Аминокислота ва органик кислоталар ишлаб чиқариш - Biotexnologiya - Referatlar

Аминокислота ва органик кислоталар ишлаб чиқариш

Yuklangan vaqt:

20.09.2019

Ko'chirishlar soni:

0

Hajmi:

1324 KB

Ko'chirib olish

А минокислота ва органик кислоталар ишлаб чиқариш Режа: 1. Аминокислотлар 2. Лизин ва глутамин кислота ишлаб чиқариш 3. Органик кислоталар олиш 4. Сирка кислота ишлаб чиқариш 5. Сут кислота ишлаб чиқариш

А минокислоталар ишлаб чиқариш Кейинги йилларда халқ хўжалиги ва медиöинада турли хил аминокислоталар кенг миқёсда қўлланилмоқда. Асосан улар оқсилли озиқаларнинг тўйимлилигини оширишда катта аҳамият касб этади. Баъзи бир озиқ овқат ва озуқа махсулотлари ўзида алмашинмайдиган аминокислоталарни хусусан, лизинни етарли миқдорда сақламайди. Бундай махсулотларга маккажўхори, буғдой, гуруч ва бошқаларни мисол қилиб келтириш мумкин. Саноат асосида олинган аминокислоталар озиқа тўйимлилигини ошириш учун тоза усулда ёки комбинирланган озиқа таркибида қўлланилади. Шунинг учун аминокислоталардан фойдаланиш соҳаларида озиқанинг ўсимлик оқсиллари сақлашини ошириш имконияти вужудга келади. Суъний аминокислоталарни қўллаш табиий озиқалар сарфини иқтисод қилишга олиб келишининг илмий асослари исботлаб берилган. Аминокислоталарни қишлоқ хўжалигида ҳайвонлар озиқаида қўллашдан ташқари озиқ овқат саноатида ҳам кенг фойдаланиш мумкин. Улар қатор полимер хом-ашёлар тайёрлашда масалан, синтетик тери, қатор махсус толалар ва озиқ овқат махсулотларини қадоқлаш учун плёнкалар тайёрлашда фойдаланилади. Баъзи бир аминокислоталар ёки уларни ишлаб чиқарувчиларининг инсектиöид таъсири ўрганилган. Метионин ёки  - аминомой кислота доривор воситалар сифатида кенг қўлланилади. Аминокислоталардан халқ хўжалигининг турли соҳаларида кенг фойдаланилишини ßпония мамлакати мисолида яққол кўриш мумкин. ßпонияда бутун мамлакат бўйича ишлаб чиқариладиган аминокислоталрнинг 65% и озиқ овқат ишлаб чиқариш соноатида, 18% ини чорвачиликда, 15% ини медиöинада ва 2% и турли хил соҳаларда қўлланилади. Айни вақтда жаҳон миқёсида аминокислоталар ишлаб чиқариш йилига бир неча миллион тоннани ташкил этмоқда.

Жаҳон миқёсида L-глутамин кислота, L-лизин, DL-метионин, L- аспарагин ва глиöин ишлаб чиқариш етакчи рол ўйнайди. Аминокислоталарни олишнинг асосий усуллари қуйидагилар ҳисобланади:  ўсимлик хом ашёлари оқсили гидролизатларидан экстракöиялаш;  кимёвий синез;  ўсувчи ҳужайралардан микробиологик синтез;  микроорганизмлардан ажратилган ферментлар ёки иммобилланган микроб ҳужайраларидан фойдаланиш. ßпония мамлакати мисолида аминокислоталарни олишнинг қуйидаги усулларини келтириш мумкин (16.1-жадвал). Микробиологик синтез асосида кўплаб аминокислоталарни олиш айни вақтда истиқболли ва иқтисодий самарали усул ҳисобланади. Аминокислотларни микробиологик синтездан ташқари юқорида келтирилганидек, ўсимлик ва ҳайвон хом ашёлари сақлаган табиий оқсиллар гидролизи йўли орқали олиш мумкин. Бу усул кўҳна усуллардан бири ҳисобланади. Бу усулнинг асосий камчиликларидан бири оқсилли озиқа ёки озиқ овқат махсулотлари сифатида фойдаланиш мумкин бўлган хом ашёлардан фойдаланилишидир. Масалан, жанубий шарқий Осиёда натрий моноглумат соя шротидан олинади. Шу каби бир қатор хом ашёлардан бу усулда аминокислоталар олиш иқтисодий самара бермайди. 16.1-жадвал. ßпонияда аминокислоталар ишлаб чиқариш усуллари ва бир йилдаги ҳажми (1877 й.) Аминокислоталар Ишлаб чиқариш усули Ишлаб чиқариш ҳажми, т/й. Аланин Ф,Х 150-200

Аргинин М, Х, Г 100-300 Аспарагин кислота Ф 1000 Аспарагин Х, Г 10-50 Öитруллин М, Х 10-50 Öестеин Г 1-10 Öистин Г 100-200 Глиöин Х 5000-6000 Глутамин кислота М 100000 Гистидин М, Г 100-200 Гомосерин М 10-50 Оксипролин Г 10-50 Глутамин М 200-300 Изолейöин М, Г 10-50 Лейöин М, Г 50-100 Лизин М 15000 Метионин Х 60000 - 70000 L-метионин М 100-200 Орнитин М, Г 10-50 Фенилаланин М, Х 50-100 Пролин М, Г 10-50 Серин М, Г 10-50 L-треонин М 50-100 DL-, L-триптофан Х, Ф 100 Тирозин М, Г 10-100 Валин М 50-100 ДОФА Ф 0,1

Изоҳ: Ф - ферментатив синтез; Х - кимёвий синтез; М - микробиологик синтез; Г - ўсимлик хом ашёлари ва ҳайвон оқсили гидролизатларидан экстракöиялаш йўли орқали; ДОФА - диоксифенилаланин. Аминокислоталарни кимёвий синтез қилиш етарли даражада самарадор бўлиб, юқори автоматизаöиялаш орқали узликсиз ишлаб чиқаришни ташкил этиб, ҳоҳлаган тузилишли бирикмани олиш имкониятини беради. Бунда озиқ овқат бўлмаган хом ашёлардан фойдаланилади ва катта миқдордаги махсулотни ташкил этади. Бироқ, қонуниятдагидек, бу жараёнлар кўпбосқичли ва мураккаб асбоб-ускуналарни талаб этади. Бу усулнинг асосий камчилиги эса аминокислотанинг фақатгина раöемик шаклини олиш мумкинлиги ҳисобланади. Паррандачиликда кенг қўлланиладиган LD- метионинни бу усулда олиш яхши йўлга қўйилган. Кейинги йилларда аминокислоталарни олишнинг кимёвий- микробиологик комбинирланган усули кенг қўлланилмоқда, бунда дастлабки бирикма кимёвий реакöия натижасида олинади кейин эса микроорганизмларнинг мувофиқ штаммларининг ферментатив фаоллиги ҳисобига охирги босқия амалга оширилади. Аминокислоталарни микробиологик усулда синтез қилиш кўпчилик микроорганизмларнинг озиқа муҳитида ушбу махсулотларни юқори даражада тўплашига асосланади. Микроорганизмлар орасида юқори даражада глутамин кислота ҳосил қилиш хусусиятига эга бўлган қатор бактериялар, ачитқи ва замбуруғтурлари мавжуд. Ўрганилган кўпчилик микроорганизмларнинг штаммлари, уларнинг систематик ҳолатига боғлиқ бўлмаган ҳолда L-аланин ва глутамин кислотани кўп миқдорда синтез қилиши аниқланган. Жуда кўплаб штаммлар эса

