Iplarni pishitishga tayyorlash texnologiyasi yangiliklari - Текстиль - Рефераты

Iplarni pishitishga tayyorlash texnologiyasi yangiliklari

Загружено в:

20.09.2019

Скачано:

0

Размер:

529 KB

Iplarni pishitishga tayyorlash texnologiyasi yangiliklari Reja: 1. Iplarni pishitishga tayyorlashning maqsadi va mohiyati; 2. Iplarni pishitishga tayyorlash uslublari, ularning afzalliklari va kamchiliklari; 3. Qayta o’rash uskunalarining yangiliklari: 4. Qo’shib o’rash uskunalari yangiliklari.

Iplarni pishitishga tayyorlash maqsadi, mohiyati va vazifalari Yuqori sifatga ega bo’lgan pishitilgan ip olish uchun paxta tolasidan yigirilgan yakka iplarni pishitishga tayyorlash kerak. Iplarni pishitishga tayyorlashning maqsadi ikki va undan ko’p yakka iplarni bir xil uzunlik va bir xil taranglikda bitta o’ramga kerakli uzunlik va miqdorda o’rash, iplardagi nuqsonlarni tozalashdan iborat. Iplarni pishitishga tayyorlashning mohiyati ikki va undan ko’p yakka iplarni bir xil taranglikda o’rab qadoqlashdan iborat. Iplarni pishitishga tayyorlashning afzalligi shundaki, yakka naychadagi iplarni sifat ko’rsatkichlari bo’yicha talablarga javob beruvchi bir tekis, silliq va nisbatan pishiq ip olinadi. Ipga yuqori talab qo’yilgan bo’lsa, ularni pishitishga tayyorlash ikki jarayonli uslubda amalga oshiriladi. O’timlar sonini ko’paytirish orqali, iplar sifatini nazoratdan o’tkazish amalga oshiriladi. 1-rasm. Iplarni pishitishga tayyorlash ketma-ketligi To’qimachilik sanoatida turli maqsadlar uchun bir nechta iplarni qo’shib burash yo’li bilan pishitilgan iplar ishlab chiqariladi. Fan va texnikaning taraqqiyoti va yangi mahsulotlarga bo’lgan talablarning ortib borishi, bu sohada qator muammolarni hal etishni taqozo etmoqda. Pishitilgan iplar ishlab chiqarish odatda ikki bosqichga bo’linadi. Birinchi bosqich yakka iplarni pishitishga tayyorlash bo’lsa, ikkinchisi iplarni pishitish hisoblanadi. Iplarni pishitishga tayyorlash o’rash va qo’shib o’rash jihozlarida amalga oshiriladi. Texnika taraqqiyoti to’qimachilik sanoati korxonalarida o’rash mashinalari o’rniga o’rash avtomatlaridan foydalanishni keng yo’lga qo’yish Iplarni qayta o‟rash Pishitish Iplarni qayta o‟rash Iplarni qo‟shib o‟rash Pishitish

imkonini bermoqda. O’rash avtomatlarida operatsiyalar avtomatik tarzda bajariladi. Bu mashinaning unumdorligini oshirishga, o’rash sifatini va ishlab chiqarish sharoitlarini yaxshilashga imkon beradi. Jihozlarni takomillashtirishning hozirgi bosqichida, firmalar tomonidan yuqori darajada avtomatlashtirilgan o’rash avtomatlari yaratildi (1-jadval). 1-jadval O’rash avtomatlari tavsilotlari Ko’rsatki ch Murata QPRO (Yaponiya) Autoconer X5 (Germaniya) Savio Polor (Italiya) Mahsulot turi paxta, shtapel tola, jun, sintetika va aralashmalar paxta, shtapel tola, jun, sintetika va aralashmalar tabiiy, sintetika va aralashmalar Ipning inglizcha nomeri (N e ) 3~142 2~100 2~147 O’rash tezligi, m/min 2200 2000 2200 O’rash turi 0 ~5˚57‟ 0 ~11˚ 0 ~5˚57 Baraban yuritmasi servo motorli to’g’ri uzatma servo motorli to’g’ri uzatma servo motorli to’g’ri uzatma Taranglagi ch turi PS Sensor, PS Tensor, PS Bal-Son Autotense FX (Elestromagnetism) S.A.T Anti- Patter Pas 21 Propask FX Variopask FX (Sore yarn) Elestris anti patterning sistem Uzunlik o’lchagich PLS 21 Ecopask FX S.A.M Ushbu yo’nalishlarda «Schlafhorst» firmasi Autoconer o’rash avtomatlarining bir necha modellarini ishlab chiqargan. Firmaning so’nggi yutuqlaridan biri

