Двигателларнинг совитиш системаси - Транспорт - Рефераты

Двигателларнинг совитиш системаси

Загружено в:

20.09.2019

Скачано:

0

Размер:

63 KB

Двигателларнинг совитиш системаси Режа: 1.Совитиш системасининг классификацияси ва ишлаш услуби; 2.Радиатор ва термостатларнинг тузилиши; 3. Насослар ва вентиляторларнинг тузилиши; 4. Совитувчи суюқликлар.

Таянч сўзлар: иссиқлик режими; иссиқлик энергияси; сув ғилофи; термосифон; радиатор; термостат; вентилятор; антифриз; буғ клапани; ҳаво клапани; жалюза; шкив; паррак; понасимон тасма; кичик доира; катта доира. 1.Совитиш системасининг классификацияси ва ишлаш услуби Двигателларнинг ишлаш цикли давомида газларнинг ўртача температу - раси 800-900С 0 ни ташкил қилади. Газ иссиқлигининг бир қисми двигатель деталлари (цилиндрлар, цилиндрлар каллаги, поршенлар, клапанлар ва бошқа деталлар) га узатилади, шунинг учун уларнинг температураси ортиб кетади. Бу деталлар бутунлай совитилмаса ёки етарлича совитилмаса, у ҳолда қуйидаги сабабларга кўра двигателнинг нормал ишлаши бузилиши мумкин: 1) мойнинг мойлаш хоссаси ёмонлашади ва бунинг натижасида ишқаланишга бўлган исроф ортади, деталлар ейилиши ва мой сарфи кўпаяди; 2) иш аралашмасининг эртароқ аланга олиши содир бўлади ва у детонация билан ёнади (карбюраторли двигателларда); 3) қўзғалувчан бирикмалардаги зазорлар кичраяди ва ҳаракатланадиган деталларнинг қадалиб ишлаши пайдо бўлади. Дизель двигателлари ҳаддан ташқари совитиб юборилиши поршенлар группаси деталлари ва клапанларда смоласи мон модда пайдо бўлишига, поршень ҳалқаларида коксланиш юз беришига, карбюраторли двигателларда эса ёқилғи ёнишида ҳосил бўладиган кислота буғлари конденсацияси туфайли коррозион ейилишига сабаб бўлади. Двигателларда икки хил совитиш усули: суюқлик, сув ва ҳаво билан совитиш усули қўлланилади. Биринчи ҳолда цилиндр деворларидан иссиқлик сувга узатилади, ундан эса ҳавога берилади, иккинчи ҳолда иссиқлик ци - линдр деворларидан бевосита ҳавога узатилади. Сув билан совитиш системасида блок-картернинг сув ғилофи 9 (5.1- расм) ва ци линдрлар каллаги 8 ни тўлдирган сув цилиндрлар деворларини ва

ёниш ка мераси деворларидан иссиқликни олиб кетади. Исиган сув махсус совиткичга тушади ва бу ерда иссиқликни ҳавога беради. Радиаторда совиган сув қайта сув ғилофига келади. Шундай қилиб, совитиш системасида сувнинг уз луксиз циркуляцияси вужудга келади. Ишлаётган двигателдаги совитади - ган сувнинг температураси 80-950 С оралиғида бўлиш керак. Суюқлик билан совитиш тармоғи ҳаво билан совитишга нисбатан қуйидаги афзалликларга эга: 1)қўлланиладиган суюқликнинг қайнаш ҳарорати 370…380 0 К (100..110 0 С) бўлганлиги сабабли двигателнинг деталлари қаттиқ қизиб кетмайди; 2)совитувчи суюқлик двигателдан чиқаётган шовқин товушини қисман ютади; 3)юргизиш даврида двигателнинг қизиши тезлашади; 4)бу турдаги двигателни совитиш қовурғалари бўлмаганлиги сабабли у силлиқ ва ихчам бўлади. Ҳаво билан совитиш тармоғининг афзалликлари қуйидагича: 1)тармоқада сув насоси, радиатор, сув қувурча, термостат йўқлиги сабабли у оддий ва енгил ишланган; 2)двигателда сув ғилофи бўлмаганлиги сабабли у музлаб қолмайди; 3)сув йўқ жойларда ҳам двигателни ишлатиш мумкин. Совитадиган сувнинг циркуляцияси усулига қараб совитиш системала ри икки турга бўлинади: термосифон ва мажбурий . Термосифон совитиш ситемасида (5.1-расм, а) системадаги сув циркуляцияси совуқ ва иссиқ сув зичлиги фарқи туфайли рўй беради. Термосифон совитиш сис темасининг афзалликлари қуйидагича: тузилиши содда, двигателни юргизиб юбориш ва қиздиришда сув циркуляциясининг тезлиги кичик, двигатель наг рузкасига қараб совитиш тезлиги ўз-ўзидан ростланади (нагрузка ортиши билан сув исиши ортади ва демак, унинг циркуляцияси тезлашади). Термосифон совитиш системасининг камчиликлари қуйидагича: унда сув циркуляцияси нисбатан секин боради, бу эса система сиғимини

