Микроорганизмларни культивирлашга озиқа муҳитларини, ёрдамчи материаллар ва ҳавони тайёрлаш учун машина ва қурилмалар - Biotexnologiya - Referatlar

Микроорганизмларни культивирлашга озиқа муҳитларини, ёрдамчи материаллар ва ҳавони тайёрлаш учун машина ва қурилмалар

Yuklangan vaqt:

20.09.2019

Ko'chirishlar soni:

0

Hajmi:

1214.5 KB

Ko'chirib olish

Микроорганизмларни культивирлашга озиқа муҳитларини, ёрдамчи материаллар ва ҳавони тайёрлаш учун машина ва қурилмалар Режа: 1. Гидролизаппаратлар ва инверторлар. 2. Кислоталарни нейтраллаш, озиқа муҳитларининг компонентларини эритиш ва аралаштириш учун қурилмалар. 3. Тиндиргичлар, гидроциклонлар ва фильтрлар.

Озиқа муҳитларининг тайёрланиши микробиологик синтез ишлаб чиқаришида муҳим босқичлардан бири бўлиб ҳисобланади. Озиқа муҳитлари компонентларининг физик-кимёвий хоссаларига қараб улар сувда белгиланган ҳарорат ва рН да маълум нисбатларда эритилади ёки суспензияланади. Технология талабларига қараб озиқа муҳитларини тайёрлаш жараёнида улар бойитилади, бу нейтраллаш, тиндириш, фильтрлаш, совутиш, микроорганизмлар ҳаёт фаолиятини ингибирловчи компонентларни олиб ташлаш, муҳитларни биологик актив моддалар билан бойитиш ва бошқа босқичларни ўз ичига олиши мумкин. Озиқа муҳитларини ва ҳавони тайёрлаб олиш учун турли хил ускуналар ишлатилади: гидролизаппаратлар, нейтрализаторлар, аралаштиргичларга эга қурилмалар, стерилизаторлар, тиндиргичлар, фильтрлар, иссисқликалмаштиргичлар ва бошқалар. Гидролизаппаратлар ва инверторлар. Ем ачитқилари ва этил спиртини ишлаб чиқаришда углеводлар манбаи бўлиб ёғоч чиқиндилари, кунгабоқар пўстлоғи, ғўза пўсти, маккажўхори сўтаси, торф ва бошқалар ҳисобланади. Бошланғич хомашёда углеводлар ачитқиларнинг озиқланиши учун яроқсиз бўлган бирикмалар, яъни полисахаридлар кўринишда бўлади. Саноатда полисахаридларнинг моносахаридларгача гидролизи асосан суюлтирилган сульфат кислота билан 190 о С бўлган ҳароратда гидролизаппаратларда амалга оширилади. Гидролиз жараёнида моносахаридлар билан бир қаторда декстринлар- полисахаридларнинг қисман гидролиз маҳсулотлари ҳосил бўлади. Декстринларнинг мономоносахаридларгача гидролизи (инверсияси) инверторларда 140 о С ҳароратда амалга оширилади. Озиқа муҳитларида метионин, трионин ва бошқа айрим аминокислоталар бор бўлганида аукситотроф мутантлар томонидан лизин

