Апомиксис - Botanika - Referatlar

Апомиксис

Yuklangan vaqt:

06.05.2023

Ko'chirishlar soni:

0

Hajmi:

99.5 KB

Ko'chirib olish

Апомиксис Режа: 1. Партеногенез 2. Апоспория 3. Адвентив эмбриония 4. Апомиксис рўй беришининг сабаблари 5. Апомиксисдан селекцияда фойдаланиш 6. Апомиксис эволюцияси

Гулли ўсимликларда жинсий ва вегетатив кўпайишдан ташқари апомиксис деб номланувчи кўпайиш ҳам мавжуд. Апомиксис бу эркак ва урғочи гаметаларни қўшилиши билан боғлиқ бўлмаган, бироқ уруғ ёрдамидаги кўпайишдир. Апомиксис биринчи марта инглиз ботаниги Ж.Смит томонидан 1839 йили тиканли альхорния ўсимлигида аниқланган. Кейинчалик А.Браун (1860) ва Э.Страсбургерларнинг (1878) изланишлари, бу тур ўсимликда муртак халта яқинидаги соматик ҳужайралардан муртак ҳосил бўлишини аниқлаган. Муртак халта яқинидаги соматик ҳужайралардан юзага келган муртак ва муртак халтанинг ичига кириб, у ерда тўла етилишга эришган. Кейинчалик бир қатор ўсимликларда уруғланмасдан муртак ҳосил бўлишининг бошқа хиллари ҳам аниқланган. Шунга қарамай, ўсимликлардаги апомиксис орқали кўпайиш истисно сифатида қаралган. ХХ асрнинг 30 йилларига келиб бу борада кўплаб илмий маълумотлар тўпланганидан кейин ўсимликлардаги кўпайишнинг бу тури ботаник олимлар томонидан тан олинган. Апомиксисни янада чуқурроқ ўрганишнинг натижалари ўсимликлардаги кўпайишнинг бу тури эволюция ва селекцияда катта аҳамият касб этиши аниқланган. Апомиксис жинсий кўпайишдан келиб чиққан ва филогенетик жиҳатдан анча ёш белги бўлиб ҳисобланади. Шу боисдан апомиксис амфимиксис билан узвий боғланган. Ҳозирги кунга келиб, бу борада олиб борилган илмий тадқиқотларнинг натижалари шуни кўрсатадики, бирор оила ёки туркум ўсимликда фақат апомиктик кўпайишни ўзи учрайди ҳолос дейиш тўғри бўлмайди. Бир турга мансуб ўсимликнинг ўзида ҳам апомиксис ҳам амфимиксис биргаликда учрайди. Ёпиқ уруғли ўсимликлар оилаларининг кўпчилигида апомиксиснинг турли кўринишлари аниқланган. Бир қатор олимларнинг бу борадаги илмий изланишларининг натижалари асосида апомиксиснинг тип классификациялари яратилган. Чунки улар, ўзларининг классификация типларини апомиксисни морфологик ва эмбриологик белгиларига асосланиб

яратишган. Бу ҳодиса рўй берадиган жараёнда генетик, физиологик ва биокимёвий хусусиятлар ҳисобга олинмаган. Апомиксисга боғлиқ терминлар ҳам анча мураккаб ва улар жуда кўп шунингдек тушуниб етиш ҳам қийин. Биз қуйида апомиксисни баён этишда Поддубная – Арнольда (1976) қоидасига риоя этдик. Апомиксис типларини кетма-кетлик тартибда жойлаштирилиши, унинг жинсий кўпайишдан фарқланиш даражалари ва апомиктик кўпайиш эволюцияси босқичлари шунингдек, унинг вегетатив кўпайишга ўтишни белгилаш имкониятини яратади. ПАРТЕНОГЕНЕЗ Партеногенез-бу уруғланмаган тухум ҳужайралардан муртакни юзага келиши ҳисобланади. Редукцияланган ва редукцияланмаган партеногенезлар фарқланади. Редукцияланган партеногенез. Редукцияланган партеногенез бу – тухум ҳужайрадан гаплоид хромосомали муртак ҳосил бўлишига айтилади. У индуцирланган яъни, уруғланишдан кейин гаметаларни қўшилиши рўй бермаса ҳам муртакни ривожланиши амалга ошади. Редукцияланган партеногенез ҳолатида гиногенез муртакни она хромосомалари орқали, андрогенез муртакни ота хромосомалари билан ҳосил бўлиши ҳам рўй беради. Гиногенезда чанг найи муртак халтага киради, бунда спермий парчаланиб уруғланиш амалга ошмайди. Шу сабабли муртак она хромосомаларининг тўпламига эга бўлади. Андрогенезда ҳам спермий тухум ҳужайранинг ядроси билан қўшилмайди, бироқ у фаолиятини уни ўрнига амалга оширади, чунки тухум ҳужайранинг ядроси парчаланиб кетган бўлади. Бундай тухум ҳужайрадан ота хромосома набори бўлган муртак ривожланади. Редукцияланган партеногенезни андрогенез типи ҳозирги пайтда тамаки, арпа, скерда каби ўсимликларда аниқланган. Редукцияланган партеногенез тўла ҳолда стериллиги-сифатсизлиги билан характерланади, лекин, наслдан-наслга берилмайди ва тасодифий деб

