Автомобиллар сервиси автомобилларга хизмат кўрсатишнинг умумий тан олинган усулидир - Транспорт - Рефераты

Автомобиллар сервиси автомобилларга хизмат кўрсатишнинг умумий тан олинган усулидир

Загружено в:

20.09.2019

Скачано:

0

Размер:

67 KB

Автомобиллар сервиси автомобилларга хизмат кўрсатишнинг умумий тан олинган усулидир Режа: 1. Автосервис тўгрида тушунча ва унинг иқтисодий-ижтимоий ахамияти. Хизмат турлари. 2. Мамлакатимизда автосервиснинг пайдо бўлиши ва ривожланиши тарихи ва хусусиятлари.

Автомобиллар сервиси (автосервис) автомобилларга ҳар жиҳатдан, ҳаммабоп усулда техник ва тижорий хизмат кўрсатувчи иқтисодий соҳадир. “Сервис” ингилизча “service” сўзи бўлиб, хизмат, аҳолига хизмат кўрсатиш маъносини билдиради. Ҳозирги замон инсоният турмуши ва маданиятининг муҳим техник воситаларидан бири автомобиллардир. Автомобилларнинг давлатлар иқтисодиёти, маданиятини ривожлантиришдаги, хавфсизлигини таъминлашдаги ва аҳолининг транспортга бўлган талабини қондиришдаги аҳамияти беқиёсдир. Автомобиллар эса, ўз навбатида, махсус хизматга, автосервис хизматига муҳтождирлар. Автосервис хизматига автомобил транспортининг ажралмас қисми сифатида қаралиши ва ривожланиши, айниқса мақсадга мувофиқдир. Чунончи, автосервис хизматининг бош мақсади ва аҳамияти ҳам мамлакат автомобиллари, автомобил транспортининг қайси мулк шаклида бўлишидан қатъий назар, бетўхтов, хавфсиз, тежамкор ва ишончли ишлашини таъминлашдир. Деярли ҳар куни автосервис хизматисиз биронта автомобил ўз вазифасини бажара олмайди, ишга чиқувчи автомобилларни ёнилги-мой билан таъминлаш, уларни бутлаш (комплектлаш), ювиш-тозалаш ва синчиклаб кўрикдан ўтказиш талаб этилади. Техник хизмат ва ремонт ишларини талаб этувчи автомобилларга эса махсус профилактик ва ремонт - таъмирлаш ишлари ўтказилади. Умуман, автомобилларга сервис хизмати сифатида ўтказиладиган ишлар уч қисмдан, яъни техник хизмат, тижорий ва информацион хизмат ишларидан иборатдир. Шу нуқтаи назардан техник хизмат ишлари дейилганда автомобил, унинг агрегатлари, деталлари ва қисмлари техник ҳолатини созлаш-ростлаш ва тиклаш - таъмирлаш билан боглиқ бўлган ишлар жамланмаси кўзда тутилади. Чунончи: -автомобилларга техник хизмат кўрсатиш, уларни таъмирлаш; -автомобил агрегатлари, деталлари, кузовлари, шиналари, аккумулятор-ларини таъмиралш, иш қобилиятини тиклаш; -автомобилларни буюртмалар асосида диагностика қилиш;

