Respublika viloyatlari joylarining toponomikasi - Geografiya - Referatlar

Respublika viloyatlari joylarining toponomikasi

Yuklangan vaqt:

12.01.2024

Ko'chirishlar soni:

0

Hajmi:

22.84375 KB

Ko'chirib olish

Respublika viloyatlari joylarining toponomikasi Reja: 1. Toponimika tushunchasi va uning maqsadi. Geografik joy nomlarini o’rganishda toponimikaning o’rni. 2.O’zbekiston toponimikasiga oid atamalarning yozma manbalarda qayd etilishi. O’zbekistonda toponimik tadqiqotlar tarixi.

1. Toponimika tushunchasi va uning maqsadi. Geografik joy nomlarini o’rganishda toponimikaning o’rni. 1917 yilga qadar toponimika mustaqil fan sifatida o’rganilmay, uning vazifasini tarixiy geografiya fani bajarib kelardi. Toponimika geografik nomlar, kishi ismlarini o’rganadigan fan sifatida maydonga keldi. Toponimikani «zamin tili», ya’ni yer tili deb atashadi. Toponimika atamsi lotin tilidan olingan bo’lib, «topos» - joy, «onom» - nom, umuman joy nomini o’rganadigan fan degan ma’noni bildiradi. Geografiy nomlar va zamin qarida o’rganilayotgan nomlar insonlarga qo’yiladigan ismlar toponimikaning manbai hisoblanadi. Toponimika ikki ob’yektdan: mikro va makro toponimlaridan iborat bo’lib, makrotoponimika - grammatik jihatda mayda ob’yektlarni - turdosh otlarni, mikrotoponimika esa atoqli otlar, ya’ni yirik ob’yektlarning nomlarini tadbiq qiladi. Joy nomlari insoniyat tarixi va taqdirida alohida o’ringa ega. Ularsiz kishilar qayerga borishini ham, qanday borishini ham, qayerdan qanday kelishini ham bilmasdilar. Shuning uchun qadimgi joy nomlariga maxsus, alohida to’xtalish hollari bo’lmasa hamki yozilgan ilmiy-amaliy qiymatga ega bo’lgan asarlarda u yoki bu darajada to’xtalganligini tarixiy va geografik asarlardan bilishimiz mumkin. Atrofimizdagi turli-tuman joylarni ularga berilgan nomlar asosidagina tushunamiz, anglaymiz va eslab qolamiz, chunki toponimlar (joy nomlari) o’ziga xos tarix, o’ziga xos xotira hamda o’ziga xos madaniy-ma’naviy yodgorliklardan biri sanaladi. Shuning uchun ham joy nomlari davlat ahamiyatiga molik masala ekanligi qator rasmiy hujjatlarda qayd qilingan. O’zbekiston toponimikasi fani asrimizning 30-yillaridan boshlab rivojlangan. Uning rivojlanishiga toponimist olim H. Hasanovning xizmatlari katta. Vatanimiz joy nomlariga oid toponimik ma’lumotlar esa tarixiy ilmiy kitoblardan qadim-qadimdan beri naql qilinib kelmoqda. Shu sababli joy nomlari bo’yicha olib borilayotgan ilmiy tadqiqot ishlarida ancha qadimiy bo’lgan qo’lyozma manbalardagi materiallar ham e’tiborga olinmoqda. Bu holni

