Эстетик тафаккур тараққиётининг асосий босқичлари - Falsafa - Referatlar

Эстетик тафаккур тараққиётининг асосий босқичлари

Yuklangan vaqt:

20.09.2019

Ko'chirishlar soni:

0

Hajmi:

73 KB

Ko'chirib olish

Эстетик тафаккур тараққиётининг асосий босқичлари Режа: 1.Эстетика категориялари хақида 2.Гўзаллик ва хунуклик, улуғворлик ва тубанлик, кулгилилик ва фажеавийлик. 3.Жамият тараққиѐтада санъатнинг ўрни. 4.Қадимги Шарқ мамлакатлари ва Қадимги Юнонистонда эстетик қарашлар ва ва ғояларнинг шаклланиши ва ривожланиши. 5.Ғарб мамлакатларида эстетик қарашларнинг ривожланиб бориши.

Дастлабки эстетик қарашлар, ғоялар, таълимотлар фалсафа фани бағрида вужудга келади ва ривожланади. Фалсафий таълимотлар эстетик қарашларнинг у ѐки бу кўринишда бўлишига ўз таъсирини кўрсатди. Эстетик ғоялар қадимги Шарқ мамлакатларида вужудга келди. Бу мамлакатлар халқларидан қолган маънавий-маданий мерос шундай хулосага келишимизга асос бўлади. Масалан, Урхун-Енисей битиклари, Хоразм алифбоси, қимматбаҳо маъданлардан ишланган санъат асарлари, меъморий обидалар бу мамлакатларда бадиий маданият юксак тараққий этганини кўрсатади. Мисрда фиръавн Тутанхамон мақбарасидан топилган осори атиқалар, Амударѐ хазинаси, Доро I тасвири солинган олтин таналар, скифлар олтин буюмлари, Бобил минораси, қадимги Хоразм бадиий маданияти қолдиқлари, Ҳиндистон ва Хитой ҳукмдорлари саройлари, ибодатхоналар деворларидаги тасвирий санъат асарлари бунинг яққол исботидир. Эстетик қарашлар бизнинг ватанимизда ҳам қадим замонлардаѐқ пайдо бўлган. Зардуштийликдаги эстетик қарашлар Ахура Маздага хизмат қилувчи худолар ва уларнинг бажарадиган вазифалари орқали ифодаланган Қуѐш ва ѐруғлик худоси Митра еру кўкда кезиб, зулмат худоси Ахриман билан курашувчи улуғвор ва баҳодир йигит сифатида тасвирланса, ободончилик ва фаровонлик худоси Анахит нафис либос кийган гўзал аѐл қиѐфасида намоѐн бўлади. Мамлакатимиз гербида ўз аксини топган афсонавий қуш Ҳумо – бахт, толе ва давлат рамзи. У боши, танаси ва қанотлари олтин, кумушдан бўлган гўзал қуш бўлиб, кимга соя солса, ўшанга бахт келтиради. Қадимги шарқда гўзаллик эзгулик билан, юксак даража-даги ахлоқийлик билан боғлаб мушоҳада этилган. Қадимги Шарқ мамлакатлари эришган ютуқлар заминида Европа мамлакатлари бадиий маданияти таркиб топди. Қадимги Юнонистон мутафаккирлари Шарқ бадиий маданияти меросига таянган ҳолда эстетик ғоялар ва қарашларни ишлаб чиқдилар. Қадимги юнон файласуфи Пифагор

