Ярим ўтказгичли асбоблар - Fizika - Referatlar

Ярим ўтказгичли асбоблар

Yuklangan vaqt:

20.09.2019

Ko'chirishlar soni:

0

Hajmi:

97 KB

Ko'chirib olish

Ярим ўтказгичли асбоблар Режа: 1. Ярим ўтказгичларнинг хоссалари 2. Ярим ўтказгичли диодлар 3. Ярим ўтказгичли триодлар.

1. Ярим ўтказгичларнинг хоссалари Ярим ўтказгичли асбоблар трактор, комбайн ва автомо- биллар жиҳозларида кенг қўлланилади. Ярим ўтказгичлар электр токи ўтказиш жиҳатидан ўтказгичлар ва изоляторлар орасидаги ўринни эггалайди. Уларнинг солиштирма қаршилиги температура, ташқи арлашмаларнинг борлиги ва бошқа омилларга қараб ўзгаради. Ярим ўтказгичларга баъзи металлар, уларнинг оксидлари, баъзи металлар қотишмаси ва сульфатли бирикмалар киради. Ярим ўтказгичли асбобларни тайёрлашда германий ва кремнийдан кенг фойдаланилади. Германий мўрт кумушсимон кул ранг металл бўлиб, у Менделеев даврий тизимнинг тўртинчи группасига киради. Демак, бу элемент атомининг ташқи элек- трон қобиғида тўрт валентли электрон бор. Бу электрон қўшни тўртта атом электронлари билан бирга қўш электрик боғланиш деб аталувчи боғланиш ҳосил қилади (5-расм). Бу боғланиш элементнинг кристалл панжарасидаги атомларни ушлаб туради. Кристалдаги германийнинг ҳар бир атоми тўртта қўшни атом билан боғлиқ бўлиб қолади. Бу боғланишда мазкур ва қўшни атомлар электронларидан иккитадан қатнашади. расм. Германий металининг расм. Электрон (а) ва кристалл панжарасидаги тешикли (б)

ўтказувчанлик электрон боғланишлар: нинг ҳосил бўлиш схемаси: 1-орбита; 2-атом; 3-электрон; 1-ярим ўтказгич атоми; 4-эркин электрон. 2-аралашма атоми; 3-ортиқ ча электрон; 4-тешик. Мутлақо соф германийда жуда паст температурада эркин электронлар бўлмайди, яъни ташқи орбиталардаги барча электронлар қўш электрон боғланишларда қатнашади. Бундай шароитларда германий соф диэлектрик (изолятор) ҳисобланади. Бироқ электронларнинг кинетик энергияси иссиқлик ёки ёруғлик энергияси таъсирида катталашади. Уларнинг кўпчилиги атомлар билан тортишиш кучини енгиб, ўз боғланишини узади ва эркин бўлиб қолади. Электр майдони мавжудлигида эркин электронлар маълум бир йўналишда ҳаракатланади ва ярим ўтказгичда электр токи ҳосил бўлади. Ярим ўтказгичининг эркин электронлар ҳаракати ҳисобига ўтказувчанлиги электрон ўтказувчанлик ёки n типидаги ўтказувчанлик (negative-манфий) деб аталади. Ташқи орбитадан бир ёки бир неча электрон йўқотган ярим ўтказгич атоми мусбат ион бўлади, ярим ўтказгичлардаги бундай атом тешик деб номланган. Бунда бу атомда битта электрон етишмаслигини таъкидлаб ўтиш керак. Ҳосил бўлган тешикни қўшни атом электрони тўлдириши мумкин, бунда қўшни боғланишда худди юқоридагидек электрон билан тўлдириш мумкин бўлган янги тешик ҳосил бўлади ва ҳоказо. Ярим ўтказгичда тешикнинг тартибсиз ҳаракати содир бўлади, яъни у электрон ҳаракат йўналишига қарама-қарши томонга силжийди. Аввалгидек зарядларни электронлар ташиса ҳам, бироқ уларнинг ўтиши ягона мусбат зарядларнинг қарама-қарши томонга силжишига сабаб бўлади. Тешикларнинг ҳаракати туфайли ўтказувчанлик тешикли ўтказувчанлик ёки p типидаги (positive- мусбат) ўтказувчанлик деб аталади.