аминокислотасининг биосинтези амалга оширилади. Ушбу аминокислоталарни олишнинг саноат усулларидан бири бўлиб ем ачитқилари ва бошқа оқсил концентратларининг кислотали ёки ферментатив гидролизи ҳисобланади. Кислотали гидролиз гидролизаппаратларда 120 о С гача бўлган ҳароратда сульфат ёки хлорид кислоталари каби катализаторлар иштирокида амалга оширилади. Оқсилларнинг ферментатив гидролизи 40 о С гача бўлган ҳароратда рН = 5 ÷ 7 да ўтади. Катализаторлар сифатида протеолитик ферментлар ишлатилади. Гидролизли ишлаб чиқаришда 18, 30, 37, 50 ва 80 м 3 сиғимга эга гидролизаппаратлар қўлланилади. Конструктив жиҳатдан гидролизаппаратлар қўлланилади. Конструктив жиҳатдан гидролизаппаратлар асосан геометрик ўлчами, кислотани гидролизга узатиш усуллари ҳамда гидролизатни танлаб олиш билан ўзаро фарқланади. 1- расмда 80 м 3 ҳажмли даврий равишда ишлайдиган гидролизаппаратнинг конструкцияси келтирилган. Аппарат бўйин қисмлари билан тугайдиган юқори ва пастки конуслари бўлган, бирикишли конструкцияга эга цилиндрсимон пўлат идишдан иборат. Коррозиянинг олдини олиш мақсадида аппаратнинг ички юзаси бетон қавати (70-90 мм) билан футерланади, кейин эса термокислотага чидамли материаллар – керамик, кўмир ёки графит плиткалар, ёнғинга бардошли шамот ғишт билан ишлов берилади. Пўлат корпуснинг юқориги ва пастки бўйин қисмлари коррозиядан бронза, юқори пўлат қопқоқ бронза, мис ёки латун вкладишлар билан ҳимоя қилинади. Аппаратнинг агрессив муҳит билан алоқада бўладиган барча штуцерлари бронзадан қуйилади ва футеровка ишларидан олдин ўрнатилади. Иссиқлик йўқолишини камайтириш мақсадида гидролизаппарат юзаси иссиқлик-изоляцияловчи материал билан қопланади. Аппаратнинг ўрта цилиндрик қисмига лапалар бириктирилган бўлиб, улардан бири датчикка

эга оғирлик ўлчагичга, бошқаси оғирлик ўлчагичнинг барқарор ишлашини таъминловчи шарнир асосларга суянади. 1-расм . Гидролизаппарат: 1-пўлат корпус; 2 – бетонли қават; 3 – футеровка; 4 – узайтирилган фильтровчи қувурлар; 5 – қисқа фильтровчи қувурлар; 6 – гидролизатни танлаб олиш ва буғни узатиш учун штуцер; 7-клапан; 8 – оғирлик ўлчагич; 9

– сувни узатиш учун штуцер; 10 – кислотани узатиш учун штуцер; 11 – қопқоқ; 12 – сдувка учун штуцер. Кислота, сувни узатиш ва гидролизатни танлаб олиш учун қувурларнинг гадролизаппарат ичидаги жойлашуви суюқлик оқимлари орқали белгиланади. Кислотани узатиш ва гидролизатни танлаб олиш учун қувурлар маълум тарзда жойлаштириб, горизонтал, вертикал ёки аралаш суюқлик оқимлари ҳосил қилинади. Шу тариқа, гидролизаппаратларнинг турли ҳажмларида гидролиз жараёни кечишининг энг яхши шароитларига эришилади. Гидролизаппаратнинг ишлаш принципи қуйидагидан иборат. Ўсимлик хомашёси транспортёр ёрдамида юқориги бўйин қисми орқали аппаратга узатилади. Хомашёни зачлаш ва намлаш учун бир вақтнинг ўзида сув ва кислота ҳам узатилади. Юклашдан кейин аппаратнинг юқориги қопқоғи 1пилади, ва пастки штуцер орқали ўткир буғ узатилади. Хомашёни иситиш ҳамда тахминан 140 о С ҳароратда қисқа вақт ушлаб туриш жараёнида осон гидролизланадиган полисахаридларнинг гидролизи амалга ошади. Бундан кейин аппаратга кислота узатилади ва бир вақтнинг ўзида таркибида эриган углеводородларни тутган гидролизат танлаб олинади. Жараён охирига келиб ҳарорат 190 о С гача кўтарилади. Гидролиз охирига етганида кислотанинг узатилиши тўхтатилади, гидролизатнинг қолдиғи сув билан чиқариб юборилади, суюқлик қолдиғи сиқиб ташланади ва аппаратдан лигнин юклаб олинади. Юклаб олишда пастки тез ишлайдиган клапан очилади ва 0,5 ÷ 0,7 МПа босим остида лигнин қувур бўйлаб бир неча секунд ичида аппаратдан циклонга тушади. Кўриб чиқилган ва шунга ўхшаш аппаратларда 30% гача ҳажмни футеровка эгаллаб, бу яққол камчилик бўлиб ҳисобланади. Футеровкасиз, титан қотишмаларидан ясалган аппаратлар бу борада мукаммалроқ

