Двигателларнинг кривошип-шатунли механизми - Транспорт - Рефераты

Двигателларнинг кривошип-шатунли механизми

Загружено в:

20.09.2019

Скачано:

0

Размер:

39 KB

Двигателларнинг кривошип-шатунли механизми Деярли барча карбюраторли двигателларда цилиндрлар блоки каллаги алюминийли қотишмадан тайёрланади. Бундай каллаклар енгил ва иссиқликни яхши ўтказувчан бўлади. Бундай хусусият двигателнинг сиқиш даражасини, қувватини ёнилғи тежамлигини ошириш имкониятини беради. Дизель двигателларида цилиндрлар блоки каллаги легирланган чўяндан тайёрланади. Цилиндрлар каллагининг ички қисми каваксимон бўлиб, совитувчи суюқлик учун сув ғилофи ҳисобланади. Совитувчи суюқлик сув ғилофида айланиб туриши керак. Шунинг учун цилиндрлар головкасини цилиндрлар блоки билан зич туташтириш мақсадида улар орасига пулат асбестли қистирма (прокладки) қўйилади ва шпилька билан маҳкамланади. Цилиндр ичида содир бўладиган иш циклининг барча жараёнлари пор шен ёрдамида бажарилади. Поршен юқори босим ва ҳарорат шароитида ишлайди, бундан ташқари унга ўзгарувчан инерция кучлари таъсир этади. Шунинг учун поршен қуйидаги талабларга жавоб бериш керак: иссиқлик ўтказувчан, едирилишга чидамли ва енгил бўлиши керак. КамАЗ – 740 двигателларининг поршени этагида (юқорида айтилган поршенлар каби) «Т» ёки «П» форма шаклидаги кесиклар ишланмаган. Чунки бундай поршенлар, таркибида 30 фоиз кремний бўлган алюминийли қотишмадан тайёрланганлиги учун иссиқликдан кам кенгайиш хусусиятига эга. Лекин бу поршенлар ҳам бўйига конусли, этаг кесими эса овал шаклида ишланган. Поршен каллагида поршен ҳалқалари учун ариқчалар ясалган. Кам АЗ- 4310, ЗИЛ-131 ва Урал-4320 двигателлари поршен каллагидаги ариқча- ларнинг чидамлигини ошириш мақсадида уни тубига чўян ҳалқа қўйилади. Сунгра чўян ҳалкада компрессион ҳалқа учун ариқча қўйилади.

Поршен этагининг юзаси цилиндрнинг ички юзасига яхши мослашиб ишлашини таъминлаш учун унинг ташқи юзаси юпқа (0,004…0,006 мм) қалинликда қалайланади. КамАЗ-4310, ЗИЛ-131 ва Урал-4320 двигателлари поршен каллагида 3 та компрессия учун ва 1 та мойсидиргич ҳалқалари мавжуд. Улар чўян-дан тайёрланган. Поршен бармоғи поршен билан шатунни ўзаро шарнирли ҳолда бириктириб туради. Поршен бармоғини нисбатан енгил бўлишлиги учун уни кавакли қилиб тайёрланади. Шатун поршенни тирсакли валнинг шатун бўйни билан бирлаштиради. Шатун, шунингдек поршеннинг туғри чизиқли илгарилама-қайтма ҳаракатини тирсакли валнинг айланма ҳаракатига айлантириб бериш учун ҳам ҳизмат килади. Шатуннинг пастки каллагига ишқаланишни камайтирадиган антифрикцион қотишмадан қўйилган юпқа ичқуймалар ўрнатилган. Ичқуймалар пўлат лента (карбюраторли двигателларда 1,3…1,8 мм, дизел двигателларида 2…3,6 мм қалинликда) юзасига юпқа антифрикцион қатлам (карбюраторлида-0,25…0,40 мм, дизельда – 0,3…0,7 мм) қопланилади. Антифрикцион, қатлам сифатида карбюраторли двигателларда қалай- алюминий-ли қотишма (30 % қалай) ва дизелларда қўрғошинли бронза (30 % бронза) ишлатилади. Тирсакли вал поршен орқали шатундан берилаётган кучни қабул қилиб айланма ҳаракат қилади. Тирсакли вални болғалаш усули билан легирланган пулатдан тайёрланади. Тирсакли валида 5 та ўзак бўйинлари ва 4 та шатун бўйинлари бор. Ҳар бир шатун бўйнига 2 тадан шатун маҳкамланади. Маховик бошқа двигателларникидан фарқ қилмайди. Двигател ўзига ўрнатилган барча асбоб-ускуналар билан рамага автомобил тебранганда унинг кронштейнларига зўриқиш келмаслиги учун эластик равишда бириктирилади. ЗИЛ-131 автомобили двигатели рамага уч, Урал-4320 тўрт, КамАЗ-4310 беш жойдан маҳкамланади. Маҳкамланадиган жойларида резина ёстиқчалар ўрнатилган.

Адабиётлар 1. Транспорт воситаларининг тузилиши ва назарияси. Э.З Файзуллаев таҳрири остида. Тошкент- “Zarqalam”, 2005.-412 б. 2. Основў конструкции автомобилей. Под ред. проф. Иванова А.М. М.: За рулём, 2005.- 375с. 3. Устройство многооснўх полноприводнўх колеснўх и бўстроходнўх гусеничнўх машин. Под ред. проф. Г.И. Гладкова. М.: «Транспорт» 1996.- 240с. 4. Юрчевский А.И., Толпигўн В.А. Автомобили КамАЗ. М.: Транспорт.- 1976.

Похожие

Двигателнинг кривошип-шатунли механизми

ЎзДЭУавто ва СамКочавто двигателларининг кривошип шатунли механизмлари

Двигателнинг кривошип-шатун ва газ таксимлаш механизми.

Ички ёнув двигателларининг иш жараёни ва асосий кўрсаткичлари

Ички ёнув двигателларининг иш жараени ва асосий курсаткичлари