Соф ярим ўтказгичда тешиклар сони эркин электронлар сонига тенг. Ўтказувчанлик икки хил ишорали бир хил сонли зарядларнинг ҳаракати билан ҳосил қилинади. Эркин электронлар кристаллда силжиб, тешикка кириб қолади ва шундай қилиб бузилган боғланишлар тикланади. Бу жараён рекомбинация деб аталади. Электрон ва тешикларнинг ўзаро қарама-қарши йўналишда силжиши натижасида электрон майдони таъсирида ярим ўтказгичда электр токи ҳосил бўлади. Соф ярим ўтказгичларнинг бундай электрон-тешикли ўтказувчанлиги, эркин электронларнинг ҳосил бўлиши ва булардан доим шу электронлар миқдорича тешиклар ҳосил бўлиши, хусусий ўтказувчанлик деб аталади. Хусусий ўтказувчанлик унча катта эмас, чунки эркин электронлар нормал шароитда ўтказгичда кўп эмас. Ярим ўтказгичнинг ўтказувчанлигини оз миқдорда махсус аралашма қўшиб ошириш мумкин. Натижада электронлар сони билан тешиклар сони орасидаги мувозанат бузилади ва электр токи кўпинча бир хил ишорали зарядлар томонидан ҳосил қилинади. (Бу электрон ёки тешиклардан қайси бирининг кўплигига боғлиқ). Электрон ўтказувчанлик ҳосил қилувчи аралашмалар донорлар деб аталади. Менделеев даврий системасининг тўртинчи группасига оид ярим ўтказгичлар учун донорли аралашмалар бешинчи группа элементларидан олинади. Одатда бунга сурьма, мишьяк, фосфор киради. Тешикли ўтказувчанлик ҳосил қилувчи аралашмалар акцепторлар деб аталиб, одатда улар учинчи группа элементларидан олинади. Улар ичида индий, алюминий ва бор анча кўп тарқалган. Аралашмалар ярим ўтказгич ўтказувчанлигига қандай таъсир этиши билан танишиб чиқамиз. 6-расм, а да электрон ўтказувчанликнинг ҳосил бўлиши схемаси келтирилган. Донорли аралашма атоми беш валентли электронга, ярим ўтказгич (масалан, германий) атоми эса фақат тўрт валентли электронга эга. Аралашма атомининг тўртта электрони ва ярим ўтказгич атомининг тўртта электрони ишончли электрон боғланишни ҳосил қилади, бироқ бешинчи электрон ортиқча деб туюлади. Уни ҳатто ярим

