Хужайранинг қайта тикланиши - Biologiya - Referatlar

Хужайранинг қайта тикланиши

Yuklangan vaqt:

20.09.2019

Ko'chirishlar soni:

0

Hajmi:

98 KB

Ko'chirib olish

Хужайранинг қайта тикланиши ( булиниши ) Режа: 1.Хужайранинг ҳаёт цикли,диффенцировка. 2.Митоз. 3.Эндомитоз. 4.Амитоз 5.Мейоз .

Хужайранинг ҳаёт цикли, дифференцировка. Янги ҳосил булган ҳужайралар ҳаёт циклини утайди. Хаёт цикли ҳужайранинг янги ҳужайра ҳосил булишидан унинг кейинги булинишигача кадар ёки унинг улишигача булган даврни уз ичига олади. Хужайра уз ҳаёти даврида булиниши усиши, дифференцировкага учраши кузатилади. Шунинг учун ҳужайранинг ҳаёт цикли жараёнлари икки гуруҳга булиш мумкин. Биринчи гуруҳга ҳужайранинг булиниши билан боглик жараёнлар кириб,уни автосинтетик интерфаза дейилади. Иккинчи гуруҳга эса, ҳужайранинг усиши, дифференцировкаси маълум вазифасини бажаришга ихтисосланиши мансубдир (гетеросинтетик интерфаза). Дифференцировкага учраган ҳужайра ихтисосланган ҳужайра булиб, у маълум вазифани бажаришга мослашлган. Улар купинча булиниш кобилиятини йукотади. Масалан, дифференциалланган кон ҳужйралари-эритроцитлар, нерв ҳужайралари ва ҳакозо. Баъзи ҳужайралар дифференцировка ҳолатида булиниш кобилиятига эга булади (жигар ҳужайралари). (15-расм). Эмбрионал такомиллашиш даврида эпителий, бириктирувчи тукима, мушак ва нерв ҳужайралари эмбрионал варакалардан ривожланса, етилган даврда дифференцировкага, аъзоларининг турли кисмларида жойлашган камбиал ҳужайралар учрайди. Қон ишлаб чикарувчи органлардаги камбиал ҳужайралар “узак ҳужайралар” деб юритилади. Хамма ҳужайралар маълум муддатда яшайди. Масалан, эритроцитлар 120 кунгача, эпидермис ҳужайралари 4-10 кун ва ҳакозо. Нерв ва мушак тукимаси ҳужайралари организмнинг бутун ҳаёти давомида янгиланмайди, деган фикрлар ҳам бор. Хужайра улиш вактида ҳужайра ядроси пикнозга (ядро зичлашиши ва донадорликни йукотиб кичрайиши),кариорексисга (ядронинг майда доначаларга булиниб кетиши), кариолизисга (ядроиннг эриб кетиши) учраши мумкин. Ядродаги узгаришлар окибатида (бирга) цитоплазмада ҳам кайтариб булмас узгаришлар юз бериб, бунинг натижасида ҳужайра ҳалок булади.

