг асосий минерал таркибини хосил килади. Иккинчи даражали минераллар кварц, хальцедон, слюда, дала шпатларидан иборат. Иккиламчи минераллар куринишида кальцит, доломит, сидерит, гипс, пирит, марказит ва бошка минераллар учрайди. Гилли жинслар кимёвий таркиби буйича 20-50% глинозёмдан (алюминий оксиди), 3-5% ишкорлардан ташкил топади. Оз микдорда дала шпати, кварц ва слюдалардан иборат. Гилли жинслар асосан катлам текстурасига эга булиб, катлам, катламчи, линза куринишида турли калинликда ётади. Чукинди хосил булиш мухитига караб гилли жинслар, денгиз, лагуна, кул, музлик, делювиал, пролювиал, аллювиал, элювиал турларга булинади. Минерал таркибига кура гиллар каолинитли, гидрослюдали, монтмориллонитли ва куп минералли булади. Аргиллитлар цементланган ва зичланган катламли гилли тог жинсларидир. Одатда бу жинслар сувда ивимайди ва пластик эмас. Аргиллитларнинг говаклиги 10-12% дан 1-2% гача узгаради. Таркибида гидрослюдалар хамда кварц, опал, хальцедон, темир оксиди ва катор акцессор минераллар учрайди. Гилли сланецлар-зич, мустахкам сувда ивимайдиган, жуда оз говакликка (1-2%) эга булган, сланецларга ухшаш гилли жинсдир. Асосан тук рангларда учрайди. Куч таъсирида юпка калинлиги бир неча миллиметрли варака куринишида синиб ажралади. Сланецларнинг тук ранги таркибидаги органик кумир ва битум моддасининг борлиги билан боглик. Гилли сланецлар гидрослюдали ва куп минералли жинс хисобланади. Иккиламчи минераллардан серицит, хлорит, иккиламчи кварц ва карбонатлар учрайди. Карбонатли жинслар. Карбонат таркибли жинсларга турли охактошлар, бур, охакли туф, доломитлар киради. Улар катта калинликдаги катламлар

(бир-неча минг метргача), линзалар, конкрециялар куринишида кальцит ёки охакли организм скелетларидан ташкил топади. Карбонат жинсларидаги жинс хосил килувчи минералларга кальцит, доломит, кисман арагонит, онкерит, темир-магнийли карбонатлар киради. Аралаш таркибли жинсларда эса ангидрит, гипс, опал, хальцедон, кварц учрайди. Гилли минераллардан гидрослюда ва монтмориллонит (мергел) учрайди. Карбонат жинслар кимёвий ва органик булиши мумкин. Тузлар ёки тузли жинслар. Тузли жинсларга кимёвий йул билан хосил булган хлоридлар, сульфатлар синфига мансуб булган минераллардан ташкил топган ёткизиклар киради. Улар катламлар, катламчалар, линзалар куринишида ер кесимида учрайди. Бу жинслар лагуналарда, кулларда хам континентларда хосил булиши мумкин. Тузли жинсларнинг асосий минераллари-ангидрит, гипс, галит, сильвин, карналлит ва бошка минераллар хисобланади. Иккиламчи минералларга сода, магнезит, доломит, бурнинг минераллари, темир оксиди ва гидрооксиди, темир сульфидлари, органик моддалар киради. Бу гурухдаги жинсларга ангидрит, гипс, галит минераллари киради ва улар иссик-курук иклим шароитида тузларнинг чукмага тушиши натижасида хосил булади. Каустобиолитларга торф, сапропел, ёнувчи сланецлар, кумир, нефт, битум ва ёнувчи газлар киради. Улар организм ва усимликларнинг фаолиятлари натижасида хосил булган. Барча чукинди жинслар ер пустининг кесимида катлам-катлам булиб турли минералогик, гранулометрик таркибда, рангларда, тузилишда ётадилар. Агар чукмаларнинг ёткизилиши ва шаклланиши тинч (окмайдиган сувларда) ёки секин окар сувларда руй берса жинс катламлари горизонтал холатда, бошка шароитларда кия ёки тулкинсимон катламланиб ётади. Катламнинг остки чегара юзасини унинг таги, юкори чегарага юзасини эса томи дейилади.

