Ҳаво, сепилувчан ва суюқ озиқа муҳитларини стериллаш ҳамда тозалаш учун қурилмалар ва ускуналар - Biotexnologiya - Referatlar

Ҳаво, сепилувчан ва суюқ озиқа муҳитларини стериллаш ҳамда тозалаш учун қурилмалар ва ускуналар

Yuklangan vaqt:

20.09.2019

Ko'chirishlar soni:

0

Hajmi:

359.5 KB

Ko'chirib olish

Ҳаво, сепилувчан ва суюқ озиқа муҳитларини стериллаш ҳамда тозалаш учун қурилмалар ва ускуналар Режа: 1. Озиқа муҳитлари. Суюқ озиқа муҳитларини стериаллаш 2. Сепилувчан озиқа муҳитлари 3. Ҳавони тозалаш ва стериаллаш

Барча микробиологик ишлаб чиқаришларда тоза кулльтурал ва инокулянт олишда стерил озиқа муҳитлари ишлатилади. Турли хил углерод манбаларидан ем ачитқилари ва этил спиртини ишлаб чиқаришда культивирлаш жараёни ферментаторларда ностерил муҳитларни ишлатган ҳолда амалга оширилади. Аммо ачитқи ва бошқа маҳсулотларни олишнинг асептик шароитларда стерил озиқа муҳитларини ишлатиб ўтказиладиган жараёнлари парспектив ҳисобланади. Ферментлар, антибиотиклар, аминокилоталар ва бошқалар биосинтезида озиқа муҳитлари ёки уларнинг компонентларининг стерилизация босқичи мажбурий ҳисобланади. Стериллаш ультрабинафша ва рентген нурлари, ионлаштирувчи нурланиш, ультратовуш, термик ишлов бери шва кимёвий бирикмаларорқали амалга оширилади. Термолабил препаратларни стериллаш учун совуқ стерилизация қўлланилади. Аммо стериллашнинг асосий усули бўлиб 140 о С ҳароратда ишлов бериш ҳисобланади. Бошланғич озиқа муҳитида доимо турли хил микроорганизмлар мавжуд бўлиб, уларнинг вегетатив ҳужайралари 70-100 о С ҳароратдаёқ тез ва 110 о С да деярли шу заҳоти нобуд бўлади. Бактериялар ва айниқса Bacillus авлоди вакиллари барқарорлик хосдир. Шунинг учун қурилма ва ускуналарнинг ҳисоб-китобида озиқа муҳитларини термик стериллаш ва стериллаш режимларини танлаш учу насосан термик жиҳатдан энг барқарор бўлган Bacillus stearothermophilus штамм 1518 бактерияси спораларининг нобуд бўлиш константаларидан фойдаланилади. Шу сабабли озиқа муҳитлари ёки уларнинг компонентларининг, жиҳозлар ва арматуранинг термик стерилизациясини ушбу штамм спораларининг инактивацияси билан боғлаш керак бўлади. Микроорганизмларнинг иссиқлик таъсирида нобуд бўлишини қуйидаги тенглама орқали таърифлаш мумкин:

kN d dN   , бунда N – стерилланаётган суюқлик ҳажмида τ - вақтга келиб ҳаётчан микроорганизмлар (споралар) миқдори; k - споралар нобуд бўлиши нисбий тезлигининг константаси, мин -1 . Микробиологик саноатда стерил озиқа муҳитларининг юқори сарфида стериллашнинг узлуксиз усулларидан фойдаланилади, бунда муҳит бир неча сония давомида қизитилади ва совутилади. Углеводлар, витаминлар ва бошқа фойдали компонентларнинг максимал миқдорини парчаланишдан сақлаб қолиш мақсадида стериаллашни юқори ҳароратларда тех ўтказиш зарур. Аррениус тенгламасига биноан, стериллаш ҳароратининг кўтарилиши билан споралар нобуд бўлиши термик константасининг ( ) ( Ae RT E k   ) катталашуви термолабил компонентлар парчаланиш реакциялари константаларининг ўсишидан анча ортиқ бўлади: RT E e A k 1 1 1   , бунда Е ва Е 1 - споралар нобуд бўлиши активацияси ҳамда термолабил компонентлар парчалашининг энергиялари. Озиқа муҳитида йиғилмалар бор бўлса, иситиш вақти узайтирилади. Бунда термолабил компонентларнинг парчаланиш ҳисобига озиқа муҳитининг сифати пасаяди. Стерилизациянинг узлуксиз шароитларида муҳитни йиғувчида танланган ҳароратда сақлаш вақти га тенг бўлиб,