оширишни талаб қилади. Бундан таш қари, сув циркуляцияси интенсивлиги етарлича бўлмагани сабабли система дан сувнинг кучли буғланишига сабаб бўлади, бинобарин, сув сатҳини тез-тез текшириш ва системани тўлдириб туриш керак бўлади. Бу камчилик лар уни ишлатиш соҳасини кескин чеклайди, ҳозирги вақтда термосифон со витиш системаси фақат ПД- 10У, П- 350 ва П-23М маркали юргизиб юбориш двигателларида ишлатилади. Аралаш усулда эса радиатордаги совитилган сув насос ёрдамида цилиндрларнинг юқори қисмига юборилади, пастки қисмига эса сув ўз табий оқими билан оқиб тушади. Мажбурий совитиш системасида (5.1-расм, б) сув циркуляцияси марказдан қочирма насос 17 билан ҳосил қилинади. Насос сувни блок-картер ғилофига ҳайдай ди, иссиқ сув у ердан радиаторга сиқиб чиқарилади. Радиаторда совитилган сув патрубка орқали қайта насосга келади. Кўпчилик двигателларнинг сув билан совитиш системаси шундай схема билан ишлайди. ЯМЗ-240Б ва 24Д двигателларининг совитиш системасида патрубка билан радиаторнинг устки бакчаси ва цилиндрлар каллагига уланган кенгайтиргич баки бўлади. Кен гайтиргич бак-суюқлик ҳажми иссиқликдан кенгайганида суюқликни совитиш учун қўшимча сиғимдир. Сувни мажбурий циркуляция қиладиган совитиш сис темаси ишлатилганида иссиқ ва совитилган сув температуралари фарқи 100 С дан ортиқ бўлмайди. Сувни мажбурий циркуляция қиладиган совитиш системаси буғ чиқариш трубаси 6 орқали ҳар доим атмосфера билан туташган бўлса (5.1- расм, а) бундай система очиқ система дейилади. Сувни мажбурий циркуляция қиладиган совитиш системаси буғ ва ҳаво клапанлари бирлаштирилган махсус қурилма 13 билан атмосферадан узиб қўйилган бўлса (5.1-расм, б) бундай система ёпиқ система дейилади. Ҳаво билан совитиш системасида двигатель деталларидан иссиқлик нинг олиб кетилиш цилиндрларни ва уларнинг алоқаларини ҳаво билан пуфлаб амалга оширилади.

