Ishlab chiqarish kuchlarini hududiy tashkil etish shakllari - Geografiya - Referatlar

Ishlab chiqarish kuchlarini hududiy tashkil etish shakllari

Yuklangan vaqt:

20.09.2019

Ko'chirishlar soni:

0

Hajmi:

87 KB

Ko'chirib olish

Ishlab chiqarish kuchlarini hududiy tashkil etish shakllari Reja: 1. O`zbekiston Respublikasi viloyatlari sanoatining tarmoqlar bo`yicha tarkibi. 2. Viloyatlarning iqtisodiy geografik rivojlanganlik darajasi. 3. Sanoat ishlab chiqarishining hududiy va davriy tashkil etish xususiyatlari.

Mintaqaviy iqtisodiyot uchun ishlab chiqarishni tashkil etishning har ikkala tomoni yoki shakli muhimdir. Chunki, ijtimoiy tashkil qilish va hududiy shakllarning negizida ishlab chiqarish samaradorligini oshirish, tejamkorlik va binobarin, iqtisodiy maqsadlar yotadi. Agar ijtimoiy tashkil etish shakllari , ishlab chiqarish korxonalarining ularda band bo`lgan ishchilar soniga k`ra katta- kichikligi, xodimlarning nima ishlab chiqarishga ixtisoslashuvi va hamkorligidao`z ifodasini topsa, hududiy shakllar iqtisodiy makon yoki landshaftda ishlab chiqarish tarmoqlarining qanday shaklda joylashuvi, mujassamlashuvi, korxonalarning o`zaro hududiy munosabatini anglatadi. Aynan shu nuqtai nazardan ijtimoiy mehnat taqsimoti va ishlab chiqarishni ijtimoiy tashkil qilish tarmoqlari, kasbiy va hunar tarkibi, ixtisosini keltirib chiqaradi. Hududiy mehnat taqsimoti va ishlab chiqarishni hududiy tashkil shakllari esa iqtisodiy rayonlar to`ri va tizimi, ular o`rtasidagi iqtisodiy integratsiya jarayonlari, hududiy tarkib va tizimni shakllantiradi. Viloyatlar iqtisodiy salohiyatini shakllanishi va yuksalishida eng avvalo sanoat ishlab chiqarishining o`rni salmoqlidir. Viloyatlardagi mavjud sanoat o`zining hududiy mujassamlashuvi va ixtisoslashuviga ko`ra bir-biridan farq qiladi. Biroq, bunday tafovutlar uncha kuchli emas. Viloyatlar sanoatining tarmoqlar bo`yicha tahlili shundan dalolat beradiki, barcha hududlarda ko`proq yengil va oziq-ovqat sanoatlari nisbatan yaxshi rivojlangan. Shu bilan birga ayrim viloyatlarda tog`-kon, kimyo, mashinasozlik va qurilish materiallari sanoati ham biroz taraqqiy etgan. Chunonchi rangli metallurgiya Navoiy, Toshkent va qisman Jizzax viloyatlarida, qora metallurgiya asosan Toshkent viloyatida, kimyo sanoati Toshkent, Navoiy va Farg`ona viloyatlarida mavjud. Mashinasozlik va metallni qayta ishlash sanoati Toshkent, Andijon va qisman Namangan hamda Samarqand viloyatlarida, qurilish materiallari sanoati Toshkent Farg`ona, Navoiy viloyatlarida rivojlangan. Yengil sanoat tarmoqlari mamlakatning deyarli barcha viloyatlariga mansub soha hisoblanadi. Ularning bunday tarqalishi asosan xom ashyo yetarli darajadagi ishchi kuchi va iste`mol omillari bilan izohlanadi. Ammo ushbu tarmoq o`zining