N N k 0 lg 3,2  бунда N 0 – стериллашдан олдин суюқликнинг бутун ҳажмидаги ҳаётчан микроорганизмлар миқдори ( τ = 0 ) . Стерилизация ҳароратини билган ҳолда k топилади. Стериллашдан олдин озиқа муҳитининг бутун ҳажмидаги ҳаётчан споралар миқдори N 0 : V C N c 0 6 0 10  , бунда С 0 – 1 мл муҳитдаги споралар миқдори (1700 ÷ 2000 деб олинади); V c – стерилланаётган суюқ лик ҳажми, м 3 . Озиқа муҳитлари ёки компонентларининг стериализациясини даврий усул орқали сиғими 0,5 м 3 дан катта бўлмаган ферментаторлар ёки сателлитларда ўтказиш мақсадга мувофиқдир. Суюқ муҳит ферментаторга юклатилганидан кейин аппаратнинг ҳамма штуцерлари орқали буғни узатиш йўли билан маълум ҳароратгача иситилади. Аппарат муҳит билан тўлдирилаётганида унинг буғ конденсати ҳисобига суюлиши инобатга олинади. Даврий усулда стериллашнинг ижобий томони бўлиб ускунанинг соддалиги, стерилизациянинг юқори ишончлилиги, юқори бўлмаган меҳнат сарфи кабилар ҳисобланади. Камчилиги – паст ишлаб чиқариш қуввати ва озиқа муҳитларининг паст сифати. Суюқ муҳитларни стериллашнинг узлуксиз усули, айниқса муҳитнинг 2м 3 /с дан юқори сарфида, прогрессивроқ ҳисобланади. Ушбу усулда озиқа муҳитлари компонентларининг аралашмада ёки алоҳида тайёрланган эритмалари ёки суспензиялари узлуксиз стериллаш ускунасида ( УСУ ) узлуксиз стерилланади, УСУ нинг ишлатилиши сифати юқорироқ озиқа муҳитларини олишга ҳамда озиқа муҳитларини олишга ҳамда

ферментаторнинг ишлаб чиқариш қувватини оширишга имкон беради (1- расм). 1-расм. Озиқа муҳитини узлуксиз стериллаш ускунаси (УСУ): 1 – стерилизатор йиғувчисининг секциялари; 2- иссиқлик рекуператори; 3 – иссиқлик алмашгич; 4 – иситувчи колонка; 5 – насос. Катта миқдордаги йиғмага эга муҳитларни стериллашда пластинкали иссиқлик алмашгичлар ўрнига «қувур ичида қувур» типидаги қувурли иссиқлик алмашгичлардан фойдаланилади. Муҳит стерилизациясидан олдин УСУ билан ферментатор 0,4-0,6 МПа босимда 3-4 соат давомида ўткир буғ билан стерилланади. УСУ схемасида асосий қурилмалар бўлиб иситувчи колонка ва йиғувчи (стерилизатор) ҳисобланади. Иситувчи колонка турли конструкция ва қувватга эга колоннали типдаги аппаратдан иборат. Иситиш принципи суюқ муҳитнинг ўткир буғ билан аралишишига асосланади (2-расм).

2-расм. Соатига 50 т озиқа муҳити ишлаб чиқариш қувватига эга иситиш колонкаси: 1-буғ тақсимлагичи; 2 – тройник; 3 – прокладка; 4 – қопқоқ; 5 – корпус; 6 – тарқатувчи соябон (зонт). Ностерил муҳит фильтрда 1 мм дан йирик бўлган қаттиқ заррачалардан тозаланганидан сўнг уюрмавий насос билан марказий орқали иситгичга узатилади. Иссиқлик рекуператори борлигида муҳит олдиндан 120 о С ҳароратгача қизитилади. Иситгич марказий қувурининг ички қисмида диаметри 2 мм га тенг кўп сондаги тешиклар бўлиб, улар орқали ўткир буғ ~ 0,5-0,6 МПа босим

