Ипнинг шакланишида пилтачага бурам бериш - Текстиль - Рефераты

Ипнинг шакланишида пилтачага бурам бериш

Загружено в:

20.09.2019

Скачано:

0

Размер:

62 KB

Ипнинг шакланишида пилтачага бурам бериш Режа: 1. Махсулотга бурам беришнинг турлари. 2. Турли мосламаларда маҳсулотга бурам бериш. 3. Урчуқсиз ип йигиришда технологик босқичлар. 4. Урчуқсиз ип йигириш турлари.

Пилтачага бурам беришнинг яъни пишитишни яхшироқ, тасаввур қилиш учун қуйидаги бир нечта принципиал схемаларни кўриб чиқамиз. I – кўринишда асосан маҳсулотга бурам бериш (пишитиш) таъминловчи ва чиқарувчи цилиндрлар орасига қисилган пилтачага пишитувчи мослама вьюрок ёрдамида бурам берилади. А В I II III IV Фараз қилайлик харакатсиз цилиндрлар орасига бурам берилмаган пилтача жойлаб пишитувчи мослама ёрдамида бир хил узунликдаги А ва В чи зонадаги махсулотга бурам берайлик. Бунда цилиндрлар билан пишитувчи мослама оралиғида пилта билан ўз ўқи атрофида пиши- тувчи мослама тезлигига тенг бурам олади. Лекин пишитиш мосламасининг бир томонга айланиши туфайли А зонада чап, В зонада ўнг бурам ҳосил бўлади. Агар таъминловчи цилиндр ҳамда чиқарувчи цилиндрларга харакат берилса А зонадаги пишитилган маҳсулот В зонаси келиб яна ўз холатига қайтиб, олган бурамни йўқотади. Бундай маҳсулотга бурам бериш ипни пишитишда ва унинг шакллантиришгда кўлланилмайди, яъни "ёлғондакам" пишитиш деб аталади. Агар I –чи кўринишдаги бурам беришнинг А зонасини олиб ташлаб, маҳсулотга яъни таъминловчи цилиндрга чиқаётган пилтагача бурам бериш, А пишитиш зонасида пишитиш мосламаси ёрдамида пишитиб, уни найчага ўралса, унда II турдаги пишитиш схемасини кўриш мумкин. Бунда маҳсулот ҳақиқий бурам олиб бир вақтнинг ўзида ҳам пишитилиб ҳам найчага ўраш жараёни бажарилади. Пишитишнинг бундай тури асосан пилик машиналарида пиликка бурам беришда, йигириш машиналарида ипга бурам

беришда, ипларни қўшиб пишитиш машиналарида, қўшалоқ ипларга бурам беришда қўлланилади. Бу турдаги пишитишнинг камчиликларидан бири пишитиш ва ўраш битта ишчи органида, яъни урчуқларда бажарилганлиги учун урчуққа жуда катта тезлик билан айлантириш, ундан ташқари пишитилган маҳсулотнинг ўраш ишлари битти органда бажарилганлиги туфайли унга кўп энергия сарф бўлади. III -чи турдаги пишитиш, таъминловчи ва пишитувчи мосламада биргаликда бажарилиб, бу пишитиш схемасида олдиндан бобина ўраб олинган пишитилмаган маҳсулот чиқарувчи ишчи орган ёрдамида пишитишнинг иккинчи зонасида пишитилиб ип ўраш мосламаси ёрдамида найчага ўраб олинади. (Янтра типидаги пишитиш машинаси). Бундай турдаги пишитиш асосан кимёвий элементар ипларни пишитишда қўлланилади, бу турдаги пишитишда ҳам II турдаги камчиликлар мавжуд. Пишитишнинг IV – тури I чи кўринишга ўхшаб кетади. Лекин бу турдаги пишитиш I чи турдаги пишитишдан фарқ қилиб, олинадиган маҳсулот ҳақиқий пишитишга эга, яни бу усулда биринчи зонада қисилмаган эркин холдаги алоҳида толалар оқими (дискрет оқим) пишитувчи органга келгунча улар бурам олмайди. Пишитувчи орган келган толалар оқими пилта ҳалқасини ҳосил қилиб, улар бир-бир билан қўшилиб, қуюқлашиб, пишитиш органи ёрдамида пишитилади ва алоҳида ишчи орган ёрдамида конусимон шаклда ўралади ва маҳсулотни узулуксизлигини таъминлайди. II чи турдаги пишитишдан IV – турдаги пишитишнинг фарқи шундаки, пишитиш ва ўраш жараёнлари алоҳида-алоҳида ишчи органларда бажарилади. Бунинг натижасида бурам берувчи ишчи орган юқори тезликда маҳсулотга бурам бериш, алоҳида ўраш механизми ёрдамида ип ўралиши кам энергия сарф қилинишга, паковкаларнинг массасини оширишга имкон туғдирди. Бундай маҳсулотга бурам бериш, пишитиш янги турдаги йигириш машиналарини ва янги турдаги ипларни шаклланишига олиб келди.