аспарагин кислота, лейöин, валин, изолейöин ва лизинни жуда кам миқдорда синтез қилиши ўрганилган. Микроорганизмларнинг аминокислоталар тўплаш хусусияти ва турлар аро корреляöияси қатий кўринишда бўлмайди. Аминокислота продуöентларининг кўпчилиги грамманфий спорасиз бактериялар бўлиб, улар Corynebacterium , Micrococcus , Arthrobacter , Brevibacterium туркумларига мансубдир (16.1-расм). 16.1-расм. Лизин продуöенти - Brevibacterium sp. 22 (  22000) . Лизин ишлаб чиқариш Маълумки, лизиннинг икки хил оптик фаолликдаги D-L-шакллари мавжуд: Лизин (  диаминкапрон кислота) : С 6 Н 14 N 2 O 2

Лизин одам ва ҳайвонлар организмида қатор ўта муҳим биокимёвий функöияларни бажаради: ҳужайрада калüöий транспорти, овқат ҳазм қилиш ферментлари секреöиясини ва умумий азот нисбатини оширишни таъминлайди ва ҳ.к. Лизиннинг продуöент-микроорганизмлари, ауксотроф бактерияларнинг Brievibacterium , Micrococcus , Corynebacterium каби гомосеринга муҳтож мутант туркумлари ҳисобланади. 16.1-расм. Бактерияларнинг лизин синтез қилиши : 1-аспартаткиназа; 2-аспарагин кислота полуалдегид дегидрогеназа; 3- гомосериндегидрогеназа; 4-гомосеринкиназа; 5- треониндегидрогеназа; Қўш чизиқлар – репрессия механизми; Битталик чизиқлар – ингибирланиш механизми.

Лизиннинг озиқ овқат саноатида қўлланилиши махсулотларнинг сифатини яхшилаб, уларнинг биологик қийматини оширади. Шунингдек, лизин ҳайвонлар озиқасидаги энг танқис аминокислоталар ҳисобланади. ҳайвонлар озиқа раöионига лизиннинг 0,1-0,4% миқдорида қўшилиши озиқанинг қийматини кескин оширади ва шу билан бирга уларнинг сарф бўлиш миқдорини қисқартиш имконини беради. Россияда лизин продуöенти сифатида Brievibacterium туркумларидан фойдаланилади. Лизин продуöенти-ауксотроф - биотин, тиамин, треонин ва метионинга талабчан бўлади. Саноат асосида лизин ва бошқа хил аминокислоталарни олиш, қатъий режимдаги асептик шароит, стерил озиқа муҳити ва продуöентнинг тоза кулüтурасидан фойдаланишни талаб этади. Лизин олишнинг технологик жараёнлари қуйидаги босқичлардан иборат (6-чизма):  экиш материалини олиш;  озиқа муҳитини тайёрлаш ва стериллаш;  барча ускуналар, коммуникаöия ва ҳавони тайёрлаш ҳамда стериллаш;  ферментаöия;  L-лизинни ажратиш. Лизин чиқарувчи биокимёвий заводларда экиш материалини тайёрлаш даврий усулда амалга оширилади. Дастлабки кулüтура ГПА (гўшт пептонли агар) қаттиқ озиқасида пробиркаларда 28-30 0 С ҳароратда бир сутка давомида ўстириб олинади. Ўсган кулüтуралардан микроорганизмлар суспензияси стерил суюқ озиқа

муҳитига (колüбаларга) ўтказилади ва микробиологик тебратгичда (180-200 тез/мин) бир сутка давомида 29-30 0 С ҳароратда ўстирилади. Буни оналик экиш материали деб ҳам аталади. Сўнгра оналик экиш материали тайёрлаш колбаларидан кулüтуралар экиш колбаларига олинади, бунда колбадаги озиқа муҳитининг 5% миқдори ҳажмида оналик экиш материали солинади. Экиш колбаларида ҳам кулüтуралар 30 0 С ҳароратда 1 сутка давомида микробиологик тебратгичда ўстирилади. Шундан кейин экиш материали колбалардан кулüтураларни аэраöия ҳолатида аралаштириб ўстириш амалга ошириладиган инокуляторга олинади ва 29-30 0 С ҳароратда бир сутка давомида ўстирилади.

Экиш материалини олиш Экиш материалини олиш учун озиқа муҳити таркиби: меласса (3-5%), маккажўхори экстракти (2,5-3,0%) ва ош тузи сақлайди. рН 7-7,2 гача бўлиши HСl нинг 20% ли эритмаси орқали таъминлаб турилади. Инокулятордаги озиқа муҳити таркиби ферментаöион озиқа муҳити таркибига яқинроқ бўлиши зарур. Чизма 5. Лизин ишлаб чиқаришнинг технологик чизмаси

Озиқа муҳитини тайёрлаш ва стерилизаöиялаш Лизин продуöентларини ўстириш учун таркибида меласса, маккажўхори экстракти ёки бўр ва ўстириш моддаларини сақловчи муҳитдан фойдаланилади. Углероднинг асосий манбаси меласса бўлиб, таркибида термолабил компонент бўлган сахароза сақлайди, шунинг учун уни алоҳида стериллаш талаб этилади. Меласса реакторга солиниб доимий аралаштирилган ҳолда 80 0 С гача ҳароратда қиздирилади ва зарур миқдордаги сахароза миқдори ҳосил бўлгунча сув солинади. Махсус ускунлардаги ҳосил қилинган меласса эритмасига тезда 120- 122 0 С ҳароратгача бўғиқ буғ юборилади ва бу ҳарорат аниқ вақт оралиғида ушлаб турилади. Озиқанинг бошқа компонентлари аралаштирилиб аралаштиргичли реакторга қуйилади ва қиздирилади, сўнгра махсус ускунада стерилизаöия ҳароратида зарур вақт оралиғида ушланиб кейин совутилади. Кўпик ҳосил қилувчилар баъзан алоҳида стерилланади, сабаби улар озиқа муҳитларига нисбатан юқорироқ ҳарорат ва режимда стерилланади. Лизин олиш жараёнлари қатий асептик шароитни талаб қилганлиги учун барча ускуналар, реакторлар, коммуникаöиялар ва ферментаöияга бериладиган ҳаво стерилланиши зарур. Ҳавони стериллаш усули I-бобда берилган. Ускуналар ва комуникаöиялар 135-140 0 С ҳароратда ўткир буғ босими остида амалга оширилади. Бунда стерилизаöиянинг “совутиш” усулидан яъни бактериоöид газлар (этилен) ва кимёвий реагент эритмаларидан (формалин, хлор сақловчи бирикмалар ва ҳ.к.) фойдаланиш мумкин. Совуқ стериллаш амалга оширилгандан сўнг кимёвий реагентлар қолдиқлари стерил сувда ювиб ташланади.