(э.а. 6-5 асрлар) ва унинг шогирдлари ўзларининг рақамлар ҳақидаги қарашларини нафосат оламига ҳам тадбиқ этдилар. Уларнинг нафосат асослари, яъни ―хилма-хил овозли томонларнинг келишуви‖ умумбашарий ҳамоҳанг-лик эканлиги ҳақидаги қараш ва ғоялари муҳим ўрин тутади. Гераклит (э.а. 540-480) нафосат хоссалари моддий дунѐнинг ўзидан келиб чиққан, нафосат ҳамоҳангликни англатади, ҳамоҳанглик эса қарамақаршиликлар бирлигини ташкил этади, деб кўрсатади ва нафосатнинг нисбийлиги ғоясини илгари суради. Демокрит (э.а. 460-370) гўзалликни бўлакларнинг тўғри мутаносиблиги, мослиги (симметрия)да деб билади ва меъѐр тушунчаси билан боғлади. Санъат – бу воқеликка тақлид қилишдир, деб ҳисоблайди, у. Суқрот (э.а. 470-399) фикрича, гўзаллик коинотдан инсон турмушига, унинг ички кечинмаларига кўчирилган, гўзаллик ва эзгулик бир-биридан ажралмасдир. Афлотун (э.а. 427-347) фикрича, нафосат манбаини ―ғоялар‖ ташкил этади, унинг ѐритиб турувчилик кучи гўзалликни кашф этади. Гўзалликнинг моҳиятини ҳис-туйғу билан эмас, фақат ақл-идрок билан англаш мумкин. Афлотун санъатни нарсалардан кўчирилган нусха, нарсаларнинг ўзи эса ғояларнинг хира нусхасидир, деб таърифлайди. Афлотун санъатнинг одамларга нисбатан таъсир кучини салбий, бузғунчи хусусиятга эга, деб таъкидлайди. Шунинг учун ҳам ўзи келажакда орзу қилган давлат ҳақидаги қарашларида мусиқадан бошқа санъат турларини тилга олмайди. Арасту (э.а. 384-322) фикрича, нафосат асосини моддий дунѐдаги нарсалар ташкил қилади. У санъатни воқеликка тақлид қилиш воситаси сифатида баҳолаб, санъатнинг инсон руҳига ўтказадиган таъсир кучига алоҳида эътибор беради. Санъатнинг ахлоқий қудратини, олижаноб фазилатлар яратиш кучини улуғлайди. Арасту инсон руҳини ваҳима, даҳшат, раҳм-шавқат орқали поклантириш (―катарсис‖) таълимотини илгари суради. Шунингдек, Арасту воқелик ва санъат, инсон ва санъат, инсон ва бадиий ижод масалаларига махсус тўхталган.

Эстетик қарашлар Қадимги Римда ҳам шаклланиб ривожланган. Тит Лукреций Кар (э.а. 99-55) ―Нарсалар табиати ҳақида‖ асарида санъат ―зарурият‖ (эҳтиѐж)дан табиий келиб чиққанлигини таъкидлаб, унинг маърифатчилик аҳамиятини кўрсатиб беради. Қадимги Шарқ ҳамда Қадимги Юнонистон ва Рим мутафаккир-ларининг эстетик ғоялари, қарашлари, таълимотлари фан тарихида муҳим ўрин тутади. Бу таълимотлар ўзидан кейин вужудга келган турли-туман эстетик мактабларга замин вазифасини бажарди. Ўрта асрларда Ғарб мамлакатларида санъат, умуман бадиий амалиѐт ва назария масалаларида турли хил қарашлар, муаммолар юзага келди. Бу давр эстетикасида учта ҳудудни ажратиб кўрсатса бўлади. Биринчиси – Византия, иккинчиси – Ғарбий Европа, учинчиси – шарқий ҳудуд – Қадимги Русь. Византияда эстетик қарашлар христиан маданиятида бадиий тасвирларнинг роли ҳақидаги баҳс-мунозараларида шаклланиб борган. Ғарбий Европа мамлакатларида бу даврда санъат асарларида бадиий ижоднинг реал дунѐга эътибори кучайишини кўриш мумкин. Қадимги Русь бадиий онгида эркинлик, оддийлик намоѐн бўлади. Инсоннинг дунѐга эътиборининг кучайиши, гўзалликни ҳиссий идрок этишдан завқланиши Уйғониш даврининг янги маданий парадигмаси вужудга келиши учун асос бўлди. Ғарб Уйғониш даврида эстетик қарашлар янгича ижтимоий муносабатларнинг таъсири остида ривожлана борди. Инсонпарварлик ғоялари тарқалиб боргани сари, илм-фан, адабиѐт ва санъат муваффақиятларга эришиб боргани сари эстетик қарашлар ва ғоялар ҳам ривожланиб борди. Бу давр эстетикасининг муҳим хусусияти – унинг инсонпарварлик руҳи билан суғорилганлиги ва бадиий амалиѐт билан боғлиқ эканлиги. Уйғониш даври мутафаккирлари Леонардо да Винчи, Рафаэль Санти, Микеланжело, Дюрер, Сервантес, Шекспир эстетик тафаккур тараққиѐтига катта ҳисса қўшдилар. Улар шу билан бирга буюк санъат асарлари яратдилар. Буюк мусаввир Леонардо да Винчи дунѐни билишда санъатнинг аҳамиятини

