O`zbekistonning mashinasozlik majmui tarmoqlari geografiyasi - Geografiya - Referatlar

O`zbekistonning mashinasozlik majmui tarmoqlari geografiyasi

Yuklangan vaqt:

20.09.2019

Ko'chirishlar soni:

0

Hajmi:

58.5 KB

Ko'chirib olish

O`zbekistonning mashinasozlik majmui tarmoqlari geografiyasi Reja: 1. Mashinasozlik sanoatining mamlakat xalq xo`jaligidagi ahamiyati. 2.Mashinasozlik sanoati tarmoqlarini joylashish xususiyatlari. 3. O`zbekistonning asosiy mashinasozlik tarmoqlarini hududiy joylashishi. 4. Bozor iqtisodiyotiga o`tish sharoitida mashinasozlik sanoati tarmoqlarini rivojlanish muammolari va istiqbollari.

Mashinasozlik sanoatining mamlakat xalq xo`jaligidagi ahamiyati. Mustaqil respublikamizning mustaqilligini saqlashda va mustaxkamlashda mashinasozlik sanoatini rivojlantirishning ahamiyati beqiyosdir. Uning ahamiyati shu bilan belgilanadi-ki, mashinasozlik xalq xo`jaligining barcha tarmoqlarida mehnatni yengillashtirish, mehnat unumdorligini oshirish, ishlab chiqarish jarayonini mehanizatsiyalashtirish va avtomatlashtirish, samaradorligini ko`tarishga xizmat qiladi. Shuning uchun ham mamlakatlar va rayonlar iqtisodiyotining, umuman xalq xo`jaligining taraqqiyot darajasi mashinasozlikning rivojlanish darajasiga qarab belgilanadi. Agar dunyo mashinasozlik sanoati ishlab chiqarishga nazar tashlaydigan bo`lsak bunga amin bo`lamiz. 1999 yili butun dunyo sanoat ishlab chiqarishining 36-38%i mashinasozlik sanoati tarmoqlari hissasiga to`g`ri kelgan. AQSHda 1999 yili ishlab chiqarilgan mashinasozlik mahsuloti butun qayta ishlovchi sanoatning 36%ini tashkil etgan, eksportning esa 48%i mashinasozlik mahsulotlariga to`g`ri kelgan. Yaponiyada esa qayta ishlovchi sanoatning 37%i, eksportning esa 64%i mashinasozlik mahsulotlariga to`g`ri kelgan. Yuqoridagi misollardan mamlakatlar iqtisodiyotini qay darajada rivojlanganligini o`sha mamlakatlardagi mashinasozlik sanoatining rivojlanganligi darajasiga qarab bilib olishimiz mumkin. 2005 yilda O`zbekistonda butun sanoat ishlab chiqarishning 13,8%i mashinasozlik hissasiga to`g`ri keldi. Umuman O`zbekistonda ko`p tarmoqli mashinasozlik kompleksi shakllangandir. Uning tarkibida 300 dan ortiq korxonalar bo`lib, ulardan 70 tasi yirik mashinasozlik zavodlaridir. Butun sanoatda band bo`lganlarning 30% dan ortiqrogi mashinasozlik va metallni qayta ishlash sanoatiga to`g`ri keladi. Faqat mashinasozlik tarmoqlariga esa butun sanoat tarmoqlarida band bo`lganlarning 17,4%i to`g`ri keladi.

