Endokrin sistema faoliyati buzilishining asosiy sabablari, turlari va mexanizmlari - БЖД - Рефераты

Endokrin sistema faoliyati buzilishining asosiy sabablari, turlari va mexanizmlari

Загружено в:

20.09.2019

Скачано:

0

Размер:

342.5 KB

Endokrin sistema faoliyati buzilishining asosiy sabablari, turlari va mexanizmlari Reja: 1. Endokrin sistemasi kasallik sabablari, turlari va mehanizmi. 2. Gipofiz kasalligi – belgilari. 3. Qalqonsimon bez kasalligi

Endokrin sistema faoliyati buzilishining asosiy sabablari. Endokrin sistemasi funksiyasi buzilishini chaqiruvchi etiologik omillar xilma-xildir. Ko’pincha endokrin sistemasi asab faoliyatining birlamchi buzilishi natijasida paydo bo’ladi. Ruhiy-asab shikastlanishlari natijasida oliy asab sistemasining buzilishi, qalqonsimon bez kasalligiga, Bazedov kasalligiga yoki me'da osti bezi shikastlanishiga va qandli diabetga olib kelishi mumkin. Endrokrin bez faoliyatining buzilishi bosh miya po’stloq qismi va unga yaqin po’stloq osti markazlarining yallig’lanish jarayonlari, travmalari, qon quyilishlari, yoki miya tomirlari trombozi rivojlanishi natijasida kelib chiqadi. Ana shu jarayonlar ko’pincha gipotalamusni qamrashi mumkin. Endokrin sistema faoliyatining og’ir buzilishlari gipofiz o’smalari yoki undagi sil yallig’lanishi qon quyilish va hokazolarda paydo bo’ladi. Davolash maqsadida organizmga periferik endokrin bezlari gormoni uzoq vaqt berilishida (quyiga qaralsin), och qolishda ayniqsa oqsil ochligida gipofiz atrofiyasi yuzaga kelishi mumkin. Periferik bezlari faoliyati ularda o’smalar, yallig’lanishlar, shikastlanishlar paydo bo’lishda autoallergik shikastlanishlarda, gormonlar paydo bo’lishi uchun kerakli moddalarning (oqsil, yod, rux va hokazo) yetishmasligida buziladi. Ayniqsa bu birikmalarni homiladorlik davridagi yetishmovchiligi xavflidir. Masalan, homilador ayolda yod yetishmasligi qalqonsimon bez faoliyatining pasayishiga homila to’qimasi takomilashu-vining buzilishiga va bolani qalqonsimon bez rivojlanmas-dan tug’ilishiga olib keladi. Buzilishlar periferik to’qima darajasida qolishi va ularda gormonlarga nisbatan sezgirlik kamayishi mumkin. Masalan, buyrakni ADG ga nisbatan sezgirligini kamayishi ma'lum va u diurezni keskin ko’payishi va suv yo’qotilishiga olib keladi (qandsiz siydik ajralishining ko’payishi). Endrokrin sistema funksiyaning buzilish mexanizmlari. Endokrin bezlar faoliyatining turli shakllarda buzilishi asosida bir necha umumiy mexanizmlar mavjud. Muhim mexanizmlardan biri endokrin asab sistemasining o’zaro munosabati buzilishi hisoblanadi. Masalan asab-ruhiy shikastlanishlar natijasida