таъкидлаб ўтади. У ўзининг эстетик қарашлари баѐн этилган рисолаларидан бирида кўрсатиб ўтишича, санъат нарсаларнинг ўзига хос сифатларини, уларнинг гўзаллигини излаб топади ва оммалаштиради. Санъат воқеликнинг инъикоси, ижодий қайта такрорлаш жараѐнидир. Классицизм эстетикаси ҳам эстетик тафаккур тараққиѐтида ўз ўрнига эга бўлди. Буалонинг ―Назм санъати‖ рисоласи классицизм эстетикаси моҳиятини очиб беради. Унга кўра барча ижодкорлар классицизм ишлаб чиққан ақида қоидаларига бўйсуниши шарт бўлган. Ижодкорнинг эркинлиги чекланган. Классицизм эстетикаси бадиий ижод билан шуғулланувчиларни қоидалар билан белгилаб қўйилган қолипдан чиқмасликка, олдиндан танлаб қўйилган ва мавҳумлаш-тирилган мавзу чегарасидан ўтмасликка маҳкум этади. Классицизм вакиллари юксак санъат аслида такомил ва гўзал бўлган, ижобий эстетик қийматга эга бўлган ҳодисаларни ўз асарларида акс эттириши керак деб ҳисоблайдилар. Классицизм услубида жуда кўп асарлар яратилган бўлиб, улар жаҳон санъати намуналаридандир. Лекин санъат тараққиѐтини фақат чиройли ва юксак мавзу томон йўналти-риш унинг кўламини чеклаб қўйди. Эстетик фикрлар кейинчалик немис классик фалсафасида ривожлантирилди. Айниқса, И.Кант ва Гегель ўз фалсафий системалари доирасида, эстетик муносабат, дид, улуғворлик, гўзаллик масалалари-да бирмунча қимматли фикрларни илгари сурдилар. Масалан, Кант фикрига кўра, дид биргина одамга хос бўлган туғма қобилиятдир, у шу қадар якка ҳодисадирки, уни инкор этиб бўлмайди. Кант, шунингдек, улуғворлик назариясини ривожлантирди. У улуғворлик ва гўзалликнинг барча ўхшаш ва фарқли томонларини кўрсатиб берди. Гегель санъатга юқори баҳо беради. Санъат, унинг фикрича, гўзалликнинг асл маконидир. Гегель улуғворликни ҳам санъат асарла-ри заминида таҳлил этади. Гегель фикрича, мутлақ руҳ – гўзалликнинг намоѐн бўлишидир. IX-XII асрларда Ўрта Осиѐда Мусо Хоразмий, Абу Наср Форобий, Абу Райҳон Беруний, Абу Али ибн Сино каби буюк олимлар, шоирлар,

