Араб ва ўзбек тилларида содда гапнинг қиёсий таҳлили - Лингвистика - Рефераты

Араб ва ўзбек тилларида содда гапнинг қиёсий таҳлили

Загружено в:

20.09.2019

Скачано:

0

Размер:

50 KB

Араб ва ўзбек тилларида содда гапнинг қиёсий таҳлили Режа: 1. Гап деб нимага айтилади? 2. Содда гап. Содда гап турлари. Уларнинг араб ва ўзбек тилларидаги талқини. 3. Ўзбек ва араб тилларида гап бўлакларининг ифодаланиши.

Тушунчалар ва таянч иборалар: 1. Гап, дарак гап турлари. 2. Содда гап, содда ёйиқ ва йиғиқ гап. 3. Дарак гап тартиби, инверсия. 4. От, сифат, равиш, олмош, сифатдош. 5. Эга, кесим, мослашув. Маълумки, гап орқали биз маълум фикрни баён қиламиз. Сўзлар воситаси билан англатилган фикр гап деб аталади. Масалан: Пахтп хплқимизнинг энг қимматли бойлигидир. Айрим ҳолларда биргина сўз ёрдами билан ҳам фикр ифодаланади. Масалан: Куз, колхозчилар мўл ҳосилни йиғиб олмоқдалар. Демак, баъзан биргина сўз ҳам гап бўла олади. Гапнинг маъносига қараб ўзбек ва араб тилларида ёзувда гапнинг охирга нуқта, сўроқ ёки нуқта белгиси қўйилади. Содда гап деб эга ва кесимдан иборат бўлган жумлага айтамиз. Бундай жумла йиғиқ содда гап ҳам деб аталади. Агар содда гапдаги эга исмий бўлса ва унинг мослашган аниқловчиси бўлса, ёки аксинча кесимнинг мослашган аниқловчиси бўлса, бунда жумла содда ёйиқ гап деб аталади. Гапда сўз таркиби ва гап турлари Дарак гап таркибидаги гаплар ўзбек тилида маълум тартибда келади. Дарак гапда биринчи ўринда эга (ундан олдин пайт ҳоли ҳамда аниқловчи келиши мумкин), иккинчи ўринда тўлдирувчилар (ўзига қарашли аниқловчилари балин), учинчи ўринда равиш ҳоли, тўртинчи ўринда кесим келади. Масалан: Кеча ёш ҳаваскор колхозчиларга катта концерт қўйиб берилди. Колхозимизнинг клуби турли плакатлар билан яхшилаб безатилди. Аммо дарак гапда сўзларнинг тартиби ўзгариши мумкин. 1. Бугун мактаб ҳовлисига ўқувчилар тўпландилар.

2. Ўқувчилар мактаб ҳовлисига бугун тўпландилар. 3. Бугун ўқувчилар мактаб ҳовлисига тўпланадилар. Юқоридаги жумлалардан кўриниб турибдики, дарак гапдаги сўзларнинг ўрин алмашиниши билан гап бошқача тус олади. Гап таркибидаги сўзларнинг алмашиниши инверсия деб аталади. Инверсия айниқса, шеъриятда кўп учрайди. Инверсия нутққа турли хил ранг- тус беради. Баъзан гапдаги маълум бир бўлакнигина алоҳида эътибор берамиз ва уни гапда бошқа бўлаклардан ажратиб кўрсатамиз. Бу ҳодиса логин урғу ёхуд гап урғуси дейилади. Гап урғуси инверсия билан боғланган бўлади. Алоҳида эътибор берилган бўлак одатда феъл кесимдан олдин келади. Масалан: Ўқувчилар макта ҳовлисига бугун тўпландилар (кеча эмас, бугун). Бугун мактаб ҳовлисига ўқувчилар тўпландилар (бошқалар эмас, ўқувчилар). Баъзан гап урғуси оҳанг билан ифодаланади. Гапларнинг мазмун жиҳатдан турига қараб, уларда сўз тартиби ҳам бошқачароқ бўлади. Ундов гапларда баъзан феъл кесим гап бошида келади: Яшасин ўзбек ёшлари! Яшасин бизнинг ғолиб командамиз! Сўроқ гапларда сўроқ англатувчи сўз эътиборни ўзига жалб этган бўлак билан бирга феъл кесимдан олдин келади. Масалан: Мактабда қачондан бери ўқийсиз? Қайси мактабда ўқийсиз? Ҳар куни неча дарс ўқийсиз? Гапда сўзларнинг ўзаро боғланиши Гапда сўзлар бир-бири билан боғланган бўлади. Гапдаги сўзларнинг ўзаро боғланиши икки турли бўлади: 1.Тенг боғланиш, 2.Эргаш боғланиш. Вазифаси бир хил бўлган сўзларнинг боғловчи ёрдами билан ёки боғловчисиз ўзаро бирикиши тенг боғланиш дейилади. Масалан: Кенг кўчалардан трамвай, автомобильва троллейбуслар кетма-кет ўтиб туради.

