Ўтказгич материаллар - Energetika - Referatlar

Ўтказгич материаллар

Yuklangan vaqt:

22.11.2022

Ko'chirishlar soni:

0

Hajmi:

64.203125 KB

Ko'chirib olish

Ўтказгич материаллар Режа: 1. Солиштирма қаршилиги кам бўлган ўтказгич материаллар 2. Солиштирма қаршилиги катта бўлган ўтказгич материаллар* 3. Оловбардош ўтказгич материаллар 4. Электр-кўмир буюмлар

5. Солиштирма қаршилиги кам бўлган ўтказгич материаллар Металл ўтказгич материаллар поликристалл тузилишли моддалардир, яъни улар жуда кўп майда кристаллардан таркиб топган. Металл ўтказгичлардан кўпчилигининг (кумуш, мис, алюмииий ва бошқаларнинг) ўтказувчанлиги юқори бўлади. Уларнинг солиштирма электр қаршилик қиймати кичик бўлади: ρ=0,0150—0,0283 Ом·мм 2 /м. Бўлар, асосан, соф металлар бўлиб, симлар ва кабеллар тайёрлаш учун ишлатилади. Ўтказувчанлиги катта бўлган ўтказгичлар билан бирга солиштирма қаршилиги катта ρ=0,4—2,0 Ом·мм 2 /м, бўлган ўтказгич материаллар ҳам керак бўлади. Бу ўтказгич материаллар намунавий қаршиликлар, резисторлар, иситиш асбоблари ва бошқалар тайёрлашга сарфланади. Металл ўтказгич материалларнинг ҳаммаси электрон ўтказувчанликка эга, яъни уларда ўтказувчанлик токи эркин электронларни нг бир йўналишда ҳаракатланишидан иборат. Температура кўтарилиши билан металл ўтказгичларнинг электр қаршилиги ортади. Бунга сабаб шуки, температура кўтарилиши билан ўтказгич атомларининг иссиқликдан тебраниши анча кучаяди. Бунда ўтказгичда ҳаракатланаётган электронлар атомлар билан тобора тез тўқнашиб, ўзининг ҳаракат йўлида қаршиликка учрайди. Шу сабабли барча ўтказгичларда солиштирма қаршиликнииг температура коэффициенти нолдан катта бўлади. Мис, бронза, алюминий, кумуш, вольфрам ўтказувчанлиги катта бўлган энг муҳим ўтказгич материалларга киради. Мис ўтказгич — турли хил аралашмалардан тозаланган қизғиш зарғалдоқ тусли, суюқланиш температураси 1083°С ва чизиқли кенгайиш температура коэффициенти 17·10 -6 1/ о С га тенг бўлган металл. Мис яхши механиқавий хоссаларга, шунингдек, пластикликка эга. Бу мисдан диаметри 0,03—0,01 мм гача бўлган симлар, шунингдек, юпқа ленталар олишга имкон беради. Мис ҳавода юпқа оксид (СuО) қавати билан қопланганлиги учун мисўтказгич атмосфера таъсирида деярли коррозияланмайди. Оксиднинг ҳимоя қатлами ҳаво кислородининг мис ичига кириб боришига тўсқинлик қилади. Ўтказгич буюмлар (чулғам симлари, монтаж симлари ва кабеллар) тайёрлаш учун таркибидаги кислороднинг миқдори жиҳатдан бир-биридан фарқ қиладиган М0 ва М1 маркали мис ўтказгич ишлатилади. М0 мисли кислород кўпи билан 0,02%, М1 мисда эса кўпи билан 0,05% бўлади. Бошқа аралашмаларнинг (висмут, сурьма, мншьяк, никель, олтингугурт) миқдори иккала маркадаги мисда бир хил бўлиши мумкин. Аралашмаларнинг умумий миқдори: МО мисда — кўпи билан, 0,05%, М1 мисда — кўпи билан 0,1%. Иккала маркадаги мисдан ҳам ток ўтказувчи симлар тайёрланади. Диаметри 0,01 даи 10 мм гача бўлган симлар чиқарилади. Юмшоқ мисдан тайёрланган буюмларнинг асосий характеристикалари қуйидагича: зичлиги 8900 кг/м3, чўзилишдаги мустаҳкамлик чегараси σ ч =(20—25)•105 Н/м2; солиштирма чўзилиши е ч =15—40%; ρ=0,0172—0,01724 Ом·мм2/м. Қаттиқ мисдан тайёрланган буюмларнинг зичлиги 8960 кг/м3; σ ч =(36—42)·105 Н/м2; е ч = 0,5—3%; ρ=0,0178-0,0182 Ом·мм 2 /м. Кичик диаметрли симларнинг чўзилишдаги мустаҳкамлик чегараси ва солиштирма электр қаршилиги катта бўлади. Диаметри жуда кичик диаметрли (0,01 мм) ва юқори температурада (300°С дан ортиқ) ишлатиш учун мўлжалланган симлар учун кислородсиз мисдан * (М00 маркали) тайёрланган сим ишлатилади, у ниҳоятда тозалиги билан (аралашмаларнинг умумий миқдори кўпи билан 0,01 % бўлади) фарқ қилади. Миснинг барча маркалари учун солиштирма қаршиликнинг температура коэффициенти ТК ρ—0,004 1/ о С. Бронзалар — мис асосида олинган қотишмалар бўлиб, ундан буюмлар қуйишда ҳажмий кичрайиши камлиги билан фарқ қилади. Бронзаларда ҳажмий кичрайиши 0,6—0,8%, пўлат ва чўянда эса бу кўрсаткич 1,5—2,5% ни ташкил этади. Бронзаларнинг асосий типлари миснинг қалай (қалайли бронзалар), алюминий (алюминийли), бериллий (бериллийли) каби легирловчи элементлар билан ҳосил қилган қотишмаларидир. Бронзаларнинг маркаси Бр (бронза) ҳарфлари билан белгиланади, бу