Йигириш усулларининг таснифи. IV -турдаги ип йигириш усули "Эркин ҳолатда йигириш" , "Элементар йигириш", "Ҳалқасиз йигириш", "Урчуқсиз йигириш" деб номланиб келди. "Урчуқсиз йигириш" ибораси йигириш технологияси адабиётларда кўпроқ ишлатилмоқда. Урчуқсиз ип йигиришда қуйидаги технологик босқичлар бажарилиб уларга: 1 2 3 4 5 6 1. Таъминлаш. 2.Таъминланувчи маҳсулот-пилтани чўзиш дискре- тизация қилиш. 3.Дискрет оқимини йигириш камерасига узатиш. 4. Циклик қўшиш ва янги ҳалқасимон пилтача ҳосил қилиш. 5. Пишитиш, ип шакллантириш. 6. Цилиндр шаклида бобинага ўраш. Охирги иккита босқич бизга олдиндан маълум бўлиб, қолган босқичлар ип шаклланишида янги босқичлар ҳисобланади. Бу янги усулда таъминловчи маҳсулот пилтани алоҳида толалар оқимига ажратиш учун, юқори чўзиш қуввати ўрнатилган мосламаларда амалга оширилади. Толалар оқими бир текис йигириш камерасига ҳаво ёрдамида, гидравлик (суюқлик) ёрдамида, электростатик майдон ёрдамида узатилди ва пишитилади. Ҳосил бўлган ипни ўраш ҳамма йигириш усулларида бир хил кечади. Ҳозирги кунда йигиришнинг қуйидаги усуллари мавжуд бўлиб уларга: I . Пневмомеханик усул -камерали - БД-200, ППМ-120. -роторли - ПР- 150. -конденсорли – ПАМ (армир. машина) льён.

II . Уюрма, Гирдобда йигириш усули (вихревий). - аэродинамик. - Аэромеханик. - ҳаво ва сув гирдобли. - Сув гирдобли. - Механик сув гирдобли. III .Электромеханик. - электропневмомеханик - электростатикомеханик йигириш усуллари киради.

Адабиётлар: 1. Ш.Р. Марасулов. Пахта ва химёвий толаларни йигириш. 2- қисм, Тошкент, 1979 й. 2. Ш.Р. Марасулов ва бошқалар. Толали материалларнинг механик технологияси. Тошкент, 1971 йил, 3. И.Г. Борзунов и др. Прядение хлопка и химических волокон. 1 часть, М.: 1982, 4. Ш.Р. Марасулов. Пахта ва химёвий толаларни йигириш. 2- қисм, Тошкент, 1979 й. 5. Ҳ.А. Алимова. Р.З.Бурнашев, Қ.¢.¢афуров. Табиий ипак толаларини топологиясини хусусиятлари. «Ипак» ил. тех. Журнали №1. 2001й. 22- бет. 6. Р.З. Бурнашев, Р.О. Аблаев. Топологические особенности нитей с прядильно куритильных машин. «Ипак» ил. тех. Журнали №1. 2001й. 25-бет.

Похожие

Йигириш технологияси

Пилталаш дастгохлари, кушиш ва чузиш жараёни. Йигирилган ипак ипи сифатини назорат қилиш

Пилла чувиш технологияси ва техникаси

Ипларни кушиб эшиш жараёни, максади ва дастгохлари. Халкали ва каватли эшиш дастгохларининг таснифи

Халқали йигириш машиналари. Таъминлаш мосламалари. Пишитиш жараёни, ипни ўраш