keng geografiyasiga qaramay u ko`proq Farg`ona vodiysi viloyatlari hamda Toshkent va Samarqand viloyatlarida yaxshi rivojlangan, so`nggi yillarda bu soha Qoraqalpog`iston respublikasi, Xorazm va Qashqadaryo viloyatlarida ham faol shakllanib kelmoqda. Shuningdek, oziq-ovqat sanoati ham mamlakatning barcha viloyatlarida mavjud. Bog`dorchilik, uzumchilik va sabzavot yetishtirish negizida va aholi talabining o`sib borishi ta`sirida ushbu sanoat tarmog`I ko`pgina viloyat va tumanlarda tashkil etilgan. Viloyatlarning iqtisodiy rivojlanganlik darajasi xo`jalik yoki sanoatning faqat bir sohasini mavjudligida emas, balki uning tarmoqlari bo`yicha tarqalishi va turlanishida, ularning mukammal majmua shaklida va mushtarakligida to`laroq o`z ifodasini topadi. Shu nuqtai nazardan qaraganda sanoat ishlab chiqarishi, avvalombor, eng avvalo Toshkent hamda Farg`ona viloyatlarida yaxshi rivojlangan. Chunonchi Toshkent viloyatida mashinasozlik, qora va rangli metallurgiya, kimyo, qurilish materiallari, yengil va oziq-ovqat sanoat korxonalari faoliyat kjo`rsatmoqda. Ayni paytda Qoraqalpog`iston Respublikasi, Xorazm va Sirdaryo viloyatlari sanoatining turlanish darajasi ancha past. Jadval ma`lumotlarining tahlili shundan dalolat beradiki, respublika sanoat ishlab chiqarishi hajmining asosiy qismi Toshkent shahri va Toshkent viloyati, Farg`ona, Qashqadaryo va Navoiy viloyatlariga to`g`ri keladi. Mazkur viloyatlar mamlakat ichki yalpi sanoat mahsulotini yaqin 70 foizini ta`minlaydi. Shu jumladan Toshkent viloyati 16,7 foiz, Toshkent shahri va Farg`ona viloyatining hissalari 15,6 foizga barobar. Navoiy va Qashqadaryo viloyatlarining har biriga esa mamlakat sanoat mahsulotining 1/10 qismidan ko`prog`i to`g`ri keladi. 3-jadval O`zbekiston Respublikasi sanoatining hududiy tarkibi va rivojlanganlik darajasi Viloyatlar Maydon i res. Nis. Foiz his. Aholisi ming kishi Sanoat mahsuloti Sanoatning mujassamlashuv darajasi Rivo jlang anlik daraFoiz Res. Maydoni Aholisig

his. Nis. ga nis. a nis. jasi Qoraqalpog`ist on respublikasi 26,9 1459,1 6,2 2,7 0,07 0,43 11 Andijon viloyati 0,9 2114,9 8,9 5,5 6,14 0,62 8 Buxoro viloyati 8,8 1380,8 5,8 4,3 4,89 0,74 7 Jizzax viloyati 4,6 923,3 3,9 1,5 0,33 0,38 13 Navoiy viloyati 24,8 768,1 3,2 10,3 0,41 3,22 1 Namangan viloyati 1,8 1858,0 7,8 4,3 2,39 0,55 9 Samarqand viloyati 3,7 2586,7 10,8 4,4 1,19 0,41 12 Sirdaryo viloyati 1,1 648,0 2,7 1,3 0,28 0,48 10 Surxondaryo viloyati 1,6 1666,4 6,9 2,6 2,36 0,38 14 Toshkent viloyati 3,5 2303,3 9,8 16,7 4,77 1,70 3 Farg`ona viloyati 1,6 2585,9 10,9 15,6 9,75 1,43 4 Qashqadaryo viloyati 6,3 2075,8 8,6 10,7 1,70 1,24 5 Xorazm viloyati 1,4 1276,5 5,3 4,5 3,21 0,85 6 Toshkent shahri 0,0 2125,5 9,2 15,6 - 1,70 2 O`zbekiston respublikasi 100,0 23772,3 100,0 100, 0 7,0 1,00 Toshkent shahri va viloyati sanoatining nisbatan yuksakligi avvalombor uning iqtisodiy –geografik o`rni, infrastruktura tizimining rivojlanganligi, yoqilg`I va turli mineral xom ashyo hamda yuqori malakali ishchilarning mavjudligiga bog`liq. Farg`na viloyatida ham bunday tabiiy va ijtimoiy-iqtisodiy shart – sharoitlar sanoat rivojlanishiga ancha qulaylik tug`diradi. Bu viloyatlardan farqli o`laroq, Navoiy va Qashqadaryo viloyatlarida sanoat, asosan, uning tog`-kon va

