Molekulyar fizika bo'limini o‘qitish uslublari

Yuklangan vaqt:

20.09.2019

Ko'chirishlar soni:

0

Hajmi:

220 KB

Ko'chirib olish

Molekulyar fizika bo`limini o‘qitish uslublari Reja: 1. Molekulyar fizikani o‘rganishning fizik va pedagogik asoslari. 2. Muvozanat holat va kvazistik jarayon.

Molekulyar fizikani o‘rganishning fizik va pedagogik asoslari. Molekulyar fizikani o‘rganish tabiatshunoslik fanlari nuqtai nazaridan olamning bugungi manzarasiga bo‘lgan ilmiy qarashlarni shakllantirishda katta ahamiyatga ega. Moddaning tuzilishi va turli xususiyatlarining bunga bog‘liq ekanligi-butun fizika kursiga singdirilgan masalalardir. R.Feyman ta’kidlaganidek, “...barcha jismlar uzluksiz harakatda bo‘lgan, uncha katta bo‘lmagan masofalarda o‘zaro tortishuvchi, ammo ulardan biri ikkinchisiga jips joylashgan bo‘lsa, itarishuvchi atomlardan va mayda jismchalardan iboratdir”. Birgina shu jumlada haddan ortiq ma’lumot jamuljamdir. Mexanikani o‘rganishdan molekulyar fizikani o‘rganishga o‘tish o‘quvchilar bilimlarining oshishida, ularning fizik fikrlash-lari shakllanishi va kamol topishida ham ilmiy dunyoqarashlar boyishida butunlay yangi bosqichdir. Mexanik xususiyatlardan farqli o‘laroq issiqlik hodisalaridagi yangi xususiyatlar ikki omil: moddaning uzlukli tuzilishi hamda o‘zaro ta’sirlashuvchi zarralar (molekulalar, atomlar, ionlar) sonining ulkanligi bilan izohlanadi. Shu sababli issiqlik hodisalarini tushuntirish uchun mexanikada ko‘rilmagan, yangi, eng avvalo harorat, molekulalarning o‘rtacha kvadratik tezligi, ideal gaz, gazning hajmi va bosimi, ichki energiya, issiqlik muvozanati, kvazistatik jarayon, issiqlik jarayonlarining yo‘nalganligi hamda termodinamikaning birinchi qonuni kabi fizik tushunchalarni kiritish talab etiladi. Molekulyar fizikani o‘rganish katta tarbiyaviy ahamiyatga ega bo’lib, issiqlik texnikasi va ma’lum texnik xususiyatlarga ega bo‘lgan materiallarni yaratish sohasidagi fan va texnikaning ulkan yutuqlarini namoyish etish; issiqlik hodisalarini bilish mumkinligi va ularning o‘ziga xos xususiyatlari haqidagi materialistik tasavvurlarini shakllantirish; mexanik hodisalar bilan solishtirish; makro va mikrokattaliklar orasidagi sabab va oqibatli bog‘liqliklarning ehtimoliy statistik xarakterini ochib berish; o‘rgani-layotgan nazariya, qonun va tushunchalarning tadbiq etish chegaralarini aniqlash; olamning hozirgi zamon

tabiiy-ilmiy manzarasining vujudga kelishi va rivojlanishida molekulyar-kinetik nazariyaning ulkan rolini ko‘rsatib berishni o‘z ichiga oladi. Ideal gaz qonunlari termodinamik va statistik metodlar o‘rganilish natijasida qanday fizik kattaliklarga e’tibor qaratamiz. Temperaturaninig statisti k ma’nosi: Reomyur farange yt Tselsiy А bsolyut Suvning qaynashi 80 0 212 0 100 0 373 0 ,15 А bsolyut nol 0 0 32 0 0 0 273 0 , 15 Suvning muzlashi -218 0 , 52 -495 0 , 67 -273 0 , 15 0 0 “Molekulyar fizika” bo‘limini o‘rganishning mazmuni va izchilligi. “ Kadrlar tayyorlash milliy dasturi ” ga ko‘ra fizika ta’lim davlat standartlari ishlab chiqildi. DTS ga ko‘ra, molekulyar fizika bo‘limi quyidagi masalalar turkumini qamrab oladi.