ҳарфлардан кейин айни бронзада қандай легирловчи элементлар қанча миқдорда борлигини кўрсатувчи ҳарф ҳамда рақамлар келади (11-жадвал). 11-жадвал Айрим бронзаларнинг маркалари ва таркиби Маркаси Легирловчи элементлар миқдори, % мас. қалай фосфор бериллий алюминий никель мис БР010 10- - - - қолгани БрОФ6,5- 0,15 6-7 0,15 - - - “-“ БрА7 - - - 6-8 - “-“ БрБ2 - - 2-2,2 - 0,2-0,5 “-“ Бронзаларга қирқиш йўли билан, босим остида ишлов бериш осон, улар яхши кавшарланади. Улардан лента ва симлар тайёрланади, бу лента ва симлардан эса деформацияланувчи контактлар, ток ўтказувчи пружиналар ва бошқа ток ўтказувчи ҳамда конструкцион деталлар ишлаб чиқарилади. Бронза деталларнинг мустаҳкамлигини ошириш учун уларга термик ишлов берилади: тобланади, сўнгра эса оптимал температураларда бўшатилади. Электр ўтказувчанлиги жиҳатидан бронзалар мисдан кейинда, лекин механиқавий мустаҳкамлиги, эластиклиги, едирилишга қаршилиги ва коррозняга чидамлилиги жиқатидан ундан устун туради. 12-жадвалда бронзалар билан миснинг асосий характеристикалари таққосланган. 12-ж а дв ал Бронзалар билан миснинг асосий характеристикалари Материал Ишлов бериш ҳарактери Ўтка- зувчан- лиги, % Чўзилишдаги мустаҳкамли к чегараси, Н/м 2 Чўзилганда нисбий чўзилиши, % Мис ўтказгич (99,95% CU) юмшоқ қаттиқ 100 98 (20-25)·10 3 (36- 42)·10 3 40 3 Фосфорли бронза (6- 7% қалай, 0,15 фосфор) юмшоқ қаттиқ 15 10 (40-45)·10 3 (95- 105)·10 3 60 3 Бериллийли бронза (2% бериллий, 0,5% никель) юмшоқ қаттиқ 36 26 (70-79)·10 3 (160- 175)·10 3 20 9 Алюминий нисбатан яхши ўтказувчанлиги ва атмосфера коррозиясига чидамлилиги туфайли мисдан кейин иккинчи ўтказгич материал ҳисобланади. Алюминий зичлиги 2700 кг/ма бўлганлиги учун енгил металлар группасига киради, яъни у мисдан 3,3 марта енгил. Алюминий — суюқланиш температураси 658°С бўлган кумуш ранг оқ, металл, қаттиқлиги кичик, чўзилишдаги механиқавий мустаҳкамлиги нисбатан кам (7,5—18)·10 3 Н/м 2 ; бундан ташқари, алюминийнинг чизиқли кенгайиш температура коэффициенти (24·10 -6 1/°С) мисникига нисбатан катта, бу эса алюминийнинг камчилигидир. Ҳавода алюминий тезда юпқа оксид парда (Аl 2 Оз) билан қопланади, у алюминийни ҳаво кислороди таъсиридан сақлайди. Шу билан бирга бу парда анчагина электр қаршилигига эга бўлади. Шу сабабли яхши тозаланмаган алюминий симларнинг ўзаро туташган жойларида ўтиш қаршиликлари катта бўлиши мумкин.

