Телевидениенинг жамиятдаги вазифалари - Лингвистика - Рефераты

Телевидениенинг жамиятдаги вазифалари

Загружено в:

20.09.2019

Скачано:

0

Размер:

71.5 KB

Телевидениенинг жамиятдаги вазифалари Режа: 1. Ахборот узатиш вазифаси. 2. Маданий – маърифий вазифаси. 3. Интегратив вазифаси. 4. Ижтимоий-педагогик вазифа. 5. Таълим бериш вазифаси. 6. Рекреатив вазифа.

Алоқа воситаси сифатида телевидениенинг ижтимоий вазифасини билиш жамиятда оммавий журналист учун ўзининг маълум ўрнини эгаллаши, ўз касбий масалаларини, ўз ролини белгилаши учун имкон беради. Журналист бир томондан доим аудиториянинг талабини ҳисобга олиш лозим бўлса, иккинчи томонда телекўрсатув тайёрловчи ташкилот томонидан белгиланган мақсадларга хизмат қилиш зарур. Ватанимиз журналистикасида анъанавий тарзда давом этгани каби, униси ҳам буниси ҳам қўлланиб келинган. Илгари «бир ёқлама» жамиятда нима нарса талаб қилинса, бу талаб бугунги кунда ҳам ўзгаргани йўқ. Баъзи мамлакатларда давлат органларининг тижорат телеканаллари аввалги анъаналарга мувофиқ кўрсатув учун бериладиган лицензиялар телестанция эгалари олдига қаттиқ талабларни кўяди, шу жумладан кўрсатув таркибига оид талабларни, кўрсатув берувчи аудиториянинг фақатгина кўнгил очишини эмас, балки унга ахборот етказиш ва маънавий юксалтириш мажбуриятини ҳам олади. Европа оммавий ахборот воситалари институти олимлари 1990 йили шу қарорга келдиларки, кўрсатув бу – миллий бойлик, бутун аҳоли учун ягона тарбия ва мулоқат воситаси бўлиб баъзи бир гурухлар қўлида бўлмасдан жамият манфаатларини ҳимоя қилувчи кишилар назорати остидаги муассаса бўлиши керак. Фақат эриинлик ва назорат оралиғидаги мутаносиблик шундаки, кўрсатувларнинг мақсадга йўналтиришдан келиб чиққан ҳолда, ҳукумат ва парламент телевидениенинг кундалик ички ишларига аралашмайди. Бу нарсанинг қуйидаги критерийлар воситасида Буюк Британия мисолида кўриш мумкин: 1. Жўғрофий универсаллик; 2. Барчанинг дид ва манфатларни қондириш ; 3. Миллий озчилик манфаатларини ҳам ифода этиш; 4. Миллий руҳ ва жамоатчилик ҳақида ғамхўрлик қил иш; 5. Аудиторияни кенгайтириш мақсадида кўрсатувлар савиясини оширишга интилиш;

6. Ҳукумат ва шахсий манфатлардан воз кечиш 7. Ходимлар ижодий эркинлигини таъмин этиш. АХБОРОТ УЗАТИШ ВАЗИФАСИ. Барча оммавий ахборот воситалари мақсадидан келиб чиққан ҳолда энг аввало, якка шахснинг, жамиятнинг ва давлатнинг ахборот олишга бўлган эҳтиёжини қондиришга қаратилган. Телевидение ўзидан илгари вужудга келган оммавий ахборот воситаларидан фарқли ўлароқ ахборотни тезроқ, ишончлироқ ва хиссиётга бойроқ тарзда тарқатади. Мунтазам ижтимоий ахборотга эга бўлиш замонавий ҳаётда тўлақонли иштирок этишнинг асосий шартига айланиб қолди. Бутун дунёда, ёхуд муайян худудда рўй бераётган воқеалар ҳақидаги оғзаки хабарлар, репортажлардан иборат ахборот дастури хабарлар оқиминииг яхлит мажмуаси сифатида шаклланади. Ахборот дастури кўрсатувларнинг долзарблиги ва муҳимлигини тақозо этади. Қолган кўрсатувлар эса янгилик ва ахборот эшиттиришлар орасида фойдаланилиши мумкин. Ахборот кўрсатувларининг дастурдаги ўрни ва вақти ўзгармас тамойил ҳисобланади. Баъзан, янгиликларда воқеа жойидан тўғридан-тўғри олиб борилаётган репортажлар берилади, тўғрироғи, ўша воқеа-ҳодиса (албатта, содир бўлиши аввалданоқ маълум бўлган) айнан янгиликнинг шу сони эфирга кетаётган пайти содир бўлаётган бўлади. Бироқ, тўғридан-тўғри, яъни бўлиб ўтган эмас, балки бўлиб ўтаётган воқеа ҳодисаларни ёритиш билан шуғулланиш махсус ахборот каналларининг ваколатига киради (Масалан, Си-Эн-Эн ва бошқалар). Ушбу каналлар туфайли анг тезкор янгиликлар оқиб тушаётган водопровод суви, тармоқдаги электр қуввати каби кўплаб кишилар учун зарурий омилга айланади. Маълумки, дунёдаги етакчи сиёсатдонлар хонаси ва қабулхонасидаги телевизорлар канали Си-Эн-Энга уланган бўлади. Бу эса, дунёдаги сиёсий ва бошқа соҳалардаги энг тезкор янгиликлардан ўз вақтида хабардор бўлиш ва улардан самарали фойдаланиш имконини беради.