Ферментаöия Лизин продуöентларини саноат асосида ўстириш 50-100м3 ҳажмли ферментёрларда даврий ўстириш усулида амалга оширилади. Ферментёрга солинган стерил озиқа муҳитининг 5-6 фоизи миқдоридаги стерил экиш материали солинади. Ферментёрнинг умумий бандлик бирлиги 0,75 ни ташкил этиши лозим. Ферментаторга экишдан кейин бирданига стерил ҳаво юборилади ва 50 0 С ҳароратгача қиздирилади. 1 ҳажм ҳаво 1 л озиқа муҳити ҳажмига минутига 0,12-0,13 МПа босимда бериб турилади. Ферментаöия жараёни 28-29 0 С ҳароратда узлуксиз аралаштириш ва аэраöия шароитида 48-72 соат давомида давом эттирилади. Кўпиклантирувчи воситалар даврий қўшиб турилади, озиқа муҳити рН даражаси эса вақти вақти билан 25% аммиак эритмаси ёки 15% ўювчи калий эритмасидан қўшиш орқали мўтадиллаштирилиб турилади. Ферментаöия орадан 58-72 соат вақт ўткач тугалланади ва кулüтурал суюқлик мақсаддаги махсулотни ажратиш учун кейинги босқичга юборилади. L  лизин ажратиш Кулüтурал суюқликдан тайёрланишига боғлиқ ҳолда турли хил микробиологик препаратлар: лизинниннг суюқ конöентрати (ЛСК), лизиннинг қуруқ озиқа конöентрати (ЛОК) ва кристалл лизин олиш мумкин. ушбу препаратлар ҳар хил алоҳида технологиялар асосида олинади. 6- чизмада барча уч хил препаратлар: СЛК, ЛОК ва кристал лизин олиш акс эттирилган. Кулüтурал суюқликдан 10-13% қуруқ модда сақловчи микробиологик конöентратлар (СЛК ва ЛОК) олиш учун рН даражаси 5,0 гача хлорид кислотада нордонлаштирилади ва лизинни барқарорлаштириш учун 0,15% натрий бисулüфит эритмаси қўшилади.

Сўнгра вакуум-буғлантириш ускунасида барқарорлаштирилган кулüтурал суюқлик, 35-40% қуруқ модда миқдори қолгунча буғлантирилади. Олинган суюқ лизин конöентрати озиқаларни бойитиш учун қўлланилиши мумкин. Қуруқ конöентратни (ҚЛК) олиш учун суюқ конöентрат (СЛК), иссиқлик остида пуркаб қуритгич мосламада 5-6% намлик қогунча қуритилади. Қуруқ озиқа лизин конöентрати жуда гигроскопик бўлади, шунинг учун қуритилгандан сўнг тезда полиэтилен қопчаларда қадоқлаш лозим. Суюқ лизин конöентратини суяк уни, озиқа ачитқилари, буғдой кепаги ва бошқалар билан биргаликда қуритилганда кичикроқ гигроскопик ва сочилувчан озиқа лизин конöентратини олиш мумкин. Кристалл лизин кулüтурал суюқликдан ион алмашинув усулларидан фойдаланилиб ажратилади. Кулüтурал суюқликдан биомасса öентрифугалаш ёки филüтрлаш орқали алоҳидаланади. Лизин филüтратдан КУ-2 ёки КБ-4П-2 маркали ион алмашинув смоласида сорбöияланади. Ион алмашинув колонкаси ювилгандан сўнг лизин сувда 0,5-5,0% ли аммиак сувида элюирланади. 1-2% лизин сақловчи элюат хлорид кислотада рН4,9-5,0 гача нордонлаштирилади ва лизин миқдори 30-50% бўлгунча вакуум-буғлантириш ускунасида буғлантирилади. Лизинга хлорид кислота таъсир эттирилганда монохлоргидрат лизин ҳосил бўлади ва 10-12 0 С ҳароратгача совутилганда сарғимтир рангли кристаллар кўринишини намаён қилади. Монохлоргидрат лизин кристалларидан юқори даражада тоза лизин олиш учун аралашмалардан ва ранг берувчи моддалардан кўп босқичли ҳамда этил спиртидан перекристаллизаöиялаш каби жараёнларни амалга ошириш талаб этилади.

Тоза лизин озиқ-овқат саноатида, медиöинада ва бошқа хил мақсадлар учун қўлланилиши мумкин. Кристалл лизин қоғоз қутиларда қадоқланади. Глутамин кислота ишлаб чиқариш Глутамин кислота (  аминоглутар кислота): COOH C NH CH CH HOOC     | 2 2 2 Алмашинмайдиган аминокислоталар қаторига кирмасада, ўсимлик ва ҳайвон оқсилларининг энг зарурий аминокислоталаридан бири ҳисобланади. Унинг асосида одам организмининг мўътадил ривожланиши учун зарур бўлган кўплаб физиологик фаол бирикмалар синтез қилинган. Глутамин кислота буйрак ва жигардаги турли хил бузилишлардан ҳимоя қилувчи фактор бўлиб хизмат қилиш қобилиятига эгадир, шунингдек, дориларнинг фармакологик таъсирини ошириш ва турли хил моддаларнинг заҳарли (токсик) таъсирини камайтиради. Мана шунга асосан у медиöинада кенг кўламда қўлланилади. Шунингдек, глутамин кислотанинг мононатрий тузи - натрий глутаматдан ҳам кенг фойдаланилади. Бу бирикма кўпгина озиқа махсулотлари таъмини ошириш, шунингдек, консерваланган махсулотларнинг таъмини узоқ вақт давомида сақлаб туришини таъминлайди. Кўпчилик мамлакатларда натрий глутаматдан сабзавотлар, балиқлар ва гўштли махсулотларни консервалашда кенг кўламда фойдаланилади. Глутамин кислотани ишлаб чиқаришнинг самарали ва истиқболли услларидан бири - микробиологик синтез ҳисобланади.

Глутамин кислота синтез қилиш қобилиятига эга бўлган маълум микроорганизмлар орасида ишлаб чиқариш аҳамиятига эга бўлганлари Micrococcus ва Breviebacterium туркумига мансуб бактериялар ҳисобланади. 1.6-расм. Corynebacterium gluhamicum бактериясининг глутамин кислота биосинтези чизмаси. Ушбу кичик, граммусбат, айланасимон ёки овалсимон бактериялар спеöифик хусусиятига кўра биотин ёки тиаминга талабчан бўладилар.

Глутамин кислотани саноат асосида ишлаб чиқаришнинг лизин ишлаб чиқаришдаги каби кўплаб умумий техник жараёнлари мавжуд. Улар қуйидаги босқичлардан ташкил топган (7-чизма): экиш материалини олиш;  озиқа муҳити тайёрлаш ва стериллаш;  ферментаöия;  кристалл ҳолдаги моддани ажратиб олиш;  қуритиш, қадоқлаш ва ўраш.