ҳисобланади. Бундан ташқари даврий равишда ишлайдиган гидролизаппаратлар қуйидаги камчиликка эга: гидролиз жараёнида хомашё тез зичлашади ва шу сабабли реакцион ҳажмнинг ярми ишлатилмай қолади. Узлуксиз ишлайдиган гидролизаппаратда сиғим максимал даражада ишлатилади. Бунинг ҳисобига, ҳамда юклатишга, хомашёни иситишга ва қолдиқни олиб ташлашга кетадиган вақтнинг тежалиши сабабли аппаратларнинг ишлаб чиқариш қуввати деярли икки баравар ошади. Жараённинг узлуксизлиги физик-кимёвий параметрларнинг доимийлигини, буғ, хомашё истеъмолининг бир меъёрда бўлишини, ёрдамчи ускуналарга тушадиган юкланишнинг бир текисда бўлишни ҳамда шакарлар чиқимининг ошишини таъминлайди. Инверторлар – бу асосий вазифаси гидролизатлар ёки сульфит щелокларда декстрнинг узлуксиз гидролизини таъминлашдан иборат бўлган қурилмалар. Инверсия жараёнида моносахаридларнинг миқдори 5-10% га ошади ва ачитқилар ривожланишини ингибирловчи бир қатор компонентларнинг концентрацияси камаяди. Атмосфера босимида ҳажми 500, 750 ва 1000 м 3 бўлган инверторлар ишлатилади. Инвертор конуссимон туб ива хизмат кўрсатиш майдонига эга қопқоғи бўлган вертикал цилиндрсимон резервуардан иборат (2-расм). Ичидан инвертор бетон ёки полиизобрутиленга кислотага чидамли плиткалар ёки ғишт билан футерланади. Ташқи томонидан у иссиқлик изоляция билан қопланади.

2-расм . 500 м 3 ҳажмли инвертор: 1 – темирбетонли поддон; 2 – тақсимлагич; 3 – монометрик термометр учун чўнтак; 4 – аралаштириш конденсатори; 5 – хизмат кўрсатиш майдони; 6 – футеровка; 7 – корпус; 8 – узукли коллектор; 9 – цилиндрсимон устун. Гидролизат аппаратнинг пастки цилиндрик қисмига учида тарқатувчи бўлган горизонтал қувур орқали узлуксиз равишда киритилади. Цилиндрик қисмнинг юқориги сатҳидан пастроқда жойлашган коллектор орқали гидролизатнинг саралаб олиниши амалга оширилади. Гидролизат инверторда 6-8 соат давомида туради. Кўриб чиқилган инверторларнинг ҳаддан ташқари катталиги, инверсиянинг давомийлиги ва конуссимон қисмда йиғилиб қоладиган чўкмани чиқариб ташлаш учун инверторни даврий равишда тўхтатиб туриш зарурияти уларнинг муҳим камчилиги бўлиб ҳисобланади.

