Умумзавод жиҳозларини монтаж қилиш - Транспорт - Рефераты

Умумзавод жиҳозларини монтаж қилиш

Загружено в:

20.09.2019

Скачано:

0

Размер:

2781.5 KB

Умумзавод жиҳозларини монтаж қилиш Режа : 1. Электродвигателларни монтаж қилиш 2. Насос ва насос агрегатларини монтаж қилиш 3. Компрессорларни монтаж қилиш 4. Вентиляторларни монтаж қилиш 5. Редуктор ва тезлик вариаторларини монтаж қилиш 6. Цех ичидаги транспорт жиҳозларини монтаж қилиш 7. Пневматик ва аэрозоль транспорт қурилмаларини монтаж қилиш 8. Осма йўллар ва осма конвейерларни монтаж қилиш 9. Трубопроводларни монтаж қилиш 10. Назорат - ўлчов асбобларини монтаж қилиш

1 . Электродвигателларни монтаж қилиш Бажарадиган ишига қараб электродвигатель бетон пойдеворда, жиҳоз станинасининг ўзида ёки кронштейнда монтаж қилинади. Барча электродвигателлар машинада ўрнатилган ҳолда завод- тайёрловчидан келади. Силжитиш қулайлиги учун двигатель статорининг юқори қисмида махсус юк винти ўрнатилган. Бу винт орқасида юк ташувчи механизмларнинг илгаки ўрнатилади. Горизонтал бажарилган электродвигатель салазкада монтаж қилиш да унинг горизонталлиги обтарози билан текширилади. Обтарози слазкада иккита ўзаро перпендикуляр ҳолатда қўйилади. Салазкалар қатъиян бир хил горизонтал текисликда жойлашган бўлиши керак, бу учун уларнинг ҳолати пўлат подкладкалар билан ростланади. Агар электродвигатель ва жиҳоз ўзаро тасмали узатма билан боғланган бўлса, улар валлари ўқларининг паралеллиги ва горизонталлиги текширилади, ҳамда етакчи ва етакланувчи шкивларнинг бир текисликда жойлашиши текширилади. Бунинг учун чизғични ҳар иккала шкивнинг ён текислигига қўйилади. Агар электродвигатель машина билан МУВП муфта орқали бириктирилган бўлса, вал ўқларининг ўзаро ўқдошлиги ярим муфталар бўйича текширилади. 2 . Насос ва насос агрегатларини монтаж қилиш Насослар суюқликларни бир жойдан иккинчи жойга ҳайдаш учун мўлжалланган гидравлик қурилмадир. Ишлаш принципига қараб насослар 3 га бўлинади: марказдан қочма, шестерняли ва поршенли. Марказдан қочма насосларда суюқлик марказдан қочма куч таъсирида ҳайдалади. Шестерняли насосларда суюқлик шестерня ичларидан сиқиб чиқариш ҳисобига ҳайдалади. Поршенли насосларда суюқлик илгариланма- қайтма ҳаракатланаётган поршень ёрдамида ҳайдалади. Насослар етарли даражада қаттиқ асосга ўрнатилади, чунки ишлаётган пайтида вибрация ҳосил бўлмаслиги керак (12 -расм).

12-расм. Марказдан қочма насосни ўрнатиш схемаси. 1-насос; 2-бирлаштирувчи муфта; 3-электродвигатель; 4-чўян плита. Насос монтажи қуйидаги операцияларни ўз ичига олади: 1) насосни фундамент ёки майдончага қўйиш; 2) насоснинг горизонталлик ҳолатини текшириш; 3) насоснинг фундамент плитасига цементли қоришма қуйиш; 4) насосни ревизиялаш; 5) насосни синаб кўриш ва ишга тушириш. Насоснинг ҳолати обтарозини ҳайдовчи трубкачанинг фланци юзасига 2 та ўзаро перпендикуляр йўналишда қўйиш йўли билан текширилади. Насоснинг горизонталлигини анкерли болтлар ёнига ясси металл пластиначалар қўйиш йўли билан тўғрилаш мумкин. Насоснинг горизонталлик ҳолатидан оғиши 1 м. масофада 0,1 мм.дан ошмаслиги керак. Горизонталлик текширилгандан кейин плита ва болт қудуқчаларига бетонли коришма қуйилади. Насосни ревизиялашда қуйидаги ишлар амалга оширилади: насос ичи ювилади ва артилади, сальник урилади ва оралиқлар текширилади. Насосни ишлатишдан олдин муфта орқали қўл билан ишчи ғилдираги айлантирилади. У бўш ва енгил айланиши керак. Насосни ишга туширганда роторнинг айланиши текширилади. У юритмадан туриб қараганда соат стрелкасига қарама-қарши йўналишда айланиши керак.

