logo
  1. Bosh sahifa
  2. Referatlar
  3. Botanika
  4. Полиэмбриония

Полиэмбриония

Yuklangan vaqt:

06.05.2023

Ko'chirishlar soni:

0

Hajmi:

68.5 KB
Ko'chirib olish
Полиэмбриония Режа: 1. Ҳақиқий полиэмбриония 2. Сохта полиэмбриония Гули ўсимликлар уруғида битта муртакнинг ривожланиши хос хусусият бўлиб ҳисобланади. Шунга қарамай уруғда айнан битта муртак халтада бир нечта муртак ҳам учрайди. Бир нечата муртакли уруғни ҳосил бўлиши кўп муртаклилик, эмбриологияда полиэмбриония деб аталади. Полиэмбриония турли йўллар билан юзага келади. Унинг юзага келиши жинсий кўпайишамфимиксис ёки жинссиз кўпайиш-апомиксис йўли билан амалга ошади. Полиэмбриония биринчи марта 1719 йилиёқ А.Левенгук томонидан апельсин ўсимлигида тавсифланган. Кейинроқ Э.Страсбургер (1878) уруғлардаги кўп муртаклиликнинг юзага келишини бир неча турларга мансуб ўсимликларнинг уруғларида аниқлаган. Ўсимликлар эмбриогиясини ўрганишнинг дастлабки даврларида полиэмбриония мутахассислар орасида кенг маълум бўлмаган эди. Қўшимча мурткнинг ҳосил бўлиши уруғнинг ривожланишидаги нуқсон деб ҳисобланган. Кейинчалик бу борада асосланган маълумотларнинг кўпайиши билан муртакнинг қўшимча равишда ҳосил бўлиши ва уларнинг юзага келишидаги асосий ҳолатларни ўрганила бошланди. Шунга кўра полиэмбриониянинг бир қатор классификация типлари тузила бошланди. Ўсимликларнинг айрим туркумларида полиэмбриония турни сақлашда муҳим аҳамиятга моликлиги аниқланганидан кейин полиэмбриониядан селекцияда фойдаланила бошланди. Полиэмбрионияни ҳар томонлама ўрганиш натижасида гулли ўсимликларга нисбатан унинг очиқ уруғли ўсимликларда кўпроқ учраши шунингдек, филогенетик нуқтаи назардан турли бўғин вакилларида учраши каби турли сабаблар борлигини кўрсатади. Қўшимча муртакларнинг ҳосил бўлиш усулларига кўра ҳақиқий ва сохта полиэмбриония фарқланади. ҲАҚИҚИЙ ПОЛИЭМБРИОНИЯ Ҳақиқий полиэмбрионияда қўшимча муртаклар битта муртак халтанинг ичида ҳосил бўлади. Қўшимча муртаклар ҳосил бўлиш йўллари турлича бўлиб, улар зигота, проэмбрион, осилма соп, муртак, синергид ва антиподлардан ҳам ҳосил бўлиши мумин. Зиготадан қўшимча муртакни ҳосил бўлиши унинг бир меъёрда бўлинмаслиги натижасида ҳосил бўлади. Бу вақтда иккита ёки бир нечта қўшимча муртаклар юзага келади. Зиготадан қўшимча муртакни юзага келиши Tulipa, Vincetoxicum, Erуthronium ва бошқа туркумларнинг турларига мансуб ўсимликларда аниқланган. Проэмбриондан муртакни қўшимча равишда ҳосил бўлиши унинг апикал ҳужайрасини узунасига бўлиниши натижасида юзага келади. Бу жараёнда Empetrum, Nymphaea ва бошқа туркумларнинг тур ўсимликларида икки ёки ундан кўпроқ диплоид муртаклар ҳосил бўлади. Проэмбриондан қўшимча муртаклар куртаклар каби, осилма соп ҳужайраларидан ҳам ҳосил бўлиши мумкин. Ҳар икки ҳолатда ҳам муртаклар диплоид характерга эга бўлади. Биз баён этган ҳолатлар Empetrum, Nymphaea, Calanthe ва Cumblidium туркумларининг турларига хос. Синергидлардан қўшимча муртакларни ҳосил бўлишида синергид уруғланмаган бўлса гаплоид, агар уруғланган бўлса Iris, Lilium, Allium, Aconitum, Cupripedium, Mimosa, Santalum ва бошқа туркумлардаги ўсимликларда диплоид муртаклар ҳосил бўлади. Антиподлардан қўшимча муртак гаплоид ҳолда ҳосил