Respublikaning zamonaviy mashinasozlik sanoati ma`lum ilmiy-tehnik quvvatlar bilan ifodalanadi. Hozirgi vaqtda 14 ta davlat konstruktorlik va loyixalash-tehnologik byuro`larida paxtachilik va paxta tozalash sanoati, bog`dorchilik, pillachilik, irrigatsiya va xalq xo`jaligining boshqa tarmoqlarini mehanizatsiyalashtirish uchun yangi mashinalar, asboblar, apparatlar ishlab chiqarish ustida ish olib bormoqdalar. Yana shu narsani ta`kidlash joizki mashinasozlikni rivojlanishi O`zbekiston uchun katta ijtimoiy ahamiyatga ham ega. Ma`lumki aksariyat mashinasozlik tarmoqlari juda sermehnat bo`lib, O`zbekiston singari mehnat resurslari tez ko`payib borayotgan davlatlarda aholini band bo`lishida muhim o`rin tutadi. Ayniqsa radiotehnika mahsulotlari ishlab chiqarish, kompyuterlar, televizorlar ishlab chiqarish, elektron hisoblash mashinalari va boshqalar shular jumlasidandir. Mashinasozlik sanoati tarmoqlarini joylashish xususiyatlari. Mashinasozlik sanoati korxonalari ko`p mehnat, ko`p material, ko`p elektr energiya, ko`p fond talab qiluvchi xususiyatlariga ko`ra joylashadi. Undan tashqari O`zbekistonda mashinasozlik sanoatining rivojlanishi, joylanishi, tarkibining o`zgarishida urush davri va urushdan keyingi davr o`ziga hos bir bosqich bo`lib qoldi. Chunki II jaxon urushi davrida mamlakatimiz mashinasozligining rivojlanish sur`atlari va darajasi hamda ixtisosi butunlay o`zgaradi. Urush yillarida sobiq Ittifoqning g`arbiy rayonlaridagi qator mashinasozlik zavodlari evakuatsiya qilinib O`zbekiston hududida joylashtirildi. Keltirilgan zavodlar asosan yuqori malakali mehnat resurslari to`plangan va boshqa xil sanoat tarmoqlari joylashgan yirik shaharlarga joylashtirildi. Ular asosan Toshkent, Samarqand, Andijon, Buxoro va boshqa shunga o`xshash keltirilgan korxonalarni tezlik bilan ko`rib, ishga tushirib yuborish uchun qulay imkoniyatlarga ega bo`lgan shaharlarlarda to`plandi.

Urush tugagach, evakuatsiya qilingan korxonalarning ayrimlari qaytadan ko`chirib ketildi, ishlab chiqarilgan mahsulotlarning assortimenti o`zgardi, shunga qaramay, bu davrda mashinasozlikda ro`y bergan o`zgarishlar tarmoqning urushdan keyingi taraqqiyotga o`z ijobiy ta`sirini ko`rsatdi. Urushdan keyingi davrlarda O`zbekiston mashinasozligi ko`p tarmoqli sohaga aylandi. Uning taraqqiyoti tehnik darajasining yuqori ko`tarilishi, mehnat unumdorligining oshishi, konsentratsiya va ixtisoslashuvni chuqurlashuvi yo`lidan bordi. Shunday qilib, yuqoridagi omillardan kelib chiqqan holda respublika mashinasozlik tarmoqlarini joylashishi xususiyatlariga ko`ra bir-biridan farq qiluvchi 5 guruhga bo`lamiz: Birinchi guruhga nisbatan kam mehnat, elektroenergiya, fond talab qiluvchi, ayniqsa ko`p material talab qiluvchi mashinasozlik tarmoqlari kiradi. Ularga tog`- ruda, tog`-shaxta mashinasozligi, transport, hamda ayrim elektrotehnika sanoati tarmoqlari kiradi. Bu sanoat tarmoqlarida ishlab chiqarilgan mahsulotlar nisbatan kasb tanlanishi va tehnik darajasining nisbatan yuqori emasligi bilan ifodalanadi. Ikkinchi guruh tarmoqlariga yetarli darajada ko`p metall va elektr-energiya talab qiluvchi va kam miqdorda fond talab qiluvchi tarmoqlar kiradi. Bularga ko`tarma-transport mashinasozligi, ayrim tog`-ruda va tog`-shaxta mashinasozlik tarmoqlari va boshqalar kiradi. Bu tarmoqlarning joylashishida boshqa omillar bilan bir qatorda metallurgiya bazalariga (xom-ashyo) yaqin bo`lishi hamda iste`molchilarga yaqin joylashishi omillari katta ahamiyatga egadir. O`zbekiston sharoitida bunday korxonalarni joylashtirishda o`zining metallurgiya bazasi yetarli emasligi sababli asosan iste`molchilarni hisobga olib joylashtirilgan. Uchinchi guruh tarmoqlariga o`rtacha yoki yuqori mehnat va elektroenergiyasi talab qiluvchi, hamda o`rtacha fond va ko`p material talab qiluvchi mahsulotlar ishlab chiqarish kiradi. Bu korxonalar kimyo sanoati uchun, qishloq-xo`jaligi va yo`l qurilishi uchun jixozlar ishlab chiqaruvchi mashinasozliklar kiradi. Bu tarmoqlar asosan iste`mol rayonlarida to`plangandir.