остида узатилади. Муҳит қувур ичида буғ билан интенсив аралашиши ҳисобига ҳамда колонна корпусидаги тарқатувчи зонт орқали ўтганда бошланғич ҳароратдан берилган ҳароратгача (130-140 о С) бир неча секунд ичида қизийди. Узлуксиз ишлайдиган йиғувчи (стерилизатор) унда озиқа муҳити ҳар бир элементар ҳажмининг ҳароратга энг чидамли микроорганизмлар спораларининг нобуд бўлиши учун зарур бўлган вақт давомида туриши учун мўлжалланган. Суюқликнинг идеал (поршенли) оқимида муҳитнинг элементар ҳажмларини сақлаш вақти споралар нобуд бўлишининг ҳисобланган вақтига тўғри келади, ва бу ҳолда озиқа муҳитининг сифати энг яхши бўлади. Мкробиологик саноатда сиғимли ва қувурли йиғувчилардан фойдаланилади. Сиғимли йиғувчиларда қурилмаларнинг катта диаметрлари сабабли махсус тузилмаларсиз поршенли оқимни ҳосил қилиш қийин кечади. Қувурли типдаги йиғувчиларда суюқликнинг поршенли сиқиб чиқарилишига яқин бўлган эффектга катта қийинчиликларсиз эришилади. Қувурли йиғувчи ўзаро кетма-кет бириктирилган вертикал қувурлардан ташкил топган. Қувурнинг ички диаметри 0,4-0,6 м, ҳар бир қувур узунлиги 6-8 м га тенг. Қувурларнинг умумий узунлиги муҳитни сақлаш вақтига боғлиқ. Стерилланаётган муҳит ҳароратини доимий сақлаш учун қувурлар иссиқлик изоляцион материал билан қопланади, ёки қувур рубашкасига буғ узатилади. Йиғувчининг умумий ҳажми муҳитни уни стериллаш учун зарур бўлган оқимда ушлаб туриш вақтини ҳисобга олган ҳолда аниқланади. Йиғувчидан стерил муҳит рекуператор ёки иссиқлик алмашгичга келиб тушади. 2. Ферментлар ва ем олиш мақсадида микроорганизмларни сиртқи усулда культивирлашда компонентлари кепак, солод ўсимталари, лавлаги қолдиғи, биошрот, хашак, ёғоч қипиғи ҳамда бошқа турдаги хомашё ва ёрдамчи материаллардан иборат сепилувчан озиқа муҳитлари ишлатилади. Муҳитларни культивирлашга тайёрлаш босқичи хомашёни майдалаш, компонентларни оптимал нисбатларда аралаштириш ва уларни стериллашни

ўз ичига олади. Стерилизациядан олдин компонентларни аралаштириш махсус смесителларда ёки бевосита стерилазация учун қурилмада амалга оширилади. Стерилизация жараёнининг қурилмали ташкилланиши стериллаш усули билан шартланган бўлади. Сепилувчан муҳитларни стериллашнинг термик, инфрақизил нурлар, ионлаштрувчи нурланиш, ультратовуш, юқори частотали токлар орқали, кимёвий каби асосий усуллари амалий аҳамиятга эгадир. Сепилувчан озиқа муҳитларини стериллашнинг даврий ва узлуксиз усуллари ажратилади. Иккала ҳолда ҳам стерилизация жараёнини учта даврга бўлиш мумкин:хомашёнинг бутун массасини стерилизация ҳароратигача қизитиш, стерилизация ҳароратида ушлаб туриш, хомашёнинг бутун массасини биосинтез ҳароратига мос келадиган ҳароратгача совутиш. Стерилизация умумий вақтининг давомийлиги бир неча дақиқадан бир неча соатгача бўлади ва муҳитнинг гланулометрик таркиби, унинг намлиги, ҳарорати ва стерилизация усулига боғлиқ бўлади. 3. Микроб массалари, аминокилоталар, ферментлар, антибиотиклар, ўсимликларнинг ҳимоя воситалари ва микробли синтез бошқа маҳсулотларининг аэробли шароитлардаги биосинтезида микроорганизмлар ҳаёт фаолияти учун керакли кислород манбаи сифатида ҳаводан фойдаланилади. Ем ачитқиларини олишда ва оқава сувларни биологик тозалашда атмосфера ҳавоси олдиндан тозаланмаган ва стерилланмаган ҳолда қўлланилади. Бошқа маҳсулотларни ишлаб чиқаришда, ҳамда ачитқи ишлаб чиқаришда инокулянт олиш босқичида атмосфера ҳавоси чанг ва бегона микроорганизмлардан тозаланади. Атмосфера ҳавоси газлар аралашмасидан иборат бўлиб, нормал шароитларда унинг таркибига асосан 78,08% азот, 20,9% кислород, 0,94% инерт газлар ва 0,03% углерод ( II ) оксиди киради. Газлар билан бир қаторда ҳаво таркибида сув буғлари ва майдадисперс заррачалар бўлиб, уларнинг миқдори дала жойларда ва саноатлашмаган шаҳарларда одатда 0,15 мг/м 3 дан