Катламнинг калинлиги бу чегара юзалар орасидаги энг киска масофани курсатади (4-расм). Унинг калинлиги бир миллиметрдан бир неча юз метрларгача узгариб туради. Катлам калинлигининг кичик масофада кискариб бориши катлам сикиги дейилади. Агар катлам калинлиги кискариб бориши туфайли йуколиб кетса, бу ходиса катламларнинг тугалланиши дейилади. Катламнинг калинлиги икки йуналишда кискариб бориб йук булиб кетса, линза куринишда ётиш деб айтилади. 4-расм. Катламларнинг ётиш шакли Метаморфик - узгарган тог жинслари Метаморфик тог жинслари магматик ва чукинди тог жинсларининг юкори харорат, босим, кайнок эритмалар ва газли бирикмалар таъсирида чукур узгаришларга учраши натижасида вужудга келади. Бу таъсирлар натижасида тог жинсларининг минералогик таркиби, структураси ва текстураси узгаради. Масалан, аморф опал- кварцга, лимонит- гематитга, гематит эса магнетитга айланади. Тог жинсларида шу вактнинг узида кайта кристалланиш хам содир булади. Масалан, органик говакли охактош-мармартошга, кум-яхлит зич кристаллик-кварцитга, гиллар-турли сланецларга айланади. Барча-метаморфик жинслар тулик кристалли тузилишга эга ва бу тузилиш кайта кристалланиш жараёнида вужудга келади. Метаморфизм таъсирида уз

структурасини тулик узгартирган жинсларни кристаллобластик жинслар деб аталади. Метаморфик жинслар учун сланецсимон, лентасимон, яхлит, кузойнаксимон (хол-хол) текстуралар характерлидир. Сланецсимон текстура- минералларнинг параллел жойлашиши билан характерланади. Шунинг учун жинслар шу йуналиш буйича пластинкалар куринишида ажралади. Лентасимон текстура турли таркибдаги минералнинг тарам-тарам (йул-йул) булиб жойлашиши билан характерланади. Яхлит текстура минерал доналарининг бир текис зич жойлашганлигини курсатади. Кузойнаксимон текстура-майда донали асосий масса таркибида дала шпатининг юмалок ёки чузик булакларининг мавжудлигини курсатади (4- жадвал). Кайта хосил булиш жараёнида, кайси бир таъсир этувчи омил асосий харорат, босим ёки бошкалар булишига караб, метаморфизмнинг бир неча турлари ажратилади: 1.Контакт метаморфизм магманинг тог жинслари билан чегарасида минерализаторларнинг иштирокисиз содир булади. Агар тог жинсининг кайта хосил булиши, чегараларда, факат юкори харорат таъсирида содир булмай, сувда эриган ва учувчан минерализаторлар хам иштирок этса, бу метаморфизмни контакт метаморфизми дейилади. Масалан: роговик ва скарнлар шу йул билан хосил булади. 2.Гидротермал метаморфизм жараёнида тог жинсларининг кимёвий таркиби ва физик хоссаларининг узгариши, уларга кайнок эритмаларнинг таъсири билан боглик. 3.Регионал метаморфизм - катта майдонда ер пустининг бурмаланган кисмларида юкори босим, катта харорат, кайнок эритмалар ва газ бирикмаларининг таъсири натижасида содир булади. Натижада метаморфик жинсларнинг купгина турлари (филлит,кристаллик, слюдали, талькли сланецлар, гнейслар, кварцитлар, мармарлар) хосил булади. 4.Динамометаморфизм тектоник жараёнлар мобайнида, магманинг иштирокисиз, юкори босим таъсири остида вужудга келади. Метаморфизм

натижасида тог жинслари парчаланади ва минерал зарралари таркиби узгармасдан уз урнини узгартиради. Динамометаморфизм жараёни учун катаклазит, милонит минераллари характерлидир. Чукинди тог жинсларининг структураси ва текстура белгиларининг узгаришини айникса гилларнинг метаморфизацияси мисолида яккол куриш мумкин. Метаморфизмнинг дастлабки боскичларида гиллар таркибидаги сувини йукотади, зичланади ва аргиллитга айланади. Аргиллитнинг гилдан асосий фарки улар сувда ивимайди. 4- жадвал Метаморфик тог жинслари тугрисида асосий маълумотлар Бирламчи (илк) жинслар Метамор фик жисмлар Текстура Минерал таркиби Охактошлар Мармар Яхлит Кальций ва бошка минерал бирикмалари Гилли жинслар Аргиллитлар, гилли сланецлар Сланецсимон Гилли минераллар, кварц, серицит, хлорит ва бошкалар . Филлитлар Юпка катламли сланецлар Кварц, серицит ва бошкалар . Слюдали сланецлар -«- Слюда, кварц ва бошкалар . Графит-слюдали сланецлар -«- Графит, мусковит, биотит, кварц Чукинди жинслар Кумлар ва кумтошлар Кварцитлар, кварцитли сланецлар Яхлит Кварц, тог шпати, слюда ва бошкалар