To`rtinchi guruh tarmoqlariga avtomobil sanoati, transportsozlik, stanoksozlik sanoatlari, hamda yengil va oziq-ovqat sanoat uchun uskunalar ishlab chiqarish kiradi. Bu tarmoqlar o`rtacha mehnat, fond talab qilish, kam va o`rtacha elektr-energiya talabligi hamda kam material talabligi bilan ajralib turadi. Bunday korxonalarni respublikamiz sharoitida o`rta va kichik shaharlarda, mashinasozlik sanoatining boshqa tarmoqlari va malakali kadrlar to`plangan markazlarda joylashtirish maqsadga muvofiqdir. Qolaversa energiya bilan yuqori darajada ta`minlanganligi bu tarmoqlarni joylashtirishda yetarli darajada ro`l o`ynaydi. Beshinchi guruh mashinasozlik sanoati tarmoqlariga ko`p mehnat talab qiluvchi yoki nisbatan kam material hamda ko`p elektr energiya talab qiluvchi tarmoqlar kiradi. Bularga asbobsozlik, radiotehnika, hamda elektrotehnika sanoatining ayrim tarmoqlarini, kompyuterlar ishlab chiqarish va boshqalarni misol keltirishimiz mumkin. Bu belgilar ushbu tarmoqlar korxonalarini yuqori malakali kadrlar tayyorlanadigan va to`plangan, yuqori tehnika madaniyatiga yerishilgan, ilmiy- tajriba va ilmiy-tadqiqot institutlari joylashgan rayonlarda joylashtirish maqsadga muvofiq ekanligini ko`rsatadi. Sanab o`tilgan guruhlar mashinasozlik korxonalarini hududiy tashkil etishni baholashda ishlab chiqarishni tashkil etishning tarkib topgan shakllari ham katta ahamiyatga ega. Taxlillardan shu narsa ma`lumki traktorsozlik, qishloq xo`jalik mashinasozligi, to`qimachilik mashinasozligi, kimyo mashinasozligi tarmoqlari tayyorlov, qayta ishlov va yigiruv sehlari mavjud bo`lgan tulik siklli universal- kompleks korxonalarda ishlab chiqariladi. Ishlab chiqarishni tashkil qilishning bunday shakli yirik mashinasozlik markazlari doirasi chegaralangan, yuqori malakali kadrlar yetarli bo`lmagan rayonlarda yahshi samara beradi. Lekin hozirgi vaqtda ishlab chiqarishni bunday tashkil qilish shu kunning talablariga javob bera olmayapti. Shu munosabat bilan yirik mashinasozlik korxonala-rining filiallarini tashkil qilish va ularni kichik shaharlarda, rayon markazlarida, shahar tipidagi

posyolkalarda va yirik qishloqlarda joylashtirish eng oqilona yo`llardan biri hisoblanadi. Bunday sharoitda mashinasozlik korxonalari ayrim detallar ishlab chiqarishga yoki mahsulotlarning ayrim qismlarini ishlab chiqarishga va hokazolarga ixtisoslashadilar. Masalan, Asaka shahrida Janubiy Koreyaning DEU firmasi bilan hamkorlikda qurilgan avtomobil ishlab chiqaruvchi korxonani misol keltirishimiz mumkin. Bu zavodning o`zida avtomobilning barcha qismlarini ishlab chiqarish mumkin emas, avtomobilning ayrim detallari va qismlarini O`zbekistondagi ko`pgina mashinasozlik zavodlari yetqazib beradi va bosh korxonada yig`ib tayyor mahsulot holida ishlab chiqarilmoqda. Mashinasozlik tarmoqlarining hududiy joylashishi. Respublikamiz iqtisodiy rayonlarini mashinasozlik sanoati korxonalari bilan ta`minlanganligi, rivojlanish darajasi, joylashish xususiyatlariga ko`ra 3 guruhga bo`la miz. Birinchi guruhga Toshkent iqtisodiy rayoni kiradi. Bu iqtisodiy rayon mashinasozlik sanoatining yuqori darajada rivojlanganligi va ko`p tarmoqliligi bilan xarakterlanadi. Bu yerda mashinasozlik sanoatining 20 dan ortiq tarmog`i to`plangan bo`lib, ularda butun respublikada ishlab chiqarilgan mashinasozlik mahsulotining 82%i ishlab chiqariladi. Qolaversa mashinasozlikda ishlab chiqarilayotgan mahsulotning 68%i ixtisoslashgan mashinasozlik tarmoqlari hissasiga to`g`ri keladi. Bu iqtisodiy rayonda mashinasozlik sanoatini rivojlantirish uchun ilmiy-tadqiqot va ilmiy- tehnik baza yetarli bo`lishi bilan bir qatorda, yuqori malakali kadrlar ham to`plangandir. Asosiy mashinasozlik korxonalari ko`p mehnat talabliligi hamda yetarli darajada yuqori madaniyatli ishlab chiqarishlilik bilan xarakterlanadi. Toshkent iqtisodiy rayonini chegaralovchi asosiy omil atrof muhitni muhofaza qilish va tabiatdan oqilona foydalanish omilidir. Xususan bu narsani Toshkentda sanoat korxonalari qurilishini izchillik bilan tartibga solib turilishi bilan tushuntirish mumkin.

