Автомобиллар сервиси ва автомобилларга хизмат кўрсатишнинг умумий тан олинган услублари - Транспорт - Рефераты

Автомобиллар сервиси ва автомобилларга хизмат кўрсатишнинг умумий тан олинган услублари

Загружено в:

20.09.2019

Скачано:

0

Размер:

68 KB

Автомобиллар сервиси ва автомобилларга хизмат кўрсатишнинг умумий тан олинган услублари Режа : 2. Техник хизмат ишлари. 3. Тижорий ва ахборот (инфармацион) хизмати ишлари .

Автомобиллар сервиси автомобилларга ҳар жиҳатдан, турли усулларда техник ва тижорий хизмат кўрсатувчи соҳа ҳисобланади. “Сервис” ингилизча “service” сўзи булиб, хизмат, хизмат кўрсатиш маъносини билдиради. Автосервис хизматининг асосий мақсади мамлакатимиздаги автомобил транспортини, қайси мулк шаклида бўлишидан катъий назар, бетўхтов, хавфсиз, тежамкор ва ишончли ишлашини таъминлашдир. Деярли ҳар куни автосервис хизматисиз биронта автомобил ўз вазифасини бажара олмайди, ишга чиқувчи автомобилларни ёнилғи-мой билан таъминлаш, уларни ювиш- тозалаш ва синчиклаб кўрикдан ўтказиш талаб этилади. Умуман, автомобилларга сервис хизмати сифатида ўтказиладиган ишлар техник, тижорий ва информацион хизматлардан иборатдир. Техник хизмат ишлари дейилганда автомобил, унинг агрегатлари, деталлари ва қисмлари техник ҳолатини созлаш, ростлаш ва таъмирлаш билан боғлиқ бўлган ишлар жамланмаси кўзда тутилади. Чунончи; -автомобилларга техник хизмат кўрсатиш, уларни таъмирлаш; -автомобиллар агрегатлари, деталлари, кузовлари, шиналари, аккумуляторларини таъмирлаш ва иш қобилиятини тиклаш; -автомобилларни буюртмалар асосида диагностика қилиш; -автомобилларга кўчаларда, йўлларда, сақлаш жойларида талабга биноан техник ёрдам кўрсатиш; -автомобилларни қайта жиҳозлаш; -автомобилларни Давлат техник қаровига тайёрлаш; -енгил автомобиллар ва автобуслар кузовларига коррозияга қарши ишлов бериш; -аварияга учраган автомобиллар кузовларини тиклаш; -автомобилларни сақлаш; -автосервис хизматининг ўзига-ўзи хизмат кўрсатиш ишларини ташкил қилиш; -техник маслахат, ахборот бериш ва ҳ.к.

Тижорий ва ахборот (инфармацион) хизмати ишлари эса автомобилларни эҳтиет қисмлар, автоэксплуатацион материаллар ва автоанжомлар билан таьминлаш, савдо ва реклама қилиш хамда бу сохани бизнес сифатидаги фаолияти тушунилади, аниқроғи: -автомобиллар, эхтиет кисмлар, автоматериаллар, автоанжомлар билан савдо килиш; - автомобилларни ёнилғи-мой материаллар билан таьминлаш; - кўрсатиладиган хизмат турларини реклама қилиш, мижозларни ахборот билан таьминлаш, сохадаги рақобатга мослашиш, мижозларнинг талаблари, фикрлари ва дидларини доимо ўрганиб, иш фаолиятида ҳисобга олиб бориш ва ҳ.к. Автосервис хизмат турларига шунингдек, ахоли автомобилларини комиссион усулда сотиб бериш, аҳолига транспорт хизмат кўрсатиш ва автомобилларни ижарага бериш кабилар хам киради. Автосервиснинг иктисодий ва ижтимоий ахамияти Ватанимиз автомобил транспорти ва аҳоли автомобиллари учун катта бўлиб унинг хизматидан йил давомтида миллионларча автомобиллар доимий фойдаланадилар. Республикамиз автосервиси ўзига хос ривожланиш тарихи ва йулига эга. Маьлумки, жахон автосервиси автомобил саноати ва транспортига тенгдош бўлиб улар билан бирга ривожланган ва бир хил тарихга эга. Зотан, жаҳон автомобил бозорларини эгаллаш хамма вақт замонавий автомобил сервис узлуксиз ишлаб туришини талаб этган. Вахалонки МДҲ да автосервисни пайдо бўлиши ва уни ривожланиши асосан фукароларни автомобилларга эга бўлиши билангина боғлиқ бўлган. Давлат сиёсати, хамма сохада булганидек, автомобил транспортида хам асосан жамоат тарнспортини ривожлантиришга қаратилган эди. Шахсий, фуқаролар транспорти, икикнчи даражали хисобланар, ва уни транспорт тизимидаги ўрни қадрланмас, унга хизмат кўрсатиш автомобил эгаларини ўз муаммолари бўлиб қолган эди. Автомобилларга техник хизмат кўрсатувчи корхоналар мамлакатни фақат йирик ва марказий шахарларидагина бўлиб