Бу каби ҳолларда вазифаси бир хил бўлган сўзлар бир-бирини аниқламайди, гапнинг бошқа бўлакларига нисбатан бир хил муносабатда бўлади. Эргаш боғланишда сўзлар бири иккинчисига тобе бўлиб, уни аниқлаб, тўлдириб, изоҳлаб келади. Сўзларнинг ўзаро эргаш боғланиши турлидир: 1.Мослашув, 2.Бошқарув: Битишув. 1) Гапда сўзлар бири иккинчиси билан шахс ва сон жиҳатдан мослашади. Масалан: Мен мактабдан келдим. Сен қачон келдинг? Бир сўзнинг иккинчи сўзга эргашиб, у билан шахс ва сонда мослашиб боғланиши мослашув деб аталади. Ўзбек тилида кесим ҳар вақт эга билан шахс жиҳатдан мослашган бўлади. Араб тилида жинс категорияси ва отларда иккилик категорияси мавжуд бўлганлиги учун бундай мослашув ушбу категорияларни эгани кесимдан аввал ёки кейин келишига қараб мослашув ўзига хос равишда юз беради. Масалан: بهذ ،تابلاطلا تابلاطلا نبهذ Қарақич келишигида келган от ёки олмошлар бошқа отларга қаратилган бўлиб, эгалик қўшимчалари орқали шахс жиҳатдан мослашган бўлади. Масалан: Эркин мактабнинг ҳамма ишига актив қатнашади. Машраб ёшлик ва йигитлик даврини жуда қийинчилик билан ўтказган. 2) Гапдаги сўзлардан бири ўзига қаратилган бошқа сўзларнинг бир келишикда бўлашини талаб қилади. Масалан: Синф да тартиб ни сақланг. Бу йил талабалар Миср га ўқиш учун жўнайдилар. Одатда ўтимли феъллар ўзига қарашли отларни тушум келишигида, ўтимсиз феъллар эса, чиқиш ёки жўналиш келишигида бўлишини талаб қилади. Масалан: Эркин Собирни кўрибди. У мактабга борди. Бир предмет иккинчиси билан солиштирилганда, сифат бтлан ифодаланган кесимдан олдин келган от чиқиш келишигида келадива улар бошқрув йўли билан боғланади. Масалан: Пўлат темирдан қаттиқроқ.

Шунингдек, от ва равишлар ҳам ўзи билан мазмунан боғланган сўзнинг маьлум бир келишикда бўлишини талаб қилади ва улар ҳам бошқарув йўли билан боғланади; Бундан кўп, кунлардан бир кун. 3) Кўп вақт бирор сўзнинг иккинчисига тобе эканлигини айрим қўшимчалар орқали ифодаланмай, маьнодан ва сўз тартибидан билиниб туради. Бир сўзнинг иккинчиси билан мослашмай, бошқарилмай боғланиши битишув деб аталади. Предметнинг белги- сифатини, миқдорини аниқлаб келадиган сўзлар аниқланган сўздан олдин келиб, улар ўзаро битишув йўли билан боғланади; катта кўча, катта кўчадан, бешта ўқувчи, бешта ўқувчига. Шунингдек, ҳоллар ҳам феьл кесимдан олдин келиб, улар ўзаро битишув йзли билан боғланган бўлади: Мен тез келдим. У завқланиб гапирди. Ўзбек тилида одатда эга билан кесим бир-бири билан шахсда, сонда мослашади. Аммо бу хусусият ўзбек тили учун қонун бўла олмайди. Чунки эга билан кесим шахсда мослашмаслиги ҳам мумкин. Эга ва кесимнинг сонда мослашмаслиги эса меьёрий ҳол ҳисобланади. Масалан: Иморатлар қурилди. Араб тилида эса мажҳул даражадаги феьл эга (от) билан жинсда тўлиқ мослашади. Масалан: تبتك ةلاسرلا بتك , بوتكملا . Эга билан кесимнинг шахсда мослашмаслиги кўп ўринда меьёрий (нормал) саналади. Мен ўқитувчи , сен ўқитувчи, у ўқитувчи; шунингдек , учинчи шахс формаси ва кесими равишдош ёки сифатдош формасида бўлган эргаш гапларнинг кесими ҳам эга билан шахсда мослашмайди. Бундай ҳолларда эга билан шахс ва сонда мослашмаган сўзшакллари маьноси (эга ҳақидагиҳукм , тасдиқ ёки инкорни ифодалаш билан), вазифаси ва ўрнига (ўзбек тилида кесим гап охирида келади ) кўра кесим саналаверади. Умумий грамматик қоидага мувофиқ араб тилида эга (феьл) от кесим билан мослашади. Бунда эганинг кесимдан олдин ёки кейин келишига қараб мослашув турли ҳолатда кечиши мумкин.