markaziy asab sistemasi faoliya-tining buzilishi qalqonsimon bezning ortiq darajada ish-lashga va tiretoksikoz rivojlanishiga olib keladi. Shuning bilan birga qalqonsimon bez faoliyatining susayishi (masalan nasliy gipotireoz) markaziy asab faoliyatining buzilishiga va aqliy pasayishga (tireopriv kretinizm) olib keladi. Endokrin buzilishlarining ikkinchi muhim mexanizmiga endokrin sistema ichida o’zaro munosabatining buzilishi, ya'ni endokrin bezlar va ularning gormonlari bog’lanishlarining buzilishi kiradi. Endokrin sistemasining normal faoliyati asosida bezlar o’rtasida musbat va manfiy bog’lanishlar yotadi. Musbat bog’lanish misoliga qaysidir trop (oziqlantiruvchi) gormoni periferik endokrin beziga nisbatan rag’batlantiruvchi ta'siri, masalan adeno-gipofizning TTG gormoni qalqonsimon bezga ta'sirini (bevosita musbat bog’lanish) ko’rsatish mumkin. Manfiy bog’lanish misoliga qalqonsimon bez gormonining, jumladan troksinni adenogipofizga susaytiruvchi ta'siri va TTG ishlab chiqarilishi kamayishini ko’rsatish mumkin (manfiy teskari bog’lanishi). Bu bog’lanishlar muhim moslashuv ahamiyatiga ega bo’ladi. Masalan, organizmga stress omillar ta'sir etilishida adenogipofiz tomonidan AKTG ishlab chiqarilish kuchayadi. AKTG glyukokor-tioksidalar paydo bo’lishi va uni qonga tushishini kuchaytiradi va ular o’z navbatida AKTG ga hosil bo’lishini susaytiradi. Shuning bilan birga patologik sharoitda bunday moslashuv bog’lanishi endokrin sistemasi faoliyati buzilishi mexanizmi bo’lib qolishi mumkin. Jumladan davolash maqsadida periferik endokrin bezlar gormonining (tiroksin, kortikosteroidlar yoki jinsiy gormonlar) noto’g’ri jo’natilishida tegishli trop gormonlari ishlab chiqarilishi susayadi va buning natitjasida periferik bezlar — qalqonsimon bez, buyrak usti bezining po’stloq qismi yoki jinsiy bezlar atrofiyasi rivojlanadi. Bunday mexanizm ko’pincha bir emas bir guruh bezlar funksiya-sining buzilishiga olib keladi. Endokrin sistemasi faoliyati buzilishilarining uchinchi mexanizmi ichki sekresiya bezlari bilan organlar («nishon organlar») o’rtasidagi bog’lanishining buzilishi hisoblanadi. Bu mexanizm gormonlar transporti buzilishi parchala-

nishini o’z ichiga oladi. Endokrin bezlar faoliyatining buzilishi ikki asosiy shaklda: giperfunksiya (ortiqcha funksiya) va gipofunksiya (etarli bo’lmagan funksiya) bilan namoyon bo’ladi. ENDOKRIN BEZLAR KASALLIKLARI Gipoflz kasalligi Gipofiz — asab va endokrin sistemalarini bog’lovchi inkretor organdir. U gormonlar ishlaydi, o’zida ularni zaxira holda saqlaydi va ajratadi. Adenogipofizda jinsiy balog’atga yetishni, homilador-likni normal kechishi belgilovchi bir guruh trop gormonlar, organlarning proporsional o’sishini ta'minlovchi follikulani rag’batlantiruvchi gormon (FSG) lyutinlovchi (sui ajralishini rag’batlantiruvchi), (LG), (AKTG), (adrenokor-tikotrop) tireotrop gormon-TTG va bir qator boshqa gormonlar ishlab chiqariladi. Neyrogipofizdan qonga ikki gormon-ADG yoki vazopressin va oksitosin ajraladi. ADG buyrak kanalchalarida suv reabsorbisiyasini kuchaytiradi, uning ortiqcha miqdori esa buyrak kalavachalari qon tomirlarini toraytiradi va ularda arterial bosimni orttiradi. Oksitosin ayollar jinsiy sistemasi faoliyatida fiziologik jarayonlarni boshqaradi, homiladorlikdagi bachadonni qisqarish funksiyasini kuchaytiradi. ADENOGIPOFIZ GIPERFUNKSIYASI BILAN KECHUVCHI KASALLIKLAR Bu kasalliklar biror gormon ishlanishining yoki bir guruh, hatto barcha trop gormonlar hosil bo’lishining ortib ketishi bilan ta'riflanadi. Odatda bunday giperfunksiya ocsmalar o’sishi bilan, ko’pincha adenogipofiz adenomasi bilan bog’liq bo’ladi. Agar bu vaqtda jinsiy gormonlar ko’p hosil bo’lsa, muddatidan oldin, ko’pincha 8—10 yoshlarda balog’atga yetish kuzatilib, u odatda jismoniy va ruhiy yetilmaslik bilan birgalikda ketadi. Isenko-Kushing kasalligida ko’plab miqdorda AKTG ishlab chiqarilib, u buyrak usti bezlari po’stloq qismi gipefunksiyasiga olib keladi. TTG ni ortiq darajada ishlab chiqarilishi qalqonsimon bezning gipofizar xilidagi giperfunksiyasiga (gipertireozga) olib