Алюминий симларнинг бошқа металларнинг симлари билан туташган жойлари ҳўлланганда гальваниқ жуфтлар ҳосил бўлиши мумкин. Бунда вужудга келадиган гальваниқ токлар альюминий симни емиради. Гальваниқ жуфтлар ҳосил бўлишининг олдини олиш учун туташиш жойлари намликдан яхши ҳимоя қилинади (масалан, лакланади). Алюминийнинг химиявий тозалиги қанча юқори бўлса, у коррозияга шунча кўп қаршилик кўрсатади. Ватанимиз саноати тозалик даражаси турлича бўлган ўн уч маркада алюминий ўтказгич чиқаради. Ниҳоятда тоза алюминий маркаларида қўшимчалар (темир, кремний, рух, титан ва мис), кўпи билан 0,005% бўлади. Алюминийнинг бу турлариниларидан электролитик конденсаторларнинг электродлари, шунингдек, алюминий зарқоғоз (фольга) тайёрланади. Электр симлар таркибида кўпи билан 0,05% аралашма бўлган алюминийдан (АЕ маркали) тайёрланади. Диаметри 0,08 дан 10 мм гача бўлган юмшоқ (АМ), ярим қаттиқ (АПТ) ва қаттиқ (АТ) алюминий симлар ишлаб чиқарилади. Юмшоқ алюминийдан тайёрланган буюмларнинг характеристикалари қуйидагича бўлади: σ ч =(7,5—8)·103 Н/м2; е ч = 10—25%; ρ=0,028 Ом·мм2/м; ярим қаттиқ алюминийдан тайёрланган буюмларники: σ ч =(9,5—10)·103 Н/м2; е ч =3%; ρ=0,0283 Ом·мм2/м; қаттиқ алюминийдан тайёрланган буюмларники: σ ч =(10—18·103 Н/м2; е ч = 0,5— 2%; ρ=0,0283 Ом·мм 2 /м. Алюминийнинг барча маркалари учун солиштирма қаршиликнинг температура коэффициенги 0,00423 1/°С га тенг деб қабул қилинади. Алюминий симлар ва ток ўтказувчи деталларни бир-бири билан қайноқ ҳолда ёки совуқлайин пайвандлаш, шунингдек, кавшарлаш йўли билан бириктириш мумкин; лекин бунда махсус кавшар ва флюслар ишлатилади. Совуқлайин пайвандлаш иши махсус қурилмааларда бажарилади, бунда алюминий деталларнинг тозаланган сиртлари тахминан 10000-10 5 Н/м 2 босимда бир-бирига босилади. Бунда бириктирилаётган деталнинг кристаллари биридан иккинчисига диффузияланади, натижада деталлар бир- бири билан яхши бирикади. Лист ҳолидаги алюминий экранлар учун кенг кўламда ишлатилади. Кумуш хона температурасида ҳавода оксидланмайдиган нодир металлар гуруҳига киради. Кумуш 200°С ва ундан юқори температурада тез оксидлана бошлайди. Барча нодир металлар каби кумуш ҳам жуда пластик металл, бу ҳол ундан зарқоғоз ва диаметри 10,01 мм ли симлар олишга имкон беради. Бундан ташқари, кумуш энг юқори ўтказувчанлиги билан ҳам ажралиб туради. Кумуш ўтказгичнинг асосий характеристикалари қуйидагича: зичлиги 10500 кг/м 3 ; суюқланиш температураси 960,5°С; ТКЛР=19,3·10 -6 1/°С, яъни мисникидан бир оз каттароқ; юмшоқ кумушдан ясалган буюмларники: σ ч =(15—18)·103 Н/м2; е ч =45—50%; ρ=0,015 Ом·мм2/м; ҳаттиқ кумушдан ясалган буюмларники: σ ч =(20—30)·103 Н/м2; е ч =4— 6%; ρ=0,0158 Ом·мм 2 /м. ТҚ ρ = 0,00369 1/°С. Мис ва алюминийга нисбатан кумуш чекланган миқдорда ишлатилади; мис, никель ва кадмий билан ҳосил қилган қотишмалари кичикроқ токларга мўлжалланган реле ва бошқа асбобларнинг контактларида, шунингдек ПСр-10; ПСр-25 каби кавшарларда ишлатилади. Вольфрам қийин суюқланадиган металлар группасига киради, электротехника саноатида электр контактлар учун ва электровакуум асбобларнинг (чўғланиш лампаларининг симлари, электродлар ва бошқалар) деталлари учун едиришга чидамли материал сифатида кенг кўламда ишлатилади. Вольфрам — суюқланнш температураси жуда юқори ва ниҳоятда қаттиқ кулранг металл. Больфрам кукун металлургия методи билан, яъни прессланган металл заррачаларини қиздириб қовуштириш натижасида олинади. Бунинг учун вольфрам заррачаларидан (кукунларидан) пўлат пресс-қолипларда пресслаш йўли билан стерженлар олинади. Сўнгра улар 1300°С температурада бир-бирига қовуштирилади. Қиздириб қовуштирилган вольфрам стерженларда донадор тузилиш ҳали сақланиб қолади ва улар мўрт бўлади. Сўнгра вольфрам стерженлар 3000°С температурага қадар қиздирилади. Механиқавий мустаҳкам металл олиш учун стерженлар кўп марта болғаланади ва чўзилади. бўлар