hozirgi vaqtda amalga oshirilayotgan ilmay tadqiqot ishlarida aniq ko’rish mumkin. O’zbekiston toponimikasi fani Ona Vatanimiz hududidagi joy nomlarini yig’ish, to’plash, ma’lum bir ilmiy-nazariy tizimga solish bilan birga, ularga har tomonlama izohlashga ham harakat qiladi. Mamlakatimiz hududida Toshkent shahar, Toshkent, Sirdaryo, Jizzax, Samarqand, Qashqadaryo, Surxondaryo, Buxoro, Xorazm, Navoiy, Namangan, Andijon, Farg’ona viloyatlari va Qoraqalpog’iston respublikasi joylashgan. Yuqorida sanab o’tilgan shahar, viloyatlar, respublikasiga ma’lumotlarni bu fan yig’ib to’plash jamlab beradi. Har bir hudud uchun toponimik qonuniyatlar takrorlanmas ko’rinishli holatga egaligini V. A.Juchkevich ham o’z monografiyasida alohida qayd qilib o’tganligini e’tiborga oladigan bo’lsak, har bir viloyat, har bir shahar, har bir voha, har bir tuman o’ziga xos toponimlar (majmui) jamiga - toponimiyasiga ega. Ularni o’rganish va ular to’g’risida maxsus maqola, monografiyalar va hatto, ilmiy tadqiqot ishlarini olib borish zarur. Chunki vaqt o’tishi bilan joy nomlari unutilib borishlari yohud ba’zi zamonasoz rahbarlarning sayi-harakatlari bilan zamonaviylashtirilishi ham mumkin. Mana bunday holatlarning oldini olish uchun esa joy nomlarini xoh u makrotoponim bo’lsin, xoh u mikrotoponim bo’lsin, farqi yo’q. Ularni har tomonlama tadqiq etish vaqti, payti keldi. Mamlakatimizdagi viloyatlar hamda Qoraqalpog’iston respublikasidagi tumanlarni birma-bir hisoblamasak, hali ham ko’p tumanlarimiz hududlaridagi joy nomlari o’rganilmagan. O’zbekiston toponimikasidagi bunday ketma- ketlikni tugatish vaqti keldi. O’zbekiston toponimikasida quyidagilar toponimik ob’yektlarga bo’linadi: 1) gidronimlar; 2) oykonimlar; 3) agroonimlar; 4) muqaddaslashtirilgan joy nomlari; 5) oronimlar; 6) drononimlar; 7) tarixiy yodgorliklarning nomlari; 8) paragonimlar (tashkilot, idora, muassasalarning nomlari); 9) g’orlarning hamda yerosti ko’llarning nomlari.

T. Nafasovning «Janubiy O’zbekiston toponimiyasining etnolingvistik analizi» (Toshkent, 1985, 84-bet) nomli monografiyasida mamlakatimiz janubidagi joy nomlari etnolingvistik jihatidan tahlili berilgan. Z. Do’simov «Xorazm toponimlari» (Toshkent, «Fan», 1985, 104-bet) deb nomlangan monografiyasida alohida voha hisoblangan Xorazm hududi joy nomlariga xos eng xarakterli xususiyatlar birma-bir bayon qilingan. N. Oxunovning «Til va joy nomlari» (Toshkent, «O’zbekiston», 1988), «Antrotoponimlar nima? » (Toshkent, «Fan», 1989) nomli kichik-kichik kitoblarida toponimikaga oid nazariy masalalar bo’lgan joy nomlari, antroponimlar va toponimlarning nomlanish xususiyatlari kabilari atroflicha yoritilgan. L.Karimovning «O’zbek tilida toponimlarning o’rganilishi» nomli monografiyasida joy nomlarini o’rganish metodlari, ularning lingvistik xususiyatlari, semaktik tasnifi, etimologik taxlili kabi ilmiy ahamiyat muammolar shimoliy o’zbek shevalaridagi toponimlar misolida bayon qilingan. S. Qorayevning «Toponomiya Uzbekistana» monografik tadqiqotida yurtimizdagi joy nomlariga oid bo’lgan xususiyatlarga e’tibor qaratilgan (bu monografiyalar adabiyotlar ro’yxatida to’liq berilgandir). O’zbekiston toponomikasining kelajagi yangi davri o’tmish va hozirdan boshlanadi. Chunki erta, albatta, bundan boshlanganligi kabi mamlakatimiz toponimlariga oid yangi-yangi ilmiy tadqiqot ishlariga zamin so’zsiz bugundan qo’yilgan bo’lishi darkor. Shuning uchun toponimlar tadqiqiga oid har bir tadqiqot ishlariga oldingilaridan farqlanadigan xususiyatga ega bo’lishi kerak. Shundagina bunday tadqiqotlar ilmiy ishlar sifatida ilmiy jamoatchilik tomonidan tan olinadi. Joy nomlari to’g’risida amalga oshirilgan ilmiy tadqiqotlarni ko’zdan kechirgan holda O’zbekiston toponomikasining kelajagi oldiga quyidagi eng muhim masalalarni qo’yish mumkin. 1. O’zbekiston Respublikasi joy nomlarining toponomik kartotekasini tuzishga tayyorgarlik ko’rish hamda uni tuzishni boshlab yuborish. 2. Ona Vatanimiz toponimlarini faqat izohlabgina qolmasdan, endi ularning etimologik taxlilini ham boshlash onlari keldi.

