Yangi alifboda hujjatlar tayyorlash ariza buyruq dalolatnoma ma’lumotnoma - Лингвистика - Рефераты

Yangi alifboda hujjatlar tayyorlash ariza buyruq dalolatnoma ma’lumotnoma

Загружено в:

20.09.2019

Скачано:

0

Размер:

24.0263671875 KB

Yangi alifboda hujjatlar tayyorlash ariza buyruq dalolatnoma ma’lumotnoma Reja: 1. Ariza. 2. Buyruq. 3. Dalolatnoma. 4. Ma’lumotnoma.

Qo‘llaniladigan taq’lim texnologiyalari: dialogok yondashuv, muammoli ta’lim, Venn diagrammasi, baliq skeleti chizmasi. ARIZA Ma’lum bir davlat tashkiloti, xususiy korxona, huquqni muhofaza qilish idoralari rahbarlari, mansabdor shaxslar nomiga iltimos, taklif yoki shikoyat mazmunida yoziladigan rasmiy hujjat. Shikoyat mazmunidagi arizalar kelib tushgan tashkilot tomonidan tegishli tartibda ro‘yxatdan o‘tkaziladi. Ariza ish, o‘qish, yashash joylarida eng ko‘p qo‘llanadigan hujjatlar turiga kiradi. Ariza alohida bir shaxs yoki bir qancha kishilar tomonidan jamoa bo‘lib yozilishi ham mumkin. Bu hujjat mahalla raisiga, jamoat tashkiloti rahbariga, bog‘cha mudirasiga, maktab, litsey, kollej direktoriga, oliy o‘quv yurti rektoriga, xo‘jalik, tashkilot, korxona, muassasa boshliqlariga, tuman, shahar, viloyat hokimlari yoki respublika miqyosidagi rahbarlar, mansabdor shaxslarga yo‘llanishi mumkin. Arizalarning mazmuni va hajmi turli-tuman bo‘lsa-da, ularning barchasi uchun xos bo‘lgan umumiy zaruriy qismlar muvjud. Ularga quyidagilarni kiritish mumkin: – ariza yo‘llanayotgan tashkilot nomi, rahbarining lavozimi, familiyasi, ismi; – ariza yozuvchining ish, o‘qish yoki yashash joyi, lavozimi, familiyasi, ismi, otasining ismi; – hujjat nomi – ariza; – matn (iltimos, taklif yoki shikoyat mazmunidagi ariza uchun asos bo‘lgan fikr– mulohazalarning qisqagina bayoni); – ilova hujjatlar ro‘yxati (mavjud bo‘lsa yoki talab etilsa); – ariza yozuvchining imzosi, familiyasi, ismi, yozilgan sana. Ariza imkon qadar qisqa, ma’lumotlarga asoslangan holda, tushunarli uslubda yozilishi lozim. Ariza bevosita rahbarning o‘ziga yoki shu ishlar bo‘yicha mutasaddi kishiga topshiriladi. Arizada bayon etilgan iltimos, talab, taklif yoki shikoyat amaldagi qonunlarda belgilangan tartibda muddatda hal etiladi.

NAMUNA Alisher Navoiy nomidagi Samarqand davlat universiteti tabiiy fanlar fakulteti talabalar kasaba uyushmasi byurosi rasi S.Anorovga shu fakultet biologiya bo‘limi I kurs rus guruhi talabasi Rahmonova Dildoradan ARIZA Guruhimiz talabalari bilan Prezident ta’tili paytida, ya’ni 2006-yil 28–29-dekabr kunlari mamlakatimizning qadimiy shaharlaridan Buxoro hamda Qarshi shaharlariga jamoa bo‘lib sayohatga borishni rejalashtirganmiz. Viloyat sayohat byurosi bilan kelishib, guruhimiz talabalari uchun ikki kunga 25 o‘rinli avtobus olishimizga yordamlashishingizni so‘rayman. Yo‘l xarajatlarini naqd pul bilan to‘laymiz. 2006.19.12. imzo RAHMONOVA D. TOPSHIRIQLAR 1. Mavzuni diqqat bilan o‘qib, o‘rganing. 2. Ariza bilan hal etiladigan masalalar haqida gapirib bering. 3. Quyidagi mavzularda ariza namunalarini yozing: to‘y munosabati bilan fakultet dekanidan ikki kunlik darslardan ozod etishi to‘g‘risida ruxsat so‘rang, farzandingizni bog‘chaga joylash haqida, ishga kirish haqida, uy-joy qurish uchun yer ajratish haqida, tadbirkorlik bilan shug‘ullanish uchun mablag‘ ajratish haqida, muddatidan oldin mehnat ta’tili olish haqqida, xizmat safariga yuborish haqida va hokazo. BUYRUQ Buyruq korxona, tashkilot, muassasa rahbari tomonidan chiqariladigan rasmiy hujjat. Uning asl nusxasi O‘zbekiston Respublikasi gerbi tushirilgan maxsus xos