Агар феьлий гапда эгадан аввал феьл (кесим) келса, у фақат бирликда қўйилади ва эга билан жинсдагина мослашади. Масалан: بهذ بلاطلا تبهذ ناتبلاطلا بهذ نابلاطلا تبهذ تابلاطلا Исмий гапларда эса мослашув эга ва кесим ўртасида феьлий жумлалардагидек. Баьзи жиҳатлари билан ўхшаб кетади. Агар жумладаги эга ва кесим от (сифат)дан таркиб топган бўлса, шахс номини англатувчи эга кесим билан тўлиқ мослашади Масалан: بلاطلا ءلاقع . Агар кесим турдош от ёки бирон бир нарса ёки предметдан таркиб топган бўлса эга ва кесим бир-бири билан жинсдагина мослашади. Масалан: تويبلا ةليمج . Ўзбек ва араб тилларида гап бўлакларининг ифодаланиши Ўзбек тилида дарак гапларда эга вазифасини от, сифат, сифатдош , сон, олмош ва бошқа сўз туркумлари билан ифодаланади. Дарак гап кесими қуйидаги сўз туркумлари билан ифодаланади: 1. Аниқлик феьли билан : Салқин шамолларгина қизнинг сочлари билан ўйнашади. 2. Отлар билан: Инсон қўли гул. 3. Сифат билан: Ер, денгизда қудратимиз жуда зўр. 4. Сон билан. Хаммамизнинг осмон, ер, сувимиз бир. 5. Олмош билан: Дунёда энг яхши одамлар ана ўшалар. 6. Равиш билан: Тонг яқин, тонг яқин , оппоқ тонг яқин. 7. Иш отлари билан: Инсонга ҳурмат – бу ўзини танимоқ. 8. Бор ёки йўқ сўзлари билан: Ҳалқимизнинг чуқур идроки бор, ғурури, аньанаси бор. 9. Тинч оҳанг билан айтилиб, дарак- хабар маьносини ифодалаган ломинатив ва тўлиқсиз гаплар ҳам дарак гап саналади. Дон... Куз... Аччиқ шамол.

Араб тилида эга от, сифат, субстантив сифат ва сифатдош, олмош ва сон билан ифодаланиши мумкин. Кесим араб тилида жумла турига қараб феьлий ва исмий бўлади. Исмий жумлаларда кесим от ,сифат, сон,сифатдош, равишлар орқали ифодаланиши мумкин. Юқоридаги талқинлардан кўриниб турибдики ўзбек ва араб тилларидаги содда гапларда маьлум ўхшашлик ва тафовутлар бор эканлигини кўришимиз мумкин. Назорат саволлари ва топшириқлар: 1. Гап деб нимага айтилади ? 2. Содда гап нима ? 3. Ўзбек тилида дарак гап тартиби қандай бўлади ? 4. Инверсия нима ? 5. Дарак гап турлари қандай ? 6. Араб тилида жумланинг таркиби қандай? 7. Ўзбек ва араб тилларида бош гап бўлаклари қандай ифодаланади ? Мустақил иш топшириқлари: Араб тилидаги содда гапнинг махсус турини ўзбек тилидаги муқобили билан қиёсий шарҳланг.

Асосий адабиётлар: 1. Ғ.Абдурахмонов. Ўзбек тили грамматикаси. Тошкент. 1996г 2. Г.Ш. Шарбатов. Современный арабский язык. Москва. 1982г. 3. Б.Гранде. Курс арабской грамматики в сравнительно историческом освешении. Москва.1998г. Қўшимча адабиётлар: 1. Араб тили дарслиги (таркиб қоидалари) “Тошкент ислом университети” нашриёт-матбаа бирлашмаси. Т.2009й. 2. О.Мусаев. Араб тили асосий қоидалар тизими. Т.-2000й. 3. Суннатуллоҳ Бекпўлат. Араб наҳви. Т.-2007й. 4. Муҳаммад Фатиҳ. دعاوق ةغللا -دادغب .ةيبرعلا1975م 5. В.С.Храновений. Очерк по обшему арабскому синтаксису. М.-1973г.

Похожие

Араб ва ўзбек тилларида феълларнинг қиёсий таснифи

Араб ва ўзбек тиллари фонетикасининг қиёсий таҳлили

Араб ва ўзбек тилларида отларнинг турлари

Араб ва ўзбек тилларида сўз туркумлари

Араб ва ўзбек тилларида соннинг ифодаланиши