3. Mavjud tarixiy tadrijilikni buzmagan holda yangi shakllanayotgan joylarga ham qo’yishning ilmiy-nazariy prinsip hamda me’yorlarini ishlab chiqish va amalda qo’llash. Buxoro - qadimiy, tarixiy yodgorliklarga boy shahar. Narshahiy Buxoroning Numijkat, Bumiskat, Madikat us-sufriya, «Mis shahar», Madinat ut- tujjor, ya’ni «Savdogarlar shahri» degan nomlari borligini aytadi. Xalqda Buxoro-Bog’ora degan rivoyat ham bor. Buxoro so’zining etimologiyasi aniq emas. Buxoro - sanksritcha «vixara» so’zidan olingan bo’lib, «ibodatxona» ma’nosini bildiradi, degan fikr bor. Buxorodagi toponimlar izohi. Yangi bozor - Buxoro viloyati Buxoro rayonidagi qishloq. Bu nomni o’rganishda o’sha joyda yashab xizmat qilayotgan o’qituvchilarga, keksalarga va arxiv hujjatlariga murojaat qilinadi. Qishloqni nima uchun Yangi bozor deb atashgan? Bunga sabab, Yangi bozor qishlog’idagi bir oz naridagi qishloqda boshqa kichik bir bozor bo’lgan, bu bozordagi turli tomondan kishilar kelib savdo-sotiq qilganlar. Bozor kengayib borgan, eski bozor bilan birgalikda yangi bozor ham rivojlangan. Shundan boshlab qishloq Yangi bozor deb atala boshlagan. Sarikunda - Romiton rayonidan 15 km naridagi qishloq. Urganch cho’li etaklarida joylashgan. Keksalarning aytishlaricha, o’rta asrlarda qishloq nihoyatda obod bo’lgan. Maydoni keng, bog’-chorbog’i ko’p bo’lgan. Shu yerda kunda boshi, ya’ni suv boshi bo’lgani uchun ham qishloqning nomini shunday deb ataganlar. «Sari» - tojikcha, «kunda» - suv, suv taqsimlanadigan to’g’on boshi demakdir. Vaqt o’tishi bilan xususiy boylik uchun olib borilgan kurashlar natijasida qishloq harobaga aylangan. 1920 yilda qishloqda jami 6 xo’jalik istiqomat qilgan. Qishloq aholisining ko’pchiligi tojiklar. Keyingi yillarda qishloq tanib bo’lmas darajada o’zgardi. Dastlab 10 gektar maydonda omoch bilan dehqonchilik qilgan sarikundaliklar bugungi kunda 300 gektardan ortiq yerga ekin ekib, farovon hayot kechirmoqdalar.