1.Molekulyar-kinetik nazariya asoslari (molekulyar-kinetik nazariyaning asosiy qonuniyatlari molekulalar haqida asosiy ma’lumotlar, ideal gaz molekulyar-kinetik nazariyasi). 2.Ichki energiya va ish, issiqlik miqdori, (issiqlik dvigatel-lari ishlashining fizik asoslarini ko‘rib chiqishda foydalanuvchi issiqlik haqidagi tushuncha va qonunlar). 3. Bug‘, suyuqlik va qattiq jismlarning xossalari. Molekulyar fizikaning o‘quv materialida molekulyar-kinetik nazariya asoslari va ularning tajribada tasdiqlanishi asos qilinib olingan. Bunda o‘rganilishi va izohlanishiga alohida diqqatni jalb etish lozim bo‘lgan klassik hamda fundamental tajribalar katta va ma’rifiy-tarbiyaviy rol o‘ynaydi. Unga molekulalar o‘lcham-larining yuqori chegaralarini aniqlash bo‘yicha Reley tajribalari, Broun harakati va og‘irlik kuchi maydonida zarralar taqsimotini aniqlash borasidagi Perren tajribalari, molekulalar tezligini aniqlash bo‘yicha Shtern tajribalari kiradi. Molekulyar fizika va issiqlik hodisalari haqida to‘g‘ri tasavvur hosil qilmoq uchun tajriba, kuzatishlar, andozaviy tajribalar, miqdoriy misollar, sodda hisob-kitoblar, mikro va makro olamdagi kattaliklarni solishtirish, o‘quv kinofilmlarini namoyish etish butun kursni o‘rganish davomida qo‘shib olib borilmog‘i lozim. Ba’zi bir fizik tushunchalar va qonunlar ustida qisqacha to‘xtalib o‘tamiz. Muvozanat holat va kvazistik jarayon. Bu tushunchalar fizikada, shu jumladan termodinamikada ham muhim rol o‘ynaydi. Termodinamikada asosan muvozanat holatlari, ya’ni sistemaning barcha qismlarida kattaliklarning vaqt davomida o‘zgarmasligi ko‘rib chiqiladi. Muvozanat holatdagi sistemaning ikkita parametri (p,V, p,T yoki V, T) ni bilgan holda uchinchisini hisoblab topish mumkin. Agarda sistema, masalan, ideal gaz, muvozanat holatidan chiqarilgan va yangi muvozanat holatiga o‘tish hali tugallanmagan bo‘lsa, u holda unga holat tenglamasini qo‘llab bo‘lmaydi. Kvazistik jarayon deganda sistema parametrlarining sekin o‘zga-rishi nazarda tutiladi, ammo “sekin”-nisbiy tushunchadir. Adiabatik jarayon kvazistatik

