logo
  1. Bosh sahifa
  2. Referatlar
  3. Geografiya
  4. Qashqadaryo viloyati xo'jaligiga umumiy ta'rif

Qashqadaryo viloyati xo'jaligiga umumiy ta'rif

Yuklangan vaqt:

20.09.2019

Ko'chirishlar soni:

0

Hajmi:

45 KB
Ko'chirib olish
Qashqadaryo viloyati xo`jaligiga umumiy ta`rif Reja: 1.Viloyat iqtisodiyotining shakllanish xususiyatlari. 2.Viloyat xo`jaligining ixtisoslashgan tarmoqlari va ularni xududiy tashkil etish. 3.Ishlab chiqarishning ijtimoiy tashkil etish shakllari. Qashqadaryo viloyatining iqtisodiyoti rivojlanib borayotgan agrar-industrial yo`nalishga ega. Yaqin kelajakda uning industrial agrar xususiyatini oshishiga tegishli imkoniyatlar mavjud. Boshqa xududlarda bo`lganidek, bu yerda ham bozor islohotlariga katta e`tibor berilmoqda. Ammo viloyat sanoatini xususiylashtirish va davlat tasarrufidan chiqarish o`ziga xos xususiyatga ega. Sababi sanoatning asosan yoqilg`i-energetikaga ixtisoslashganligi sababli nodavlat sektori bu sohada 30 foizga yaqin, xolos. Viloyatda kichik va o`rta korxonalar, mikrofirmalar soni ko`payib bormoqda. Qo`shma korxonalarning umumiy soni 34, amaldagisi-25, sanoatdagisi esa 14. 2000 yilda barcha yo`nalishdagi qo`shma korxonalar ishlab chiqarilgan mahsulot 1,5 marta o`sgan. Qo`shma korxonalarning ko`pchiligi Qarshi, Muborak va Shahrisabzda joylashgan. Shu yilda chakana savdo 109,8, aholiga pullik xizmat ko`rsatish 136,9 va xalq iste`mol mollarini ishlab chiqarish 113,7 foizga o`sgan. Ayniqsa keyingi yillarda kapital mablag` sarflash, investitsiya hajmi ko`payib bormoqda. Bu esa kelajakda iqtisodiyotni yanada rivojlantirish uchun mustahkam zamin yasaydi. Shu o`rinda, eng avvalo, xorijiy mamlakatlar bilan birgalikda bunyod etilayotgan, sarflanadigan mablag` miqdori juda katta bo`lgan Sho`rtan majmuasini ko`rsatish lozimdir. Ushbu majmuaning ishga tushirilishi bilan viloyat va mintaqa iqtisodiyotida muhim burilish bo`ladi. Hozirgi paytda O`zbekistonning milliy iqtisodiyot tizimida Qashqadaryo viloyati qishloq xo`jalik mahsulotlari yetishtirish hamda yoqilg`i resurslarini qazib olish bo`yicha muhim o`rin tutadi. Bu sohalarni yanada rivojlantirish uchun katta imkoniyatlar mavjud. Qashqadaryo viloyati iqlimining ko`pgina xususiyatlari (issiqlik miqdorining kattaligi, vegetatsiya davrining uzoq davom etishi va b.sh.) bu yerda faqat ingichka tolali paxta, balki yuqori sifatli meva va uzum, subtropik va yong`oq mevali o`simliklar, lalmi, bug`doy va urug`lik uchun beda o`stirishga imkon beradi. Viloyat xududi yoqilg`i mineral-xom ashyo resurslarga boy bo`lib ular bu yerda gaz, kon-ma`dan, kon-kimyo va binokorlik materiallari ishlab chiqarish kabi sanoat tarmoqlarini rivojlantirish uchun negiz bo`la oladi. Shuningdek viloyat aholisini tez sur`atlar bilan ko`payib borayotganligi va azaldan sug`oriladigan zonada uning zichligi ayniqsa katta ekanligi sababli ishlab chiqarish kuchlarining yanada rivojlantirishni taqozo etadi. Qashqadaryo viloyatining ishlab chiqarish bo`yicha ixtisoslashuvi qishloq xo`jaligining qadimdan tashkil topgan tarmoqlari (paxtachilik, pillakashlik, qorako`lchilik, bog`dorchilik va uzumchilik) hamda gaz va kimyo sanoati paxta tozalash, o`simlik moyi, meva-konserva hamda yengil va oziq-ovqat mahsulotlari ishlab chiqarish bilan begilanadi. Viloyatda bu ixtisoslashgan tarmoqlarning rivojlanishi sanoatni xom ashyo manbalariga va tayyor mahsulotni iste`mol qiluvchi rayonlarga yaqinlashtirishga ko`maklashadi ishlab chiqaruvchi kuchlarni respublika ko`lamida oqilona joylashtirish talablariga javob beradi. 