Pilik tayyorlash va piliklash mashinasi yangiliklari - Текстиль - Рефераты

Pilik tayyorlash va piliklash mashinasi yangiliklari

Загружено в:

20.09.2019

Скачано:

0

Размер:

265 KB

Pilik tayyorlash va piliklash mashinasi yangiliklari Reja: 1. Piliklash mashinasining turlari 2.Piliklash mashinasini takomillashtirish yo’nalishlari. 3. Pishitish va o’rash jarayonlari yangiliklari

Piliklash mashinasining turlari Ilgari uch va to’rt o’timda ishlaydigan piliklash mashinalari ipning assortimentiga qarab ishlatilgan. Yigirish texnikasi va texnologiyasining taraqqiyoti natijasida hozirga kelib, bir yoki ikki o’timda ishlovchi piliklash mashinalaridan foydalanilmoqda. O’ta ingichka iplar olishda ikkinchi o’tim piltasidan dastlab pilik olinadi, so’ngra olingan pilikdan unga nisbatan ingichkaroq pilik qaytadan shakllanadi. Shunday qilib, piliklash mashinalari pilikning chiziqiy zichligiga qarab uch guruhga quyidagicha bo’linadi: yo’g’on pilik mashinalari; yo’g’onligi o’rtacha pilik mashinalari; ingichka pilik mashinalari. Hozirga kelib, piliklash mashinalari oddiy pilik mshinalari va ingichka pilik mashinalariga bo’linadi. Piliklash mashinalari bir-biridan tarkibiy qismlari va tuzilishi bilan ham farqlanadi. Piliklash mashinasini takomillashtirish yo‘nalishlari Ta‟minlash zonasi, cho’zish asbobi, pishitish - o’rash mexanizmlari, to’lgan g’altaklarni chiqarish va bo’shlarini o’rnatish avtosyomniklari hamda transportirovka vositalari nazarda tutilmoqda. Shularga mos ravishda piliklash mashinasining yangiliklari ham aynan shu belgilari bilan baholanishi mumkin. Piliklash mashinasintng ta‟minlash zonasi quyidagi shartlarga javob bermog’i lozim: - ta‟minlash qurilmasi mashinada ishlovchilarning bo’yini hisobga olgan bo’lmog’i kerak; - qurilma balandligi rostlanuvchan bo’lmog’i kerak; - piltali tazlarni o’rnatish va almashtirish oson bo’lishi kerak; - qurilma piltalarning bir-biriga tegmasligini ta‟minlovchi turli konstruksiyadagi yo’naltirgich va ajratgichlarga ega bo’lishi kerak. Mazkur shartlarni to’la bajaruvchi ta‟minlash qurilmalari korxonalarda o’rnatilgan piliklash mashinalarida ishlatilmoqda. Ta‟minlovchi tazlar ta‟minlash qurilmasi tagida olti qatorgacha orada ishchiga yo’l qoldirib, ikki guruhga bo’lib joylashtiriladi (1-rasm, a). Piltalarning bir-biriga tegmasligini ta‟minlash maqsadida ta‟minlash qurilmasi yo’naltirgichlar, piltaning sirpanishi natijasida

sodir bo’ladigan soxta cho’zilishning oldini olish maqsadida esa olti qirrali yo’naltiruvchi valiklar bilan jihozlangan (1-rasm, b). a b 1-rasm. Tazlar joylashuvi a), olti qirrali valik va yo’naltirgich b) Bu bilan nafaqat soxta cho’zilishning oldi olinadi, balki piltaning xurpayib tukdorlik ko’payishining ham oldi olinadi. Ta‟minlanayotgan piltaning cho’zuvchi asbobdan oldin uzilishlarini nazorat etish uchun ta‟minlash qurilmasining ikki chekkasiga fotoreleler o’rnatilgan. Agar birorta pilta uzilsa, uzilgan piltaning uchi osilib pastga tushganda fotodiodlar nuri uziladi, avtostop ishga tushib, mashina to’xtaydi. Bu bilan qaytimlar miqdori kamayishiga erishiladi. Piliklash mashinasining asosiy qismlaridan biri hisoblangan cho’zuvchi asbob uch va to’rt silindrli bo’lishi mumkin, lekin respublika korxonalarida ishlayotgan piliklash mashinalari uch silindrli asboblar bilan jihozlangan. Ular uchta silindr ustida joylashgan uchta valikga ega bo’lib, ta‟minlovchi va uzatuvchi cho’zuvchi juftliklar orasidagi silindr va valiklarga esa tasmalar kiygizilgan. Shunday qilib, ishlayotgan piliklash mashinalarining cho’zuvchi asboblari uch silindrli va ikki tasmalidir. Ustki valiklarga qo’yiladigan yuk pnevmatik bo’lib, mashinadagi pilikning ravonligini ta‟minlaydi. Yuk bosimining qiymati maxsus sensorlar yordamida markaziy panelda o’rnatilib nazorat etiladi. Shuningdek yuk markazlashgan holda ohista olinganligi bois ustki valiklarning deformatsiyalanishi sezilmaydi. Ustki valiklar va tasmalar kalta tolalar va iflosliklardan muntazam tozalab turilishi uchun rezina sirtli tozalovchi valiklar (2-rasm, a) yoki tozalovchi tasmalardan foydalaniladi (2-rasm, b).