6-чизма . Глутамин кислота ишлаб чиқаришнинг технологик чизмаси Глутамин кислоталар олиш учун углерод манбаси сифатида глюкоза, сахароза, крахмал гидролизатлари, меласса ва гидрол хизмат қилиши мумкин. Углеводлардан ташқари хом-ашё сифатида углеводородлар (метан, этан, нефтнинг н-парафинлари), шунингдек, сирка, фумар кислоталар ва бошқа махсулотлардан фойдаланиш мумкин. Озиқа муҳитида азот манбаси сифатида 1,5-2,0% миқдорида мочевинадан фойдаланилади, аммо кўп миқдорда солинмасдан талаб даражасида қўшилади ва бунда озиқанинг мочевина сақлаши 0,8% дан ошиб кетмаслиги лозим. Кўпинча мочевинага қўшимча сифатида азот манбаи бўлган аммоний сулüфат (NH 4 ) 2 SO 4 ва аммоний хлорид (NH 4 Cl) 0,5% гача ёки аммиакнинг сувли эритмаси ҳолида қўлланилади. Озиқа муҳитида кулüтураларнинг мўътадил ўсиб ривожланиши учун юздан ёки ўндан бир фоиз ҳисобида калий (KH 2 PO 4 ҳолида), магний (MgSO 4  7H 2 O), марганеö (MnSO 4  4H 2 O), шунингдек, озиқа муҳит рН ини мўтадиллаштириш (рН 7-7,2) бўр қўшиш зарур бўлади. Глутамин кислота биосинтезини оширувчилар сифатида биотин, тиамин, баъзи бир антибиотиклар (пенеöиллин, тетраöиклин), спирт ва сирт фаол моддалар таъсир этиш хусусиятига эга. Аммо, биостимуляторлар миқдорини қатий равишда назорат қилиш лозим бўлади. ×унки уларнинг юқори даражали миқдори масалан, биотин биомасса ўсишини тезлаштиради аммо, глутамин кислота чиқишини пасайтиради.

Экиш материалини олиш Экиш материалини олиш оддий лаборатория шароитида амалга оширилади: дастлаб пробиркаларда, сўнга колбаларда микробиологик тебратгичда кейин 2-5 3 ҳажмли экиш ферментёрларида ўстирилади. Ўстириш ҳарорати 28-30 0 С, озиқа муҳити рН даражаси 6,8-7,5; ўстириш давомийлиги эса ҳар бир босқичда 24 соат давом этади. Ферментаöия Ферментаöия 50 3 ҳажмли ферментёрда интенсив (жадал) аэраöия ва 28- 30 0 С ҳароратда олиб борилади. Ўстириш давомийлиги 2-3 суткага чўзилади. Бу вақт оралиғида озиқа муҳитида 50 г/л гача глутамин кислота тўпланади. Кулüтурал суюқликдан биомасса филüтрлаш ёки öентрифугалаш орқали ажратиб олинади, кулüтурал суюқлик эса вакуум-буғлатиш ускунасида буғлантирилади. Кристаллизаöиядан кейин глутамин кислота ажратилади. ßнада тозароқ махсулот олиш учун одатда қайта кристаллизаöиялаш қўлланилади. Кулüтурал суюқликдан глутамин кислотани ажратиш учун ионалмашиш усули ҳам ишлаб чиқарилган бўлиб, бунда КУ2-смоласида сорбöияланади. Смолага сорбöияланган глутамин кислота ювилгандан сўнг колонкада 0,5-5,0% ли аммиакли сувда элюирланади. Олинган элюат фаол кўмирда ишлов берилади ва 40 0 С ҳароратли вакуум остида ҳажми 3-5 мартагача камайгнча қуюлтирилади. Сулüфат кислотада нордонлаштирилган (рН 3,2 гача) эритма 4 0 С ҳароратгача совутилади ва бунда глутамин кислотанинг кристаллизаöияланиши амалга ошади. Қайта кристаллизаöияланган махсулотда асосий модда (глутамин кислота) 99,6% ни ташкил этади.

Натрий глутамат олиш Натрий глутамат: COONa NH CH CH HOOC    )2 (2 2  техник глутамин кислотадан олинади. Кислота кристаллари сувда эрийди, сувли эритмани фаол кўмир билан ишлов берилиб 60-70  С ҳароратда кристаллар эриши тўлиқ таъминланади. Кейин глутамин кислота эритмаси 45-50% ли NaOH эритмаси билан рН-6,8 бўлгунча нейтралланади ва шундан кейин фильтрланади. Фильтрат вакуум - буғлатиш ускунасида 40-50  С ҳароратда буғлантирилиб, сўнгра совутилади. Кристаллизация паст ҳароратда 3 сутка давомида амалга оширилади. Глутамат натрий глутамат кристаллари дастлабки эритмадан центрифугада ажратилиб иссиқ ҳавода қуритилади. Тайёр махсулот 98% асосий мода (натрий глутамат) сақлайди. О рганик кислоталар ишлаб чиқариш Микробиологик синтез орқали турли хил органик кислоталар: сирка, лимон, янтар, итакон, глюкон ва бошқа хил кислоталарни олиш мумкин. Улардан озиқ-овқат, фармацевтика, кимёвий, енгил саноат ва бошқа турли хил ишлаб чиқариш саноатларида кенг кўламда фойдаланилади. Микробиологик синтез орқали олинган лимон, сирка ва сут кислоталари ананавий озиқ-овқат ишлаб чиқаришда кенг қўлланилади ва кимёвий синтезлаш йўлига нисбатан самаралироқ ҳисобланади. Ушбу кислоталарнинг продуцент-микроорганизмлари бактериялар, моғор замбуруғлари ва ачитқилар ҳисобланади. Сирка ва лимон кислота синтезловчи продуцент-микроорганизмлар аэроблар ҳисобланади. Сут кислотасини эса анаэроб микроорганизмлар ҳосил қилади.

Микроорганизмлар ушбу кислоталарни ўзларини бегона микрофлорадан ҳимоя қилиш мақсадида синтезлайдилар, шунингдек, углеродни заҳира сифатида синтез қилади деган назариялар мавжуд. Сирка кислота ишлаб чиқариш Сирка кислота CH 3 COOH – рангсиз, ўткир ҳидли суюқликдир. Ошхона сиркаси (сирка кислотасининг 5-9% ли сувли эритмаси), сиркали эссенция (70-80%), сувсиз ёки музлатилган сирка кислота (98-99,8%) ҳолидаги сирка кислоталари мавжуд. Acetobacter туркумига мансуб сирка кислотали бактериялар этил спиртини оксидлаб сирка кислота ҳосил қилиш хусусиятига эгадир. Этил спиртининг оксидланишини алкогольоксидаза ферменти катализлайди. Реакция тенгламасини қуйидагича ёзиш мумкин:кДж O H COOH CH OH CH CH ФЕРМЕНТ 490 2 3 2 3       Саноат шароитида сирка кислотани микробиологик синтез қилиш, сирка кислотали бактерияларни суюқликда узлуксиз ўстириш усулидан фойдаланиб, кетма кетликдаги ферментёрлар бирикмаларида амалга оширилади. Сирка кислота ишлб чиқаришнинг технологик жараёнлари қуйидаги асосий босқичларни ташкил этади (8-чизма): 1. Экиш материалини олиш; 2. Хом ашёларни тайёрлаш; 3. Ферментация; 4. Тайёр махсулотни тиндириш ва қуйиш.

