Пилла чувиш технологияси ва техникаси - Текстиль - Рефераты

Пилла чувиш технологияси ва техникаси

Загружено в:

20.09.2019

Скачано:

0

Размер:

147 KB

Пилла чувиш технологияси ва техникаси Режа: 1. Пилла чувиш технологияси. 2. Хом ипакнинг шаклланиши. 3. Хом ипакнинг чизиқли зичлигини назорат қилиш ва ростлаш. 4. Пилла чувишда қўлланиладиган механик ва автомат пилла чувиш дастгоҳлари.

Пилла чувиш жараёнини мақсади - берилган чизиқли зичликдаги ва сифат кўрсаткичлари - қалинлиги, узилишга пишиқлиги, эластиклиги жипслиги, тозалиги ва бошқалари бўйича бир текис бўлган узлуксиз техник комплекс ипларни олиш. Бундай ипаклар хом ипак деб юритилади. Ва пилла чувиш жараёнида бир неча пилла ипларини қўшилиши натижасида олинади. Чувиш даврида пилла ипларининг битта комплекс ипларга йиғилиши даста деб аталади. Янги чувила бошланган пиллалар янги пиллалар, чувилиши охирига яқинлашган пиллалар эски пиллалар деб юритилади. Пилла иплари дастаси янги ва эски пиллалар йиғиндисидан иборат бўлиши керак. Янги пилла ипларини дастага керак бўлган вақтда то уни тўлдириш учун кетган вақтни компенсациялаш даври дейилади ва қуйидаги формула билан ҳисобланади.v S tk бу ерда: t k - дастанинг компенсациялаш даври, с v - пилла чувиш тезлиги, м/с S –берилган пилла ипига қарши етмаётган хом-ипак қисми узунлиги,м Пилладан хом ипак чувиб олишда пилла чувиш дастгоҳларига қуйидаги схема бўйича заправка қилинади(13-расм). г

расм. Пилла чувиш дастгоҳларида ипни заправка қилиш схемаси. а)КМС-10 механик пилла чувиш дастгоҳи, б) СКЭ-ВУ ,СК-5 автоматлари, в) СКЭ4-МК автомати, г) КМ-90 автомати: 1-чарх,2-чирмовиқ, 3-илгич, 4- даста, 5,10- назорат аппарати, 6- катушка, 7-чиқариш аппарати, 8- қуритгич, 9- мойловчи,10-фарфор кўзча,11-тахлагич планкаси. Барча конструкциядаги пилла чувиш дастгоҳларида пилла чувиш давридаги асосий операциялар қуйидагилардан иборатдир: -хом ипакнинг қалинлигини назорат қилиш ва ростлаш; -пилла ипи учларини дастадаги пилла ипи учларига қўшиш; -хом ипакнинг шаклланиши; -хом ипакнинг узилишини бартараф этиш; -берилган паковкага хом-ипакни йиғиш; -қолдиқ пиллаларни йиғиш. Хом ипакнинг чизиқли зичлигини: -даста тагидаги пиллалар сони доимийлиги билан; -доимий тортилишдаги ипнинг тараглик кучи билан; -ипнинг тангенциал ишқаланиш кучи билан назорат қилинади ва ростланади. Даста тагидаги пиллалар сони билан назорат қилинганда янги ва эски пиллалар аралашмаси ва тўпи бир хиллиги асосида бунга эришилади. Пилла ипининг йўғонлиги унинг учидан охирига томон камайиб боради. Шунга кўра, бир йўла бир неча пилла тортила бошласа-ю, пиллалар сони ўзгартирилмаса, хом-ипакнинг йўғонлиги бир текис чиқмайди. Агар янги тортила бошлаган пиллаларга эски, яъни ипининг анча қисми тортилган пиллалар қўшилса, хом-ипак ипи бутун узунлиги бўйича бир хил йўғонликда бўлади. Хом ипакнинг чизиқли зичлигини таранглик кучи билан назорат қилинганда маҳсус назорат аппарати хом ипакнинг тараглик кучини Р берилган нисбий катталиклар  чўзилишини ўлчаб туради. Бу хом ипак чизиқли зичлигини ростлаш ва назорат қилиш, чизиқли зичлик, тараглик кучи ва нисбий чўзилиш орасидаги боғлиқлик, Гук қонунига бўйсинади:

T E P 3 10   бу ерда: Р- таранглик кучи, сН;  - ипнинг дастлабки узунлиги улуши, нисбий чўзилиши: Е- қайишқоқлик модули, сН/мм 2  - ипнинг зичлиги, г/ см 3 T - хом ипакнинг ўртача чизиқли зичлиги. Хом ипак ипининг йўғонлиги ўзгара бошласа машинанинг назорат қурилмаси қўшимча пилла етказиб берадиган механизмларни ишга солади. Ип қанча ингичка бўлса, уни чўзишга шунча кам куч керак бўлади. Пилла чувиш автоматларида хом ипак ипининг йўғонлиги уни тегишлича тортиб чўзувчи кучлар назорат қилади. Хом ипакнинг чизиқли зичлигини тангенциал ишқаланиш кучи орқали назорат қилинганда, берилган ассортиментдаги хом ипак чизиқли зичлигига мос бўлган тирқиш датчик-ўлчагичлардан фойдаланилиб, улар асосида ипнинг қалинлиги ушлаб турилади. Бу усулда пилла чувиш жараёнида сувда бўккан хом ипак, тирқиш орқали ўтаётиб, датчикнинг юза қисми билан контактда бўлади ва унинг натижасида улар орасида тангенциал ишқаланиш кучи хосил бўлади. Қачон ишқаланиш кучи моменти, датчикнинг ҳаракатланувчи қисми оғирлик кучи моментидан катта ёки тенг бўлса ип билан бирга датчик ҳам кўтарилиб юқорига ҳаракатланади. Агар ишқаланиш кучи моменти, датчикнинг оғирлик кучи моментидан кам бўлса, унда охири пастга тушади ёки тўғирланади. Автоматларда хом ипак чизиқли зичлигини назорат қилиш учун турли датчиклардан фойдаланилади. Масалан щайбали пластинка, саккиз симон шел, турли шкивлар ва х.к. Саккизсимон тирқиш ва шайбали датчиклар оралиғ ўлчами хом ипак чизиқли зичлиги учун алоҳида қилиб ясалади. Масалан 2,33 текс

қалинликдаги хом ипак учун шайбали пластинка оралиғи с= 0,068 мм га тенг. Саккизсимон шелда чизиқли зичлик назорат қилинганда ишқаланиш кучи натижасида чизиқли зичликни назорат қилиш датчик материалига ипнинг ишқаланиш коэффициенти, сиқилиш деформациясига, датчик юзаси билан сувда ҳўл бўлган контактдаги ипнинг узунлигига ва сиқилиш модулига боғлиқ бўлади.   n T E L F kн     2 0357,0 бу ерда:  - нисбий сиқилиш деформацияси  - ишқаланиш кучи коэффициенти l - датчикнинг оралиқ узунлиги E 2 -сиқиш модули (ёки иккинчи роддаги қайишқоқлик модули) Т- пилла ипининг чизиқли зичлиги, текс n -дастадаги пиллалар сони  - ипнинг зичлиги, мг/мм 3 Пилла чувиш жараёнида пилла ипи тоз устида жойлашган илгич кўзидан ўтади. Пиллалар ва илгич кўзи ўртасида конус ҳосил бўлади. Бу чувилаётган даста пилла ипларига битта пилла ипини қўл билан ёки механик усулда қўшиш мумкин. Қўшилган пилла ипи дастадаги пилла иплари атрофида айланиб, маҳкам ўралгандан кейин илгич кўзчасидан юқорига кўтарилади. Шу даврда илгичга ўралган учки қисми узилади. Бир бирига паралел бўлиб йўналаётган иплар мажмуаси эшиш ва тўқиш корхоналарида ишлов бериш учун яроқли эмас. Эшиш ва тўқишга яроқли хом-ипакни ҳосил қилиш учун чирмовлаш асосида иплар бир бирига ёпиштирилади, силлиқланади жипислаштирилади. Чирмаштиришда ёлғон бурам натижасида ип шаклланади. Чирмаштиришнинг жуда кўп усуллари мавжуд. Улар орасида кўп қўлланиладигани италянча усулдир.

