Jamiyat iqtisodiy hayotini erkinlashtirish va demokratlashtirish - Botanika - Referatlar

Jamiyat iqtisodiy hayotini erkinlashtirish va demokratlashtirish

Yuklangan vaqt:

20.09.2019

Ko'chirishlar soni:

0

Hajmi:

85.5 KB

Ko'chirib olish

Jamiyat iqtisodiy hayotini erkinlashtirish va demokratlashtirish R e j a: 1. Iqtisodiyot va demokratik jamiyatning o‘zaro bog‘liqligi. 2. O‘zbekistonda jamiyat iqtisodiy hayotini erkinlashtirishning maqsadi va bosqichlari. 3. Demokratik islohotlarni yanada chuqurlashtirish sharoitida iqtisodiyotni ustuvor yo‘nalishlari.

Iqtisodiy hayot kishilik jamiyati hayotining muhim sohalaridan biri bo‘lib, uning asosini, rivojlanish manbaini tashkil qiladi. Unda insonlar o‘zlarining moddiy va ma’naviy ehtiyojlarini qondirish maqsadida tirikchilik ne’matlarini va vositalarini ishlab chiqarish, taqsimlash, ayirboshlash va iste’mol, qilishga qaratilgan faoliyat ko‘rsatadilar va o‘zaro iqtisodiy munosabatlarga kirishadilar. Iqtisodiy hayot kishilarining ijtimoiy madaniy siyosat hayot sohalarining moddiy asosini tashkil etadi va ularning rivojlanishiga ta’sir ko‘rsatadi. Shuningdek jamiyatning ijtimoiy-siyosiy va davlat tizimi iqtisodiyotga jiddiy ta’sir etadi. Sobiq totalitar, ma’muriy-buyruqbozlik tizimi sharoitida iqtisodiy hayot soxta siyosat, mafkuraviy maqsadlarga bo‘sindirilgan edi. Siyosat va mafkura iqtisodiyotdan ustun bo‘lib, uning rivojlanish yo‘nalishlarini belgilab berardi. Bu tuzimning iqtisodiy negizini davlat va kolxoz-kooperativ mulk shakllaridan iborat umumxalq mulki deb atalmish, egasiz mulk tashkil etardi. Davlat asosiy ishlab chiqarish faollarining 90 foizidan ortig‘iga ega bo‘lib, iqtisodiyotda yakkahokimlikni o‘rnatgan edi. Buning oqibatida iqtisodiyotni, iqtisodiy hayotni bir markazdan ma’muriy-buyruqbozlik asosida boshqarib,nimani, ya’ni qanday mahsulot va xizmatlarni qancha miqdorda, qanday texnologiyadan foydalanib, kimlar uchun ishlab chiqarishni rejalashtirib, belgilab berar edi. Jamiyat a’zolari ijtimoiy mulkka egalik qilish, foydalanish va tasarruf etish huquqidan, mulkdorlik hissidan mahrum edilar. Tadbirkorlik, biznes bilan shug‘ullanish huquqidan ham mahrum edilar. Bunday faoliyat bilan shug‘ullanganlar chayqovchi, yot unsur sifatida jinoiy javobgarlikka tortilar edilar. Kishilarning mulkdan, uning natijalarini tasarruf etishdan begonalashganliklari tufayli, mehnat motivatsiyasi va ijtimoiy adolat tamoyillari buzilgan, Pirovard natijada Sobiq ittifoq chuqur tanazzulga uchrab, tarqab ketdi. Mustaqillikka erishgan O‘zbekiston xalq turmush forovonligini, iqtisodiy faoliyat, tadbirkorlik erkinliklarini, eng muhimi mulkdor bo‘lish imkoniyatlarini ta’minlaydigan ijtimoiy yo‘naltirilgan bozor iqtisodiyotiga asoslangan insonparvar demokratik huquqiy davlatni va fuqorolik jamiyatni brapo etish maqsadida tub ilohotlarini amalga oshirmoqda. Erkin ijtimoiy yo‘naltirilgan bozor iqtisodiyotining eng muhim belgisi iqtisodiy plyuralizm bo‘lib, demokratiyaning tamoyili ham hisoblanadi. Iqtisodiy plyuralizm tushunchasi mulk shakllari va xo‘jalik yuritish usullarining xilma-xil bo‘lishida o‘z ifodasini topadi. Bunda turli mulk shakllarining teng huquqliligi, muvozanatda bo‘lishi ta’minlanib, ulardan ayrimlarining yakka hukmronligiga yo‘l qo‘yilmaydi. Shuning uchun ham O‘zbekiston Respublikasining Konstitutsiyasida «bozor munosabatlarini rivojlantirishga qaratilgan O‘zbekiston iqtisodiyotining negizini xilma-xil shakllardagi mulk tashkil etadi. Davlat iste’molchilarning huquqi ustunligini hisobga olib, iqtisodiy faoliyat, tadbirkorlik va mehnat qilish erkinligini, barcha mulk shakllarining teng huquqligini va huquqiy jihatdan bab-barovar muhofaza etilishini kafolatlaydi» deb belgilab qo‘yilgan. Demokratik jamiyatga monand iqtisodiyotning erkinligi uning quyidagi tub belgilarida o‘z ifodasini topadi. xususiy mulk; 2) tadbirkorlik va tanlov erkinligi; 3) shaxsiy manfaatning inson xatti-

