Yangi alifboda hujjatlar tayyorlash e’lon reklama majlis bayoni - Лингвистика - Рефераты

Yangi alifboda hujjatlar tayyorlash e’lon reklama majlis bayoni

Загружено в:

20.09.2019

Скачано:

0

Размер:

24.443359375 KB

Yangi alifboda hujjatlar tayyorlash e’lon reklama majlis bayoni Reja: 1. E’lon. 2. Reklama. 3. Majlis bayoni. 4. Bildirishnoma, ularning vazifasi, zaruriy qismlari, turlari, bu hujjatlarning namunalari ustida ishlash.

Qo‘llaniladigan taq’lim texnologiyalari: dialogok yondashuv, muammoli ta’lim, Venn diagrammasi, baliq skeleti chizmasi. E’LON Ma’lum bir korxona, muassasa, tashkilotda o‘tkaziladigan biror-bir tadbir, yig‘ilish, majlis, uchrashuv, kecha, konsert, anjuman, suhbat, ma’ruza, shuningdek o‘qishga, ishga, hunar o‘rganishga qabul qilish, xizmat turlarini tavsiya etish va boshqa shu kabilardan ishchi-xodimlarni, talabalar va o‘quvchilarni, keng aholini xabardor qilish uchun qo‘llanadigan yozma hamda og‘zaki axborot turi. E’lonlarni ham mazmuni va vazifasiga ko‘ra ikki turga ajratish mumkin. 1. Xizmat e’lonlari. 2. Shaxsiy mavzudagi e’lonlar. Bugungi kunda radio, televideniye, Internet, gazeta, jurnallarni reklama va e’lonlarsiz tasavvur etib bo‘lmaydi. Ularda ijtimoiy-ommabop xizmat e’lonlari bilan bir qatorda shaxsiy mazmundagi e’lonlar ham kam emas. E’lon va reklamalar ko‘rsatiladigan xizmat, bajariladigan ish, amalga oshiriladigan tadbirlar, sotiladigan, almashtiriladigan mahsulotlar haqida tezkor va muhim ma’lumotlar beribgina qolmasdan, turdosh mahsulotlar ishlab chiqaruvchi yoki xizmat ko‘rsatuvchi korxona, tashkilot, muassasalar o‘rtasida ijobiy raqobat yuzaga kelishi uchun ham xizmat qiladi. Matbuot sahifalarida beriladigan yoki jamoat joylarida chiqarib quyiladigan e’lonlar mazmunan va hajman turli-tuman bo‘lsa-da, ular uchun umumiy bo‘lgan zaruriy qismlar mavjud. Ular quyidagilar: – axborot nomi – e’lon; – e’lon qilinayotgan tadbirning o‘tkazilishi vaqti va joyi; – tadbir haqida qisqacha ma’lumot; – e’lon beruvchi tashkilot nomi, manzili, telefoni. NAMUNA O‘zbekiston Respublikasi Vazirlar Mahkamasining 1998-yil 5-yanvardagi 4- sonli va 2001-yil 6-iyuldagi qarorlarining bajarilishini ta’minlash maqsadida