Хужайра репродукциясининг бир неча турлари бор: митоз (нотугри булиниш), мейоз, эндомитоз ва амитоз (тугри булиниши). Митоз. Митотик булиниш утган асрнинг охирларида ҳайвон ҳужайраларида Флемминг (1882), усимлик ҳужайраларида Страсбургер (1882) томонидан таърифланган. Митоз (юнонча mitos - ип) булиниш конуниятлари барча ҳужайралар учун умумийдир. 25-расм. Хужайранинг ҳаёт шаклидаги гетеросинтетик ва автосинтетик интерфазаларнинг узаро муносабати. Хужайра булинишдаги жараёнлар маълум конуният асосида бориб, уларни кетма-кет келадиган интерфаза ва митозга булиш мумкин. Баъзи бир ҳужайралар популяцияси доимо булинишда булади (камбиал зона ҳужайралари). Булинишга тайёргарлик вактини (интерфаза) ва митоз булиниши кушилиб митотик цикл дейилади (26-расм). 26-расм. Митотик цикл (схема). G1 - присинтетик (постмитотик)давр; S-синтетик давр; G2 - постсинтетик (перемитотик давр). Интерфаза даврида ҳужайра ичидаги структураларнинг кескин усиши ва шаклланиши бошланади. Бу даврга G1 -синтез олди даври деб аталади. Биокимёвий томонидан бу давр оксил ва РНК интенсив синтезибилан ифодаланади, бу булинувчи ҳужайралар генерация вактининг 30-40 % ини ташкил этади. S даврида узун ва узаро чигал ҳосил килган ядро хроматини буёкларни ёмон кабул килади (гетерохроматин булимларидан ташкари). Сунгра ДНК синтези даврига утади. Бу синтетик давр, бу давр давомида ядрода ДНК синтези кузитилади. Генерация вактининг 30-50% ини ташкил килувчи бу даврда ДНК нинг специфик азот асоси тимидин ядро хроматини таркибига киради. Синтетик давр натижасида хромасомалар, яъни ҳужайранинг насл материали икки марта купаяди. S даврдан сунг G2 -митоз олди даври келиб, у ҳужайранинг булинишига таёргарлиги билан ифодаланади. Бу давр генерация вактининг 10-20% ини ташкил этади.

G2 -давридан сунг, генерация вактининг 5-10% ини ташкил килувчи М- митоз даври бошланади. Митоз жараёнининг узида 4 фаза фарк килинади (27-расм). Прфазада хромосомаларнинг конденсация булиши ва митотик аппаратнинг шаклланиши кузатилади. Хромасомалар катталашади ва йугонлашади. Бу ҳодиса профаза даврида ҳосил булган хромотодларнинг бири иккинчиси атрофида айланмай, балки ҳар бири узича спиралҳосил килади. Шунинг учун улар митознинг кейинги фазаларида енгил ажралади. Профазанинг охирида хромасомалар жуфт хромотидлардан ташкил топади. Хромасомаларнинг катталашиши ва йугонлашиши билан бирга хроматидлар центромералар деб аталувчи маълум булимлари билан бирлашади. Профаза охирида хромосомалар булинаётган ядронинг экваториал юзасида жойлашиб, булиниш дукчасини ҳосил кила бошлайди (27-расм). Дук икки типдаги ипчалардан-кутбларни бирлаштириб турувчи марказий ва кутбларни хромасома центромерлари билан бирлаштириб турувчи хромосом ипчаларидан ташкил топган. Электрон микроскопия митотик аппарат ипчалари зич деворли найчалардан ташкил топганлигини курсатади. Уларнинг диаметри 20 нм, девор калинлиги 4-5 нм. Хайвонларда ценриолалар орасидаги дукча центриолалар ядронинг карама-карши кутбларига караб силжийди. Бу вактда дукча катталашиб, ядро кобигининг эриши характерлидир. Электрон микроскопик кузатишлар митоз даврида ядро кобигининг булакчалари йуколмай, балки цитоплазматик тур мембраналарга айланишини курсатди. Митоз охирида ядро кобиги донадор эндоплазматик тур мембраналаридан кайта ҳосил булади. Метафазада бутунлай шаклланган хромосомалар экваториал юзада жойлашган булади. Хромосомаларнинг дукка караб ҳаракат килиши хромосома ценромерларининг митотик аппаратининг хромосома ипларга бирлашиши билан тугайди (экваториал пластинка ёки оналик юлдузи). Митакинез (хромосомаларнинг дукка харакати) натижасида хромосомалар дук ипчаларига нисбатан перпендикуляр ётади, хромосомаларнинг бундай