Ишлаб чиқаришда сирка кислотали бактерияларнинг икки хил тури Bacterium Sch ü tzenbachii ва Bacterium curvum қўлланилади. Экиш материалини лабораторияларда сирка кислотали бактерияларни суюқ озиқада кольбаларда, микробиологик тебратгичда, сўнгра 30 л. ҳажмли лаборатория ферментёрларида ўстириб олинади. Сирка кислота олиш учун хом ашё сифатида этил спирти, ректификат ёки тозаланган ёғдан фойдаланилади. Сирка кислотали бактерияларнинг ҳаёт фаолияти озиқа муҳити кислоталигиг боғлиқ бўлади. Уларнинг яхши ривожланиши учун мўътадил рН кўрсаткичи 3,0-3,2 оралиғида бўлади. Озиқа муҳитидаги сирка кислота ва этил спирти миқдори ҳам микроорганизмлар ҳаёт фаолиятида муҳим рол ўйнайди ва катта таъсир кўрсатади. Кислоталарнинг мўътадил миқдори 10% деб ҳисобланса, спирт миқдори Bacterium Sch ü tzenbachii учун 6-7% (об.), Bacterium curvum учун эса 9-14% (об.) ни ташкил этади. Ферментация жараёни эса бешта кетма кетликда бириккан ферментаторлардан ташкил топган батареяда амалга оширилади. Ҳар бир ускуна аралаштиргич, барботер ва бурама (спиралсимон) иссиқлик алмаштирувчилар билан таъминланган. Биринчи ферментёрга, этил спирти ва сирка кислотанинг умумий миқдори 6,4-6,7% ни ташкил этадиган озиқа муҳити ва стерил ҳаво узлуксиз берилади ва экиш материали солинади. Бунда сирка кислотали бактерияларнинг жуда тез ривожланиши учун қулай шароит яратилади. Биринчи ферментёр қолган барча кейинги ферментёрлар учун сирка кислотали бактериялар генератори ҳисобланади. Шунингдек, бунда сирка кислотасида этил спиртининг оксидланиши амалга ошади. Культурал суюқлик бир ферментёрдан иккинчи ферментёрга ҳосил қилинган ҳаво босими ҳисобига узатилади. Ҳар бир ферментёр уксус кислотада этил спирти жадал оксидланиши учун шароит яратиб беради.

Зарур бўлган спирт миқдори билан таъминлаш учун иккинчи, учинчи ва тўртинчи ускуналарга 40% ли этил спирти қўшилади. Ҳарорат ва аэрация жадаллиги бир ферментёрдан иккинчисига ўтганда пасайиб боради: агарда биринчи ферментёрда ҳарорат 28 0 С га, аэрация жадаллиги эса 0,35-0,40 м 3 /(м 3 ·мин) га тенг бўлса, охирги ускунага келиб мувофиқ равишда 25 0 С ва 0,1-0,15 м 3 /(м 3 ·мин) ни ташкил этади. 7-чизма. Сирка кислота ишлаб чиқаришнинг технологик чизмаси Культурал суюқлик бешинчи ферментёрдан сирка кислота миқдори 9% дан кам ва 9,3% дан ортиқ бўлмаган ҳолда чиқади. 100 л. сувсиз этил спиртидан 75-90 кг сирка кислота олинади. Сирка кислотаси эритмасига тиндириш учун бентонит ва кўп бўлмаган миқдорда

лимон кислота қўшилади. Аралаштирилиб бўлингандан сўнг, тиндирилган сирка кислота эритмаси зич-фильтрга узатилади. Ўзида 9% сирка кислотасини (ошхона сиркаси) сақловчи фильтрат тайёр махсулот йиғиладиган жойга узатилади ва ундан қуйиб олиш мумкин. Лимон кислота ишлаб чиқариш Лимон кислота 7 8 6 O H C , уч асосий оксикислотадир: COOH CH C OH COOH CH HOOC     2 | | 2 Сувли эритмалардан рангсиз шаклдаги сувнинг бир молекуласи билан тиниқ, ромбик кўринишидаги кристаллар кристаллизацияланади. Лимон кислотаси медицинада, озиқ-овқат ишлаб чиқаришда, кимёвий ва енгил саноатда жуда кенг миқёсда қўлланилади. Маълумотларга кўра дунё миқёсида лимон кислотасининг ишлаб чиқарилиш ҳажми йилига 400 минг тоннани ташкил этади. Лимон кислотасининг бундай катта миқдорда ишлаб чиқарилишига турли хил углерод манбалари, хусусан, углерод ва углеводородлар асосида микробиологик синтезлаш усуллари ишлаб чиқарилгандан кейингина эришилди. Лимон кислотасининг продуцент микроорганизмлари микроскопик замбуруғлар ( Aspergillus niger ), ачитқилар ( Candida lipolytica , Candida quilliermondii ) ва батериялар ( Corynebacterium , Arthrobacter ) ҳисобланади.

Россияда лимон кислотаси мелассали озиқа муҳитида Aspergillus niger микроскопик замбуруғини ўстириб микробиологик синтез асосида олинади. Лимон кислотасини ишлаб чиқариш жараёни ўзида микробиологик технологиянинг барча асосий босқичларини мужассамлаштиради (9-чизма):  Экиш материалини олиш;  Меласса - хом ашёларни ферментацияга тайёрлаш;  Ҳавони тайёрлаш ва стериллаш;  Ферментация;  Мицелий-продуцент биомассаларни алоҳидалаш;  Культурал суюқликдан лимон кислотасини ажратиш ва уни кристалл кўринишда олиш. Лимон кислотаси продуцентларини юза қисмга ва суюқлик ичига экиш усулларида ўстириш мумкин. Лимон кислотасини бу усулларда ишлаб чиқаришнинг технологик чизмаси фақатгина ферментация босқичида фарқланади. Қолган барча босқичлар бир хилда кечади. Экиш материали олиш Махсус микробиологик музейларда сақланадиган Aspergillis niger штаммлари қуруқ спора кўринишида (конидий) фаол кўмир аралашмасида сақланади. Дастлабки культура пробиркаларда агарли озиқа муҳитида ривожланади, сўнгра кольба ва кюветаларда қаттиқ озиқа муҳитида ўстирилади. Ўстириш ҳарорати 32 0 С бўлиб, ўстириш давомийлиги ҳар бир босқичда 2 суткадан 7 суткагача давом этади. Қаттиқ озиқа муҳити сиртида ўстирилганда конидия ҳосил қилувчи мицелиал қоплам ривожланади. Етилган конидийлар вакуум ускунаси ёрдамида йиғиб олинади. Йиғиб олинган конидийлар стерил ҳолдаги қўшимчаларга (тальк ёки фаол кўмир) аралаштирилади ва 32 0 С ҳароратда

қуритилади. Тайёр экиш материали стерил шиша кольбаларга ёки 0,5 дан 1 литргача бўлган сиғимли банкаларга жойланади. Бу усулда ишлов берилган экиш материалини сақлаш муддати 6 ойдан кам бўлмайди. Хом ашёларни тайёрлаш Лимон кислотасини саноат асосида олиш учун субстрат сифатида шакар ишлаб чиқаришнинг қолдиқ махсулоти бўлган меласса қабул қилинган. Меласса аниқ стандартга (таркибга) эга бўлмаган хом ашё ҳисобланади, шунинг учун лаборатория шароитида яроқлилиги назорат ферментацияда лимон кислота чиқиши бўйича текшириб кўрилади. Яхши, сифатли меласса таркибида 46% дан кам бўлмаган шакар сақлайди. Агарда назорат ферментация жараёнида лимон кислота чиқиши, юза қисмга экиш усулида 1,25 кг/(м 2 ·сут) ёки (юза қисмга экиш усулида 12 кг/(м 3 ·сут) ни ташкил этса, бундай меласса ишлаб чиқариш учун яроқли ҳисобланади.