Autoconer 5X o’rash avtomatlari hisoblanadi. Ushbu avtomatlarda barcha turdagi iplarni qayta o’ray oladigan, takomillashtirilgan texnologiya qo’llanilgan. Unda ip sifatini, o’rash jarayonini nazorat qilishi uchun ko’plab yangi texnik echimlar joriy etilgan. O’rash avtomatlari ishlab chiqarish jarayonini tashkil etish, avtomatlashtirish darajasi va qayta o’raladigan ip qadog’i shakllariga qarab bir necha turlarga bo’linadi. Autoconer avtomatlarining standart modeli halqali yigirish mashinasidan olingan naychalardagi ipni qayta o’rashga mo’ljallangan. Yigirish mashinasidan naychalar katta konteynerlarda o’rash jihozlariga keltiriladi. Kaddy tashish tizimi naychalarni tayyorlash qurilmalariga uzatadi. Tayyorlash qurilmalarida naychalar tozalanadi, saralanadi va o’rash qismiga uzatash moslamasiga o’rnatiladi. Firma o’rash avtomatining bir nechta variantlarini tavsiya etadi. Ularni to’la avtomatlashgan, qisman va asosiy vazifalarni qo’lda bajarishga mo’ljallangan konstruksiyalari ham taklif etilmoqda. Turli turdagi Autoconer o’rash avtomatlarida ipni qayta o’rash qurilmalari deyarli bir xil qismlardan tashkil topgan. Ularning tuzilishi mashina turiga qarab ayrim farqlarga ega. Standart o’rash qurilmasi 2-rasmda tasvirlangan. Iplarni qayta o’rash sifati va samaradorligi ko’p jihatdan ip tarangligiga bog’liq. Taranglikni rostlash uchun "Schlafhorst" firmasi Autotense FX faol tizimini yaratdi. Ushbu tizim ipning tarangligining mutloq qiymatini tashqi ta‟sirlardan himoyalangan holda o’lchash imkonini beradi. Ip tarangligining me‟yori barcha o’rash qurilmalaridagi hisoblash tizimiga markazlashtirilgan tartibda bir xilda o’rnatiladi. Shu yo’l bilan barcha bobinalarda o’rash zichligini bir xilda va belgilangan me‟yorlarga mos bo’lishi ta‟minlanadi. Taranglikni uzluksiz nazorat qilish va rostlash avtomatik tarzda amalga oshiriladi. Autotense taranglik kuchini o’lchash natijasini hisoblash tizimiga uzatadi. Agar o’lchash natijasi belgilangan me‟yordan farqli bo’lsa, elektromagnit yordamida ipga beriladigan bosim o’zgartiriladi. Ushbu tizim naychani o’rashdagi katta nuqsonlar yuzaga keltiradigan o’zgarishlarni ham bartaraf eta oladi.

2-rasm. «Schlafhorst» firmasi Autoconer 5X o’rash avtomati va uzellari Preci FX-tizimi qisqa vaqt ichida pakovka parametrlarini o‟zgartirish imkonini beradi: -yagona barabansiz o’rash tizimi, alohida sifat nazorati. - mahsulotni o’rashda naqshsiz yoki talab qilingan naqshlarni chiqarish. - dasturiy ta‟minot bilan ip qatlamlarini nazorat qilish. 3-rasm. Preci FX-tizimi qisqa vaqt ichida pakovka parametrlarini o‟zgartirish Autotense FX Me‟yoriy taranglikda ipni o’rab qadoqlab beradi. Bu qiymat har bir o’rash qismida bir xil; bajariladi. Bu tizim ipning tarangligini onlain tarzda davomiy tekshirib boradi.