Tarob - Buxoro viloyati hududida joylashgan. Tarixiy manbalarda Tarob qishlog’i Buxorodan ham oldin paydo bo’lgan deyiladi. Bu qishloq dastlab Narshahiyning «Buxoro tarixi»da tilga olingan. Bu qishloq ahli 1238 yilda mo’g’illarga, keyinroq esa mahalliy boylarga, ruhoniylarga qarshi ko’targan qo’zg’olonlari bilan mashhurdir. Tarob so’zining etimologiyasi ma’lum emas. Mahmud Torobiy ham shu qishloqdan chiqqan. Toqi sarrofon - Buxoro shahridagi bozor. Toq so’zi qadimiy me’morchilik atamalaridan biri bo’lib, «arkli bino» ma’nosini anglatadi. Buxoro xonligida usti yopilgan bozor toq deyilgan. Masalan, toqi telpakfurushon - telpak sotuvchilar, toqi saroffon ham shunday bozorlardan biridir. Sarrof - pul «maydalovchi» demakdir. O’rta asrlarda Buxoroning Kesh (Shahrisabz) darvozasi yaqinidagi bir mahalla Rasattoq (arabcha «ark boshi») deb atalgan. Bu mahalla qadimda ana shu yerda bo’lgan gumbazli bozor nomi bilan atalgan bo’lsa kerak deydi tarixchi O. I. Smernova. Shohrud - shahar arig’i, Buxoro shahrini suv bilan ta’minlaydigan ariq. Dastlab Rudi zar deb atalgan. Arab geograflari asarlarida «Nauri zar» shaklida qayd qilingan. Shayx Bonarziyning vaqf hujjatlarida «Rudi shao’ri Buxoro» deb atalgan. Keyingi asarlarida Shohrud bo’lib ketgan. Eronda ham Shohrud degan ariq bor. Peshku - Buxoro viloyati Fijduvon rayonidagi qishloq. Poza tojikcha - omochning uchiga kiydiriladigan cho’yak tish, pozagar omoch tishi quyuvchi usta degan ma’noni anglatadi. Qarshi Qashqadaryo viloyatining ma’muriy markazi. Qarshi O’zbekistonning eng ko’hna shaharlaridan biri. U grek - Baqtriya davlati davridan beri mavjud. Shahar XIV asrgacha Nahshab deb atalgan. Arablar bu mahalliy nomni buzib, Nasaf deb ishlatgan bo’lsa kerak. Hozirgi Qarshi XIV asrning birinchi yarmida Voqa o’rtasida Samarqand, Buxoro, Afg’oniston, Hindiston va Sharqdagi boshqa qo’shni mamlakatlardan keladigan yo’llar ustida ko’rilgan. Chig’atoy nasmidan bo’lgan Kepakjon Qashqadaryo vodiysiga o’xshagan eski Nahshabdan ikki farsax narida o’ziga saroy qurgan. Saroy

mug’ul tilida Qarshi deb ataladi. Qarshi «Shoh qal’asi» degan ma’noni ham anglatadi, deyishadi. Yakkabog’ - Qashqadaryo viloyati Yakkabog’ rayonidagi shu nomdagi aholisi yashaydigan joy nomi. Aytishlaricha, dastlabki vaqtlarda hozirgi Yakkabog’ rayoni o’rnida aholi kam bo’lgan. Bularning ham ko’pchiligi ko’chmanchi xalq bo’lib, chorvachilik bilan shug’ullangan. Yakkabog’ hududi ekin ekishga qulay bo’lgan. U Hisor tog’iga yaqin bo’lib, chashma va mayda soy suvlari Yakkabog’dan o’tadi. Suvning bu jihatdan qulayligi bog’-rog’ barpo etishiga olib kelgan. Bu joyda oldin yakka bog’ barpo qilingan. Yakkabog’ rayoni hududida bir necha qishloq mavjud. Bulardan biri Nug’alidir. Nug’aylilar haqida aytilgan ayrim gaplar hozir ham xalq o’rtasida mavjud. Ikkinchi qishloq - Qatag’on (quvilganlar), uchinchi qishloq Uchtepa. Surxondaryo - tojik tilidan olingan bo’lib, «surx» - qizil, ya’ni Qizil daryo demakdir. Surxondaryo bosh oladigan tog’ tizmalari, daralar, tog’ jinslarida qizil ranglar mavjud. Suv bu jinslarni o’zi bilan oqizib kelganligi sababli qizil tusli tuyuladi. Shuning uchun yerli xalq - qizil daryoni tojik tilida «Surxondaryo» deb atashgan. Sariosiyo - bunday deb atalishiga sabab, kishilarning aytishlariga qaraganda, bir vaqtlar shu yerda bir kishi tegirmon qurgan (o’rniga) va uning atrofiga kelib, uy-joy qurib o’rnasha boshlaganlar. Asta-sekin bu yer qishloqqa aylangan, aholisining ko’pchiligi tojiklardan iborat bo’lganligi sababli ular o’z qishloqlarini «tegirmon boshi», ya’ni tojikcha «Sariosiyo» deb atalganlar. Sariosiyo keyingi davrda o’sib rivojlandi. Qishloq shaharga - rayon markaziga aylanib qoldi. Hozir ham Sariosiyo rayon markazidir. Qarsagan - Sho’rchi rayonidagi qishloq nomi. Aslida Qarsakgan yoki Qarsaknon bo’lishi kerak. Mahalliy xalq tulkining bir turini Qarsak deb atashgan. Qadimgi tilda Mahmud Qoshg’ariyning «Devonu lug’otit turk» asarida qarsak tulkilar jinsidan bo’lgan bir hayvon uning o’siq terisidan po’stin qilinadi, deb aytilgan. Agar bu so’zni «Qarasagan» tarzida oladigan bo’lsak, «Qarsak» tulkiningn bir turi, «Gan» tojikcha ko’plik affiksidir.

