Қиш давридаги қурилишларни олиб боришнинг хавфсизлик чоралари - БЖД - Рефераты

Қиш давридаги қурилишларни олиб боришнинг хавфсизлик чоралари

Загружено в:

20.09.2019

Скачано:

0

Размер:

41 KB

Қиш давридаги қурилишларни олиб боришнинг хавфсизлик чоралари Режа: 1. Музлаган грунтларда котлован ва траншеяларни қайта ишлаш. 2. Ғишт-тош ишларини олиб бориш. 3. Бетон ишларини олиб бориш.

Таянч иборалар: Музламасликни таъминлаш усуллари, пармалаб портлатиш, зарбали, машина ва механизмлар билан қирқиш, турли хил иссиқлик ташувчилар билан эритиш, портлатиш, электр токида иситиш, сув ва буғ билан эритиш, термос усули, буғ кўйлаклари. 1.Музлаган грунтларда котлован ва траншеяларни қайта ишлаш. ҚМҚ нинг умумий талабларига биноан, қиш даврида қайта ишланадиган грунт, олдиндан тайёрланиши керак. Грунтни совуқ таъсиридан музламаслигини таъминлаш усуллари турличадир, яъни плуг билан ҳайдаш ва бароналаш, бўйлама ва кўндалангига бирваракайига юмшатиш,чуқур қилиб юмшатиш ва ҳ.к. Кўрсатилган тадбирлардан бири иқлим шароитига қараб танлаб олинади. Музлаган грунтларни қайта ишлашда турли усуллар қўлланилади: пармалаб портлатиш, зарбали, машина ва механизмлар билан қирқиш, турли хил иссиқлик ташувчилар билан эритиш (электр энергияси, иссиқ сув, буғ ва ш. ў.). Грунтни қайта ишлашнинг усуллари қанча кўп бўлса, ишларни олиб боришнинг хавфсизлигини таъминлаш усуллари ҳам шунча хилма-хил бўлади. Бир қанча илмий текшириш институтларининг изланишлари ва ишлаб чиқаришдаги ҳақиқий ҳолатлар шуни кўрсатадики, музлаган грунтни қайта ишлаш усулларининг барчасини ичида унга зарбали механик ишлов бериш, самарали ва кенг тарқалган усуллардан бири ҳисобланади. Шуни такидлаш лозимки, бу усул барча бажариладиган музлаган грунтларни қайта ишлашни ҳажмининг 65 % ни эгаллайди. Музлаган грунтларни зарбли ишчи органи билан механизмлар ёрдамида ишлов бериш жуда катта хавф туғдиради. Бу жараёнда асосан музлаган грунт парчаларининг ҳар хил масофага отилиши натижасида одамларни жиддий шикастлайди. Ушбу ҳолатда, биринчидан, иш жойи атрофига ишлаб чиқаришнинг қўриқлов минтақаси ташкил этилади, иккинчидан экскаватор, булдозер ёки тракторнинг бошқарувчиси томони

ойнасига ҳимоя тўри ўрнатилади. Музлаган грунтларни портлатиш усулида қайта ишлаш саноат ва фуқаро биноларидан анча узоқликда, махсус ихтисослашган ташкилотлар томонидан мукаммал ишланган ва тасдиқланган ҳужжатларга асосланган ҳолда, хавфсизлик қоидаларига риоя этилиб олиб борилади. Шаҳарсозлик қурилишининг амалиётида грунтларни портлатиш усулида юмшатишда грунтлар бўлакларининг улоқтирилган бўлакларидан ва биноларни зарб тўлқини таъсиридан ҳимоялаш мақсадида, турли ҳимоялаш қурилмаларидан фойдаланилади, масалан биноларнинг пешонасига металл тўрдан ясалган зирҳли паналаш қурилмаси ўрнатилади, ушбу қурилма хавфли минтақасининг таъсир этиш радиусини 7-8 маротаба камайтиради, ҳамда прокат профил ва тасмалардан бикр пайвандланган қобирғали турли ҳимоялаш камералари ишлатилади. Электр токи ёрдамида музлаган грунтни иситиш усулида, ишчилар электр кучланиши минтақасига тушиб қолиши ёки ялонғоч симга тегиб кетишлари натижасида жароҳат олиш эҳтимоли кўпроқ бўлади. Электрдан жароҳатланишларни олдини олиш учун иситилаётган минтақани тўсиб қўйиш ва электр билан иситиш бутун иш давомида муҳандис-техник хизматчилар ёки навбатчи элетр-монтажчи назорати ва раҳбарлигида олиб борилиши керак. Электр билан иситиш усулида шлангли ёки изоляцияланган кабеллари резина шланг ичидан ўтказилиб, албатта ҳимояланган ҳолда қўлланилиши лозим. Музлаган грунтларни иссиқ сув ва буғ ёрдамида эритилаётганида, қурилмаларга хизмат қилаётган ходимлар, қайноқ сув ва буғни узатувчи иссиқ қувирларга тегиб кетиши ёки қувурларнинг шикастланиши натижасида куйиш эҳтимоллари ҳам мавжуд. Бунинг олдини олиш учун иш минтақаларини тўсиб қўйиш ва доимий техникавий назоратни йўлга қўйиш керак. 2.Ғишт-тош ишларини олиб бориш.