ҳисобланилади. Апомиксиснинг бу типи гулли ўсимликларнинг кўплаб оилаларига мансуб туркумларда аниқланган. Бу тип апомиксис кўп ҳолларда турлараро ва тур ичида амалга ошириладиган чатиштиришлар натижасида аниқланган. Бу ҳодиса ўсимликларда юқори ва паст ҳароратда рўй берадиган уруғланишлар жараёнларида ҳам кузатилади. Редукцияланган партеногенез дурагай ва полиплоидли ўсимликларда шунингдек четдан чангланадиган ўсимликларни ўзидан чангланиши содир бўлганида ҳам рўй беради. Редукцияланган партеногенез ҳодисаси Datura stramonium ўсимлигининг уруғланиш жараёнида паст ҳарорат таъсирида аниқланган. Редукцияланган партеногенез туфайли юзага келган гаплоид ўсимликлар диплоид ўсимликларга нисбатан органлари ва ҳужайра ўлчамининг кичиклиги ва деярли стериллиги - ҳаётчан эмаслиги билан характерланади. Гаплоидларда чанг доналари ва муртак халтани ҳосил бўлишида одатда митоз бўлинишда бузилишлар рўй беради. Бунинг натижасида ҳаётчанг бўлмаган чанг доналари, муртак халта ҳосил бўлади ва улар ривожланишнинг турли босқичларида дегенерацияга учрайди. Жуда камдан кам ҳолларда гаплоидларда нормал, ҳаётчан чанг доналари ва муртак халта ҳосил бўлади. Редукцияланмаган партеногенез. Редукцияланмаган партеногенез – бу муртакни диплоид хромосомали тухум ҳужайрадан ҳосил бўлишига айтилади. Редукцияланмаган партеногензда тухум ҳужайра, синергид, антипод ва марказий ҳужайра ядроларидаги хромосомалар диплоид тўпламга эга бўлиб, муртак халтанининг ҳосил бўлишида мейоз рўй бермаслиги билан характерланади. Редукцияланмаган партеногенез асосан доимий ҳисобланиб, мева ҳосил қилишни тўла таъминлайди. Редукцияланмаган партеногенез натижасида юзага келган ўсимлик она ирсиятига хос бўлиб, ўзининг партеногенетик тарзда кўпайиш хусусиятини авлоддан-авлодга беради.