жойлашиши уларнинг сонини, шаклини ва катталигини аниклашга ёрдам беради. Хар бир тур мавжудотда маълум сондаги хромосомалар бор. Худди шу фазада ҳар бир хромосома бир хил икки нусхадан-хроматидадан тащкил топганлиги курилади. Анафаза-хромосомалар хроматидаларнинг бир-биридан ажралишидан бошланади. Бу вактда ҳар бир хромосома ҳосил килган киз хромосомалар (хроматидалар) карама-карши кутбга караб ҳаракат килади. Бу тарзда “киз юлдузи” шаклланади. Хромосомаларнинг ҳаракати бир хилда синхрон кечади. Бу ҳаракат механизми ҳали ноъмалум. Телофаза-митознинг оҳирги даври. Унинг бошланиши, хромосомаларини дукнинг /ҳужайранинг/ карама-карши кутбларига етишига тугри келади. Телофаза гуё профазанинг тескариси булиб, ҳамма жараёнлар тескари тартибда кетади. Дук йуколади, буралган хромосомалар ёйилиб, узунлашади. Қиз ядролар кайтадан тикланади, ядроча ва ядро кобиги ҳосил булади. Митотик аппарат парчаланади ва ҳужайра танасининг булиниши руй беради / цитотомия ёки цитокинез/. Қиз ҳужайралари ядроси интерфазадаги ҳужайраларга хос тузилишга эга булади. Цитотомия механизми ҳали етарли урганилмаган. Эндомитоз. Митоз ва мейоздан фаркли равишда эндомитозда янги ядро ҳосил булмайди ва ҳужайра булинмайди. Эндомитозда хромосомаларнинг узгариши ядро кобиги бузилмай давом этиб, хромосоманинг спиралланишидан бошланади. Бу даврда хромосомалар яхши куринади-эндопрофаза. Эндоанафазада хромосомалар хроматидларга ажралади. Эндотелафазада ажралган хромосомалар деспирализацияга учрайди. Эндомитоз натижасида ядродаги хромосомалар сони 2 марта купаяди ва ядро полиплоид булиб колади. Полиплоидияда хромосомалар сони уч,турт,беш марта ҳам олиши мумкин. Полиплоидия усма ҳужайраларида патологик ҳолатларда ёки гибридизация натижасида ҳосил булади. Шундай килиб, эндомитозда бутун

узгаришлар митотик аппарат ҳосил булмай, ядро кобигининг сакланиши билан кечади. Амитоз. Амитоз булиниш ёки ҳужайранинг тугри булиниши хромосомаларнинг спирализацияланишисиз ва митотик аппаратнинг ҳосил булишисиз кечади. Амитоз булиниш 1841 йилда Ремак томонидан ёритилган булиб, “амитоз” термини эса Флемминг-томонидан 1882 йилда киритилган. Амитоз булинишда ядроча узунлашади ва сунгра иккига булинади. Ядроча булингандан сунг ядро ҳам иккига булинади. Ядро булиниши цитоплазма булиниши билан ҳам тугалланса, бу ҳолатда икки янги ҳужайра ҳосил булади. Баъзи ҳолатларда ядро уртасида тусикча /“ядро пластинкаси”/ ҳосил булиб, ядро иккига булиниши мумкин. Ядро булиниши жараёни цитоплазма булинишисиз кечса икки ядроли ҳужайра ҳосил булади. Амитоз булинишда ядро интерфаза ҳолатида булиб, ҳужайра уз функциясини бажараверади. Амитотик булиниш купчилик органларда топилган ва бу булиниш ҳужайраларнинг яшаш муҳитига боглик булса керак. Кундаланг-таргил мушак тукимасининг денервациясида, механик жароҳатлаганда ёки баъзи бир бошка таъсирларда мушак тукимасида амитотик булинишни кузатиш мумкин. Амитотик булиниш кундаланг-таргил мушакнинг тараккиёти даврида ёки жигар ҳужайраларида ҳам кузатилади. Баъзи ҳолларда митотик булиниш амитотик булиниш билан алмашиниши мумкин. Митотик булинишдан фаркли равишда ДНК нинг янги ҳосил булган ядроларда тенг таксимланиши амитоз булинишда баъзи ҳолатларда булади холос. Амитоз булиниш натижасида ҳосил буладиган 2 ядроли ҳужайралар нормал диплоид ядроли ҳужайраларга нисбатан купрок ДНК саклайди. Баъзи муаллифларнинг фикрича амитоз булиниш полиплоид ҳужайралар ҳосил булишининг бир усулидир. Амитоз булиниш юкори ихтисослашган митотик булиниш ҳолатини йукотган ҳужайранинг функционал активлигини ошириш усули булса керак, чунки бу булинишда ядро сатҳи ошиши натижасида ҳужайранинг ишлаши учун шароит яратилади.