Нейтрализаторлар Кислоталарни нейтраллаш, озиқа муҳити компонентларини эритиш ва аралаштириш учун механик ёки пневматик аралаштирувчи тузилмаларга эга вертикал аппаратлардан иборат нейтрализаторлардан фойдаланилади. Аппаратлар компонентларни юклаш ва тайёр муҳитни чиқариб олиш учун штуцерларга, кўздан кечириш, тозалаш ва ремонт учун люк-лазларга, назорат-ўлчов асбобларига ҳамда эффектив ва хавфсиз эксплуатация учун керакли бошқа тузилмаларга эга. Технология шароитларига қараб аппаратлар муҳитларни иситиш ёки совутиш учун мўлжалланган идиш ичида рубашкалар ёки иссиқликалмаштиргичларга эга бўлиши мумкин. Аппаратлар озиқа муҳитларининг компонентларига нисбатан коррозияга чидамли бўлиши керак. Аппаратларнинг узоқ вақт хизмат қилиши ва ишининг ишончлиги ушбу омилларга боғлиқдир. Нейтрализатор – ушлаб тургичлар, шунингдек, гипс кристалларини ўстириш учун мўлжалланган. Нейтралловчи агент ва гидролизатни узатиш билан бир вақтда нейтрализаторга азот, фосфор ва калий манбаларини уларни эритиш мақсадида киритиш мумкин. Микробиологик саноатнинг ачитқи ва ўсимлик хомашёсидан этил спиртини ишлаб чиқарувчи барча заводларида узлуксиз равишда ишлайдиган нейтрализаторлар қўлланилади (3-расм). Узлуксиз равишда ишлайдиган нейтрализатор конуссимон туби ҳамда кислотага чидамли пўлатдан ясалган ва ёғоч тўшагич билан қопланган ясси қопқоғи бўлган пўлатли вертикал корпусдан ташкил топган. Аппарат цилиндрик ва конуссимон қисмларининг ички юзаси коррозиядан бетонли остқават устидан кислотага чидамли плиткалар билан ҳимояланган.

3-расм. Муҳитни механик аралаштирувчи нейтрализатор – ушлаб тургич: 1 – тортувчи қувур; 2 – привод; 3 – аралаштиргич вали; 4 – корпус; 5 – футеровка; 6 – аралаштиргич лопастлари; 7 – лаз; 8 – асос узук; 9 – рамли аралаштиргич; 10 – скребок; 11 – отбойниклар; 12 – аппаратнинг кетма-кет уланишида нейтрализатнинг кириш штуцери.

Аппаратнинг ташқи қисми иссиқлик изоляцияси билан қопланиб, бу ички юза қисмида мумсимон моддаларнинг ўтириб қолишига тўсқинлик қилади. аппарат қопқоғида гидролизат билан аммиакнинг сувдаги эритмаси ёки кальций гидроксид суспензияси аралашиши учун мўлжалланган кислотага чидамли пўлатдан ясалган бурчакдаги смеситель, озиқа тузларини узатиш учун штуцер ҳамда аппаратдан газларни чиқариш учун штуцер ўрнатилади. Аппаратнинг пастки конуссимон қисмида нейтрализаторни чиқариш учун штуцер жойлашган. Ён томондаги нейтрализаторнинг кетма- кет бирикишида нейтрализатни киритиш учун хизмат қилади. Қопқоқ ва пастки цилиндрик қисмда ремонт, аппаратни тозалаш ва кўрикдан ўтказиш учун мўлжалланган люк-лазлар бўлади. Бу борада «Газлифт» типдаги аралаштирувчи тузилмага эга нейтрализаторлар мукаммалроқ ҳисобланади (4-расм). Қурилма кетма-кет уланган ҳар хил диаметрдаги тўртта диффузор, ҳамда сиқилган ҳавони келтириб берадиган қувурдан иборат. Бундай нейтрализаторнинг ишлаш принципи қуйидагича: ҳаво қувур орқали пастки диффузорга киради, ва нейтрализат билан аралашиб, зичлиги диффузорлар деворларидан ташқаридаги нейтрализат зичлигидан кичик бўлган газ- суюқлик аралашмасини ҳосил қилади. Зичликлар фарқи натижасида нейтрализаторда суюқликнинг интенсив циркуляцияси кечади. Аралаштиришга кетадиган ҳавонинг сарфи 1 м 3 нейтрализатга 1 м 3 /мин. ни ташкил қилади.

4-расм. «Газлифт» типдаги нейтрализатор – ушлаб тургич: 1 – кўпик билан ўчиришда сувни узатиш учун штуцер; 2 ва 3 – люклар; 4 – аппаратларнинг кетма-кет бирикишда нейтрализатнинг кириш штуцери; 5 – косинка; 6 – диффузорлар; 7 – люк-лаз; 8 – диффузор маҳкамланиши.