расм. Чирмовлаш усули. 1-италянча, 2-французча, 3- Вокансона усули, 4-Локатели усули . Чировлаш муҳим технологик омиллардан ҳисобланади. Чирмовлашда мураккаб жараёнлар содир бўлиб; улар ипларни жипислаштириш, сувини сиқиш, нуқсонлардан ҳоли қилиш. Чирмовлашда ёлғон бурам беришга эришилади. Чирмовлашга кираётганда бурам берилиб, чиқаётганда бурам ечилади. Лекин бурам бутунлай ечилмайди. УзНИИШП системасидаги автомат пилла чувиш дастгоҳларида чиқаётган ипакнинг намлиги 225-230% бўлади, чирмовлашдан кейин эса 120-125 % га тушиши мумкин. Қуритиш шкафига 100% га яқин намликда келади. Чирмовлаш узунлиги ипнинг юқори қисмининг айрилиш бурчагига боғлиқ. Шу  бурчаги 80-85 0 ни ташкил этиши керак. Шу бурчакнинг етишмаслиги ипларнинг боғланувчанлигини камайтириб, тозалиги бўйича нуқсонлар сонини кўпайтиришига ва намлиги ортиқ бўлишига сабаб бўлади. Хом ипакни ғалтакга, калавага, бабинага ва бошқа паковкаларга йиғиш мумкин. Кенг тарқалган паковка бу хом ипакни периметри 1,5 метрли чархга чизиқли зичлигига боғлиқ ҳолда эни 50 дан 70 мм ва вазни 40 дан 130 граммгача калаваларга йиғиш мумкин. Механик пилла чувиш дастгоҳларида ва УзНИИШП автоматларида битта уринишнинг ўзида берилган чархга хом ипак калавага крест кўринишида йиғилади. Чарх қуритиш шкафига жойлаштирилган бўлиб, у ердаги температура 42-45 0 С ни ташкил этади. Бу ипни қуриши учун етарлидир. Икки уринишда хом ипакни калавага йиғиш усули асосан япон системасидаги автоматларда ишлатилиб, пиллани чувиш даврида хом ипак периметри 0,6-0,9 метрли чархга йиғиб,

сўнг 1,5 метрли чархга қайта ўраш дастгоҳларида йиғиб олинади. Кичик периметрли чархлар автоматдан вал билан бирга ечилиб, 2-3 мин давомида 40-45 0 С ли вазелин мойи 6,2%, ТМС (ювувчи порошок) 15,7%, превоцел 11,8% ва 9,8% ли ОП-10 лардан тайёрланган эмульсияда ивитилади. Ивитиш маҳсус ускуналарда олиб борилади. Ивитилгандан сўнг чарх билан 20-30 мин ушлаб турилади. Ивитилган хом ипак қайта ўраш дастгоҳида 2,33 тексли хом ипак 5-6 м/сек тезликда, 3,23 тексли хом ипак 4,5-5,5 м/секунд тезликда шкафга температураси ёзда 30-35 0 С ва қишда 38-43 0 С ларда қайта катта периметрли чархга ёки бабинага ўраб олинади. Пилла чувиш дастгоҳларни иккита синфга бўлиш мумкин: автомат ва механик пилла чувиш автоматлари. Пилла чувиш автоматларига: СКЭ-4ВУ, СК-5, СКЭ-4-КМ, Гунзе ва Кейнан япон системасидаги дастгоҳлари киради. СКЭ-4-ВУ 10 та илгичдан иборат бўлиб, якка учини топиш дастгоҳи билан агрегат бўлиб ишлайди. Дастгоҳ тоз олдидан, таъминлагичдан, тақсимлагичдан, ип йўналтиргичдан, илгичдан, йўналтирувчи блачоклардан, назорат аппаратидан ва йиғиш мосламасидан иборат. Дастгоҳда хом ипакнинг чизиқли зичлигини назорат қилиш ва ростлаш: янги пилла ипи учини чувилаётган гуруҳга қўшиб юбориш; хом-ипакни калавага йиғиш; чувилмай қолган ва узилиб қолган пиллаларни тозалаб олиш ва уларни қайтадан яна учини топиш учун РК дастгоҳига жўнатиш жараёнлари автоматлаштирилган ва механизациялаштирилган (15-расм).

расм. СКЭ-4ВУ автомати. 1-рама; 2-чувиш този; 3-тозолди тақсимлагичи; 4-таъминлагич; 5-тароқ; 6-таранглаш вали; 7-илгич; 8- пастки йўналтирувчи ролик; 9-юқори йўналтирувчи валик; 10-йиІув қурилмаси; 11-чарх; 12-йўналтирувчи кўзчаси; 13-сезгир элимент блокчаси; 14-назорат аппарати; 15-чирмовуқ; 16-ип узатгич; 17-даста конуси; 18-даста таги; 19-пастки панжара; 20-гидравлик транспортёр; 21-пилла ипи; 22-сув ва буІ узатувчи трубалар. Гунзе системасидаги пилла чувиш автоматлари ҳам якка учини топиш дастгоҳлари билан агрегат бўлиб ишлайди. Ҳар бир тозда 20 та илгич мавжуд. Автомат чўккан ҳолдаги пиллаларни чувишга мўлжалланган. Автомат тоз олдидан, чувиш тозидан, тақсимлагич, таъминловчи чашкалардан, хом ипакни нуқсондан тозаловчи фарфор кўзча ёки тирқишдан, чизиқли зичлигини назорат қилувчи назорат аппарати датчигидан, тахлагич планкаси, йиғиш мосламасидан, чувилмай қолган пиллаларни йиғиш паржарасидан ва уларни яна учини топиш учун жўнатиладиган гидротранспартёрдан иборат (16-расм). расм. Гунзе системасидаги пилла чувиш дастгоҳи. 1-чувиш този.2- таъминловчи чашка.3-тақсимлагич. 4-тозолди. 5-тарагловчи вал. 6-илгич.7-