harakatining bosh motivi ekanligi bosh motivi ekanligi; 4) raqobat; 5) erkin narx tizimi; 6) hukumat, davlatning iqtisodiyotga aralashuvining cheklanganligi (qarang: 1-chizma. Demokratik jamiyatning asosi bo‘lgan erkin bozor iqtisodiyotining tub belgilari Erkin bozor iqtisodiyotining tub belgilari Xu su-siy Tadbir- korlik va tanlov erkinligi Shaxsiy manfaat, naf, foyda omiliga intilish Ra qo- bat Erkin narx tizimi Davlatning ig‘tisodiyotga aralashuvining cheklanganligi O‘zbekistonda shakllanayotgan xususiy mulk ikki turdan iborat bo‘ladi: birinchi, yakka tartibda faoliyat yurituvchi tadbirkorlarning, dehqon va fermerlarning xususiy mulki, ikkinchisi, ularning shirkat xo‘jaligidagi paylari, aksiyadorlik jamiyatlaridagi aksiyalari, uyushmalaradagi ulushlaridan iborat korporativ xususiy mulk. Yakka va korparativ (ulushli) xususiy mulk egalari mulkdor hisoblanib, ularning mulkka bo‘lgan huquqlari, daxlsizligi davlat tomonidan himoyalanadi va uni tasarruf etadi. Xususiy mulk miqyoslarining kengayib borishi iqtisodiy faoliyat, tadbirkorlik va tanalash erkinliklarining kengayib borishiga olib keladi. Tadbirkorlik erkinligi ayrim shaxslar va ularning uyushmalari, guruhlarining foyda, daromad olish maqsadida ma’lum sohada xo‘jalik, iqtisodiy faoliyat yuritish erkinligini bildiradi. Bu shuningdek, u yoki bu tarmoqqa tadbirkorlarning o‘z xohishlariga ko‘ra kirishini va undan chiqishini ham anglatadi. Tanlash erkinligi iste’molchilar huquqlari va manfaatlarining ustunligini, ularning o‘z hohishi, istaklari, didi, daromadiga mos tovar va xizmatlarni tanlash erkinligiga ega ekanliklarini ifodalaydi. Buning uchun birinchidan, tovar xizmatlar hamda resurs bozorlari ham qimmat ham arzon, bir-birlarining o‘rnini bosuvchi va to‘ldiruvchi tovarlar ularning hayoti va salomatligiga ziyon va zarar yetkazuvchi tovarlardan himoya qiladi. Shu maqsada O‘zbekiston Respublikasining «is’temolchilarining huquqlarini himoya qilish to‘g‘risida»gi qonun amalga oshirilmoqda. Shuningdek, Vazirlar Mahkamasining 2002 yilda qabul qilingan muhim qarorlariga muvofiq respublika iste’mol tovarlarini noqonuniy olib kelinishi va sotilishining oldini olish chora-tadbirlari ko‘rilmoqda. Kishilar naf, foyda va daromad olish uchun intilib, o‘zlarida bor bo‘lgan qobiliyatlarini va imkoniyatlarini ishga soladilar. Raqobat iqtisodiyot subyektlari shaxsiy manfaatlarini ro‘yobga