O‘zbekiston Respublikasi Oliy va o‘rta maxsus ta’lim, Xalq ta’limi vazirliklari hamda O‘zbekiston Respublikasi Prezidentining “Iste’dod” jamg‘armasi, “Yilning eng yaxshi darsligi va o‘quv adabiyoti muallifi” respublika tanlovini E’LON QILADI. Tanliv quyidagi o‘quv fanlari bloklari bo‘yicha o‘tkaziladi: – gumanitar va ijtimoiy-iqtisodiy; – matematik va tabiiy-ilmiy; – umumkasbiy; – ixtisoslik. TANLOV TALABLARI: – tanlovga taqdim etilayotgan darslik, o‘quv qo‘llanma, jumladan, electron darslik va elektron o‘quv qo‘llanma O‘zbekiston Respublikasi “Kadrlar tayyorlash milliy dasturi” qabul qilingandan so‘ng nashr qilingan bo‘lishi, umumiy o‘rta, o‘rta maxsus, kasb-hunar va oily ta’lim bo‘yicha Davlat ta’lim standartlariga mos kelishi, o‘rnatilgan taribda tasdiqlangan fan dasturiga muvofiq yaratilgan bo‘lishi, milliy istiqlol g‘oyasi va qadriyatlarimizni o‘zida aks ettirishi, ta’lim jarayonida kamida bir o‘quv yili davomoda qo‘llanilgan va ijobiy taqrizlar bilan e’tirof etilgan bo‘lishi; – ko‘zda tutilgan ta’lim turi uchun belgilangan o‘quv-uslubiy va didktik talablarga to‘liq javob berishi hamda aniq va ravshan tilda yozilgan bo‘lishi; – Xalq ta’limi, Oliy va o‘rta maxsus ta’lim vazirliklari grifi bilan nashr etilgan bo‘lish; – darslik va o‘quv qo‘llanmasi mazmunan yangi, tegishli fanning so‘nggi uch yilda nash etilgan yutuqlarini qamrab olishi, tavsiya etilgan adabiyotlarda xorijiy manbalar, web saytlar bo‘lishi; – matbaa standartlariga javob berish zarur. Taqdim etiladigan darslik va o‘quv qo‘llanma ilmiy, g‘oyaviy va tarbiyaviy mazmuni jahatidan O‘zbekistonning ma’naviy va etnipsixologik merosi, ijtimoiy- iqtisodiy taraqqiyotini chuqur anglashga ko‘maklashishi lozim.

Tanlovda tasarruflikdan qat’i nazar, ta’lim va ilmiy-tadqiqot tizimiga taalluqli barcha ta’lim va ilmiy muassasalar, vazirliklar, qo‘mitalar, idoralar hamda ayrim olimlar va pedagoglar, amaliyotchilar ishtirok etishlsri mumkin. Oldingi yillari tanlovda qatnashib, “Yilning eng yaxshi darsligi va o‘quv aadabiyotlari mualliflari” respublika tanlovi g‘oliblari bo‘lgan o‘quv adaboyotlari tanlovga tavsiya etilmaydi. Tanlovga darslik va o‘quv qo‘llanmalarning 2 ta asl nusxasi yo‘llanma xat yoki ariza va taqrizlar bilan qabul qilinadi. Tanlov g‘oliblariga quyidagi mukofotlar belgilangan: 1-mukofot (I darajali diplom va eng kam oylik maoshning 50 barobari miqdorida pul. 2-mukofot (II darajali diplom va eng kam oylik maoshning 25 barobari miqdorida pul. 3-mukofot (III darajali diplom va eng kam oylik maoshning 15 barobari miqdorida pul. Tanlov goliblarining darslik yoki o‘quv qo‘llanmalari ikkinchi va undan keyingi nashrdan chiqqan taqdirda, ularga ilmiy unvon va ilmiy darajalar berishga tavsiya qilinadi. Tanlovga qabul qilingan adabuyotlar ro‘yxati 2004-yil15-avgustgacha,tanlov natijalari esa 2004-yil 1-oktabrgacha,”O‘qituvchilar va murabbiylar kuni” ommaviy axborot vositalari orqali e’lon qilinadi. Darslik va o‘quv qo‘llanmalar tegishli hujjatlar bilan joriy yilning 1- avgustigacha tanlov komissiyasiga taqdim etilishi zarur. O‘zbekiston Respublikasi Oliy va o‘rta maxsus ta’lim vazirligi, Oliy va o‘rta maxsus maktab muammolari instituti. Telefonlar: 144-89-64, 144-52-89, 41-13-01. MAJLIS BAYONI Majlis bayoni yoki bayonnoma anjuman, majlis, yig‘ilish, kengash va boshqa shu kabi tadbirlarning borishini, unda ishtirok etuvchilar, qatnashchilarning nutq va chiqishlari hamda shu yig‘inda qabul qilingan qarorlarni qayd qiluvchi rasmiy

