Qayta tarashga mahsulotni tayyorlash texnologiyasi - Текстиль - Рефераты

Qayta tarashga mahsulotni tayyorlash texnologiyasi

Загружено в:

20.09.2019

Скачано:

0

Размер:

202.5 KB

Qayta tarashga mahsulotni tayyorlash texnologiyasi Reja: 1. Xolstcha tayyorlashning maqsadi, mohiyati va usullari 2. Xolstcha tayyorlashning yangiliklari 3. Pilta birlashtirish mashinasining yangiliklari

Xolstcha tayyorlashning maqsadi, mohiyati va usullari Qayta tarash jarayonida tolalar uzunligi bo’yicha aniq saralanmaydi. Bu qayta tarash jarayonining kamchiligi hisoblanadi. Mahsulotni qayta tarashga tayyorlash, ya‟ni xolstcha tayyorlashning maqsadi qayta taralgan piltada kalta tolalar, tarandida esa uzun tolalar miqdorini kamaytirishdir. Xolstcha tayyorlashning mohiyati ma‟lum uzunlikdagi piltalarning bir guruhidan ma‟lum zichlik va shaklga ega bo’lgan o’ram hosil qilishdir. Xolstcha pilta birlashtiruvchi mashinalarda shakllanadi. Shlyapkali tarash mashinasi piltasidan xolstcha har xil usullarda qayta tarashga tayyorlanadi.Ulardan birinchisi taralgan pilta piltalash mashinasidan o’tkazilib, pilta birlashtiruvchi mashinada xolstcha olinadi va qayta tarash mashinasiga yuboriladi. Ikkinchi usulda taralgan piltaning 24 tasidan pilta birlashtiruvchi mashinada tayyorlangan xolstcha uni cho’zuvchi mashinadan o’tkazilib, qayta tarash mashinasini ta‟minlovchi mahsuloti - xolstcha shakllanadi. Oxirgi usul hozir keng tarqalib, respublika korxonalarida aynan mazkur usul qo’llanilmoqda. Xolstcha tayyorlashning yangiliklari Xolstcha tayyorlashning yangiliklarini bayon etishdan oldin xolstcha tayyorlashning kamchiliklarini tahlil qilish maqsadga muvofiqdir. Klassik usulda xolstcha qatlami g’altakka yumalatuvchi barabanlar sirtida ishqalanib o’raladi. O’ramning dastlabki qatlamlari o’ralishida yumalatuvchi barabanlar sirti bilan kontakt bir joyda bo’lsa, kontakt joyi o’ram diametri oshgan sari surilib, o’ramga ko’rsatilayotgan bosim kuchi ham o’zgarib kamayib boradi. Bu o’ram strukturasi o’zgarishiga ta‟sir ko’rsatadi. Natijada xolstchada o’ralgan tolalarning joylashishi ham o’zgarib, qayta tarashda tarandiga tushadigan uzun tolalar ulushini ko’payishi muqarrar. Xolstcha tayyorlashda xolst cho’zish prinsipida odatda to’rtta qatlam qo’shilgan bo’lsa, yangi pilta birlashtiruvchi mashinalarda ikkita qatlam qo’shilmoqda. Trutzschler firmasining Superlap TSL 1 pilta birlashtiruvchi mashinasi aynan shu prinsipda ishlaydi (1-rasm). Bunda

1-rasm. Trutzschler firmasining Superlap TSL 1 pilta birlashtiruvchi mashinasi 12 tadan 16 tagacha pilta bitta kallakga, yana shunchasi ikkinchi kallakga uzatiladi. Ulardan hosil bo’lgan qatlamlar ustma-ust yo’naltiruvchi stolchada qo’shiladi. Ta‟minlash ramkasining universalligi va rostlanuvchanligi har xil o’lchamdagi piltalarni qayta ishlash imkoniyatini yaratadi. Bundan tashqari ramka vallari majburiy harakatga keltirilishi tufayli, soxta cho’zilishning oldi olinadi. Mashinada xolstchalar avtomatik tarzda almashadi, ya‟ni to’lganlari olinib o’rniga g’altaklar qo’yiladi. Har bir xolstcha tarozida tortilib nazoratdan o’tkaziladi va berilgan qiymatlar bilan solishtiriladi. Mashinada qo’shilgan piltalar qatlam bo’lib o’ralishdan oldin biroz cho’zilganligi natijasida xolstcha silliq chiqib, tukdorligi past bo’ladi. Ikkita kallakdan chiqqan qatlamlar ustma-ust qo’shilib, xolst yumalatuvchi mexanizmga uzatiladi va uning yordamida xolstcha shakllanadi. Shuni ta‟kidlash kerakki, o’ram diametri oshgan sari g’altakning aylanish chastotasi kamaytiriladi va xolstcha o’ralishi chiziqiy tezligi o’zgarmasligi saqlanadi. SHuning uchun ham xolstchaning uzunligi bo’ylab chiziqiy zichligi, bosim kuchi, cho’zish va o’rash tezligi muntazam o’lchanadi. Pilta birlashtirish mashinasining yangiliklari Rieter firmasining UNIlap E32, OMEGAlap E35 pilta birlashtiruvchi mashinalari ham xuddi shunaqa tuzilgan. UNIlap E32 pilta birlashtiruvchi mashina E72 va E76 qayta tarash mashinalariga, OMEGAlap E35 mashinasi esa E80 qayta tarash mashinasiga xolstcha tayyorlashga mo’ljalangan.