chiqarishning chegarasini belgilaydi. Hech kimning iqtisodiy yakkahokimlik qilishiga yo‘l qo‘ymaydi. Shuningdek raqobat ishlab chiqaruvchi va sotuvchilarning iste’molchi, xaridorlar manfaati, didi xohishi inobatga olishga bir-biridan arzonroq va sifatliroq tovarlar ishlab chiqarish maqsadida yangi texnika va texnoldogiyadan foydalanishga undaydi. Tadbirkorlik, raqobat va narx tizimiga asoslangan bozor iqtisodiyotida hukumat va davlatning roli cheklangan bo‘ladi. Davlat bozor mexanzmining amal qilishiga ko‘maklashadi. Buning uchun davlat iqtisodiyot subyektlari faoliyatining qonuniy bazasini yaratib, ularning faoliyat, «o‘yin» qoidalarini belgilaydi. Aholining turmush darajasining barqaror o‘sib borishini, boy-kambag‘allar o‘rtasidagi farqlarning keskinlashib ketishiga yo‘l qo‘ymaslik maqsadida aholi daromadlarini soliqlar, tranfert to‘lovlari vositasida qayta taqsimlaydi. Makroiqtisodiy barqarorlikni va iqtisodiy o‘sishini ta’minlash maqsadida soliq budjet va pul-kredet vositalari orqali iqtisodiyotni tartiblaydi. Davlat bozor mexanizmi to‘la-to‘kis bajara olmagan vazifalarni o‘z zimmasiga olib, raqobat muhitini saqlaydi, iqtisodiyot subyektlarining erkin faoliyatini ta’minlaydi. Hamda jamiyat uchun kerak bo‘lgan mahsulotlarni ishlab chiqarishni o‘z zimmasiga oladi. Demak, O‘zbekiston iqtisodiy hayotni erkinlashtirish tushunchasi xususiy mulkning miqyoslarini kengaytirish va uning daxlsizligini ta’minlash, tadbirkorlik faoliyati va tanlash erkinligiga, raqobatga asoslangan bozor munosabatlarini rivojlantirish hamda davlatning iqtisodiy funksiyalari va faoliyat doiralarini cheklash bilan chambarchas bog‘liqdir Respublikamizda amalga oshirilayotgan iqtisodiy islohotlar iqtisodiyotni davlat tasarrufidan chiqarish, unda demokratiya tamoyillari bo‘lgan iqtisodiy faoliyat, tadbirkorlik va tanlash erkinligini, erkin iqtisodiyot tamoyillarini joriy etish orqali iqtisodiy hayotini erkinlashtirishga yo‘naltirilgandir. Iqtisodiyotni davlat iskanjasidan, tasarrufidan chiqarish va xususiylashtirish bosqichma- bosqich amalga oshirilmoqda. O‘zbekistonda amalga oshirilayotgan iqtisodiy islohotlarning birinchi bosqichida (1991-1994 y.y.) ma’muriy-buyruqbozlik tizimining og‘ir oqibatlarini yangisi, tenglikka barham berish va iqtisodiyotni barqarorlashtirish hamda respublikaning o‘ziga xos sharoitlari va xususiyatlarini hisobga olgan holda bozor munosabatlarining negizlarini shakllantirish vazifalarini hal qilishga kirishildi. Buning uchun quyidagilar amalga oshirildi: islohotlarning qonuniy-huquqiy bazasini shakllantirish va rivojlantirish. Bu davrda mulklilik, davlat tasarrufidan chiqarish va xususiylashtirish, tadbirkorlik to‘g‘risidagi va boshqa ko‘plab bozor munosabatlarini shakllantirishga yo‘naltirilgan qonuniy qabul qilingan; kichik xususiylashtirishni amalga oshirish hisobiga ko‘p ukladli iqtisodiyot negizlarini yaratish. Bu davrda (1992-19994 yillarda) asosan savdo, aholiga maishiy xizmat ko‘rsatish, maxalliy sanoat korxonalarini uy-joylarni davlat tasarrufidan chiqarish va xususiylashtirish jarayonlari amalga oshirildi. Buning natijasida 69 mingdan ortiq obyektlar davlat tasarrufidan chiqarildi, ulardan 18,4 mingtasi xususiy mulkka o‘tdi. 3569 ta aksiyadorlik jamiyatlari tuzildi. Kichik va o‘rta tadbirkorlik subyektlarining soni 80mingga yetdi (qarang: 1-jadval).