qazib olish tarmoqlariga tayanadi. Jumladan, Navoiy viloyatida rangli, nodir va qimmatbaho metallar zahiralari katta ahamiyatga ega. Qolaversa, hali bu viloyatning tabiiy boyliklari to`la o`rganilmagan. Hozirgi kunda viloyat markazida rangli metallurgiya , qurilish materiallari, elektroenergetika va ximiya sanoatining korxonalari faoliyat ko`rsatmoqda. Ayni paytda bu yerda respublikamiz uchun an`anaviy bo`lgan yengil va oziq-ovqat sanoatlari sust rivojlangan. Mamlakatimizning iqtisodiy mustaqilligini shakllanishi va bozor munosabatlariga o`tish davrida Qashqadaryo viloyatining o`rni beqiyos. Ayniqsa uning respublikaning yoqilg`i va don mustaqilligiga erishishida mavqei sezilarlidir. Hozirgi paytda Qashqadaryo viloyatiga O`zbekistonda qazib olinadigan neft va gazning asosiy qismi to`g`ri keladi. Shu bilan bu yerda so`nggi yillarda yengil sanoat jadal sur`atlar bilan rivojlanib kelmoqda. Ushbu viloyat kelajakda respublikada ishlab chiqiladigan oltingigurtning 100 foizi, tabiiy gazning 96 foizi va neftning taxminan 89-90 foizini ta`minlaydi. Sanoat salohiyatiga ko`ra keyingi o`rinlarni Andijon, Namangan, Samarqand, Buxoro va Xorazm viloyatlari egallaydi. Bu guruhda xususan, Andijon va Buxoro viloyatlari yaqin kelajakda o`z sanoat qudratini yanada oshirishning real imkoniyatlariga ega. Masalan, agar Andijon viloyatida (Asaka) Janubiy Koreyaning “DEU” firmasi bilan hamkorlikda qurilgan yengil mashinalar ishlab chiqaruvchi yirik va zamonaviy yirik sanoat korxonasi ishga tushirilgan bo`lsa, Buxoro viloyatining Qorovulbozor shahrida neftni qayta ishlash zavodi barpo etildi. Namangan, Samarqand va Xorazm viloyatlari sanoatining rivojlanishi esa ko`proq yengil va oziq-ovqat tarmoqlariga bog`liq bo`lib qolmoqda. Boshqa viloyatlarning respublika sanoat ishlab chiqarishidagi mavqei sezilarli darajada past. Biroq, sanoatning hududiy rivojlanganligi yalpi mahsulotning umumiy hajmi bilan emas, balki uning aholiga nisbatan solishtirma ko`rsatkichida o`z ifodasini topadi. Shunga muvofiq keltirilgan jadval ma`lumotlariga k`ora, mamlakatimizda birinchi o`rinda Navoiy viloyati, ikkinchi o`rinda Toshkent shahri va uchinchida poytaxt viloyati turadi. To`rtinchi va beshinchi o`rinlarni Farg`ona va Qashqadaryo viloyatlari egallaydi.

Navoiy viloyatida sanoatning mujassamlashuv darajasi respublika ko`rsatkichiga nisbatan 3,22, Toshkent shahri va Toshkent viloyatida esa u 1,70 ni tashkil etadi. Farg`ona va Qashqadaryo viloyatlarida ham mazkur raqamlar 1,00 dan yuqori. Ayni paytda Surxondaryo, Jizzax, Samarqand viloyatlari va Qoraqalpog`iston Respublikasida sanoatning mujassamlashuv darajasi ancha past. Iqtisodiy- geografik jihatdan sanoatning rivojlanganlik holatini viloyatlar hududiga nisbatan ham tahlil qilish mumkin. Bunday holda viloyatlar darajasida hududlarning sanoat sig`imi yoki ularning imkoniyatlaridan qay miqdorda foydalanganlik aniqlanadi. Shu bilan birga sanoatning hududga bo`lgan nisbati mazkur joyning ekologik vaziyatini ham belgilab beradi.Albatta, bunday sof iqtisodiy ko`rsatkich yer maydoni kichik bo`lgan viloyatlarda yuqori bo`lishi aniq. Masalan, Farg`ona viloyatida -9,75, Toshkent viloyatida-4,77, Andijonda-6,11, Buxoroda-4,89 va Xorazm viloyatida-3,21 ga barobar. Demak, bu viloyatlar hududi mamlakatning o`rtacha holatiga ko`ra 3-10 marta ko`proq sanoat ishlab chiqarish bilan to`ldirilgan. Tabiiyki, hududi bo`yicha katta bo`lgan Qoraqalpog`iston Respublikasi hamda Navoiy viloyatida bu ko`rsatkich ancha past.(0,07 va 0,41) Lekin o`xshash vaziyat maydoni uncha katta bo`lmagan Jizzax va Sirdayo viloyatlarida ham ko`zga tashlanadiki, bu mazkur rayonlarda sanoatning chindan ham sust rivojlanganligidan dalolat beradi. Shuni ta`kidlash joizki, sanoatning hududiy mujassamlashuv ko`rsatkichi yuqori bo`lgan viloyatlarning ba`zilarida ekologik holat uncha yaxshi emas. Bumga Andijon, Farg`ona va Toshkent viloyatlarini keltirish mumkin. Ammo ekologik vaziyatnifaqat viloyatlarning umumiy maydonidan kelib chiqqan holda baholash hamma vaqt ham to`g`ri bo`lavermaydi. Jumladan, Navoiy viloyatida shu nuqtai nazardan yondoshganda ekologik muvozanat ancha yaxshi ko`rinadi. Aslida esa ushbu viloyatning iqtisodiy jihatdan yaxshi o`zlashtirilgan janubiy voha qismida va xususan, Navoiy shahri va uning atroflarida ekologik holat ancha nosog`lom. Viloyatlarning sanoat salohiyati avvalombor ularda shakllangan sanoat tuguni yoki majmualarida va yirik markazlarda namoyon bo`ladi. O`rganishlar