hujjat hisoblanadi. Bu hujjat yaqingacha protokol, bayonnoma, majlis qarori, majlis bayoni kabi atamalar bilan ham yuritilib kelindi. Umuman olganda, majlis bayoni deb atash ko‘proq maqsadga muvofiq keladi. Majlis bayonini yozish shu yig‘in uchun saylangan yoki yig‘ilish hujjatlarini rasmiylashtirib borish uchun doimiy tayinlangan kotibning vazifasiga kiradi. O‘tkazilgan har qanday yig‘ilish uchun ham majlis bayoni yozilavermaydi. Muntazam o‘tkaziladigan, oldindan rejalashtirilgan, tegishli kun tartibi belgilangan yig‘ilishning majlis bayoni kotib tomonidan imkoni boricha to‘liq yozib boriladi.To‘g‘ri, oldindan rejalashtirilmagan, zudlik bilan o‘tkaziladigan yig‘ilishlar ham bo‘lishi mumkin. Bunday hollarda yig‘ilish ishtirokchilari yig‘ilish hay’ati a’zolari bilan bir qatorda yig‘ilish kotibini ham saylab oladilar. Yig‘ilishlar o‘tkazilishining ham bir qancha tartiblari bor, albatta. Mavzu bo‘yicha ma’ruzachi tayinlanadi, uning nutqi va muhokamada chiqishlar uchun vaqt belgilanadi. Muhokamadan so‘ng yig‘ilish ishtirokchilarining ko‘pchiligi tomonidan ma’qullangan xulosalar asosida mavzu bo‘yicha qaror qabul qilinadi. Shu tariqa yig‘ilish kun tartibidagi boshqa masalalar bo‘yicha ham chiqishlar, muhokama va munozaralar o‘tkazilib, ular yuzasidan ham qarorlar qabul qilinadi hamda bu jarayon majlis bayonida o‘zining to‘liq ifodasini topadi. Majlis bayonlari korxonada olib borilayotgan ishlar, erishilgan yutuqlar, yo‘l qo‘yilgan kamchiliklar, rejalashtirilayotgan yangi tadbirlar, ular bo‘yicha bildirilgan fikr–mulohazalar, qabul qilingan qarorlar va ularning ijrosini ta’minlash bo‘yicha ko‘zda tutilgan ishlar majmuidan iborat bo‘lib qolmasdan, korxona tarixi, ishlab chiqarishning rivojlanishi va o‘sishi, xodimlar faolligi, ularni rag‘batlantirishning ahvoli, korxonada amalga oshirilayotgan ma’naviy-ma’rifiy, siyosiy-tarbiyaviy tadbirlarni aks ettiruvchi muhim hujjat hamdir. Texnika rivojlangan bugungi sharoitda majlis bayonlari stenografik yoki kompyuterda yozishdan tashqari, fonografik va videotasvirlar orqali ham qayd etib borilmoqda. Hujjatchilikda majlis bayonidan ko‘chirma ham muhim o‘rin tutadi. Ba’zan muhokama etilgan barcha masalalar bo‘yicha emas, balki ayrim bir masala yuzasidan ko‘chirma talab etiladi. Majlis bayonidan ko‘chirma olinganda uning