-автомобилларга кўчаларда, йўлларда, сақлаш жойларида талабга асосан техник ёрдам кўрсатиш; -автомобилларни қайта жиҳозлаш; -автомобилларни давлат техник қаровига тайёрлаш; -енгил автомобиллар ва автобуслар кузовларига коррозияга қарши ишлов бериш; -аварияга учраган автомобиллар кузовларини тиклаш; -автомобилларни вақтинча ва доимий сақлашларни ташкил этиш; -автосервис хизматининг ўзига-ўзи хизмат кўрсатиш шаклини ташкил этиш; -техник консультация, ахборот бериш ва ҳ.к. Тижорий хизмат ишлари эса автомобиллар эҳтиёт қисмлар, автоматериал-лар, ва автоанжомлар билан таьминлаш, савдо ва реклама қилиш ва умуман, бу соҳанинг бизнес сифатидаги фаолияти тушунилади, аниқроги: -автомобиллар, эҳтиёт қисмлар, автоматериаллар, автоанжомлар билан савдо қилиш. - автомобилларни ёнилги-мой материаллар билан таьминлаш; - кўрсатиладиган хизмат турларини реклама қилиш, мижозларни ахборот билан таьминлаш, соҳадаги рақобатга мослашиш, мижозларнинг талаблари, фикрлари ва дидларини доимо ўрганиб, иш фаолиятида ҳисобга олиб бориш ва ҳ.к. Автосервис хизмат турларига, шунингдек, аҳоли автомобилларини комиссион усулда сотиб бериш, аҳолига транспорт хизмати кўрсатиш ва автомобилларни ижарага бериш кабилар ҳам киради. Автосервиснинг иқтисодий ва ижтимоий аҳамияти ватанимиз автомобил транспорти ва аҳоли автомобиллари учун улкан бўлиб, унинг хизматидан йил давомида бир миллиондан ортиқ автомобил эгалари доимий фойдаланадилар. Республикамиз автосервиси ўзига хос ривожланиш тарихи ва йулига эга. Маьлумки, жаҳон автосервиси автомобил саноати ва

транспортига тенгдош бўлиб, улар билан бирга ривожланган ва бир хил тарихга эга. Зотан, жаҳон автомобил бозорларини эгаллаш ҳамма вақт замонавий автомобил сервиси узлуксиз ишлаб туришини талаб этган. Ваҳоланки, собиқ давлатимизда автосервиснинг пайдо бўлиши ва ривожланиши асосан фуқароларнинг автомобилларга эга бўлиши билангина боглиқ бўлган. Давлат сиёсати, ҳамма соҳада бўлганидек, автомобил транспортида ҳам асосан жамоат транспортини ривожлантиришга қаратилган эди. Шахсий, фуқаролар транспорти иккинчи даражали ҳисобланар ва унинг транспорт системасидаги ўрни қадрланмас, унга хизмат кўрсатиш автомобил эгаларининг ўз муаммолари бўлиб қолган эди. Автомобилларга техник хизмат кўрсатувчи корхоналар мамлакатни фақат йирик ва марказий шаҳарларидагина бўлиб, улар асосан чет эл саёҳатчилари ва элчихоналар автомобилларига хизмат қилар эди. Фақат 60 йилларнинг иккинчи ярмидан бошлаб махсус, аҳоли автомобилларига хизмат кўрсатувчи корхоналар ташкил қилиниб, ишга туширила бошлади. 1968 йилда ҳукуматнинг “Фуқаролар автомобилларига техник хизмат кўрсатишни ташкил этиш” тўгрисидаги қарори бу соҳага давлат аҳамиятига эга масала сифатида ёндошиш бошланганидан дарак берди. Аҳоли автомобил парки ҳам, айниқса, 1970 йиллардан бошлаб, тез сурьатлар билан ўса бошлади. ўша пайтдаги статистик маьлумотларга қараганда, аҳолининг автомобиллашгани, яьни 1972------ 6 1976------ 14 1991------ 42.4 1973------ 8 1986------ 38.5 Ҳар-бир 1000 кишига тўгри келадиган автомобиллар сони мамлакатимизда юқоридагича ўсиб борган. Ўзбекистон аҳолиси автомобил парки 1991 йил бошида 1 млн.га яқинлашиб қолган ва маркаларига қараб қуйидагича тақсимланган эди: “ЗАЗ”--------15,6%; “Москвич”-------- 26,9%;