. . Сланецсимон Кварц, гилли бирикмалар Гилли ва кумли жинслар Гнейс Йул-йул кузойнаксимон Кварц, тог шпатлари, слюда, дала алдамчиси Магматик жинслар Нордон, урта ва кисман асосли жинслар Гнейс Йул-йул кузойнаксимон Кварц, дала шпатлари, слюда, дала алдамчиси Асосли ва ута асосли жинслар Хлоритли, талькли, змеевикли сланецлар ва бошкалар Сланецсимон Хлорит ва унинг аралашмалари, тальк ва унинг аралашмалари, серпентинит, хромит, магнетит ва бошкалар Аргиллитдан нураш натижасида уткир киррали тошлар хосил булади. Гилли сланецлар, гиллар метаморфизациясининг кейинги боскичини акс эттиради, тог жинсининг бирламчи минерал таркиби узгармайди, лекин текстураси узгариб сланецсимон текстурага айланади. Метаморфизация янада кучлирок намоён булса, гилли сланецлар филлитга айланади. Филлитлар юпка катламлилиги ва шойига ухшаб товланиши билан бошка жинслардан фарк килади. Филлитларнинг ялтираши сланецланган юзанинг серицит (слюдалар) минерали пластинкалари билан копланганлиги билан боглик. Гилли минералларнинг филлитлар таркибида булмаслиги уларнинг характерли белгиларидан биридир. Метаморфизм даражаси янада юкори булса слюдали сланецлар хосил булади. Слюдали сланецлар метаморфик тог жинсларининг хилма-хил минерал таркибли катта гурухини ташкил килади, чунки улар факат гиллардангина хосил булмай, гилли кумлардан, охактошлардан ва бошка жинслардан хам хосил булади.

Кенг таркалган метаморфик жинсларга кварцит, мармар, гнейс ва турли сланецлар киради. Кварцитлар - кварц куми ва кумтошларидан хосил булади. Уларнинг зичланиши ва кайта кристалланиши куйма (яхлит) бир минералли жинснинг пайдо булишига олиб келади. Мармарлар охактошларнинг юкори хароратда узгариши натижасида хосил булади. Таркиби буйича мармарлар бир минералли жинс булиб, кальцитнинг зарраларидан ташкил топади. Айрим мармарларда озгина микдорда кварц, амфибол, пироксен ва дала шпатининг аралашмалари булиши мумкин. Гнейслар хосил булиши учун чукинди ва магматик жинслар бирламчи махсулот булиб хизмат килади. Чукинди жинслар учун метаморфизациянинг энг юкори даражаси парагнейс жинси, магматик жинслар учун-ортогнейс жинси хисобланади. Парагнейслар кумтошларнинг метаморфизациясидан, ортогнейслар- гранитларнинг метаморфизациясидан хосил булади.

А Д А Б И Ё Т Л А Р 1. Бетехтин А.В. Минералогия курси. -Т.: "Укитувчи" нашриёти, 1969. 2. Бочевер Ф.М., Гармонов И.В., Лебедев А.Б., Шестаков В.М. Основы гидрогеологических расчетов. -М.: Издательство "Недра", 1969. 3. Гольдберг В.М., Газда С. Гидрогеологические основы охраны подземных вод от загрязнения. -М.: "Недра", 1984. 262 с. 4. Живаго Н.В.,Пиатровский В.В. Геоморфология с основами геологии. -М.: "Недра", 1974. 5. Иванова М.Ф. Общая геология. -М.: "Высшая школа", 1974. 6.Инженерно-геологические исследования при проектировании и строительстве гидроэнергетических сооружений.- М.:-Л.: Госэнергоиздат, 1954. 7. Кац Д.М. Контроль режима грунтовых вод на орошаемых землях. -М.: "Колос", 1967. 8. Кац Д.М. Основы геологии и гидрогеологии. -М.: "Колос", 1981. 9. www . ziyonet . uz 10. www.Nnur.uz

O'xshashlar

Тог жинслари

Метаморфик тог жинслари

Гидрогеология фани хакида умумий маълумотлар

Минераллар хакида асосий маълумотлар

Минераллар ва тоғ жинслари ҳақида асосий маълумотлар