бўлади. Чунки, антиподларда уруғланишни рўй бериши жуда камдан кам рўй берадиган ҳодиса бўлиб, у Allium, Ulmus, Sedum, Rudbeckia ва бошқа туркум ўсимликларнинг турларида аниқланган. Қўшимча муртакларнинг ҳосил бўлиши муртак халтанинг таркибидаги ҳужайраларидан ташқари, атрофидаги ҳужайралардан ҳам ҳосил бўлиши мумкин. Бундай муртаклар нуцеллус ҳужайрасидан ҳосил бўлганда нуцеллар эмбриония, интегумент ҳужайраларидан ҳосил бўлганида интегументал эмбриония дейилади. Ҳар иккала ҳолатда ҳосил бўлган муртак диплоид бўлади. Шундай қилиб, ҳақиқий полиэмбрионияда қўшимча муртак ҳам диплоид, ҳам гаплоид бўлиши мумкин. Гаплоид характерли муртаклар уруғланмаган антипод ва синергидлардан ҳосил бўлади. Қолган барча ҳолатларда муртак қўшимча равишда ҳосил бўлганида диплоид тўпламли хромосомага эга бўлади. Фарқи шундаки, зигота, проэмбрион, осилма соп, уруғланган синергид ва антипод ҳужайраларидан ҳосил бўлган муртаклар ота ва она хромосомаларига эга бўлади, шу билан бир вақтда интегумент ёки нуцеллус ҳужайраларидан ҳосил бўлган муртаклар фақат она ўсимликнинг хромосомаларига эга бўлади. СОХТА ПОЛИЭМБРИОНИЯ Сохта полиэмбриония ҳодисаси ҳар бир уруғда бир нечта муртак халта ёки ҳар бирида фақат биттадан муртак ҳосил бўлиши билан характерланади ва қуйидаги ҳолатларда рўй беради. 1. Икки ёки бир нечта уруғкуртак ўзаро қўшилиб ўсади, уларнинг ҳар бирини ичида ўз муртак халтаси ҳосил бўлиб, уруғланишдан кейин муртаклар юзага келади. Бундай жараён Pyrus, Loranthus, Lepidium ва бошқа туркум ўсимликларда кузатилади. 2. Битта уруғкуртак иккига ёки бир нечтага ажралади. Ажралган уруғкуртакларда муртак халталар ҳосил бўлиб, улардан муртак юзага келади. Бундай жараён Orchis, Caffea, Iris, Gymnadonia ва бошқа туркум ўсимликларда рўй беради. 3. Айнан битта уруғкуртакнинг ўзида меъёрида ҳосил бўладиган муртак халтадан ташқари аспорик муртак халталар ҳам юзага келади. Бу жараён Artemisia, Helianthus, Calendula ва бошқа туркум ўсимликларда рўй беради. 4. Бир уруғкуртакда бир нечтадан муртак халталар ҳосил бўлади. Ҳар бирининг ўз муртаги юзага келади. Бир нечта муртак халталар қуйидаги ҳолларда ҳосил бўлади: а) Кўп ҳужайрали археспорийдан бир нечта макроспоранинг оналик ҳужайраси ҳосил бўлади. Булардан бир нечта муртак халталар юзага келиши Pyrethrum, Asperia Fragaria каби ўсимликларда рўй беради. б) Ривожланаётган битта тетрадада битта эмас, балки бир нечта макроспора юзага келади. Бундай жараён Lilium, Causaria, Salix, Alchemilla ва бошқа туркум ўсимликларда рўй беради. Сохта полиэмбриония натижасида ҳосил бўлган барча уруғлардаги муртаклар ота ва она хромосомаларининг диплоид тўпламга ёки апоспорик муртак халтадан юзага келган бўлса фақат оналик хромосомасига эга бўлади. М.С.Яковлев (1957) таклиф этган полиэмбириония типларини классификацияси, юқорида биз баён қилган классификациялардан моҳиятан фарқ қилади. У таклиф этган классификация полиэмбрионияда учрайдиган барча ҳолатлар ҳисобга олинганлиги туфайли энг тўлароғи ҳисобланади. Бу классификациянинг асосига генетик асос солинган бўлиб, генератив тузилмаларнинг тарихий тараққиётдаги ривожи ҳам ҳисобга олинган. Бунга асосланиб М.С.