O‘zbekistonda davlat korxonalarining xususiylashtirilishi va nodavlat xo‘jalik subyektining shakllanishi Ko‘rsatkichlar 1992- 1994 yy. 1995- 1999 yy. 2000- 2002 yy. Davlat tasarrufidan chiqarilgan va xususiylashtirilgan obyektlar soni 69032 14132 3117 Aksiyadolik jamiyatlar soni 3569 5285 6000 dan ortiq Kichik va o‘rta tadbirkorlik subyektlari soni, ming tbirlik 80 160 240 Iqtisodiy islohotlarning ikkinchi bosqichida (1995-1999 yillarda) davlat mulkini dastlabki, kichik xususiylashtirishni tugallash, mulkni xaqiqiy egalari qo‘liga topshirish tadbirkorlik faoliyati uchun keng imkoniyatlar berish vazifalari belgilanadi. Bu bosqichda sanoat, qurilish va transport sohasidagi, agrosanoat komplekssining go‘sh-sut oziq-ovqat va paxta sanoati tarmoqlaridagi o‘rta va yirik korxonalar, shuningdek.toshkent, Buxoro, Samarqand va Xiva shaharlaridagi sayyoxlik komplekslari xusisiylashtirilishi boshlandi. Bu bosqichda ochiq turdagi aksiyadorlik jamiyatlari yaratildi, ularning aksiyalarni erkin sotishga chiqarildi hamda keng ko‘lamdagi ko‘chmas mulk va qimmatli qog‘ozlar bozori vujudga keldi. Davlatning aksiyalardagi ulushi 26 foizdan oshmaydigan qilib quyildi. Aksiyalarning 50 foizdan ko‘prog‘i aholiga, milliy va xorijiy investorlarga erkin sotiladigan bo‘ldi. Ammo shu davrda kichik va o‘rta tadbirkorlik subyektlari faoliyatiga davlat va turli nazorat organlarini noo‘rin noqonuniy aralashuvi holatlari ko‘paydi. Iqtisodiyotning nodavlat sektorida monopolistik birlashmalar, korxonalar vujudga keldiki, ular ichki iste’mol va ishlab chiqarish vositalari bozorlarida o‘z hokimliklarini o‘rnatib, narx-navoning ko‘tarilishiga sabab bo‘ldilar. Ushbu sektordagi aksiyadorlik jamiyatlarining ustav fondida, aksiyalarida davlat ulushi katta miqdorda saqlanganligi oqibat davlat ishonchli vakillarining ularning faoliyatiga noo‘rin aralashishiga imkon yaratar edi. Valyuta tizimi va bozorning davlat tomonidan qattiq nazorat qilinishi esa korxonalar va tadbirkorlikning tashqi bozorlarga erkin chiqish imkoniyatini kamaytirardi. Bozor va ishlab chiqarish infratuzilmalarining rivojlanmaganligi bu fayli tadbirkorlar moddiy texnika resurslari, moliyaviy mablag‘lar, kreditlar olishga qiyinchilikka uchrar edilar. Ushbu noxush holatlar iqtisodiy hayotni yanada erkinlashtirish, tadbirkorlik va iqtisodiy faoliyat erkinliklarini kengaytirish, xususiy mulkdorlar mavqeini yanada ko‘tarishni taqozo etib qoldi. «O‘zbekiston XXI asrga intilmoqda» asarida iqtisodiy hayotni yanada erkinlashtirish vazifasini qo‘ydi. Iqtisodiy hayotni erkinlashtirish mamlakat siyosiy hayotini, davlat va jamiyat qurilishini yanada erkinlashtirish jarayonlari bilan uzviy bog‘liqdir. Bu borada Prezident I.A.Karimov «O‘zbekistondagi