Shu nuqtai nazardan shahardagi mavjud korxonalarning o`z ishlab chiqarish quvvatlarini kengaytirish va mahsulot ishlab chiqarishni ekstensiv omillar hisobiga oshirish chegaralangandir. Shuning uchun Toshkent iqtisodiy rayonida joylashgan yirik korxonalarning oldidagi asosiy vazifalardan biri shu korxonaning sehlari va filiallarini ayrim rayonlarda va kichik shaharlarda joylashtirishdan iboratdir. Hozircha Toshkentda mashinasozlik ishlab chiqarishi yuqori darajada konsentratsiyalashgan bo`lib, bular hissasiga mashinasozlik mahsulotining 70% dan ortiqrogi to`g`ri keladi. Bu o`z navbatida respublika hududidagi tengsizlikni chuqurlashtiradi va shu bilan birga barcha ushbu regionda mashinasozlik tarmoqlarini rivojlantirish sur`ati va mashtabi bilan bog`liq holdagi qator muammolarni keltirib chiqaradi. Ikkinchi guruhga Farg`ona, Samarqand, Qashqadaryo iqtisodiy rayonlari kiradi. Bularga respublika mashinasozlik ishlab chiqarishning 5% dan 12% gacha bo`lgan qismi to`g`ri keladi. Bu guruhda eng rivojlangan mashinasozlik tarmoqlari ko`tarma transport mashinasozligi, elektrotehnika sanoati, yengil va oziq-ovqat sanoati uchun mashinalar ishlab chiqarish hisoblanadi. Bu tarmoqlar hissasiga umumrespublika mahsulot ishlab chiqarishning 20%i to`g`ri keladi. Ammo bu rayonlarda ixtisoslashgan tarmoqlarning hammasi umumrespublika mashinasozlik mahsulotlari ishlab chiqarishning atiga 1% ni tashkil etadi. Bu guruhga kiruvchi iqtisodiy rayonlarda mashinasozlik sanoatini rivojlanish xususiyatlarini baholar ekanmiz ular orasidagi muhim farqlarni ko`ramiz. Agar Farg`ona iqtisodiy rayoni uchun kelajakda mavjud mashinasozlik korxonalarida ishlab chiqarishni intensivlashtirish, ixtisosligini chuqurlashtirish asosiy yo`l bo`lsa, Samarqand, Qashqadaryo iqtisodiy rayonlari uchun esa yangi mashinasozlik tarmoqlarini shakllantirish, tashkil etish maqsadga muvofiqdir. Xususan Qashqadaryoda hozirgi vaqtda elektrotehnika sanoati nixoyatda kuchsiz rivojlangan. Samarqand viloyatida yetarli ixtisoslashgan mashinasozlik tarmoqlari ko`tarma transport va asbobsozlik hisoblanadi, dastgoxsozlik asbobsozlik, yo`l qurilish mashinasozligi, elektrotehnika esa deyarli rivojlanmagan.