мусиқашунослар, файласуфлар яшаб ижод этдилар. Улар табиий-илмий, фалсафий, ижтимоий-сиѐсий, ахлоқий масалалар билан бир қаторда тилшунослик, шеърият, нотиқлик санъати, мусиқа назариясига оид ҳам асарлар ѐздилар. Форобий ―Бахт-саодатга эришув ҳақида‖ги рисоласида ―Инсон ақлидроки туфайли ҳақиқий инсонга айланади, билим инсонга бахт ва шодлик келтиради, инсон билиш орқали ўзида гўзаллик ва мукаммалликни кашф этади‖ деб кўрсатади. Шахсни камол топтириш жараѐни, Форобий фикрича, инсон ўз ҳаѐти давомида илм, ҳунар ўрганиши, ахлоқий қонун- қоидаларни эгаллаши ва санъатни ҳаѐтий тажриба билан бойитиш орқали содир бўлади. Эстетик фазилатлар инсон атрофини қуршаган муҳит таъси- рида шаклланади. Форобий шахс тарбиясида шеърият ва мусиқа санъатининг ўрнини алоҳида таъкидлайди. У санъат турларини бир-биридан фарқ қилади: шеърият сўз билан, тасвирий санъат эса бўѐқлар билан иш кўради. Лекин ҳар иккови ҳам инсон руҳий ҳаѐтининг инъикосидир. Санъат инсонда гўзал эстетик фазилатларни тарбиялашга қодир кучга эгадир. Таълим-тарбия масалаларига Форобий алоҳида тўхталиб, ѐшларнинг ахлоқий фазилати низомларини ҳамда уларнинг санъатни эгаллаши учун амалий малакаларини тарбиялашни муҳим вазифа деб ҳисоблайди. Абу Райҳон Беруний (973-1048) нафосат ҳақидаги қарашларида воқеаҳодисаларнинг ўзаро боғлиқлиги ва алоқадорлиги манбаи ҳамоҳанглик ва уйғунликдир деб кўрсатади. Гўзалликни табиат ва инсонга хос бўлган камолот, етуклик сифати даражасида баҳолайди. Абу Али ибн Сино (980-1037) ўзининг эстетик қарашларида эстетика билан ахлоқ муаммоларини бир-бирига узвий боғлайди. У ―Китоб уш- шифо‖ асарида мусиқанинг эстетик хусусияти ҳақида сўз юритиб, унинг ахлоқий тарбиядаги аҳамиятига, шеъриятнинг кишиларга гўзал фазилатлар сингдириши имкониятларига тўхталиб ўтади. Ёшларни тарбиялаш оила ва давлатнинг муҳим вазифаси, жамият тараққиѐти, ютуқлари маълумотли,

маданиятли кишиларнинг ўсишига боғлиқ, ―барча билимларга эга нарсалар мукаммалликка мойилдир‖ дер экан, ―мукаммаллик‖ атамасида у инсоннинг ички гўзаллиги ва эзгуликка интилишини ифодалайди. Ўрта Осиѐ Уйғониш даври мутафаккирлари ―Аллоҳ гўзал ва у гўзалликни яхши кўради‖ тамойилига амал қилганлар. Улар Аллоҳ гўзаллигини улуғлаб, диний эътиқод доирасида инсонпарварлик таълимотини яратдилар, диний эътиқодни инсон ақл-идроки кучи, инсон иродаси эркинлиги ғояси билан боғлаб талқин қилдилар. Эстетик тафаккур XIV-XV асрларда янада ривожланди. Айниқса, Алишер Навоий ўз асарларида гўзалликни, санъатни юксак қадрлаб, санъат инсон маънавий олами, комил шахс бўлиб етишиши учун зарур эканлигини таъкидлайди. Унинг адабий-эстетик қарашлари ―Мажолис ун-нафоис‖, ―Мезон ул-авзон‖ ва ―Муфрадот‖ асарларида баѐн этилади. Навоий бадиий сўз санъатининг маърифий-тарбиявий, ҳиссий-руҳий аҳамиятини алоҳида таъкидлар экан, ижодкорларнинг ахлоқий қиѐфасига эътибор қаратади. Уларнинг камтарлик, ҳимматлилик, хуш-муомалалилик, саҳийлик каби фазилатларини таъкидлайди. ―Мажолис ун-нафоис‖да машҳур созандалар, ҳофизлар ҳақида ҳам сўз юритилади. ―Мезон ул-авзон‖да туркий шеъриятнинг ѐзма ва оғзаки адабиѐт ҳамкорлигида юзага келган жанрлар (туюқ…), оғзаки адабиѐтнинг ѐзма адабиѐтга кириб бориши (ўлан-чангий, ѐр-ѐр, қўшиқ) масалаларига алоҳида тўхталади, халқ қўшиқларининг саккиз тури ҳақида маълумот беради: туюқ, чанги-туркий, арзуворий, муҳаббатнома, мустаҳзод ва бошқа. Навоийнинг адабий-эстетик қарашларида санъаткор инсон маънавий эҳтиѐжига, инсоф ва адолатнинг барқарор бўлишига хизмат қилиши, энг яхши инсоний фазилатларни тарғиб этиши, китобхон онги, ҳисси ва дидига таъсир кўрсатиши керак, деган ғоя илгари сурилади. ХХ аср эстетик назариялари анъанавий қарашларга кам таянади. Интуитивизм А.Бергсон (1859-1941), Андре Мальро (1901-1976) бадиий ижоднинг норационал асосларига эътибори билан ажралиб туради.