орасида стерженлар қиздириб совитиб турилади. Бундай ишлов натижасида вольфрам толали тузилишга эга бўлади, бу эса вольфрамга катта механиқавий мустаҳкамлик ва пластиклик бахш этади. Вольфрамдан диаметри 0,01 ммгача бўлган симлар тайёрланади. Вольфрам ҳавода 400°С ва ундан юқори температурада оксидлана бошлайди. Вольфрам деталлар вакуумда 2000 о С гача бўлган температураларда ҳам ишлаши мумкин. Вальфрамнинг асосий характеристикалари қуйидагича: зичлиги 19300 кг/м 3 ; суюқланиш температураси 3380°С; юмшатилган вольфрамдан тайёрланган буюм ларда: : σ ч =(5-8)·104 Н/м2; ρ=0,0503 Ом·мм2/м; қаттиқ вольфрамдан тайёрланган буюмларда: : σ ч =18·105 Н/м2; ρ=0,0612 Ом·мм 2 /м. Қаршиликнинг температура коэффициенти ТК ρ=0,0048 1/°С. 6. Солиштирма қаршилиги катта бўлган ўтказгич материаллар* Ўтказгич материалларнинг бу гуруҳи металларнинг қотишмалари бўлиб, уларнинг солиштирма қаршилиги катта ва солиштирма қаршилигининг температура коэффициенти қийматлари кичик бўлади. Шу сабабли бу қотишмалардан электр қаршилиги амалда температурага боғлиқ бўлмаган термостабил резисторлар ва бошқа буюмлар тайёрлаш мумкин. Тартибсиз структурали металларнинг қаттиқ эритмаларидан иборат қотишмалар юқорида айтиб ўтилган хоссаларга эга бўлади. Ўтказгич материалларнинг гуруҳига асосан— миснинг никель билан ҳосил қилган, манганин ва константан дейиладиган қотишмаларидир. Манганин —84—86% мис, 2—3% никель ва 12—13% марганецдан иборат қотишма**. Манганиннинг ранги оч зарғалдоқ, зичлиги 8400 кг/м 3 , суюқланиш температураси 96О°С; ТКЛР=18·10 -6 1/°С. Манганиндан ясалган юмшоқ буюмларнинг асосий характеристикалари: σ ч =(45—55)·103 Н/м2; е ч =10—25%; ρ=0,42 Ом·мм2/м; қаттиқ буюмларники: σ ч =(55- 58)·103 Н/м2; е ч =5-9%; ρ=0,47 Ом·мм2/м; ТК ρ=(2-6)·10-5 1/°С. Солиштирма электр қаршилигини 1,5·2 Ом·мм 2 /м га қадар ошириш учун манганин таркибига кўпроқ миқдорда марганец (60—67%) ва никель (16—30%) қўшиб, мис миқдори камайтирилади. *Бу материаллар электр қаршилиги юқори бўлган қотишмалар дейилади. ** Манганиннинг баъзи хилларига кобальт ҳам қўшилади. Манганин буюмларнинг афзаллиги шундаки, уларнинг электр қаршилиги температурага жуда кам боғлиқ бўлади. Бошқа афзаллиги мис билан контактда термо э. ю. к. нинг жуда кичиклигидир (0,9—1 мкВ/°С). Манганин буюмларнинг электрик характеристикаларини стабиллаштириш учун вакуумда 400°С да қиздирилади ва кейин хона температурасида узоқ вақт сақлаб турилади. Бундай ишлов бериш натижасида қотишманинг бир жинслилиги ортади ва унинг хоссалари стабиллашади. Манганиннинг стабиллашган турлариниларидан тайёрланган буюмлар учун йўл қўйиладиган энг юқори температура 200°С, стабиллашмаганларидан тайёрланганлари учун эса 60—80°С. Бу температуралардан юқорида манганин буюмларнинг хоссаларида қайтмас ўзгаришлар содир бўлади. Манганиндан диаметри 0,02—6 мм ли юмшоқ ва қаттиқ ҳолида тортиладиган симлар ҳамда қалинлиги 0,08 мм гача ва эни 270 мм гача бўлган ленталар тайёрланади. Бундан ташқари, манганиндан эмаль изоляцняли табиий ипакдан қилинган изоляияли, шунингдек, эмаль ва бир қават табиий ипак билан изоляцияланган чулғам симлари тайёрланади. Манганин буюмлар юқори классли резисторлар ва потенциометрлар ишлаб чиқаришда ишлатилади. Константан — 58—60% мис, 32—40% никель ва 1—2% марганецдан таркиб топган қотишма. Константаннинг ранги кумушранг сариқ зичлиги 8900 кг/м 3 ; суюқланиш температураси 1260°С, ТКЛР = 14·10 -6 1/°С. Константан буюмларнинг (симларнинг) асосий характеристикалари: юмшоғи σ ч =(40— 50)·103 Н/м2; е ч =40—50%; ρ=0,48 Ом·мм2/м; қаттиқ ҳолда чўзилганиники: σ ч =(65—72)·103 Н/

