Экологик экспертиза турлари - Ekologiya - Referatlar

Экологик экспертиза турлари

Yuklangan vaqt:

20.09.2019

Ko'chirishlar soni:

0

Hajmi:

67.5 KB

Ko'chirib olish

www.arxiv.uz Режа: 1. Экологик экспертиза турлари тўғрисида тушунча 2. Давлат экологик экспертизаси

www.arxiv.uz Экологик экспертиза фаолияти ва муносабатларида кўп турдаги экологик экспертиза шаклларидан фойдаланилади . Улар қаторига қуйидагилар киради . 1. Давлат экологик экспертизаси. 2. Жамоат экологик экспертизаси. 3. Экологик аудит. 4. Идоравий экологик экспертиза. 5. Илмий экологик экспертиза ва бошқалар. Давлат экологик экспертизаси атроф табиий муҳит соҳасида ваколатли орган томонидан тайинланади. Жамоат экологик экспертизаси нодавлат, нотижорат ташкилотлари уюшмалари, фуқароларнинг ташаббуси билан амалга оширилади. Экологик аудит хўжалик ва бошқа хил фаолият объекти мулкдори қарорига асосан ўтказилади. Идоравий экологик экспертиза тегишли идораларнинг буйруғига мувофиқ ўтказилиши мумкин ва у тегишли идоравий структура ичида амал қилади. Илмий экологик экспертиза илмий ташкилотлар ёки олий ўқув юртлари ташаббуси билан ўтказилади ва унинг хулосаси ахбарот характерига эга бўлади. Булардан ташқари экологик экспертизанинг яна қуйидаги махсус турлари ҳам мавжуд: 1) экологик-санитария экспертизаси. Ушбу йўналишда экологик экспертизанинг алоҳида аҳамиятга эга бўлган объекти- инсоннинг ҳаёти ва саломатлиги бўлиб, бунда унинг атроф табиий муҳит билан ўзаро алоқалари экологик экспертизадан ўтказилади. Экологик- санитария экспертизасининг асосий вазифаси антропоген фаолият таъсирида атроф муҳитнинг зарарли таъсир кўрсатиши билан нсон соломатлиги холати ва унинг ўзгаришлари ўртасидаги сабабли боғланишни аниқлашдан аборат. Давлат санитария-экология экспертизаси соғлиқни сақлаш идораларининг, Ўзбекистон Республикаси Табиатни муҳофаза қилиш давлат қўмитаси ва хуқуқни муҳофаза қилувчи идораларининг ташаббусига кўра Ўзбекистон Республикаси соғлиқни сақлаш вазирлиги томонидан тайинланади. Бу экспертизани ўтказишдан мақсад атроф муҳитнинг ноқулай таъсиридан

www.arxiv.uz фуқароларнинг саломатлигига етказилган зарарни аниқлаш ва унинг товонини тўлаш масалаларининг ҳал этишдан иборат бўлган принципиал муаммонинг ечимини топишдан иборат; 2) экологик-норматив экспертиза. Унинг асосий вазифаси атроф табиий муҳит сифати, зарарли моддаларнинг руҳсат этилган концентрацияси, чиқиндилар, оқавалар меъёри, радиация таъсири, шовқин, тебраниш, магнит майдони таъсирининг руҳсат этилган меъёри даражасининг экологик хавфсизлик талабларига мувофиқ (мос) келишини тадқиқ этишдан иборат. Бундай экспертиза жараёнида атроф муҳит сифати кўрсаткичларининг самарадорлиги инсон саломатлиги, унинг генетик фондини муҳофаза қилиш нуқтаи назаридан текширилади; 3) экологик-хуқуқий экспертиза . У мустақил аҳамиятга эга бўлиб, унинг объекти қонунлар, фармонлар, хукумат қарорлари, фармойишлари ва вазирликлар, идоралар, республика субъектларининг берилган ваколатлар доирасида қабул қилган норматив актлари ва буйруқларини экологик экспертизадан ўтказиш ҳисобланади. Давлат экологик экспертизаси Давлат экологик экспертизасини ташкил этиш ва ўтказиш Ўзбекистоннинг атроф табиий муҳити ва табиий ресурсларини муҳофаза қилишни давлат йўли билан тартибга солишнинг асосий воситаларидан биридир. У хўжалик қарори қабул қилинишидан олдин ўтказилиши шарт бўлган атроф табиий муҳитни муҳофаза қилиш тадбири бўлиб, унинг асосий мақсади атроф табиий муҳитни муҳофаза қилиш ва табиий ресурслардан рационал фойдаланиш соҳасида огоҳлантирувчи назоратни амалга оиширишдан иборатдир. Давлат экологик экспертизаси мўлжалланаётган ёки амалга оширилаётган хўжалик фаолияти ёки бошқа фаолиятнинг экологик жиҳатдан хавфлилик даражасини аниқлаш, уларнинг табиатни муҳофаза қилиш қонунларининг талабларига мувофиқлигини баҳолаш, лойиҳаларида