Электродвигателнинг айланишлар частотаси ошиши билан ҳайдовчи трубадаги задвижкани очадилар ва сальниклар ҳолатини текширадилар. Нормал шароитда сальник орқали минутига 15-20 томчи суюқлик сизиб чиқишига рухсат этилади. Шестерняли ва поршенли насосларнинг монтаж тартиби юқоридагига ўхшаш, фақат синаш тартиби билан фарқ қилади. Шестерняли насосни синашда тортиб олувчи (сўриб олувчи) ва ҳайдовчи трубкаларнинг жойлашишига қараб валнинг айланишини текширадилар. Шестерня тишлари илашишга кираётган томонда ҳайдовчи трубка, шестерня тишлари илашишидан чиқаётган томонида эса сурувчи трубка жойлаштирилади. Насос юклама остида сув билан синалади. Поршенли насосни ишга туширишдан олдин, унинг мой ваннасига 4-40 А маркали мой солинади ва сальникларнинг қандай урилганлиги текширилади. Кейин қўл билан тирсакли вал айлантирилиб насос ишчи органларининг текис, бар меъёрда ҳаракатланиши ва деворларга урилмаслиги текширилади. Насосни ишга туширганда электродвигатель валининг айланиши кузатилади. Вал шкив томонидан қараганда соат стрелкасининг айланиш йўналишида айланиши керак. 3 . Компрессорларни монтаж қилиш Ҳаво компрессорлари аэрозоль транспорти учун керак бўлган сиқилган ҳаво олиш учун ишлатилади. Компрессорли қурилма рама-ресиверга ўрнатилган компрессордан ва электродвигателдан иборат. Компрессорли қурилманинг монтажини рама-ресиверни ўрнатишдан бошлайдилар. Кейин унинг устига компрессор ва электродвигатель ўрнатилади. Компрессор маховиги ва электродвигатель ярим муфтасининг ўқдошлигини текширувчи чизғич ёрдамида бир хил жойлашган 4 нуқтадаги оралиққа қараб текширадилар (13 - расм).

13-расм. Электродвигатель ва машина бевосита муфта билан уланганда ўрнатиш сифатини мосламалар ёрдамида текшириш. а - хомутли мослама билан, б - ярим халқали мослама билан. 1 - машина ярим муфтаси, 2 - марказлаштирилиш мосламаси, 3 - квадрат каллак, 4 микрометрик резьбали болт, 5- кронштейн, 6 - электродвигатель ярим муфтаси, 7 -хомут, 8 - йўналтирувчи штанга, 9 - ползун, 10,11 - винт, 12 - стойка, 13 - ярим халқа. Рухсат этилган параллелликдан силжиш а=0,2 мм; Валлар қийшиқлиги в=0,1 мм. Компрессорни ишлатишдан олдин унинг асосий қисмлари ревизия қилинади. Ревизия пайтида тарсакли вал, шатун, поршень, сўрувчи ва ҳайдовчи трубкалар ювилади ва сальник билан бирга текширилади. Поршень ва цилиндр орасидаги зазор қиймати улар ўлчамининг 10 % дан ошмаслиги керак. Компрессор картерини керосин билан ювиб, қиш пайтида К-12, ёз пайтида К-13 маркали тоза компрессор мойи солинади. Компрессор дастлаб 1-1,5 соат мобайнида салт ҳолда ишлатилади ва кейин аста-секин босим оширилади ва яна 1 соат ишлатилади. Компрессор ишлаганида қўшимча бегона шовқин бўлмаслиги керак, подшипниклар исиб кетмаслиги керак. Мойлаш системасида босим 0,1- 0,15 МПа бўлиши керак.

4 . Вентиляторларни монтаж қилиш Вентиляторлар ҳаво совутгичларда ва кондинционерларда совутилган ҳавони цехга ҳайдаш учун, қуритиш ускуналарида қуруқ ҳавони ҳайдаш ва бошқа мақсадларда ишлатилади. Озиқ -овқат саноати корхоналарида марказдан қочма ва ўқ-вентиляторлар ишлатилади. Марказдан қочма вентиляторлар кичик босимли (1000 МПа гача), ўрта босимли (1000-3000 МПа) ва юқори босимли (3000-12000 МПа) бўлади. Ӯқ вентиляторлар 40-340 МПа босимга мўлжалланган. Уларнинг тузилиши қуйидагича: Тўрт парракли вентилятор ғилдираги тўппадан-тўғри электродвигатель валига ўрнатилган. Электродвигатеь эса цилиндрик ғилоф ичида ўрнатилган. Ғилоф учбурчакли пўлат асосга қотириб қўйилган. Вентиляторлар монтажи қуйидаги тартибда олиб борилади: 1. Вентиляторнинг ўқ чизиқлари белгиланади; 2. Ишчи ғилдиракнинг балансировкаси текширилади; 3. Ғилофнинг тўғри жойлашганлиги текширилади; 4. Вентилятор жойига қўйилади; 5. Корпус қотирилади ва вентилятор синалади. Вентилятор ишчи ғилдирагининг балансировкаси уни қўл билан айлантириш йўли билан текширилади. Айлантирилганда ғилдирак исталган ҳолатда тўхташи керак. Вентиляторни йиғилган ҳолида олдиндан белгиланган чизиқлар бўйлаб жойига қўйилади. Вентилятор вали горизонтал ҳолатда туриши керак. Бунинг учун керак бўлганда станина тагига пўлат қистирма (прокладка) қўйиш мумкин. Текширишдан кейин вентилятор фундаментга ёки майдончага (керак бўлганда виброҳимоя орқали) қотирилади. Вентиляторни ишлатишдан олдин ишчи ғилдирак ва ғилоф орасида бегона предметларнинг бўлмаслиги, ғилдиракнинг бўш айланиши текширилади. F илдирак ғилофга тегмаслигига ишонч ҳосил қилгандан сўнг, вентиляторни