qog‘oz(blank)ga rasmiylashtiriladi. Dastlab mutasaddi shaxs tomonidan tegishli mavzuga doir buyruq loyihasi tayyorlanadi va unga soha bo‘yicha javobgar shaxslar, mutaxassislarning roziligini ifodalovchi yozuvlar bilan imzolari to‘planadi. Korxona rahbari buyruq loyihasini “buyruqqa”, “buyruq uchun” deb imzolagandan so‘ng devonxona yoki xodimlar bo‘limida ro‘yxatga olingan sana va tartib raqami bilan buyruq chiqariladi va u qonuniy kuchga kiradi. Yuqori tashkilotning buyrug‘i quyi tashkilotlar uchun, tashkilotning o‘zida chiqarilgan buyruqlar uning barcha xodimlari uchun bajarilishi shart bo‘lgan hujjatdir. Zarurat bo‘lganda chiqarilgan buyruqdan ko‘chirma berilishi mumkin. Buyruqda korxonada amalga oshiriladigan barcha turdagi ishlar hamda kundalik vazifalar o‘z aksini topadi. Buyruqlar mazmuni va vazifasiga ko‘ra ikki turga bo‘linadi: 1. Korxona faoliyatiga doir buyruqlar. 2. Kadrlar shaxsiy tarkibiga oid buyruqlar. Har ikki turdagi buyruqlar ham ketma–ket tartibda sana va raqamlar bilan rasmiylashtirib boriladi. Birinchi turdagi buyruqlarda korxona faoliyati bilan bog‘liq barcha ishlarni tashkil etish, ularni amalga oshirish, nazorat qilish, mablag‘ bilan ta’minlash, rejalashtirish, hisobot va hokazolar o‘z ifodasini topadi. Buyruqlar vazifasiga ko‘ra raqamlar bilan bir qatorda maxsus qisqartmalar bilan ham yuritiladi. Masalan, xizmat safarlari (XS) haqida bo‘lsa, 00-XS, ijro(IJ) etish to‘g‘risida bo‘lsa, 00-IJ, moliyaviy(M) masalalar bo‘yicha bo‘lsa, 00-M, kadrlar – xodimlar(K yoki X) shaxsiy tarkibiga oid bulsa, 00-K, talabalar(T) haqida bo‘lsa 00-T kabi va hokazo. Shaxsiy tarkibga oid buyruqlarda xodimlarni ishga olish, ishdan bo‘shatish, boshqa lavozim yoki ishga o‘tkazish, rag‘batlantirish, mehnat ta’tili berish, mehnat ta’tilidan chaqirib olish kabilar rasmiylashtiriladi. Buyruqning zaruriy qismlari: – davlat gerbi, vazirlik nomi va korxona nomi yozilgan xos qog‘oz; – buyruqning nima haqdaligi yoki buyruqning sarlavhasi; – rasmiylashtirilgan sana, buyruq tartib raqami va joyi; – hujjat nomi – buyruq; – matn (buyruq mazmuni va shu asosda bajariladigan vazifalar, qo‘yiladigan talablar va hokazo);