фарфор кўзча. 11,13,14,15-йўналтирувчи роликлар. 9-тахлагич.10-чарх. 12- сезгир элемент.16- қия туб. 17-тозаловчи панжара.18-гидротраспартёр. Механик пилла чувиш дастгоҳи (КМС-10, КС-10ВУ,КС-10) -буғлаш қозонидан, якка учини топиш қозонидан, чувиш тозидан, илгич, йўналтирувчи блачоклардан, йиғиш ускунасидан иборат. Механик пилла чувиш дастгоҳида хом-ипакнинг чизиқли зичлиги даста тагидаги пиллалар доимийлиги билан ростлаб турилади (17-расм). расм. КМС-10ВУ механик пилла чувиш дастгоҳи 1-чувиш този; 2-пишириш қозони; 3- илгич; 4-қуритиш шкафи; 5- йўналтирувчи ролик; 6- чарх; 7-колорифер трубалари. Автоматларда пиллаларнинг чизиқли зичлиги назорат аппарати билан ростлаб турилади. Назорат аппарати: тараглик кучи, ишқаланиш кучи асосида ишлайди. Дастгоҳлардаги йиғиш мосламаси чарх, қуритиш шкафидан иборат бўлиб, хом-ипакни крест шаклида ёки эгарсимон қилиб 5-7 см кенгликда ёйиб чархга ўралади. Механик пилла чувиш дастгоҳларида чарх перметри 1,5 метрга тенг. ЎзНИИШП системасидаги пилла чувиш автоматларида чарх периметри 1,2 метр ва япон системасидаги пилла чувиш автоматларида 0,65 метрга тўғри бўлади. Пилла чувиш дастгоҳларининг амалий иш унумдорлиги: ФВК at T V Уa     1000 , гр.тоз.соат бу ерда:

V - пилла чувиш тезлиги, м/мин; Т- хом ипакнинг чизиқли зичлиги, текс; t - вақт, 60 мин; а- бир тоздаги илгичлар сони; ФВК- фойдали иш коэффиценти (0,93-0,94). Чархдан ечиб олинган хом ипак назорат йиғув бўлимида дам берилиб, титилиб, тикилиб, тозаланиб пачкага йиғилиб, 32 кг дан кипларга жойланиб, тайёр маҳсулот омборига жўнатилади.

Адабиётлар: 1. Каримов И.А. Баркамол авлод - Ўзбекистон тараққиётининг пойдевори. Тошкент: Ўзбекистон, 1997. 2. Рубинов Э.Б. «Технология шелка». Т. Ўқитувчи, 1989 й. 3. Рубинов Э.Б., Мухамедов М.М., Осипов Л.Х., Бурнашев И.З. «Шелкосырье и кокономотания». Справочник. 2-е изд, перераб и док.- М.Легпромбытиздат, 1986 г,-312 с. 4. Қодиров Ш.А. «Пиллани дастлабки ишлаш ва чувиш» бўлимидан маъруза матни, 1999 й. 5. Пиллачилар учун қўлланма. Багавутдинов Н.Г ва бошқалар. 1984 й. 6. А.Х. Алимова, В.А. Усенко. ОЎЮ учун Ипакни эшиш.-Тошкент., «Шарқ»,- 2001.-269 б. 7. Забелоцкий В.И., Усенко В.А. Шелкопрядение. Легпромбытиздат., М: 1961, 314 стр.

Похожие

Пилла чувиш цехидаги лабораториялар

Пиллани чувиш корхоналарини лойиҳалаш

Пиллани чувиш цехини лойихалаш

Пилла ўраш, териш, навларга ажратиш ва топшириш

Табиий ипак чикиндиларини тавсифи. Чикиндиларни дастлабки ишлаш усуллари