logo
  1. Главная страница
  2. Рефераты
  3. Медицина
  4. Ўткир ва сурункали юрак етишмовчилик касаллиги патофизиологияси ва фармакотерапияси принциплари

Ўткир ва сурункали юрак етишмовчилик касаллиги патофизиологияси ва фармакотерапияси принциплари

Загружено в:

20.09.2019

Скачано:

0

Размер:

83 KB
Скачать
Ўткир ва сурункали юрак етишмовчилик касаллиги патофизиологияси ва фармакотерапияси принциплари Режа: 1. Ўткир ва сурункали ЮЕК дунё буйича энг кўп тарқалган касалликлардан бири 2. Cурункали юрак етишмовчилиги таснифи Ўткир ва сурункали ЮЕК дунё буйича энг кўп тарқалган касалликлардан биридир. ВОЗ берган маълумотларга қараганда жахон ахолисини 1,5-2% да, 65 ёшдан юқори инсонлар ўртасида эса 6-10% да ЮЕК қайд этилади. (Клиник фармация ва терапия, 1999 й, №4). АҚШ-ларида ЮЕК билан 4,8-5 млн одамни касаллангани аниқланган, яна 20 млн. одамларда эса юрак дисфункцияси қайд этилади. Булар яқин 1-5 йил ичида ЮЕК га ўтиши мумкин. Ҳар йили енгил ЮЕК 5-10% дан оғир ЮЕК дан 30-40%-и нобуд бўлмоқда. Шунинг учун ҳам АҚШ да ЮЕК-ни ножўя таъсирларидан келган камчиликларни бартараф этиш учун ҳар йили 20-40 млрд доллар сарфланмоқда. ЮЕК ги нафақат АҚШда, балки барча ривожланган ва ривожланаётган давлатларда ҳам кенг тарқалган. Шу жумладан Ўзбекистонда ҳам кенг тарқалган. ЮЕК-ларида юрак мушакларининг нормал ишлаши ва юракни насос функцияси бузилади. ЮЕК врачларни консерватизм ива беморларнинг унчалик яхши таъсир этмайдиган препаратларни қабул қилиши натижасида ёш навқирон контингент беморлар ўртасида ногиронлик касаллиги кўпайиб бормоқда (Е.И. Чазов, Практикующий врач., М. 1996). АҚШ-да 35 ёшгача бўлган фуқаролар ўртасида сурункали юрак етишмовчилиги (СЮЕ) касаллиги билан госпитализация қилинганларнинг сони 1985 йилда 600000 тага етган бўлса, 1995 й-900000 тага етди. СЮЕ касаллигига сарфланаётган харажатлар инфаркт миокард ва онкологик касалларга сарф қилинган харажатлардан кўпроқ суммани ташкил этади. Димланган юрак етишмовчилигини 95% ЮИК туфайли юзага чиқади, шуларнинг 92% и инфаркт миокарддан кейин бўлади. Сурункали юрак етишмовчилик касаллигини даволаш ўзига хос тарихга эга. Айниқса унда минералокортикоидларга ва альдостеронга қарши таъсир этувчи спиронолактонни (Альдактон, Верошпирон) қўлланилиши кейинги йиллардаги ЮЕК даволашда ўзига хос ўрин тутади. Маълумки 60-70-йилларда бунга бутунлай бошқача қаралар эди. Хозирги кунда ҳам бизда бунга етарлича эътибор берилаётгани йкқ. А/Бни туширишда қатнашувчи диуретиклар, миокардга ҳам тўғридан- тўғри таъсир этиб, унинг чап қоринчасини гипертрофиясини олдини олади. Маълумки альдостерон буйрак усти безида ишлаб чиқарилади ва ангиотензин II каби ренин-ангиотензин-альдостерон системасига кирувчи гормонал таъсирни кучайтиради. У буйракда Na реабсорбциясига таъсир этиб, организмдаги сув-туз гомеостазини бошқариб туради. ЮЕКда юракни периферик ва вена қон томирларида қонни оқишини юзага чиқариш функциясини бузилиши қайд этилади. Бунда кичик ва катта қон айланиш системасида қоннинг димланиши юзага чиқади. Қон димланиши билан боғлиқ диспноэ, перифериядаги ва органлардаги шишлар, миокардни гипертрофияси каби симптомлар юзага чиқади. Оёқларда музлаш, тахикардия, кўкракда сиқилиш билан боғлиқ оғриқлар, цианоз, мушакларда бўшашиш ва тез чарчашлик каби ҳолатлар қайд этилади. ЮЕКни асосида О 2 етишмовчилигидан келиб чиқувчи юрак қоринчаси мушакларини қисқаришини