ўтказгични хона температурасигача иситиб, атомдан ажратиб олиш осон. Бу электронларга электр майдони таъсир этганда электр токи ҳосил бўлади яъни электрон ўтказувчанлик ҳосил бўлади. 6-расм, б да тешикли ўтказувчанликнинг ҳосил бўлиш схемаси кўрсатилган. Акцепторли аралашма атоми фақат уч валентли электронга эга. Бу ҳолда аралашма атомлари ва ярим ўтказгичнинг қўшни атомлари орасида фақат учта тўлдирилган боғланиш ҳосил бўлади. Тўртинчи электрон боғланиш тўлмай қолади, яъни тешик ҳосил бўлади. Уни электрон билан тўлдириш мумкин, лекин қўшни атомда электрон “кетиши” билан яна тешик ҳосил бўлади. Шундай қилиб акцепторли аралашмани қўшиш тешиклар сонининг эркин электронлар сонидан кўпайиши ва ярим ўтказгичнинг ўтказувчанлиги тешикли бўлиб қолишига олиб келади. Агар э.ю.к. манбаи бўлмаса, унда тешиклар эркин электронлар каби ярим ўтказгичда тартибсиз силжийди, э.ю.к. таъсирида эса тартибли ҳаракатланади. 2. Ярим ўтказгичли диодлар Ярим ўтказгичли кристал диод бир томонлама ўтказувчан ликка эга бўлган икки электродли асбобдир. n-p-ўтиш ҳосил бўлиши характерига кўра диодлар нуқтавий ва ясси ўтишга бўлинади. Ясси ўтишлар электрон-тешикли катта ўтиш майдонига эга, шунинг учун тўғри йўналишда катта токни ўтказа олади (20А гача) ва катта миқдордаги тескари кучланишни ушлаб қола олади. Ясси диодлардан автотрактор электр жиҳозларида кенг фойдаланилади, лекин улардан фақат ўзгарувчан токни тўғрилагичлар сифатидагина эмас (электр вентиллар), балки кучланиш стабилизаторлари (стабилитронлар) сифатида фойдаланилади. Диоднинг тузилиши мураккаб эмас. Одатда германий монокристал пластинкасига аралашма-индий томчиси, кремний пластинкасига алюминий томчиси суюқлантириб ёпиштирилади (7-расм, а). Бу моддаларни бириктиришда бошқа усул-диффузиядан ҳам фойдаланилади. Бундай

холларда суюқ ёки газсимон аралашма юқори босим остида ва юқори температурада ярим ўтказгич пластинасига сингийди. Кўрсатилган бирикмалар натижасида соҳалар чегарасида n-p-ўтиш ҳосил бўлади. Индий электродидан германийдан иборат ярим ўтказгич пластинаси томон йўналиш токнинг тўғри йўналиши бўлади. Бу ерда аралашма элементи анод, ярим ўтказгич пластинаси эса катод вазифасини бажаради. Кучланишни стабиллаш, яъни уни маълум миқдорда сақлаб туриш учун стабилитронлар ёки таянч диодлардан фойдаланилади (8-расм,в). Улар кремнийдан тайёрланади, иш режими эса тескари ток электрон-тешикли ўтишни тешганда содир бўлади. Электрон-тешикли ўтиш орқали ўтувчи ток тескари кучланишнинг нол қийматдан стабиллаш кучланишигача ошиши билан унчалик кўпаймайди, чунки уни иккинчи даражали ток ташувчилар ҳосил қилади. расм. Ярим ўтказгичли диод: а-тузилиш схемаси; б-улаш схемаси; в-стабилитронни улаш схемаси; 1- электрон ўтказувчанликли германий; 2-тешикли ўтказувчанликли германий; 3-индий. Кучланиш стабиллашганда ўтишнинг тешилиши содир бўлади ва ток