Редукцияланмаган партеногенез редукцияланган партеногенездан фарқланиб, у чангланишга боғлиқ эмас. Кўп ҳолатларда муртак ва эндоспермни ривожланиши Alchemilla, Taraxacum каби туркум ўсимликларда гуллашгача ғунчалик давридан бошланади. Айрим Poa, Petentilla каби туркум ўсимликлардагина меъёридаги уруғ ҳосил бўлиши учун чангланиш ва бунинг натижасида ҳосил бўладиган чанг найини муртак халтага кириши ва муртак халтадаги иккиламчи ядро билан уруғланиши зарур бўлади. Баъзан Rudbeckia, Zephyranthus туркумидаги ўсимликларда редукцияланмаган партеногенез ҳолатидаги чангланишда спермий тухум ҳужайрага тушиши мумкин ва унинг ядроси билан қўшилмай унинг ёнида ўзи мустақил бўлина бошлайди. Бунинг натижасида дипоид ядроли муртак билан гаплоид ядроли химер муртаклар ҳосил бўлади. Юқоридаги спермий ядролари билан диплоид тухум ҳужайранинг бўлиниш ҳолатини семигамия дейилади. Псевдогамия билан боғлиқ бўлмаган ҳолдаги редукцияланмаган партеногенез Жцел (Juel) томонидан 1898 йили биринчи марта Antennaria alpina ўсимликда кейинчалик бошқа гулли ўсимликларда ҳам рўй бериши кузатилган. Редукцияланмаган партеногенезда сифатсиз чанг доналарини ҳосил бўлиши ва муртак халтани ҳосил бўлишида мейоз бўлиниш бўлмаслиги характерли белги ҳисобланади. Бунинг натижасида диплоид тухум ҳужайрали муртак халта ҳосил бўлади, ундан уруғланишсиз диплоид муртак юзага келади. АПОГАМЕТИЯ Апогаметия бу – муртакни тухум ҳужайрадан ташқари, оналик гаметофитнинг синергид ва антипод ҳужайраларидан ҳосил бўлиши билан характерланади. Гулли ўсимликларда бу ҳодиса кам рўй беради. Апогаметияни редуцирланган ва редуцирланмаган турлари мавжуд. Редукцияланган апогаметия. Редукцияланган апогаметия-муртакнинг редукцияланган сондаги хромосомали синергид ва антиподлардан ҳосил бўлишига айтилади. Редукцияланган апогаметияни тахмин қилишларича,

муртакни синергид ва антиподлардан ҳосил бўлишини фақат тухум ҳужайрани уруғланганидан кейин диплоид муртакдан юзага келади деб ҳисоблашади. Гаплоид сондаги хромосомали муртаклар диплоид сондаги хромосомали муртаклардан кичиклиги билан фарқ қилади ва шу боисдан улар кўп ҳолларда нобуд бўлади. Баъзи ҳолатларда гаплоид хромосомали ўсимликлар ҳам ҳосил бўлади. Редукцияланмаган апогаметия. Редукцияланмаган апогаметия бу – муртакни редукцияланмаган сондаги хромосомали синергид ва антипода ҳужайраларидан ҳосил бўлишига айтилади. Редукцияланмаган апогаметия одатда редукцияланмаган партеногенез билан боғлиқ бўлиб, муртак халтада диплоид тухум ҳужайрадан уруғланмасдан ҳосил бўлган муртак билан бир қаторда синергид ва антиподлардан юзага келадиган диплоид муртаклар ҳам бўлади. Гулли ўсимликларнинг орасида редукцияланмаган апогаметия Allium, Alchemilla, Hieraclium, Tripsacum, Elatostema ва бошқа туркум ўсимликларида учрайди. АПОСПОРИЯ Апоспория бу – муртак халтани нуцеллус ҳужайраларидан, халаза ва уруғкуртак интигументларининг редукцияланмаган хромосомали ҳужайраларидан ҳосил бўлишига айтилади. Апоспория гулли ўсимликларнинг бир нечта оилаларига мансуб туркумларида одатда Asteraceae оиласида кўп учрайди. Апоспорик муртак халталар нормал табақалашган 7 та ҳужайрадан иборат. Шунингдек меъёрида табақалашмаган 10, 12, 16 ва бошқа сондаги ядролардан таркиб топган бўлиши мумкин. Апоспорик муртак халталарнинг кўпчилиги стерил бўлади. Айнан битта уруғкуртакда апоспорик муртак халталарнинг сони ўзгариб туради, улардан кўпчилиги ривожланишининг дастлабки даврларидаёқ нобуд бўлади. Шунга

