Астрофизик инструментлар - Astronomiya - Referatlar

Астрофизик инструментлар

Yuklangan vaqt:

12.09.2022

Ko'chirishlar soni:

0

Hajmi:

206 KB

Ko'chirib olish

Астрофизик инструментлар Режа: 1.Телескоплар ва уларнинг вазифалари 2. Рефлекторнинг асосий турлари 3. Кўзгули-линзали телескоплар 4. Телескопларнинг асосий характеристикалари 5. Радиотелескоплар 6. Телескопларнинг ўрнатилиши (монтировкаси) 7. Астрофотография 8. Спектрал аппаратлар

Телескоплар-астрофизик тадқиқотлар қилишда астрономларнинг асосий қуроли бўлиб хизмат қилади. Биринчи телескоп 1609 йили италян олими Галилей томонидан ишга туширилиб, олим ўз инструменти ёрдамида бирданига бир нечта кашфиёт қилди. Хусусан у Ойнинг рельефи Ерникига ўхшашлигини, Юпитер атрофидаги 4 йўлдошини, Қуёшнинг доғини ва Сомон йўлини юлдузлар ташкил қилганлигини аниқлади. Бу кашфиётлар, телескопнинг осмон жисмларининг табиатини ўрганишда, жуда катта имкониятлар яратиши мумкинлигини маълум қилиб, астрономияда янги эранинг очилишидан дарак берди. Телескопнинг иxтиро қилиниши, астрофизикада муҳим воқеа бўлиб, у Олам тузилиши ҳақида илмий дунёқарашнинг шаклланишида катта роль ўйнади. Телескопларнинг асосий вазифаларини қуйидагича белгилаш мумкин: 1) Ёритгичдан келаётган нурланишни қайд қилиш (кўз, фотографик пластинка, фотоэлектрик қайд қилгич, спектрограф ва ҳоказолар ёрдамида); 2) объектиивнинг фокал текислигида, кузатилаётган ёритгичнинг ёки осмон қисмининг тасвирини ясаш; 3) қуролланмаган кўз билан қаралганда ажратиб кўриб бўлмайдиган, ўзаро жуда кичик ёй масофада жойлашган объектларни ажратиб кўрсатиш. Телескопнинг асосий қисми объектив-қавариқ линзадан ёки ботиқ сферик кўзгудан ясалган бўлиб, у ўз текислигига ёритгичдан тик йўналишда келаётган нурларни йиғиб, фокал текислигида, унинг тасвирини ясайди. Агар нурни қайд қилиш кўз ёрдамида бажариладиган бўлса, у ҳолда объектив томонидан ясалган тасвирга қараш учун окуляр зарур бўлади. Телескоплар, объективининг турига кўра, иккига  рефрактор ва рефлектор га бўлинади. Рефракторда объектив сифатида қабариқ линза, рефлекторда эса ботиқ сферик кўзгу ишлатилади. Оддий рефракторда нурнинг йўли тасвирланган. Бунда телескоп объективи, ёритгичдан келаётган нурни унинг фокуси F да йиғади ва шу нуқтадан бош оптик ўққа тик ўтувчи текисликда (фокал текислигида) ёритгичнинг тасвирини ясайди. Ясалган тасвирга катталаштирувчи линза (окуляр) ёрдамида қараб, қузатилаётган осмон жисмининг (планета, Ой ёки Қуёш) бурчак ўлчамининг катталашганини кўрамиз. Бинобарин телескоп бизга, қаралаётган осмон жисмини ҳам равшанлаштириб, ҳам катталаштириб бераётганига гувоҳ бўламиз. Ясалган тасвирнинг равшанлашиши, телескоп объективининг диаметрига ва фокус масофасига     F D боғлиқ бўлгани ҳолда, унинг катталаштириши объектив ва окулярнинг фокус масофаларига боғлиқ бўлади. Тасвир фотопластинкада ёҳуд фотоэлектрик йўл билан қайд қилинадиган бўлса, окуляр керак бўлмай, фотопластинка ёки электрофотометрнинг киритиш диафрагмаси бевосита телескопнинг фокал текислигида жойлашади. Биринчи рефрактор русумли телескоп италиялик машҳур олим Г.Галилей томонидан 1610 йилда ишга туширилди.