1920 yilda qadar Qashqadaryo Buxoro amirligining iqtisodiy va madaniy jihatdan qoloq qismlaridan biri edi. Aholi g`allachilik, paxtachilik, tokchilik, bog`dorchilik hamda chorvachilik bilan shug`ullangan. Hozirgi Qashqadaryo xududida oltita, ya`ni Qarshi, G`uzor, Chiroqchi, Yakkabog`, Kitob, Shahrisabz bekliklari mavjud bo`lib, ular Buxoro, Toshkent, Samarqand bozorlariga paxta, pilla, qorako`l teri, jun, quriq meva, chorva mollari chiqarishgan. Lekin o`sha davrda Qashqadaryoda qishloq xo`jaligi rivojlanishi imkoniyatlar darajasidan past edi. 1913 yil ma`lumotlari bo`yicha 317,6 ming ga maydonda dehqonchilik qilingan, shundan 2 ming gektar maydonda paxta ekilib, har gektardan o`rtacha 7,3 ts.dan hosil olingan, donli ekinlarning hosildorligi esa 5 ts.dan oshmagan. Sanoatda ham asosan kichik yarim kustar korxonalar asosiy ahamiyatga ega bo`lgan. 1916 yilda Shahrisabzda yagona paxta tozalash zavodi ishga tushirildi. Unda atigi 180 ishchi mehnat qilar edi. 1924 yilda Qashqadaryo viloyati tuzildi va mavjud eski ishlab chiqarish munosabatlari tugatilib, yangi ishlab chiqarish usullariga o`tildi. Qashqadaryo viloyatida urushgacha bo`lgan davrda sanoat tarmoqlarining rivojlantirishga ham katta e`tibor berildi. Jumladan, Shahrisabz shahrida konserva va vino zavodi, Qarshi shahrida “Uchqun” gilamdo`zlik fabrikasi hamda mehnat resurslaridan va ishlab chiqarish fondlaridan foydalanishning samaradorligini oshirishda mavjud sanoat korxonalarining smena koeffitsientini oshirish hamda qishloq xo`jalik xom ashyolarini qayta ishlovchi, qurilish materiallari korxonalari qurildi. Ayniqsa, 70-yillardan boshlab sanoat korxonalarini kengaytirish va yangidan barpo etish ishlari jadal bordi. Bu davrda G`uzor, Koson, Nishon, Kasbi, Qamashi, Chiroqchi tumanlarining markazlarida yirik paxta tozalash zavodlari bunyod etildi. Tabiiy gaz va neftni qazib chiqarish ko`paytirildi. Muborak shahrida mahalliy oltingugurt gazi zaminida yirik gazni qayta ishlovchi korxona, ko`plab qurilish materiallari ishlab chiqaradigan hamda meva, konserva, go`sht, sut, non ishlab chiqaradigan yirik korxonalar qad ko`tardi. Keyingi 20 yil ichida Qashqadaryo viloyatida yangi yerlarni o`zlashtirish va mineral-xom ashyolarning ishga tushirilishi munosabati bilan viloyatda shahar va shaharchalarda aholi soni ancha o`sdi. Bu esa qurilish sanoatini rivojlantirish, qishloq xo`jalik mahsulotlarini-qayta ishlovchi korxonalarni ko`paytirish, aholiga madaniy-maishiy xizmat ko`rsatuvchi korxonalarni yanada rivojlantirish imkonini berdi. Buning natijasida 1970-1990 yillar mobaynida sanoal yalpi mahsulotining o`sish darajasi Qashqadaryo viloyatida respublika o`rtacha ko`rsatkichiga nisbatan ancha yuqori, ya`ni 1970-1990 yillarda sanoat yalpi mahsuloti