“ВАЗ” ----------------- 47,4%; “Волга” барча моделлари -------- 2,9 %; “УАЗ” -469 барча моделлари------- 0,05%; бошқалар--------------------- 7,15%. Дастлабки ташкил этилган автосервис корхоналари автомобилларга техник хизмат кўрсатиш станциялари, автоустахоналар, автомобил прокат (ижарага бериш) пунктлари, автосақлаш жойлари маҳаллий ҳокимиятлар туман ва шаҳарлар ижроий комитетлари тасарруфларида бўлган, сўнгра (1969 йилдан) хукумат қарорига асосан, Ўзбекистон аҳолисига маиший хизмат кўрсатиш министрлиги ташкил этилиб, унинг таркибидаги “Ўзавтотеххизмат” бошқармасига ўтказилган. Мавжуд ишлаб турган автосервис корхоналари қаторига 1974 йилдан бошлаб фирма усулида техник хизмат кўрсатувчи “АвтоВАЗтеххизмат”, сўнгра“КАМАЗавтотеххизмат”, “АвтоЗАЗтеххизмат”, “Москвичавтотеххизмат” ва бошқа автомобил заводларига қарашли автосервис корхоналари қўшила бошлади. Фирма усулида автосервис хизмати кўрсатиш ўша пайтдаги давлатда, ва шу жумладан, Ўзбекистон учун ҳам янгилик бўлиб, бу соҳада янги давр бошланганидан дарак берар эди. Энди мамлакат автомобил заводлари дунё автомобилсозлик фирмалари изидан кетиб ўз маҳсулотларига ўзлари хизмат кўрсатиш мажбуриятларини ола бошлашди. Автосервис хизмати янги-боскичга кутарилди, унинг моддий- техника базаси мустаҳкамланди, хизмат кўрсатишнинг техник ва маданий савияси яхшиланадиган бўлди. Ўзбекистонда автосервиснинг ривожланиш тарихини қуйидаги даврларга бўлиш мумкин. Биринчи давр (этап) 1965-70)йиллар, бу даврда автосервис мустақил хизмат кўрсатиш соҳаси сифатида давлат томонидан тан олинди, ўз фаолиятини расмий равишда бошлади. Иккинчи давр (1971-81 йиллар). Автосервис ривожланиши Республика аҳолиси автомобил паркининг кескин ўсиб бориши билан бирга кузатилди. Масалан: 1965 йилда мамлакатимизнинг ҳар бир 1000 аҳолиси

бошига 3 та шахсий автомобиллар тўгри келса, 1972 йили 6 та, 1978 йили 15 та, 1981 йили 35 та автомобиллар тўгри келди. Шунга биноан, автосервис хизмати кўрсатиш ҳажми биринчи даврга нисбатан 13 баробар ошди, ишчи постлар сони 14 марта кўпайди. Бу даврда Республика автосервиси бутунлай янги, фирма усулда хизмат кўрсатувчи, фирма усулида “АвтоВАЗтеххизмат” ва “КАМАЗтеххизмат” келиб қўшилди. Автосервисни моддий-техника базаси жиддий равишда мустаҳкамланди. Учинчи давр (1981-90 йилларда) соҳанинг ривожланиши автосервис корхоналари тармоқлари ва таркибининг янада ўсиши ва уларнинг моддий-техника базасини янада мустаҳкамланиши билан белгиланди. Автосервис корхоналари тармоқлари ўсиши энг аввало ширкат усулидаги корхоналарнинг ва фирма усулида ишловчи “Москвич”, “ГАЗ” ва ҳ.к. сервис корхоналарининг ташкил этилиши ва ишга туширилиши билан боглиқдир. Техник хизмат кўрсатиш станциялар, махсус автомарказлар, ва автоустахоналарнинг умумий сони фақат “Узавтотеххизмат” бошқармаси таркибида, 1991 йил январида 282 корхонани ташкил этди. Улардаги ишчи постларнинг умумий сони 1152 тага, фирма усулида хизмат кўрсатувчи “АвтоВАЗтеххизмат”, “Москвич”,”АвтоЗАЗ” ва «АвтоГАЗтеххизмат»лар 50 та, корхоналаридаги ишчи постларни сони эса 408 тага етди. Тўртинчи давр (1991-96йиллар) автосервиснинг ривожланишида, бутун мамлакатдаги иқтисодий-ижтимоий таназзул сабабли тургунлик, ҳатто чекинишлар юз берди. Кўрсатилаётган хизматлар ҳажми кескин камайди, кўпгина корхоналар, айниқса, ширкат усулида ташкил бўлганлари ёпилди. Инженер-техник ходимлар, мутахассислар ва ишчиларнинг анчагина қисми (30 ; 40% лар атрофида) ишдан бўшаб кетди. Чунки мамлакатни иқтисодий ва молиявий аҳволи жуда мураккаб таназзул ҳолида эди. Бешинчи давр (1996 - ҳозирга қадар) соҳада яна ривожланиш, хизмат турлари ва ҳажмининг сезиларли ўсиши, ишлаб чиқариш техника базасини яна мустаҳкамланиши, мамлакатда иқтисодий ислоҳотлар