4-rasm. Autotense FX taranglikni rostlab ipni o’rash Variopask FX bu (ya‟ni maxsulot o’rash turi) bilan kesishgan shaklda kattaroq qadoq ipini o’rashni amalga oshiradi. Bu tizim bochka shakli hosil bo’lishining oldini oladi. O’ram diametrining ortishi bilan hosil bo’ladigan yuqoriga ko’taradigan kuch yo’qotiladi. O’lchovlar natijasida aniq uzunlik olinadi. Ecopack FX bu ( ya‟ni optik linza uzili ) yordamida optik linza yordamida mahsulot bilan uzviy aloqa qilmasdan xaridor talabiga ko’ra aniq uzunligi o’lchab beriladi. “Murata” firmasi mashinalarining umumiy ish samaradorlik jarayonlari (High Quality) yuqori sifatliligi, (High Productivity) yuqori mahsuldorligi, (Energy Reducation) energiya tejamkorligi, (Reduction and Easy Operation) yuqori sifat, yuqori samaradorlik, energiya tejamkor va oson boshqaruvligi bilan farqlanadi. 5-rasm.Variopask FX kerakli hajimda va Ecopack FX kerakli uzunlikda ipni o‟rash Ipni o’rashdagi nuqsonlarni, asosan pilta ko’rinishida o’rashning oldini olish uchun Propack FX tizimi barabancha va bobinaning aylanish tezligini o’lchaydi.

Natijalar hisoblash tizimida taqqoslangach, tezlikni o’zgartirish bilan bir vaqtda bobinaning barabanchaga bosimi avtomatik tarzda rostlanadi. Qayta o’rash avtomatlarida iplar uzilganda ulash tizimi yo’lga qo’yilgan bo’lib, ularning quyidagi turlari mavjud: 1) Airsplicer – havo yordamida ulash, 2) twinsplicer - burab o’rash, 3) watersplicer – suv yordamida ulash, 4) heatsplicer - issiqlik yordamida ulash. Bitta mashinada bir necha xil ulash usullarini qo’llash mumkin (7-rasm). 1.Havo yordamida ulash qurilmasi 2.Burab ulash qurilmasi 3.Suvli yordamida ulash qurilmasi 4.Issiqlik yordamida ulash qurilmasi 7-rasm.Ip uchlarini ulash moslamalari Ip ulashning asosiy maqsadi ipning nuqsonini olib tashlashdan keyin bobinalar almashtirilgandan so’ng ipning ikki chetini birlashtirishdir. Bunda tozalagich (clearer) iplarning nuqsonlarini olib tashlaydi va uning o’rniga nuqsonsiz ulamni shakllantiradi. Bu jarayon 8-rasmda ko’rsatilganidek bajariladi.

8-rasm. Ip uchlarini ulash ketma-ketligi 1. Ipni bobinadan konussimon bobinaga o’rash jarayoni davomida ipning nuqsonlari tozalagich (yarn clearer), tomonidan to’liq nazorat ostida bo’ladi. 2. Tozalagich ip nuqsonini aniqlashi bilanoq, pichoq bilan nuqson ajratib olinadi va o’rash jarayoni to’xtatiladi. 3. Ip nuqsoni avtomatik o’rash mashinasidan so’ruvchi yordamida olib tashlanadi. 4. Ikkala uchlar, konussimon bobinaning ustki ipi hamda bobinaning quyi iplari yana qaytadan ulanadi. Iplarni maxsus ulash moslamasida ulash orqali yoki ipni splayserda ulash orqali amalga oshiriladi. Bu ulash juda keng usul bo’lib, u deyarli barcha ulash avtomatlarida qo’llaniladi. Ulangan joylar inson ko’zi bilan sezilmaydigan bo’ladi. Hozirgi ip tozalovchi dastgohlar ulamning sifatini ham tekshiradi. 5. O’rash jarayoni keyingi nuqsongacha yoki o’ralayotgan ip tugaguncha davom etadi. Ulamning ko’ngildagidek bo’lishi uchun, ikkala ipning uchlari uchli holga keltirilishi lozim hamda, tolalar etarlicha ajratilgan va parallellashgan bo’lishi