Яколев полиэмбрионияни учта асосий типга ажратади: 1. Гаметофит – архегониал; 2. Гаметофит – гаметали; 3. Гаметофит – спорофитли. Гаметофит – архегониал полиэмбриония архегониал ўсимликларга хос бўлиб, у архегонийли, гаметали ва бластомерлиларга бўлинади. Гамето – архегониал полиэмбрионияда гаметофитда кўплаб архегонийларнинг бўлиши ва бир нечта тухум ҳужайра ва проэмбриони бластомерларининг бўлинишлари билан боғлиқ бўлмай, балки кўп муртаклилик нафақат кўп миқдорда архегоний ва тухум ҳужайрани ҳосил бўлиши шунингдек, зиготани майдаланиши, ундан янги муртаклар ҳосил бўлиши билан ҳам боғлиқ. Гаметофит – гаметали полиэмбриония полиэмбриониянинг бир тури – гаметали ёки потенциал-гаметали яъни гамета бўлиши мумкин бўлган ҳолатни ўз ичига олади. Гаметафит-гаметали полиэмбриония оналик гаметофитнинг микропиляр ва хазал қисмиларида қўшимча муртакни юзага келиши билан характерланади. Бу типдаги полиэмбрионияда муртак халтадаги тухум ҳужайрадан ташқари барча ҳужайралар муртак халта ҳосил қилиш хусусиятига эга. Шуни айтиш лозимки, муртак халтанинг микропиляр ва халазал қисмидаги ҳужайралар муртак ҳосил қилишларида турлича имкониятларга эга. бўлиб, қўшимча муртаклар кўп ҳолларда синергид ҳужайраларидан камдан-кам ҳолларда антипод ҳужайраларидан ҳосил бўлади. Гаметофит – гаметали полиэмбриония шунингдек, уруғкуртакдаги қўшимча муртак халталардаги муртаклар битта тетраданинг иккита макроспорасидан ёхуд кўп ривожланаётган кўп ҳужайрали археспорийнинг кўп макроспорасидан юзага келиш ҳолатларида ҳосил бўлади. Гаметафит – спорафитли полиэмбриония тўрт типдаги: зиготали, проэмбрионли, эмбрионли, нуцелляр – интегументли полиэмбрионияни ўз ичига олди. Гаметофит – спорафитли полиэмбриония, зиготада рўй берадиган регенерация жараёнлари натижасида рўй беради. Бундай регенерация ривожланаётган муртакда, уруғкуртакнинг оналик ҳужайрасида ва зиготадан бластомерлар ҳосил бўлишида ёки муртак ва муртакдан қўшимча муртакларни ҳосил қилади. Гаметофит – спорофит полиэмбрионияда қўшимча муртаклар нуцеллус ҳужайраларидан ва интегументни – адвентив эмбриония тарзда ҳосил бўлишига мансуб ҳисобланади. Адвентив полиэмбрионияга мойил ўсимликларнинг кўпчилик турлари кўп муртакли уруғ ҳосил қилиш хусусияти билан характерланади. Уларнинг ривожланиши икки йўл билан амалга ошиши мумкин. 1. Муртак халтадаги қўшуруғланишдан ҳосил бўлган зиготадан муртак ривожланади ва триплоид эндосперм шаклланади. Шу билан бир вақтда нуцеллус ёки ингументнинг ҳужайраларида сомацит деб номаланадиган ҳужайралар ажрала бошлайди. Сомацитлар уларни атрофидаги ҳужайралардан каттароқ бўлади. Бу ҳужайралар кўп ҳолларда нуцеллус ёки интегументнинг микропиляр қисмида, баъзан латериал яъни ёнбошида, камдан-кам ҳолларда халазал қисмда жойлашади. Симоцитлардан адвентив муртак юзага келади. 