Мотоцикллар ва мотороллерга қўйиладиган кам қувватли двигателларда деталлар ҳаракат вақтида қаршидан эсган ҳаво оқими билан совитилади. Трактор ва автомобиль двигателларини бундай усулда совитиш кифоя қилмайди. Шу сабабли бундай двигателларда вентилятор ёрдамида деталларни мажбурий пуфлаш тадбиқ қилинади. Д-37Е дизелида ўқли вентилятор ҳаво оқими кожух 1 (5.2-расм) орқали совитиладиган сиртларга ҳайдайди. Двигателни ҳаво билан совитиш системаси сув билан мажбурий совитиш ситемасига қараганда содда ва ишлатилиши қулай. Бундан ташқари, ҳаво билан совитиладиган двигателларнинг массаси ва габарит ўлчами сув билан совитиладиган двигателиникидан кичик бўлади. Ҳаво билан совитиш системасининг камчиликлари қуйидагилардан иборат: двигатель деталлари бир текис совитилмайди, вентилятор юритмасига индикатор қувватининг анчагина қисми (8% гача) исроф бўлади, двигателдан чиқаётган ҳаво температураси нисбатан юқори, ҳаво температураси 00 С дан паст бўлганида двигателни юргизиб юбориш қийин. 2.Радиатор ва термостатларнинг тузилиши Радиатор двигатель блокида қизиган совитиш суюқлигининг иссиқлигини ҳаво оқими таъсирида ташқи муҳитга тарқатиб, ҳароратини пасайтириш учун хизмат қилади. Радиатор (5.3-расм, а) устки 2 ва остки 11 баклар, ўзаклар 1 ва маҳкамлаш деталларидан иборат. Кўпчилик двигателларда ўзаклари бир неча қатор овал (ясси) ёки юмалоқ жез вертикал трубалар 13 дан иборат радиаторлар ишлатилади (5.3-расм, б). Трубаларнинг совитувчи сиртларини кенгайтириш ва уларнинг бикирлигини ошириш мақсадида уларга юпқа жез пластиналар 14 кавшарланган. Радиаторнинг устки ва остки баклари ҳамда уларни маҳкамлайдиган ёндорлар чўяндан қуйилади ёки жездан ясалади. Радиаторнинг устки баки 2

(5.3-расм, а) нинг қопқоқ 4 билан зич беркиладиган бўғзи бўлади, остки баки 11 га системадан сувни тўкиш учун кран 10 ёки тиқин ишланган бўлади. Баъзи радиатор ўзакларида трубаларнинг учи труба тахталар деб аталадиган четки пластиналар устида бир оз чиқиб туради, улар пластиналар 14 га нисбатан бир оз қалинроқ металл листдан ясалади. Радиаторни тегишли равишда қимирламайдиган бўлиши учун устки ва остки баклари пўлат (Д-50 ва А-41 ёки жез Д-240 ва ГАЗ-52) ёндорлар (тиргаклар) билан маҳкамланади. ГАЗ-53 двигателнинг радиаторлари алюминий қотишмасидан ясалади. Совитиш ситемаси ичида босимни орттириш ёки унда сийракланишни ҳосил қилишда совитиш системасини атмосфера билан туташтириш керак. Бу функцияни буғ ва ҳаво клапанлари бажаради. Бу клапанларнинг ишлаш принципи ва тузилиши барча двигателларда бир хил бўлади. Улар одатда радиатор бўғзи қопқоғи 4 га (5.3-расм, а) ўрнатилади. Буғ клапани 2 (5.3-расм, а) системасида ортиқча босим, 0,03-0,04 МПа га тенг бўл ганида очилади ва буғ совитиш системасида турба 1 орқали атмосферага чи қарилади. Ҳаво клапани 9 сув совиб совитиш системасида сийракланиш пайдо бўлганида радиатор трубкаларини деформацияланишдан сақлаш учун хизмат қилади. Ҳаво клапани системасида сийракланиш 0,001- 0,01 МПа га етганда очилади, шунда совитиш системасига трубка 1 орқали ҳаво киради. Термостат двигателни юргизиб юборишда сув исишини тезлаштириш ва унинг температурасини маълум чегарада автоматик тутиб туриш учун хиз мат қилади. Д-50, Д-240, ГАЗ-52 ва ЯМЗ-238 НБ дизелларида икки клапан су - юқлик термостатлари (5.4-расм), ГАЗ-53 двигателида битта клапанли термостат ишла тилади. Икки клапанли суюқлик термостатнинг ишлашини кўриб ўтамиз. Термостатнинг асосий қисми юпқа жез листдан ясалган ва қисман тез

