Жамоат экологик экспертизаси ва экологик аудит - Ekologiya - Referatlar

Жамоат экологик экспертизаси ва экологик аудит

Yuklangan vaqt:

20.09.2019

Ko'chirishlar soni:

0

Hajmi:

59.5 KB

Ko'chirib olish

Жамоат экологик экспертизаси ва экологик аудит Режа: 1. Жамоат экологик экспертизаси 2. Экологик аудит

Жамоат экологик экспертизаси жамоат ташкилотлари ( уюшмалари ), фуқаролар , шунингдек махаллий бошқарув органлари ( махаллалар ) ташаббуси билан ташкил этилади ва ўтказилади . У экологик асосланиш талаб қилинадиган ҳар қандай фаолият соҳасида нодавлат, нотижорат ташкилотларининг ва фуқароларнинг иштирокида ўтказилади. Қонунга биноан экологик экспертизани амалга оширишга тўсқинлик қилиш тақиқланади. Жамоат экологик экспертизаси қонун билан муҳофаза қилинадиган давлат, коммерсия (тижорат) сирлари бўлмаган маълумотларга эга бўлган объектлар учун ўтказилиши мумкин. Бу экспертиза давлат экологик экспертизаси ўтказилишидан қатъий назар, унгача, у билан бир вақтда ёки ундан кейин амалга оширилиши мумкин. Жамоат ташкилотлари(уюшмалари) қонун хужжатларига мувофиқ қуйидаги хуқуқларга эга: экологик экспертиза учун зарур бўлган хужжатларни буюртмачидан олишга; жамоат экологик экспертизаси хулосалари давлат экологик экспертизаси комиссияларининг мажлисларида муҳокама қилинаётганда ўз вакиллари билан кузатувчи сифатида қатнашишга. Жамоат экологик экспертизаси уни ўтказиш тўғрисида жамоат ташкилотларининг (уюшмаларининг) аризаси давлат рўйҳатидан ўтказилган тақдирда амалга оширилади. Жамоат экологик экспертизасининг хулосаси тавсия хусусиятига эга бўлади. Бу хулосалар оммавий ахборат воситаларидан эълон қилиниши ва манфаатдор томонлар ва шахсларга берилиши мумкин. Экологик аудит Экологик аудит конкрет объектда атроф табиий муҳитнинг ҳолатини баҳолаш фаолиятидир. Экологик аудит атроф муҳитнинг қулай шарт- шароитини таъминлашнинг муҳим экологик иқтисодий воситасидир. У

атроф табиий муҳит холатига салбий таъсир кўрсатаётган, ишлаб турган корхоналар ва бошқа объектларни мустақил экологик экспертиза қилиш фаолияти ҳисобланади. Дунёнинг кўплаб мамлакатларида экологик аудит процедураси корхоналар ёки бошқа хўжалик объектлари тўғрисида экологик ахборот олиш ва уни баҳолашнинг муҳим воситаси ҳисобланади ва экоаудит ахборотлари бошқаришнинг турли буғинларида турли тадбирларни ишлаб чиқиб, амалиётга жорий этишда кенг қўлланилади. Ўзбекистонда экологик аудит процедурасининг ривожланиши ва қўлланилиши фақат сўнгги йилларда амалга оширилмоқда. Экологик экспертиза учун муҳим аҳамиятга эга бўлган ва хорижий давлатларда ривожланган экоаудитнинг қуйидаги асосий йўналишларини кўрсатиш мумкин: 1. Стандартларга риоя қилиш аудити. У атроф муҳит сифат кўрсаткичларини миллий ва халқаро стандартлар билан таққослаб, корхоналар учун зарур чора тадбирларни тавсия этади. 2. Жавобгарлик аудити. Унга мувофиқ атроф муҳитга етказиладиган зарарнинг хавф хатари бўйича жавобгарлик аниқланади. 3. Экологик суғурталашдаги аудит. У суғурталаш шартномаларини тузиш, экологик хавф хатарни камайтириш бўйича превентив (олдини олувчи) тадбирлар режасини ишлаб чиқишда, экологик суғурта ходисалари содир бўлгандаги зарарни ҳисоблашда, атроф муҳитнинг ифлосланишига боғлиқ холда корхоналарга даъво қўзғатишда амалга оширилади. 4. Экологик сертификация тизимидаги аудит. У сертификация объектларининг белгиланган экологик талабларга (стандарт, нормативларга) мос келишини баҳолайди. 5. Ҳудудлар аудити. У ҳудудлар экологик холатини аниқлаш мақсадларида амалга оширилади.