ишга тушириш мумкин. Электродвигатель кўпинча вентилятор билан бирга ўрнатилади, кейин ҳаво трубалари уланади. Монтаж қилинган вентилятор қуйидаги талабларга жавоб бериши керак: 1) вентилятор бир маромда, турткисиз ва қаттиқ шовқинсиз ишлаши керак; 2) ҳаво сўрадиган тешигига темир сетка ўрнатиш керак; 3) ғилофнинг ички юзаси текис, қовариқсиз бўлиши керак. 5. Редуктор ва тезлик вариаторларини монтаж қилиш Редуктор ва тезлик вариаторлари машина ва механизмлар узатмаси айланиш частотасини ўзгартириш вазифасини бажаради. Цилиндрсимон горизонтал ва червякли редукторлар кенг тарқалган. Цилиндрсимон редукторлар бир, икки ва уч босқичли бўлиши мумкин. Цилиндрсимон редуктор чўян корпус ва тизим узатмадан иборат. Шестерня ва ғилдирак эгри тизим, вал тебраниш подшипникларида ўрнатилган. Тезликлар вариатори иккита параллел валдан иборат бўлиб, уларда колодкали тасмалар қамраб оладиган конусли дисклари мавжуд. Ричаг ёрдамида тасма сурилиб, узатишлар сони ўзгартирилади. Лойиҳа ҳолатига келтирилган редуктор ёки вариатор дастлаб элект- родвигатель билан бирлаштирилади. Устахонада металл асос тайёрланади. Редуктор асосга ўрнатилишидан олдин ревизия қилиниб, унинг корпуси керосин билан ювилади, артилади, мой қуйилади. Редуктор ва электродвигателни ўрнатишда улар валларининг ўкдошлиги текширилади. Редуктор ва электродвигателнинг горизонталлигини таъминлаш мақсадида улар корпусининг остига металл тиқинлар қўйилади. Ярим муфталар бўйича марказлаштирилганда рухсат этилган эгрилик ва параллел силжишлар 9 - жадвалда келтирилган. Якуний текширгач, болтлар тортилади ва синовдан ўтказилади. Йиғилган ва синалган агрегат монтаж майдончасига келтирилиб, такелаж воситалари ёрдамида пойдеворга ўрнатилади.

6. Цех ичидаги транспорт жиҳозларини монтаж қилиш Норийлар нон заводлари, кондитер ва макарон фабрикалари, ёғ ишлаб чиқариш ва бошқа корхоналарда сочилувчан маҳсулотларни вертикал силжитиш учун ишлатилади. Унинг тортувчи органи вазифасини ковш (чўмич) бириктирилган лента бажаради (14 - расм). Лента нориянинг бош ва бошмоқ қисмларида жойлашган юқори ва пастки барабанларни айланиб ўтади. Нориянинг бошмоқ ва бош қисмлари вертикал трубалар билан ўзаро бириктирилган. Юритма барабан вали редуктор ёки тасмали узатгич орқали электродвигатель ёрдамида ҳаракатга келтирилади. Лентани таранг тортиш учун нориянинг бошмоқ қисмида винтли ва юкли тортувчи қурилма бор. 14-расм. Лентали элеваторлар схемалари. а-НЦГ чўмичлари марказдан қочма - гравитацион бўшатиладиган, б- НЦ-1 чўмичлари марказдан қочма бўшатиладиган, в - НЦ-П- чўмичлари марказдан қочма бўшатиладиган. 1 - каллак, 2 - подшипник, 3 -шкив, 4 - бошмоқ, 5 - винтли таранглаш қурилмаси, 6 - йўналтиргич, 7 - қабул қилиш қурилмаси, 8 -чўмич, 9 - лента, 10 - труба, 11- таранглаш барабани, 12- юкли таранглаш қурилмаси.

Нория монтаж учун алоҳида қисмларга ажратилган ҳолда келади: бошмоқ ва бош қисмлари, силлиқ трубалар, резина лента, чўмичлар, гайкалар, шайбалар, элеватор болтлари, редуктор, электродвигатель, ярим муфталар. Норияни монтаж қилиш дан аввал унинг электродвигатели ва редуктор центровкаси ҳисобга олиниб узатма йиғилади. Трубалар ўзаро фланецлар ёрдамида, улар орасига картон прокладка қўйиб бириктирилади. Иш жараёнида лента чўзилиб кетмаслиги учун, дастлаб уни юқори этаждан вертикал ҳолатда осиб қўйиб, пастки учига 400-600 кг. юкни маълум муддат осиш керак. Сўнгра лентада шаблон ёрдамида тешик пармалаб, чўмичлар бириктирилади (15 - расм). 15-расм. Элеватор лентасида болт тешикларини белгилаш, чўмичларни лентага маҳкамлаш ва элеваторни ўрнатиш сифатини шоқул ёрдамида текшириш схемаси. а-шаблон билан белгилаш; б-чўмичларни лентага маҳкамлаш. 1-лента, 2-шаблон, 3-элеватор болти, 4-гайка, 5-чўмич, 6-текис шайба. Нория монтажи бошмоқ қисмини ўрнатишдан бошланади. Олдин нория ўрнатиладиган ўқлар белгиланиб, трубалар учун мўлжалланган тешиклар текшилади. Бошмоқ шундай ўрнатиладики, унинг валининг бўйлама ўқи нолда белгиланган бўйлама ўққа мос тушиши керак. Текшириш валнинг икки томонидан полдаги ўққа қаратилган осмалар ёрдамида олиб борилади.