talab qilingan masalaga oid qismi – asosiy nutq, muhokamadagi chiqishlar hamda mavzu yuzasidan qabul qilingan qarorlar qismi yig‘ilish raisi va kotibi imzosi bilan tasdiqlangan holda beriladi. Majlis bayonining zaruriy qismlari: – yig‘ilish o‘tkazilayotgan korxona, tashkilot, muassasa nomi; – hujjat nomi – majlis bayoni (yoki majlis bayonidan ko‘chirma); – yig‘ilish o‘tkazilgan sana, tartib raqami, joyi; – yig‘ilish raisi va kotibning familiyasi, ismi; – matn: 1) yig‘ilish ishtirokchilari ro‘yxati yoki ularning soni; 2) yig‘ilish kun tartibi; 3) eshitildi (masala bo‘yicha ma’ruzachining familiyasi, ismi va nutqi); 4) so‘zga chiqdi (muhokamada qatnashganlarning familiyasi, ismi, fikr- mulohazalari); 5) qaror qilindi (har bir masala bo‘yicha chiqarilgan xulosalar asosida qabul qilingan qarorlar); – ilovalar (ma’ruza bo‘yicha qo‘shimcha ma’lumotlar, ma’lumotnomalar, hisobot, ma’ruza matni, jadval va boshqalar); – yig‘ilish raisi va kotibning imzolari, familiyasi, ismi. NAMUNA Aliser Navoiy nomidagi Samarqand davlat universiteti filologiya fakulteti rus filologiyasi bo‘limi ikkinchi kurs “A” guruhi talabalarining 2007-yil 12-sentabr kuni bo‘lib o‘tgan kasaba uyushmasi a’zolari yig‘ilishining 1-sonli MAJLIS BAYONI QATNASHDILAR: 27 kasaba uyushmasi a’zosidan 26 kishi. Bir kishi betobligi tufayli yig‘ilishda ishtirok etmadi.

K U N T A R T I B I: 1. Guruh kasaba uyushmasi byurosi raisining 2005-2006-o‘quv yilida guruhda amalga oshirilgan ishlar yuzasida hisoboti, byuroning yangi o‘quv yili uchun ish rejasini tasdiqlash hamda byuroning yangi tarkibini saylash. Ma’ruzachi – Dorf T.V. 2. Guruh a’zolarining tartib-intizomi haqida. Ma’ruzachi – guruh “Kamolot” YIH yetakchisi Urcheva L.A. 3. Har xil masalalar. ESHITILDI: guruh kasaba uyushmasi byurosining raisi T.V.Dorf yig‘ilish kun tartibidagi birinchi masala bo‘yicha hisobot berdi. U guruh kasaba uyushmasi byurosi tomonidan o‘tgan o‘quv yilida guruhda amalgam oshirilgan ishlarga batafsl to‘xtaldi(byuro raisi T.V.Dorfning yozma hisoboti majlis bayoniga ilova qilinadi). U so‘zining oxirida yig‘ilish ishtirokchilarini guruh kasaba uyushmasi byurosining yangi o‘quv yili uchun mo‘ljallangan ish rejasi bilan tanishtirdi. Shundan so‘ng yig‘ilish ishtirokchilari guruh kasaba uyushmasi byurosining o‘tgan o‘quv yili davomida amalga oshirgan ishlari yuzasidan byuro raisi T.V.Dorfning hisobotini hamda byuroning yangi o‘quv yili uchun mo‘ljallangan ish rejsini muhokama qilishdi. SO‘ZGA CHIQDI: Guruh talabalari S.Jitkiyevich, Y.Shegay, V.Shkayevalar mazkur masala yuzasidan so‘zga chiqishdi va hisobot haqida, byuro a’zolarining ishlari haqida o‘z fikr-mulohazalarini bildirishib, byuro raisi hamda byuro a’zolarini o‘tgan o‘quv yilida yaxshi faoliyat ko‘rsatganliklarini inobatga olib, ularni qayta saylash taklifini bildirishdi. Yig‘ilish ishtirokchilari ular kiritgan takliflar hamda ish rejasi bo‘yich bildirgan qo‘shimchalarni bir ovozdan ma’qullashdi. QAROR QILINDI: 1. Guruh kasaba uyushmasi byurosining raisi T.V.Dorfning byuro tomonidan 2005-2006-o‘quv yilida amalga oshirilgan ishlar yuzasidan hisoboti ma’lumot uchun qabul qilinsin(yozma hisobot majlis bayoniga ilova qilinadi).