www.arxiv.uz назарда тутилаётган табиатни муҳофаза қилиш тадбирларининг етарли ёки асосли эканлигини аниқлаш мақсадларида ўтказилади. Ишлаб чиқариш-хўжалик ва бошқа фаолиятнинг давлат экологик экспертизаси давлатнинг у ёки бошқа фаолиятини рўёбга чиқаришга, объектларни ҳудудий жойлаштиришга руҳсат ва розилик бериши ҳисобланади. Давлат экологик экспертизасининг объекти Ўзбекистон Республикаси қонунчилиги талабларига мувофиқ тайёрланган хужжатлар ва хужжатлаштириш ишлари ҳисобланади. Ушбу талаблар бажарилмаган тақдирда хужжатлаштириш ишлари, қоида тариқасида, экологик экспертизага қабул қилинмайди. Ўзбекистон Республикасининг «Экологик экспертиза тўғрисида» қонунига мувофиқ қуйидаги объектларни экологик экспертизадан ўтказиш мажбурийдир (11-модда):  давлат дастурининг, концепцияларининг, ишлаб чиқариш кучларини, иқтисодий ва ижтимоий соҳа тармоқларини жойлаштириш ҳамда ривожлантириш схемаларининг лойиҳалари;  барча турдаги қурилишлар учун ер участкаларини ажратиш материаллари;  лойиҳаолди ва лойиҳа хужжатлари;  табиий ресурслардан фойдаланиш билан боғлиқ хўжалик ва бошқа хил фаолиятни тартибга солувчи норматив-техник ва йўриқнома услубий хужжатларнинг лойиҳалари;  техника технология, материаллар, моддалар, маҳсулотларнинг янги турларини яратишга доир хужжатлар;  атроф табиий муҳит холатига ва фуқаролар соғлигига салбий таъсир кўрсатувчи ишлаб турган корхоналар ва бошқа объектлар;  кейинчалик уларга алоҳида муҳофаза этиладиган табиий ҳудудлар, фавқулодда экологик вазият ва экологик офат зоналари

www.arxiv.uz мақомини бериш мақсадида ўтказилган ҳудудларни комплекс текшириш материаллари;  шаҳарсозлик хужжатларининг барча турлари;  махсус хуқуқий режимли объектлар. Давлат экологик экспертизасининг асосий йўналишларини қуйидагича классификациялаш мумкин: 1) Ўзбекистон Республикаси ҳудудида ишлаб чиқариш кучлари халқ хўжалиги тармоқларининг ривожланиш ва жойлашишининг лойиҳа олди материалларининг экспертизаси. Масалан шаҳарларнинг планировкаси ва иморат қурилиши бўйича лойиҳалари экспертизасида сувни тозалаш, атмосферани муҳофазалаш ва бошқалар бўйича норматив талабларга амал қилишга эришиш керак. 2) Республиканинг ижтимоий-иқтисодий ривожланиши мақсади дастурларининг лойиҳа олди материалларининг, шунингдек ер, сув, биологик ресурслар, фойдали қазилмалардан фойдаланиш ва уларни муҳофаза қилиш схемаларининг экспертизаси. Масалан, аҳоли яшаш манзиллари планировкаси ва иморат қурилишида аҳоли яшаш жойлари шундай жойлашиши керакки, унда зарарли омилларнинг аҳоли саломатлиги ва санитария-маъиший шароитларга таъсири максимал даражада камайиши керак. 3) Экологик аҳамиятга эга бўлган объектлар ёки табиатдан фойдаланишга таъсир кўрсатадиган объектлар. Аҳолининг экологик хавфсизлиги талабларига жавоб бермайдиган янги техника, материаллар, моддаларни қонун талабларига кўра ишлаб чиқаришга руҳсат берилмайди. Шунга кўра саноат махсулотлари, машиналар табиат муҳофазаси нормалари ва қоидалари талабларига мос келишини аниқлаш учун экспертизадан ўтказилади. Давлат экологик экспертизасини Ўзбекистон Республикаси Табиатни муҳофаза қилиш давлат қўмитаси томонидан тузилган экспертлар гуруҳи ёки