қарамай, бир қатор туркум ўсимликлардаги апоспорик муртак халталарда кўп ҳужайрали муртаклар ҳосил бўлиши аниқланган. АДВЕНТИВ ЭМБРИОНИЯ Адвентив эмбриония нуцеллус ва интегумент ҳужайраларидан муртакнинг ҳосил бўлиш жараёнларини ўз ичига олади. Нуцеллус ва интегумент ҳужайраларидан ривожланган муртаклар, муртак халтани ичига ўтади ва у ерда тўлиқ шаклланади. Адвентив муртаклар амфимиксис йўли билан ҳосил бўлган муртакдан осилма сопнинг йўқлиги, тўлиқ шаклланмаганлиги, табақалашувдаги номутаносибликлар ва симметрияни йўқлиги билан фарқланади. Уларни ривожланиб бориши вақтида бир қисми нобуд бўлади. Бироқ шунга қарамай, битта уруғкуртакда иккита, баъзан учта муртак пайдо бўлади. Бундай муртаклардан унган ниҳоллардан биттаси гаметаларни қўшилиши туфайли юзага келганлиги учун ота ва она организмининг белгиларига эга бўлади. Қолганлари апомиктик ҳисобланиб, улар фақат она организмига ўхшаш бўлади. Айрим ҳолларда жинсий йўл билан ҳосил бўлган муртак нобуд бўлади ва унда фақат апомиктик ниҳоллар ривожланади. Нуцеллус ва интегументал эмбриония ҳодисаси фақат гулли ўсимликларда учрайди. У доимий ёки ирсий, тасодифий ва ирсийланмайдиган бўлиши ҳам мумкин. Нуцеллус ва интегументал эмбриония ҳодисаси ирсийланадиган турига нисбатан ирсийланмайдиган тури ўсимликлар орасида кўп учрайди. Адвентив эмбриония индуцирланган чангланиш билан боғлиқ ва автоном чангланиш билан боғлиқ бўлмаган бўлади.

АПОМИКСИС РЎЙ БЕРИШИНИНГ САБАБЛАРИ Апомиксисдан селекция ва уруғчилик ишларида шунингдек, навларни яратишда уни рўй бериш сабабларини ўрганиш муҳим аҳамият касб этади. Ўсимликлардаги апомиксиснинг юзага келиши ҳақида бир нечта ғоялар ва назариялар ўртага ташланган. Таклиф этилган дастлабки ғоялар бир томонлама характерга эга бўлиб, ҳақиқий воқеликдан узоқ бўлган. Кейинги тадқиқотларнинг натижасида анча такомиллашган ғоялар пайдо бўлган. А.Эрнст 1918 йилда апомиксиснинг рўй беришини дурагайлаш назарияси билан изоҳлади. Бу назарияга мувофиқ, апомиктик кўпайиш бевосита узоқ дурагайлаш оқибатида стерил дурагайларни юзага келиши, ҳаётий фаолиятга эга бўлмаган тухум ҳужайрани ҳосил қилади. Натижада меъёрида рўй берадиган жинсий кўпайиш амалга ошмайди. Бироқ, шунга қарамай, ҳалок бўлаётган тухум ҳужайраларни ҳалокатга олиб келадиган гармонлар – некрогармонлар ҳосил қилади. Бу гармонлар редуцирланмаган, уруғланмаган тухум ҳужайраларни ёки муртак халта атрофидаги соматик ҳужайраларнинг фаолиятини тезлатади деган хулосага келган. А.Эрнестнинг дурагай назарияси маълум муддат давомида тан олинган бўлсада, кейинчалик тажрибалар орқали олинган дурагайларнинг жуда кўпчилиги апомиксисга эга эмаслиги аниқланганлиги дурагай ғоясини асоссизлигини кўрсатди. Ҳозирги пайтда апомиксис ҳодисаси узоқ дурагайлаш натижасида кўп учраса ҳам, узоқ дурагайлашни апомиктик кўпайишга бевосита боғлиқ деб ҳисоблаб бўлмайди. Эмбриологлар томонидан маъқулланган генетик назарияга кўра муҳим ўзгармас апомиксисни юзага келишида редукцион бўлинишни йўқлиги