islohotlar va yangilanish jarayonlariga baho berar ekanmiz, shuni ta’kidlashni istardimki, hayotimzning barcha sohalarini erkinlashtirish yo‘li o‘z mohiyat e’tiboriga ko‘ra mamlakatimizda amalga oshirilayotgan barcha o‘zgarishlarning asosiy bog‘lovchi bo‘g‘iniga aylandi»,-deb ta’kidlaganlar. Iqtisodiy hayotni yanada erkinlashtirish esa demokratik jamiyat qurilishining asosi sifatida uning iqtisodiy negizlarini mustahkamlashni ta’minlaydi. Uning natijasida jamiyatdagi ijtimoiy-siyosiy barqarorlikni kafolatlovchi iqtisodiy rivojlanishni ta’minlovchi amalda o‘rta mulkdorlar sinfi shakllanadi. Prezidnet I.A.Karimov iqtisodiy hayotni yanada erkinlashtirish yuzasidan quyidagi vazifalarni belgilab bergan: Birinchidan, haqiqiy raqobat muhitini shakllantirish; Ikkinchidan, mulkdorlar sinfini shakllantirish masalasini tubdan hal etish. Buning uchun xususiy mulkchilik yetakchi o‘rinda turadigan ko‘p ukladli iqtisodiyotni barpo etish: Uchinchidan, bozor infratuzilmasini rivojlantirish: To‘rtinchidan, tashqi iqtisodiy faoliyatni tashkil etish tizimini tubdan qayta ko‘rib chiqish: Beshinchidan, valyuta tizimi va bozorni erkinlashtirish: Oltinchidan, davlat va turli tekshiruvchi, nazorat qiluvchi organlar tomonidan korxonalarning xo‘jalik faoliyatga noo‘rin aralashishni cheklab qo‘yish. Ushbu vazifalarni hal qilish uchun O‘zbekistonda davlat mulkini xususiylashtirishni yanada chuqurlashtirish tadbirlari olib borildi. 2000-2002 yillarda 3117 ta tarmoq tarkibini belgilab beruvchi yirik korxonalar, ijtimoiy-madaniy obyektlar davlat tasarrufidan chiqarildi. Shu davr oxiriga kelib, aksiyadorlik jamiyatlari soni 6000 dan oshib ketdi (qarang 1-jadval). Mulk shaklini o‘zgartirgan davlat korxonalari orasida «Elektrokimyosanoat», «Navoiyazot» «Ammofos», «O‘zbekrezinotexnika» ishlab chiqarishi birlashmalari, Toshkent va Farg‘ona issiqlik markazlari, Sirdaryo GRESi yuk vagonlarini ta’mirlash zavodi, yo‘lovchi tashiydigan vagonlarni ta’mirlash korxonasi.O‘bekiston qiyin eriydigan va o‘tga chidamli materiallar kombinati singari strategik ahamiyatga ega bo‘lgan yirik korxonalar bor. Bu jarayon sifat jihatdan ham o‘zgardi chunki xususiylashtirish jarayonlariga xorijiy investorlarni keng aholi qatlamlarini jalb etish ishlari olib borildi. Aksiyadorlik jamiyatlaridagi davlat ulushlari butunlay yoki qisman ayrim yirik ishlab chiqaruvchi korxonalar butunlay xorijiy investorlar sotilishi boshlandi. Korporativ guruhiy ulushli mulk egalarining manfaatlarini huquqlarini muhofaza qilish uchun aksiyadorlik jamiyatlaridagi korporativ boshqaruv tizimi joriy etilmoqda. Iqtisodiyotni erkinlashtirishddagi bosh vazifa bo‘lgan davlatning nazoratchilik va boshqarruvchilik vazifalarini funksiyalarini qisqartirish, uning korxonalar faoliyatiga noo‘rin aralashishini keskin kamaytirish chora-tadbirlari amalga oshirilmoqda. Iqtisodiy hayotni erkinlashtirish sharoitida kichik, xususiy biznes va tadbirkorlikni rag‘batlantirish uchun soliq imtiyozlari kengaytirilmoqda, daromad solig‘i stavkalari qisqartirilib, soliq yuki yengillashtirilmoqda. O‘zbekiston Respublikasining Tadbirkorlik faoliyati erkinligining kafolatlari to‘g‘risidagi 2000 yilda qonunning qabul qilinib, joriy etilishi oqibatida tadbirkorlarning huquq va manfaatlarini muhofaza qilish va kafolatlash kuchaymoqda. Bunday ijobiy ishlar ta’sirida kichik biznes