Экзистенциализм Ж.П.Сартр (1905-1980), Альбер Камю (1913-1960) эстетикасида инсонга эътиборни, санъат феноменини инсон тақдири билан боғлаб қарашни кўришимиз мумкин. Структурализм Роман Якобсон (1896--1982), Ролан Барт (1915-1980) санъат асарини таҳлил қилар эканлар структура, белги, элемент, функция тушунчаларини ишлатадилар. Масалан, структурализм тас-вирий санъат асарини ўрганар экан, унда геометрик композицияларни, гуруҳий ҳолатларни, тасвирланган шаклларни бир-бири билан ва асарнинг фони билан муносабатига эътибор қаратадилар.

Адабиётлар 1. Ўзбекистон Республикасининг Конституцияси. Т., 2003 йил. 2. Каримов И.А «Истиқлол ва маънавият». –Т.: «Ўзбекистон» нашриѐти, 1995 йил. 3. Каримов И.А. «Ўзбекистон: миллий истиқлол, иқтисод, сиѐсат, мафкура», 1-жилд, Тошкент, «Ўзбекистон» нашриѐти, 1996 йил. 4. Каримов И.А. «Ватан саждагоҳ каби муқаддасдир». 3-жилд, Тошкент, «Ўзбекистон» нашриѐти, 1996 йил. 5. Каримов И.А. «Ўзбекистон XXI аср бўсағасида: хавфсизликка таҳдид, барқарорлик шартлари ва тараққиѐти кафолатлари». Ташкент, «Ўзбекистон» нашриѐти, 1997 йил. 6. Каримов И.А. «Маънавий юксалиш йўлида». Тошкент, «Ўзбекистон» нашриѐти, 1998 йил. 7. Каримов И.А. ―Ўзбекистон XXI асрга интилмоқда. Ташкент, ―Ўзбекистон нашриѐти, 1999 йил. 8. Каримов И.А. ―Оллоҳ қалбимизда, юрагимизда. Тошкент, ―Ўзбекистон нашриѐти, 1999 йил. 9. Каримов И.А. ―Баркамол авлод орзуси. Тошкент, Шарқ нашриѐти, 1999 йил.

O'xshashlar

Эстетик онг ва эстетик фаолият

Эстетик муносабат ва эстетик фаолият. Эстетик англаш ва унинг тузилмаси

Мантиқ илмининг предмети, асосий қонунлари. Тушунча тафаккур шакли сифатида

Илмий тафаккур шакллари

Ҳиндистон, Хитой ва Узоқ Шарқда фалсафа ривожининг асосий босқичлари