м2; е ч =2-5%; ρ=0,46-0,52 Ом·мм2/м. Константандан тайёрланган буюмларнинг солиштирма қаршилик температура коэффициенти: (0—2)·10 -5 1/°С, яъни константан кўпчилик таркибларинннг температураси ўзгариши билан электр қаршилиги ўзгармайди. Константандан юмшоқ ва қаттиқ буюмлар: диаметри 0,03 дан 5 мм гача бўлган симлар ва қалинлиги 0,1 мм гача бўлган лента тайёрланади. Изоляцияланган константан сим мис сим билан биргаликда термопаралар тайёрлаш учун ишлатилади. Константан буғомлар (сим, ленталар) дан 450°С дан юқори бўлмаган температураларда фойдаланиш мумкин. 7. Оловбардош ўтказгич материаллар Оловбардош ўтказгич материаллар жумласига никель, хром каби баъзи компонентлар асосида олинган қотишмалар киради. Бу қотишмаларнииг оловбардошлиги, яъни юқори температураларда оксидланмаслиги уларнинг сиртида зичлиги катта бўлган оксид парда ҳосил бўлиши туфайлидир; бу парда қотишмага кислородни киритмайди. Оловбардош оксид пардаларнииг асоси хром (Ш)-оксид Сr 2 О 3 ва никель (П)-оксид NiO дан иборат бўлиб, улар юқори температураларда қотишма сиртидан буғланиб кетмайди Никель, хром ва алюминий асосида олинган оловбардош ўтказгич материаллар тегишлича нихромлар, фехраллар ва хромаллар дейилади. Уларнинг ҳаммаси металларнинг тартибсиз структурали қаттиқ эритмаларидан иборат, шу сабабли бу қотишмаларнинг солиштирма қаршилиги катта ва қаршилик температура коэффициентнинг қийматлари кичик бўлади. Қотишмаларнинг маркаларида қотишмаларнинг асосий қисмлари ҳарфлар билан белгиланади: хром (X), нихель (Н), алюминий (Ю) ва титан (Т). Ҳарфдан кейинги рақам шу металлнинг қотишмадаги ўртача миқдорини кўрсатади. Масалан, Х 2 ОН8О маркали нихром массасининг 20% ни хром ва 80% ни никель ташкил қклади. 15-жадвалда турмушда кўп ишлатиладиган баъзн оловбардош қотишмаларнинг таркиби ва асосий характеристикалари келтирилган. 15-жадвалда кўрсатилган асосий компонентлардан ташқари оловбардош қотишмалар таркибига аралашмалар (0,06—0,15% углерод, 0,5—0,35% фосфор ва 0,03% олтингугурт) ҳам киради, улар шу қотишмалардан тайёрланган сим ва ленталарнинг маълум даражада мўртлигига сабаб бўлади. Ҳар қандай ўтказгич қотишма ишлаб чиқаришда ҳам аралашмаларнинг миқдорини минимумга келтиришга ҳаракат қилинади. Оловбардош қотишмалардан тайёрланган буюмлар (сим ленталар) асосан электр қиздириш асбоблари, реостатлар ва резисторларда ишлатилади. Металлокерамик материаллар ва буюмлар Металл кукунларидан пресслаш ва сўнгра юқори температурада (1000—1400°С) қовуштириш йўли билан олинадиган материаллар металлокерамик материаллар дейилади. Бошланғич кукунсимон массалар икки ва ундан ортиқ металларнинг кукунларидан ибораг бўлиб, бу металлардан бирининг суюқланиш температураси бошқа металл кукунлариникига нисбатан анча юқори бўлиши керак. Юқори температурада ишлов берилганда, яъни кукунсимон массаларни қовуштириб буюмлар олинганда осон суюқланувчан кукунлар суюқланиб, қийин суюқланувчан металл заррачалари орасидаги ғовакларни тўлдиради. Натижада яхлит металлокерамик буюмлар олинади. Аксинча, ғовак металлокерамик буюмлар, масалан подшипниклар, фильтрлар ва бошқалар олиш лозим бўлса, бунинг учун тахминан бир хил температурада суюқланадиган металл кукунларининг заррачаларни қаттиқ фазада қовуштириш усули қўлланилади. Баъзан металл кукунларидан иборат бошланғич массага металлмас, масалан графит кукуни қўшилади. Бундай массалар электр машиналари учун металлографит чўткалар*, электр контактлари ва бошқа деталлар тайёрлаш учун ишлатилади. Прессланган кукунсимон массалардан уларнинг заррачаларини юқори температураларда қовуштириш йўли билан буюмлар 13-жадвал