va tadbirkorlik sube’ktlarining soni 2003 yil 1 yanvar holatiga ko‘ra 240 mingtaga yetdi( qarang 1- jadval) . Ularning yalpi ichki mahsulotdagi ulushi 35 % dan oshdi. Xususiy sektorda iqtisodiyotda band bo‘lgan aholning qariyb 52 %dan ortig‘i faoliyat yuritmoqda. Ushbu vazifalari amalga oshira borishi oqibatida 2002 yilda 1990 yilga nisbatan iqtisodiyotda davlat sektorining ulushi YAIM da 38.1 foizdan 73.3 foizga ,sanoat mahsulotlari ishlab chiqarishda 10,4 foizdan 71,4 foizga yalpi qishloq xo‘jaligi mahsulotlari hajmidan 65 foizdan 99,1 fotzga chakana savdo aylanmasida 51 foizdan 97,6 foizga, aholining ish bilan bandligida 37.2 foizdan 76.6 foizga yetdi. Demokratik jamiyatga xos bo‘lgan tadbirkorlikning rivojlantirilishi, iqtisodiyot tarkibiy o‘zgarishlarning birgalikda amalga oshirilishi tufayli O‘zbekiston 1996 yildan boshlab iqtisodiy o‘sish yo‘liga o‘tdi. BMT Bolalar jamg‘armasi (YUNISEF) buyurtmasiga ko‘ra Markaziy va Sharqiy Yevropa hamda MDH mamlakatlarida aholining ijtimoiy farovonligini tadqiq qilish ma’lumotlariga ko‘ra, O‘zbekistonda yalpi ichki mahsulotning amaldagi o‘sishi 2002 yilda 1989 yilga nisbatan 106.8 foizni tashkil etdi. Ayni paytda Moldovada bu ko‘rsatkich 38.4 foiz, Rossiyada 64.3 foiz, Qozog‘istonda 85.6 foizni tashkil etgan. Islohotlarni yanada chuqurlashtirish sharoitida tashqi iqtisodiy faoliyatni tashkil etish tizimi qayta ko‘rib chiqildi. Valyuta tizimi va bozorini erkinlashtirish chora-tadbirlari amalga oshirildi va milliy valyutamiz-so‘m 2003 yil 15 oktabrdan joriy to‘lovlar bo‘yicha erkin almashuvi amalga oshirila boshlandi. Iqtisodiy hayotni erkinlashtirish jarayonlari mamlakat siyosiy hayotini, davlat va jamiyat qurishlishini yanada erkinlashtirish jarayonlari bilan o‘zaro bog‘liqlikda amalga oshirilishi oqibatida uning demokratik jamiyat qurishdagi rolini va ahamiyatini yanada kuchaytiradi. 3. Demokratik jamiyatni qurishni yanada chuqurlashtirish sharoitida iqtisodiyotni erkinlashtirishning ustuvor yo‘nalishlari. Prezident I.A.Karimov Ikkinchi chaqiriq O‘zbekiston Respublikasi Oliy Majlisining to‘qqizinchi sessiyasida qilgan ma’ruzasida respublikada demokratik o‘zgarishlarni yanada chuqurlashtirish va fuqarolik jamiyati asoslarini shakllantirishning «bozor islohotlarini yanada chuqurlashtirish, kuchli bozor infratuzilmasini yaratish, barqaror va o‘zaro mutanosib, mustahkam iqtisodiyotning muhim sharti bo‘lgan erkin iqtisodiyot tamoyillarini joriy etishdan iborat», muhim ustuvor yo‘nalishini belgilab berdi (qarang: 2-chizma). O‘zbekistonda demokratik o‘zgarishlarni yanada chuqurlashtirish va fuqarolik jamiyati asoslarini shakllantirishning iqtisodiy ustuvor yo‘nalishining mazmuni va vazifalari Iqtisodiy ustuvor yo‘nalish Mazmuni