Рефракторнинг объективидан нур синиб ўтганлиги туфайли, унинг фокал текислигида нуқтали объектнинг тасвири нуқта ўрнига, рангли концентрик ҳалқалар кўринишида бўлади. Бу ҳодиса хроматик аберрация дейилиб, турли тўлқин узунликдаги нурлар учун, линза, турлича нур синдириш коэффициентига эга эканлигидан содир бўлади. Бундай телескопларда хроматик аберрация, турли нур синдириш кўрсатгичига эга бўлган икки хил шишадан тайёрланган линза-объектив (ахромат) ёрдамида маълум даражада камайтирилади. Маълум нурнинг қайтиш қонунлари унинг тўлқин узунлигига боғлиқ бўлмайди. Шунинг учун ҳам хроматик аберрацияни камайтириш мақсадида линзали объектив қайтарувчи сферик кўзгу билан алмаштирилди. Сферик кўзгули биринчи телескоп  рефлектор таниқли инглиз физиги И.Ньютон томонидан ишга туширилди. Бу ҳолдаги телескопларнинг ҳам ўзига яраша камчилиги бўлиб, ёритгичдан сферик кўзгуга параллел тушаётган нурлар, одатда бир нуқтада (объектив фокусида) йиғилмай, чапланган доғча шаклидаги тасвирни ҳосил қилади (  расм). Сферик кўзгудан қайтаётган нурнинг нуқтавий тасвир ҳосил қилмай бундай бузилиши, сферик аберрация деб юритилади. Агар кўзгуга айланма параболоид сирт берилса эди, у ҳолда сферик аберрация йўқолиб, тасвир нуқтавий кўриниш олар эди. Шунинг учун айни замоннинг телескопларининг объективлари параболоидал формада ясалади. 2. Рефлекторнинг асосий турлари Рефлекторлар, кузатиш мақсадларига кўра, бир неча турдаги системаларда ишлатилиши мумкин. Беделчита объективининг фокусида кузатиш мўлжалланган телескоп  тўғри фокусли рефлектор дейилади. Объективининг фокусидан олдин бош оптик ўққа бурчак остида қўйилган ясси кўзгу ёрдамида фокусни трубадан ён томонга, чиқарилган телескоп Ньютон фокусли ёки системали рефлектор деб, б), фокусидан кейин ўрнатилган ботиқ сферик кўзгу ёрдамида телескоп бош кўзгусининг (объективининг) марказий тешиги орқали фокуси ташқарига чиқарилган система-Грегори системали рефлектор деб ва, ниҳоят, бош кўзгу фокусидан олдин ўрнатилган қавариқ кўзгу ёрдамида фокуси объектив марказидаги тешигидан ташқарига чиқарилган система  Коссегрен системали рефлектор дейилади. Гарчи бундай системаларда нурнинг қўшимча кўзгулардан қайтиши ҳисобига анчайин нур йўқолсада, телескопнинг баъзи предметларини (катталаштириш, ажрата олиш кучи) мақсадга мослаб ўзгартирилиши ва қўшимча қайд қилгич асбобларни бириктирилишини қулайлаштириши билан катта аҳамият касб этади. Астрофизик тадқиқотларда ёритгичдан келаётган нурдан максимал фойдаланиш жуда муҳим. Бироқ рефракторлар линзасининг шиша материали, нурни кучли ютиб, (айниқса ультрабинафша соҳасида) кўзгуга, фотографик эмульсияга ёҳуд фотоэлектрик қайд қилгичга тушаётган нурни кескин чегаралайди. Шунингдек, фотоматериалларнинг ва фотоэлектрик қайд қилгич асбобларнинг сезгирлик чегараси, кўзникига нисбатан кенг

бўлганидан уларда хроматик аберрациянинг таъсири ҳам катта бўлади. Шунинг учун ҳам астрофизик мақсаддаги кузатишларда рефракторлар ўрнига рефлектор кенг қўлланади. Астрометрияда ҳозирга қадар ҳам рефракторлар қулай инструмент ҳисобланади. Бунинг сабаби, рефлекторларнинг кичик миқдорда бўлсада беихтиёр бурилишларга жуда сезгирлигидадир. Агар рефлектор кўзгусига тушаётган нур маълум  бурчакка оғса, ундан қайтаётган нурнинг йўналиши  2 бурчакка оғади ва бу, фотопластинкада объект тасвирининг сезиларли силжишига олиб келади. Рефракторда нурнинг бундай катталикдаги бурчакка (  ) беихтиёр бурилиши, тасвирни нисбатан жуда кичик миқдоргагина силжишига сабаб бўлади. Бу эса, асосий мақсади ёритгичларнинг ўрнини аниқ ўлчашдан иборат бўлган астрометрия учун жуда муҳимдир. Шунинг учун ҳам рефракторлар астрометриянинг асосий инструменти ҳисобланади. Кўзгули телескопларда тасвир, унинг оптик ўқи яқинидан қайтган нурларда жуда тиниқ чиқиб, бош оптик ўқдан узоқда қайтган нурларда у бузила бошлайди (ўқдан ташқари аберрация туфайли). Шунинг учун ҳам рефлекторлар ёрдамида осмоннинг тахминан 05  05 дан катта майдонини расмга олиш мақсадга мувофиқ бўлмайди. Бунинг учун махсус кўзгули- линзали телескоплардан фойдаланишга тўғри келади. 3. Кўзгули-линзали телескоплар 1. Сферик аберрациядан холи телескопларни ясаш устидаги изланишлар кўзгули-линзали телескопларнинг яратилишига сабаб бўлди. Бундай турдаги биринчи телескоп 1930 йилда таклиф қилинган бўлиб, у Шмидт системаси деб юритилади. Шмидт системаси бош кўзгудан ва унинг эгрилик радиуси марказига ўрнатилган шиша пластинкадан ташкил топган бўлиб, шиша пластинканинг бир томонига шундай эгрилик берилганки, натижада унинг марказий қисми йиғувчи линза, гардиши эса сочувчи линза каби ишлайди ( -расм). Бундай система, тасвирни сферик аберрация, кома ва астигматизмдан холи бўлишини таъминлаши билан муҳим ҳисобланади. Одатда бундай системада бузилмаган (виньетированиесиз) катта кўриш майдонига эришиш учун пластинканинг диаметри 1 D ни кўзгунинг диаметри - 2 D никидан кичик қилиниб, телескопнинг ўлчами 2 1 D D нисбат кўринишида берилади. Собиқ Иттифоқда Шмидт системасидаги биринчи телескоп Энгельгардт (Эстония) обсерваториясида 1938 йилда ишга туширилди. 2. Д. Д. Максутовнинг менискли системаси, Совет олими Д. Д. Максутов томонидан 1941-1944 йилларда кашф этилган бўлиб, сферик бош кўзгудан ва унинг фокал текислигидан олдин ўрнатилган оптик кучи тахминан нолга тенг бўлган сферик линзали менискдан ташкил топган ( - расм). Бундай системада аберрациянинг деярли ҳамма тури (сферик ва хроматик аберрация, кома, астигматизм) йўқотилганлиги билан бошқа