2. Guruh kasaba uyushmasi byurosining raisi T.V.Dorf va u boshchiligidagi byuro a’zolari A.Jukova, H.Doroshenko, T.Korinalarning o‘tgan o‘quv yilida yaxshi ishlaganliklari ta’kidlansin hamda ular keyingi muddatga saylangan deb hisoblansin. 3. Guruh kasaba uyushmasi byurosining 2006-2007-o‘quv yili uchun mo‘ljallangan ish rejasi kiritilgan takliflar inobatga olingan holda tasdiqlansin (ish reja majlis bayoniga ilova qilinadi). ESHITILDI: yig‘ilish kun tartibidagi navbatdagi masala bo‘yicha guruh “Kamolot” YIH yetakchisi Urcheva L.A. axborot berdi. U o‘z so‘zida guruhda tartib–intizomning bir oz bo‘shashganligini, chunonchi o‘tgan haftadagi ma’naviyat soatiga ayrim talabalarning faol qatnashmaganligini tanqid qilib o‘tdi.Shuningdek, talabalardan O.Karatsuba, N.Beresheva, T.Manukyanlar Universitet xiyobonida o‘tkazilayotgan shanbaliklarga ham chiqishmaganini aytib o‘tdi. U guruh talabalarini o‘qishda ham, jamoat ishlarida ham, tartib-intizomda ham faol bo‘lishga chaqirdi. SO‘ZGA CHIQDI: guruh talabalaridan I.Chachiyeva, V.Yun, L.Reyxert, I.Konyevalar so‘zga chiqishib, ikkinchi masala bo‘yicha axborot bergan guruh “Kamolot” YIH yetakchisi L.A.Urchevaning fikrlarini qo‘llab-quvvatladilar hamda guruhda tartib-intizomni mustahkamlash yuzasidan o‘zlarining takliflari va mulohazalarini bildirdilar. QAROR QILINDI: 1. Guruhda yangi o‘quv yili boshidanoq tartib-intizomning bo‘shashganligi qayd etilsin va tartib-intizomni buzuvchilar ustidan doimiy nazorat o‘rnatish, amaliy mashg‘ulotlar, seminarlardan ulgurmayotgan talabalarga ko‘maklashish guruh kasaba uyushmasi byurosining yangi tarkibi a’zolariga yuklatilsin. ESHITILDI : yig‘ilish kun tartibidagi har xil masalalar bo‘yicha guruh oqsoqoli B.Sayfulov so‘z olib, dars jadvalidagi o‘zgarishlar, obuna hamda dekanat tomonidan berilgan har xil topshiriqlarni talabalarga yetkazdi. Shu bilan guruh kasaba uyushmasi a’zolari yig‘ilishi o‘z ishini tugatdi. Yigilish raisi: Dorf T.V.