lozim, chunki ular ulanayotganda bir-biriga o’raladigan bo’lishi kerak. 9-rasmda splayserda ip uchlarini ulash jarayonining asosiy prinsipi ko’rsatilgan. 9-rasm.Splayserda ulash bosqichlari Iplarni to’g’ri joylashtirish va keraksiz ip uchlarini kesib tashlash ulashning 1- bosqich (9-rasm.) da ifodalangan. O’rash jarayoni nuqsonni kesib tashlash uchun to’xtatilgan. Endi esa, iplar uchlari parallel va qarama-qarshi joylashgan. Iplar joylashgandan so’ng ikkita qaychilar ip uchlarining ortiqcha qismini kesishga tayyor turadi (9-rasm.2-bosqich). Ip uchlarini joylashtirish ulash jarayoni boshlashdan oldin qisqichlar ipning kerakligi joyidan ushlaydi. Ikkita ipning uchlarini ulashda uchlar naychalarga so’rilib, havo yordamida birlashtirish uchun joylashadi (9-rasm.3-bosqich). Ip uchlarini qaytarish uchun xalqalar hosil qilish ikkita ip uchlari bir biriga qarama qarshi tarzda va bir xil oraliqda ulash naychasida parallel tarzda joylashtirilib ulash amalga oshiriladi. Ikkala uchlar ulash naychasida ma‟lum uzunlikga kelguncha tortiladi (9-rasm.4-bosqich). Ip uchlarini ulashda siqilgan havo oqimi naychalar orqali kavakka yuboriladi, havo oqimi tolalarni bir biriga o’raydi va hosil bo’lgan ulamda buramni mustahkamlash uchun ulamni uning o’qi atrofida aylantiriladi (9-rasm.5-bosqich)].Ulangan ipni olish jarayon so’ngida, ip ulovchi moslamadan olinadi va o’rash jarayoni davom ettiriladi. 10-

rasmda, ulash operatsiyasi davomidagi buram yo’nalishlari va buram taqsimlanishi ko’rsatilgan. 10-rasm. Ulash strukturasi Naychadagi ulash kavaklarida ipga Z buram berilmoqda ( a ), ingichka ( b ) va yo’g’on ulamlar (c) hosil bo’lishi Ulamdagi buram ipning o’z buramiga mos bo’ladi va u ulangan joyni mustahkamlaydi.  Ulash jarayoni davomida, ip uchlari o’zaro mos joyda bo’lishi lozim.  Yo’g’on ulamni oldini olish uchun, ip uchlarini yupqalashtirish, ulashda ulangan joyning sezilarli bo’lmasligi uchun juda muhimdir.  ( b ) chizmada, ingichkalashtirilgan uchlar noto’gri joylashtirilgan bo’lib, ular ipda kerak bo’lmagan yupqa joylarni hosil qiladi  Agar iplar ustma-ust ortiqcha joylashtirilsa, yo’g’on joy hamda keraksiz ikkita ulam uchlari hosil bo’ladi (c).

Ikkita va undan ortiq bo’lgan yakka iplarni o’rash mashinalarida bir hil taranglikda qo’shish natijasida olingan qo’shilgan iplar deyiladi. Qo’shib o’rash mashinalari tuzilishi jihatidan oddiy va unda amalga oshiriladigan asosiy texnologik jarayon bu iplarni qo’shib o’rashda barcha iplarga bir xilda taranglik berish hisoblanadi. Pishitish mashinalaridan Italiyaning SAVIO, FADIS, Xitoyning DONG XING qo’shib o’rash mashinalarini tavsiya etilmoqdalar. Buning sababi pishitish mashinalarida ishlatiladigan o’ramlar qo’shib o’rash mashinalariga moslanadi. Shuningdek, SAVIO firmasining qo’shib o’rash mashinalarida yakka iplarni ta‟minlashda romlardan foydalaniladi. Qo’shib o’rash mashinalarida har bir o’rash bo’limi alohida servodvigatellar yordamida ishlaydi. Mashinada o’ralayotgan iplar belgilangan uzunlikka etganda mashina avtomatik tarzda to’xtash moslamasi bilan jihozlangan uchun to’xtaydi. Shuningdek, qo’shib o’ralayotgan yakka iplardan biri uzilganda avtomatik to’xtash moslamasi ip qadog’ini ko’tarib, nuqson oldi olinadi. Ushbu mashinalarning asosiy kamchiliklaridan biri ip tarangligining qo’lda rostlanishidir. Iplarni pishitishga tayyorlashda Italiyaning FADIS qo’shib o’rash mashinasidan foydalanilmoqda (11-rasm). Mashina kompyuterlashtirilgan bo’lib, unda o’rash tezligi hamda o’ram uzunligi avtomatik boshqariladi, uzilishlar va texnik nosozliklar vaqtida mashina avtomatik tarzda to’xtaydi. Mashina ish unumdorligi yuqori.