Озиқа муҳитлари, тузлар ва турли хил қўшимчалар (кўпикли ўчирувчилар, кислоталар) эритмаларини бевосита олиш учун 100 м 3 гача сиғимга эга аппарат-смесительлардан фойдаланилади. Уларнинг барчаси кислотага чидамли пўлат ёки коррозияга бардошли материаллар билан футерланган углеродли пўлатдан тайёрланади. Аппаратлар механик аралаштирувчи тузилмалар, сатҳ ўлчагичлар ва уларнинг эффектив эксплуатацияси учун керакли бошқа мосламалар билан таъминланган. Микробиологик саноат заводларида суспензиялар ҳосил бўлиши билан борадиган жараёнлар тарқалган. Дағал суспензиялар ўзида катталиги 100 мкм дан ошадиган, юпқалари 0,5 ÷ 100 мкм, лойқалар 0,1 ÷ 0,5 мкм, коллоидли эритмалар 0,1 мкм дан кичик қаттиқ заррачаларни тутади. Суспензиялар технологик жараённинг қуйидаги босқичларида ҳосил бўлади: озиқа муҳитлари ва тузларни тайёрлашда, ўсимлик хомашёси гидролизатларини нейтраллашда, микроорганизмларни культивирлаш ва микробли синтез маҳсулотларини ажратиб олишда, оқава сувларни ҳосил қилиш ва тозалашда. Суспензияларни ажратиш тиндиргичлар, гидроциклонлар ва фильтрлар ёрдамида амалга оширилади. Суспензияларнинг чўкмага тушириш орқали ажралиши қаттиқ заррачалар ва дисперсион муҳит зичликлари орасидаги фарқ туфайли кечади. Ушбу фарқнинг катталашуви билан ажралиш эффективлиги ҳам ошади. Чўкмага туширишдан фарқли равишда, суспензияларнинг фильтрлаш орқали ажралиши порали тўсиқнинг икки томонидаги босимлар фарқи туфайли содир бўлади. Бунда дисперсион муҳит тўсиқдан ўтади, қаттиқ фаза эса унинг сиртида ушланиб қолади. Тиндиргичлар – бу аппаратлар суспензияларни гравитацион майдонда тиндириш орқали ажратиш учун қўлланилади. Тиндиргичлар даврий, яримузлуксиз ва узлуксиз равишда ишлайдиган бўлади. Улар озиқа муҳитлари, тузлар эритмаларининг рангини очлаштириш, гидролизли ишлаб

чиқаришларда гипсни нейтрализатдан ажратиб олиш, оқава сувларни тозалаш ва бошқалар учун ишлатилади. 5-расм. Механик тиндиргич: 1- корпус; 2 - оқизма желоб; 3 – чиқариб олиш тузилмасининг приводи; 4 – кўтарувчи механизм; 5 – хизмат кўрсатиш учун майдонлар; 6 – иссиқлик изоляция; 7 – тиқин; 8 – шнекли юк туширгич; 9 – узукли тиргач; 10 – чиқариб олиш тузилмаси; 11 – юклаш барабани. Узлуксиз ишлайдиган механик тиндиргич (5-расм) конуссимон туби ва ясси қопқоғи бўлган вертикал цилиндрик резервуардан иборат. Тиндиргич чўкмани олиб ташлаш учун чиқариб олиш механизми билан таъминланган. Чиқариб олиш тузилмаси валининг пастки қисмида тароқлар билан лопастьлардан тузилган скребкалар маҳкамлаб қўйилган. Скребкали тузилма вал билан бирга тиндиргичнинг металл фермасида жойлашган приводли механизм орқали ҳаракатга келтирилади. Кўтарувчи механизм ёрдамида чиқариб олиш тузилмаси тиндиргич тубидан 200-300 мм баландликка кўтарилиши мумкин. Валнинг юқориги қисмида иккита панжарага эга ичи бўш цилиндрсимон шаклга эга юклаш барабани бириктирилган бўлиб, унга узлуксиз равишда суспензия узатилади. Катта тешиклари бўлган юқориги панжара тиндиргичга йирик қаттиқ бўлакларнинг тушишини олдини олади, кичик тешиклари бўлган пастки панжара эса