O`zbekiston bo`yicha 3,6 marta yuqori bo`lishiga olib keldi. Qashqadaryo viloyatida esa 5,2 marta o`sdi. Qashqadaryo viloyatida hozirgi vaqtda 100 ga yaqin katta va kichik sanoat korxonalari ishlamoqda. Bu korxonalar 1989 yilda 1 mlrd 440 mln so`mlik sanoat mahsulotlarini ishlab chiqardi. Viloyatda Qarshi neft-gaz qazib chiqarish boshqarmasi, Muborak gaz konlari boshqarmasi va gazni qayta ishlash zavodi, 12 paxta tozalash, o`simlik moyi oladigan, meva-konserva, vino ishlab chiqaradigan hamda oziq-ovqat, xalq iste`mol buyumlari ishlab chiqaradigan ko`plab korxonalar mavjud. Hozirgi paytda Qashqadaryo viloyati respublika miqyosida sanoat mahsulotlari ishlab chiqarish ko`rsatkichlariga ko`ra ancha orqada turadi. Viloyat respublikada ishlab chiqarilayotgan yalpi mahsulotning taxminan 5% ni beradi. Shu sababli viloyatni industrial viloyatlar qatoriga ko`tarish hamda mavjud yoqilg`i, mineral xom ashyolar, qishloq xo`jalik mahsulotlarini qayta ishlashni yanada rivojlantirish va mehnat resurslaridan to`la va oqilona foydalanish maqsadida 1986-1990 yillarda viloyat xo`jaligini rivojlantirish uchun 3,4 mlrd so`m kapital mablag` ajratildi. Bundan keyin ham qo`shma kichik korxonalarni qurish va mavjud korxonalarni kengaytirish hisobiga sanoat mahsulotlarini ishlab chiqarish ko`paytirila boriladi. Qishloq xo`jaligi viloyat iqtisodiyotining muhim tarmoqlaridan hisoblanadi, chunki unda aholining asosiy qismi shug`ullanadi. Qishloq xo`jaligi aholi uchun iste`mol mollari ishlab chiqarish bilan bir qatorda yengil va oziq-ovqat sanoati uchun xom ashyo ham yetkazib beradi. Viloyatimiz iqlimi, yer-suv va mehnat resurslari qishloq xo`jaligining paxtachilik, pillachilik, uzumchilik, bog`dorchilik, sabzavot-polizchilik, qorako`lchilik kabi tarmoqlarini rivojlantirish imkonini yaratadi. Qashqadaryo viloyati katta yer resursiga ega, qishloq xo`jaligida foydalanadigan yerlar 2534,5 ming ga, shundan ekin ekiladigan maydonlar 616 ming ga ni tashkil etadi, shundan 449 ming gektari sug`oriladigan maydonlardir. Irrigatsiya va melioratsiya qurilishini takomillashtirish hamda yerlarni meliorativ holatini yaxshilash bilan bog`langan holda viloyat xo`jaliklarida qishloq xo`jaligining ixtisoslashuvi tobora takomillashib g`alla-chorvachilik, yaylov qorako`lchiligi, paxtachilik-pillachilik-qorako`lchilik qishloq xo`jalik rayonlari shakllanadi. Viloyatda qishloq xo`jaligining yanada rivojlanishi uchun irrigatsiya va melioratsiya ishlariga katta mablag`lar ajratildi. Natijada Chimqo`rg`on (1963 yil), Pachkamar (1968 yil), Talimarjon (1973 yil) va boshqa suv omborlari, Kasbi hamda Qarshi magistral kanallari ishga tushirildi. Keyingi 20 yil ichida Qarshi cho`lida 240 mingdan ko`proq maydon o`zlashtirildi. Bu tadbirlar viloyatida dehqonchilik va chorvachilikni yana rivojlantirish evaziga yalpi mahsulotni ko`paytirish imkonini berdi. 