Amir Temur tuzuklari va manaviy qadriyatlar - Основы культурологии - Презентации

Amir Temur tuzuklari va manaviy qadriyatlar

Загружено в:

23.09.2019

Скачано:

0

Размер:

838.072265625 KB

Amir Temur tuzuklari va manaviy qadriyatlar www.arxiv.uz

Ma'naviyat - insonni ruhan poklanish, qalban uni ulg'ayishiga chorlaydigan, odamning ichki dunyosi, irodasini baquvvat, iymon — e'tiqodini butun qiladigan, vijdonini uyg'otadigan beqiyos kuch, uning barcha qarashlarining mezonidir. I.Karimov Amir Temur bobokolonimizning ma'naviy kamoloti haqida so'z ochishdan oldin uning «Temur tuzuklari» da keltirilgan quyudagi fikrlarini aytish joizdir: - Kimki biror sahroni obod qilsa, yoki hovuz qursa, yo biron bog' ko'kartirsa, yohud biror xarob bo'lib yotgan yerni obod qilsa, birinchi yil undan hech narsa olmasinlar, uchinchi yili (oliq-soliq) qonun-qoidaga muvofiq xiroj yig'ilsin. - Ulamo bilan suhbatda bo'ldim va pok niyatli, toza qalbli kishilarga talpindim. Ularning xizmatlaridan ulush tilanib, muborak nafaslari bilan duo-fotiha berishlarini o'tindim. www.arxiv.uz

 Тemurning nafaqat buyuk sarkarda, yirik davlat arbobi, balki ajoyib bunyodkor, ilmu-fan, madaniyat rivojining jonkuyari, rahnamosi, ikki ta'limot bilimdoni, shu bilan cheksiz insoniy fazilatga ega bo'lgan shaxs ekanligiga guvoh bo'lamiz Prezidentimiz I. Karimov Amir Temur nomini hurmat bilan tilga olar ekan: «Amir Temur yoshlik chog'idan mard, dovyurak, g'ururli, o'tkir zehn va aql-ilrok egasi bo'lib o'sdi. Turli dunyoviy ilmlarni, harbiy san'atni egalladi. Qur'oni Karimni yod oldi, hadis ilmini o'rgandi. Iymon-e'tiqodli, halol- pok inson bo'lib yetishdi», deb xolisona baho bergan. Uning butun faoliyati davomida davlatchilik salohiyati, harbiy iqtidori, sarkardaligi iqtisodiy ma'murchilikning yaratuvchisi, islomiy tasavvufchilik haqiqatligi, ijtimoiy adolatliligi, adolatsizlikka shafqatsizligi, sotqinga, nodonga betoqatligi, jangda qahramonligi, mardligi, og'ir va qiyin vaziyatlarga o'ta bardoshliligi va sabr-toqatliligi, farosatliligi, aniq xulosaga ega bo'lishliligi, vaziyatga aniq va to'g'ri baho berishlik kabi hislatlari jahonda mashhur shaxslar qatoridan o'rin egallashiga sabab bo'ldi. www.arxiv.uz

 Sohibqiron Amir Temur qariyb 27 mamlakatda o'z saltanatini o'rnatib, kuchli ijtimoiy-siyosiy, ma'naviy va moddiy salohiyat tizimini vujudga keltirdi. Markaziy Osiyoda kuchli va mustahkam ko'p millatli davlatni barpo etdi. Bu muvaffaqiyatni qo'lga kiritishda u o'ziga xos qonun-qoidani, siyosiy, harbiy, ma'muriy boshqaruvning sharqona tamoyiliga asoslangan me'yorlarni o'rnatdi. Zo'ravonlikka, e'tiqodsizlikka, yolg'onchilikka, sotqinlikka qarshi shafqatsiz kurash olib bordi. Dushmanlik niyati bo'lganlar va islom e'tiqodiga qarshi bo'lganlarga keskin zarba berdi. Ilmu-fan, madaniyatni, qadimiy merosiy qadriyatlarimizni rivojlantirib, jahon sivilizatsiyasi renessansi darajasiga ko'tardi. Shu sababli uning nomini nafaqat Turonzamin, balki jahon xalqlari izzat- hurmat va ehtirom bilan tilga olmoqdalar. www.arxiv.uz

Temur siyosatini qullab-quvvatlaganlar, uning amri farmonlariga sodiq bo'lganlar. Amir Temur Islomning hamma e'tiqodlariga, marosimlariga qattiq rioya qilar, toat-ibodatni kanda qilmas, hatto jang oldidan ham boshqalar bilan birga namoz o'qish, kechalari yakka o'zi toat-ibodat qilish, Qur'ondan suralar tilovat qilish bilan uzluksiz shug'ullanar edi. Bu nafaqat jangchilarda, oddiy xalqda ham Temurga nisbatan hurmat, ishonch va mardlik, jangovarlik bag'ishlar edi. Islom dunyosi ulamolarida unga ishonch, itoat etish, homiy sifatida namoyon bo'lishga sabab bo'lar edi. Bunday insoniy fazilatlar hammaga ham nasib etavermagan. «Temur tuzuklari »da keltirilishicha, davlatni boshqarish uchun hukmdorda yuksak ma'naviyat, oliyjanoblik, ziyraklik va kuchli aql — idrok bo'lishi xalq, qo'shin bilan muomala qila oladigan, sabr-toqatli, tajribali shaxs kabi fazilatlar mujassam bo'lishi lozimdir. Bunday fazilatli kishilar xalq ommasi va saltanat hurmatiga ega bo'ladi, unday shaxslar rahbar bo'lgan saltanat salohiyatli bo'ladi, der edi, Temur va unga o'zi amal qilar edi, farzandlari, nevaralarini ham bunday fazilatlarga ega bo'lishga undar edi. Amir Temur davlat, xalq manfaati yo'lida nihoyatda qattiqqo'l, shaxsiy hayotda yuksak insonparvarlik fazilatiga ega edi. Shu sababli u amaldorlarni, fuqaro va qo'shinni doimo umid va qo'rquvda saqlar edi. Bu Temurning siyosati va davlatni boshqarishda o'ziga xos uslubiy harakati bo'lib, davlat qonun-qoidasining to'la amalda bajarilishini talab qilar edi. Ammo, davlatga sodiq haqiqiy vatanparvar, fuqarolarga nisbatan nafaqat umid, balki to'la osoyishtalik, ijtimoiy adolat, g'amxo'rlik qo'llanilgan. Amir Temur har bir xalqning ahvolidan, urf-odati, dini-e'tiqodidan, kayfiyatidan doimo xabardor bo'lib turuvchi, o'zi o'sha xalq urf-odatlarini hurmat qiluvchi va unga rioya etuvchi kishini rahbar etib tayinlardi. Xalq bilan qo'shinlar o'rtasida nizolarni bartaraf qiladigan hakamlar (sudyalar, qozilar) tayinlar edi. www.arxiv.uz

www.arxiv.uz

Похожие

Milliy va umuminsoniy qadriyatlar

Islomiy qadriyatlar va hozirgi zamon

Milliy va umuminsoniy qadriyatlar 2

Temur Tuzuklarida ma’naviy qadryatlar mohiyati

Milliy ma`naviy meros va qadriyatlar