туфайли уруғланишсиз тухум ҳужайрадан муртакни, оналик гаметофитнинг соматик ҳужайраларидан эса эндоспермни ҳосил бўлиши бир ёки бир нечта рецессив генлар билан бошқарилади деган хулосага келишган. Бу назарияга кўра, редукцияланмаган тухум ҳужайрани ҳосил бўлиши А генинг рецессив мутациясига боғлиқ бўлиб, редукцион бўлиниш мавжудлигини бошқаради, а гени редукцион бўлиниш рўй бермаслигини назорат қилади. Кейинчалик В гении мутацияси натижасида ривожланмайдиган тухум ҳужайра юзага келишини, рецессив б ген тухум ҳужайрани уруғлантирмасликни таъминлайди. Доминант С ген борки, у тухум ҳужайраларнинг бўлинишини бошқаради. Рецессив с ген эса тухум ҳужайрани уруғланишсиз апомиктик муртак ҳосил бўлишини бошқаради. Бу ғояни тарафдорлари жинсий йўл билан кўпаядиган ўсимликларнинг барчаси учта ААВВСС доминант генларга эга бўлиши, муҳим барқарор апомиксисни намоён қилишини, гомозигота ААввсс, ааВВсс, ААВВсс, ааВВСС каби генлар жамланмаси эса бепушт бўлиб, ўзи кабиларни ҳосил қилмайди, деган фикрни билдиришган. Апомиксиснинг генетик назариясига асосан, табиатда апомиктик кўпайиш табиий танланиш натижасида аста-секин рўй беради. Табиий шароитда эса янги апомиктик формаларни пайдо бўлиши камдан-кам рўй беради. Бундай ўсимликларни пайдо бўлиши учун муҳим барқарор апомиксиснинг пайдо бўлишини бошқарадиган ҳар учала (ааввсс) генларни ўзида жамлаган бўлиши керак. Бундай формали ўсимликларни пайдо бўлиши одатда узоқ дурагайлашга таъсир қилади, етарли даражада кескин ҳолда намоён бўла олиши эса бепушт дурагайларни ҳосил бўлишига олиб келади. Бундай ўсимликлар барқарор ҳолда кўпая оладиган меъёр даражадаги уруғни ҳосил қилиш хусусиятини тиклайди. Шу билан бирга апомиктик ўсимликларда дурагайланиш самарасини сақлайди, шунингдек, уларнинг табиатда кенг тарқалишини таъминлайди. Шу боисдан узоқ дурагайланиш муҳим, барқарор апомиксисни тўридан-тўғри ягона сабабчиси эмас. Апомиксис орқали кўпайишни юзага келишида муҳим омил сифатида намоён

бўлади ва кўплаб апомиктик формаларни келиб чиқишига сабабчи бўлади. Апомиксисни барқарор ҳолда пайдо бўлишига, полиплоидия орқали ҳосил бўлиши ҳам бирмунча аҳамиятга бўлиб, фертиллиги кам, кучли тараққий этган ўсимликлар ҳосил бўлади. Бундай ўсимликларда редуцирланмаган тухум ҳужайраларни ҳосил бўлиши ортади натижада ўсимликларда апомиктик ҳолда барқарор кўпайишга ўтиш имконини юқорилиги апомиктикларнинг кўпчилигини полиплоидлигини изоҳланади. Шундай қилиб, апомиксисни тушунтиришдаги генетик назария апомиксисни дурагай назарияси ва полиплоидия фаразини инкор этмайди. Дурагайлаш ва полиплоидия барқарор апомиктик кўпайишни амалга ошишида муҳим шароит эканлиги тан олинади. Шу билан бирга апомиксиснинг генетик назарияси одатдаги шароитда апомиктик ривожлана олмайдиган маданий ўсимликларни тажриба тадқиқот йўли билан барқарор равишда апомиктик кўпая оладиган формалар олишнинг кенг имкониятларини яратади. АПОМИКСИСДАН СЕЛЕКЦИЯДА ФОЙДАЛАНИШ Маълумки, апомиктик йўли билан кўпаядиган ўсимликлар бир хил тузилиш, кўринишли авлодларни ҳосил қилмайди. Уларда гетерозисли ҳолати ва ота-она ўсимликдан биттасига ўхшашни юзага келтирмайди. Янги апомиктик формалар юзага келганда ҳам, жинсий йўл билан пайдо бўлганларининг олдида устунликка эга бўлади. Апомиксис туфайли авлодларга маълум даражада ўзгаришларга учрамаган ўсимликларни кўпайтириш ва у билан боғлиқ ҳолдаги гетерозис ҳодисасини мустаҳкамлаш селекцияда қўлланилаётган услубларни янада такомиллаштириш, аҳамиятини ошириш, яратилаётган навларнинг сифатини яхшилашда қўлланилади. Селекцияда апомиксисдан фойдаланишнинг тўртта асосий йўналиши мавжуд:

1. Гаплоид апомиксисларни олишда истиқболли гамозиготали линияларни ажратиш, улардаги хромосомалар сонини икки карра кўпайтириш. Четдан чангланадиган ўсимликларда ўзидан чангланишни мажбурий тарзда ўтказиб, ўзидан чангланадиган юксак гетерозисли линияларни олиш ҳозирги кунда селекцияда истиқболли ўсимликлар олиш имкониятларини яратди. Маккажўхори, сорга помидор ва бир қатор бошқа гетерозисли дурагай ўсимликларда ҳосилдорлик кескин даражада кўпайган. Бироқ юқори даражадаги гомозиготали линияларни олиш машаққатли меҳнат талаб этилади. Бундай машақатли муаммоларни ҳал қилиш учун гаплоид апомиксисдан фойдаланилади. Гетерозигота хусусиятига эга бўлган дастлабки ўсимликдан, редукцияланган лекин уруғланмаган тухум ҳужайрадан гаплоид хромосома тўпламига эга ўсимликлар олинади. Олинган гаплоид тўпламли ўсимликлардан юқори гомозиготали линияларни тезроқ олиш имониятларини беради. 2. Бир маромда, доимий рўй берадиган апомиксисни ижобий хусусиятли гетерозис гибрид линияларини мустаҳкамлаш ва улардан сифатли орзон тан нархли уруғлар олишда фойдаланиш. Ҳозирда кунда юқори ҳосилдорлиги билан ажралиб турадиган маданий ўсимликларнинг гетерозис дурагайлари мавжуд. Маҳсулот сифати ва юқори ҳосилдорлиги фақат биринчи авлод дурагайларда кузатилади. Шунинг учун уларнинг уруғларини дастлабки формаларини ҳар сафар сунъий тарзда чатиштириб олиш зарур. Бундай чатиштириш техник жиҳатдан қийинчиликлар билан боғлиқ. Селекционерлар дурагай линияларни чидамлилиги ва юқори ҳосилдорлигини жинсий кўпайиш вақтида сақлаб қолиш ва мустаҳкамланиш борасидаги уринишлари ижобий натижа бермаган. Маълумки, табиатда кўплаб тур ва тур хиллари борки, уларда аниқ намоён бўлган кучли дурагайлик мавжуд Улар доимо апомиксис йўл билан кўпайгани туфайли уни қатъий равишда эҳтиёт қилади. Бундай ҳолат

ястрибинка, қўнғирбош, маймунжон ўсимликларида аниқ намоён бўлади. Маданий ўсимликларда ҳам муҳим барқарор апомиксисни улардаги дурагайларнинг гетерозислик хусусиятларини мустаҳкамлаш мумкин. Бироқ, бу хусусиятларга эга бўлган маккажўхори, сарго каби ўсимликларда барқарор доимий ҳолдаги апомиксис йўл билан кўпайиш мавжуд эмас. Шунга кўра, ҳозирги кунда қўш линияли апомиксис - кўпаймайдиган дурагай ўсимликларда бу ҳодисани мустаҳкамлаш борасида илмий-тадқиқот ишлари олиб борилмоқда. 3. Юқори сифатли, гетерозис хусусиятли навларни яратишда апомиктик кўпайишни мустаҳкамлашда бардавом апомиксисдан фойдаланиш зарур. Зеро, бу маданий ўсимликлар туркум навларида апомиксис айниқса кучлироқ намоён бўлади. Селекциянинг бу кўринишидан амалда кенг жабҳаларда фойдаланиш учун четдан чангланадиган ўсимликлардан гречиха, сули, қанд лавлаги, буғдой ва бошқаларда яхши натижа беради. Ҳозирги кунда буғдойни апомиксис кўпайтириш йўли билан гетерозис дурагай навлардан юқори ҳосил олинмоқда. 4. Насли сифатсизланаётган вегетатив купаювчи ўсимликларда бир маротаба апомиксис кўпайишни қўллаш орқали юқори сифатли белгиларини ёшартириш. Апомиксиснинг бу усулидан фойдаланиш айрим ўсимликларда муртак халтада кечадиган барча жараёнлардан шунингдек жинсий жараёндаги каби ҳужайраларни ёш ўзгаришидаги ихтисослашувини юзага келтириш қобилиятидан воз кечтиришга асосланган. Бундай ҳодисанинг рўй бериш сабаблари ҳозиргача ҳам тўла ўрганилмаган. Шундай бўлсада, бу ёшартириш усулидан лимон ва апельсин меваларининг сифат кўрсаткичларини яхшилашда фойдаланиб келинмоқда. Бу борада олма ва картошканинг навлари истиқболли бўлиб ҳисобланади. Уларда диплоид апомиксис олиш имкониятлари мавжуд. Апомиксиснинг миқдорини ошириш учун уни амалга оширишга доир тегишли шароитларни яратиш зарур. Бундай шароит омилларига мейоз