Қоти ш ма марк ас и Қоти ш ма типи Таркиби , % масс Солиштир ма Қаршилиги Ом мм 2 /м Қарши- ликнинг Темпе- ратура коэффи 1 0 С Йўл қўйила- диган Темпер- атура 0 С Хром Никель - Алюми ний титан те ми р Х15 Н60 Них- ром 15-18 55-61 1,02 - 1,15 12 10 -5 950- 1000 Х20 Н80 20-23 77-80 1,02 - 1,2 10 1050- 1100 Х20 Н80 Т 19-23 75 0,4 Қо л- га ни 1,04 -1,17 9 10 -5 1000- 1100 Х20 Н80 Т3 19-23 Қол- гани 2-29 2,5 1,08 – 1,36 9 10 -5 1000- 1100 Х13 Ю5 Фех -рал 12-15 0,6 3,5- 5,5 Қо л- га ни 1,2-1,3 15 10 -5 850-950 0Х2 3Ю 5 23-27 0,6 4,5- 6,5 1,3-1,5 5 10 -5 1150- 1200 олишнинг юқорида баён қилинган усуллари кукун металлургиясига киради. Кукун металлургиясининг методлари, қийин суюқланадиган металларнинготишмаларидан ёки ниҳоятда тоза металларнинг қотишмаларидан буюмлар олиш мумкин бўлмаган ҳолларда ёхуд металларнинг металлмаслар билан қотишмаларидан буюмлар олиш зарур бўлган ҳолларда қўлланилади. Бундан ташқари, кукун металлургиясининг методлари аниқ берилган ўлчамдаги, кейинчалик механиқавий ишлов берилмайдиган буюмлар олишга имкон беради. Натижада металл чиқиндилари кўринишидаги исрофлар кескин камаяди. Электротехника саноатида кукун металлургиясининг методлари электркўмир буюмлар магнит материалларнинг баъзи турлари ва жуда аниқ электр контактлар тайёрлаш учун кенг кўламда ишлатилади. Кумуш, мис, вольфрам ва металларнинг қотишмаларидан тайёрланган металл контактларга нисбатан металлакерамик контактлар едирилишга жуда чидамли, сиқувчи катта кучларга бардош бера олади ва эрозияга* чидамли бўлади. Паст кучланишга мўлжалланган электр аппаратларида кумуш ва кадмий оксид (СdО≈15%) кукунларн асосидаги металлокерамик материалдан тайёрланган контактлар кенг кўламда ишлатилади. Уларда металлокерамик буюмларга хос барча хусусиятлар бўлади. Бундан ташқари, улар тропик иқлим шароитида ишончли ишлаши мумкин. Жуда аниқ, ёйни узувчи контактлар сифатида кумуш, вольфрам (40-50%) ва ннксль (2— 3%) кукунларидан тайёрланадиган металлокерамик буюмлар ишлатилади. Бундай металлокерамик буюмлар пластик бўлади ва уларга исталганча механиқавий ишлов бериш мумкин. Мис билан графит кукунларидан тайёрланадиган металлокерамик контактлар катта