Yig‘ilish kotibi: Hatamova L.Ch. BILDIRISHNOMA Bildirishnoma xodimning ma’muriyatga, korxona, tashkilot, muassasa rahbariga biror-bir voqea-hodisa (ijobiy yoki salbiy), ishda yuz bergan uzilishlar, yo‘l qo‘yilgan biror bir kamchilik, nuqson, shuningdek mehnat ta’tilidan, homiladorlik ta’tilidan, betoblikdan so‘ng vazifasini bajarish uchun ishga chiqqanligini ma’lum qilish to‘g‘risida taqdim etadigan yozma axboroti. Shuningdek, bildirishnomalar quyi bo‘g‘in mutasaddilari tomonidan o‘qish, ish, ilmiy, ijodiy va jamoat ishlaridagi faolligi uchun talaba, ishchi, xizmatchi xodimlarni moddiy yoki ma’naviy rag‘batlantirish haqida korxona rahbari nomiga yozilishi ham mumkin. Bildirishnomalar yuqori idora, rahbarlik qiluvchi tashkilotlar, mansabdor shaxslarga ham yo‘llanishi mumkin. Shunga ko‘ra bildirishnomalar tashqi va ichki bildirishnomalar kabi turlarga bo‘linadi. Korxonadan tashqariga yo‘llanadigan bildirishnomalar tashqi bildirishnomalar sanalsa, korxona doirasida qo‘llanadigan bildirishnomalar uning ichki turiga mansub bo‘ladi. Ish qog‘ozlari yuritish jarayonida ko‘proq ichki bildirishnomalardan foydalaniladi. Ichki bildirishnomalar odatda qo‘lda yoziladi. Ehtiyoj va imkoniyat bo‘lganda yoki fakultet, bo‘lim rahbariyati nomidan boshqaruv rahbariyatiga yuborilayotganda kompyuterda yozilishi ham mumkin. Bunday bildirishnomalarda yaxshi xizmatlari uchun xodimlarning nomzodi moddiy, ma’naviy rag‘batlantirishga tavsiya etilsa, yol qo‘yilgan nuqsonlar uchun uni yozishga sabab bo‘lgan voqea, holat, xatti-harakat bayon etilib, unga munosabat hamda takliflar aks ettiriladi. Ichki bildirishnomalarining zaruriy qismlari: – hujjat taqdim etilayotgan tashkilot, korxona, muassasa nomi, rahbarining lavozimi, familiyasi, ismi va otasining ismi; – hujjat yozayotgan kishining ish joyi, lavozimi, familiyasi, ismi va otasining ismi; – hujjat nomi – bildirishnoma;

– matn (unda ma’lum qilinayotgan voqea-hodisa, yo‘l qo‘yilgan kamchilik, nuqson, erishilgan yutuqlar, unga munosabat hamda takliflar aks etadi); – ilovalar ro‘yxati (kasallik varaqasi, ma’lumotnoma, tushuntirish xati va boshqalar); – bildirishnoma yozayotgan shaxsning, familiyasi, ismi, imzosi va yozilgan sana. NAMUNA Alisher Navoiy nomidagi Samarqand davlat universiteti rektori professor T.Sh.Shirinovga filologiya fakulteti o‘zbek filologiyasi bo‘limi amaliy tilshunoslik, o‘zbek tili va adabiyoti o‘qitish metodikasi kafedrasi o‘qituvchisi Sh.Oxunovadan BILDIRISHNOMA Meni homiladorlik hamda farzandim 3 yoshga to‘1gunicha qarash uchun olgan haq to‘lanmaydigan ta’tildan so‘ng 2006-yil 28-avgustdan o‘z vazifamni bajarishga kirishgan deb hisoblashingizni so‘rayman. 2006-yil 28-avgust. imzo Oxunova Sh. Alisher Navoiy nomidagi Samarqand davlat universiteti filologiya fakulteti dekani dotsent J.D.Eltazarovga universitet jismoniy tarbiya kafedrasi katta o‘qituvchisi O‘.Sh.Samandarovdan BILDIRISHNOMA Siz rahbarlik qilayotgan fakultetning o‘zbek filologiyasi bo‘limi 1-kurs 04- guruh talabalari: Xolmurodova Bibisora, Norqulova Shirin, Xudoyberdiyeva Adolat 2007-yil 4- va 11-yanvar kunlari universitet talabalarining qishki