сустлашиши, сурункали қон босими ва хажми билан боғлиқ ҳолатлар, кардиомиопатия, яллиғланиш, заҳарланиш ва патологик модда алмашинувини ўзгариши (тиреотоксикоз, камқонлик, бери- бери, пароксизмал тахикардия) ётади. Юқоридагиларга асосланиб ЮЕКда: 1. Юракни механо-гемодинамик етишмовчилиги (митрал клапан стенози, аорта стенози, панцирли юрак), 2. Ривожланган тахи ва брадиаритмия билан боғлиқ ЮЕ қайд этилади. Ўткир ва сурункали ЮЕК. Миокарднинг нормал функциясини бузилишида юрак қон томир етишмовчилиги юзага чиқади. У ўткир ва сурункали ҳолда бўлади: 1. Ўткир юрак ва қон айланиш системасининг етишмовчилигини асосий симптомлари кардиоген шок, юрак астмаси ва ўпкани альвеоляр шиши кўринишида юзага чиқади. 2. Ўпка шишида қонни суюқ қисми капиллярлардан тўқимага ўтади. Бу нарса кучли ва тез гидростатик босимни кичик қон айланишини юзага чиқишида, шунингдек, капиллярларни ўтказувчанлигини ошиб кетишида, қон плазмасининг онкотик босимини ошишида, ўпкада лимфа ҳосил бўлишини ва лимфа айланишини бузилишида юзага чиқади. Юрак астмасида бронхлар олди ва томирлар атрофида серозли суюқликларнинг инфильтрацияси юзага чиқади, натижада модда алмашиниши бузилади, томирлар ва бронхларни қаршилиги ошади ҳамда хансираш юзага келади. У кўпинча тинчлик холида ва кечалари хуруж қилади. Юзда кўкариш бўлади, юрак уриши тезлашади, юрак тони сусаяди, сувли хриплар бўлади. Томирлардан суюқликни чиқиши давом этиб алвеолалар ичига йиғилади. Натижада упка алвеолалар шиши юзага чиқади. Бунда асосий даво мажмуаси кичик қон айланиш системасидаги гидростатик босимни туширишга қаратилади. Беморга қон томирларини кенгайтирувчи препаратлар (нитропруссид, нитроглицерин) юборилади: нитропруссидни 1-8 мкг/кг-мин.дозада; нитроглицеринни 1% 1 мл+ 100 мл 5% глюкоза ёки дикстрозалар билан юборилади. 2 а) Ганглиоблакаторлар ёрдамида катта қон айланиш системасидаги томирларни кенгайтириш хисобига хам эришилади. Қоннинг кўп қисми кичик қон айланиш системасидан каттасига ўтади ва юракка келаётган қон миқдори камаяди; пентамин 25100 мг. Бензогексоний 10-40 мг. Арфонад 50- 100 мг в\в 40% ли глюкоза билан юборилади. 2 б) Авваллари оёқ ва қулга жгут қуйиш ва маълум миқдорда қон чиқарилар эди, аммо бу ишни суринкали ЮЕ да амалга ошириб бўлмайди, чунки юрак коллапси юзага чиқиши мумкин. 3.Вена қонини юракка камроқ келтириш ва ўпка капилляридаги гидростатик босимни тушириб диуретиклар орқали хам амалга оширилади; фуросемид ва урегит в/в юборилади. 4. Шу билан бирга хавонинг ва кўпикчаларнинг пайдо бўлишини олди олинади. Махсус мосламалар ёрдамида хосил бўлган газ-хаволарни сўриб олинади. 5. Сунъий нафас олиш йулга қуйилади. Кичик қон айланиш системасидаги димланиш бронхоспазмни юзага чиқазади, аритмия ва гипотония авж олади. 6. Шу касаллик симптомларига қарши препаратлар ишлатилади. Ўткир ўнг қоринча етишмовчилиги купинча бирламчи ўпка гипертониясида, упка артерияси эмболиясида, уткир ва суринкали пневмонияда, бронхиал астманинг оғир турида, пневмосклероз ва упка энфезимасида қайд этилади. Бунда кичик қон айланиш системасига қоннинг бориши қийинлашади ва катта қон айланиш системасида димланиш пайдо бўлади. Беморга хаво етишмай хансираш, юзнинг кўкариши ва шиши, бўйин вена пульсацияси, гидроторакс, асцит ва бошқалар юзага чиқади, пульс тезлашади, жигар катталашиб оғриқ пайдо бўлади. Бунда юракка қон келишини камайтириш учун 500 мл қон чиқарилади. Периферик