даврида хромосомалар сонининг редукциясини амалга оширмайдиган паст ҳарорат, кимёвий моддалардан колхицин ва уруғланишни амалга оширмайдиган ҳамда тухум ҳужайрани уруғланмасдан ривожланишни таъминлайдиган омиллар зарур. Бу омиллар қаторига, ионлашган нурлар билан чанг доналарини ярим летал ҳолга келтириш ва узоқ формаларни чанг доналаридан фойдаланиш кабилар киради. Комбинирланган яъни турли усулларни бир вақтда ташқи муҳит омилларини ҳам ҳисобга олган ҳолда қўлланилиши истиқболли натижа беради. Бу билан апомиктик муртакларни олишни енгиллашади. Селекцияда апомиксисдан экспериментал тарзда фойдаланиш барвақт навларни олишда анча яхши натижалар беради. Бу усул апомиктик кўпайишни назорат этиб, бошқарадиган генларни олдиндан ажратиб олиш имкониятини беради. АПОМИКСИС ЭВОЛЮЦИЯСИ Апомиктик кўпайиш гулли ўсимликларнинг турли оила, туркум ва турларида кенг тарқалган. Шунга қарамай, ўсимликлар цитоэмбриологиясида рўй берадиган бу ҳодиса мутахассис тадқиқотчилар томонидан чуқур тадқиқ этилган деб бўлмайди. Шу боисдан апомиксисни эволюциядаги аҳамияти етарли ҳал этилмаган ва у мунозаралигича қолмоқда. Тадқиқотчиларнинг кўпчилиги, апомиксисни эволюцияда прогрессив белги эканлигини рад этиб, апомиктик формалар тараққиётида боши берк кўчага кириб қолган, деб ҳисоблашади. Чунки, улар барқарор, муҳим апомиктик ирсий ўзгарувчанликни пасайтиради. Бунинг натижасида тез-тез рўй бериб турадиган ва баъзан кескин кўринишлардаги ўзгаришлар таъсирида апомиктик формалар муҳитнинг янги шароитларига етарли даражада тез мослаша олмаганликлари сабабли нобуд бўлади. Апомиксисни эволюциядаги аҳамияти ҳақида С.С.Хохлов (1970-1973) бошқа нуқтаи назарни билдирган. У апомиктик йўл билан кўпайиш

истиқболли йўналиш деб ҳисоблайди ва у келажакда жинсий кўпайишни ўрнига келади, деган фикрни билдиради. Апомиктик усулда кўпаядиган барча ўсимликларда биологик прогресснинг барча белгилари мавжудлиги, сониниг кўплиги уларни тобора кўпроқ кўпайиш имкониятларини ҳосил қилиши, кенг тарқалиш ареалларига эга бўлиши, бағоят даражадаги полиморфликни намоён қилади. Келгусида апомиксислар гулли ўсимликлардаги жинсий кўпайишнинг ўрнига келишига муҳим сабаблардан бири апомиктик кўпаядиган ўсимликлар табиатда гулли ўсимликларнинг истиқболли ва юксак даражали тузилган ғалладошлар ва мураккабгулдошлар оилаларида кенг тарқалганлигини асос қилиб олади. В.П.Банникова О.А.Хведынич(1982) фикрича ҳозирги пайтда гулли ўсимликлардаги мавжуд апомиктик формаларни таҳлили шуни кўрсатадики, апомиксисни эволюцион нуқтаи назардан географик тарқалишини иккита ғоя асосида баҳолаб бўлмайди. Бироқ, бу ғоялардан бири – “боши берк кўча” ғояси ўзини автоном апомиксисга эга бўлган, ташқи муҳитда рўй берадиган кескин ўзгаришларда ўзларида уларга тез мослашишини ҳосил қила олмайдиган хусусиятни ҳосил қилгани учун уларнинг бир қисми реликт формаларга айланган ва улар қирилиб, кетиш чегарасига етиб келган. Иккинчи, апомиксис кўпайишни истиқболли деб ҳисоблаган ғоя автоном апомиктикларга қўлланилади ҳолос. Улар ўзларида анча мустаҳкам ирсий ўзгарувчанликни ҳосил қилган. Бироқ, бундай кўринишдаги ирсий ўзгарувчанлик айрим тур ўсимликларидагина аниқланган. Бундан ташқари бардавом апомиктиклар ўзларининг дастлабки жинсий формаларидан ажралиб қолган, шунингдек, улар барча маълум апомиксис ёрдамида кўпаядиган формаларнинг жуда оз қисмини ташкил қилади. Табиатдаги ўсимликлар одатда апомиктик ва жинсий кўпаядиган турлардан иборат. Шундан келиб чиққан ҳолда, энг тўғри эволюцион нуқтаи назар сифатида апомиксисни амфимиксис билан алоқадорлиги туради. Д.Ф.Петрова(1970) апомиксис ва жинсий жараённи ўзида жамлаган ўсимликлар бу кўпайиш бўйича устунликка олиб келадиган ҳоссаларга эга,