2. Муртак халтада қўшуруғланиш амалга ошмайди, тухум аппарати парчаланиб кетади, бироқ эндосперм ривожланади. Шу билан бир вақтда адвентив муртак ҳосил бўлади. Адвентив полиэмбриония индуцирланган ва автоном гуруҳларга бўлинади. Автоном адвентив полиэмбриония жуда кам учрайди. Самоцитларни муртакда тегишли меъёрда ривожланиши учун муртак халтада эндосперм бўлишини тақазо этади. Полиэмбриония тасодифий ва муқим яъни доимий бўлади. Доимий полиэмбриония кам учрайди. Орхидеялар, цитрус ўсимликларида полиэмбриония кўпроқ учрайди. Баъзи ҳолларда бир тур ўсимликда полиэмбриониянинг бир нечта типларини учратиш мумкин. Полиэмбриония натижасида юзага келган муртакларнинг ҳаммаси ҳам ўсавермайди. Кўп ҳолларда улар қуриб қолади. Муртакнинг қуриб қолиши, улардаги табақалашув жараёнларини меъёр даражасида бўлмаганлиги ёки бундай жараёнлар тўла ҳолда бўлмаслиги туфайли рўй беради. Шу билан бирга ташқи муҳитнинг ноқулай омиллари таъсирида муртак тўла озиқлана олмай қолади. Шундай қилиб, полиэмбрионияда муртакларни эрта ҳалокати туфайли, уларнинг кўпчилиги экилган уруғларда ривожлана олмайди. Шунга қарамай, икки, уч, ҳатто тўртта бир хил ёки турли хромосомали муртакни айнан шу уруғларда эгизак ўсимликлари кўп ҳолларда унади. Полиэмбрионияни юзага келиши ҳақида кўплаб мулоҳазалар қилинган. Мутахассисларнинг бир гуруҳини фикрларича, полиэмбриония озиқланиш меъёридан ортиқ даражалигидан ёки ташқи омилларнинг бошқа бирор таъсиридан содир бўлади, деб ҳисоблашади. Айримлари полиэмбрионияни дурагайлашда дейишса, учинчи гуруҳ тадқиқотчилар бу ҳолат ирсий омиллар туфайли деб қарашади, тўртинчилари ўстирувчи гармонларнинг таъсири туфайли каби фикрларни билдиради. Гулли ўсимликларда кўп муртакли уруғнинг ҳосил бўлиши, бир муртакли уруғга нисбатан қадимги-примитив белги ҳисобланади чунки, камроқ юксак даражада ривожланган очиқ уруғлиларда полиэмбриония доимийлиги билан характерланади. Ҳозирги кунга келиб, бир қатор ўсимликларда полиэмбрионияни сунъий равишда ҳосил қилиш мумкин. Масалан, буғдойнинг бошоғига парадихлорфенсирка кислота каби кимёвий бирикмаларни таъсир этиб, муртакларни қўшимча равишда ҳосил бўлишига эришиш мумкин. Маккажўхори, лилия ўсимликларини ионлантирилган нурлар билан таъсирланган чанг доналари билан чанглатиб, уларда муртакни қўшимча равишда ҳосил бўлиш фоизини ошириш мумкинлиги аниқланган. Маккажўхорида чангланишни бироз кечиктириш ҳам кўп муртакликни, шу билан бирга гаплоид эгизак ўсимликларнинг сонини ортишига эришилган. Полиэмбриония гаплоид, полиплоид, анеуплоид ўсимликларнинг янгиларини олиш манбаи бўлиб ҳисобланади. Бу ўсимликларнинг ҳаммаси селекция-генетик ишларда муҳим аҳамиятга эга. Шу боисдан полиэмбрионияга қизиқиш, уни янада чуқурроқ тадқиқ этиш, эмбриологияни тобора долзарб масалаларидан бири бўлиб қолмоқда. Адабиётлар: 1. Буригин. В. А. Жонгуразов. Ф. Х. Ботаника “Ўқитувчи” Т.: 1977. 2. Курсанов. В. А. Камарнитский Н. А ва бош. - Ботаника “Ўқитувчи” 1977. И ИИ том. 3. Ҳамдамов И, Шукруллаев П ва бошқалар- ботаника асослари “Меҳнат” Т.: 1990. 4. Сохабиддинов. С. “Ўсимликлар систематикаси” И ИИ боб. “Ўқитувчи” Т.: 1976. 5. Ҳамидов “Ўсимликлар географияси” “Ўқитувчи” Т.: 1984. 6. Белолипов. И. В. Шералиев. А. Ахадова. М. А. “Ўрта Осиё ўсимликлари марфалогияси” СОП, ТИПО, Т.: 1991. 7. Ҳолдаров. Х. Хожиматов. К. Х. “Ўзбекистон ўсимликлари”, “Ўқитувчи” Т.: 1992. 8. www . ziyonet . uz

O'xshashlar

Мева ва уруғ. Меванинг тузилиши ва типлари
Гулли ўсимликлар онтогенезининг бошланғич даврлари
Ўзбекистонда ўсимликлар цитоэмбриологияси фанининг қисқача ривожланиш тарихи
Ўсимликлар эмбрологияси фанининг предмети, методлари ва аҳамияти
Уруғланиш. Уруғ ва меванинг тузилиши