keladi. Gipofizning asidofil adenomasida o’sish gormonining paydo bo’lishi kuchayadi. Uni ko’plab miqdorda qonga o’tishining ta'siri yoshga bog’liq bo’ladi. «Bolalik» yoshida to’qimalarning o’sishga nisbatan qobiliyati saqlangan vaqtda, gipofizar gigiantizm rivojla-nadi. Jismoniy rivojlanishning og’ir buzilishlari kuzatiladi. Bcmor bo’yi yoshiga mos kelmaydi: 8—9 yoshda u 200 santimetrni, 20 yoshdan sung 250—270 santimetrni tashkil etadi. Shuning bilan bir qatorda mushaklar zaifligi, elka kichikligi, ko’krak ichkariga tortganligi xarakterli bo’ladi. Jinsiy belgilar yetarli rivojlanmagan, farzand ko’rish funk- siyasi pasaygan bo’ladi. Odatda qandli diabet belgilari rivojlanadi. Yuqumli kasalliklarga nisbatan bardoshlilik kamayadi. Katta yoshdagi kishilarda o’sish gormoni ko’payishida akromegaliya kasalligi paydo bo’ladi: bunda tananing ayrim qismlari, o’sish qobiliyatini saqlagan qism-lari — quloq suprasi, lab, jag’, chakka suyaklari, qo'1, oyoq panjalari razmeFi kattalashadi. Ichki organlar razmeri 2— 4 martaga kattalashadi. Qoidaga muvofiq bemorlarda qandli diabet, jinsiy funksiyalaming pasayishi bo’ladi, ular tez qariydilar (59-rasm). rasm. Akromcgaliya. o’ngda — sog’lom, chapda akromegaliya. QALQONSIMON BEZ KASALLIKLARI Qalqonsimon bez funksiyasini uning follikulasi belgilaydi. Follikula hujayrasi ikki xil tireoid gormon-tiroksin va triyodtironin hosil qiladi. Qalqonsimon bez gormonlari follikula bo’shlig’iga chiqib u erda oqsil bilan birikkan holda tireoglobulin shaklda saqlanadi. Adenogipo-fizning TTG

gormoni qalqonsimon bez gormonini follikula kolloiddidan qonga ajratadi. Yodsiz tireoid gormoni sintez bo’lmaydi va qalqonsi-mon bez qonda yodni so’rib oladi. Qalqonsimon bezda yana bir gormon, paratgarmon antagonisti bo’lgan kalsitonin ishlab chiqarib, u qondagi kalsiy miqdorini kamaytiradi. Qalqonsimon bez gormoni amalda organizmdagi hamma jarayonlarda qatnashadi. U jismoniy, ruhiy va jinsiy rivojlanishni belgilaydi, to’qimalar o’sishini takomillashishini suyaklanishni rag’batlantiradi. Tireoid gormonining barcha xususiyatlari ichida uning to’qima-larda oksidlanishni, issiqlik ajratishni ko’paytirishni, oqsil, yog’, uglevod parchalanishini kuchaytirishni rag’batlanti- ruvchi ta'sirini ko’rsatib o’tish kerak. BUYRAK USTI BEZI MAG’IZ MODDASI FUNKSIYASI ORTISHI BILAN KECHUVCHI KASALLIKLAR Bu kasalliklar ichida eng katta ahamiyatga ega bo’lgani mana shu to’qimadan hosil bo’lgan yaxshi sifatli o’sma-feoxromositoma yoki uning yomon sifatli xilifeoxromob-lastomadir. Feoxromositomaning o’sishi katta miqdorda katexolaminlar paydo bo’lishi va ularni vaqti-vaqti bilan qonga tushish bilan birgalikda ketadi. Kasallik xuruj, kriz ko’rinishida kechib arterial bosimning ortiq darajada — (200 mm simob ustinidan ortiq) keskin ko’tarilishi bilan xarakterlanadi. QALQONSIMON BEZ GIPERFUNKSIYASI BILAN KECHUVCHI KASALLIKLAR Bu kasalliklar qalqonsimon bezning faoliyati buzilishida yoki gipofiz, gipotalamus funksiyalarining buzilishlarida paydo bo’ladi. Qalqonsimon bez giperfunksiyasi Bazedov kasalligida, tireoid to’qimaning gormon hosil qiluvchi o’smasi-adenomasida kuzatiladi. Bunday holat TTG hosil bo’lishining kuchayishi bilan kechuvchi adenomasida, ensefalitlarda va bir qator boshqa kasalliklarda paydo bo’ladi. Qalqonsimon bez patologiyasida bo’qoq (struma) va o’smalar eng katta ahamiyatga egadir.