суспензиянинг тиндиргичга бир текисда тушишига ёрдам беради. Тиндиргичнинг юқориги ички қисмида оқизма желоб жойлашган бўлиб, унга узлуксиз равишда очлаштирилган муҳит оқизилади ва патрубок орқали чиқарилади. Шнекли юк туширгич шламни 60-70% намликкача сиқиб олиш ва уни тиндиргичдан узлуксиз тушириш учун хизмат қилади. тиндиргич лазлар, штуцерлар, хизмат кўрсатиш майдонлари ҳамда эффектив эксплуатация ва хавфсиз иш учун керак бўлган бошқа тузилмалар билан таъминланган. Озиқа тузлари ва муҳитлари, нейтрализатларнинг рангини очлаштиришда ҳамда оқава сувларни механик тозалашда юқоринапорли гидроциклонлар ҳам қўлланилади. Гидроциклонларни паст концентрацияли қаттиқ фазага эга суспензияни ажратувчи аппаратлар билан биргаликда қўллаш айниқса эффектив ҳисобланади. Гидроциклонлар содда тузилган, харакатланувчи қисмларга эга эмас, компакт, бир хил ишлаб чиқариш қувватида анча кичик майдонни эгаллайди, тиндиргичлар ва фильтрларга нисбатан арзон ва хизмат кўрсатишда қулайдир. Камчилиги бўлиб аппарат деворларининг тез ишдан чиқиши ва энергиянинг кўп сарфланиши ҳисобланади.

6-расмда корпуси конуссимон ап цилиндрик қисмлардан ташкил топган 6-расм . Напорли гидроциклон: 1- таш қи оқим; 2- чўкма; 3- ички оқим; 4- гидроциклоннинг конуссимон қисми. напорли гидроциклон тасирланган. Суспензия 0,2 МПа босим остида насос орқали, ундан кейин цилиндрик қисмга тангенциал уланган қувур бўйлаб узатилади. Суспензиянинг винтсимон тарзда ҳаракатланишида қаттиқ заррачалар марказдан югурувчи кучлар таъсири остида гидроциклон конуссимон қисмининг деворларига отилади, пастга тушади ва приемника боради. Очлаштирилган суюқ фазанинг ички оқими циклон ўқи ёнида ташқи оқимга қарши томонга спирал бўйича йўналган бўлади ва приемникка чиқарилади. Суспензияларнинг ажралиш эффектига пастки отвод патрубоки диаметрининг очлаштирилган суюқ фазани чиқарувчи қувур диаметрига

бўлган нисбати катта таъсир кўрсатади. Бу нисбат 0,35-0,44 га тенг деб олинади. Фильтрлаш усули билан бир жинсли бўлмаган системаларни ажратиш учун мўлжалланган аппаратлар фильтрлар деб аталади. Микробиологик ишлаб чиқаришлар учун фильтр-пресслар, барабанли ва лентали фильтрлар энг перспектив ҳисобланади. Фильтрни танлашда суспензияларнинг физик-кимёвий хоссаларини, фильтрат ва чўкмага бўлган талабларни, техник-иқтисодий кўрсаткичларни, фильтрларнинг ишлаб чиқариш қувватини ва бошқаларни инобатга олиш керак.

O'xshashlar

Ҳаво, сепилувчан ва суюқ озиқа муҳитларини стериллаш ҳамда тозалаш учун қурилмалар ва ускуналар

Хомашё тайёрлаш ҳамда турли хил муҳитларни транспортировка қилиш учун машина ва қурилмалар

Жараёнларнинг асосий турлари ва уларнинг қонуниятлари. Биотехнологиянинг ҳозирги даврдаги аҳамияти

Биотехнологик ишлаб чиқариш жараёнлари ва жихозлари

Ферментлар олиш технологияси