Қиш даврида ғишт-тош конструкцияларининг ағдарилиши ва деформацияланишининг сабабларига қуйидагиларни келтириш мумкин: ишлаб чиқариш технологиясига амал қилмаслик, қурилиш майдонини геологик шароитларининг тўлиқ таҳлил қилмаслик, пойдеворлар конструкцияларида хатоликлар, юкланишларни тўласинча ҳисобга олмаслик, ҳисоблардаги хатоликлар ва меъморий-муаллифлик назоратининг етарли эмаслиги. Хавфсизликни таъминлаш учун асосий эътиборни қуйидагиларга қаратиш керак: манфий ҳароратда ғишт теримини бажаришда қўлланилаётган материалларнинг сифати ва уларни лойиҳага мос келиши; устунлар ва деворлар ғишт теримининг йўл қўярли баландлигига риоя қилиш; теримни эриш даврида парвариш қилиш тадбирларига риоя этиш. Қиш даврида ғишт теримини бевосита муҳандис – техник ходимларни назорати остида олиб борилади, бунда иш журнали юритилади, унда ғишт терими олиб борилган пайтдаги ҳарорат камида уч маротаба қайд қилинади. 3.Бетон ишларини олиб бориш. Қиш шароитида қуйма бетонли конструкияларни парваришлаш ишларида албатта уларни қиздириш керак. Қурилиш амалиётида турли қиздириш усуллари мавжуд. Бундай усуларнинг энг кўп тарқалгани электрли қизитиш усулидир. Электрли қизитиш усули оддий ва кўп қўлланиладиган усул бўлсада, уни қўллаш пайтида жуда эҳтиёткорлик талаб этилади. Электрли қизитиш олиб борилаётган майдончасини албатта девор билан тўсиш ва кеч пайтларда ёритилиши керак. Тўсиқ деворлари ва электр чироқлари, кучланишли майдон чегарасидан камида 3 м масофада ўрнатилади. Бетонни электрли қизитиш ишлари юқори малакали электр монтажчи устанинг кузатуви ва назорати остида олиб борилади. Қизитиш минтақасида бетон ҳароратини ўлчаш, юқори малакали ходим томонидан ҳимоя воситаларини қўллаган ҳолида ёки кучланишни узилган ҳолатида бажарилади.

Бетонни ва темиробетон конструкцияларини электрли қизитиш учун кучланиши 380 В дан ошмаслиги керак. 220 В кучланишли электрли қизитиш фақат арматураланмаган бетон конструкциялари ва алоҳида турган арматурали бетон конструкциялари учун, ҳамда арматуралари қўшни элементлар арматураларига уланман ҳолатларда қўлланилади. Қизитилган бетон ва кимёвий қўшимчаларни қўлланилишига асосланган “Термос усулида” конструкцияларни бетонлаш вақтида, қўшимча сифатида калций хлор, натрий хлор, хлорид кислота ва поташ ишлатилади, бундай ҳолатларда куйиш, кўзни жароҳатланиши ва заҳарланиш рўй беради. Бундай нохуш вазиятларни олдини олишга қаратилган чораларни қўллаш керак бўлади, яъни уларни зарарли таъсирига қарши шахсий ҳимоя воситалари- респираторлар, шлемлар ва қўлқоплар қўлланилади. Калций хлорни бетоннинг қотишини тезлаштирувчи восита сифатида фақат сувда аралашмасини ишлатиш тавсия этилади. Калций хлорни аралаштириш учун узун дастали чўмич ишлатилади. Буғ ёрдамида бетонни қизитишда куйишдан ҳимояланиш мақсадида буғ ўтказгич қувурлари, вентил ва кранлар ишончли қилиб изоляцияланади. Буғ кўйлакларидан буғ чиқиб кетмаслиги учун, йиртиқ ва тешиклар асло бўлмаслиги, бунинг учун қолипнинг ички сиртидан том ёпишда ишлатиладиган тунука қопланади. Буғни тақсимлаш қурилмаси етарлича яқин масофада жойлашиши ва вазият тақоза этган таҳликали ҳолатларда тезда бориб буғ узатилишини ўчириш имкони яратилиши керак.

Адабиётлар рўйхати. 1.Пчелинцев В. А. и др. Охрана труда в строительстве: Учеб. для строит. Вузов и фак. – М.: Высш. Шк., 1991. – 272 с.: ил. 2.Охрана труда в строительства. Инженерные решения: Справочник/В. И. Русин, Г. Г. Орлов, Н. М. Неделько и др. – К.: Будивельник, 1990. –208с. 3.Охрана труда в строительства. Учебник для техникумов. Изд. 2-е, перераб. и доп. М., Стройиздат, 1975, 263с. 4.Йўлдошев О.Р., Рахимов О.Р., Хўжақулов Р.Т., Ҳасанова О.Т., “Меҳнатни муҳофаза қилиш”, Тошкент-2005. 5.Х.Раҳимова, А.Аъзамов, Т.Турсунов. Меҳнатни муҳофаза қилиш.Т. – “Ўзбекистон” -2003. 6.G ΄ .Yo.Yormatov, O.R.Yuldoshev, A.L.Xamrayeva. Hayot faoliyati xavfsizligi (Darslik), Toshkent, «Adolat», 2009. 7.Ў.Йулдошев, У.Усмонов, О.Қудратов. Меҳнатни муҳофаза қилиш (Ўқув қўлланма), Т. “Меҳнат”, 2001. 8. Л.Г.Дикман . «Организация, планирования и управление с троительным производством» Москва, Высшая школа, 1998 г. 480 стр . 9. Т.М.Махматкулов, Г.Ш.Шомирзаев, А.Райимкулов. «Ҳаётий фаолият хавфсизлиги» фанидан маърузалар матни. ТАТУ Самарқанд филиали. Самарқанд-2007.

Похожие

Ер ишларини бажаришда хавфсизлик чоралари пағона

Арқон ва юк қамровчи қурилмалардан фойдаланишда хавфсизлик чоралари

Ғишт-тош ишлари арматура ва бетон ишларида хавфсизлик чоралари

Қурилиш-монтаж ишларида хавфсизлик техникаси хавфсизлик

Хавфсизлик техникаси асослари