Samarqand. Jom qishlog’i - Samarqand viloyatining Nurobod tumanidagi qishloqning nomi. Bu so’z fors tilidan olingan bo’lib, qadah metalldan yoki sopoldan yasalgan idish demakdir. Chunki qishloqning hamma tomoni tog’ bilan o’ralgan bo’lib, huddi jomga, ya’ni kosaga o’xshaydi. Jom deyildashining boisi ham ana shu o’xshashliklar kelib chiqqan. Hilboshi - Samarqand viloyati Xatirchi tumanidagi qishloq nomi «Xil» so’zining bir necha ma’nosi bor: nav, tur, zot va hokazo. Bu so’z avlod, toifa, urug’, irsiyat ma’nolarida ham qo’llaniladi. Masalan, qabristonda bir ajdoddan tarqalgan kishilar dafn qilinadi. Joy xilxona deyiladi. Tojik, fors, pushtu tillaridan xil so’zi xil shaklida talaffuz qilinadi. Xilboshi yoki xeylboshi ham bo’lishi mumkin. Chunki Nizomulmulkning «Siyosatnoma» asarida ham bu so’z Heylboshi sifatida yozilgan bo’lib, avlodning boshi, urug’ boshlig’i demakdir. Qishloq nomi shu so’zdan kelib chiqqan. Qoraguzar - Samarqand viloyatidagi dovon. Suvdan o’tiladigan joy - kichik, guzar deyiladi, tog’dan oshib o’tiladigan joy-dovon ham ba’zi joylarda guzar deb ataladi. Aniqrog’i tog’dan oshib o’tiladigan joy dovon deyiladi. Qorong’i joydan tog’ darasidan o’tilgan joyni Qoraguzar deb ataganlar. Farg’ona. Chuvalachi - Farg’ona viloyati Bog’dod rayonidagi qishloq. Toshkent shahridagi ko’cha nomi. Tojikcha «Katta qon» ma’nosidagi juvol so’zidan kelib chiqqan degan fikr bor. Qaqir - Andijon viloyati Xunsaobod rayonidagi hamda Farg’ona viloyati Quva rayonidagi qishloqlar nomi. Qaqir suv yetib bormaydigan, qahrab yotgan yer degan ma’noni bildiradi. Qo’sh ko’pir - rayoni Xorazm viloyatining yirik rayonlaridan biri. Hozirgi kunda rayonda 9ta qishloq bo’lib, bu qishloqlar nomlarining kelib chiqishi juda qiziq. Quyida biz bu haqda fikr yuritamiz. Kenagas - bu qishloq mahalliy xalq orasida Kanayas deb yuritiladi, chunki hududdan Kanayas arig’i oqib o’tadi. Qishloqning markaziy qismiga Karaman qal’asi deyishadi. Karaman Xorazmda o’suvchi ulkan daraxt. Qariyalarning