o‘tishi uchun u relaksatsiya vaqtiga nisbatan sekin o‘tmog‘i va issiqlik almashinishi tezligiga nisbatan yetarlicha tez o‘tmog‘i lozim. Molekula massasi. Molekula massasini aniqlashning Perren tajribasiga asoslangan metodlaridan birini qarab chiqish mumkin. Perren yaxshilab aralashtirilgan aralashmalarda “begona” moddaning molekulalari o‘zini gaz qonunlariga binoan tutishlaridan kelib chiqqan. Buning asosida u, gaz qonunlari ko‘p molekuladan tashkil topgan broun zarralari uchun ham o‘rinlidir. Gaz molekulalarining atmosfera bo‘ylab ikki sababga ko‘ra: barcha molekulalarning yerga “qulab tushishi” ni taqozo etuvchi tortish kuchi hamda molekulalarning turli yo‘nalishlarda yerdan «sochilib» ketishini taqozo etuvchi xaotik harakat sababli yuzaga keluvchi taqsimoti tushuntiriladi. Bu ikkita o‘zaro zid bo‘lgan sabablar atmosfera balandligi bo‘yicha gaz molekulalarning barqaror taqsimlanishini ta’minlaydi. Perren tajribalariga asoslangan holda shuni ta’kidlab o‘tmoq lozimki, zarralar massasi qancha kichik bo‘lsa, shuncha katta balandlikda ularning konsentratsiyasi ikki barobar kamayadi. Shuning uchun gaz molekulalarining atmosferadagi taqsimoti bilan emulsiya zarralarining balandlik bo‘yicha taqsimotini solishitirib quyidagini yozish mumkin: h H m М  , bu yerda M-gummigut zarrasining massasi, m-kislorod molekulasining massasi, H -havodagi, h -esa suyuqlikdagi balandlikdir. Bundan H h M m  . Kislorod molekulasi massasini hisoblab topish uchun gummigut zarrasining massasi M va mikroskopni ko‘rish maydo-nida bu zarralarning soni ikki marta kamayadigan balandlik h ni bilish lozim. Tajriba gummigutning hajmi va zichligi bo‘yicha zichligi ikki marta kamayishi uchun Н =5,5 km masofaga ko‘tarilishi lozim, massasi М =8,5 х 10 -18 kg bo‘lgan broun zarralari uchun esa Perren mikroskop yordamida h=3 х 10 -5 m ekanini aniqladi. Bundan esa kislorodning Perren tomonidan aniqlangan massasi 5,1 х 10 -26 kg ga teng bo‘lib chiqdi, uning yanada aniqroq qiymati 5,31 х 20 -26 kg. Perren molekula massasini shu tarzda aniqladi. O‘quvchilarga ixtiyoriy moddaning molekula massasini hisoblash yo‘lini ko‘rsatib

bermoq maqsadga muvofiqdir. Buning uchun avval uglerod shkalasidagi massa atom biriligi tushuncha-sining kilogrammlardagi ifodasini kiritish lozimdir:kg m 27 10 67,1 12    Bu massani hamda nisbiy molyar massa Mr ni bilgan holda ixtiyoriy moddaninng bitta molekulasi massasini quyidagi formula yordamida kilogrammlarda hisoblab topish mumkin: m 0 =1,67 x 10 -27 M - r . Moddaning nisbiy molekulyar massasi moddaning tabiiy izotopik tarkibi molekula massasining uglerod 12 atomi massasining 12 1 qismiga bo‘linganiga teng. Avagadro doimiysi. Avagadro doimiysini aniqlashning ko‘plab usullari mavjud: Broun harakati bo‘yicha, zarralarning tortishish kuchi maydonidagi taqsimoti bo‘yicha va boshqalar. Ammo bu usullar asoslangan qonuniyatlar o‘quvchilarga hali ma’lum emas. Shuning uchun o‘qitishning bu bosqichida quyidagi usullardan foydalanish mumkin. Suyuqlikning monomolekulyar qatlami bilan o‘tkaziladigan tajribadan molekulalar chiziqli o‘lchamlarining yuqori chegaralari aniqlanadi: S V d  . Bu yerda V -tomchining hajmi, S -qatlamning yuzi. U holda molekulaning hajmi: 3 3 1 S Vd V  moddaning hajmi va moli massasi esa mos ravishda: 3 3 S V N V A m  va 3 3 S V N V V A m m     bo‘ladi, bu yerda ρ -suyuqlik zichligi, N A - Avagadro doimiysi aniqlanadi: 3 3 V MS NA   Molekulalar tezligi. Broun harakatidan ma’lum bo‘lishi-cha, jismlar tartibsiz harakat qiluvchi molekulalardan tashkil topgan. Ammo bu molekulalar qanday tezlik bilan harakat qiladi? Gazlar kinetik nazariyasining asosiy tenglamasidan kelib chiqishicha, molekulalarning o‘rtacha kvadratik tezligi: 0 2 3 m k    