Бошмоқнинг горизонтал жойлашиши унинг текислигига ўрнатилган обтарози билан текширилади. Трубалар бошмоқ қисмидан бошлаб ўрнатилади ва 4 та шоқул нинг шнури бўйлаб пастдан юқорига қараб олиб борилади. Шоқул нинг шнурлари трубалар фланецига тегиб туриши ва унинг ёндош текислиги ўртасидан ўташи керак. Трубаларни ўрнатгандан сўнг, картон прокладкалар устидан уларга норийнинг бош қисми ўрнатилади. Бошнинг вертикаллиги шоқуллар ёрдамида, горизонталлиги обтарози ёрдамида текширилади. Сўнг юритма монтажига киришилади. Чўмичлар ўрнатилган тасмани нория трубалари бўйлаб тортма люки орқали пўлат арқон ва лебедка ёрдамида тортилади, бош қисм барабани орқали пастки бошмоқ барабанигача туширилади. Тасма люккача арқон ёрдамида тортилади. Норияни аввал қўл билан, сўнгра эса электродвигатель ёрдамида 4 соат давомида ҳаракатга келтирилади. Винтли (шнекли) конвейерлар сочилувчан юкларни горизонтал йўналишда ёки 30 гача қиялик бўйлаб баландликка кўтаришда ишлатилади. Шнек пўлат трубкадан қилинган, трубага юпқа пўлат тунукадан тайёрланган винт бириктирилган валдан, таянч подшипниклар, желоб, қопқоқ ва юритмадан иборат. Шнекларнинг монтажи қуйидагича олиб борилади: 1) шнек ўрнатилиши лозим бўлган бўйлама ўқни белгилаш; 2) желоб ҳалқаларини йиғиш ва уни полга ёки станинага маҳкамлаш; 3) вал бўғинларини бирлаштириш ва уни подшипникка ўрнатиш. Шнек бўғинларини ўрнатиш юритма томонидан бошланади; 4) шнек валининг горизонталлигини текшириш; 5) юритма мосламасини ўрнатиш; 6) шнекнинг ишини текширишда аввал уни қўлда, сўнгра эса электродвигатель ёрдамида 2 соат давомида ишлатилади.

Элеваторларни монтаж қилиш . Элеваторлар бўлим ва дона юкларни ташишда ишлатилади. Элеватор қуйидаги қисмлардан иборат: станина, юритма ва тортма юлдузчалар, йўналишли чўнтакли занжир ёки каркас ва юритма. Юритма эса электродвигатель, тасмали узатма ва редуктордан иборат. Элеваторлар монтаж учун алоҳида қисмларга бўлинган ҳолда келади: юқори, ўрта ва пастки қисмлар, юритма ва чўнтакли тортма занжир. Каркасни юқори ва пастки бош қисмлар билан бирга фундаментга ўрнатилади ва фундамент болтлари билан қистирилади. Унинг вертикал ҳолати шоқул ёрдамида текширилади. Сўнгра юритма ва рама ўрнатилади, юритма элеватор валига бириктирилади. Электродвигатель, редуктор ва элеватор ўқларининг тўғрилиги текширилади. Юритма аввалига салт юритилади, кейин чўнтакли занжирни улаб, яна қўлда ва электродвигатель ёрдамида 1 соат айлантирилади. Тасмали конвейерларни монтаж қилиш . Тасмали конвейерлар сочилувчан ва дона маҳсулотларни ташишда ишлатилади (16 -расм). Улар қуйидаги қисмлардан: металл станина, юритма станция ва унинг ичига кирадиган юритма барабан, электродвигатель, редуктор, тортма станина, унинг ичига кирадиган тортма барабан, юкли ёки винтли тортувчи мослама, ишчи (юқори) ва салт (пастки) роликлар, транспортловчи тасма (лента).

16-расм. ИПГ - 20 типидаги текис занжирли конвейер. 1- четки секциялар, 2- тортилувчи занжир, 3 - занжир юқори тармоғининг йўналтиргичи, 4 - текис секциялар, 5 - махкамлаш қурилмаси, 6 - ИПГ, 7- пастки тармоқ йўналтиргичи, 8- тўсувчи пар, 9 - анкер болти, 10 - винтли ростлаш оёқчалари, 11,12- устки ва остки таянчлар, 13,14- вал, 15 - металл асос, 16- червякли редуктор, 17 - электродвигатель, 18 - юлдузча. Станинага юритма ва тортма станциялар барабани шундай ўрнатиладики, барабан ўқи конвейер бўйлама ўқига параллел бўлсин. Станина секцияларини болтлар ёки электр пайвандлаш ёрдамида бириктирилади. Станинанинг горизонталлиги текширилади. Станинага ража ёрдамида пастки ва юқори роликлар бир текисликда ўрнатилади. Шундан сўнг юритма барабан валини редуктор вали билан муфта ёрдамида бирлаштириб, уларнинг марказлашгани текширилади. Валларнинг паралелликдан оғиши 0,2 мм. дан, уларнинг қийшиқлиги эса 0,1 мм. дан ошмаслиги керак. Конвейер қисмлари ўрнатилгандан кейин роликларга тасма ўрнатилади. Тасмалар учи металл скобалар билан ёки елимлаш, вулканизация йўли билан бириктирилади. Конвейерни салт юришда синашда тасманинг барабан ва роликлар кенглиги бўйича тўғри ётишини, барча роликларнинг айланишини ва юритма станциянинг марказлашганини текшириш керак. Синаш вақти 2-4 соат. 7. Пневматик ва аэрозоль транспорт қурилмаларини монтаж қилиш Бу қурилмалар саноатда ун, дон, какао ва бошқаларни ҳаво ёрдамида трубаларда узатишда ишлатилади. Иқтисодий жиҳатдан аэрозоль транспорт қурилмалари қулай. Маҳсулот сиқилган ҳолда туташ оқимда металл ўтказгични анча қисмини тўлдирган ҳолда кўчирилади. Сиқилган ҳаво компрессор орқали қурилмага етказилади.