Мейоз. Организмлар онтогенезининг кайси боскичида боришига караб мейоз уч типга булинади: зиготали мейоз, гаметали мейоз ва спорали мейоз. Зиготали мейоз тубан усимликларда учрайди. Масалан, спирогира усимлигининг таллом ҳужайралари гаплоид хромосома сонига (n) эга.Шунинг учун талломдаги ҳоҳлаган ҳужайра жинсий жараёнга бевосита киришиб,бир-бири билан ёки бошка таллом ҳужайралари билан конъюгация килиб кушилиши ва (2n) хромосомага эга булган зигота бериши мумкин. Қулай шароитда зигота ҳужайраси мейоз булиниб,4 дона гаплоид (п) хромосома сонига эга булган спирогира беради. Гаметали мейозда ҳайвон ва одамда сперма ҳосил килувчи ҳужайралари мейоз булиниб гамета ҳосил килади. Спорали мейоз юкорида айтилгандек, гулли ва бошка спорали усимликларда гамета ҳосил булмай туриб спорофит организмда микро ва мегоспоралар ҳосил киладиган ҳужайралар мейоз булинади. Натижада жинссиз купайиш споралари-микро ва мегоспоралар ҳосил булади. Зиготали мейоз энг кадимги булиниш типидир. Айникса, бир талломдаги ҳужайраларнинг узаро конъюгация килиши зигота ҳужайраларининг генотипини бойитмайди. Хар хил талломли ҳужайраларнинг узаро конъюгация килиши эволюция жиҳатидан бир кадам олга силжишдан иборат. Чунки зиготада икки ҳужайранинг генетик ҳусумиятлари узида мужасамланган булади. Эволюцион ривожлантириш жараёнида зиготали мейоздан гаметали ва спорали мейоз келиб чикади. Митоз булинишдан мейоз булиниш катор ҳусусиятлари билан фаркланади. Митоз булинишда булинишдан олдин хромосомалар сони икки баробар ортади. Митоз вактида эса бу хромосомалар булинишидан ҳосил буладиган ҳужайралараро шундай тугри таксим этиладики, бу хужайралар митоз булинган она ҳужайра сингари диплоид хромосома сонига энга булади. Мейознинг бир ҳусусияти шундаки, ДНКнинг 99,7%и мейоз бошланмай туриб, синтез булса,унинг колган кисми мейоз профазасида синтез булади.