буғланадиган суюқлик билан тўлдирилган ғилофли (бўғим-бўғим баллон сильфон) 1 дан иборат. Сильфон пастки тарелкаси билан термостат корпуси 3 га маҳкамланган кронштейн 9 га кавшарланган. Сильфоннинг устки тарелкасига ёрдамчи клапан 4 ва асосий клапанли 7 шток 11 кавшарланган. Термостат цилиндрлар каллигидан радиаторга сув келадиган патрубкага ёки махсус корпусга (Д-50 двигателида) сильфони сув ғилофига қаратиб қўйилади. Термостат корпуси 3 нинг корпус ён сиртида иккита туйнук 5 мавжуд. Асосий клапан 7 тарелкасида совитиш системаси сув билан тўлдирилганида ҳаво чиқиши учун кичикроқ тешик 8 бўлади. Сув температураси 68 0 С дан паст бўлганида асосий клапан 7 (5.5-расм, а) эгарга жипс сиқилади ва сув цилиндрлар каллагидан туйнук 5 орқали патрубка 2дан насос 8га тушади, сўнгра блок-картернинг сув ғилофига боради. Бу сув циркуляциясининг кичик давраси дейилади. Двигателнинг бу иш даврида циркуляцияланадиган сув миқдори унчалик катта бўлмайди, чунки сув радиатор 6 орқали ўтмайди, у тез қизийди. Сув температураси кўтарилиши билан сильфондаги суюқлик тўйинган буғга айланади ва сильфонда босим ортади. Шунинг учун сув температураси 68 дан 72 0 С гача кўтарилганда асосий клапан 7 секинлик билан очилади, ёрдамчи клапан 4 эса туйнукча 5ни ёпади. Бунда сувнинг бир қисми кичик давраси бўйича, қолган қисми эса радиатор орқали катта давра бўйича (цилиндрлар каллаги-сув ғилофи-термостат-радиатор-насос-блок-картернинг сув ғилофи орқали) циркуляцияланади. Асосий клапан қанча катта очилса, радиатор орқали шунча кўп сув циркуляцияланади. Сув температураси 860 С га етганида асосий клапан тўла очила ди. Барча сув радиатор орқали циркуляцияланади. 412, СМД-60, ЯМЗ-240Б ва ЗИЛ-130 двигателларида қаттиқ тўлдиргичли термостат ишлатилади.

3.Насослар ва вентиляторларнинг тузилиши Автотрактор двигателлардаги сув билан мажбурий совитиш системаси га габарит ўлчовлари кичик, иш унуми нисбатан катта бўлган марказдан қочирма типдаги насослар ўрнатилади. Д-240 дизель насосининг чўян корпуси 14 (5.6-расм) даги иккита шарикли подшипник 15 да насос валиги 4 айланади. Валик 4 нинг олдинги учида шпонка 3 га гупчак 2 кийдирилади, орқа учида дискига парракча 9 маҳкамланган. Парракча болт 10 билан ўрнатилган. Валикнинг орқа учи сальник 11 билан зичланган. Насос блок-картернинг олдинги деворига маҳкамланган. Гупчак 2 га болтлар билан шкив 5 бураб маҳкамланган. Вентилятор шкиви, демак, валик 4 двигатель тирсакли вали шкивидан қайиш 16 воситасида айлантирилади. 4.Совитувчи суюқликлар Ички ёнув двигателларида совутувчи суюқлик сифатида сув, антифризлар ва антифриз суюқликлари ишлатилади. Сув таркибида бир оз миқдорда кальций ва магний тузлари бор, тоза бўлиши керак. Сувнинг қаттиқлиги килограммга миллиграмм-эквивалентлар (мг-экв/кг) билан ўлчанади. Сувнинг таркибида 2 мг- экв/кг гача туз бўлса, юмшоқ, 2дан 5 мг- экв/кг гача ўртача қаттиқ, 5 дан 10 мг- экв/кг гача қаттиқ ҳисобланади. Таркибида эриган кўп минерал тузли қаттиқ сувни маълум даражагача юмшатмасдан ишлатиши ярамайди, чунки двигатель ишлаганида сувдаги тузлар двигателларнинг деворларига ўтиб қаттиқ қуйқа қатлам ҳосил қилади. Қуйқа деворларнинг иссиқ ўтказувчанлигини пасайтиради ва сувнинг циркуляциясини ёмонлаштиради, чунки сув ғилофи каналлари ва радиатор трубаларининг кесимлари тораяди. Буларнинг барчаси двигателнинг қизишига, қувватининг камайишига ва деталларнинг тез ейилишига олиб келади.