Bozor islohotlarini yanada chuqurlashtirish Kuchli bozor infratuzilmasini yaratish Erkin iqtisodiy tamoyillarini joriy etish Vazifalari ______________________________________________ Xususiy sektorning mavqeini yanada oshirish Kichik tadbirkorlikni operatsiyalar bo‘yicha erkin almashuvini ta’minlash Milliy valyutaning joriy operatsiyalar bo‘yicha erkin almashinuvini ta’minlash Ichki va tashqi investitsiya- larni jalb qilishni kuchaytirish Jahon savdo tashkilotiga a’zo bo‘lish uchun sharo- itlar yaratish Ushbu ustuvor yo‘nalishini amalga oshirish uchun avvalambor xususiy sektorning mavqeini yanada oshirish va kichik tadbirkorlikni jadal rivojlantirish lozim bo‘ladi. Endilikda xususiylashtirish jarayonlari tobora ko‘proq yirik korxonalarni, ijtimoiy infratuzilma obyektlarini o‘z ichiga qamrab olishi, korporativ xususiy mulk miqyoslarini kengaytirish, aksiyalarni sotishning birlamchi va ikkilamchi birja hamda birjadan tashqari bozorini rivojlantirish amalga oshiriladi. Kichik tadbirkorlik subyektlari faoliyatiga davlat va nazorat organlarining noqonuniy aralashuviga barham berish, moddiy-texnika resurslari va moliyaviy, shu jumladan, kredit mablag‘lari bilan ta’minlanishini yaxshilash, ishlab chiqarilgan tovarlarini sotish uchun ishlab chiqarish va bozor infratuzilmalarini rivojlantirish dolzarb ahamiyatga ega. Shuningdek, shirkat xo‘jaliklarini fermer xo‘jaliklariga aylantirish hamda ularga servis xizmati ko‘rsatuvchi va qishloq xo‘jaligi mahsulotlarini qayta ishlovchi sanoat korxonalarini va ularning filiallarini qishloqlarda tashkil etish muhim ustuvorlikka ega bo‘ladi. O‘zbekistonda demokratik o‘zgarishlarni yanada chuqurlashtirish va fuqarolik jamiyati asoslarini shakllantirish iqtisodiy ustuvor yo‘nalishini amalga oshirish uchun quyidagi vazifalar ro‘yobga chiqariladi: - tashqi iqtisodiy faoliyatni, valyuta bozorini erkinlashtirish, milliy valyutaning joriy operatsiyalar bo‘yicha erkin almashinuvini muntazam ta’minlash; - iqtisodiyot tarkibiy o‘zgarishlarini amalga oshirish va uni modernizatsiya qilish hamda import o‘rnini bosadigan mahsulotlar ishlab chiqarishni ta’minlash; - iqtisodiyotga xorijiy investitsiyalarni jalb etish. Buning uchun tegishli investitsion muhit va investorlar uchun kafolat yaratish;

- ichki va tashqi investitsiyalarni butun iqtisodiyotga, shu jumladan, oltin-valyuta zahiralarimizning barqaror rivojlanishiga xizmat qiladigan yetakchi tarmoqlarga ustuvor ravishda yo‘naltirish; - jahondagi nufuzli xalqaro moliyaviy tashkilotlar bilan hamkorlikni yanada kuchaytirish, dunyo iqtisodiy tizimiga integrallashuvi hamda jahon savdo tashkilotiga a’zo bo‘lish uchun shart-sharoitlar yaratish. Ushbu vazifalarning amalga oshirilishi bozor munosabatlarini rivojlantirish va erkin iqtisodiyot tamoyillarini joriy etishga hamda uni yanada demokratlashuviga olib keladi. Endilikda mulkchilik shakllaridan qat’iy nazar tadbirkorlik subyektlari uchun bosqichma-bosqich teng iqtisodiy faoliyat sharoitlarini yaratish muhim ahamiyat kasb etmoqda. Buning uchun ayrim, strategik ahamiyatga ega bo‘lmagan korxonalarga asossiz ravishda berilgan imtiyozlarni va ular uchun yaratilgan qulay sharoitlarni bekor qilish maqsadga muvofiqdir. Shuningdek, xo‘jalik subyektlari ham qat’iy moliyaviy cheklashlar doirasida, ya’ni yalpi xarajatlarining yalpi daromad hajmidan oshib ketishiga yo‘l qo‘ymaslik asosida faoliyat ko‘rsatishlari lozim. Boshqacha qilib aytganda ular daromadga yarasha buromad qilishga o‘rganishlari lozim. Iqtisodiyot subyektlari uchun soliq yukini kamaytirib borish bilan bir vaqtda soliq tizimining qat’iyligini oshirish, imtiyozlar berishni kamaytirish, kreditlarni qat’iy shartlar asosida berish amaliyotini joriy etish ularning mas’uliyatini yanada oshiradi. Iqtisodiy hayotni yanada erkinlashtirish, demokratik jarayonlarni kuchaytirish maqsadida yakka va korporativ xususiy mulkdorlar huquqlarini himoya qilish, ularning mas’uliyatini kuchaytirish, tadbirkorlik faoliyati erkinliklarini ta’minlovchi hamda xo‘jalik faoliyatini tartibga soluvchi qonuniy- huquqiy bazani takomillashtirish maqsadga muvofiqdir. Bozor islohotlarini yanada chuqurlashtirish va erkin iqtisodiyot tamoyillarini joriy qilish uchun davlat boshqaruvi tizimini isloh qilish davom ettiriladi. Ammo iqtisodiyotni davlat tomonidan tartiblash mexanizmini rivojlantirish va uning bozor mexanizmi bilan uyg‘unligini ta’minlash yo‘lida hali shubhasiz ko‘p ishlar qilish lozim. Demokratik jamiyat qurish uchun davlatning iqtisodiy faoliyatini cheklash, uning vazifalarini bosqichma-bosqich mahalliy hokimiyat va o‘zini-o‘zi boshqarish organlariga uzatish, erkin iqtisodiyot tamoyillarini joriy etish qulay sharoitlar yaratadi. Pirovardida, bozor iqtisodiyotining shakllanishiga, barqaror iqtisodiy o‘sishni ta’minlash, iqtisodiy resurslardan samarali foydalanishga va aholining turmush farovonligini oshirishga erishiladi. Mamlakatimiz eksport salohiyatining rivojlanishi va mustahkamlanishi – uning jahon hamjamiyatida munosib o‘rin egallashiga zamin yaratadi. ASOSIY TAYANCH TUSHUNCHALAR Bozor iqtisodiyoti – tovar va pul munosabatlari, qonun-qoidalari asosida tartibga solinib, rivojlanadigan iqtisodiyot.