www.arxiv.uz комиссияси ўтказади. Давлат экологик экспертизаси натижалари бўйича экспертиза хулосаси тузилади. Давлат экологик экспертизаси хулосаси расмий давлат хужжати бўлиб, унда давлат экологик экспертизаси объектини рўёбга чиқариш мумкинлиги ёки мумкин эмаслиги тўғрисидаги хулосалар баён қилинади. Давлат экологик экспертизасининг ижобий хулосаси қуйидагиларни тасдиқловчи хужжат ҳисобланади: асословчи хужжатларни тайёрлашда экологик талабларга амал қилиниши; рўёбга чиқариладиган объектнинг экологик шароитлари кафолатланганлигини; рўёбга чиқариладиган объектни молиялаштириш имкониятининг очилганлигини билдиради. Давлат экологик экспертизассининг давлат экологик экспертизаси объектини рўёбга чиқариш мумкин эмаслиги тўғрисидаги хулосаси бўлган тақдирда, хулосада кўрсатилган таклифга кўра лойиҳа маромига етказилишини таъминлаш ҳамда материалларни давлат экологик экспертизаси учун қайта тақдим этиш лозим. Давлат экологик экспертизасининг хулосаси давлат экологик экспертизаси объектини молиялаш ва рўёбга чиқаришда юридик ва жисмоний шахслар томонидан ижро этилиши мажбурийдир. Қисқача хулосалар Экологик экспертиза фаолияти ва муносабатларида қуйидаги экспертиза турларидан фойдаланилади: давлат эколгик экспертизаси, жамоат экологик экспертизаси, экологик аудит, идоравий экологик экспертиза, илмий экологик экспертиза, экологик  санитария экспертизаси, экологик норматив экспертизаси, экологик  ҳуқуқий экспертиза ва бошқалар. Давлат экологик экспертизасини ташкил этиш ва ўтказиш Ўзбекистоннинг атроф табиий муҳити ва табиий ресурсларини муҳофаза қилишни давлат йўли билан тартибга солишнинг асосий воситаларидан биридир.

www.arxiv.uz Давлат экологик экспертизаси давлатнинг у ёки бошқа фаолиятни руёбга чиқаришга, объектларни худудий жойлаштиришга давлатнинг рухсат ва розилик бериши ҳисобланади. Давлат экологик экспертизаси кўп йўналишларда амалга оширилади: 1) ишлаб чиқариш кучлари, тармоқлар ривожланиши ва жойлашиши лойиха олди материаллари экспертизаси; 2) мақсадли дастурлар лойиҳа олди материаллари, ер, сув, биологик ресурслар, фойдали қазилмалардан фойдаланиш ва уларни муҳофаза қилиш схемаларининг экспертизаси; 3) экологик аҳамиятга эга бўлган объектлар экспертизаси. Давлат экологик экспертизаси хулосаси расмий давлат хужжати бўлиб, унда давлат экологик экспертизаси объектини рўёбга чиқариш мумкинлиги ёки мумкин эмаслиги тўғрисидаги хулосалар баён қилинади. Хулосаларни ижро этиш мажбурийдир.

www.arxiv.uz Асосий адабиётлар 1. «Экологик экспертиза тўғрисида». Ўзбекистон Республикаси қонуни (2000й). Атроф табииё муҳитни муҳофаза қилиш. Қонунлар ва норматив хужжатлар. Т. 2002. 2. Национальўй доклад. О состоянии окружаюшей природной средў и использовани и природних ресурсов в Республике Узбекистан. Т. 2002. 3. Ли Н. Экологическая экспертиза. Учебное руководство. М. 1995. 4. Реймерс Н.Ф. Природопользование. Словарь справочник. М. 1990. Справочник, эколога  эксперта. Т.1997. 5. www.ziyonet.uz

O'xshashlar

Табиий ресурслар ва экологик экспертиза асослари

Экологик экспертиза хизматини ташкил этиш ва давлат экологик экспертизасининг хулосасига қўйиладиган талаблар

Экологик таҳлил

Жамоат экологик экспертизаси ва экологик аудит

Жамоат экологик экспертизаси ва экологик аудит