so’zlariga qaraganda, bu yerda Xiva xonligi davrida mudofaa vazifasini bajaruvchi kichik, o’ziga xos qal’acha bo’lgan. Kenagas degan qabila ham bo’lgan. Xadra - Qo’sh ko’pir tumanidagi ikkinchi qishloqning nomi. Xadra so’zining ma’nosi qal’a yoki shaharning cheti demakdir. Xadra qishlog’i Xiva qal’asining shimol tomonida joylashgani uchun ham Xadra nomini olgan bo’lishi mumkin. Do’rmon - Do’rmon, Do’rmoncha, Yuqori Do’rmon degan nomlar Toshkent vohasida juda ko’p uchraydi. Bu so’z mug’ul urug’laridan birining nomi bo’lib, ma’nosi mug’ul tilida «to’rt» demakdir. Bu so’zni ba’zi kishilarning, olimlarning afsonaviy qahramon Do’rmon Bahodir nomidan olingan deyishlari to’g’ri emasdir. Birchimulla - Toshkent viloyati, Bo’stonliq tumanidagi qishloq. Ba’zi birovlar Ko’ksuv bilan Chotqol suvlari qo’shilgan burchakda bir mulla o’tirgan ekan, shuning uchun ham Burchimulla, ya’ni mullaning burchi deb atalgan, deyishadi. Aslida bu nomning «mulla» so’ziga hech qanday aloqasi yo’q. Ikkala so’z - mulla, burch so’zlari ham minora degan ma’noni anglatadi. Iskandar - bu Chirchiqdan birinchi suv oluvchi kanalning nomi, 1889 yilda bu kanal o’rnida kichik bir «sart» arig’i bo’lgan. Bu ariqni podshoh Aleksandrning qarindoshi Konstantin Romanov qayta qurdirib, unga «Oq podsho» Aleksandr nomini qo’ydiradi. U joy obodonlashtirilib, aholi yashaydigan joyga aylantiriladi va yarim xalq odatiga ko’ra Aleksandrni Iskandar deb yurita boshlaydilar. Hozirgi kunga qadar ham shu nom bilan yuritilib kelinmoqda.

Foydalaniladigan adabiyotlar: 1. M.N. Muminova, M.A. Maksumova «Kasbiy etika va etiket», uslubiy qo’llanma, T.,2006. 2. I. A. Karimov «Istiqlol va ma’naviyat» T.,1994. 3. I. A. Karimov «O’zbekiston buyuk kelajak sari» T.,1998. 4. N. E. Muhammadiyev «Kasb etikasi va estetik madaniyati»- Toshkent,1998 y. 5. M. Abdullayev, E. Xakimov «Vvedeniye v etiku»-Namangan, 1998. 6. Abdulla SHer «Axloqshunoslik» Ma’ruzalar matni, Toshkent, 2000 7. V.G. Fedsov «Kultura servisa» Uchebno-prakticheskoye posobiye - M., «PRIOR», 2001. 8. A.A. Avloniy «Turkiy guliston yohud ahloq», T. 1992. 9. Y. Y. Petrunin, V.K. Borisov «Etika biznesa» M., «Delo»,2000. 10. S. S. Gulomov «Tadbirkorlik va kichik biznes» - T., «Shark», 2002.

O'xshashlar

Respublika oziq-ovqat sanoati rivojlanishining ayrim jihatlari

Chorvachilik va uning Respublika iqtisodiyotida tutgan o`rni

Respublika iqtisodiy islohatlarning ikkinchi bosqichida qishloq xo'jaligi ishlab chiqarishini rivojlantorishning asosiy tamoyillari

O`zbekistonda iqtisodiy va sotsial geografiya fanining rivojlanishi

Ishlab chiqarish kuchlarini hududiy tashkil etish shakllari