spartakiadasiga tayyorgarlik mashg‘ulotlariga sababsiz ravishda qatnashmadi. Bu talabalarga nisbatan tegishli chora ko‘rishingizni so‘rayman. 2007-yil 11-yanvar. imzo Samandarov O‘.Sh. MUSTAQIL O‘RGANISH UCHUN SHARTNOMA Bu hujjat ikki yoki undan ortiq fuqarolarning, yuridik shaxslarning huquqiy munosabatlari, majburiyatlari va boshqalarni belgilash, o‘zgartirish yoki to‘xtatishni nazarda tutadi. Shartnomalar davlatlararo, korxonalar, tashkilotlar, muassasalar, xususiy korxonalar va hatto fuqarolar o‘rtasida ham tuzilishi mumkin. Mahsulotlar yetishtirish, ularni xarid qilish, qayta ishlash, mulkiy javobgarlik, binolar qurish, turar joy ijarasi, uy-joy, dala hovli, transport vositalarining oldi- sotdisi, mol-mulkni hadya qilish, almashtirish, ijaraga olish, qarz berish va hokazolar haqida korxona bilan korxona, fuqarolar o‘rtasida shartnomalar tuzilishi mumkin. Shartnomalar o‘z mazmuni va mohiyatiga ko‘ra amaldagi qonunlarga to‘la mos bo‘lishi shart. Shartnomalar tomonlar imzolaganlaridan so‘ng yoki notarial idora tomonidan tasdiqlangan paytdan boshlab qonuniy kuchga kiradi. Hozirgi paytda qo‘llanishda bo‘lgan shartnomalar mazmun va shakl jihatdan turli- tumandir. Shartnomalarning ayrim turlari avvaldan tayyor, bir xil mazmundagi andoza asosida tuzilsa, ayrimlari esa unda belgilanayotgan vazifa va majburiyatlarning turli-tumanligiga qarab har safar ish jarayonida yangicha mazmun va shakldagi matn asosida tayyorlanadi. Turmushda ko‘p qo‘llanishda bo‘lishini hisobga olib talabalar o‘rganishlari uchun korxona va fuqaro o‘rtasida tuziladigan mehnat shartnomasi (bitimi)ning zaruriy qismlariga to‘xtalamiz. Ular quyidagilar: – hujjat nomi – mehnat bitimi; – hujjat tuzilgan sana va joyi; – bitimni tuzayotgan korxona nomi, rahbarining lavozimi, familiyasi, ismi, fuqaroning ish joyi, lavozimi, familiyasi, ismi;

– matn (ijrochi va buyurtmachining majburiyatlari); – ishning bajarilish muddati, to‘lanadigan haq, to‘lanish muddati va tartibi; – ish sifatiga qo‘yiladigan talablar, uni qabul qilib olish tartibi; – tomonlarning manzillari, ijrochi va buyurtmachi imzolari, familiyalari, ismlari va muhr; – ilovalar ro‘yxati. NAMUNA MEHNAT SHARTNOMASI 2000-yil 18-avgust Samarqand shahri Samarqaand viloyat hokimligi adliya boshqarmasi nomidan(bundan keyin ish beruvchi deb qayd etiladi) boshqarma boshlig‘i va O‘zbekiston Respublikasi fuqarosi, Alisher Navoiy nomidagi Samarqand davlat universiteti o‘zbek filologiyasi fakulteti o‘zbek tili va adabiyoti kafedrasining katta o‘qituvchisi Berdiyev Husan Xolnazarovich(bundan keyin ish bajaruvchi deb qayd etiladi) birgalikda yshbu mehnat shartnomasini quyida bayon etilgan majburiyat va vazifalarni bajarish bo‘yicha kelishib, imzoladilar. Mazkur mehnat shartnomasining asosi viloyat adliya boshqarmasi idora a’zolari, notariat idoralari va fuqarolik holati dalolatnomalarini yozish (FHDY) idoralari xodimlariga lotin yozuviga asoslangan yangi o‘zbek alifbosi va imlo qoidalarini o‘rgatish bo‘yicha amaliy o‘quv mashg‘ulotlarini tashkil etish hisolanadi. I. Ish beruvchi: 1.1. Ish bajaruvchi tomonidan tuzilib, tegishli tartibda tasdiqlangan o‘quv-ish dasturi asosida guruhlarga taqsimlangan adliya boshqarmasi xodimlariga, notariat