Bu yerda mashinasozlik korxonalarini joylash-tirishning eng muhim xal qiluvchi omili mehnat resurslari bilan ta`minlanganlik va aholi zichligi. Bu rayonlarda ko`p mehnat talab qiluvchi mashinasozlik tarmoqlarini joylashtirish va rivojlantirish nafaqat iqtisodiy balki juda katta ijtimoiy ahamiyatga ega. Uchinchi guruhga Buxoro-Navoiy, Quyi Amudaryo va Surxondaryo iqtisodiy rayonlari kiradi. Ularning xarakterli xususiyati shundaki, ularda mashinasozlik tarmoqlari nixoyatda kuchsiz rivojlangan, respublika mashinasozlik mahsulotlari ishlab chiqarish xajmining 0,1-0,5% ini ishlab chiqaradi. Bu yerda kimyo va neftkimyo mashinasozligi, dastgoxsozlik, traktorsozlik va qishloq xo`jalik mashinasozligi kabi tarmoqlarni ajratishimiz mumkin. Bu guruh iqtisodiy rayonlar o`zlaridagi mavjud o`rta va kichik shaharlar hamda mehnat resurslari rezervlari hisobiga mashinasozlik tarmoqlarini tezlik bilan rivojlantirishlari mumkin. Hozirgi vaqtgacha respublikamizda dehqonchilik sanoat majmuini rivojlantirish mashinasozlik tarmoqlarini rivojlantirishga, uning tarmoqlarini shakllantirishiga bevosita ta`sir etib keladi, kelajakda ham bu holat o`z kuchini saqlab koladi. O`zbekistonda mashinasozlik tarmoqlarini hududiy joylashishi shakllanishi va rivojlanishida 1975-1999 yillarda ma`lum o`zgarishlar bo`ldiki, buni avval mashinasozlik korxonalari bo`lmagan viloyatlarda mashinasozlik tarmoqlarini shakllanishida qurishimiz mumkin. Xususan, Qoraqalpog`iston respublikasida, Qashqadaryo, Navoiy, Surxondaryo, Xorazm viloyatlarida qator mashinasozlik tarmoqlari vujudga keltirildi. Agar 1975 yilda bu viloyatlarda mashinasozlik tarmoqlari bo`lmagan bo`lsa 1999 yilda mos ravishda 0,05%, 0,5%, 0,2% va 0,1%larni tashkil etadi. Mashinasozlik sanoatini hududiy tashkil etish va uning samaradorligini oshirish xalq xo`jaligining ushbu tarmoq mahsulotlariga bo`lgan talabini qondirishning eng muhim yo`llaridan biridir. Shu munosabat bilan hozirgi vaqtda mashinasozlik sanoati oldidagi eng muhim vazifalardan biri Samarqand, Qashqadaryo, Buxoro-Navoiy, Quyi Amudaryo, Surxondaryo iqtisodiy rayonlarida

yangi mashinasozlik tarmoqlarini shakllantirish va takomillashtirish hamda chorvachilik, vinochilik, bog`dorchilik, sabzavotchilik uchun mashinasozlik mahsulotlari ishlab chiqarishdan iborat. Bu ishlarni amalga oshirish sanab o`tilgan iqtisodiy rayonlarda mehnat resurslaridan oqilona foydalanish hamda maxalliy aholidan malakali mehnat resurslarini shakllantirish muammolarini hal qilar edi. O`zbekistonda mashinasozlik sanoatining hududiy tuzilishining o`zgarishi Viloyatlar 1975 1985 1990 200 7 Qoraqalpog`iston Andijon Buxoro Jizzax Qashqadaryo Navoiy Namangan Samarqand Surxondaryo Toshkent Sirdaryo Farg`ona Xorazm Toshkent shahri - 6,4 0,4 - - - 1,6 5,4 - 10 0,5 3,6 - 72,1 0,05 5,8 0,3 0,1 0,05 0,2 2,1 5,7 0,1 10,1 0,2 3,7 0,2 71,4 0,06 5,7 0,3 0,1 0,07 0,2 2,2 5,6 0,08 10,1 0,18 3,6 0,23 71,6 0,04 6,5 0,35 0,17 0,1 0,23 2,0 6,0 0,1 10 0,2 3,1 0,3 70,9 Jumxuriyat bo`yicha 100 100 100 100 Bozor iqtisodiyotiga o`tish sharoitida mashinasozlik sanoatini rivojlantirish muammolari va istiqbollari. O`zbekistonning mustaqilligi sharoitida qolaversa bozor iqtisodiyotiga o`tish davrida xalq xo`jaligining barcha jabxalarida vujudga kelgani singari mashinasozlik sanoati soxasida ham ma`lum imkoniyatlar yuzaga kelishi bilan bir qatorda bir qancha muammolar ham vujudga kelmoqda. Sobiq Ittifoq davrida respublikamizda tashkil etilgan qator