системалардан афзал ҳисобланади. Минск рефракторларининг ахроматик объективларига нисбатан қарийб минг марта кам хроматик аберрацияга эга бўлиб, оддий шиша-кродедан қилиниши қулай. Менискли системадаги телескоплар трубасининг катталиги, ҳашаматли минора (куполо) талаб қилмаслиги, бинобарин кам харажатлиги билан ҳам катта аҳамият касб этади. Менискли телескопларнинг ўлчами ҳам Шмидт системасиники каби 2 1 D D кўринишда ёзилиб, 1 D -меинскнинг диаметрини, 2 D -эса бош кўзгунинг диаметрини характерлайди. Биринчи йирик менискли телескоп 50/67 см Олма-ота обсеваториясида, кейинроқ, ундан каттароғи 70/100 см лиси Абастуман обсеваториясида ишга туширилди. Кичик ўлчамдаги менискли телескоп ( -расм) мактаблар учун чиқарилади. 4. Телескопларнинг асосий характеристикалари Телескопнинг хусусиятини характерловчи асосий параметрлар унинг объективининг диаметри D ва фокус оралиғи F бўлиб, объектив йиғадиган ёруғлик оқими: 2R E ES Ф    бўлади, бу ерда Е -объективнинг ёритилганлигини, S -юзасини, R -эса унинг радиусини характерлайди. Телескопни бошқа бир характерловчи параметри нисбий тешик ёки ёруғлик кучи дейилиб у F D A  ифода билан белгиланади. Объектив ясаган нуқтавий бўлмаган объект тасвирининг ёритилганлиги 2 2 T kA F D E      k бўлиб, нисбий тешикнинг квадратига пропорционал бўлади. Бироқ телескопнинг нисбий тешигини исталганча катта қилишга ўқдан ташқари аберрациянинг вужудга келишига халақит қилади. Шунинг учун ҳам рефлекторда нисбий тешикни 0,33 гача, кўзгули-линзали телескопларда эса 1 гачагина олиш мумкин. Визуал телескоплар учун асосий характеристикаси  телескопнинг катталаштириши бўлиб, у объективнинг F- фокус оралиғини f- окулярнинг фокус оралиғига нисбати билан топилади: α β f F k   Маълум объективли телескопда унинг катталаштириши, танланган окулярнинг фокус оралиғига боғлиқ бўлиб, у оралиқ қанча кичик бўлса шунча катта катталаштиришга эришилади. Бироқ бу, маълум объектив учун исталганча кичик фокус оралиқли окулярни қўллаб, телескопда хоҳлаганча катталаштиришга эришиш мумкин экан, деган хулосани бермаслиги керак. Чунки катталаштириши ортгани сайин, телескопда кўриш майдонининг ўлчами кичрайиб боради. Масаслан 30 марта катталаштирувчи телескопда диаметрининг ёй ўлчами - 32  бўлган Ой бутунлай кўринса, 300 марта

катталаштирувчи телескопда, унинг кўриш майдони Ой сиртининг фақат бир қисминигина (анчайин майда деталлари билан, албатта) сиғдира олади. Шу туфайли маълум телескопда, максимал фойдали катталаштиришга эришиш учун, фокус оралиқлари аниқ қиймат билан чегараланган окулярдан фойдаланилади. Нормал телескопларнинг максимал фойдали катталаштириши миллиметрларда ҳисобланган объектив диаметридан тахминан икки марта катта бўлади. Телескопни характерловчи яна бир муҳим параметр - ажрата олиш кучи дейилиб, тасвирни сифатини характерлайди. Гарчи бир қарашда, гўё телескоп қанча кўп катталаштирса, тасвирда кузатилаётган объектнинг шунча майда деталларини кўриш мумкиндек туюлсада, аслида диффракция ҳодисаси туфайли энг сифатли объектив ҳам нуқтавий объектнинг тасвирини нуқта кўринишида ясай олмайди. Телескопнинг фокал текислигида нуқтавий тасвир ўрнига дифракцион ҳалқалар билан ўралган думалоқ доғча вужудга келиб бу думалоқ доғчанинг бурчак диаметриλ D   ( ) катталик (радианда) билан ўлчанади; бу ерда D -объективнинг диаметрини,  - эса ёруғликнинг тўлқин узунлигини характерлайди. Агар телескопда нурланишни қайд қилувчи ролни кўз ўйнаса, унинг ажрата олиш қобилиятини топиш учун  -ўрнига кўзнинг спектрал сезгирлигининг максимумига тўғри келган нурланишнинг тўлқин узунлиги (  =5500А o ) олинади. Бордию нурланиш фотографик ёки фотоэлектрик йўл билан қайд қилинаётган бўлса,  учун, мос равишда, фотографик эмульсиянинг ёки фотокучайтиргич катодининг спектрал сезгирликлари максимумига тўғри келган нурланишларнинг тўлқин узунликларидан фойдаланиб, телескопнинг ажрата олиш қобилияти топилади. Лекин шуни ҳам айтиш керакки, ифодадан топилган  нинг қиймати телескопнинг назарий ажрата олиш қобилияти дейилиб, амалда эса, телескопнинг ажрата олиш қобилиятини, объектдан келаётган нур йўналишидаги Ер атмосфераси қатламларининг тўлқинланиши вужудга келтирадиган тасвир тебранишининг титраш даражаси белгилайди. Титраш даражаси жойнинг астроиқлим шароитлари, телескоп минорасининг катталиги ҳамда конструкциясига боғлиқ бўлади.