Кишиларнинг эҳтиёжини қондириш мақсадида, тезкор хабарларни вақтида қидириш, топиш ва аудиторияга уни таъсирчан тарзда ва янги-янги усулларда бериш ахборотнинг самарадорлиги ва таъсирчанлигини яна бир карра оширади. МАДАНИЙ – МАЪРИФИЙ ВАЗИФАСИ. Ушбу вазифа томошабинлар учун мўлжалланган барча дастурлар мазмунини ўзида ифода этади. Бироқ телевидениеда шундай дастурлар ва муҳим канал борки, айнан улар телеаудиторияни фан ва маданият ютуқлари билан таништириб боради. Бу каналда охирги йилларда маориф тизимини тарғиб қилиш мақсадида дидактик руҳдаги мавзулар юзага кела бошлади. Фақат маданий-маърифий вазифаси ва маънавий вазифалар ўртасида худди мактаб ва клубнинг ўзаро фарқи сингари тафовутлар мавжуд. Телевидение томошабинларга театр спектакллари ёки ўйин телефильмларини тўлиқ ойнаи жаҳонда олиб кўрсатиш орқали маданият бойликларини тарғиб этади. Санъатга айнан оид бу формалар журналистлар ва бизнинг мухокамаларимиз доирасида вужуд г а келди. Тележурналистика мақсадларига мувофиқ экранда айниқса, маданий-маърифий йўналишдаги . кўрсатувларда барча тасвир имкониятларини ишга солиш билан бирга асосий профессионаллик белгилари юзага келади. Ёзувчилар, мусиқачилар, рассомлар ва санъатшунослар изоҳлари билан санъат маҳсулотларининг намойишидан иборат турли кўрсатувлар драмматургия ва уйғунлашув қоидаларига асосан тузилади. Муаллифларнинг маданий-маърифий йўналишидаги мақсадларинй аъло даражада ўзига сингдирган Би-Би-Сининг 13 серияли «Инсоннинг юксалиши» номли фильми Ер юзининг хоҳлаган нуқтасида томошабинларга телевидение лаёқатини кўрсатди. Фильмда Парфенон ҳақидаги телевизион ҳикоя Афинада, унда изоҳланганидек қадимги рим воқеалари ҳақида хиқоя Хозирги Римда бўлиб ўтди ва ўша даврда яратилган меъморий ёдгорликлар ёнида туриб ҳикоя қилишда ўша давр руҳи намоён бўлади. Шунингдек,