Bu formuladan foydalanib misol tariqasida xona tempe-raturasidagi kislorod molekulalarining (Т=300 0 К, m 0 =5,3x10 -26 kg) o‘rtacha tezligini hisoblab topamiz:. / 480 300 / 10 38.1 3 23 s m K K J        Gaz molekulalari tezligini o‘lchash uchun ko‘plab turlicha tajribalar qo‘yilgan. Ilk tajribalardan biri Otto Shtern tomonidan 1920 yilda taklif etildiki, bu tajriba o‘zininng to‘g‘ridan-to‘g‘ri vazifasidan tashqari fizikada yangi tajriba metodi-molekulyar dastalar metodiga asos soldi. Shunday qilib, bu tajribadan olingan natijalar molekulyar-kinetik nazariya asosida qilingan hisoblashlar bilan butkul tasdiqlanadi. Moddalarning tuzilishi va xossalari ustida olib borilgan tekshirishlar energiyaning bir turdan ikkinchi turga aylanishining muhim qonuniyatlarini yaratdi. Bu holatlarni o‘quvchilarga sodda va aniq tushuntirish uchun esa, albatta modellashtirish metodidan foydalanish lozim. Demak, bu qonuniyatlarni mohiyati quyidagilardan iborat: Energiyasi bo‘yicha ko‘tarilib boruvchi qator elementar jarayonlar bu jarayonlarda qatnashuvchi zarrachalar o‘lchamlarini pasayib boruvchi o‘lchami (masshtabi) bilan xarakterlanadi. Bu muhim qonuniyatni o‘quvchilarga quyidagicha tushuntirish mumkin. Ular fizikani o‘rganishning birinchi bos-qichidayoq moddalar molekulalardan, molekulalar atomlardan, atomlar yadro va elektronlardan, yadro esa proton va neytronlardan tuzilishini bilib olganlar. Modda ichki tuzilishining bu bosqichini, yirik zarrachalardan mayda zarrachalarga qarab o‘zgaruvchi bosqichini ham belgili modelning imkoniyatlaridan foydalanib, tasvirlash mumkin. Bu tasvirlashdan so‘ng esa o‘quvchilardagi fikrlash yanada mukammal va tugallangan bo‘ladi. Moddaning ichki tuzilishi o‘zgaruvchanligini quyidagicha model tarzida ifodalab o‘quvchi-larga ko‘rsatamiz.

Yuqorida ko ‘ rsatilgan qonuniyat birlik massada turli xil zarrachalarning birikishida reaktsiyaga qatnashuvchi mayda zarrachalar qancha ko ‘ p bo ‘ lsa , ajraladigan energiyalar ham shuncha katta bo ‘ lishini ko ‘ rsatadi . Bu holatni bir qator sonli misollar tasdiqlaydi: muz hosil bo‘lishida 80 kkal/kg energiya ajraladi. Bu esa xuddi 1kg muz parchasi (suv molekulasidan) hosil bo‘lganidek, yirik zarrachalar qo‘shilib katta zarrachalar hosil bo‘lganda 80 kkal energiya ajralishini bildiradi. Molekula juda mayda zarrachalar-atomlardan tashkil topgan. Molekulardagi atomlarning bog‘lanishi kristalldagi molekulavrning bog‘lanishiga qaraganda ming marta kuchli bo‘ladi. Yuqarida bayon qilingan xulosa va tushunchalardan kelib chiqib, muz parchasi va muzni tashqil etgan zarrachalarni (molekula, atom, elektron, yadro, protonlar, neytronlar) o‘quvchilarga tushunarli bo‘lishi uchun uni belgili modellar ko‘rinishida tasvirlab ko‘rsatish foydali bo‘ladi. Demak, muz parchasini belgili model tarzida quyidagicha ifodalaymiz.

Atomlarda molekula hosil bo ‘ lishida ajralib chiqadigan energiya miqdori , molekulalardan kristall hosil bo ‘ lishida ajralib chiqadigan energiya miqdoriga qaraganda ming marta ko ‘ p bo ‘ ladi . Masalan, atomlar vodoroddan 1kg vodorod molekulasi hosil bo‘lishida 52 000 kkal energiya ajralib chiqadi. Atomlar yanada mayda zarrachalar-yadro va elektornlardan iborat. Elektron bilan yadro o‘rtasidagi bog‘lanish molekulaning atomlari orasidagi bog‘lash-nishga qaraganda 10 martacha kuchli bo‘ladi. Masalan, 1kg vodoroddagi yadrodan elektronlarni ajratib olish uchun 312 000 kkal energiya kerak. Atom yadrosi juda mayda zarrachalar proton va neyt-ronlardan tuzilgan. Atom yadrosidagi proton va neytronlar o‘rtasidagi bog‘lanish atom yadrosi bilan elektronlar orasidagi bog‘lanishga qaraganda yuz ming marta kuchli bo‘ladi. Shuning uchun atom yadrosida hosil bo‘ladigan reaktsiyalarda juda ko‘p energiya ajraladi. Masalan, neytron va protonlardan 1kg deyteriy hosil bo‘lishida 25  10 9 kkal energiya ajraladi. Bu juda katta energiyadir. O‘quvchilar ko‘z o‘ngida yuqoridagi solishtirishlarni yaqqolroq gavdalantirish uchun belgili modelni jadval tarzidagi elementidan unumli foydalanish mumkin. Buning uchun molekula Þ kristall, atom Þ molekula,