вазодилятаторлар ишлатиш ва бронхлар ўтказувчанлигини эуфиллин орқали яхшилаш, кислородли ёстиқдан фойдаланиш, диуретиклар, юрак гликозидлари ва аналептиклар ишлатилади. ЎЮҚТЕ касаллиги ичида энг куп учрайдигани кардиоген шокдир. Бунда купчилик органларни функцияси бўзилиб, АБ тушади, натижада юракнинг минутлик хажми сўсаяди. Кардиоген шокнинг асосий сабаблари инфекция хамда миокард инфарктидир. Касалликда мия ва ички аъзоларнинг қон билан таъминланиши бузилади ва 3 та симптом комплекси юзага чиқади; 1. Юрак функцияси ва қон-томирлар функцияси сусаяди 2.Хужайраларнинг қон билан таъминланиши бузилади 3. Метаболик ацидоз юзага чиқади. Даволаш хам шу функцияларни тиклашга қаратилади; 1. Инфекцияга қарши даволаш 2. Миокард инфарктини даволаш (морфин, промедол, дропиридол, фентанил) 3. Қон босимини кўтарувчи дорилар 4. Юрак функциясини яхшилаш 5. Вазодилятатор+юрак стимуляторини бериш 6. Метаболик ацидозга қарши чоралар (бикарбонат дефицитини йуқотиш ва б.) Cурункали юрак етишмовчилиги таснифи (Н. Д. Стражеско ва В. Х. Василенко) I босқич-жисмоний зуриқишдан сўнг ЮЕ белгилари пайдо бўлади (нафас сиқиш, юрак ўйнаши) II А босқич-озгина жисмоний харакатда ҳам декомпенсация белгилари пайдо бўлиши; II Б босқич-қон айланишининг турғун декомпенсацияси: нафас сиқиши, оёқларда шиш, жигар катталашуви. Бу белгиларга титроқ аритмия қўшилади. III терминал босқич-доимий нафас сиқиши, систем шиш (анасарка), ички аъзоларда дистрофик ўзгаришлар. Нью-Йорк кардиологлар ассоциацияси таснифи: I класс- жисмоний зўриқишда нафас сиқиши пайдо бўлади (тез юриш, зинадан кутарилиш) II класс-кам жисмоний зўриқишда ҳам нафас сиқиши кузатилади (м-н, бир қаватга кўтарилганда) III класс-текис йўлда юрганда ҳам нафас сиқиши пайдо бўлади IV класс- тинч ҳолатда нафас сиқади. Даволаш. I босқичдаги касалларга АПФ ингибиторлари тайинланади, оқсилли, тузлар чекланган пархез буюрилади, дам ва мехнат тартибига риоя қилинади. Лозим бўлса органик нитратлар берилиши мумкин. II босқичда АПФ ингибиторлари тиазид диуретиклар ва органик нитратлар билан берилади. Титроқ аритмия кузатилганда АПФ ингибиторлари юрак гликозидлари билан алмаштирилади. III-IV босқич ЮЕда АПФ ингибиторлари, диуретиклар, юрак гликозидлари берилади. Тахикардияси бор беморларга в адреноблокаторлар, кардиомиопатияларда Са антогонистлари (амлодипин), қоринчалар аритмиясида амиадорон қўшиб берилади. ЮҚТ –системасига таъсир этувчи препаратлар Кардиотоник препаратлар 1. Юрак гликозидлари а) Дигиталис препаратлари (наперстянкалар, кардикид, дигитоксин, дигоксин, целанид, лантозид) б) адонис препаратлари (адонис ўсимлиги, адонизид-фл.15 мл, қуруқ адонизид-1 кунда 1 табл. 2-4 махал, адонис-бром-0,25 г табл) в) строфантин препаратлари (строфантин-К 0,025-0,005 % 1 мл, строфантидин ацетат 0,05% 1 мл) г) марваридгул препаратлари (марваридгул тиндирмаси 1:10 70%ли спиртда ва флак.25 мл, коргликон 0,06% 1мл) д) Читранғи препаратлари (кадиовален фл. 15-25 мл) 2. Гликозид булмаган адренэргик системага таъсир этмайдиган синтетик кардиотониклар а) Амринон 100 мг амп. махсус эритувчи ёрдамида 0,5% 20 мл инъек. учун тайёрланади. б) Милренон 0,1% 10 мл амп. томчилаб в/в юборилади в) Веснаренон оғиз орқали 0,06-0,12 г дан кунига 1 марта. Кардиотоник препаратларга β -адренорецепторларни қузғатувчи допамин ва добутамин, миокарддаги глюкагон рецепторларини қкзғатувчи глюкагон хам киради. 