Bo’qoq. Qalqonsimon bezda diffuz (yoyilgan) yoki tugunli o’sish kuzatilsa, u bo’qoq deyiladi (60-rasm). Bo’qoq kelib chiqishida aholi yashaydigan bir necha nohiyalardagi (Sibir, o’rta Osiyoning bir necha nohiyalari, jumladan Farg’ona vodiysida) ma'lum xususiyatlar, u yerlardagi suv va oziq moddasida yod yetishmasligi sababchi bo’lishi mumkin. Bu nohiyalarning ko’pchilik aholiyasida endemik bo’qoq rivojlanadi. Ba'zan bo’qoq endemik bo’lmagan nohiyalar aholisida ham kuzatilishi mumkin va bu vaqtda u sporadik bo’qog’i deb ataladi. Bo’qoq vaqtida qalqonsimon bezning gistologik tuzilishi o’zgaradi, uning follikulalarida kolloid miqdori ko’paysa kolloid bo’qoq, yoki aksincha kolloid butunlay yo’qolib follikula epiteliyalari o’sishi kuzatilsa, parenximatoz bo’qoq deyiladi. Bazedov kasalligi. Bazedov kasalligi yoki bazedov bo’qog’i turli etioligiyali bo’qoqlar ichida eng katta ahamiyatga egadir. U ko’pincha ayollarda o’tkir yoki surunkali ruhiy asab shikastlanishlaridan so’ng rivojlanib, bunda gipotalamusning va simpatik adrenal sistemasining ma'lum tuzilmalari faollashadi. Bu holat qalqonsimon bezda ko’payib gormon ishlanishiga va uni qonga chiqarilishiga olib keladi. Bemorlarda xarakterli uchlik (uchta belgi) — bo’qoq, ko’zning chaqchayib qolishi (ekzoftalm) va taxikardiya paydo bo’ladi. Bo’qoq odatda diffuz, ba'zan tugunli bo’ladi, u gistologik follikula epiteliyalarining surg’ichsimon o’sishi va stromasida limfoplazmositar elementlarning yoyilishi bilan ta'riflanadi. Follikulalarda oz miqdorda kolloid bo’ladi. Bazedov kasalligi gipertireoz yoki hatto tireotoksikoz bilan birgalikda kechadi. Bemorlar ozib ketadilar. Ular osonlikcha qo’zg’aluvchan, bezovta bo’lib qoladilar, kayfiyati tez o’zgaruvchanligi, tez charchashlik, qo'l panjalarining titroqligi, reflekslarining kuchayishi xarakterli bo’ladi. Asab sistemasi va mushaklar faoliyatining buzilishi ularda ATF yetishmasligi, mushaklarda glikogen zaxirasi-ning kamayishi va moddalar almashinuvining boshqa buzilishlari bilan bog’liqdir. Taxikardiya simpatik-adrenal sistema bilan bog’liq. Bemorlarda nafas tiqilishi, sistolik arterial bosim ortishi, poliuriya

(siydikni ko’p ajralishi) kuzatiladi. Ko’rsatib o’tilgan o’zgarishlarning ko’pchiligi tireotoksikoz vaqtida moddalar almashinuvining o’zgarishi, oksidlanish jarayonining kuchayishi, asosiy modda almashinuvi va haroratning ortishi bilan bog’liq bo’lib, u oranizmni gipoksiyasiga bo’lgan sezgirligini keskin orttiradi. Glikogen, oqsil va yog’lar parchalanishi kuchaya-di, giperglikemiya paydo bo’ladi. Suv almashinuvi buzilishi natijasida yurak mushaklarida vakuol distrofiyasi rivojlanadi, yurak hajm jihatidan kattalashadi, jigarning serozli shishi va uning oqibatida sklerozi kuzatiladi. Ko’pincha asab to’qimasida, jumladan bosh miyada distrofik o’zgarishlar (tireotoksik ensefalit) kuzatiladi.

Похожие

Ovqat hazm qilish a’zolari sistemasi. Kasalliklari ovqat hazm qilish sistemasi funksiyalari

Qon va limfa aylanishining buzilishi qon va limfa aylanish sistemasining umumiy ta'rifi

Hodisa sabablari va ularni tekshirish. nazariya va qo’llanilishi

Yong`inning kelib chiqish sabablari va xatarli omillari

Texnogen tusdagi favqulodda vaziyatlar va ularni keltirib chiqarish sabablari