Мейоз циклида гистон оксилларининг синтезланиш даври ДНК синтезланиш даврига тугри келмайди. Бу жараёнлар синхрон бормайди. Усимликларда ДНК синтези мейоз профазасининг бошлангич даврида тугайди (зигогема- пахинема даврида). Гистонлар синтези эса, баъзи олимлар фикрича, профаза 1 нинг охирида (диакинезда), хромосомаларнинг максимал спираллашган даврида тугайди. Спора она ҳужайраларининг мейоз циклига утиш сабабларидан бири, тапетумдан ферментларнинг чанг уяларига утишидир. Майоз жараёнида ҳужайра икки марта булинади (1 ва 11). Биринчи булинишга гетеротипик ва иккинчи булинишга гомотипик булиниш деб аталади. Булар бир хил фазалардан (профаза,метафаза,анафаза ва телофазадан) иборат булади,лекин улар тенг кимматли эмасдир. Бу иккала булиниши давомида бир ҳужайрадан туртта гаплоид ҳужайралар ҳосил булади,хромосомалар факат бир марта, биринчи булинишдагина икки марта купаяди. Натижада ҳар бир хромосома дихроматидли булиб колади. Мейознинг биринчи булинишидаёк гомологик хромосомалар конъюгация килиб хромосом жуфтларини ҳосил килади. Бу ерда диплоид сондаги хромосомалар маълум сондаги бивалентларга булиниб кетади. Кейинрок ҳар бир жуфт хромосома аъзолари (гомологлари) ҳужайра кутбларига тортилади. Хар бир кутбда хромосома жуфтларидан биттадан хромосома тортилиши натижасида,ҳужайранинг ҳар бир кутбида гаплоид сондаги хромосомалар туплади... Шундай килиб,мейознинг биринчи булинишида хромосомалар икки баробар ортади (ҳар бир хромосома дихроматидли булиб колади). Жуфт хромосомаларнинг кутбларга тортилиши бошка жуфтларга богланмаган ҳолда боради. Ота ва она хромосомалари иккала кутбга тенг микдорда тортилмайди, бир кутбга ота хромосомалари купрок тортилиши ёки аксинча булиши мумкин. Лекин ҳар кутбда хромосома гаплоид сонда булади. Демак, биринчи булинишда ҳосил булган гаплоид ҳужайралардаги хромосомалар таркиби бир хил булмаслиги: уларда организм ота ва оналарининг хромосомалари сони турлича булиши мумкин. Шундай килиб, бир органзм

бир хил сондаги (гаплоид сондаги), лекин турли таркибдаги хромосомаларга эга булган гаметалар ҳосил кила олади. Бу ҳол ирсий хусусиятларнинг наслдан-наслга утишида акс этади: зиготада ота хромосом таркибида ота хромосомалари купрок булса, у организм отасига тортади, аксинча она хромосомалари ортик булса онасига тортади. Гомологик хромосомаларнинг мейоздаги конъюгацияси биологик жиҳатдан катта аҳамиятга эга. Мейознинг биринчи булиниш профазасида конъюгация ва синапсис (туташиш, бирлашиш,кушилиш)лардан ташкари, яна жуда муҳим жараён-кроссинговер (хромосомаларнинг узаро бир-бири билан чирмашиши) жараёни содир булиб, гомологик хромосомалар хроматидлари орасида генлар алмашинади. Кроссинговер жараёни эндонуклеаза ва лигаза типидаги ферметлар иштирокида боради. Кроссинговерда хромосомала бир-бирлари билан чирмашишади ва 4 та хроматидлардан тузилган бивалентлар ичида хроматидлар узилиб, 4 та хроматидлар орасида гомологик участкалар алмашинади. Қайси хроматид генларининг узаро алмашиниш эҳтимоли баробар булади: она хромосома хроматидлари узаро ген алмашиниши мумкин. Бу иккала ҳолда хромосомаларда генлар туплами узгармайди. Ота ва она хроматидлардаги генлар туплами уз ҳолича колади. Ота хромосомалари билан она хромосомалари хроматидлараро генлар алмашиниши мумкин. Бунда хромосомалар комбинацияланиб колади. Чунки уларнинг бир кисм генлари ота хроматидларидан, иккинчи кисми она хроматидларидан иборат булиб колади. Бундай ҳолларда ирсий узгаришлар пайдо булиб, улар зурриётларда акс этиши мумкин. Шундай килиб мейоз булиниши натижасида ҳужайра диплоид ҳолатдан гаплоид ҳолатга утади. Бундай механизм табиатда ҳар бир турнинг узига хос хромосом сонини бугиндан-бугинга сакланиб боришини таъминлайди. Бундан ташкари мейозда хромосомаларнинг янги бирикишлари генлар рекомбинациялари келиб чикиб, келажак зуррийтларда ирсий узгаришлар пайдо булишига, улардаги ҳилма-хилликларга сабабчи булади.