shuni k`rsatadiki, nisbatan rivojlangan viloyatlarda sanoat ishlab chiqarishini hududiy tashkil etishning ana shunday mukammal shakllari mavjud. Chunonchi Toshkent viloyatida qator sanoat tugunlari, Chirchiq, Angren, Olmaliq kabi yirik va tipik industrial markazlari rivoj topgan. Ulardan keyingi o`rinlarda Bekobod, Yangiyo`l va Ohangaron turadi. Bunday o`rta va yirik shaharlar tufayli poytaxt viloyati respublika sanoatida yetakchilik qiladi. Sanoat korxonalarni ilmiy asosda joylashtirish g`oyalari dastlab shu toifadagi tarmoqlarni hududiy tashkil qilish bilan bog`liq. Bu g`oya nemis olimi Alfred Veber nomi bilan mashhurdir. U 1909 yilda sanoatni joylashtirish yoki “sanoat shtandorti” to`g`risida maxsus asar yozadi. Ungacha germaniyalik V. Launxardt ham 1882 yilda alohida sanoat korxonasini joylashtirishda xom ashyo va mahsulotni realizatsiya qilish omillariga e`tibor qaratgan. Bu olim transport xarajatlarini qisqartirishni muhim shart qilib olgan edi. A. Veber esa faqat transport chiqimlari emas, balki umumiy sarf-xarajatlarni kamaytirishni hisobga olgan. A. Veber sanoat korxonasi joylashuvining optimal nuqtasini uning iqtisodiy foydadan kelib chiqqan holda belgilaydi. Buning uchun u xom ashyo va yoqilg`i, ishchi kuchi va transport omillariga urg`u beradi. Keyinchalik xom ashyo va yoqilg`i xarajatlari ham transport omiliga kiritiladi va qolgan barcha shart- sharoitlarni alohida aglomeratsiya omillari bilan belgilanadi. Shunday qilib, bu olim fanga sanoat korxonasini joylashtirishning ko`p omilli tahliliga asos soladi va buning uchun u matematik usuldan keng foydalanadi. Hozirgi davrda yangi yuqori texnologiyalarning (“nau xau”) rivojlanishi natijasida global mashtabda sanoat tarmoqlari o`zlarining ekologik jihatdan tozaligi, bexatarligi, mehnattalabligiga ko`ra turli mamlakatlarda joylashmoqda. Chunonchi yuqori darajada taraqqiy etgan mamlakatlardan an`anaviy sanoat korxona va tarmoqlar- qurilish materiallari, mineral o`g`itlar ishlab chiqarish, mashinasozlikning ta`mirlash qismlari va hatto to`qimachilik ham asta- sekin rivojlanayotgan mamlakatlarga ko`chmoqda. Agar rayon va mamlakatlar xo`jaligi shu asosda industriyalashmoqda, yuqori bosqichdagi mamlakatlar esa