токлар (30000— 100000 А) узилганда пайвандланиб қолмаслиги билан фарқ қилади. Бунга сабаб мис ва графит (3—5%) кукунларн асосида олинган металлокерамик материалнинг таркиби ва структурасигина эмас, балки материалда 10—15% ғовакларнинг ҳам борлигидир. Металлокерамик буюмлар ишлаб чиқаришда улардаги ғоваклар миқдорини кенг кўламда ўзгартириш мумкин. Кичикроқ токларга мўлжалланган металлокерамик контактларда ғоваклик 2—5% Дан ортмаслиги лозим. Бунга эришиш учун металлокерамик буюмлар қайтадан прессланади ва сўнгра қиздириб ишлов берилади — юмшатилади. 8. Электр-кўмир буюмлар Электр-кўмир буюмлар жумласига электр машиналари учун чўткалар, контакт деталлари, электр-ёритиш кўмирлари ва бошқалар киради. Электр-кўмир буюмлар углеродли материаллар: графит, кокс, қурум, антрацит аралашмасидан кукун технологияси методлари билап тайёрланади. Баъзи электр-кўмир буюмларнинг бошланғич таркибига металл кукунлар (мис, қўрғошин, қалай ва бошқа металларнинг кукунлари) ҳам қўшилади. Бундан ташқари, электр-кўмир *Эрозия — контакт сиртининг электр учқун ва ёйлар таъсиридан емирилиши, буюмлар ишлаб чиқаришда боғловчн моддалар — тош-кўмир смоласи ва синтетик смолалар: бакелит, кремнийорганиқ ва бошқа смолалар ҳам ишлатилади. Графит ва қурумдан бошқа барча углеродли материаллар улардан учувчан моддаларни чиқариб юбориш аа электр-кўмир буюмларнинг хажмий қисқаришини камайтириш учун 1200— 1300°С температурада қиздирилади. Қиздирилган углеродли материаллар майдалагичларда кукун ҳолига келгунча майдаланади. Муайян нисбатларда олинган бошланғич кукунсимон материаллар (углеродли ва металл материаллар) бир-бири билан яхшилаб аралаштирилади. Сўнгра аралашмага боғловчи моддалар (смола, қатрон) қўшилади, уларни 110— 230 о С да махсус қорғичлар орқали ўтказиб, кукунсимон материаллар билан қориштирилади. Қориштирилгандан кейин олинган бошланғич электр-кўмир масса қуритилади, сўнгра майдаланади ва элакдаи ўтказилади. Бунинг натижасида прессланадиган кукун (пресс- кукун) олинади. Ундан пўлат пресс-қолипларда пресслаш йўли билан турли хил злектр- кўмир буюмлар ва блоклар тайёрланади; тайёрланган нарсалардан эса арралаш ва силлиқлаш йўли билан электр чўткалар ва бошқа буюмлар олинади. Электр-кўмнр буюмлар хона температурасида ёки 180—210°С да (қандай боғловчи ишлатилганига қараб) прессланади. Юқори температураларда юмшайдиган ёки полимерланадиган боғловчи ишлатилганда электр-кўмир буюмлар юқори температураларда прессланади. Электр-кўмир буюмлар 100 дан 300 МПа гача босимда прессланади. Узунлиги катта бўлган буюмлар (электр-ёритгич кўмирлар ва бошқалар) қиздирилган бошланғич пластик массани винтсимон пресснинг пўлат мундштуги орқали сиқиб чиқариш усули билан тайёрланади. Сўнгра олинган элекгр-кўмир буюмларга ёки уларнинг блокларга юқори температурада ишлов берилади, яъни махсус печларда хона температураси билан 1200— 1300°С оралиғида пиширилади. Пишириш жараёнида моддалар қовушади — бошланғич материалларнинг заррачалари ўзаро бирикади ва улар боғловчи органиқ моддалардан ҳосил бўлган кокс билан цементитланади. Пишириш натижасида электр-кўмир буюмлар механиқавий мустаҳкам бўлиб қолади ва уларга механиқавий ишлов бериш мумкин бўлади. Бунда уларнинг солиштирма электр қаршилиги қамаяди. Таркибида қурум, кокс ва бошқа графитмас компонентлар бор электр- кўмир буюмларга пиширилгандан кейин яна термик ишлов берилади (2400—2800°С да), бу процесс графитлаш дейилади. Бунда буюмлардаги графитмас компонентлар графитга айланади, аралашмаларнинг кўпчилиги эса буғланиб кетади. Графитлаш натижасида электр чўткалар (ЭГ группасидаги) қисман юмшоқ бўлиб қолади, ишқаланиш коэффициенти камаяди ва уларнинг солиштирма электр қаршилиги кескин пасаяди. Графитлангандан ва механиқавий ишлов берилгандан (қирқиш, силлиқлаш) кейин электр- кўмир буюмлар анчагина ғовак (30% гача) бўлиб қолади. Шу сабабли уларга лаклар ва мумсимон моддалар, баъзи ҳолларда эса суюқлаптирилган металлар (қалай,