mashinasozlik zavodlari sobiq “qardosh” respublikalardagi zavod va korxonalar bilan chambarchas bog`langan edi. Zavodlarimiz uchun zarur bo`lgan xom ashyo resurslari asosan o`sha respublikalardagi zavodlardan yoki xom ashyo bazalaridan keltirilar edi. Sobiq Ittifoqning tarqab ketishi, respublikalararo iqtisodiy aloqalarning keskin ravishda uzilib qolishi natijasida respublikamizdagi ayrim mashinasozlik zavodlarida ahvol tang holatga kelib qoldi. Masalan, Andijon shahridagi “Nitron”, “Elapparat”, “Kommunar”, Asaka shahridagi “Lampa” ishlab chiqarish zavodi, Marhamatdagi “Elektroapparat” zavodi va hokazolar. Bu korxonalarda ishlab chiqarish 50% atrofida qisqargan, ayrimlari deyarli yopilish arafasida turibdi. Undan tashqari O`zbekiston mashinasozligida hozirgi davrda ham sobiq SSSR doirasidagi barcha qondiruvchi tarmoqlar salmoqli qismini tashkil etadi. O`zbekiston hozirgi vaqtda paxtachilik uchun mashinalar ishlab chiqaradigan va shu tarmoqni mashina va asbob uskunalar bilan ta`minlaydilan respublika bo`lib qolmoqda. Mashinasozlik kompleksida ishlab chiqarilgan tovar mahsulotlarining 1/5 qismi traktorsozlik va qishloq xo`jalik mashinasozligi hissasiga to`g`ri keladi, hamda barcha ishlovchilarning 18 % i shu sohada mehnat qiladi. Tarmoqda mahsulot ishlab chiqarish xajmi 1996 yilda 1980 yilga nisbatan 28 % ga o`sgan edi. Bundan keyin ham bu o`sish davom etadi. Bu borada AQSHning “Keys” kompaniyasi bilan hamkorlik qilish yaxshi samara bermoqda. Respublikamiz mashinasozlik korxonalarining ish faoliyatini, uning mashina, asbob uskunalar bilan ta`minlash darajasini tahlil qilish natijasida shunday ahvol ko`zga tashlanadiki, keyingi 10 yil ichida, ya`ni 1988-1998 yillar davomida asosiy ishlab chiqarish fondlari 2,1 barobar ko`paygan. Bu bir tomondan yomon emas. Ammo asosiy fondlarning juda ko`p qismi jismoniy va ma`naviy jihatlardan eskirgan, chidamliligi va ishonchliligi jihatidang fan-tehnika taraqqiyotining hozirgi zamon talablariga javob bera olmaydi. Tarmoq ixtiyoridagi ishlab chiqarish, moddiy va mehnat resurslarining xaddan tashqari oshiqligi, ulardan samarali foydalanishdagi kamchiliklar va hal qilinishi kerak bo`lgan