Телескопда ясалган тасвирнинг масштаби. Маълум объектнинг ёки осмон участкасининг телескоп объективининг фокал текислигида расмга туширилганда тасвирнинг масштабини аниқлаш муҳим ҳисобланади. Тасвирнинг масштаби деганда, унда узунлик бирлигига (мм) тўғри келадиган ёй катталиги (ёй секунди, минути ёки градуси) l α - тушунилиб, у қуйидагича аниқланади. Бир биридан  бурчак масофада жойлашган 1S ва 2S юлдузлардан келаётган нурлар О-объективдан ўтгач, унинг F-фокал текислигида 1S ва 2S тасвирларни ясайди ( -расм). Бу тасвирлар орасидаги чизиқли масофа l дейилса, у xолда 2 α tg 2F  l бўлади, бу ерда F -объективнинг фокус оралиғи. Одатда  жуда кичик бурчак бўлганидан  -радианларда ўлчанганда, α F l ёки  -градусларда ўлчанганда 3 57 α F 0, l . Унда тасвирнинг масштаби: F 3 57 α μ 0,   l бўлади. F мм ларда ўлчаниб, тасвирнинг масштаби градус тақсими мм ( мм 0 ) (ёки ёй минути ёҳуд секунди тақсим мм- мм ' , мм " ) ларда ўлчанади. 5. Радиотелескоплар Асримизнинг 30 йилларида кўплаб осмон жисмлари, жумладан газ- чанг туманликлар радиодиапозонда нурланишлари маълум бўлди. Осмон жисмларида миллиметрли диапазондан то ўнлаб метргача тўлқин узунлигида келаётган радионурларни қайд қилишга мўлжалланган телескоплар- радиотелескоплар деб юритилади. Радиотелескопларнинг асосий қисмлари антенна ва приёмник бўлиб кўпинча пароаболит шаклида ишланади. Антенадан қайтган радионурлар паробалоиднинг фокусидан жой олган нурлатгич (облучатель) номи қурилмада йиғилиб сўнгра махсус тўлқин узатгич (волновод) ёрдамида приёмникка йўналтирилади. Сигнал приёмникда кучайтирилгач детекторланади ва сўнгра махсус ўзи қайд қилгич асбобда (самописецда) ёзиб олинади. Приёмник кучайтиргичи кандай тўлқин узунлигига мўлжалланган бўлса, объект ўша монохроматик радионурда кузатилаётган бўлади. Радиотелескопларнинг металл кўзгусини аниклигига талаб, оптик телескопларникига нисбатан анча паст бўлиб (тўлқин узунлиги катта радиотўлқинлар билан иш қурилганлиги туфайли) унинг берилган параболик шаклдан четланиши,  тўлқин узунлигида ишлаётган радиотелескоп учун  /8

дан катта бўлмаслиги лозим. Масалан: 1 метрли диапазонда ишлайдиган телескоплар антеннасининг эслатилган четланиши 12,5 сантиметргача боришга рухсат этилади. Бир неча метрдан ўнлаб метргача диапазондаги радионурларни қайд қилиш учун, паробалик антенналар ўрнига баъзан кўп сонли антенналар қўлланилади. Радиотелескопларни ажрата олиш кучини белгилаш учун, йўналганлик диаграммаси дейилувчи махсус характеристикадан фойдаланилади. Йўналганлик диаграммаси радиотелескопнинг антеннага нисбатан жойлашган радионурланишнинг нуқтавий манбаи ҳолатига кўра сезгирлигини характерлайди. Параболик антеннали радиотелескопнинг йўналганлик диаграммаси пароболоид ўқига нисбатан симметрик бўлади. Радиотелескопнинг бурчаги ажрата олиш кучи, яъни телескоп алоҳида объектлар сифатида қайд қила оладиган икки объект орасидаги энг кичик оралиқ тахминан йўналганлик диаграммаси марказий баргининг ярим қувватига тўғри келган кенглигига тенг бурчак бўлиб, у қуйидагича топилади:D    бу ерда  -радиотелескоп ишлаётган радиотўлқин узунлигини, D - антеннанинг диаметрини характерлайди. Радиотелескоплар кўзгусини диаметри йирик бўлишига қарамай, улар катта тўлқин узунликларида ишлаганликлари туфайли оптик телескопларга қараганда, ажрата олишнинг қуввати бўйича улардан қолишади. Бироқ, радиотелескоплар радиоинтерферометр сифатида ишлаганда жуда юкори ажрата олиш кучига эришиш мумкин. Оддий радиоинтерферометр бир-биридан базис дейилувчи анчайин катта масофага элтилган икки радиотелескопдан ташкил топиб радиотелескопларнинг маълум объектдан нурлаткич (облучател)лар ёрдамида қайд қилинаётган сигналлар кабилар орқали битта приёмникка узатилади. Маълум базисли радиоинтерферометрда аниқ манбадан  тўлқин узунлигида сигнал қабул қилинаётган бўлса, объектдан бу икки телескопга келаётган нурлар йўлнинг фарқи -  L бутун сонли тўлқин узунликларига тенг бўлганда:  L = а sin  = n  сигналлар приёмникка бир хил фазада келганидан қўшилади. Агар        2 1 n L б ў лса , сигналлар қ арама -қ арши фазада келади ва о қ ибатда , қ айд қ илинадиган сигнал , уларнинг амлитудаларининг фар қ ига тенг б ў лади . Натижада радиоинтерферометрнинг й ў налганлик диафрагмаси битта радиотелескопникидан фар қ ли ў ларо қ, базисдан ў тган текислик билан