– buyruq ijrosini nazorat qiluvchi; – buyruq uchun asos bo‘lgan hujjatlar; – buyruq loyihasini tayyorlovchining lavozimi, familiyasi, ismi; – korxona rahbarining lavozimi, imzosi, munosabat belgisi, familiyasi, ismi; – buyruqqa rozilik bildirgan mutasaddilarning imzolari, familiyasi, ismi (huquqshunos, bosh hisobchi, bosh iqtisodchi, moliya–rejalashtirish bo‘limii boshlig‘i, rahbar o‘rinbosarlari va boshqalar). NAMUNA O‘zbekiston Respublikasi Oliy va o‘rta maxsus ta’lm vazirligi Alisher Navoiy nomidagi Samarqand davlat universiteti Samarqand shahri 2005 - yil 2 - may 99-ij raqamli BUYRUQ O‘zbekistonda xizmat ko‘rsatgan fan arbobi, filologiya fanlari doktori, professor Nuriddin Shukurov tavalludining 75 yilligini nishonlash to‘g‘risida. Samarqand viloyat hokimligining 2005-yil 22-martdagi 66-K raqamli “O‘zbekistonda xizmat ko‘rsatgan fan arbobi, filologiya fanlari doktori, professor Nuriddin Shukurov tavalludining 75 yilligini nishonlash to‘g‘risida”gi qarori ijrosini ta’minlash hamda taniqli adabiyotshunos olim Nuriddin Shukurov tavalludining 75 yilligini nishonlash bilan bog‘liq tadbirlarning yuqori saviyada o‘tkazilishini ta’minlash maqsadida B Y U R A M A N: 1 . Taniqli adabiyotshunos olim, O‘zbekistonda xizmat ko‘rsatgan fan arbobi, filologiya fanlari doktori, professor Nuriddin Shukurov tavalludining 75 yilligi universitet miqyosida keng nishonlansin.

2. Professor Nuriddin Shukurov tavalludining 75 yilligiga tayyorgarlik ko‘rish va uni yuqori savida o‘tkazishni tashkil etish uchun quyidagi tarkibda ishchi guruhi tuzilsin: 2.1. Professor Shirinov T.Sh. – rektor, ishchi guruhi raisi. 2.2. Professor Muhidinov M.Q. – ma’naviy-ma’rifiy ishlar bo‘yicha birinchi prorektor, rais o‘rinbosari. 2.3. Professor Soliyev A.S. – o‘quv ishlari bo‘yicha prorektor, a’zo. 2.4. Professor Qodirov M.Q. – ilmiy ishlar va informatsion texnologiyalar bo‘yicha prorektor, a’zo. 2.5. Pardayev I.R. – iqtisodiyot va tadbirkorlik ishlari bo‘yicha prorektor, a’zo. 2.6. Professor Karimov S.A. – o‘zbek filologiyasi fakulteti dekani, a’zo. 2.7. Akademik Valixo‘jayev B.N. – o‘zbek adabiyoti tarixi kafedrasi mudiri, a’zo. 2.8. Professor Umurov H.I. – hozirgi zamon o‘zbek adabiyoti kafedrasi midiri, a’zo. 2.9. Professor Mirzayev S.Z. – hozirgi zamon o‘zbek adabiyoti kafedrasi, a’zo. 3. Ishchi guruhiga: 3.1. 2005-yil 26-may kuni universitetda professor Nuriddin Shukurov tavalludining 75 yilligiga bag‘ishlangan respublika ilmiy konferensiyasi o‘tkazish; 3.2. O‘zbekiston Yozuvchilar uyushmasi Samarqand viloyati bo‘limi bilan hamkorlikda fakultetlarda adib hayoti va ijodiga bag‘ishlsngan adabiy-badiiy kechalar, davra suhbatlari tashkil qilish; 3.3. Professor Nuriddin Shukurov xotirasini abadiylashtirish maqsadida o‘zbek filologiyasi fakultetida professor Nuriddin Shukurov nomidagi o‘quv xonasi tashkil etish va uni jihozlash kabi tashkiliy vazifalar yuklatilsin. 4. Adabiyotshunos olim Nuriddin Shukurov tavalludining 75 yilligiga bag‘ishlangan konferensiyaning dasturiga kiritilgan mualliflarning maqola va ma’ruzalar materiallarini tanlash, ularni nashr qilish uchun tavsiya etish bo‘yicha takliflar tayyorlash uchun quyidagi tarkibda dasturiy qo‘mita tuzilsin: 4.1. Professor Umurov H.I. – hozirgi zamon o‘zbek adabiyoti kafedrasi midiri, dasturiy qo‘mita raisi. 4.2. Dotsent Absamiyev H.A. – hozirgi zamon o‘zbek adabiyoti kafedrasi, a’zo.