UNIlap E32 mashinasida xolstcha ikkita yumalatuvchi barabanlar sirtida o’raladi (2-rasm). TCL 1 mashinasida ham xolstchaning o’ralishi xuddi shuningdek amalga oshiriladi. a b 2-rasm. UNIlap E32 va TCL 1 mashinalarida xolstcha shakllanishi O’ram diametri kattalashgan sari g’altakning aylanishlar chastotasi kamayib boradi. Bu salbiy xodisa, chunki o’rash tezligi o’zgarishi bilan tolalarning qatlamda joylashishi ham o’zgaradi. Buning asosiy sababi dinamik ta‟sirlar bo’lib, yumalatuvchi barabanlar sirtidagi riflya o’yiqlarida tolalar bosim ostida egilib, riflya qirralari ta‟sirida ishqalanib sidiriladi. Natijada xolstchaning strukturasi buzulib, sifati pasayishi ma‟lum bo’lgan. Buni yo’qotish maqsadida UNIlap E32 mashinasida VARIOspeed rostlagichi ishlatiladi. Uning vazifasi xolstcha o’rami diametrining oshishiga mos holda g’altakning aylanishlar chastotasini pasaytirishdir. Natijada xolstchadagi tolalar holati va tegishlicha xolstcha sifati ham o’zgarmay o’raladi (3-rasm). 3-rasm. UNIlap E32 mashinasida VARIOspeed rostlagichida tezlik o’zgarmasligi ta‟minlanishi

Unumdorligi yuqori E80 qayta tarash mashinasi uchun xolstcha tayyorlovchi OMEGAlap E35 mashinasida g’altakga mahsulot qatlami o’ralishi uzluksiz tasma yordamida amalga oshiriladi (4-rasm). 4-rasm. OMEGAlap E35 mashinasida xolstcha uzluksiz tasmada (chapda) va mashinada (o’ngda) shakllanishining ko’rinishi Tasmali tizimning ishlashi to’la avtomatlashtirilgan bo’lib, uni 5-rasmda ko’rsatilgandek to’rt bosqichga bo’lish mumkin. a b c d 5-rasm. OMEGAlap E35 mashinasida xolstcha shakllanishining bosqichlari a) bo’sh g’altakni o’rnatish b) tasmani yopish, tolali materialni g’altakga joylash; c)o’zgarmas tezlikda to’shamni g’altak to’lguncha o’rash;

d)mashinani to’xtatish, tasmaning ochilishi, to’la xolstchani tashqariga chiqarish d kabi bosqichlarga ajratish mumkin.

Foydalanilgan adabiyotlar: 1. Pirmatov A.P.va boshqalar, Xom ashyoni yigirishga tayyorlash, leksiyalar matni, TTESI, 2015y. ; 2. www.rieter.com, mashina pasportlari; 3. www . truetzschler . com , mashina pasportlari; 4. www.marzoli . i t, mashina pasportlari

Похожие

Iplarni pishitishga tayyorlash texnologiyasi yangiliklari

Xom ashyoni qayta o’rashga tayyorlash jarayoni

Xom ashyoni qayta o’rashga tayyorlash jarayoni

Tarash jarayoni tarash zonalari va ularning qoplamalari

Tаbiiy ipаk chiqindilаrini tаvsifi. Chiqindilаrni dаstlаbki ishlаsh usullаri.