Пневмотранспорт қурилмаси қуйидагилардан иборат: - юкловчи мослама (таъминловчи); - транспортловчи трубопровод (материал ўтказгич); - маҳсулотни бўшатиш қурилмаси (бўшатгич); - герметиклаш қурилмаси (шлюзли затвор); - ҳавони маҳсулот чангидан тозаловчи қурилма (чанг ажратгич); - чанг ажратгичдан тоза ҳавони ўтказувчи трубалар (ҳаво ўтказгич). Таъминловчи мослама унни материал ўтказгичга узатиб бериш ва унни ҳаво билан тўйинтириш учун ишлатилади. Аэрозоль мосламада шлюзли таъминловчилар ишлатилади. Шлюзли затвор пўлат цилиндр корпус ва унда айланиб турган 6 та чўнтакли ротордан иборат. Унинг юритмаси редуктор орқали электродвигатель билан таъминланади. Шлюзли таъминловчилар тайёр йиғилган ҳолда келади. Уларни металл рамаларга шоқул ва обтарози ёрдамида ўрнатилади, рамага болтлар билан маҳкамланади ва умумий юритма валга нисбаттан текширилиб, контргайкалар билан маҳкамланади. Шлюзли таъминловчини салт текшириш 1-2 соат давомида олиб борилади. Аэрозоль транспорт қурилмада ишлатиладиган ун бўшатгич унча катта бўлмаган фильтрли бункердан ташкил топган. Уни аэрозоль транспорт ёрдамида технологик схема бўйича маҳсулот етказиб бериладиган техник машина олдидан ўрнатилади. Шлюзли затвор ичида каттакли барабан айланадиган чўян корпусдан иборат. Шлюли затвор монтаж учун йиғилган ҳолда келади ва у тишли узатма орқали червякли редуктор ва электродвигатель ёрдамида ҳаракатда келтирилади. Юқори фланец затворини бункернинг пастки фланеци билан болтлар ёрдамида бирлаштиради ва затворнинг пастки фланцини эса материал ўтказгич фланеци билан бирлаштириш керак. Бунда фланецлар орасига 3-4 мм. қалинликдаги резина прокладка қўйилади.

Аэрозоль транспортларда материал ўтказгич чоксиз пўлат трубалардан эластик резина ва фланецлар ёрдамида бирлаштириб ясалади. Барча пневмотранспорт қурилмаларда ҳаво хайдовчи машина бўлиб ЦВ-18 ва ЦП- 30 номли марказдан қочма вентиляторлар, аэрозоль транспортларида эса компрессор қурилма ВЦ-3/8 ва бошқалар хизмат қилади. Трубопровод монтажи 2 босқичда олиб борилади. Аввал трубопровод трассасини ётқизиш жойлари белгиланади ва уларни маҳамловчи воситалар ўрнатилади (осма таянч, кронштейн). Сўнгра иккинчиси босқичда трубопровод йиғилади (17-расм). 17-расм. Трубопровод секцияларининг тез ажралувчи бирикмалари. а- фланцли, б - қирқилган муфтали. 1-ричаг ҳолатини қайд қилиш қурилмаси, 2,3 - трубаларда пайвандланган ҳалқа, 4 - резина халқа, 5 - трубага пайвандланган сим халқа, 6 - айланувчи халқа, 7 - кулачокли ричаг, 8 - қирқилган муфта, 9 - конуссимон фланец, 10 - шарнир. Трубопровод узунлиги ва маҳсулот ёпишқоқлигига қараб, унинг оғиши 1...5 %.дан кам бўлмаган ҳолда монтаж қилинади, бунда маҳсулот қанча қуюқ бўлса, оғиш бурчаги шунча катта бўлади. Магистрал йўналишини белгилаш учун гидростатик обтарози ва шоқ ул дан фойдаланилади. Трубопроводнинг иккита таянчи орасидаги масофа L қуйидаги формула билан ҳисобланади:

  g W G Lu / 8 100     бу ерда  u G - эгилишга рухсат этилган кучланиш, МПа. ( пўлат учун  u G = 139 - 146 МПа); W -труба қаршилик моменти, см 3 ; g -1 м. трубопроводнинг маҳсулот билан бирга вазни (керак бўлган тақдирда изоляция билан бирга), Н. Труба қаршилик моменти:    D d D W / 1,0 4 4  бу ерда D ва d - трубанинг ташқи ва ички диаметри, см. 8. Осма йўллар ва осма конвейерларни монтаж қилиш Осма йўл ва конвейерлар юкларни горизонтал ва қия текисликлар бўйлаб кўчиришда ишлатилади. Конвейерсиз осма йўллар (юкни қўлда силжитадиган) каркас, осиш қурилмаси, рельс, ўтказувчи стрелка ва юк ташиш қурилмаларидан иборат. Каркас металл ёки ёғочдан тайёрланади. У бош устун, тўсин, йўл устунлари, чўян ости қурилмаларидан иборат. Қуйидаги 18 -расмда осма йўлларнинг йиғма бирликлари тасвирланган. Осма 3 унга рельс 4 ни махкамлаш вазифасини бажаради. Улар чўяндан бўлиб, йўл тўсинларига қотирилади. Йўл рельси 65х12 мм.ли пўлатдан тайёрланади. Улар осмаларга М 10х40 болтлари билан қотирилади.

18-расм. Монорельсли осма йўлларнинг йиғма бирликлари. а- ёғоч йўл тўсинининг каркас ёғоч балкаси билан улашуви, б - ёғоч йўл тўсинининг каркас металл балкаси билан улашуви. в- йўл металл балкасининг каркас металл балкаси билан бир томонлама улашувви, д- чўян османи йўл металл балкасига ўрнатиш, г - йўл металл балкасининг каркас металл балкаси билан икки томонлама улашуви, е- чўян османи йўл ёғоч балкасига ўрнатиш, ж - чегараловчи мослама. 1 - йўл балкаси, 2- эгри шайба, 3 - чўян осма, 4 - монорельс. Стрелка 1П юкни бир рельсдан иккинчисига ўтказиш вазифасини бажаради. Осма йўлларни монтаж қилиш да уч усулдан фойдаланилади: - осма, стрелка ва йўлларни бош ва йўл тўсинларида ўрнатиш; - йўл тўсинлари, осма, стрелка ва йўлларни бош тўсинларида ўрнатиш. Монтаж стрела ёки барабанли электр ёки дастаки ричагли чиғириқ билан таъминланган погрузчик ёрдамида амалга оширилади. Осма йўлларни стенда йиғиш ва қўл ричагли ҳамда электр чиғириқ билан монтаж Қ илиш 19 - расмда тасвирланган.; 19-расм. Осма йўлларни барабанли электр ёки дастаки ричагли чиғириқ лар ёрдамида ўрнатиш схемаси. а -блокларни стендда йиғиш; б-блокларни ўрнатиш схемаси.

1-эшаклар, 2-йўл швеллери, 3-йўл рельси, 4-чўян осма, 5-пўлат арқ онлар, 6-ролик, 7- блокнинг иккинчи (лойиҳа) ҳолати, 8-илгак, 9-каркаснинг бош тўсини, 10-блокнинг биринчи ҳолати, 11-инвентар йиғиш-ажратиш мосламаси. - бош ва йўл тўсинлари, стрелка, рельс йўллари дастлаб стрелкали кранлар билан йириклаштирувчи йиғишдан иборат йирик блокли усул. Бу усул нисбатан унумли усулдир. Осма йўллар йиғма бирликларини тайёрлашда каркас бош устуни узунлиги устунлар орасидаги масофадан 50 мм. камроқ қилиб олинади. Тўсин, швеллер, уголник периметр бўйича Э42 ва Э42 А электродлари билан яхлит чок ҳосил қилиб пайвандланади. Осма йўллар швеллерга зич ёпишиши ва болтлар ёрдамида мустаҳкам қистирилиши лозим. Стрелкали йўллар бурилиш радиуси 336 мм., стрелкасиз жойларда 500 мм. бўлиши лозим. Йириклаштирувчи йиғишни бошлашдан олдин, консол устунлар орасидаги масофа ва баландлик белгилар муфассал текширилади. Осма йўлни йиғиш қуйидаги кетма - кетликда олиб борилади. Биринчи жуфт эшаклар ўрнатилиб, унинг устига четки бош тўсин қўйилади ва горизонталлиги текширилади. Қолган бош тўсинлар 5 4 3, l ваl l ўлчамларига мос ҳолда эшакларга ўрнатилади. Барча тўсинлар пасти 1-тўсин пасти билан бир текисликда ётиши нивелер ёки гидростатик об- тарози билан текширилади. Четланиши . 5мм  дан ошмаслиги лозим. Сўнгра осма йўл четки йиғма бирлиги тўсиннинг узунлиги бўйича тортилган сим бўйича ўрнатилади. Қолган йиғма бирликлар биринчисига параллел қилиб ўрнатилади. Сўнгра ўтиш жойлари ўрнатилади. Йиғиш якунлангач 200-300 кг. вазнли юкни икки томонга 10 м. силжитиб йўл текширилади. 9. Трубопроводларни монтаж қилиш

