Mikroorganizmlar ekologiyasi inson tana normal mikroflorasi - Биология - Презентации

Mikroorganizmlar ekologiyasi inson tana normal mikroflorasi

Загружено в:

23.09.2019

Скачано:

0

Размер:

1097.2177734375 KB

Mikroorganizmlar ekologiyasi inson tana normal mikroflorasi Reja: 1. Suv mikroflorasi, uning yuqumli kasalliklarni tarqatishidagi roli. 2. Tuproq mikroflorasi. Tuproq unumdorligini undagi bakteriyalarga bog‘liqligi. Tuproq orqali tarqaladigan kasalliklar. 3. Havo mikroflorasi. Havo orqali tarqaladigan kasalliklar.

Tabiiy sharoitda mikroblar uchun suv ma’lum bir holatda qulay muhit hisoblanadi.

Suv mikroflorasi, uning yuqumli kasalliklarni tarqatishidagi roli Tabiiy sharoitda mikroblar uchun suv ma’lum bir holatda qulay muhit hisoblanadi. Suvning doimiy mikroflorasiga Pseudomonas Flusorescens, Micrococcus coradidus, Micrococcus agilus va boshqalar kiradi. Bundan tashqari, suvda ayrim zamburug‘lar, ekobakteriyalar, arxebakteriyalar, fotobakteriyalar, suv o‘tlari uchraydi. Mikroorganizmlar dengiz va okean suvlarida ham keng tarqalgan. Ularni har xil chuqurlikdan topishgan (3700-10000 m). Suvning ifloslanish darajasi, ya’ni suvda uchraydigan har xil mavjudodlar (hayvon va o‘simlik) yig‘indisi saproblik tushunchasi bilan belgilandi.

Saproblikda 3 ta zona aniqlangan 1. Polisaprob zona – eng kuchli ifloslangan zona bo’lib, bunda kislorod kam, organik birikmalar ko’p bo’ladi. 1 ml suvda bakteriyalar soni 1000000 dan ko’p bo’ladi. 2. Mezosaprob zona – o’rtacha ifloslangan zona, bu zonada organik moddalarning intensiv oksidlanishi va nitrifikatsiyalanishi orqali minerallanishi kuzatiladi. Bu zonada 1 ml suvda mikroblar soni 100 000 ni tashkil qiladi. 3 . Oligosaprob zona – toza suv hisoblanadi. 1 ml suvdagi mikroblar soni bir necha 10 yoki 100 tani tashkil qiladi.

Tuproqdagi mikroblar soni va turi doimo bir hilda bo’lmasdan, ular tuproqning kimyoviy tarkibi, namligi, temperaturasi, Rn sharoiti va boshqa holatlariga bog’liq bo’ladi. namligi va ozuqa moddalari kam bo’lgan ko’mlik tuproqlarida 1 gr da 10 5 gacha, ishlov beriladigan tuproqlarida esa 10 8 -10 9 gacha bakteriyalar bo’ladi.

Tuproq mikrob biotsenozining o’zgarishi uchun hosildorligiga, fasildagi temperatura va namlikning o’zgarishiga bog’liqdir. Hosildor tuproqlarda Achromobacteriaceae, Pseudomonodaceae, Bacillaceae va boshqa oilalarga kiruvchi bakteriyalar ko’proq bo’ladi. Biotsenozning bunday o’zgarishi tuproqning tarkibidagi mikroblarning oqsilni ammiak va H 2 S hosil qilib parchalashi va ularni keyinchalik nitratlar va sulfidlariga oksidlanib, tuproqning kimyoviy tarkibini o‘zgarishiga olib keladi. Bu holat esa tuproqda yangi biotsenozning hosil bo’lishiga, ya’ni mikobakteriyalar, aktinomitsetlar, yuqori turuvchi zamburug’larning ko’payishiga olib keladi.

Havo mikroflorasi. Havo orqali tarqaladigan kasalliklar Havodagi mikroblar juda hilma- hil va ularning soni ko‘p faktorlarga bog’liq ya’ni, havoning mineral Sa organik birikmalar bilan ifloslanishiga, temperaturaga, yog’ingarchilikka, yilning fasliga, namlikka, geografik joylanishishiga va boshqalarga bog’liq.

Toza havo ko’pincha tog’, o’rmon va ko’kalamzorlashtirilgan joylarda bo’ladi, chunki daraxt, ko’kat va ular bag’rida chang ushlanib qoladi. Patogen va shartli patogen mikroorganizmlar, kasal odam yoki hayvonlar, shuningdek, bakteriyalar tashuvchilardan havoga tomchi aerozollari ko’rinishida tushadi.

Inson tana normal mikroflorasi Inson hayotini birinchi kunidan boshlab juda ko’p son- sanoqsiz mikroorganizm vakillari bilan favqulotda aloqada bo’lib turadi. Ona bachadonida homila steril bo’ladi. Bola tug’ilishidan boshlab, bir necha yillar ichida har bir biotipga xos mikroflora shakllanadi.

Inson organizmidagi asosiy mikroorganizmlar makroorganizm xisobiga yashaydi u bilan juda yaqin uzviy aloqada bo’lib odamning hayot faoliyatida juda muhim vazifalarni bajaradi. Sog’lom odamlarda uchrovchi mikroorganizmlar yig’indisi odamning normal mikroflorasini yoki mikrobiosenozini tashkil qiladi.

Adabiyotlar: 1. Muhamedov E.M., Eshboev E.X. Mikrobiologiya, immunologiya, virusologiya. T. Bakulina N.A., Kraeva E.L. Mikrobiologiya. T., “Meditsina” nashriyoti. 1979. 2. Vorobyov A.A., Bo`kov A.S. «Mikrobiologiya». M., izd-vo «Vo`sshaya shkola». 2003. 3. Pyatkin N.D., Krivoshein Yu.S. Mikrobiologiya va immunologiya. M., izd-vo «Meditsina» 1980. 4. Sinyushina M.N., Samsonova M.N. Rukovodstvo k laboratorno`m zanyatiyam po mikrobiologii. M., 1981. 5. Timakov V.D., Livashev V.S., Borisov L.B. Mikrobiologiya. M., 1983.

Похожие

Biosfera va mikroorganizmlar ekologiyasi

Biosfera va mikroorganizmlar ekologiyasi

Dorivor o’simliklar xomashyosining mikroflorasi o’simliklarda kasallik qo’zg’atuvchi mikroorganizmlar tayyor dorilarning mikroflorasi va aniqlash usullari

Go'sht mikrobiologiyasi

Patogen mikroorganizmlar