қўрғошин ва бошқалар) шимдирилади. Электр-кўмир буюмларга моддалар 80—200°С ва ундан юқори температураларда, яъни шимдириладиган модда суюқ ҳолатда бўладиган температураларда шимдирилади. Электр-кўмир буюмларга моддалар шимдиришдан мақсад улардаги ғовакликни йўқотиш, гигроскопиклигини камайтиришдан, баъзан эса уларга мойловчи моддалар (мумсимон) киритишдаи иборат. Электр-кўмир буюмларга металлар шимдириш уларнинг механиқавий мустаҳкамлигини кескин кўпайтиради ва ўтказувчанлигини оширади. Электр-кўмир буюмлар (электр чўтка ва бошқалар) га узил-кесил шакл бериш ва сиртини тозалаш учун уларга механиқавий ишлов берилади. Электр чўткалар ва бошқа буюмларнинг заготовкалари (блоклари) махсус станокларда фрез ёки юпқа карборунд чархлар ёрдамида майда қисмларга кесилади. Сўнгра буюмларда эгилувчан бириктириш симлари учун тешиклар очилади. Механиқавий ишлов берилгандан кейин электр чўткалар ва ёритиш кўмирларининг баъзи типлари мис билан қопланади. Бунинг учун улар сиртининг бир қисми электр чўтка билан электр машинанинг чўтка тутқичи орасида яхши электр контакт вужудга келтириш мақсадида юпқа мис қатлами билан қопланади. Буюмларга мис гальваниқа усулида қопланади. Буюмларда ҳам бўлган мис қатламининг қалинлигн 10—15 мкм бўлади. Эгилувчан (кўптолали) симлар электр чўткага развальцовка, кавшарлаш ёки пресслаш усулида маҳкамланади. Тайёр электр чўткаларнинг ўлчамлари, қаттиқлиги, механиқавий мустаҳкамлиги, солиштирма электр қаршилиги, чўтка билан коллектор орасида кучланишнинг пасайиши, ишқаланиш коэффицненти, ток келадиган сим билан электр чўтка орасидаги ўтувчи қаршилик ва бошқа характеристикалари текшириб кўрилади. Электр-кўмир буюмлар орасида электр машиналар учун ишлатиладиган чўткалар ва контакт деталлар энг кўп тарқалган. Чўткаларнинг қуйидаги турлари бор: графит, кўмир- графит, металл-графит ва электр-графитланган чўткалар*. Графит чўткалар табиий графитдан тайёрланади. Улар юмшоқлиги билан ажралиб туради, ишлаганида шовқин чиқармайди ва 25 дан 70 м/сек гача айланма тезликларда ишлатилади. Уларнинг солишгирма электр қаршилиги 10—45 Ом·мм 2 /м. Кўмир-графит чўткалар графит, қурум, кокс ва боғловчн смолалардан тайёрланади. Бу чўткалар ниҳоятда қаттиқ механиқавий мустаҳкам ва абразив бўлади. Улар электр машиналарнинг коллекторларида ва ҳалқаларидаги оксид пардаларни тозалаши мумкнн. Чўткалар 15 дан 25 м/сек гача айланма тезликларда ишлатилади. Уларнинг солиштирма қаршилигн 40—60 Ом·мм2/м. Металл-графит чўткалар графит билан мис кукунларидан тайёрланади, баъзиларига эса қалай ва кумуш кукунлари ҳам қўшилади. Бу чўткаларнинг солиштирма электр қаршилиги кичик бўлади: 0,03—0,30 Ом·мм 2 /м; таркибида мис кам бўлган чўткаларнинг солиштирма қаршилиги 5—12 Ом·мм 2 /м. Бу чўткалар 20—35 м/сек айланма тезликларда ишлатилади. Электр-графитланган чўткалар графит, кокс, қурум ва боғловчи смолалардан тайёрланади. Пресслангандан ва печларда пиширилгандан кейин чўткалар графитлаш учун 2500°С ли электр печларга киритилади. Бунда чўткаларшшг таркиби графитга бойийди, натижада чўткаларнинг механиқавий мустаҳкамлиги ортади ва улардан Эо—90 м/сек га тенг катта айланма тезликларда фойдаланиш имконияти туғилади. Коммутация шароитлари оғир бўлган электр машиналар учун ишлатилади. Электр-кўмир электродлар электр ёйга бардошлиги бнлан ажралиб туради, улар жуда секин оксидланади, ёнмайди ва 3800°С гача суюқланмайди. Қатта қувватда электр аппаратларида кенг кўламда ишлатилади. Электровозлар, троллейбуслар ва ток оладиган бошқа қурилмаалар учун контакт деталлар электр-кўмир ва мисграфит массалардан тайёрланади, тайёр бундай буюмларнинг солиштирма қаршилиги жуда кам, 0,02— 0,05 Ом·мм 2 /м га тенг.

АДАБИЁТЛАР Н.П. Богородицкий, В.В. Пасынков, Б.М. Тареев. “Электротехнические материалы”. Ленинград, Энергия, 1985.  Ю.В. КорицкийЭлектротехнические материалы”. М., Энергия, 1976.  Н.В. Никулин. “Электр материалшуносл ииги.” Тошкент, Ўқитувчи, 1981. 176 б.  Н.В. Никулин, А.С. “Назаров Радоматериаллар” ва радиокпмонентлар Тошкент 1997й.  Ш.М. Камолов, А.Ш. Ахмедов. “Матералшуносли к” Фан-Тошкент 1994йил.  Ю.В. Корицкий, В.В.Пасынков, Б.М.Тареев. “Справочники по электротехническим материалам” М., Энергия.  Е.М. Савицкий. “Металлы космической эры”.  В.Д. Саболов “Физические основы электронной техники” Изд. Высш.шк. 1997.  В.В. Крацухин, И.А.Соколов, Г.У.Кузнецов. “Физико-химические основы технологии полупроводниковых материалов”. М., Металлургия 1982.  А.Я. Нашельский. “Производство полупроводниковых материалов”. Учеб.пос. М.,Металлургия 1985.  А.А. Преображенский. “Теория магнетизма, магнитные материалы и элементы”. М., Энергия, 1976.  В.А. Привезенцев, И.Б. Пешков: “Обмоточные и монтажные провода”, М., Энергия, 1971.

O'xshashlar

Ярим ўтказгич материаллар

Магнит материаллар

Электротехник материаллар классификацияси.

Электр изоляцион материаллар

Турли металлар. ( Металл материаллар )