4.3. Dotsent Hasanov Sh.A. – hozirgi zamon o‘zbek adabiyoti kafedrasi, a’zo. 4.4. F.f.n. Nosirov A.N. – hozirgi zamon o‘zbek adabiyoti kafedrasi, mas’ul kotib. 5. Konferensiya materiallari(maqolalar to‘plami)ni chop etish uchun quyidagi tarkibda tahririyat hay’ati tuzilsin: 5.1. Professor Umurov H.I. – hozirgi zamon o‘zbek adabiyoti kafedrasi midiri, mas’ul muharrir. 5.2. Meliyev Q.Y. – nashr-matbaa markazi boshlig‘i, a’zo. 5.3. Tohirov S.Q. – tahrir-nashriyot bo‘limi boshlig‘i, a’zo. 5.4. Nosirov A.N. – mas’ul kotib. 6. Konferensiyaning dasturi va taklifnomasini tuzish hozirgi zamon o‘zbek adabiyoti kafedrasi a’zolari zimmasiga, dastur va taklifnomalarni konferensiya ishtirokchilariga yuborish universitet ma’naviyat va ma’rifat bo‘limiga yuklatilsin. Muddati: 2005-yil 10-maygacha. 7. Konferensiyada o‘qish uchun tavsiya qilingan eng yaxshi ma’ruzalar materiallari, maqolalarni nashr etishga tayyorlash ilmiy ishlar va informatsion texnologiyalar bo‘yicha prorektor M.Q.Qodirovga hamda nashr-matbaa markazi boshlig‘i, Q.Y.Meliyevga yuklatilsin. Muddati: 2005-yil 10-maygacha. 8. Professor Nuriddin Shukurov tavalludining 75 yilligiga bag‘ishlangan respublika ilmiy konferensiyasini o‘tkazish bilan bog‘liq xarajatlar universitetning budjetdan tashqari mablag‘lari hisobidan qoplansin. 9. Ushbu buyruq ijrosini nazorat qilish ma’naviy-ma’rifiy ishlar bo‘yicha birinchi prorektor professor M.Q.Muhidinovga topshirilsin. Asos: ma’naviyat va ma’rifat bo‘limi boshlig‘i X.To‘xtayev tayyorlagan buyruq loyihasi, prorektorlar: Muhidinov M.Q., Soliyev A.S., Qodirov M.Q., Pardayev I.R., huquqshunos–maslahatchi F.B.Valixo‘jayevalarning roziliklari va rektor T.Sh.Shirinovning munosabat belgisi. REKTOR SHIRINOV T. Sh.

3. Berilgan buyruq namunasidan foydalanib, ishga qabul qilish, ishdan bo‘shatish, ta’til vaqtini o‘zgartirish, xizmat safariga yuborish, yaxshi ko‘rsatkichlari uchun xodimni moddiy rag‘batlantirish to‘g‘risida buyruq loyihalarini tayyorlang. DALOLATNOMA Dalolatnoma ham kundalik hayotimizda ko‘p qo‘llanadigan hujjatlar sirasiga kiradi. Dalolatnoma, odatda, ma’lum muassasa, korxona, tashkilot yoki ayrim shaxslar faoliyati bilan bog‘liq bo‘lgan biror-bir voqea-hodisa, xatti-harakat yoki mavjud holatni tasdiqlash maqsadida kamida uch kishi tomonidan tuzilib imzolanadigan hujjatdir. Dalolatnoma ikki yoki uch nusxada tuzilishi mumkin. Dalolatnomada tekshirilgan voqea, hodisa, xatti-harakat tafsiloti, jihozlar, asbob-uskuna, ashyolar, texnika, binolarning yaroqli-yaroqsiz holati o‘z aksini topishi lozim. Chunki dalolatnomada qayd etilgan holat, dalillar ma’lum korxona, bo‘lim yoki shaxs, uning yashash sharoiti, iqtisodiy imkoniyati, faoliyati haqida tegishli xulosa chiqarish uchun imkoniyat beradi. Bu hujjat tegishli joylarda taftish o‘tkazilganda, rahbarlar yoki moddiy javobgar shaxslar almashayotganda, moddiy boyliklar bir javobgar shaxsdan ikkinchisiga yoki bir joydan boshqa biriga o‘tkazilayotganda, yangi qurilgan binolarni qabul qilib olishda, korxonaga tegishli asbob-uskuna, jihoz va buyumlarni hisobdan o‘tkazish, hisobdan chiqarish, ish jarayonida yoki ishdan tashqari vaqtda yuz bergan baxtsiz hodisalar, tabiiy ofatlarning oqibatlari tekshirilganda, tibbiyot sohasida, sud-tergov ishlarida, ishchi va xizmatchilarning iqtisodiy hamda yashash sharoitlari o‘rganib chiqilgandan so‘ng tuziladi. Dalolatnoma tuzilgach, o‘sha vaqtning o‘zidayoq komissiya a’zolari, ishtirokchilar yoki guvohlar nazorati ostida rasmiylashtirilib, ularning ham imzolari bilan tasdiqlanadi. O‘rganilib, dalolatnoma tuzilgan sohaga doir qo‘shimcha hujjatlar bo‘lsa, unga ilova qilinadi va dalolatnomada ilova hujjatlar nomi, hajmi qayd etiladi.