a b 2-rasm. Tozalovchi valiklar a), tozalovchi tasmalar b) Cho’zuvchi asbobning tagiga tushadigan kalta tolalar va mayda, ko’z ilg’amas iflosliklar maxsus so’rg’ichli pnevmatik tizim yordamida tozalanadi. Mazkur sistema ham piliklash mashinasidagi so’ngi yangiliklardan hisoblanadi. Pishitish va o‘rash jarayonlari yangiliklari Piliklash mashinasining keyingi yangiliklari pishitish jarayoni bilan bog’liqdir. Ma‟lumki, ingichkalashtirilgan mahsulotni pishitish pilik o’ralayotgan g’altak bilan cho’zish asbobining oldingi jufti qisqichi orasida amalga oshiriladi. Birinchi va ikkinchi qator g’altaklarga yo’naltirilgan pilik buramlar taqsimlagichigacha bir xil burchakda harakatlanib, buram qiymatlarining bir xilligini ta‟minlaydi (3-rasm). 3-rasm.Buram taqsimlagichlarning joylashishi. Bunda shakllanayotgan pilik buram taqsimlagichning yuza sirtini bir xil burchakda qamrab o’tishi natijasida buramlar mahsulot uzunligi bo’yicha teng taqsimlanadi. Buram taqsimlagichning yuza sirti ko’pincha bo’rtmali qilib yasalgani tufayli undan o’tayotgan pilik qo’shimcha ravishda soxta buram olib, uning strukturasi hamda xossalari yaxshilanadi.

Shuni ta’kidlash kerakki, osma ragulkaning g’ovak shohidan, so’ngra uning lapkasini qamrab o’tayotgan pilik buramlarni ragulkaning aylanishi natijasida oladi. Ragulka osma bo’lganligi uchun vibratsiya deb ataluvchi tebranishlarga kam duchor bo’lishi tufayli uning aylanishlar chastotasi va tegishlicha mashina unumdorligini sezilarli darajada oshirishga muvaffaq bo’lingan. Pilikni o’rash jarayoni odatdagidek o’rash shartlarining bajarilishi asosida amalga oshiriladi. Birinchi sharti g’altakning aylanishlar chastotasi ragulkanikidan tezroq bo’lishi va har bir o’rov qatlamida kamayishi; ikkinchi shart g’altaklar karetkasining harakati tezligi har bir qatlamda kamayishi; uchinchi shart g’altaklar karetkasining harakati qulochi har bir qatlam oxirida kamayishi; va nihoyat to’rtinchi shart g’altaklar karetkasi harakati yo’nalishi har bir qatlam oxirida o’zgarishi hisoblanadi. Pilikning o’ralishida ikkala qator g’altaklariga o’ralayotgan mahsulot tarngligining bir xil bo’lishi muhim rol o’ynaydi. SHuning uchun cho’zish asbobidan chiqayotgan pilik tarangligini nazorat etuvchi maxsus distansion ROJ tizimi qurilmalari o’rnatiladi(4-rasm). Ikkita sensor va protsessor yordamida pilikning tarangligi o’rash davomida doimiy qilib ushlab turiladi. Natijada soxta cho’zilishlar oldi olinib, pilikning tekisligi yuqoriligi ta‟minlanadi. Ayrim hollarda pilik uzilishini nazorat etuvchi qurilmalar o’rnatiladi (5-rasm). 4-rasm. Distansion ROJ tizimi 5-rasm. Pilik nazoratchisi o’rnatilishi Uning bittasi ikkita yondosh pilikni nazorat etib, uning biri uzilishi bilan mashina darhol to’xtaydi. Pilikni o’rash jarayoni o’zgarmagan bo’lsa-da, bo’sh g’altaklarga pilik o’ralishining boshlanishi avtomatik tarzda amalga oshirilganligi

bois pilikning uchi g’altakning yopishqoq belbog’iga ilashib o’ramlar aniq shakllanadi (6-rasm a). 6- rasm. Yopishqoq belbog’ga pilik uchi ilashishi a Piliklash mashinasi ishchi organlariga harakat uzatilishi sxemasi b). 1ragulka, 2- g’altak, 3- karetka va 4-cho’zuvchi silindrlar matorlari O’rash shartlarining bajarilishida tezliklarning o’zgarishi chastota o’zgartiruvchisi-invertor yordamida amalga oshirilishi va g’altak osma bo’lganligi uchun harakat uzatilishi sxemasi ham yangicha yaratilgan bo’lib, differensial hamda qulf mexanizmlari qo’llanilmaydi (6-rasm b). O’rash jarayonini boshqarishda asosan “enkodr” deb ataluvchi mexanizm ishlaydi.

Foydalanilgan adabiyotlar: 1. Pirmatov A.P.va boshqalar, Xom ashyoni yigirishga tayyorlash, leksiyalar matni, TTESI, 2015y. ; 2. www.rieter.com, mashina pasportlari; 3. www . truetzschler . com , mashina pasportlari; 4. www.marzoli . i t, mashina pasportlari

Похожие

Piliklash mashinasidagi konstruktiv yangiliklar

Pilta tayyorlash texnikasi yangiliklari

Iplarni pishitishga tayyorlash texnologiyasi yangiliklari

Yigirish yangiliklari

Halqali yigirish jarayonlarini amalga oshirishdagi takomillashuvlar