деб ҳисоблайди. Улардаги барқарор апомиксис туфайли кўпайиши мавжудлиги, ҳар иккала тарзда кўпайишни биргаликда бўлишини таъминлаган ва уларни мустаҳкам сақлаган. Шу билан бир вақтда бундай апомиктикларни жинсий кўпаядиган формалар билан чатиштириш ирсий ўзгарувчанликни имкониятларини кенгайтиради ва эволюцияда мосланишларни тезлатади. Шу билан боғлиқ ҳолда апомиктик формалар янги экологик шароит ва муҳитларга ҳам кириб бориши мумкин, бундай шароитларда мослаша оладилар. Жинсий кўпаядиган апомиктикларга яқин формаларни қисман ёки тўла йўқолиши уларни чатишиш имкониятларини қийинлаштиради, шу билан бирга апомиктиклардаги ирсий ўзгарувчанликни кескин пасайтиради. Зеро, апомиксис жинсий тарзда кўпайишни ўсимликлардан бутунлай чиқариб ташлай олмайди, унинг энг такомиллашган формалари жинсий кўпайишни сақланиб қолиш ва мавжудлиги билан боғлиқ. Шунга боғлиқ ҳолда апомиктик кўпайиш эволюцияда боши берк кўчага кириб қолган эмас, деб ҳисоблашга тўла асослар бор. Апомиксис эволюция мобайнида турли систематик гуруҳларга мансуб ўсимликларда янгидан пайдо бўлиши, кенг тарқалишларга эга бўлиши, табиатда узоқ муддат давомида мавжуд бўлиши ва жинсий кўпайиш билан рақобатда бўлган ҳолда эволюция жараёни жадаллигига ижобий таъсир этиб эволюция самарадорлигини оширади.

Адабиётлар: 1. Буригин. В. А. Жонгуразов. Ф. Х. Ботаника “Ўқитувчи” Т.: 1977. 2. Курсанов. В. А. Камарнитский Н. А ва бош. - Ботаника “Ўқитувчи” 1977. И ИИ том. 3. Ҳамдамов И, Шукруллаев П ва бошқалар- ботаника асослари “Меҳнат” Т.: 1990. 4. Сохабиддинов. С. “Ўсимликлар систематикаси” И ИИ боб. “Ўқитувчи” Т.: 1976. 5. Ҳамидов “Ўсимликлар географияси” “Ўқитувчи” Т.: 1984. 6. Белолипов. И. В. Шералиев. А. Ахадова. М. А. “Ўрта Осиё ўсимликлари марфалогияси” СОП, ТИПО, Т.: 1991. 7. Ҳолдаров. Х. Хожиматов. К. Х. “Ўзбекистон ўсимликлари”, “Ўқитувчи” Т.: 1992. 8. www . ziyonet . uz

O'xshashlar

Ўсимликлар эмбрологияси фанининг предмети, методлари ва аҳамияти

Мева ва уруғ. Меванинг тузилиши ва типлари

Уруғланиш ва уруғнинг ривожланиши

Гулли ўсимликлар онтогенезининг бошланғич даврлари

Полиэмбриония