Dalolatnomalar tasdiqlanayotgan voqea-hodisalar mazmuni yoritilishiga ko‘ra turli hajmda rasmiylashtirilishi mumkin. Biroq ularning barchasida qamrab olinishi lozim bo‘lgan zaruriy qismlar mavjud. Ularga quyidagilar kiradi: – muassasa, korxona yoki tashkilot nomi; – hujjat nomi – dalolatnoma; – tuzilgan sana va joy; – dalolatnomani tuzish uchun asos bo‘lgan hujjat (buyruq, qaror, ko‘rsatma, ariza, farmoyish va hokazo); – komissiya tarkibi (rais va a’zolarning lavozimi, familiyalari, ismlari); – matn (tasdiqlanayotgan voqea-hodisa yoki mavjud holatning batafsil bayoni); – ilovalar ro‘yxati, ularning hajmi; – dalolatnoma tuzuvchilar, ishtirok etuvchilar yoki guvohlarning imzolari, familiyalari, ismlari. NAMUNA O‘zbekiston Respublikasi Oliy va o‘rta maxsus ta’lm vazirligi Alisher Navoiy nomidagi Samarqand davlat universiteti Universitet arxivi holati va faoliyatini o‘rganish haqida DALOLATNOMA 2004-yil 28-may. Samarqand shahri. Asos: universitet bo‘yicha 2004-yil 20-mayda “Universitet arxivining holati va faoliyatini o‘rganish haqida” chiqarilgan 07-F raqamli farmoyish. Farmoyishga binoan universitet monitoring va ichki inspeksiyasi boshlig‘i A.M.Uzoqov raisligida hamda huquqshunos-maslahatchi F.B.Valixo‘jayeva, ma’naviyat va ma’rifat bo‘limi bishlig‘i X.To‘xtayev, maxsus bo‘lim boshlig‘i A.A.Toshpo‘latov, devonxona mudiri vazifasini bajaruvchi M.Boltayevlar a’zoligida komissiya tuzildi. Komissiya shu yil 21-maydan 28-maygacha bo‘lgan