muammolarning juda ko`pligi o`rtasida ziddiyatlar borligi ko`zga tashlanadi. Yetishtirayotgan mahsulotning xajmi va sifati xalq xo`jaligi talabini to`la qondirmayapti. Jumxuriyatimizdagi mashinasozlik korxonalarining imkoniyatlarini hisobga olgan holda sanoati rivojlangan davlatlar tajribasidan foydalanish mumkin. Hozircha bizda to`laqonli ishlab chiqarish vositalari bozori vujudga kelgani yo`q. Shu sababli AQSH, Yaponiya, Germaniya kabi davlatlarda qo`llaniladigan lizing to`rini bizda qo`llash mumkin. Buning uchun bizning korxonalarimizda bo`lgan, qayta ishlatilmayotgan asbob-uskunalar, dastgoxlar, mashinalar va mehanizmlar yetarli. Ular orasida chetdan keltirilganlari ham bor. Lizing ijaraning bir ko`rinishi bo`lib, mashina, asbob uskunalar, transport vositalarini foydalanishga topshirish bilan bog`langan munosabatlar shaklidir. Undan foydalanish mulkka egalik qilish huquqidan mahrum qiladi. Lizing shartnoma tuzishda 3 taraf ishtirok etadi: asbob ishlab chiqaruvchi korxona, ijaraga beruvchi (lizing kompaniyasi) va ijarachi (korxona, tashkil ot). Ijara muddati tugagandan so`ng ijarachi olgan moddiy boyligini yo lizing kompaniyasiga qaytib beradi yo shartnoma muddatini cho`zadi yoki qolgan qiymati bo`yicha asbobni, mashinani sotib oladi. Bu esa ijarachini katta mablag` sarflab qimmatbaho tehnika sotib olishdan saqlaydi. Shunday qilinganda respublikamizning hozirgi moliyaviy jihatdan axvoli tang bo`lgan bir paytda o`zimizda bor bo`lgan ichki rezervlardan, resurslardan, imkoniyatlardan oqilona foydalanish bozor munosabatlariga o`tish jarayonida o`ziga xos madat bo`ladi. Yana shu narsani nazardan chetda qoldirmasligimiz kerakki, O`zbekiston mustaqillikka erishgach, har qanday davlat bilan, har qanday chet el korxonasi bilan bevosita iqtisodiy aloqalar qila olish huquqiga ega bo`ldi. Toshkent shahrida Yaponiya bilan hamkorlikda qurilgan murakkab mashinasozlik mahsulotlari ishlab chiqaruvchi zavodning qurilishi, Asaka shahridagi avtomobil zavodining qurilishi va boshqalar hozirgi davrda O`zbekiston mashinasozlik sanoatida yangi davr boshlanganligini va uning taraqqiyoti uchun keng imkoniyatlar ochilganligidan dalolat beradi.

Respublikada bundan keyin ko`p mehnat talab qiluvchi mashinasozlik tarmoqlarini rivojlantirish maqsadga muvofiq. Buni malakali kadrlar tayyorlash bilan parallel holda olib borish kerak. Har bir iqtisodiy rayonda shu rayon xo`jalik majmuini yaxshilovchi, ixtisosligini chuqurlashtiruvchi mashinasozlik tarmoqlarini joylashtirish va rivojlantirishga alohida e`tibor berish zarur.

Adabiyo т lar 1. Karimov . O ` zbekiston XXI asr bo ` sag ` asida : xavsizlikka taxdid , taraqqiyot kafolatlari va barqarorlik shartlari . – T .: O ` zbekiston , 1997. 2. I . A Karimov . O ` zbekiston demokratik taraqqiyotning yangi bosqichida - T .: O ` zb е kiston , 2005. 3. Abirqulov K . N . Iqtisodiy g е ografiya ( Darslik ) – T .: TDIU , 2004 4. Asanov, M. Nabixonov, I. Safarov. O`zbekistonning iqtisodiy va ijtimoiy jugrofiyasi: Pedagogika Oliy o`quv yurtlarining talabalari uchun ukuv qo`llanmasi.-T.: O`qituvchi, 1994. 5. Salimov X ., Xatamov A ., Mamajonov M . O ` zbekiston iqtisodiy va ijtimoiy geografiyasi . O`quv qo`llanma. – T.: “Yangi asr avlodi”, 2008. 6. Т ў хлиев Н. Ўзбекистон и қ тисодиёти асослари. / Н. Т ў хлиев, Қ . Ҳ а қ бердиев, Ш. Эрматов, Н. Холматов. – T .: “ O ` zbekiston milliy ensiklopediyasi ” Давлат илмий нашриёти, 2006.

O'xshashlar

Mashinasozlik majmui

O`zbekistonning qishloq xo`jalik tarmoqlari geografiyasi

O`zbekistonning yoqilg`i energetika sanoati tarmoqlari geografiyasi

O`zbekistonning transport majmui va tashqi iqtisodiy aloqalari geografiyasi

O`zbekiston dehqonchilik tarmoqlari geografiyasi