Озиқ -овқат маҳсулотларини узатишда 36х1.5 ва 53х1.5 ўлчамли х18Н9 ёки 1х18Н9 маркали, 1х18Н10Т ёки 0х18Н10Т маркали 38,х1,5 ва 76х1,5 мм. ўлчамли пўлатдан тайёрланган қувурлар ишлатилади(20 -расм). Трубопроводларнинг арматураси ва бириктириш деталлари 21 - расмда тасвирланган. 20- расм. Шиша трубалар бирикмалари. а - икки тортувчи ҳалқали фланцли, б - уч тортувчи халқали фланцли, в - икки халқали муфтарезьбали, г - конус бўртиқли фланцли, 1 - фланец,2 - шиша труба, 3 - тортувчи халқа, 4 - болт, 5 - гайка, 6 - Т- симон прокладка, 7 - муфта, 8 - прокладка, 9-вкладиш, 10- пластмассадан тайёрланган сухарь. 21-расм. Трубопроводлар арматураси ва бириктириш деталлари. а- ўтиш крани, б-уч йўлли кран, в - гайка, г - бирлаштирувчи нипел, д- бирилаштирувчи штуцер, е- зичлагич ҳалқа, ж- бир муфтали отвод, 3 - икки муфтали отвод, и - конусли отвод, к - тўғри бир муфтали тройник, л - тўғри икки муфтали тройник, м - тўғри уч муфтали тройник.

Муфтали бирикма қуйидаги тартибда йиғилади. Труба учлари тайёрланади. Унинг учи текис ва труба ўқига перпендикуляр бўлиши лозим. Перпендикулярлик труба учига угольник қўйиб текширилади, эговланиб текисланади. Труба учидан 30-40 мм. узунликдаги қисми ички ва ташқи томони тозаланади ва сода эритмаси билан ювилиб артилади. Умумий аҳаиятга эга бўлган трубопровод сув буғи, сиқилган ҳаво аммиак, сув, рассол кабиларни транспорт қилиш га мўжалланган. Бундай трубалар фланец ёки пайвандлаш орқали бирлаштирилган углерод пўлатдан ясалган трубалардан иборат. Пўлат трубопроводларни ўзаро бирлаштирганда қуйидагиларга амал қилиш лозим: -бирлаштирилган трубалар ўқдошлигини таъминлаш; фланецларнинг труба ўқига перпендикулярлигини таъминлаш; фланец юзасига сифатли ишлов бериш; бирлаштирирувчи болтларнинг мустаҳкам қотирилишини таъминлаш. Трубопроводларни иссиқлик ва совуқликни кам сарфлаш, ишчиларнинг иш пайтида иссиқ ва совуқ сатҳ билан тўқнашмаслик ҳамда трубопровод сатҳини корризиядан муҳофаза қилиш учун иссиқлик изоляцияси қилинади. Изоляцион материалининг иссиқлик ўтказувчанлик коэфиценти ва зичлиги кичик бўлиши, ёнғин ва намга чидамли бўлиши керак. Совуқ сатҳларни изоляция қилиш учун органик ва анорганик (полистирол, пенопласт ва бошқа) материаллар ишлатилади. Иссиқ сатҳларни эса асбест шнур, асбозурит, шалаковата, пенопласт ва бошқа материаллар билан изолация қилиш керак. Буғ ва сув трубалари учун изоляцион (гидроизоляция) материаллар бўлиб битум, пергамент, рубероид, тўл ва бошқалар хизмат қилади. Буғ ўтказадиган трубалар зангдан тозаланади, ацетонда эритилган алюмин кукуни билан суртилади ва шлаковата ёки металл сетка, сим стеклопластик билан ўралади, кейин бўёқ билан бўялади. D = 20...32 мм. бўлган буғ

ўтказувчилар асбет шнур, гофри қилинган қоғоз (картон) билан ўралади, сўнгра мой бўёқ билан мойланади. Совуқ трубопроводлар зангдан тозаланади, мой бўёқ билан бўялади, кейин изоляцион материал билан, намдан муҳофаза қилиш учун пергамент билан, сим тўр билан ўралади ва тўр устидан қум шувоқ қилинади, қуригандан сўнг мой бўёқ билан бўялади. Бўёқлар ранги: совуқ сув - яшил, иссиқ сув - яшил пушти билан, буғ - пушти, ҳаво - кўк, аммиак - кулранг, вакуум - сариқ. Труба учига дастлаб гайка ўтказилади, сўнгра штуцер ёки ниппел кийдирилиб, развальцовка қилинади. Труба учлари тайёр бўлгач, учларга шартли белгилар қўйиб чиқилади. Бу уларни ажратганда ўз ўрнига қайта йиғишни осонлаштиради. Трубопровод олдиндан тайёрланган йиғма бирликлардан йиғилади. Бунинг учун дастлаб осма ва устунлар ўрнатилади. Магистрал трубопроводлар маҳсулот ҳаракат йўналишида йиғиб борилади. Ҳар бир трубопровод йиғиб бўлингач, унинг иккинчи учини аппаратга улашдан олдин, албатта қиялик текширилади. Маҳсулот йўналишига тескари қиялик ва эгилишларга рухсат берилмайди. Чунки машина ишдан тўхтаганда труба ичида маҳсулот қолиб кетади ва бузилиши мумкин. Монтаж якунлагач, трубаларнинг қурилиш конструкция ва аппартларга маҳкамланиши текширилади, муфталар қотирилади. Система сув билан ювилади, 5 мин. давомида 0,4 МПа. гидравлик босимда текширилади. Сўнгра босим 0,25 МПа гача камайтирилиб, уланиш жойларидан сув оқмаётганлиги кўздан кечирилади. Шиша трубалар ўзининг кимёвий мустаҳкамлиги, шаффофлиги, умрибоқийлиги билан ажралиб туради. Шиша трубаларнинг қурилиш конструкцияларига маҳкамланиши 22 ва 23 - расмларда кўрсатилган.