8-чизма. Лимон кислота ишлаб чиқаришнинг технологик чизмаси Озиқа муҳити юза қисмида ўстириш усулидаги ферментация Юза қисмда ўстириш учун озиқа муҳити қайнатиш қозонида тайёрланади. Меласса сув билан 1:1 нисбатда суюлтирилиб олинади ва сульфат кислота қўшилиб эритма рН кўрсаткичи 6,8-7,2 гача олиб борилади. Темир тузлари ва оғир металларни чўктириш учун қайнатиш давомида аниқ миқдордаги сариқ қон тузи эритмаси калий гексацианоферроат (ГЦФК) солинади. Меласса эритмасига 60-70 0 С ҳароратда кетма-кетликда азот, фосфор (калий фосфат), макро- ва микроэлементлар (рух, магний, калий ва

бошқалар) манбалари қўшилади. Тайёр озиқа муҳити 45-50 0 С ҳароратда стерил идишга ўтказилади. Озиқанинг шакар сақлаши 12-16% ни ташкил этиши лозим. Асосий ферментация стелажларида (жавонлар) кюветалар жойлашган ёпиқ бўлмалари мавжуд бўлган махсус бўлмаларда амалга оширилади. Кюветалар тўғри бурчакли шаклда алюминий ёки зангламайдиган пўлатдан тайёрланган бўлади. Кюветаларнинг узунлиги 7 м, эни 1,8 м, борт баландлиги 20 см гача бўлиши мумкин. Кюветалар озиқа муҳити билан тўлдирилади ва культурал суюқлик штуцер орқали кювета тубига сизиб ўтиб турадиган бўлади. Камера қиздирилган стерил ҳаво узатгич тизим билан жиҳозланади. Янги ферментация цикли олдидан камералар ва кюветалар диққат билан ювилади ва парофомалин аралашмаси билан стерилланади кейин эса пароаммиакли аралашмада дегазацияланади. Стерилизацияланган ва совутилган камера кюветаларига озиқа муҳити 12 дан 18 см гача қатлам қилиб қуйилади. Махсус ускуналарда Aspergillus niger конидийлари яъни экиш материали озиқа муҳитига пуркаб сепилади. Экишдан кейин бир кун ўтгач юпқа оқ-сарғиш мицелий қоплами ҳосил бўлади ва уч кун ўтгач қалинлашиб бурмали, қатлам-қатлам тузилишни намоён қилади. замбуруғ мицелийсининг фаол ўсиш босқичи жуда кам аэрацияда, 34-36 0 С ҳароратда таъминланади. Фаол кислота ҳосил бўлиш босқичида ҳарорат 32-34 0 С га пасайади, ҳаво узатилиши эса 3-4 марта ошади. Кислота ҳосил бўлишининг жадаллигининг пасайиши ва ажраладиган иссиқлик миқдори камайишининг олдини олиш учун камерага берилаётган ҳавони секин-аста камайтириб борилади. Ферментция жараёни эритмада 1-2% шакар қолганда ва культурал суюқликда кислота сақлаши 12-20% ни ташкил этганда тўхтатилади. Кюветалардан культурал суюқлик махсулот йиғгичга қуйилади, сўнгра

кимёвий цехга ўтказилади. У ерда лимон кислота ажратилади. Культурал суюқликнинг лимон кислота сақлаши 12-20% ни ташкил этади. Мицелий кислоталардан иссиқ сув билан ювиб тозаланди ва қорамоллар учун озиқа сифатида қўлланилиши мумкин. 26.3-расм. Меласса юза қисмига экиш орқали лимон кислота олишнинг технологик чизмаси 1-меласса учун идиш; 2-марказлаштирувчи насослар; 3-мелассани суюлтириш учун реактор; 4-стерилизатор; 5-бродил камераси; 6- бижғийдиган эритмаларни йиғгич; 7-нейтрализатор; 8-нутч-фильтр; 9-аралаштиргич; 10- нутч-фильтр; 11- монтеж-йиғгич; 12-вакуум- ускунаси; 13-дисольвер; 15-кристаллизатор; 16-қабул бўлими; 17- қуритиш; 18-тайёр махсулот; 19 фильтратларни йиғиш.

Суюқ озиқа муҳитида ўстириш усулидаги ферментация Aspergillus niger замбуруғларини суюқ озиқада ўстириш орқали лизин олиш жараёни 100м 3 ҳажмдаги ферментёрларда амалга оширилади. Экиш материали сифатида 10м 3 ҳажмдаги экиш ферментёрларида олинган ўсувчан мицелийлар қўлланилади. Меласса эритмаси экиш ва ишлаб чиқариш ферментёрлари учун худди юза қисмда ўстириш усулидагидек олинади, фақатгина суюқликда ферментация учун дастлабки меласса эритмаси 4% дан кам бўлмаган шакар сақлаши лозим. Агарда фементация жараёнида шакар миқдори кескин камайса, 25-28% шакар сақловчи стерил меласса эритмаси (қуюлувчи эритма) қуйиш амалга оширилади. Ушбу эритма шундай миқдорда қуйиладики, бунда ферментёрдаги шакар миқдори 12-15% ни ташкил этсин. Озиқа муҳити билан тўлдирилган экиш ускунасига, дастлаб термостатда 32 0 С ҳароратда 5-6 соат сақланган конидий суспензияси қуйилади. Культура доимий аралаштириш ва аэрацияда 34-35 0 С ҳароратда ўстирилади. Ўстириш жараёнида ферментаторга ҳаво узатилиши қатъий назорат қилинади, яъни ҳавонинг сарфи ферментация охирларига бориб деярли 10 баровар ошади. Жадал кўпикланиш давомида кўп бўлмаган миқдордаги кимёвий пеногасител (кўпиксизлантирувчи) солинади (олеин кислота). Мицелий етилиш жараёни 30-36 соатдан кейин культурал суюқлик кислота миқдорини 1-2% сақлаганда тугалланади. Етилган мицелийлар ишлаб чиқариш ферментёридаги озиқа муҳитига экиш учун юборилади.

1.7-расм. Суюқликда ўстириш усулида лимон кислота олишнинг технологик чизмаси (Карклиньш ва Пробок, 1972): 1-мелассали бак; 2-қабул қилувчи бак; 3-тарозилар; 4-қайнатувчи қозон; 5-марказлаштирувчи насос; 6-оралиқ идиш; 7-стериль колонка; 8-сақлагич; 9-музлатгич; 10-экиш ферментатори; 11-ишлаб чиқариш ферментатори; 12-бактериологик фильтр; 13-мелассани сақлаш учун идиш; 14-оралиқ йиғгич; 15-барабанли вакуум фильтр; 16-мицелийни қабул қилувчи идиш; 17-мицелийни йиғиш учун вакуум йиғгич; 18-фильтрланган (бижғиган) эритмаларни йиғиш учун вакуум- йи ғгич. Ферментёрда кислота ҳосил бўлиш жараёни узлуксиз аэрация ва 31-32 0 С ҳароратда 5-7 сутка давом этади. Ҳаво сарфи бошланғич даврда 400м 3 /с, ферментация охирларида эса 2200м 3 /с гача ошиб боради. Шакар миқдорини мўътадиллаштириб туриш учун қуйиш эритмасидан вақти-вақти билан 2-3 марта қўшилади. Бунда шакар миқдори эритмада 12-15% ни ташкил этиши