«Цивилизация» номли 15 с ерия ли фильмнинг асосий бошловчиси Британия музейи директори Кеннет Кларк бўлади. Бу икки инглизча телевизион маърифий иш бутун дунёга маълумдир. Ўзбекистон телевидениеси дастурида яхлит маданий-маърифий кўрсатувлар кам учрайди. «Бўстон», «Оламга саёҳат», «Маърифат», «Ватанни севмоқ иймондандир» каби маданий-маърифий кўрсатувлар Ўзбекистон телевидениеси журналистлари томонидан тайёрланса, чет эл телекомпанияларида ишлаб чиқарилган «Кусто командасининг сувости саргузаштлари» (Франция), «Учинчи сайёра» (Австралия), «2000 йилдан сўн» (Австралия), «Жиловланмаган Африка» (Халқаро жўғрофик жамият) телефильмлари таржима қилиниб намойиш қилинмоқда. Бу йўналишдаги Россия давлат программаларига, хусусан, Юрий Сенкеевичнинг «Саёҳатчилар клуби», Василий Песков ва Николай Дроздовнинг «Ҳайвонотлар олами», Лев Николаёвнинг «Пи белгиси остида» ларни киритамиз. Профессор Сергей Капицанинг муҳарирлиги остида «Ойдинлик – эҳтимолга ўрин йўқ» программаси кейинги жараёнда юзага келди. Пекин британиялик ҳамкорлардан фарқли ўлароқ физик олим Капица кўпроқ асосий студия майдонларида иш олиб борди. Техник сабаблар натижасида туғиладиган таъсир, ҳаяжонли тўқнашувлар киноматериалдан ташқари умуман бошқа пайтда бошловчининг кинопарчаларини акс эттирувчи матнларини ёзишга олиб келди. Бундай кўрсатувларда илҳомлантирувчи ижодий муқаддималар йўк, булар тезда расм билан безалган лекциялар, шунингдек, тартибга солинган телевидениенинг маданий-маърифий вазифаларини бошқача савияда бўлишига туртки эди. ИНТЕГРАТИВ ВАЗИФАСИ. Интегратив сўзи бирлаштирув маъносини англатиб бу вазифа орқали жамиятдаги турли миллат ва элатларни бир мақсад сари бирлаштиришни тарғиб қилади.

Барча оммавий алоқа воситалари, аввало, телевидение ўз табиатига яраша жамиятдаги меъёрий ҳолатларни қўллаб-қувватлаш учун ўз таъсир доирасини кенгайтиришга интилди. Кишиларнинг турли программаларни мунтазам кўриб бориш факти уларнинг муайян бирликлари ҳақида гувоҳлик беради, лекин, эфирга олиб чиқувчи иш жараёнида барчага алоҳида эътиборни ҳис қилган ҳолда ишламоқ шарт. Кўрсатувнинг в азифаси аудиторияга барча қимматли (умуминсоний, умумхалқ ва ҳоказо) қимматли маълумотларни очиқ кўрсатиш, жамиятга ҳавф туғдирувчи қарама- қаршиликларни, барча муаммоларни ҳал қилиш йўлларини муҳокама қилишидадир. Кўрсатувнинг эфирга узатилишида қанча кенг кўламда ва ранг-баранг маълумот берилса, шунча программаларга бўлган эътибор кучаяди, яъни аудиториянинг ҳеч бири четда қолмаслиги учун аҳамият берилади. Миллий ва диний хусусиятлардан ташқари одамларнинг ижтимоий-психологик, ёшидаги тафовутларга қараб ижтимоийликка эътибор берадилар. Бундан ташқари телевизион каналлар ҳар бир томошабиннинг дунёдаги барча янгиликлардан хабардор бўлишдек эҳтиёжларни, уларнинг муайян гуруҳини, аниқ кизиқишларини ҳисобга олган ҳолда қондиришади. Интегратив вазифа эфирга узатиладиган телевизион публицистик, спорт, санъат, кўнгил очар кўрсатувларда ўз ифодасини топмокда. У гўё телевидениенинг бошқа (ахборот, маданий-маърифий, ташкилотчилик, маънавий ва ҳоказолар) вазифаларини ўзига умумлаштириб, қамраб олади. Журналист учун телевидениенинг интегратив вазифасини таъмин этишда, аввало лозим белги сифатида мавзуга, телевизиор олдидаги ҳар бир инсонга ғамҳўрлик тариқасида жамият талабларидан келиб чиққан ҳолда ёндашиш талаб қилинади. Илгари кенг томир ёйган ватандошларни жипслаштириш йўлида жаҳондаги бошқа миллатлар билан таққослаштириш ҳолати (албатта кўрсатувларда) ўтиб кетди; «Биз» ва «Улар» ваҳоланки «Бизда» ғоявий юксакликлар талқин қилинса, «Уларда» айнан салбий сифатлар кўрсатилар эди. Ғоявий курашга олиб борувчи бу йўлни даф этиш учун 1986-87 йиллар