22- расм. Шиша трубаларни маҳкамлаш мосламалари. а - кронштейн ва хомут, б - ростланувчи кронштейн, 1- шиша труба, 2 - хомут остига қўйиладиган прокладка, 3 - пўлат хомут, 4 - болт, 5 - гайка, 6 - квадрат шайба, 7 - кронштейн, 8 - пластмасса хомут, 9 - думчали хомут, 10 - ползун. 23- расм. Скоба ёрдамида маҳкамлаш. а - патрубкаларни, б- кранларни. 1- патрубок, 2 - кронштейн, 3 - фланцли бирикма, 4 - шиша труба, 5 - квадрат шайба, 6 - М6 гайка, 7 -скоба, 8- ДУ 50 крани, 9- 63х63х6 уголник, 10- кран учун скоба, 11- М 8 гайка, 12-8 шайба, 13- иккиталик кронштейн 350,14 - иккиталик кронштейн 450.

Шиша трубалар барча жиҳозлар, металл трубалар монтаж қилингач ўрнатилади. Труба диаметри ва девор қалинлиги шаблон ёки штангенциркул била текширилади. Шиша трубалар қуйидаги тартибда монтаж қилинади: трасса ва осмалар ўрнини аниқлаш; трубопровод арматурасини монтаж қилиш; йиғма бирликлардан трубопроводни йиғиш ва маҳкамлаш. Труба ўқи ва осмалар жойлари аниқлангач кронштейн, осма ва таянчлар ўрнатилади. Таянчлар орасидаги масофа мм 3000 500  . бўлиши мумкин. Диаметри 50 мм. гача бўлган трубалар бир таянчга, диаметри 50 мм. дан ортиқ трубалар икки таянчга маҳкамланади. Таянчлар труба учларидан 250- 300 мм. масофада ўрнатилади. Таянч конструкцияларининг лойиҳа ҳолатидан четлашуви  10 мм.дан ошмаслиги лозим. Шиша трубаларни монтаж қилиш қуйидаги операцияларни ўз ичига олади: - талаб қилинган трубалар, деталлар сонини аниқлаш; - труба ва деталларни кўздан кечириш, нуқсонларни аниқлаш; - труба ва деталларни ювиш, артиш; - белгилаш ва трубаларни кесиш; - труба учларини тозалаш ва жилвирлаш ; - трубаларни йиғиш; Шиша трубаларни кесиш 0,8-1,2 мм. ли нихром симни ток манбаига улаб, қиздириб кесилади. 0 0 С температурадан паст температурада сақланган деталлар, монтаж олдидан 24 соат мобайнида 15 0 С температурадан юқори температурада сақлаш лозим. Шиша трубалар девор орқали тешиб ўтказилганда, гильзалар орқали ўтказилади. Гильза девордан 5-10 мм. чиқиб туриши лозим. Совутиш жиҳозларининг 10 МПа. гача босим остида ишлайдиган трубопроводлари 150 Г маркали углеродли пўлатдан тайёрланади.

9. Назорат - ўлчов асбобларини монтаж қилиш Назорат-ўлчов асбоблари шундай жойлаштириладики, иш давомида улардан фойдаланиш қулай бўлиши, ишнинг аниқлиги таъминланиши керак. Уларни монтаж қилишнинг 2 йўли бор: жойида (шитсиз) - деворда, устунда, жиҳозда ҳамда шитда ва бошқариш пультида. Монтаж қилиш йўли асбоблар конструкцияси ва бир нечта асбобнинг бир жойда мужассамлашганига қараб танланади. Шитсиз монтаж қилиш асбоб конструкцияси шит учун мўлжалланмаган тақдирда қўлланилади - манометрлар, сарф ўлчаш асбоблари ва бошқалар. Шунингдек, шитда монтаж қилиш иқтисодий жиҳатдан тежамсиз бўлган ҳолларда ҳам жиҳозлар жойида ўрнатилади. Кўпгина ишлаб чиқарилган асбоблар деворда монтаж қилиш учун мўлжалланган, шунинг учун улар учбурчак, тўртбурчак, айлана корпусларда ишланган. Деворда монтаж қилишда аввал деворга ёғоч, пластмасса ёки металл шит ўрнатилади, сўнг асбоб винтлар билан маҳкамланади. Шитли монтаж қилиш асбобларнинг бир жойда мужассамланишига, машина ва аппаратлар ишини кузатиб туришга, уларни атроф- муҳитининг салбий таъсирларидан сақлашга имкон беради.

Адабиётлар : 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [38-46]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [43-48]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[34-43]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [34-45]/

Похожие

Умумзавод жиҳозларини монтаж қилиш

Технологик жиҳозларни монтаж қилиш

Монтаж ишларига тайёргарлик ва ташкил қилиш

Монтаж и эксплуатация технических средств

Таъмирлаш ва монтаж ишларини ташкил этиш ва лойхалаш