1990 yilda 1056,9 mln.so`mlik qishloq xo`jalik mahsulotlari ishlab chiqarildi. Shuning 70% dan ko`proq qismi dehqonchilik tarmoqlarida yaratildi. Dehqonchilikning asosiy tarmog`i paxtachilikdir. Paxtachilik Qarshi cho`liga Amudaryo suvi chiqarilgandan keyin ayniqsa tez rivojlandi. Paxtaning yalpi hosili 1970 yilda 302 ming tonnani hosildorligi 26,4 ts.ni tashkil etgan bo`lsa, 1990 yilda paxta hosildorligi 23,7 ts.ga yalpi hosili 522,3 ming tonnaga yetdi. Viloyat qishloq xo`jaligida g`allachilik ham muhim o`rin tutadi, sug`orilmaydigan adirlarda bug`doy, arpa sug`oriladigan yerlarda esa makkajo`xori yetishtirildi. 1990 yilda viloyat g`allakorlari 141,3 ming tonna don yetishtirdilar. Mutaxassislar fikricha viloyatda donning yalpi hosilini oshirishning katta imkoniyatlari mavjud. Undan tashqari viloyatning sharqiy tog` oldi zonalarida bog`dorchilik, uzumchilik va sabzavotchilik, cho`l zonasida poliz mahsulotlari ko`plab yetishtirilmoqda. Viloyatda 1990 yilda 123,8 ming tonna sabzavot, 14230 tonna meva, 23434 tonna uzum mahsuloti yetishtirildi. Viloyat qishloq xo`jaligining ikkinchi muhim tarmog`i chorvachilikdir. Adir-tog` zonasida qo`ychilik, sug`oriladigan zonada asosan qoramolchilik, cho`chqachilik rivojlanmoqda. Bu sohaning taraqqiyoti chorva mollar tuyoq sonining o`sishi mahsuldorligining oshishi oziqa bazasini mustahkamlanishi bilan ham bog`liqdir. Keyingi yillarda yirik va mayda tuyoqli chorva mollari cho`chqalar va parrandalarni ko`paytirishga ayniqsa katta e`tibor berilmoqda. 1991 yil ma`lumotlari bo`yicha Qashqadaryo viloyatida 45,9 ming bosh yirik shoxli mollar, 1471,5 ming bosh qo`y va echkilar, 55,5 ming bosh cho`chqa, 2,3 mln bosh parrandalar mavjud. Bu yerda 1990 yilda 46,9 ming tonna (so`yilgan vaznda) go`sht, 271,3 ming tonna sut, 147,7 mln dona tuxum 4478 tonna jun 2464 tonna pilla va boshqa chorva mahsulotlari yetishtirildi. Aholini yetarli darajada va sifati oziq-ovqat mahsulotlari bilan ta`minlashda O`zbekiston Respublikasi Oliy kengashining “Jamoa va davlat xo`jalik ishchilari fuqarolarning shaxsiy yordamchi xo`jaliklarini va yakka tartibda uy-joy qurilishini yanada rivojlantirish to`g`risida” gi qarorining bajarilishi ham muhim iqtisodiy ahamiyatga ega bo`lmoqda. Transport viloyat iqtisodiyotining asosiy qismi bo`lib, ishlab chiqarish kuchlarini rivojlantirishda katta ahamiyat kasb etadi. Viloyatda temir yo`l, avtomobil, havo, quvur transporti tarmoqlari mavjud bo`lib, tumanlararo yuklar temir yo`l orqali tashiladi. Qashqadaryo viloyatida avtomobil transporti 1920 yillardan so`ng vujudga kelgan bo`lsa, u Ulug` Vatan urushidan keyingi yillarda tez taraqqiy eta boshladi. U viloyat tumanlari ichidagi iqtisodiy aloqalarni amalga oshirishda muhim ahamiyatga egadir. Avtomobil transporti orqali tumanlar va xo`jaliklardan yuklar tem ir yo`l bekatlariga va aksincha temir yo`l bekatlaridan yuklar xo`jaliklarga yetkazib beriladi. Viloyat markazi Qarshi shahrida zamonaviy aeroport ishga tushirilgach, yangi reaktiv samolyotlar qabul qilina boshlandi. Qarshi havo yo`llari orqali O`zbekistonning va hamdo`stlikka kiruvchi davlatlarning ko`pgina shaharlari bilan bog`langan bo`lib, tez buziladigan yuklar va yo`lovchilarni tashishda katta rol o`ynaydi. Qashqadaryo viloyatida transportning yangi turi quvur transporti ham rivojlanmoqda. Mahalliy gaz quvurlaridan tashqari Sho`rtan-SHirin-Toshkent magistral quvuri o`tkazilgan. O`zbekiston xo`jaligi tizimida