улар асосан чет эл саёхатчилари ва элчихоналари автомобилларига хизмат қилар эди. 1960 йилнинг иккинчи ярмидан бошлаб аҳоли автомобилларига хизмат кўрсатувчи махсус корхоналар ташкил қилиниб ишга тушабошлади. Ўша даврда хукуматининг 1968 йилда “Фуқоролар автомобилларга техник хизмат кўрсатишни ташкил қилиш” тўғрисидаги қарори бу сохага давлат аҳамиятига эга масала сифатида ёндошиш бошланганидан дарак берди. Аҳоли автомобил парки хам 1970 йиллардан бошлаб, тез сурьатлар билан ўса бошлади. Статистик маьлумотларига қараганда ҳар 1000 кишига тўғри келадиган автомобиллар сонининг ўсиб бориши 1 жадвалда кўрсатилган. Ўзбекистон аҳолисининг автомобил парки 1991 йил бошида 1 млн. га яқинлашиб қолган ва маркаларига қараб қуйидагича тақсимланган эди: “ЗАЗ”-15,6%; “Москвич”-26,9%; “ВАЗ”-47,4%; “Волга - 2,9 %; “УАЗ” барча моделлари-0,05%; бошқалар (чет эл автомобиллари)- 7,15%. 1 жадвал Ҳар 1000 кишига тўғри келадиган автомобиллар сонининг ўсиб бориши Йиллар Мустақил давлатлар ҳамдўстлигида Ўзбекистонда 1972 8 6 1973 10 8 1978 16 14 1981 43 38.5 1986 59 42 Дастлабки ташкил қилинган ган автосервис корхоналар- автомобилларга техник хизмат кўрсатиш станциялари, автоустахоналар, автомобилларни ижарага бериш пунктлари, автосақлаш жойлари, махаллий хокимиятлар, район ва шахарлар ижроий комитетлари тасарруфиларида бўлган, сўнгра улар хукумат қарорига асосан Узбекистон ахолисига маиший хизмат кўрсатиш вазирлиги ташкил қилиниб, унинг таркибидаги “Узавтотеххизмат” бошқармасига ўтказилган.

Мавжуд ишлаб турган автосервис корхоналари қаторига 1974 йилдан бошлаб фирма усулида техник хизмат кўрсатувчи “АвтоВАЗтеххизмат”, сўнгра “КАМАЗавтотеххизмат”, “АвтоЗАЗтеххизмат”, “Москвичавтотех- хизмат” ва бошқа автомобил заводларига қарашли автосервис корхоналари қўшила бошлади. Фирма усулида автосервис хизмати кўрсатиш ўша пайтда МДҲ ва шу жумладан Ўзбекистон учун хам янгилик бўлиб, бу сохада янги давр бошланганидан дарак берар эди. Энди мамалакат автомобил заводлари дунё автомобилсозлик фирмалари, изидан кетиб ўз маҳсулотларига ўзлари хизмат кўрсатиш мажбуриятларини ола бошлашди. Автосервис хизмати янги-боскичга кўтарилди, унинг моддий-техника базаси мустахкамланадиган, хизмат кўрсатишнинг техник ва маданий савияси яхшиланадиган бўлди. Автосервиснинг Ўзбекистондаги ривожланиш тарихини қуйидаги даврларга бўлиш мумкин: Биринчи давр(1965-70 йиллар) - бу даврда автосервис мустақил хизмат кўрсатиш сохаси сифатида Давлат томонидан тан олинди, ўз фаолиятини расмий равишда бошлади. Иккинчи давр(1971-81 йиллар) - автосервисни ривожланиши Республика аҳолиси автомобил паркини кескин ўсиб бориши билан бирга кўзатилди. Масалан: 1965 йилда мамлакатимизнинг хар бир 1000 аҳолиси бошига 3 та шахсий автомобиллар тўғри келса, 1972 йили 8 та, 1978 йили 14 та, 1981 йили 38.5 та автомобиллар туғри келди. Шунга биноан автосервис хизмати кўрсатиш ҳажми биринчи даврга нисбатан 13 баробар ошди, ишчи постлар сони 14 марта купайди. Бу даврда Республика автосервиси бутунлай янги фирма усулида хизмат курсатувчи “АвтоВАЗтехобслуживание” ва “КАМАЗтеххизмат”лар келиб кушилди. Автосервисни моддий-техника базаси жиддий равишда мустахкамланди. Учинчи давр (1981-90 йилларда) – автосервиснинг ривожланиши корхона тармоқлари ва таркибининг янада ўсиши ва уларнинг моддий- техника базасини янада мустахкамланиши билан тавсифланади. Автосервис корхоналари тармоқларининг ўсиши энг аввало ширкат(кооператив)