postindustriyaga qadam qo`ymoqda. Bu ikki qutb oralig`ida yangi industrial mamlakatlar qatlami vujudga kelib, ularning safi tobora oshib bormoqda. Milliy va mintaqaviy iqtisodiyotda sanoatni hududiy tashkil qilish shakllari yanada aniqroq ko`rinadi. Sanoatni rayonlashtirish yoki hududiy tashkil qilishning birlamchi elamenti sanoat korxonasidir . Aynan shu darajada ishlab chiqarishning ijtimoiy va hududiy tashkil etish shakli ya`ni mujassamlashuv birgalikda namoyon bo`ladi. “Pastdan” ikkinchi bosqich sanoat punkti hisoblanadi va u hech bo`lmaganda bir sanoat korxonasiga ega bo`lishi kerak. Agar sanoat ishlab chiqarishning hududiy mujassamlashuv darajasi yuqori bo`lsa, bir emas, bir necha sanoat punkti sanoat markaziga aylanadi. Mabodo bu markaz faqat birgina shahardan, aksariyat hollarda poytaxt yoki port shaharlardan tashkil topsa, unday shaharda milliy yoki mintaqaviy iqtisodiyotning hududiy tarkibi va tuzilmasi ham bir tomonlama bo`ladi. Sanoat punkti va markazlariga oid ham ilmiy ishlanmalar mavjud. Masalan, fransuz iqtisodchisi Fransua Perruning g`oyasi aynan o`sish nuqta, markaz va qutblariga bag`ishlangan. Odatda, bu g`oya iqtisodiy makon uncha shakllanmagan, katta ishlab chiqarish salohiyatiga ega bo`lgan hududlarda yaxshi samara beradi. Bunday hududga turli omillar vas hart-sharoitlar hisobga olingan, qulay iqtisodiy geografik o`ringa ega bo`lgan nuqtada-aholi punktida yirik sanoat korxonasi joylashtiriladi.Natijada o`sish markazi vujudga keladi. F. Perruning o`sish qutblari g`oyasi avstriyalik iqtisodchi, keyinchalik Garvard universitetining professori Yozef Shumpeterning 1911 yilda yozgan “iqtisodiy rivojlanish nazariyasi” kitobida bayon qilingan tadbirkorlik asoslari bilan hamohangdir. F. Perruning xizmati avvalombor shundaki, u ushbu g`oyani hudud jihatidan talqin qilgan va hududlarning ayni bir vaqtning o`zida bunday rivojlanish, mutloq tenglashtirish g`oyasidan voz kechgan. Respublikamizning mustaqillik yillarida barpo etilgan sanoat markazlari- Asaka, Qorovulbozor, kelajakda o`ziga xos o`sish qutblariga aylanishi mumkin.

Bunday qutblar mamlakat miqyosida yirik va o`rta shaharlar asosida ham shakllanib boradi. Navoiy, Zarafshon, Muborak, Jizzax, Qarshi, Qo`ng`irot va hk. Rivojlangan mamlakatlardagi fan-texnika yutuqlariga asoslangan sanoatni hududiy tashkil etish shakllaridan texnopolis, naukograd kabilar ham milliy va mintaqaviy iqtisodiyotni rivojlantirishda ahamiyatlidir. Ular ko`pincha universitet va ilmiy- tekshirish institutlari, fan infrastrukturasi muhayyo bo`lga joylarda barpo etiladi. Yaqin kelajakda o`ziga xos texnopolisni Ulug`bek shaharchasida vujudga kelish imkoniyati ko`zda tutilmoqda. Rivojlanayotgan mamlakatlarda sanoat parklari tashkil qilinmoqda. Buning uchun maxsus tanlab olingan joy infrastrukturasi tizimi bilan jihozlanadi, yo`l, yer osti va yer usti inshootlari, elektr energiyasi va suv manbalari bilan ta`minlanadi. Bunday joylar odatda chet el sarmoyalarini kirib kelishi, qulay investitsiya muhitini yaratish omillaridan eng muhimlaridir.

Adabiyotlar 1. I.A.Karimov “O`zbekiston XXI asrga intilmoqda” T., “O`zbekiston” 1999 y 2. I.A.Karimov “O`zbekiston XXI asr bo`sag`asida: xavfsizlikka tahdid, barqarorlik shartlari va taraqqiyot kafolatlari” –T., “O`zbekiston” 1997 y. 3. G.R.Asanov., M.Nabixonov., I.Safarov “O`zbekistonning iqtisodiy va ijtimoiy jo`g`rofiyasi” T 1994 y. 4. E.Nabiyev., A.Qayumov “O`zbekistonning iqtisodiy salohiyati” T 2000 y. 5. A.S.Soliyev., L.Qarshiboyeva “Iqtisodiy geografiyaning nazariy va amaliy masalalari” –T 1999 y. 6. A.S.Soliyev va boshqalar “Mintaqaviy iqtisodiyot” T., 2003 y. 7. N.To`qliyev “O`zbekiston Respublikasi iqtisodiyoti” –T 1998 y.

O'xshashlar

Ishlab chiqarishning ijtimoiy tashkil etish shakllari

Ishlab chiqarish kuchlarini joylashtirish qonuniyatlari, tamoyillari va omillar

Chorvachilikni hududiy tashkil etish va uning ixtisoslashuvi

Hududiy ishlab chiqarish haqidagi nazariyasi va iqtisodiy geografik rayonlashtirish

Sanoatda ishlab chiqarishning ijtimoiy tashkil etish muammolari