muddat davomida universitet arxivi holati hamda ish faoliyatini o‘rganib chiqib, quyidagilarni aniqladi: 1. Universitet arxivi uchun yangi qurilgan to‘qqiz qavatli binoning to‘qqizinchi qavatidan bir qancha xonalardan ibirat joy ajratilgan, hujjatlar saqlanishi uchun metali tokchalar o‘rnatilgan, hujjatlarning xavfsizligi ta’minlangan. 2. Devonxonaning arxiv bo‘limi uchun 1 mudira, 3 arxivarius, 1 EHM operatori shtat birliklari belgilangan. Avval mudir, keyinchalik arxivarius lavozimlarida ishlab kelgan Z.Rahmonova o‘z vazifasiga sovuqqonlik bilan qaragan va oqibatda bir qancha hujjatlar yaroqsiz holga kelib qolgan yoki yo‘qolgan. 3. Universitet arxivining avvalgi – harbiy kafedra bilan birga joylashgan binoning ikkinchi qavatida isitish tizimida yuz bergan nosozlik tufayli bir necha bog‘lam hujjatlar zangli iflos suvda qolib ketgan va natijada 1969-, 1970-, 1975-, 1977-, 1978-, 1979-, 1980-, 1982-, 1987-yillarga tegishli hujjatlar suvda bo‘kib, yaroqsiz holga kelib qolgan.(Bu hujjatlarning to‘liq ro‘yxati dalolatnomaga ilova qilinadi) 4. Universitetning turli yillardagi faoliyati bilan bog‘liq 204 nusxadagi hujjat, shaxsiy tarkibga oid 1796 hujjat turli sabablarga ko‘ra yaroqsiz holga kelib qolganligi yoki yo‘qolganligi tufayli hisobdan choqarilishi lozim. (Bu hujjatlar ro‘yxati va arxiv xodimlarining yaroqsiz hujjatlarni hisobdan chiqarish to‘g‘risidagi bildirishnomasi dalolatnomaga ilova qilinadi) 5. Sobiq pedagogika institutining turli yillarga oid faoliyati bilan bog‘liq 21 nisxadagi hujjat, shaxsiy tarkibga doir 305 hujjatning yaroqsiz holga kelib qolganligi yoki yo‘qolganligi tufayli ularni hisobdan chiqarish lozim. (Bu hujjatlar ro‘yxati va arxiv xodimlarining yaroqsiz hujjatlarni hisobdan chiqarish to‘g‘risidagi bildirishnomasi dalolatnomaga ilova qilinadi) 6. Komissiya universitet arxivi yangi va uning xizmatidan foydalanuvchilar uchun qulay joyga ko‘chirilib, hujjatlar saqlash uchun barcha shart-sharoitlar va imkoniyatlar yaratilganligini tasdiqlaydi. 7. Dalolatnoma ikki nusxada tuzildi, unga 8 betlik hujjatlar ro‘yxati va ikki betdan iborat bildirishnoma ilova qilindi. Komissiya raisi: imzo UZOQOV A.M. Komissiya a’zolari: imzo VALIXO‘JAYEVA F.B.

imzo TO‘XTAYEV X. imzo TOSHPO‘LATOV A.A. imzo BOLTAYEV M. MA’LUMOTNOMA Biror tashkilot, korxona yoki muassasada bo‘lgan voqea, mavjud holatlarni aniq dalillar asosida tasdiqlash yoki ular haqida talab etilgan joyga ma’lumot berish maqsadida tuziladigan, shuningdek fuqarolarning ish joyi, lavozimi, oylik maoshi miqdori, o‘qish joyi, mutaxassisligi, kursi, yashash joyi, turmush sharoiti, oilaviy ahvoli kabilar to‘g‘risida ma’lumot beruvchi rasmiy hujjat. Ma’lumotnomalar ham mazmuni va vazifasiga ko‘ra ikki turga bo‘linadi. 1. Xizmat ma’lumotnomalari. 2. Shaxsiy ma’lumotnomalar. Xizmat ma’lumotnomalari korxona yoki muassasa faoliyatiga oid voqea-hodisalar, mavjud holat, ishlab chiqarish va boshqa sohalar bo‘yicha turli-tuman ma’lumotlarni qamrab oladi. Korxona, tashkilot yoki muassasa faoliyati bilan boqg‘iq xizmat ma’lumotnomalarini qamrab oladi. Korxona, tashkilot yoki muassasa faoliyati bilan bog‘liq xizmat ma’lumotnomalari talab etilayotgan mavzu doirasidagi dalillar, raqamlar, ma’lumotlar asosida tuziladi. Shaxsiy mazmundagi ma’lumotnomalarning ayrim turlari korxona, muassasa, tashkilot, qishloq va mahalla kengashlari tomonidan avvaldan tayyorlab qo‘yilgan andozalarga to‘ldirib beriladi. Ularga tegishli ma’lumotlar qayd etilib, imzolanadi va muhr bosiladi. Bunday andozalarning qulayligi shundaki, uning o‘zida qaysi tashkilot tomonidan berilayotganligi yozib qo‘yilgan bo‘ladi. Shaxsiy ma’lumotnomalarda fuqaro o‘qiyotgan o‘quv yurti, ishlayotgan korxona, tashkilot, muassasa ma’muriyati, yashayotgan joyi bo‘yicha mutasaddilar tomonidan uning qayerda, qaysi fakultet, bo‘lim, kursda o‘qishi, qayerda va kim bo‘lib ishlashi, oylik maoshi, yashash joyi, uy-joy sharoiti, moddiy-maishiy ahvoli, oila a’zolari va boshqa shu kabilar to‘g‘risida ma’lumot berilib, mavjud holat tasdiqlanadi. Shuningdek, tibbiy muassasalar ham shaxsning salomatligi yoki betobligi haqida shaxsiy mazmundagi ma’lumotnomalarni berishlari mumkin.