лозим. Жараён охирида эса умумий кислоталик ва шакар миқдори аниқланади. Ферментация жараёни тугагандан сўнг культурал суюқлик 60-65 0 С ҳароратгача бўлган ўткир буғда қиздирилади ва йиғгичга қуйилади. У ердан эса мицелий биомассаларини ювиш ва алоҳидалаш учун вакуум-фильтрга узатилади. Ювилган мицелийлар қорамол озиқаси сифатида қўлланилади. Асосий лимон кислота эритмаси эса сув таркибида кимёвий цехга лимон кислотасини ажратиш учун узатилади (9-чизмага қаранг). Лимон кислотасини ажратиш ва уни кристалл ҳолда олиш Мицелийлар ажратилгандан сўнг культурал суюқлик таркибида лимон, глюкон ва оксалат кислота (шавел (қахрабо) кислота)лар аралашмаси, шакар чўкмалари ва минерал аралашмаларини сақлайди. Культурал суюқликдан лимон кислотани ажратиш унинг цитрат уч кальцийли тузида кам эрувчанлик хусусияти ҳосил қилишига асосланади. Нейтрализация жараёни махсус ускуна – нейтрализаторда амалга оширлади, у ўз навбатида аралаштиргич ва буғли батареялар билан жиҳозланган бўлади. Культурал суюқлик қайнаш даражасигача қиздирилади ва оҳакли ёки бўрли сут узлуксиз аралаштириш остида қўшилади. Нейтрализация озуқа рНи 6,8-7,5 бўлганда тугалланади. Бунда барча уч кислотанинг тузлари ҳосил бўлади:O H O H C Ca OH Ca O H С 2 6 2)7 5 6 (3 2) ( 3 7 8 6 2    лимон кислота кальций глюконат O H O H C Ca OH Ca O H С 2 2 2)7 11 6 ( 2) ( 7 12 6 2    глюкон кислота кальций глюконат

O H O С Ca OH Ca O H С 2 2 4 2 2) ( 4 2 2   оксалат кислота кальций оксалат Кальций цитрат ва оксалат бунда чўкмага тушади, кальций глюконт ва минерал қолдиқлар эритмада қолади. Кальций цитрат ва оксалат эритмадан вакуум-фильтрда ажратилади ва яхшилаб иссиқ сувда ювиб ташланади. Кальций цитрат ва аниқ миқдордаги сув солинган реакторга аралаштириб солинади ва унга фаол кўмир қўшилади (тиндиргич сифатида). Сўнгра реактор 60 0 С гача ҳароратда қиздирилади ва унга аниқланган миқдордаги сульфат кислота аралаштириш давомида қуйилади. Аралашма 10-20 минут давомида қайнатилади. Кальций цитрат сульфат кислотада қуйидаги тенгламага кўра ажралади: 4 3 7 8 6 2 4 2 3 2)7 5 6 (3 CaSO O H C SO H O H C Сa    Кальций оксалат бу шароитда ажралмайди. Кальций цитрат тўлиқ ажралгандан сўнг реакторга оғир металларни чўктириш учун гранулаланган барий сульфат солинади. Лимон кислота эритмаси гипс, кальций оксалат, кўмир ва оғир метал тузлари қолдиқларидан вакуум-фильтрда алоҳидаланади. Фильтрланган лимон кислота эритмаси буғлантиришга йўналтирилади. Вакуум-ускунада буғлантириш икки босқичда амалга оширилади. Биринчи ускунада эритма 1,24-1,26 г/см 3 зичликкача буғлантирилади ва бунда гипс қолдиқлари тушади. Зич-фильрда гипс алоҳидалангандан сўнг

тиниқ эритма иккинчи ускунада 1,35–1,36 г/см 3 зичликкача буғлантирилади. Бунда лимон кислота миқдори 80% ни ташкил этади. 70 0 С ҳароратда вакуум-ускунада буғлантрилган эритма кристаллизаторга берилади. Кристаллизаторда эритма 35-37 0 С ҳароартгача совутилади ва лимон кислота кристаллари олишга берилади. Кристаллизация доимий аралаштириш ва босқичма-босқич 8-10 0 С гача совутиш орқали амалга оширилади. Ҳосил қилинган лимон кислотаси кристаллари центрифугалаш орқали ажралади ва кўп бўлмаган миқдордаги совуқ сувда ювилиб қуритишга йўналтирилади. Кристалл лимон кислотасини қуритиш лентали ёки барабанли пневматик қуритгичда 35 0 С дан ошмаган ҳароратли ҳавода амалга оширилади. Тайёр препарат таркибида 99,5% дан кам бўлмаган миқдордаги лимон кислотаси (моногидратга ҳисоблаганда) сақлаши лозим. Сут кислотаси ишлаб чиқариш Сут кислотаси – C 3 H 6 O 3 ўзида органик бир асосли кислота намоён қилади. Гидрооксил гуруҳ икки хил ҳолатда (  ва  ) жойлашиши мумкин, шунинг учун сут кислотаси икки изомерга бўлинади:H 3 C - C - COOH H 2 C - CH 2 - COOH H OH OH âà îêñèïðîïèîí   îêñèïðîïèîí Сут кислотасини ҳам микробиологик ҳам кимёвий синтез йўли билан олиш мумкин. Сут кислотаси продуценти мўтадил ривожланиши 48-500С ҳароратда кечадиган гомоферментатив термофил бактерияларга мансуб бўлган Bacterium dilruckii бактерияси ҳисобланади.

Сут кислотаси олиш учун хом-ашё сифатида турли хил углеводлар қўлланилиши мумкин. Кислота ишлаб чиқаришда, таркибида глюкоза, сахароза ва мальтоза сақловчи хом-ашёлардан фойдаланилади. Масалан, Россияда сут кислотаси ишлаб чиқариш учун рафинадли қиём (шакар- рафинад ишлаб чиқариш қолдиғи), меласса, крахмал (маккажўхори ва картошканики) ва дастлабки қандлаштирилган салоддан фойдаланилади. Сут кислотали бактерияларнинг глюкозани бижғитиб сут кислота ҳосил қилиш реакцияси қуйидагича кечади:C6H12O6 CH3CH(OH)COOH+ 75,36 êÄæ 2 Кимёвий тенгламага асосан 100 г глюкозадан 100 г сут кислотаси олинади. Бижғиш жараёни амалий чиқиши шакар массасига нисбатан 90-91% ни ташкил этади. Сут кислотаси ишлаб чиқаришнинг технологик жараёнлари анаэроб шароитда (ҳаво тайёрлаш босқичи бўлмайди) ва ҳарорат кўтарилиши ҳолати кечиши билан характерланади (зарарли микрофлора билан зарарланиш хавфи пасаяди). Булар сут кислотали бактерияларнинг термофиллиги в анаэроблигини кўрсатади. Сут кислота ишлаб чиқариш жараёни қуйидаги асосий босқичлардан иборат:  экиш материали олиш;  озуқа муҳити тайёрлаш;  сут кислотали бижғиш;  йиғилган эритмани қайта ишлаш ва фильтрлаш;  кальций лактатни парчалаш;