Сувни юмшатишнинг энг оддий усули уни 30-40 мин давомида қайнатиб, тиндириб, кейин матодан ишланган фильтрдан ўтказишдан иборат. Иш тугагандан кейин совитиш системасидан тушириб олинган сувни йиғиб, тиндиргач яна фойдаланиш учун фильтрдан ўтказиш керак. Сувга тринатрий фосфат, оҳак, кальцийли сода қўшиб химиявий юмшатиш усуллари кенг тарқалган. Этиленгликол икки маркада: М 40 (47% сув, 53% этил) ва М 65 (34% сув, 66% этиленгликоль) ишлаб чиқарилади (ГОСТ 159-52). Антифриз М 40 ташқи ҳаво температураси минус 400 С бўлганида ишлатилиши, антифриз М 65 эса минус 65 0 С бўлганда ишлатилиши мумкин. Антифризни совитиш системасига сувга нисбатан 5-7% (ҳажми бўйича) кам қўйиш керак, чунки улар исиганида кенгаяди. Антифризни ишлатиш процессида унинг зичлигини ареометр воситасида вақти-вақти билан текшириб туриш керак, чунки двигатель ишлаганида антифриздан сув буғланиб кетади. Антифризга тоза юмшоқ сув қўйиб ками тўлдириб турилади. Этиленгликол антифризлар жуда заҳарли буни эсда тутиш керак. Совитиш системасига антифриз қўйилган машинада ишловчилар ундан фойдаланиш қоидаларига қатъий риоя қилиш керак. Антифриз киши организми учун заҳарли. Унинг иссиқлик сиғими сувникига нисбатан анча кам. Шунинг учун совутувчи суюқлик сифатида антифриз қўлланганда тармоқнинг иссиқлик тарқатиш қобилияти сув билан совитилгандагига нисбатан паст, натижада цилиндрлар деворининг ҳарорати 15…20 0 С га ортиқроқ қизийди. Шу сабабли антифризни иссиқ кунда қўлланилиши баъзан двигателни ҳаддан ташқари қиздириб юборади. Юқорида айтилган сабабларга кўра совитувчи суюқлик сифатида қиш даврида антифриз ва ёз кунларида тоза юмшоқ сув ишлатиш мақсадга мувофиқ. ФОЙДАЛАНИЛГАН АДАБИЁТЛАР

1. Mamatov X. Avtomobillar (Avtomobillar konstruksiyasi asoslari) 1 va 2 qism. Darslik, Toshkent, О‘qituvchi, 1995 yil. 2. Mamatov X. Avtomobillar (Avtomobillar konstruksiyasidan oliy о‘quv yurtlari uchun programmalashtirilgan о‘quv qо‘llanmasi). Toshkent, О‘qituvchi, 1998 yil. 3. Mamatov X.M. Turdiyev Y.T. Shomaxmudov SH.SH., Qodirxonov M.O. Av - tomobillar (Konstruksiya va nazariy asoslari). Darslik, Toshkent, О‘qituvchi, 1982 yil. 4. Sergeyev V.V. Avtotraktorniy transport. V.SH. Moskva-1984. 5. Anoxin V.I. Ustroystvo avtomobiley. M.,1977. 6. Bagirov D.D. D.V.S. stroitelnix i dorojnix mashin. M.,1974 7. Gurevich A.M. Traktori i avtomobili. M.,1978. 8. S.M.Qodirov, M.O.Qodirxonov. Dvigatel va avtomobillar nazariyasi. Toshkent, О‘qituvchi, 1981 yil. 9. T.S.Xudoyberdiyev. Traktor va avtomobillar nazariyasi hamda hi sobi. Toshkent, О‘qituvchi, 1984 yil.

Похожие

Двигателларни мойлаш системаси. Двигателларнинг мойлаш системаларининг классификацияси

Совитиш тизими.

Двигателларнинг кривошип-шатунли механизми

Карбюраторли двигателларнинг таъминлаш тизими

Ички ёнув двигателларининг иш жараёни ва асосий кўрсаткичлари