11-rasm. FADIS (Italiya) qayta o’rash mashinasi Taranglikni sozlovchi moslama bir vaqtning o’zida o’ralayotgan ipning yo’g’on, ingichka va tugunchali qismida mashinani avtomatik ravishda to’xtatadi hamda ipdagi nepslarni tozalaydi. Mashina uchtagacha yakka yoki qo’shilgan iplarni qo’shib o’rash imkoniyatiga ega. Shveysariyaning Schärer Schweiter Mettler AG (SSM) firmasi TW2-D DIGICONE® preciflex™ turidagi qo’shib o’rash mashinasini ishlab chiqarishga joriy etgan.

12-rasm. SSM TW2-D DIGICONE® preciflex™ turidagi qo’shib o’rash mashinasi Ushbu FADIS va SSM TW2-D qo’shib o’rash mashinalarining ishlash prinsipi bir xil bo’lib, asosiy farqi taranglash moslamasidadir. FADIS qo’shib o’rash mashinasida taranglovchi moslama yakka iplar qo’shilguncha o’rnatilgan, SSM TW2-D qo’shib o’rash mashinalarida esa iplar qo’shilgandan keyin taranglash moslamasidan o’tadi. Iplarni qayta o’rash va qo’shib o’rashda paydo bo’luvchi nuqsonlar quyidagilar: - o’ralishning noto’g’ri shakli; bir tomonlama o’ralish, g’altakka o’ralgan ipning to’lib-toshishi, g’altak gardishlaridan oshib ketishi, ipning qavat-qavat jgutsimon o’ralishi va hokazo, bunday holat friksion yomon ishlashi, qisqichlarning yaroqsizligidan hosil bo’ladi; - o’ram zichligining o’zgarishi: bo’sh yoki o’ta zich o’ralish, bunday holat qayta o’rashda ipning cho’zilishi noto’g’ri o’rnatilganidan hosil bo’ladi; - tashqi ko’rinishdagi nuqsonlar, tozalagich plastinalari orasidagi tirqish o’lchami noto’g’ri o’rnatilishi oqibatida ip yaxshi tozalanmaganligidan hosil bo’ladi; - o’ramda ikki qavat ip o’ralishi, harakatni kulochokli valga uzatuvchi pochatkatutgich va richaglar tizimi nosozligi; so’ruvchi naychalar iflosliklarga to’lib qolishida hosil bo’ladi; - ip noto’g’ri ulanishi, splayserlarning aniq ishlamasligi, bo’sh tortilishi, tashlagich yaroqsizligi oqibatida hosil bo’ladi.

Foydalanilgan adabiyotlar: 1. Pirmatov A.P.va boshqalar, Xom ashyoni yigirishga tayyorlash, leksiyalar matni, TTESI, 2015y. ; 2. www.rieter.com, mashina pasportlari; 3. www . truetzschler . com , mashina pasportlari; 4. www.marzoli . i t, mashina pasportlari

Похожие

Pilta tayyorlash texnikasi yangiliklari

Pilik tayyorlash va piliklash mashinasi yangiliklari

Yigirish yangiliklari

Qayta tarashga mahsulotni tayyorlash texnologiyasi

Pnevmomexanik yigirish jihozlari va ularning yangiliklari