собиқ Совет Иттифоқи, АҚШ, Буюк Британия, Япония каби қатор давлатлар билан телекўприк ўрнатилди, натижада «Биз» ва «Улар» сайёрамиздага оддий мулоқатдаги ҳамкор қўшнилардек ҳис қилина бошланди. Ўзбекистонда халқларнинг миллатлараро муносабати телевидение орқали, тайёрланган дастурларда ифодланиши мумкин. "Халқаро канал" деб номланган IV каналда мамлакатимизда яшаётган турли миллатлар тилида бирдамликни ифода этувчи кўрсатувлар тайёрланмоқда. Шу билан бир қаторда тожик, қозоқ, қирғиз тилида тайёрланаётган кўрсатувлар ҳажми ошмоқда. Кўрсатув тайёрлаётган журналист сиёсий жиҳатидан етук бўлиши билан бирга бошқа миллат ва давлат манфаатига зид бўлган материаллардан фойдаланишга йўл қўйилмаслиги зарур. Ҳар бир воқеа атрофлича , ҳ ар томонлама объектив талқин этилади. 1993 йил Россияда Давлатлараро «Мир» телекомпанияси ташкил этилд и . Бу телекомпания телевидениенинг интегратив вазифаси кўламини кенгайтирувчи ва мазмунан ахборот маданияти ва маънавиятнинг ягона маконини сақлаб қолиш эканлигини англаб боряпмиз. ИЖТИМОИЙ-ПЕДАГОГИК ВАЗИФА. Бу вазифа бошқача қилиб айтганда, бошқарувчи вазифа дейилса ҳам бўлади. Чунки телевидениенинг аҳолига таъсири сиёсий ва маънавий қадриятларнинг тарғиби билан биргаликда амалга ошади. Унинг даражаси эса ҳар бир давлатнинг характери, тарғибот ва таъсир кўрсатиш услубига боғлиқ. Ривожланаётган мамлакатларда давлатнинг маълум соҳадаги сиёсатининг телевидение тарғиботчиси ҳисобланади. Тоталитар режимда эса тарғибот барча телекўрсатувларни қамраб олади. Информацион кўрсатувлардан бошлаб санъат ва кўнгил очар кўрсатувларгача инсонларни давлатга бўлган хайриҳохлигини тарғиб қилиб, унинг барча қарорларини ижро этишга чақиради.

Лекин, энг ривожлаиган мамлакатларда ҳам телевидение давлат сиёсатини амалга оширувчи восита ҳисобланади. Шу ўринда Британия эшиттирувлар корпорациясининг шиорини эслаб ўтиш керак: «Хабар қилиш», «Ўргатиш», «Кўнгил очиш», «Цивилизациялашган жамиятда ўрганиш» принципи, давлатнинг сиёсати, қарашларнинг мавжуд ҳолати ҳақидаги жамият фикрини шакллантирувчи йўналишдир. Агар сиёсат жамият равнақига қаратилган бўлса, шарҳловчи ҳеч қандай конфликтларга бормай, ғоялар тарғибини ўзининг шахсий эҳтиёжини ва қарашларидан келиб чиқиб бажариш мумкин. Лекин кейинчалик, давлатнинг сиёсий йўналишлари ёки бошқарув аппаратидаги ўзгаришлардан сўнг бу журналистнинг аудиторияга таъсири йўқолади. У ҳамма олдида «нима берса, шуни ўқийдиган» шахсга айланади. Телевидениенинг ижтимоий-педагогик ёки бошқарув вазифаси интегратив ва информацион йўналишлар билан чегараланиб қолади. Информация-бошқарув асбоби ҳақидаги тушунча журналистикага кибернетика фанидан кириб келган. Информатор информация борасида аудиторияга «нима бериш ёки берилмасликни» ҳ ал қилмаслиги керак. Чунки у амалда аудитория манфаатини эмас, балки бошқарувчиларнинг манфаатини кўзлайди. Шунинг учун информация уни узатаётган одамларга боғлиқ бўлмаслиги ҳамда объектив бўлиши керак. Амалда бунга эришиб бўлмайди, лекин журналист барибир бунга ҳаракат қилади. Натижада информацион кўрсатувлар бундай тарғибот-ташвиқот принципларидан йироқда. Шунинг учун Би-би-си шиорининг биринчи қисми - «Хабар қилиш», унинг иккинчи қисми - «Ўргатиш» дан худди далил ва шарҳлаш каби фарқ қилади. Факт – бу ўзгартириб бўлмас ҳодиса, шарҳлаш эса эркин талқин қилинган фикр. Аҳолининг ўзгариб бораётган ҳаётга ва оламга мослаштириб бориш бу асосий ижтимоий-педагогик вазифадир. Бу соҳада иш олиб борувчи журналист биринчидан ишонтирмоқчи бўлган аҳолининг реал психологиясини, уларнинг қадриятлари ҳақидаги тассаввурга эга бўлиши лозим. Иккинчидан, ижтимоий фикрни ўзгартиришга қаратилган йўналишни