усулидаги корхоналарни ва фирма усулида ишловчи “Москвич”, “ГАЗ” ва ҳ.к. сервис корхоналарини ташкил қилиниши ва ишга туширилиши билан боғлиғдир. Техник хизмат кўрсатиш станциялар, махсус автомарказлар ва автоустахоналарнинг умумий сони фақат “Узавтотеххизмат” бошкармаси таркибида 1991 йилнинг январигача 282 тани ташкил қилди. Улардаги ишчи постларни умумий сони 152 тага, фирма усулида хизмат кўрсатувчи “АвтоВАЗтехобслуживание”, “Москвич”,”АвтоЗАЗ” ва “АвтоГАЗ” теххизматлар(50 та корхона)идаги ишчи постларни сони 408 тага етди. Тўртинчи давр(1991-96 йиллар) - автосервиснинг ривожланишида, бутун МДҲ даги сиесий иқтисодий-ижтимоий таназзул сабабли тургунлик, хатто чекинишлар юз берди. Кўрсатилаётган хизматлар ҳажми кескин камайди, кўпгина корхоналар, айниқса, ширкат усулида ташкил бўлганлар, ёпилди. Инженер-техник ходимлар, мутахассислар ва ишчиларни анчагина қисми (30 - 40% лар атрофида) ишдан бўшаб кетишди. Чунки мамлакатни иқтисодий ва молиявий аҳволи жуда мураккаб таназзул ҳолда эди. Бешинчи давр(1996-хозирга қадар) - сохада яна ўсиш, хизмат турлари ва ҳажмини сезиларли ўсиши, ишлаб-чиқариш техника-базасини янада мустахкамланиши, мамалакатда иқтисодий-ислохатлар ўтказилиши сабабли, автосервис корхоналари тармоқлари ва таркибини яна кенгайиши ва ўсиши, кичик ва ўрта бизнес шаклида ишловчи кўплаб хусусий автосервис корхоналари, автоустахоналар, техник хизмат кўрсатувчи постларни кескин кўпайиши, мамлакатимизда автомобилсозлик саноатини ишга тушиши (“УзДЭУАвто” ва “СамкочАвто” корпарациялари) ва улар томонидан қайта қурилган автомарказлар ва дилер станцияларни ишга тушиши. Сохада автосервис бозори ва унда рақобатни пайдо булиши. Аммо республикамизда автосервис хизмати кўрсатиш хали талаблар даражасида эмас, бу сохада бир қанча муаммолар мавжуд.

А Д А Б И Ё Т Л А Р 1. .Крамеринко Г.В, Барашков И.В. Автомобилларга техникавий хизмат кўрсатиш. Тошкент. 1998 й. 2. О.Х.Хамракулов, Ш.Магдиев. Автомобилларнинг техник экспулатацияси. Адолат 2005й., 256 бет 3. . Кленников Е.В.,Мартиров О.А.,Крилов Ф.М. Газобалоннье автомобили. Техническая эксплуатация. М: Транспорт 1986 г. 4. Краткий автомобильнўй справочник. М: Транспорт 1990 г. 5. . Милушкин А.А.,Черняйкин В.А. Автомобил ҳайдовчиси учун спра-вочник. Тошкент.  Ўқитувчи  1995 - 256 б. 6. . Положение о техническом обслуживании и ремонта подвижного состава автомобильного транспорта РУ - Ташкент: корпорация  Узавтотранс  - 1996 г. 7. . Рукаводство по ремонту и обслужеванию + инструкция по эксплу - атации автомобилей NEXIA , Т. “Туркестан” КФМЦ “ТКИСО” 2000, 358б. 8. . Рукаводство по ремонту и обслуж и ванию + инструкция по эксплуатации автомобилей TICO , Т. “Туркестан” КФМЦ “ТКИСО” 2000, 358б. 9. . Рукаводство по ремонту и обслужеванию + инструкция по эксплуа - тации автомобилей DAMAS , Т. “Туркестан” КФМЦ “ТКИСО” 2000, 358б. 10. . Техническая эксплуатация автомобилей. под редакцией проф. Е.С.Кузнецов М: Транспорт,1991 г.

Похожие

Автомобиллар сервиси автомобилларга хизмат кўрсатишнинг умумий тан олинган усулидир

Автомобилларга сервис усулида хизмат кўрсатиш

Автомобилларга техник хизмат кўрсатувчи станциялар

Автосервис ва автомобилларга техник хизмат курсатиш турлари

Автотранспорт воситалари сервиси асослари