ўтказилиши сабабли, автосервис корхоналари тармоқлари ва таркибининг яна кенгайиши ва ўсиши, кичик ва ўрта бизнес шаклида ишловчи кўпдан-кўп хусусий автосервис корхоналари, автоустахоналар, техник хизмат кўрсатувчи постлар сонининг кескин кўпайиши, ва айниқса, мамлакатимизда автомобилсозлик саноатининг ишга тушиши (“УзДЭУАвто” ва “СамкочАвто” корпорациялари) ва улар томонидан қайта реконструкция қилинган автомарказлар ва дилер станцияларнинг ишга тушиши кузатилди. Соҳада автосервис бозори ва унда рақобат пайдо бўлди, Тошкент шаҳрида, «Тоёто», «Мерседес-Бенц» компанияларини автосервис дилерлари ишга туширилди. Шу нарса аёнки, мамлакатимиз автосервиси ўз ривожланишининг истиқболли йўлини танлади ва бу йўлдан собит қадам билан кетмоқда. Аммо республикамизда автосервис хизмати кўрсатиш ишлари талаб даражасида эмас, бу соҳада бир қанча муаммолар мавжуд бўлиб, уларни бартараф этиш масалалари ҳал қилиш лозим бўлади.

АДАБИЁТЛАР 1. Афанасьев Л.Л. и др. Гаражи и станции технического обслуживания автомобилей.- М.: Транспорт, 1980 г. 2. Техническая эксплуатация автомобилей. Учебник для ВУЗов. Под ред. Е.С.Кузнецова.-М.: Транспорт, 2001 г. 3. Е.С.Кузнецов. Техническая эксплуатация автомобилей в США.-М.: Транспорт, 1992 г. 4. Г.Ф.Фастовцев. Автотехобслуживание. М: «Машиностроение» 1985г. 5. Г.Ф.Фастовцев. Организация технического обслуживания и ремонта легковўх автомобилей. – М.: Транспорт, 1989 г. 6. М.И.Гриф и др. Качество, эффективность и основў сертификации машин и услуг.-М.: Транспорт, 1999 г. 7. Г.М.Напольский. Технологическое проектирование автотранспортнўх предприятий и станций техобслуживания автомобилей.-М.: Транспорт, 1993. 8. А.И.Хлявич. Обслуживание автомобилей.- М.:Транспорт,1989 г. 9. Руководство по обслуживанию автомобилей « DAEWOO », KOREA , 2000.

Похожие

Автомобиллар сервиси ва автомобилларга хизмат кўрсатишнинг умумий тан олинган услублари

Автомобилларга сервис усулида хизмат кўрсатиш

Автомобилларга техник хизмат кўрсатувчи станциялар

Автотранспорт воситалари сервиси асослари

Автотранспорт воситалари сервиси тизим