кесилганда , тор баргчалардан иборат к ў ринишда б ў либ , икки қў шни баргчалар максимумлари ёки минимумлари орасидаги бурчак  :            a a n a n arcsin 2 1 arcsin ор қ али топилади . Бу ерда  - радиоинтерферометрнинг ажрата олиш кучини характерлаб , а - базис жуда катта б ў лганда , у жуда ю қ ори б ў лишини тушиниш қ ийин эмас . Масалан:  = 1 м базис а = 1000 км бўлганда, радиоинтерферометрнинг ажрата олиш кучи 620,0066073,5 10 1 6    мм га тенг бўлади. Демак бундай интерферометр ёрдамида метрли диапазонда бир биридан 2,0  ли ёй масофагача жойлашган объектларни ажратиб қуриш мумкин. Бундай интерферометрлар объектнинг бурчакли размерини ва маълум бир координатаси бўйича радиоравшанликнинг тақсимланишини аниқлашга имкон беради. Охирги йилларда антенналар ва приёмниклар турли қитъаларда жойлашган радиоинтерферометрлар ёрдамида кузатиш усули ишлаб чиқилди. Бундай усул ёрдамида кузатиш натижасида интерферометрнинг ажрата олиш кучи 3 000,0  га етди. Мазкур кузатишда иштирок килган учта радиотелескопнинг бири Австралияда (65 метрли), иккинчиси Россияда (22 метрли) ва учинчиси АҚШ да жойлашган эди. Айни пайтда планетамизнинг турли қитъаларида ўнлаб ўтасезгир радиотелескоплар ишлаб турибди. Кўзгуларининг диаметри 65 метр (Австралия), 76 метр (Англия), 100 м (ГФР), 300 м (АҚШ) ва 600 м (Россия) келадиган радиотелескоплар астрономларга, Коинотнинг юзлаб табиий радиоманбаларидан тинимсиз маълумотлар бериб турадилар ( - -расмлар). Œзбекистон худудида Жиззах вилоятининг Зомин туманида, тоғ этагининг Супа деган жойида, металл кўзгусининг диаметри 70 метр бўлган йирик радиотелескоп курилмокда. Бу телескоплар Коинотнинг “радиобашара”сини нозик деталлари билан кўришга имкон беради. 6. Телескопларнинг ўрнатилиши (монтировкаси) Маълум танланган объектга телескопларни йўналтириш ва суткали ҳаракатдаги бу объектни кузатиш ва расмга олиш айнан мураккаб техник вазифалардан ҳисобланади. Бундай мураккаб жараённи бажариш учун телескопларни махсус кўринма йўналишда монтировка қилинади. Телескоплар қурилганда ўзаро икки перпендикуляр ўқ атрофида эркин айланадиган қилиб ўрнатилади. Бу ўқларни қандай фазовий йўналишларда ўрнатилишига кўра телескопларнинг қурилиши икки хил бўлади: азимутал ва экваториал (ёки параллактик) қурилма. Азимутал қурилма да телескоп ўрнатилган ўқлардан бири вертикал йўналишда бўлиб, иккинчиси горизонтал текисликда ётади. Агар телескоп

вертикал ўқ атрофида айлантирилса, унинг объективи бош оптик ўқининг давоми осмон сферасида альмукантаратни “чизади”; горизонтал ўқ атрофида айлантирилганда эса вертикал айлана бўйлаб силжийди. Натижада бу икки ўқ атрофида телескопни айлантириб осмондаги ихтиёрий ёритгични нишонга олиш мумкин. Параллактик қурилма да ўзаро перпендикуляр ўқлардан бири олам ўқига параллел ўрнатилади Бунда иккинчи ўқ осмон экватори текислигида ётади. Агар экваториал қурилмада телескоп олам ўқи атрофида айлантирилса, объективнинг бош оптик ўқи суткалик параллел бўйича, осмон экватори текислигида ётган ўқ атрофида бурганда эса оғиш айланаси бўйича силжиб осмоннинг ихтиёрий томонига қарай олади. Аксарият xолларда, азимутал қурилма бўйича унча йирик бўлмаган телескоплар ўрнатилиб, йирик астрономик инструментлар экваториал қурилма бўйича ўрнатилади. Бироқ собиқ Иттифоқнинг энг йирик 6 метрли (бош кўзгусининг диаметри) телескопи БТА (Большой Телескоп Азимутальной установки) азимутал қурилма бўйича ўрнатилган бўлиб, унинг сабаби 850 тонна келадиган бундай улкан қурилма бўйича ўрнатилганда, айланиш ўқининг эгилишига, бу эса ўз навбатида, кузатишда катта хатоликларни вужудга келишидандир. Астрономик кузатишлар учун қайси бир қурилма қулай деган табиий савол туғилади. Маълумки ёритгичларнинг суткалик кўринма ҳаракатлари, текисликдан осмон экваторига параллел жойлашган суткалик параллеллар бўйича кузатилади. Бинобарин бундай ҳаракатидан ихтиёрий ёритгичнинг горизонтал координаталари (А, h) вақт ўтиши билан ўзгариб боради, экваториал координаталаридан эса оғиш (  ) ўзгармай қолиб соат бурчаги (t) ўзгариб боради. Демак азимутал қурилмали телескоп билан маълум ёритгич кузатилаётган бўлса, у доим кўриш майдонида қолиши учун телескопни ҳар иккала-ўзаро перпендикуляр ўқ атрофида буришга тўғри келади; экваториал қурилмада эса, телескопни фақат олам ўқига параллел ўқ атрофида ёритгичнинг суткалик ҳаракати тезлигида соат механизми дейилувчи махсус механизм ёрдамида буриб, уни кўриш майдонининг маълум қисмида қўзғалмас “ушлаш” мумкин. Шунинг учун ҳам экваториал қурилма азимутал қурилмага нисбатан афзал ҳисобланади. Соат механизми - юк-тошлар ёки синхрон электродвигатель ёрдамида ишловчи механизм бўлиб, унинг текис айланувчи ўқи шкивли ёки тишли узатма орқали телескопнинг олам ўқи бўйлаб йўналган ўқи билан боғланган бўлади. Телескоп соат механизми ёрдамида олам ўқига параллел ўқ атрофида айланиб, унинг айланиш даври 24 соатга, яъни осмоннинг суткалик айланиш даврига тенг қилиб танланади. Шундай қилингандагина, кузатиш давомида маълум ёритгич телескопнинг кўриш майдонида қўзғалмай туради ва каттагина экспозиция вақти талаб этувчи объектларни (айниқса хира объектлар учун) расмга туширишга имкон беради. Қуёш осмондаги миллиардлаб юлдузларнинг Ерга энг яқин жойлашган бирдан-бир вакилидир. Қуёш Ерга юлдузларга нисбатан миллиардлаб маротаба яқинлиги туфайли унинг тузилиши, таркиби, ҳарорати ва унда