Мейоз фазалари. Мейознинг биринчи булиниши уз ичига 4 фазани олади: профаза 1, метафаза 1, анафаза 1 ва телофаза 1. Профаза 1 ядро структура элементларида чукур ва мураккаб узгаришлар борадиган ва жуда узок давом этадиган (бир неча соатдан бир неча суткагача ) фаза булиб, уз навбатида бешта боскични утайди: 1. Лептонема- ингичка ип боскичи: 2. Зигонема - жуфтлашиш боскичи: 3. Пахинема - конъюгация ва зичлашув боскичи: 4. Диплонема- буралган ип боскичи: 5. Диакинез - харакат боскичи. Липтонема боскичи хромосома спираллари максимал ёзилиб кетади. Улар ингичка иплар холида яхши куринмайди. Бу ипларнинг давомида шарсимон йугонлашган жойлари-хромосомалари куринади. Айрим иплар-х хромосомалар моновалентлар деб аталади. Буларнинг умумий сони турнинг диплоид хромосома сонига тенг булади (28-расм). Зигонема боскичида конъюгация ҳосил булади. Гомологик хромосомалар (ота ва она хромосомалари) жуфт-жуфт булиб, бир-бирлари билан параллел жойлашади. Сунгра улар бир-бирларига зичрок ёпишиб келади ва бир хил участкалари билан туташади (тегишли хромомерлари билан). Гомологик хромосомаларнинг бивалентлари шу тартибда ҳосил булади (28-расм). Пахинема боскичида хромосомалар конъюгацияси тугайди. Хромосома жуфтлари (бивалентлар) яхши куринади. Уларнинг туртта хроматидлардан тузилганлиги куриниб, ҳар бир хромосома икки баробар ортгани кузатилади. Туртта хроматиднинг параллел жойлашган жуфтлари бири иккинчиси атрофида чирмаша бошлайди. Дания олими Янсенсс айтишича, хроматидлар бир-бири атрофида чирмашаётганда узилиб кетиши мумкин. Хроматиднинг узилган жойлари бошка хроматиднинг учига уланиб колиб комбинациялашган хроматидлар ҳосил булиши мумкин. Бир-бирига чирмашган хромосомаларнинг ёпишган жойларига хиазма дейилади.

Диплонема боскичида конъюгацияда турган бивалент хромосомалар бир- бирларидан ажралиб кета бошлайди. Хромосомаларнинг бир-биридан ажралиши центромердан бошланади. Лекин ажралиш охирига етмайди, чунки хроматидлар бир хромосомадан иккинчи хромосомага утиши натижасида бир-бирига чирмашган булади. Хромосомалар хиазмалик бог (тугун) ҳосил килади (28-расм). Диакинез боскичида бивалентлардаги хромосомалар кучли кискаради. Хиазмалар хроматидларнинг охиригача сирганиб боради (терминализация жараёни). Кроссинговер характерига караб бивалентлар уз формаларини узгартиради. Агар бивалент хромосома центромери унинг учига жойлашган булса, бир жойда кроссинговер булади ва хиазмани хромосомалар дистал учларига караб сирганиши оркасида улар таёкчасимон шаклга киради (28- расм). Натижада улар карама - карши учларда колади, дистал учлари эса бивалентларнинг марказида бир-бирига зич ёпишиб колади. Бундай хромосомаларга телоцентрик хромосомалар деб аталади. Бивалентлардаги хромосомалар центромералари уларнинг уртасида жойлашган булса, кроссинговер икки жойда содир булиб, хиазмаларнинг сурилиб кетиши натижасида бивалент иккала хромосоманинг дистал учлари бир-бирига ёпишиб ҳалка шаклига киради. Халкда центромералар бир-бирига карама- карши жойлашади. Бундай хромасомаларга матацентрик хромасома деб аталади. Булардан ташкари бивалентлар 8 шаклида ҳам булиши мумкин. Гетеротипик булинишнинг профазаси шу билан тугайди. Шундан кейин ядро пусти куринмай колади (булиниб кетади), ядроча ҳам куринмай колади. Бивалентлар ҳужайра экваториал текислигига тизила бошлайди. Метафаза 1 да дук пайдо булади (28-29 расм) ва ҳар бир бивалент ҳужайранинг экватор зонасида жойлашади. Бивалентларда иккитадан центромера булгани учун уларнинг йуналиши митоз метафазасидан фарк килади. Иккала центромера экваториал текислик ва ҳужайра кутбларига нисбатан симметрик жойлашади. Хромосома центромерлари дук ипларига богланади.