кескин кўпаяди. Бунда кучланиш қайтадан тақсимланади ва унинг ортиқчаси сўндирувчи резистор R с ёрдамида ютилади. Натижада кучланишнинг ошиши тўхтайди ва нагрузка R и да у номинал қийматга эга бўлади. 3. Ярим ўтказгичли триодлар Ярим ўтказгичли триодлар ёки транзисторлар иккита ярим ўтказгичли диоддан тузилган бўлиб, диодлар бунда электрон ёки тешикли ўтказувчанликни ярим ўтказгич материалининг умумий пластинасида ҳосил қилинади. Триод схематик ярим ўтказгичдан (одатда германий ёки кремнийдан) тузилган бўлиб, унинг қарама-қарши қиррасига аралашма суюқлантириб ёпиштирилган. Уларнинг ўтказувчанлиги олинган пластина ўтказувчанлигига қарама-қаршидир. Агар n типидаги ярим ўтказгичлар p типидаги аралашма бириктирилса, у ҳолда триодлар ёки анча кенг тарқалган p-n-p типидаги транзисторлар ҳосил бўлади (8-расм,а). n-p-p типидаги транзисторлар кам учрайди (расм,б). Ярим ўтказгичнинг триоддаги пластинаси база ёки асос (В) деб, аралашмадан бир томчиси эмиттер (E) (кирувчи ёки инжекцияловчи зарядлар), иккинчи томчи коллектор (С) (зарядларни тўпловчи) деб номланган. База 10-12 мкм қалинликда ясалади. Эмиттер, коллектор ва база таъминлаш манбаига уланган ўз чиқишларига эга. p-n-p типидаги триод эмиттер таъминлаш манбаи плюсига, коллектор эса минусига уланган, n-p-p типидаги триод эмиттери манба минусига, коллектор эса плюсга уланган. Натижада иккита электрон- тешикли ўтиш ҳосил бўлиб, улардан бири, яъни эмиттер билан база орасидаги эмиттерли ўтиш, иккинчиси, яъни база билан коллектор орасидагиси коллекторли ўтиш деб аталади. Транзисторда эмиттердан базага борувчи база токи I t ва эмиттердан коллекторга борувчи коллектор токи I с бўлади (расм). База токи I b бошқариш токи, коллектор токи I с эса асосий ток деб аталади. Транзистор ишида база токи I b муҳим аҳамиятга эга. У жуда оз миқдорда бўлиши лозим, шунинг

учун, одатда, резистор R в ни улаб у чекланади. Агар база токи бўлмаса, триод қаршилиги энг кўп миқдорда етади (бир неча минг Ом), бундай ҳолларда асосий ток триод орқали ўтмайди, яъни транзистор берк бўлади. База токи ўтганда эмиттер ва коллектор ўтишлар қаршилиги минимумгача камаяди ва бу ҳолда асосий ток максимал қийматга чиқади. Эмиттер токи база токи ва коллектор токидан иборат, яъни I е  I b  I с . Триод ишини қуйидагича тушинтириш мумкин. Манба электр майдони таъсирида тешиклар оқими эмиттердан тешиб чиқиб базага ўтади ва эмиттер токи I е ни ҳосил қилади. Базада тешиклар электронлар билан рекомбинацияла-нади. Булар базада асосий заряд ташувчилар сифатида хизмат қилади. Натижада база токи I b ҳосил бўлади. Бинобарин, тешиклар эмиттерда базадаги электронлардан кўп бўлиб уларнинг кўп қисми коллекторга P-n-ўтиш орқали ўтади. Улар бамисоли коллектор воситасида тортилади (экстрагланади) ва ток I с ни ҳосил қилади. Шундай қилиб, коллектор токи база токисиз ҳосил бўла олмайди.

Фойдаланилган адабиётлар рўйҳати 1. Миллий истиқлол ғояси: асосий тушунча ва тамойиллар. Тошкент. “Ўзбекистон“, 2000. 2. Ғ.Махмудов Автомобилларнинг электр ва электрон жихозлари Тошкент Истиқбол 2003 йил 3. Маматов Х. Автомобиллар (Автомобиллар конструкцияси асослари). 1-қисм, Тошкент “Ўзбекистон“, 1995й. 4. С.қодиров Тико автомобилининг тузилиши ва носозликларини аниқлаш Тошкент.Истиқбол 2003 йил 5. Чижков В. Электрооборудование автомобилей. Москва. “Транспорт“ 1993г. 6. Ютт В. Е. Электрооборудование автомобилей. Москва. “Транспорт“ 1989г. 7. Гуревич.А.М. “Тракторў и автомобили“ Москва. Колос. 1993г. 8. “Трактор, комбайн ва автомобилларнинг электр жихозлари“. Тошкент. Ўқитувчи. 1990й.

O'xshashlar

Ярим ўтказгичли асбоблар

Ярим ўтказгичли асбоблар

Ярим ўтказгичли диодлар

Ярим ўтказгичли диодлар

Ярим ўтказгичли рақамли интеграл микросхемалар схемотехникаси