Shaxsiy ma’lumotnomalarning zaruriy qismlari: – ma’lumotnoma beruvchi tashkilot nomi, uning manzili; – ma’lumotnoma berilgan sana va uning tartib raqami; – hujjat nomi – ma’lumotnoma; – ma’lumotnoma berilayotgan shaxsning familiyasi, ismi, otasining ismi; – matn (unda tasdiqlanayotgan voqea, dalillar, ma’lumotlar, holat qisqa ravishda bayon etiladi); – hujjatning qayerga taqdim etilishi haqidagi qayd, ma’lumotnomani tasdiqlovchi mutasaddilarning lavozimi, familiyasi, ismi, imzosi va muhr. NAMUNA O‘zbekiston Respublikasi Oliy va o‘rta maxsus ta’lim vazirligi Alisher Navoiy nomidagi Samarqand davlat universiteti 2007-yil 12-yanvar №131 Universitet xiyoboni, 15. MA’LUMOTNOMA To‘xtasinov Abduhakim Shomurodovich Samarqand davlat universitetining tarix fakultetining to‘rtinchi kursida o‘qiydi. Ma’lumotnoma Samarqand viloyati Narpay tumanidagi “Mang‘it” mahallasiga taqdim etish uchun berildi. SamDU talabalar bo‘limi boshligi: imzo Hasanov O.U. Muhr

Adabiyotlar : 1. Абдумажидов Ғ . “ Ў збекистон Республикасининг давлат тили ҳ а қ ида ” ги қ онунига шар ҳ лар . Т .: Адолат , 1999. 2. Абдура ҳ монов Ғ ., Мамажонов С. Ў збек тили ва адабиёти. – Т.: Ў збекистон, 2002. 3. Алишер Навоий асарлари тилининг изо ҳ ли лу ғ ати. – Т.: Фан, 1984. 4. Ў збек адабий тилининг муста қ иллик даври ривожига доир. “ Ў збек тили ва адабиёти” журнали, 2006, 4-сон, 3-9-бетлар. 5. Бекму ҳ амедов Ҳ .Ю. Тарих терминларининг изо ҳ ли лу ғ ати. – Т.: Ўқ итувчи, 1986. 6. Мадвалиев А. Янги лу ғ атлар яратиш – давр т ақ озоси. “ Ў збек тили ва адабиёти” журнали, 2006, 4-сон, 16-21-бетлар. 7. Муста қ иллик. Изо ҳ ли илмий–оммабоп лу ғ ат. – Т.: Шар қ , 1998. 8. Ў збек тили илмий–техникавий терминологиясини тартибга сол и ш принциплари. – Т.: Фан, 1991. 9. Ҳ ожиев А. Лингвистик терминларнинг изо ҳ ли лу ғ ати. – Т.: Ўқ итувчи, 1985.

Похожие

Yangi alifboda hujjatlar tayyorlash e’lon reklama majlis bayoni

Yangi alifboda hujjatlar tayyorlash tushintirish xati tilxat ishinch xati

Hujjatchilik va uning tarixi haqida davlat tili va yangi alifboda ish yuritish masalalari hujjatlar tili.

Matn va uning turlari. Uslubiyat (stilistika). Nutq uslublari haqida ma’lumot

Nutqning uslubiy turlari