аниқ англаб етиши лозим. Муҳими шуки, журналист тарғибот чоғида ғояларни ҳеч қачон «бизники» ва «бегона»ларга бўлиши мумкин эмас. Чунки бу ерда унинг ижтимоий-педагогик ва бирлаштирувчи вазифалари талаби даражасида ёндашиш зарур. Маълумки, ҳудудий телевидение умумдавлат телевидениесидан кўра ўз аудиториясига таъсир қилиши кучлироқдир. Бу ерда маҳаллий масалалар ўз ечимини аниқ топади. Журналист бундай кўрсатувларда ҳукумат ва халқ орасидаги энг муҳим ва кўзга кўринган воситачидир. У мансабдорлар олдида ўзини йўқотиб қўймайди, шу билан бирга халқ номидан мурожаат қила олмайди. Конкуренция шароитида бундай ижтимоий аҳамиятга эга бўлган кўрсатув рейтинги бўйича кўнгилочар кўрсатувларга ютқазиш мумкин эмас. Жамият эртами кечми бу каби кўрсатувларга режиссёр ва журналистнинг маҳоратига баҳо беради. Шунга эътибор бериш керак-ки, демократик ривожланган мамлакатларда сиёсий бахсларнинг ечимини топиш учун альтернатив вариантларни қидириб топишади. Шунинг учун ҳам ирқчилик каби кескин муаммолар ўз ечимини аста-секин ҳал этила бошланади. Сайловолди компанияларда цивилизациялашган жамиятда давлат ва ҳокимият номзодлари учун бир хил вақт ажратилади. Фақатгина журналистнинг маҳорати туфайлигина бундай кўрсатувлар кўнгилочар сиёсий – шоуга айланади, натижада сайловчилар ўз номзодлари ҳақидаги хулосани ўзларининг таассуротларидан оладилар. ТАШКИЛОТЧИЛИК ВАЗИФАСИ. Ижтимоий-педагогик ва бошқарувчилик вазифасидан фарқли ўлароқ, телевидение у ёки бу ижтимоий акция ташкилотчиси бўлиб қолиши мумкин. Бунга мисол тариқасида бир шаҳарнинг маданият саройида содир бўлган воқеани келтириш мумкин. Узлуксиз трансляция қилинаётган "қизиқарли саволлар кечаси" конкурсига минглаб одамлар қишки кийим ва валенкаларда

кириб келишди. Гап шундаки, олиб борувчи кимда ким қишки кийимда ташриф буюрса уни совға кутишини эълон қилди. Ёзнинг иссиқ кунида бундай ҳолатни тасаввур қилаверинг. Айрим холларда телевидение давлат олдида қандайдир масалани қўшиб уни ҳаракатга келтирувчи ташкилотчи вазифасини ўтайди. Шаҳар ва туман доирасида журналистнинг бундай фаолияти кўринарлироқдир. Ҳеч қандай сенсация ва шов-шувсиз даҳа ва мавзе кабел телевидениелари бу вазифасини ўз зиммасига олмоқда. Чунки улар ўз аудиториясига яқин ва улар олдида маъсулдирлар (абонентлар учун). АҚШнинг кичик шаҳарларида интерактив кабел телевидениеси синовдан ўтказилмоқда. Телевизор кнопкалари ёрдамида томошабин у ёки бу фикрга ўзининг муносабатини, таклифини билдириши мумкин. Бу каби ташкилотчилик ҳақикий ижтимоий ҳаракатдир. АҚШ тадқиқотчиларининг фикрига кўра яқин, орада интерактив телевидение хокимият йиғинларининг барча масалаларини ҳал қилишни ўз бўйнига олади. Ўзбекистон телевидениесида пайдо бўлган телемарафонлар жамиятдаги аҳолининг турли қатламига ўзига хос услубда мурожаатлар ва ташаббусларда намоён бўлмоқда. Дастлабки телемарафон 1990 йил "Навруз" байрамига бағишланган бўлиб республикамиз аҳолисини байрамга чорлаб, ижтимоий муҳофазага мухтож кишилар учун хайриялар йиғишни – ташкил этган эди. Бу хайирли ишга ўнлаб – юзлаб жисмоний ва юридик шахлар баҳоли қудрат ўз улуши билан иштирок этди. Бундай телемарафонлар мустақилликка, "Соғлом авлод" йилига ва бошқа мавзуларда ҳам тайёрланмоқда. Республикамиз халқини огоҳлик ва жасоратга ундовчи "Сени ҳеч кимга бермаймиз Ўзбекистон" телемарафони ёшларни ватанпарварлик руҳида тарбиялашда катта касб этади.