ошмайди. Ўзидан катта миқдорда чанг ажратадиган саноат корхоналари территориясида заррачалар 3 мг/м 3 дан ортиқ бўлиши мумкин. Заррачалар массасининг 30% дан кўпи 1-2 мкм ва 50% га яқин 0,5 мкм дан кичик бўлади. Заррачалар катталиги асосан 0,5-1,0 мкм чегарада ўзгариб туради. Бактериялар ва спораларининг ўртача миқдори 1 м 3 ҳавода 1000-1500 тага тенг. Ҳавонинг ҳарорати ва намлиги, ундаги чанг ва микроорганизмлар миқдори доимий эмас ва йил фасли, корхонанинг географик жойлашуви ва ҳоказога боғлиқ бўлади. Ҳаво стерилизацияси қизитиш, ультрабинафша нурлар билан нурлантириш, ультратовуш, заҳарли моддалар билан ишлов бериш, ипсимон, донадор, порали материаллардан фильтрлаш орқали амалга оширилиши мумкин. Саноатда микроорганизмларни чуқурликка культивирлаш усулида ҳавони стериллаш жараёниларининг ишлаш принципи бўйича бир-биридан кам фарқланадиган бир қатор схемаларидан фойдаланилади. 3-расмда ҳавони стериллашнинг технологик схемаси берилган. Атмосфера ҳавоси 6-20 м баландликдаги девор қувури бўйлаб нагнетатель ёки турбокомпрессор орқали сўрилади. Нагнетательнинг яхшироқ ишлаши учун девор шахтасига вентилятор ёрдамида ҳавони юбориш мумкин. 3-расм. Ҳавони стериллашнинг технологик схемаси:

1 – фильтр; 2 – компрессор; 3 – ҳаво орқали совутиладиган иссиқлик алмашгич; 4 – намлик ажратгич; 5 – ресивер; 6 – иссиқлик алмашгич; 7 – бош фильтр; 8 – индивидуал фильтр; 9 – буғни қаттиқ киритмалардан юпқа тозалаш фильтри. Нагнетатель ва бош фильтрнинг ишлаш давомийлигини ошириш мақсадида ҳаво мойли ёки қуруқ фильтр ёрдамида тозаланади. Сиқиш давомида қизиган ҳавонинг бир қисми ҳаво орқали совитиладиган иссиқлик алмашинув аппаратида (3) 35-40 о С гача совутилганидан кейин чанг тутгичга (4) юборилади. Атрофдаги ҳаво ҳарорати юқори бўлган районларда жойлашган заводларда ҳаво иссиқлик алмашгичларни қўллаш тавсия этилади. Совутилган ҳаво совутилмаган билан аралашади, ва 70-90 о С ҳароратли аралашма ресивер (5) орқали бош фильтрга (7) бориб тушади. Бундай ҳароратда сув буғлари фильтрда конденсацияга учрамайди. Ҳўл фильтр микроорганизмларни ёмон ушлаб қолади, намлик эса фильтрда микрофлора ривожланишига ёрдам беради. Зарур бўлса, ҳаво иссиқлик алмашгичда (6) 65-75 о С гача иситилади. Бош фильтрда 1-1,5 мкм диаметрли заррачаларнинг 98% дан ортиғи ушланиб қолади. Бош фильтрдан кейин 1 м 3 ҳавода 0,5 мкм катталикдаги заррачалар сони 2∙10 6 дан ортиқ эмас ва микроб ҳужайралари 10 тагача бўлиши керак. Индивидуал фильтрда (8) микроорганизмлардан тўлиқ тозаланганидан кейин 45-60 о С ҳароратдаги ҳаво ишлаб чиқариш ферментаторига келиб тушади. Индивидуал фильтрни стериллаш учун фильтр (9) ёрдамида заррачалардан тозаланадиган буғ хизмат қилади. Микробиологик саноат заводларида стерил технологик ҳаво олишнинг мавжуд бўлган ва перспектив схемаларида қуйидаги асосий машина ва қурилмаларни ажратиш мумкин: ҳаво ва буғни олдиндан, қўпол ва нозик тозалаш фильтрлари, ҳавони компримирлаш учун машиналар, иссиқлик алмашгичлар, ресиверлар, томчи ва мой тутгичлар. Бу жиҳозлар мос бўлган арматура, контроль-ўлчов асбоблари ва автоматика билан таъминланади.

O'xshashlar

Микроорганизмларни культивирлашга озиқа муҳитларини, ёрдамчи материаллар ва ҳавони тайёрлаш учун машина ва қурилмалар

Биотехнологик ишлаб чиқариш жараёнлари ва жихозлари

Хомашё тайёрлаш ҳамда турли хил муҳитларни транспортировка қилиш учун машина ва қурилмалар

Аминокислота ва органик кислоталар ишлаб чиқариш

Оқсиллар ва аминокислоталар ишлаб чиқариш технологиялари