кечаётган ҳодисаларнинг кундалик физик ўзгаришларни ўрганиш имконияти бор. Қуёшда рўй берадиган жараёнларга кўра, юлдузларнинг физик табиати, уларнинг эволюцияси ҳақида фикр юритиш мумкин. Шунинг учун ҳам Қуёш астроном олимлар томонидан зўр қизиқиш билан ўрганилади. 7. Астрофотография Астрономияга фотографик методнинг кириб келиши жуда катта янгилик бўлди. Фотографик методнинг визуал методдан қуйидаги афзалликлари билан фарқланади: 1. фотографик эмульсия, кўздан фарқли ўлароқ узоқ вақтга экспозиция вақти ёритгичдан келаётган ёруғлик квантларини йиға олиш хусусиятига эга бўлганидан энг хира обектларни кайд қила олади. 2. панорамли хусусият жуда кўп элементлардан ташкил топган мураккаб объект тасвирини бир вақтнинг ўзида қайд қила олади. 3. фотоматериалларни узоқ вақт саклана олиши уларни истаган пайтда лабораторияда ўрганишга имкон беради. Фотографик эмульсияга асосан кумушнинг бромли ва хлорли тузларидан AgBr , AgСl ташкил топади. Кумушнинг бундай турлари  5000А тўлқин узунликдаги нурланишга жуда сезгир бўлиб, нурланиш таъсирида фотографик эмульсия доналар рўй берадиган мураккаб фотохимик жараён металл холида кумушни ажралишига сабаб бўлади. Оқибатда ёруғлик манбаининг тасвирини берувчи бундай металлик кумуш, ёруғлик қанча кўп ютилса шунча кўп ажратилади. Фотографик эмульсиянинг узун тўлқин узунлигидаги нурланишларга сариқ, қизил сезгирлигини ортириш учун унга махсус ранглагичлар қўшилади – сенсибилизация ланади. Бундай эмульсияли фотографик материаллар фотоплёнка ёки пластинкалар ортохроматик сезгирлиги 6000А 0 гача панхроматик сезгирлиги 6500 А 0 гача фотоматериаллар деб юритилади. Астрономияда сезгирлиги 9000 А 0 баъзан 13000 А 0 гача ортирилган инфрохроматик пластинкалардан ҳам фойдаланилади. Фотогарфик материалларни характерловчи асосий параметр унинг характеристик эгрилиги дейилиб, маълум объект тасвирининг қорайиш зичлиги D билан ёритганликнинг экспозиция вақтига t купайтмаси ( Dt орасидаги D = f ( lg Et ) боғланишни характерлайди ( -расм). Бундай қонуният ўзаро ўринлашиш қонуни (закон взаимозаменяемости) дейилиб, у ёритилганликнинг маълум чегарадаги интервалида (расмда нормал экспозиция области) яхши бажарилади. Характеристик эгрилик негативни калибровка қилишга, яъни негативда корайиши зичлигининг ёритинганликка боғлиқлигини аниқлашга имкон бериб, астрономик объектларни ҳақиқий равшанлигини ва юлдуз катталигини аниклашга (яъни фотометрия қилишга) шароит яратади. Тасвирнинг қорайиш зичлиги D негативнинг оптик зичлиги орқали:

0 lg I I D белгиланиши мумкин. Бу ерда I 0 –фотопластинкага тушаётган нурланишнинг интенсивлигини. I –эса негативдан ўтаётган нурланиш интенсивлигини ифодалайди. Фотоматериалларнинг характеристик эгрилик уч қисмдан иборат бўлиб, Et кўпайтма қиймати камайиши билан эгриликнинг абцисса ўқига оғмалигининг камайиш участкаси экспозиция вақти етишмаган (недодержка) соҳа деб, оғмалик максимумга эришиб, эслатилган катталиклар ( D ва lg ( Et )) орасидаги боғланишлар чизиқли бўлган участка – нормал соҳа дейилиб ва, ниҳоят, Et ортиши билан эгриликнинг оғмалиги камаядиган соҳа – экспозиция вақти ортиб кетган (передержка) соҳа деб аталади. Характеристик эгриликни ясаш учун негатив ёритилганликлари ўзаро маълум муносабатда бўлган бир неча майдончанинг тасвири расмга олинади. Ёритилганликларнинг ўзаро муносабатлари маълум бўлган бу майдончаларнинг қорайиш даражаси билан боғлиқлигидан фойдаланиб характеристик эгриликни ясаш жараёни фотоматериални калибровка қилиш деб юритилади. Экспозиция тўғри танланганда астрономик объект тасвирининг қорайиш даражаси характеристик эгрилигининг нормал участкасига тўғри келади. Негативнинг характеристик эгрилигидан фойдаланиб, ундаги тасвирнинг турли участкаларига тўғри келган ёритилганликни топиш мумкин тасвир қисмларининг равшанликлари ёки ёркинликларнинг нисбатларини аниқлашга имкон берадиган бундай фотометрия нисбий фотометрия дейилади. Нуктавий обектларнинг нисбий фотометрия одатда ёркинликлари маълум бўлган юлдузлар бўйича қилинади. Тасвир қисмларининг абсолют ёрқинлиги ёки равшанликларини ўлчашга имкон берадиган фотометрия абсолют фотометрия дейилиб, бунинг учун негативни калибровкалашдан ташқари яна стандартлаш ҳам зарур бўлади. Негативни стандартлаш учун негативнинг ёрқинликлари маълум бўлган бир неча майдончасининг тасвирлари қайд қилинади. Нуқтавий манбалар негативларини стандартлаш учун эса, юлдуз катталиклари маълум бўлган бир неча юлдузларнинг тасвирларини алоҳида қайд килиш лозим бўлади. Негативларнинг қорайиш даражасини ўлчаш, ёруғлик интенсивлигини фотоэлектрик йўл билан фотометрлашга асосланган фотоэлемент ёрдамида микрофотометрларда амалга оширилади. 8. Спектрал аппаратлар Дастлаб осмон жисмларининг спектрлари визуал спектроскоп ёрдамида, кейин спектрларни расмга туширишга имкон берувчи спектрографлар ёрдамида ўрганилди. Айни пайтда спектрографлар

қаторидан спектрометрлар – спектрларни фотоэлектрик йўл билан қайд қилувчи асбоблар мустаҳкам ўрин олди. Дисперсияловчи (спектрни ютувчи) жисм сифатида призма ёки дифракцион панжара олинишига кўра спектрографлар призмали ёки дифракцион панжарали бўлиши мумкин. -расмда призмали спектрографнинг оптик схемаси келтирилган. Манбадан I тирқиш орқали колиматор дейилувчи қавариқ Л 1 линзага тушаётган нур, паралел даста кўринишида Т  Л 1 линзанинг фокал текислигида жойлашганидан П призмага тушади. Оқ нурни ташкил этган турли тўлқин узунлигидаги монохроматик нурга нисбатан призма турлича нур синдириш коэффициенти билан таъсир этиб, уларни турли бурчак остида синдиради. Натижада турли тўлқин узунлигидаги нурлар бир-бирига бурчак остида (бир хил тўлқин узунликдагилари эса ўзаро параллел) камета линзаси дейилувчи Л 2 линзага тушади. Сўнгра Л 2 линзанинг фокал текислигида жойлашган Ф  фотопластинкада манбанинг спектрини x осил қилади. Кейинги йилларда призмали спектрографлар ўрнига дифракцион панжарали спектрографлар кенг қўлланилади. Қайтарувчи дифракцион панжара, параллел штрихлар ўйилган алюминланган кўзгу бўлиб, штрихларнинг оралиғи ва чуқурлиги нурнинг тўлқин узунлиги билан солиштирилади. Ёруғлик нурларига мўлжалланган дифракцион панжаранинг ҳар миллиметрларига одатда 600 га яқин ўзаро параллел штрихлар ўйилиб, ихтиёрий қўшни штрих ораси қатъий бир хил (1,66 мк) бўлиши таъминланади. Шунинг учун дифракцион панжараларни ясаш, мураккаб вазифалардан ҳисобланади. Дифракцион панжара ёрдамида спектр ҳосил қилиш ёруғликнинг дифракцияси ҳамда интерференция ҳодисаларига асосланган. -расмда Қуёш телескопларида ишлатиладиган дифракцион панжарали спектрографнинг оптик схемаси келтирилган. Коллиматор дейилувчи К 1 кўзгунинг фокал текислигида жойлашган тирқишидан (тирқиш текислигида телескоп Қуёшнинг тасвирини ясайди) К 1 –кўзгуга тушган нур ундан паралел даста кўринишда Д-дифракцион панжарага тушади. Бир хил тўлқин узунлигидаги нурлар ўзаро паралел x олда камера кўзгулари системаси К 2 , К 2  га тушади. Бу кўзгулардан қайтган нурларнинг фокал текислигида спектрни ясайди. Спектрал аппаратларнинг асосий характеристикаси спектрал ажрата олиш кучи бўлиб, бир-бирига жуда яқин жойлашган (  ораликда)  тўлқин узунлигидаги спектрал чизиқларни ўзаро ажратиб қайд қилиши билан белгиланади ва қуйидагича ифодаланади:     R Уларнинг бошқа бир характерловчи параметрлари бурчагий дисперсия дейилиб,       ифода билан аниқланади, бу ерда  - бир-биридан  тўлқин узунлига фарқланувчи спектрда ётувчи элементдан (призма ёки