ТАЪЛИМ БЕРИШ ВАЗИФАСИ. Йирик олимлар, энг яхши мутахассислар ривожланган мамлакатларда ташкил этилган телеуниверситетларда таълим берадилар. Томошабинларга телелекция текстларини юборувчи, имтиҳондан сўнг диплом берувчи пуллик телеуниверситетлар ҳам мавжуд. Телевидение мактаб ва олий ўқув юртларида ўқиётганларга бевосита ёрдам бериб, малакали педагоглар етишмовчилик масаласини ҳал қилмоқда. Уй шароитида ўқиш учун асосан кабел орқали икки томонлама телеалоқа зарур. Кўп йиллик тадқиқотлар шуни кўрсатадики, телекурслар оддий тайёрлов курсларидан самаралироқдир. Ўзбекистон телевидениесида бу дастур етарли йўлга қўйилмаган бўлиб, мавсумий тайёрланади. РЕКРЕАТИВ ВАЗИФА. Рекреация сўзи, лотин тилидан «тикланиш» деб таржима қилинади, яъни «хордиқ чикариш», «инсон меҳнат жараёнида сарфланган кучларни тиклаш». Бу турдаги кўрсатувлар журналистикадан четда. Кўплаб кўнгил очар кўрсатувлар журналистик ижодга алоқадор бўлмаса ҳам маънавий томонлма бир тартибга солишни муҳаррирга маъсулият юклайди. Шу билан бирга, аудиторияга жамиятда яшовчи турли қатламдаги кишиларнинг ҳаётий ва оддий турмуш тарзи- ҳақида маълумот берувчи ўйин телесериалларнинг ҳужжатлилиги билан чегараланади. Бундай кўрсатувларга видеоклиплар, камедияли фильмлар, турли конкурслар, "Келин куёв", "Иқбол" шоу дастури киради. Биз ҳар доим кўриб турган кўрсатувда қаҳрамонлар образларнинг ҳаёт ва тафаккури номоён қилиб борилади. Бундай тушунчалар ижтимоий қадрият ва ижтимоий аҳлоқ мезонига айланиб боради. Натижада, бизга таниш бўлган турли мавзулардаги кўнгил очар кўрсатувлар дунёқарашимизни

шакллантиришга хизмат қилади. Афсуски, бизнинг телевидениеда реал "воқейликни айнан тўғридан тўғри кўсатиб берадиган репортаж шаклидаги қизиқарли кўрсатувлар учрамайди. Бу ишни ама л га ош и ришда журналист ва режиссёрдан юксак махорат талаб қилинади. Кўплаб ривожланга н мамлакатларда кў н гил очар кў р сатувлар н и махсус телекомпаниялар ва студияларда тайёрлайди. Журналист бундай дастурларда кўрсатув олиб борувчи ёки муҳаррир вазифасини бажаради. Биз , ҳар куни кўриб турган концерт дастури ҳам муҳаррир иши ҳисобланади. Борди-ю концерт унинг иштирокчилари билан суҳбат қуриш, ёки машҳур "юлдуз" ҳаётини ёритиб берилган лавҳа билан қўшиб олиб борилса, журналист ушбу кўнгил очар кўрсатувнинг тўла қонли иштирокчисига айланади.

Адабиётлар рўйхати: 1. Ўзбекистон Республикаси Президенти И.А.Каримов « Оммавий ахборот воситалари ҳақида » т ўплам – Тошкент . 1997. 2. Бакулев Г.П. « Телевидение без границ » – М., 1994. 3. Борецкий Р. , Кузнецов Г. « Журналист ТВ: за кадром и в кадре » – М., 1990. 4. Вачнадзе Г. « Всемирное телевидение » – Тбилиси, 1989. 5. Вильчек В. « Под знаком ТВ » – М . , 1987. 6. Голушко Р.И. «Телевидение капиталических стран» – М., 1980. 7. Голядкин Н.А. « ТВ информация в США » – М., 1996. 8. Голядкин Н.А. « Телепрограммировани е в США специфика и приём ы» – М., 1997.

Похожие

Телевидениенинг ўзига хос хусусиятлари

Телевидениенинг бошқа соҳалар билан алоқадорлиги

Телевидениенинг пайдо бўлиши ва ривожланиши

Оммавий ахборот воситалари тизимида телевидениенинг ўрни ва аҳамияти

Социолингвистиканинг предмети, мақсад ва вазифалари