Bozor mexanizmi – bozor iqtisodiyotining o‘zini-o‘zi tartibga solish dastaklari, vositalari va usullari majmui, to‘plami. Davlatning iqtisodiy mexanizmi – iqtisodiyotni davlat tomonidan tartibga solish dastaklari, vositalari, majmui to‘plami. Iqtisodiy islohotlar – iqtisodiyotda tub (yoki qisman), sifat o‘zgarishlarni amalga oshirishga qaratilgan tadbirlar. Bozor islohotlari – bozor munosabatlarini, bozor iqtisodiyotini shakllantirishga qaratilgan chora- tadbirlar. Iqtisodiyotni erkinlashtirish – bozor iqtisodiyoti munosabatlari va qonunlarining amal qilish, tadbirkorlik faoliyati erkinligini va mustaqilligini ta’minlash hamda davlatning iqtisodiyotga aralashuvini cheklash. Erkin iqtisodiyot tamoyillari – xususiy mulkning iqtisodiyotda yetakchi o‘rinni egallashi, tadbirkorlik va tanlash erkinligi, narx erkinligi, raqobat va raqobatchilik muhiti, davlatning iqtisodiyotga va tadbirkorlik faoliyatiga aralashuvini cheklanganligi.

Adabiyotlar 1. Karimov I. A. Ozod va obod Vatan, erkin va farovon hayot-pirovard maqsadimiz.-T.: O‘zbekiston, 2000, 13-19 betlar. 2. Karimov I.A. O‘zbekistonda demokratik o‘zgarishlarni yanada chuqurlashtirish va fuqarolik jamiyati asoslarini shakllantirishning asosiy yo‘nalishlari. Xalq so‘zi. 2002 yil 30 avgust. 3. Abulqosimov H.P. Vahobov A.V., Rahimova D.N. Norboyev B.I. O‘zbekistonda iqtisodiy islohotlarni chuqurlashtirish va iqtisodiyotni erkinlashtirish yo‘llari.-T.: TDTU, 2001, 52-59, 77-79 betlar. 4. Abulqosim H.P. Hasanov R.R., Farionov I. O‘zbekistonda mulkni davlat tasarrufidan chiqarish va xususiylashtirish.- T.: TDTU nashriyoti, 2003. 12-37 bet. 5. Ijtimoiy yo‘naltirilgan bozor iqtisodiyoti- T.: Sharq NMK, 1996. 7-30-betlar. 6. O‘zbekiston XXI asrga intilmoqda. A.A.Azizxo‘jayev tahriri ostida.- T.: O‘zbekiston, 2000. 176-196 betlar. 7. Sotsialno‘y monitoring 2003. Ekonomicheskiy rost i bednost. Vneshniy gosudarstvenno‘y dolg. Analiticheskiy material: YUNISEF, 2003. S.4-5, 99. 8. 15.ISLOM KARIMOV «YUKSAK MA’NAVIYAT YENGILMAS KUCH». T. 2008.

O'xshashlar

Boshlang'ich sinflarda tabiatshunoslik fanining mazmuni__2

Aholini ijtimoiy muhofaza qilish muammolari

Tabiatshunoslikni o'qitish metodikasi fanining qisqacha tarixi__2

Tabiatshunoslik o`quv materiallarining mazmuni

Botanika o`qitishni faol tashkil etishning