Анафаза 1 да гомологик хромосомалар ҳужайра кутбларига тортилиб кетади (28-29 расм). Дихроматидлик хромосомаларнинг спираллари кайтадан ёзилмайди. Бунда 2 та хужайра ҳосил булиб, ҳар бирида она ҳужайраникидан 2 марта кам хромосома колади. Шундан кейин иккала ҳужайра киска вакт келгуси булинишга тайёргарлик кургандан кейин (интеркинез) иккинчи гомотипик булинишга киришади. Бу булиниш узининг механизмига кура митоздан кам фарк килади, лекин баъзи узига хос ҳусусиятларга эга булади. Профаза II жуда киска булади ёки бутунлай булмаслиги мумкин. Метафаза II да 2 каватланган хромосомалар дукнинг экваториал текислигига тизилади (28-29 расм). Центросомерлар булинади. Анафаза II да хроматидлар ҳужайра кутбларига тортилади. Улар митозадаги сингари бир хил эмас, чунки улар кроссинговерларда иштирок этган булади. Шундай килиб мейознинг биринчи булинишда кузатилгн хроматидлар факат иккинчи булинишда бир-бирларидан ажраб кутбларга тортилади. Хужайранинг ҳар бир кутбида гаплоид сондаги хромасомалар колади (28-29 расм). Телофаза II да ядро ва ядрочалар шаклланади. Цитокинез содир булади. Икки марта булинишдан сунг диплоид сондаги хромосомага эга булган она ҳужайралардан 4 та гаплоид сондаги хромосомага эга булган ҳужайра ҳосил булади. Гулли усимликларда бу жараён чанг уяларида ва уруг курткаларида булади (микро ва мегоспорагенез жараёнида). Натижада микро ва мегоспоралар ҳосил булади (28-29 расм). Одам ва ҳайвонларда мейоз булиниш натижасида етилган жинсий ҳужайралар (гаметалар)-сперматозоид ва тухум ҳужайралар ҳосил булади.

Фойдаланилган адабиётлар : 1. Трошин А . С ., Браун А . Д ., Вахтин Ю . Б ., Жинкин Л . Н ., Суханова К . Цитология . Москва, “Просвещение”, 1970. 2. Ченцов Ю.С. Общая цитология. МГУ, 1977. 3. Зуфаров К.А. Гистология. Тошкент, “Медицина”, 1982., 4. Альбертс Б., Брей Д., Льюис Ж., Рэфф М., Робертс К., Уотсон Ж. Молекулярная биология клетки. Москва, “Мир”, 1986 5. Рейвн П., Эверт Р., Айкхорн С. Современная ботаника.I том. Москва, “Мир”, 1990. 6. Соттибоев И., Қучкоров К. Усимлик ҳужайраси. Тошкент, “Укитувчи”, 1991. 7. Туракулов Ё. Х. Молекуляр биология. Тошкент, “Укитувчи”, 1993. 8.Қодиров Э. Гистология. Тошкент «Укитувчи», 1994 9. Туракулов Ё. Х. Биохимия. Тошкент, “Узбекистон”, 1996. 10. Холиков П. Х., Шарафиддинхужаев Н. Ш., Олимхужаева П. Р., Рахимов Ж. Р., Тошхужаев П. И Биология. Тошкент, “Ибн Сино”, 1996. 11. Абдуллаев Н. Х., Каримов Х. Ў. Патофизиология. Тошкент « Ибн Сино », 12. Raven Р . Н ., Johnson G.B. Biology updated version, 1995. 13. www.ziyonet.uz

O'xshashlar

Хужайранинг мембрана тузилмалари.

Хужайранинг тузилиши ва таркиби

Хужайра физиологияси ва

Ирсият ва ўзгарувчанлик, хужайра назарияси

Биосфера