molekula Þ atom, elnektron Þ yadro shaklidagi o‘zaro bog‘lanishni quyidagi jadval tarzida ifodalab o‘quvchilar hukmiga havola qilamiz. Natijada esa o‘quvchilar bilimini sistemalashtirgan bo‘lamiz. Ko‘rinib turubdiki, jadvaldagi birinchi qatorda o‘zgauvchi, ya’ni o‘sib boruvchi reaksiyalar keltirgandi. Ikkinchi qatorda esa o‘sib boruvchi energiya miqdorini bir-birdan farqi yaqqol ko‘rinib turibdi. Uchinchi qatorda ikkinchi qatordagi energiya miqdorlariga teng bo‘lgan 1kg vodorod uchun energiya miqdori misol sifatida keltirilgan. jadval Reaktsiya Energiya miqdori (marta hisobida) Energiya 1 kg vodorod misolida Молекула Þ кристалл 1 Atom Þ molekula 1 х 1000 52 000 kkal Elektron Þ yadro 1000 х 10 312 000 kkal Proton Þ neytron (1000х10)х100 000 25*10 9 kkal

$Adabiyotlar: 1.Karimov I.A. Barkamol avlod orzusi.-O‘zbekiston milliy entsiklopediyasi.-: 2000. 2.Karimov I.A. Barkamol avlod-O‘zbekiston taraqqiyotining poydevori.- Sharq, 1998. 3.Bugayev A. I. Metodika prepodovaniya fiziki v sredney shkole. –M: Prosvesheniye, 1981. 4.Isaak N’yuton. Matematicheskiye nachala naturalnoy flosofii.-M : Nauka,1989. 5.Razumovskiy V.G.,Xijnyakova L. S. Sovremenno‘y urok v sredney shkole.-M: Prosvesheniye, 1983. 6.Dimonstratsionny ekspriment po fizike v sredney shkole. ch.1-2. 1978. 7.Kamenskiy S.Ye., P.V. Orexov Fizikadan masalalar yechish metodikasi.- T: O‘qituvchi, 1989. 8.Dadaxujayev P., Botirov M. Fizika kabinetlarini jihozlash. –T: O‘qituvchisi, 1984. 9.O‘rta maktabda fizika va astronomiya o‘qitish. /L. I. Reznikov tav. os. –T: O‘qituvchi, 1974. 10.Tursunmetov K. A., Xudoyberganov A. M. Fizikadan praktukum: Akademik litsey va kasb- ҳ unar kollejlari uchun o‘quv qo‘llanma.– : O‘qituvchi, 2002. 11.Tursunov Q.Sh. Fizika o‘qitishda belgili modellar.-Toshkent shahri, j:\Xalq ta’limi-27-29 b.-№3-4 sonlari, 1994. 12.Tursunov Q.Sh. Fizikadan darslarni rejalashtirish (IX sinf) Metodik qo‘llanma, - 1994. 13.Tursunov Q.Sh. Fizikadan darslarni rejalashtirish (X sinf) Metodik qo‘llanma, - 1994.$

O'xshashlar

Molekulyar fizika va termodinamika

Molekulyar fizika va termodinamikaning asoslari

Molekulyar fizika va тermodinamika asoslari

Statistik fizika va termodinamika gаzlаr molekulyar kinetik nаzаriyasi аsoslаri

Fizika-umumiy ta’lim, akademik litsey hamda kasb - hunar kollejlarining o‘quv predmeti