va FHDY xodimlariga belgilangan xonalarda va paytda oquv mashg‘ulotlari o‘tish uchun barcha sharitlarni yaratadi, tinglovchilarning to‘liq ishtirokini ta’minlaydi. 1.2. Ish bajaruvchiga o‘tilgan har bir soatlik amaliy mashg‘ulot uchun oliy o‘quv yurtlari talabalriga o‘tiladigan darslarga soatbay asosida to‘lanadigan ish haqiga ellik foiz miqdorida ustama qo‘shib to‘laydi. II. Ish bajaruvchi: 2.1. Amaliy o‘quv mashg‘ulotlarini tegishli o‘quv dasturi va ish rejasiga asosan ish beruvchi tasdiqlagan dars jadvaliga binoan sifatli o‘tilishini ta’minlaydi. 2.2. Guruhlar bo‘yicha o‘quv mashg‘ulotlarining natijalari yuzasidan har bir xodimning olgan bilim darajasi, yangi alifbo va imloda qay darajada ish qog‘ozlari yurita olish malakasi to‘g‘risida ish beruvchiga yozma ravushda axborot beradi. 2.3. Ushbu mehnat shartnomasi tomonlarning o‘zaro kelishuvi asosida tuzilgan bo‘lib, unda ko‘rsatilgan shartlar to‘liq bajarilgunga qadar kuchda bo‘ladi. 2.4. Shartnomada ko‘zda tutilgan majburiyat va vazifalarning bajarilishi jarayonida yuzaga keladigan nizolar amaldagi qonun va qoidalar asosida hal etiladi. Samarqand viloyat hokimligi SamDU o‘zbek filologi- adliya boshqarmasi boshlig‘i: yasi fakulteti o‘zbek tili va adabiyoti kafedrasi katta o‘qituvchisi BERDIYEV H.X.

Adabiyotlar : 1. Абдумажидов Ғ . “ Ў збекистон Республикасининг давлат тили ҳ а қ ида ” ги қ онунига шар ҳ лар . Т .: Адолат , 1999. 2. Абдура ҳ монов Ғ ., Мамажонов С. Ў збек тили ва адабиёти. – Т.: Ў збекистон, 2002. 3. Алишер Навоий асарлари тилининг изо ҳ ли лу ғ ати. – Т.: Фан, 1984. 4. Ў збек адабий тилининг муста қ иллик даври ривожига доир. “ Ў збек тили ва адабиёти” журнали, 2006, 4-сон, 3-9-бетлар. 5. Бекму ҳ амедов Ҳ .Ю. Тарих терминларининг изо ҳ ли лу ғ ати. – Т.: Ўқ итувчи, 1986. 6. Мадвалиев А. Янги лу ғ атлар яратиш – давр т ақ озоси. “ Ў збек тили ва адабиёти” журнали, 2006, 4-сон, 16-21-бетлар. 7. Муста қ иллик. Изо ҳ ли илмий–оммабоп лу ғ ат. – Т.: Шар қ , 1998. 8. Ў збек тили илмий–техникавий терминологиясини тартибга сол и ш принциплари. – Т.: Фан, 1991. 9. Ҳ ожиев А. Лингвистик терминларнинг изо ҳ ли лу ғ ати. – Т.: Ўқ итувчи, 1985.

Похожие

Yangi alifboda hujjatlar tayyorlash ariza buyruq dalolatnoma ma’lumotnoma

Yangi alifboda hujjatlar tayyorlash tushintirish xati tilxat ishinch xati

Hujjatchilik va uning tarixi haqida davlat tili va yangi alifboda ish yuritish masalalari hujjatlar tili.

Qadimiy xalqlar va ularning yozuvlari

Nutqning uslubiy turlari