6. Маҳсулотни бўлиш тўғрисидаги битимларни тайёрлашдаги аудит. Бу экоаудит тури мўлжалланаётган инвестициялаш объектларини экологик нуқтаи назардан тўлиқроқ ўрганиш мақсадида ўтказилади. Бунда аудит вазифасига тўпроқ, ўсимлик ва хайвонот олами ресурсларини тадқиқ этиш, илгари етказилган экологик зарарни, атроф муҳитнинг бузилган объектларини тиклаш қиймати, атроф муҳитга салбий таъсирнинг нормативдан ортиқ харажатларини бартараф этиш ва бошқаларни баҳолаш киради. Хозирги вақтда қабул қилинган процедурага мувофиқ экологик аудитни бажарилиши шарт бўлган ва ташаббусли каби турларга бўлиш мумкин. Бажарилиши шарт бўлган экоаудитга қуйидагилар киради:  атроф табиий муҳит сохасида халқаро мажбуриятларни амалга оширишда фойдаланиладиган экоаудит;  давлат органларининг топшириғига мувофиқ, шу жумладан корхоналарнинг экологик санациясини асослаш учун ўтказиладиган экоаудит.  давлат корхоналарини хусусийлаштиришда экологик омилни хисобга олиш учун ўтказиладиган экоаудит;  иқтисодий субъектларнинг банкротлиги процедурасини амалга оширишда ўтказиладиган экоаудит;  мажбурий экологик суғурталашни амалга оширишда ўтказиладиган экоаудит;  инвестициялаш шароитларида кўзда тутилган инвестиция лойихалари ва дастурлари тайёрлаш ва асослашда ўтказиладиган экоаудит. Бу турдаги экоаудит давлат экологик экспертизаси қирорига биноан, шунингдек, атроф муҳитга таъсирни баҳолаш процедураси жараёнида амалга оширилиши мумкин. Ўз навбатида, ташаббусли экоаудит

иқтисодий субъект раҳбарлари ёки бошқа қарор қабул қилувчи шахслар қарорига мувофиқ ўтказилади. Бошқа томондан экологик аудитни ички ва ташқи турларга бўлиш мумкин. Ички экоаудит ихтиёрий характерда бўлади ва корхонанинг ўз ташаббусига кўра ўтказилади. Ташқи аудит эса, қоида тариқасида, мажбурий асосда ўтказилади. Экологик аудитни ўтказишнинг асосий принциплари қуйидагилар: аудитнинг холислиги ва объектлиги; профессионаллик ва компетентлик; аудитни ўтказишда олинган ахборотларнинг конфиденциаллиги (махфийлиги); аудитнинг аудитор ҳисобати ва аудитор хулосаси учун жавобгарлиги; экологик аудит дастурини раҳбарият ёки аудитлаштирилаётган объект эгасининг қўллаб қувватланиши; аниқланган камчиликларни албатта бартараф этиш чораларини кўриш. Экологик аудитнинг асосий вазифаларига халқаро амалиётни ҳисобга олган ҳолда қуйидагиларни киритиш мумкин:  табиатдан фойдаланиш ва атроф муҳитни муҳофаза қилиш соҳасида хўжалик юритувчи субъектлар фаолияти тўғрисида ишончли ахборотларни олиш, экологик тоза технология ва маҳсулотнинг экологик маркировкасини жорий этиш ҳисобига жаҳон бозоридан уларнинг рақобатбардошлигини ошириш;  хўжалик фаолияти субъектлари, суғурта ва молия-кредит ташкилотларининг молиявий хавф хатарини камайтириш;  табиатдан фойдаланишни тартибга солишнинг асосий йўналишлари инструментини барпо этиш;  атроф муҳит соҳасидаги фаолиятни бошқа фаолият тирноқлари билан интеграциялаш «экологик» хисобчиликни юритиш;  хамма тан олган халқаро принциплар, метод ва процедураларни амалиётда ҳисобга олиш ва қўллаш;  экологик бухгалтерия хисоби ва аудит бўйича билимдон мутахассисларни тайёрлаш ва тажрибали мутахассисларни жалб этиш.

Ўзбекистонда экологик аудитга талаб ошиб бораётганлиги сабабли уни кенг миқёсда ривожлантириш тадбирларини комплекс амалга ошириш лозим. Қисқача ҳулосалар Жамоат экологик экспертизаси жамоат ташкилотлари, фуқаролар, маҳаллий бошқарув оргонлари ташаббуси билан ўтказилади. Унинг хулосаси тавсия хусусиятга эга. Экологик аудит конкрет объектга атроф табиий муҳитнинг ҳолатини баҳолаш фаолиятидир. У мустақил экологик экспертиза қилиш фаолияти ҳисобланади.

Асосий адабиётлар : 1. «Экологик экспертиза тўғрисида». Ўзбекистон Республикаси қонуни (2000й). Атроф табииё муҳитни муҳофаза қилиш. Қонунлар ва норматив хужжатлар. Т. 2002. 2. Национальўй доклад. О состоянии окружаюшей природной средў и использовани и природних ресурсов в Республике Узбекистан. Т. 2002. 3. Ли Н. Экологическая экспертиза. Учебное руководство. М. 1995. 4. Реймерс Н.Ф. Природопользование. Словарь справочник. М. 1990. 5. Справочник, эколога  эксперта. Т.1997. 6. www.ziyonet.uz

O'xshashlar

Жамоат экологик экспертизаси ва экологик аудит

Табиатдан унумли фойдаланиш тадбирларига маблағлар ажратиш ва давлат экологик экспертизаси

Экологик таҳлил

Мухит ва экологик омиллар.

Ўзбекистонда таркиб топган экологик вазиятлар ва экологик хавфсизликни таъминлаш