сут кислотасини буғлантириш. Экиш материалини олиш Дастлабки культура пробиркадан олиниб янги озуқа муҳити солинган учта пробиркаларга экиб олинади. Пробиркада ўсган культуралар 500 мл сиғимли кольбаларга, ундан 10 л сиғимли бутилларга ва ниҳоят улардан культиваторга олиб экилади. Экиш материали миқдори бижғитиш ускунаси ҳажмининг 30% идан кам бўлмаслиги лозим. Биринчи икки босқич солод суслосидан тайёрланган озуқа муҳитида, учинчи босқич сусло ва ишлаб чиқариш учун тайёрланган ўстириш озуқалари аралашмасидан (1:1), охирги босқич эса фақат ишлаб чиқариш учун тайёрланган озуқада амалга оширилади. Ўстириш ҳарорати 48-50 0 С бўлиб, ўстириш давомийлги ҳар бир босқичда 20-24 соат давом этади. Озуқа қўшимча сифатида стерил бўр сақлаши ва стерил бўлиши лозим. Асосан заводларда тоза культура ишлаб чиқариш жараёни олдидан тайёрланади. Кейинчалик экиш материали сифатида бижғитиш устунадан олинган культурал суюқликдан фойдаланилади. Сут кислотали бижғиш цилиндр кўринишдаги, сферик тубли, сиғими 25-45 м 3 бўлган, альюминий ёки зангламайдиган пўлатдн тайёрланган, иссиқ сувнинг циркуляцияси амалга ошадиган ускуна билан таъминланган қурилмаларда (чангларда) амалга оширилади. Озуқа муҳити бевосида бижғиш қурилмасида тайёрланади. Меласса ва рафинад қиёми қурилмага ўзи оқиб тушувчи труба орқали берилади, шакар – манбаси эса дастлаб сувда эритилади ва кейин бижғиш қурилмасига қуйилади. Бўрли сут алоҳида идишда тайёрланади. Қурилманинг ишчи сиғими 2 / 3 ҳажмда сув билан тўлдирилиб, унда меласса ва рафинад қиёми эритилади ва эритмада шакар миқдори 3-4% гача

бўлгунга қадар олиб борилади. Эритма 70 0 С гача бўлган ҳароратда қиздирилиб, мана шу ҳароратда 1 соат давомида пастерилизация қилинади. Сўнгра эритма 48-50 0 С гача совутилиб, унга 15% солод қуйқаси (ростков) (солинган шакар массасига) ва қурилма сиғимининг 20% ҳажми бароварида экиш материали солинади. Ўстиришдан 6 соатдан сўнг озуқа муҳити ҳавода даврий барботирлаш орқали аралаштирилади. Қачонки, эритмада сут кислота ҳисобига кислоталик 0,5-0,6% ни ташкил этса, ҳар 1,5-2 соатда кўп бўлмаган миқдорда бўрли сут қўшилади. Сут кислотаси нейтрализацияси натижасида кальций лактат ҳосил қилади. Мўътадил бижғиш жараёнида сир суткада 2% гача шакар ўзлаштирилади. Шакар миқдори камайганда бижғиш қуримасига бир нечта усулларда шакар сирканинг 50% ли эритмаси (рафинад қиёми сақлаши мумкин) қўшилади. Озуқанинг 3-4% ли шакар миқдори сақлаши таъминланади. Бунда шундай миқдордаги шакар қўшиладики, бижғиш охирида культурал суюқликнинг кальций лактат сақлаши 15% дан, ўзлаштиилмаган шакар сақлаши эса 0,2-0,5% дан кўп бўлмаслиги лозим. Бижғиш 6-8 кун давом эттирилади. Бижғиш жараёни тугагач, культурал суюқлик бижғиш ускунасида 70- 80 0 С гача қиздирилади ва кучсиз ишқорий реакциягача оҳакли сутда нейтрализацияланади.

20-расм. Сут кислотаси олишнинг технологик чизмаси Нейтрализацияда оқсиллар коогуляцияланади, темир чўкади ва шакарнинг жуда кам қолдиқлари парчаланади. Сўнгра культурал суюқлик тиндирилади ва қолдиқсиз ҳга келгач буғда қиздирувчи зич фильтрга йўналтирилади. Кальций лактат эритмаси 70-80 0 С ҳароратда фильтрланади. Олинган фильтрат 27-30% миқдоргача буғлантирилади. Кейин 25-30 0 С гача совутилиб кристаллизаторда 36-48 соат ушланади. Кристаллизация дастлабки эритмада 6% дан кам бўлмаган кальций лактат миқдори қолганда тугалланади.

Кристалл кальций лактат центрифугада алоҳидаланиб, совуқ сувда ювилади ва қуритилади. Сульфат кислотада кальций лактатнинг парчаланиб, эркин сут кислота ажралиши 60-70 0 с ҳароратда амалга оширилади. Реакция қуйидаги тартибда кечади:Ca(C3H5O3)2 + H2SO4 C3H6O3 + CaSO4 Сут кислота эритмаси темир , натрий сульфат бирикмалари чўкиши учун ГЦФК [ гексацианоферрат (II) калий ] о ғ ир металлар ва мишьяк чўкиши учун барий сульфитда ва ранг берувчи моддаларни йў қ отиш учун фаол кўмир билан ишлов берилади . Ишлов берилгандан сўнг аралашма фильтрланади. Фильтдаги, гипс қолдиқларидаги қолган сут кислотасини ювиб чиқариб ташланади. Натижада 18-20% миқдордаги сут кислотаси эритмаси олинади. Эритма миқдори 40% гача ошиши учун эритма ва вакуум-ускунасида буғлантирилади. Сўнгра яна бир марта фаол кўмирда тиндирилади ва ГЦФК билан ишлов берилади. Тиндирилгандан сўнг фаол кўмир зич-фильтрда ажратилади, сут кислота эса тайёр махсулот йиғгичга қуйилади. Бундан ташқари, сут кислотасини 70% гача олиш мумкин. Бунда вакуум- ускунада иккиламчи буғлантирилади ва зич-фильтрда фильтрланади. 70% ли сут кислотагача жуда кам миқдорли бўр қуйилтирилган паста ёки суюқ кўринишда ишлаб чиқарилади.

Фойдаланиладиган адабиётлар рўйхати: 1. Бакай С.М. Биотехнология обогащения кормов мицеиальным белком. Киев. Урожай 1987. 2. Биотехнология кормопроизводства и переработки отходов. Рига: Зинатие, 1987. 3. Быков В.А. и др. Микробиологическое производство биологически активных веществ и препаратов. – М. Вўсшая школа, 1987. 4. Гаврилова Н.Н. Липиды микроорганизмов для кормовых целей. М., ВНИИСЭНТИ, 1985. 5. Глележа А.А. и др. Микробные ферменты в народном хозяйства – Вильнюс: Мокслас, 1985. 6. Давронов К. Микроблар дунёси. Тошкент: ТошДАУ, 2001. 7. Давронов К., Хўжамшукуров Н. Умумий ва техник микробиология. Тошкент, ТошДАУ, 2004. 8. Удалова Э.В. и др. Энзиматическая конверсия растительно сўрья и отходов сельскохозяйственного производства. М. ВНИИ систем управления, экологических исследований и научно-технической информации, 1990. 9. Хазин Д.А. Производство кормового белка и его использование в кормелении сельскохозяйственных животных. М. ВНИИТЭИ, 1987. 10. Алексеев В.В, Синюгин О.А. Технико-экономическая оценка традитционной, атомной и альтернативной энергетики.—Российский химический журнал Т.41.№6.-М.:1997.

O'xshashlar

Аминокислота ва органик кислотлар ишлаб чиқариш

Антибиотиклар ишлаб чиқариш

Ферментлар ишлаб чиқариш

Биотехнологик ишлаб чиқариш жараёнлари ва жихозлари

Оқсиллар ва аминокислоталар ишлаб чиқариш технологиялари