дифракцион панжара) ўтган икки параллел монохроматик нурлар дастаси орасидаги бурчакни характерлайди. Чизиқий дисперсия эса, камера кўзгусииннг фокус оралиги f орқали қуйидагича белгиланади.       f ' 9. Ў збекистонда астрономия Улуғбек расадхонаси. Осмон жисмларини ўрганишда, бизнинг аждод - бобокалонларимизнинг ҳам хизматлари катта бўлган. Улардан бири - Амир Темурнинг набираси - Улуғбек, ХV асрнинг ўрталарида Моварауннаҳрнинг таниқли астрономларини Самарқандга тўплаб, у ерда осмонни текширадиган астрономик расадхона, жумладан энг йирик кузатиш асбоби-секстантни қуриш бўйича маслаҳат қилди. Олимлар бир овоздан бу фикрни қувватлашгач, Оби раҳмат дарёсининг бўйида, Куxақ деган тепалик устида радиусини 40,2 метрга тенг бўлган астрономик кузатиш асбобини қуриш бошланди. Бу асбоб ёрдамида Қуёш, Ой ва планеталарнинг юлдузлар оралаб ҳаракатлари, минглаб юлдузларнинг ўринлари (координаталари) аниқланди. Юзлаб шаҳарларининг координаталари топилди. Мазкур асбоб ёйи, айлана узунлигининг 1/6 қисмини, аниқроғи 60  ни ташкил қилиб, салкам 50 метрга тенг эди. Бу астрономик асбобнинг қурилиши, ер сиртида 11 метрча чуқурликдан бошланиб, мазкур сиртдан баландлиги эса қарийб 30 метр келарди. Асбобни 1 градусга тенг ёйининг узунлиги 70,2 сантиметрни тишкил этиб, ўлчаш аниқлиги 10 секундли ёйга тенг эди. Улкан бу кузатиш асбоби юз йиллар давомида Самарқанд “бошидан кечирган” урушлар оқибатида вайрон қилинди ва кейинчалик изсиз йўқолди. 1908 йили археолог Въяткин томонидан унинг ўрни аниқланиб, тупроқдан тозалангач, унинг қолдиқ ёйи –секстантнинг ер ости қисми топилди (______ - расм). Самарқандда ўрнатилган бу йирик “телескоп”нинг ташқи кўриниши, аслида қандай бўлганлиги ҳозиргача аниқ бўлмай, олимлар орасида тортишув ҳанузгача давом этади. Улуғбек расадхонаси, ўрта асрда Шарқда мавжуд бўлган расадхоналар ичида энг йириги бўлиб, ўлчаш аниқлиги ва ҳашаматлилиги билан ажралиб турарди. Самарқанд расадхонасида Улуғбекдан ташқари ўрта асрнинг энг таниқли астрономларидан Ђиёсиддин Жамшид Коший, Қозизода Румий, Мўйиниддин Коший, Али Қушчилар ишладилар. Тошкент астрономия институти. 1873 йил 11 сентябрда Тошкент обсерваториясида астрономик кузатишлар бошланганлиги ҳақидаги хабар матбуотда эълон қилинди. У пайтда Тошкент обсерваторияси, Тошкент астрономия ва физика обсерваторияси дейилиб, Туркистон ҳарбий округининг ҳарбий-типография бўлимига қарарди.

¡збекистон Фанлари Академиясининг қарори билан 1966 йил 1 сентябрдан Тошкент Астрономия обсерваторияси Тошкент Астрономия Институти деб аталадиган бўлди. Астрономия Институти қошида бир неча қувватли астрономик кузатиш асбоблари бирин-кетин ишга тушиб аниқ вақт хизмати, Қуёш физикаси, ўзгарувчан юлдузлар физикаси каби йирик лаборатория бўлимлари шаклланди. 1930 éèëäà Қ àø қ àäàð¸ âèëîÿòèíèíã Қ àìàøè òóìàíèãà қ àðàøëè òî ғ ëàðäàí áèðèäà, äåíãèç ñàò ҳ èäàí 3000 ìåòð÷à áàëàíäëèêäà Ìàéäàíàê Áàëàíäòî ғ îáñåðâàòîðèÿñè èøãà òóøèðèëãàí á ў ëèá, ó ҳ àì Êèòîá êåíãëèê ñòàíöèÿñè áèëàí áèðãàëèêäà Òîøêåíò àñòðîíîìèÿ èíñòèòóòè òîìîíèäàí áîø қ àðèëàäè.

ADABIYOTLAR 1. M . M . Dagaev , V . G . Demin , I . A . Klimishin , V . M . Charugin , Astranomiya . M ., Prosveshenie , 1983. 2. P . I . Bakulin , E . B . Kononovich , V . I . Moroz , Курс общей астраномии. М., Nauk, 1983. 3. G.G.Mursalimova, A.Raximov, Umumiy astronomiya kursi. O’qituvchi, Toshkent 1976. 4. M.M.Dagaev, V.M.Charugin, Книга для чтения по астрономии , астрофизика . М., Просвещение, 1988. 5. B.A.Vorontsov ~ Velhyaminov, astronomiya. Toshkent, O’qituvchi, 1989. 6. Астрономический календарь . Постоянная часть, изд. 7-е, Наук, 1981. 7. Астрономический календарь. Постоянная часть. 8. Школьный Астрономический календарь, (выпускается на каждый учебный год) 9. Астрономический календарь ежегодник. 10. Rahmonqulov M . R . Sayyoralar quyosh sistemasidagi kichik jismlar . FDU 2005 yil. 11. Mirsalimova G.G., Qodirov A. Laboratoriya ishlari uchun metodik ko’rsatma. FDU 1997 yil.

O'xshashlar

Астрофизик инструментлар. Телескоплар ва уларнинг вазифалари

Космик астрофизик текшириш асбоблари

Тадкикот объектлари

Абсолют қора жисмнинг нурланиши. Нурланиш қонунлари

Астрофизика асослари