Qashqadaryo paxta, pilla, don, qorako`l teri, jun, neft, gaz, oltingugurt va boshqa ko`plab mahsulotlar yetkazib beradigan viloyatdir. Qashqadaryo viloyatida qishloq xo`jaligini yanada rivojlantirish imkoniyatlari katta, chunki o`zlashtirish mumkin bo`lgan yerlarning mavjudligi, ekin ekilayotgan yerlarning meliorativ holatini yaxshilash, kompleks mexanizatsiyani amalga oshirish evazigahosildorlikni va chorva mollarining mahsuldorligini oshirish yo`li bilan viloyatning qishloq xo`jalik mahsulotlarini yetishtirishdagi mavqeini yanada oshirish mumkin. Qashqadaryo viloyati respublikada eng ko`p neft, gaz qazib olinadigan mintaqa hisoblanadi. 2003 yil ma`lumotlari bo`yicha respublikamizda qazib olingan tabiiy gazning 88%i, kondensatning 100%i, neftning 92%i, oltingugurt 100% i Qashqadaryo viloyatiga to`g`ri keladi. Viloyatda tashkil etilgan yirik ishlab chiqarish birlashmalari (sanoat, dehqonchilik sanoati hamda sanoat birlashmalari) xo`jaligini xududiy tashkil etish va boshqarishning asosiy shakllari bo`lib qoldi. Birlashmalarning afzalligi shundaki, ular fan-texnika taraqqiyotini jadallashtirishdi, ishlab chiqarishning yangi texnika bilan qayta jihozlashning barcha iqtisodiy, omillardan hamda moliyaviy va mehnat resurslaridan unumli foydalanishni tezlashtiradi. Hozirgi kunda Muborak, Sho`rtan gaz va Qarshi neft ishlab chiqarish boshqarmalari, Qarshi qurilish industriyasi, tikuvchilik hamda non mahsulotlari ishlab chiqarish birlashmalari va dehqonchilik sanoati majmualari faoliyat ko`rsatmoqda. Birlashmalar tarkibidagi korxonalar neft, tabiiy gaz, oltingugurt, qurilish materiallari, tayyor kiyimlar, paxta tolasi, oziq-ovqat mahsulotlari yetkazib beradi. Qashqadaryo viloyati ishlab chiqarish kuchlarini yanada rivojlantirish uchun katta moddiy texnika baza, mineral, yer hamda mehnat resurslariga ega. Shu boisdan, Qashqadaryo viloyati O`zbekiston milliy iqtisodiyot majmuasi tarkibida muhim iqtisodiy mavqega ega. Mavjud imkoniyatlardan foydalanish kelgusida bu yerda respublika ahamiyatiga ega bo`lgan yirik dehqonchilik sanoati majmuasini vujudga keltirish imkonini beradi. Viloyatning ishlab chiqarish sohasidagi ixtisoslashuvini belgilovchi uch tarmoq majmuasi, paxta-g`allachilik, meva- sabzavotchilik va gaz sanoati rivojlantiriladi. Kelajakda viloyatdagi tabiiy va iqtisodiy imkoniyatlar hisobga olingan holda sanoat ancha rivojlantiriladi, sanoat korxonalarini oqilona joylashtirish mehnat resurslaridan to`laroq foydalanish, milliy iqtisodiyotni malakali kadrlar bilan ta`minlash kabi vazifalar hal etiladi. Qishloq xo`jaligida esa dehqonchilik bilan chorvachilikni yanada rivojlantirish, aholini chorva, bog`dorchilik va uzumchilik, poliz hamda sabzavot mahsulotlari bilan to`la-to`kis ta`minlashga alohida ahamiyat beriladi.

O'xshashlar

O’zbekistonning xo’jaligiga umumiy ta'rif
Qashqadaryo viloyati iqtisodiy ijtimoiy rivojlanish shart-sharoitlari
Qashqadaryo viloyati aholisining mustaqillik yillarida o'sishi va joylanishi
O’zbekiston respublikasining maydoni, chegaralari va geografik o’rniga umumiy ta'rif
Qashqadaryo viloyati iqtisodiy geografiyasi fanining predmeti,maqsadi va vazifalari