3. Фитопрепаратлар а) Гербион- юрак томчиси,100мл (сув ва спиртли дулана барги ва гулининг экстракти 20 г, оқ амелия 14 г ва валериана илдизи 15 г) фл. да чиқарилади. б) Оксикардин-шалфей ва женщиндан (17,5+ 3,43 мг) иборат пелитта. в) Беллабил-гинкко белаба баргининг экстракти 40 мгдан капсулада чиқарилади г) Танакан-гинкко белоба баргининг экстракти 40 мг табл. кунига з махал. Юрак гликозидларининг таъсири + инотроп таъсир (қисқарувчанликни кучайиши) + батматроп таъсир (қузғалувчанликни ортиши) - хронотроп таъсир (ЮҚС камайиши) - дромотроп таъсир (ўтказувчанликни сусайиши). Юрак гликозидлари таъсирида: -юрак минутлик хажми ошади, -веноз босим камаяди, -юракка оид шишлар камаяди, -миокардни қон билан таъминланиши яхшиланади, -газ алмашинуви яхшиланиб, ўпка шиши бартараф этилади, -нафас сиқиши ва томирларни периферик қаршилиги камаяди. Юрак гликозидларининг таъсири кардиомиоцитлар мембранасидаги Na-K АТФазани сусайиши билан боғлиқ. Кардиомиоцитлар ичида Na ошиб, Кионлари камаяди. Хужайрада Na миқдори ошиши трансмембран Na-Са насосини фаоллаштиради ва хужайра ичига Са кира бошлайди, кардиомиоцитлар қисқарувчанлиги ошади. Гликозидларни гипертрофик кардиомиопатиялар, тиреотоксикоз, қоринчалар экстрасистолияси, фибрилляцияси, клапанлар стенозида бериш мумкин эмас. Брадикардиялар, блокадалар, экстрасистолиялар хам қарши курсатмалар хисобланади. Ногликозид препаратлар- милринон ва амринон туқима ичидаги ц АМФни парчаловчи фермент цАМФазани активлигини сусайтиради. Натижада кардиомиоцитлар ичида цАМФнинг миқдори купаяди, бу эса туқима ичидаги Са++ сақловчи деполардан Са++ ионларини чиқишини кучайтиради ва юрак мушакларининг қисқаришини оширади, яъни мусбат инотроп таъсир юзага чиқади. Бу препаратлар ОИСда ёмон сурилади. Шунинг учун ҳам уларни венага 2-3 дақиқа ичида томчилаб юборилади, максимал эффект 5-10 дақиқада юзага чиқиб, 10-20 дақиқа давом этади. Жигарда парчаланиб буйрак орқали чиқиб кетади. Дофамин симпатик нерв системасини специфик рецепторларини (дофаминергик, β 1 ва α -адренорецепторларни), добутамин эса миокардни β 1 адренореактив рецепторларини қузғатади ва кардиотоник-мусбат инотроп таъсирни юзага чиқаради. Чунки бунда симпатик нерв толаларидан норадреналинни ажралиши купаяди. Шу билан бирга дофамин буйракни қон билан таъминланишини оширади, диурезни кучайтиради, аммо катта дозаларда (10 мкг/кг) эса буни акси юзага чиқади. Глюкагон миокарддаги II тип глюкагонорецепторларни қитиқлаб миокард қисқаришини ва қисқаришлар сонини (ЧСС) оширади, юрак тож томирини кенгайтиради ва кардиомиоцитлардаги цАМф миқдорини оширади. Бу эса мусбат инотроп таъсирни юзага чиқаради. Ўзбекистонда ЮЕ да қулланиладиган хаётий зарур препаратлар:(2002 й) 1. Дигоксин-ангишвонагул, табл 0,0625-0,0125; 0,25 мг; 0,025 1 мл инъекция учун суринкали ЮЕ да қуланилади 2. Корглюкон-марваридгул, 0,06% 1 мл секинлик билан 20-40% ли глюкоза эритмасида эритилиб ЎЮЕ да юборилади. Купинча ЎЮЕда берилади. 3. Строфантин К 0,05%-1 мл. Хозирги хар бир 1мл да ампулада 250 мкг актив модда бор. Бу хам ўткир юрак етишмовчилигида берилади. 4. Лантозид С (ангишвонагул баргидан) Табл. 0,25 мг. Ичиш учун; 1мл-30 томчи, томчи-1 мг актив модда ушлайди. Инъекция учун эритма 1 мл 0,2 мг актив модда бор. Дигоксин каби ишлатилади. Булар юрак миокардини қисқаришини ва кучини оширади қисқаришини камайтиради, А/Б утказувчанлигини камайтиради, диуретик таъсири бор. Юрак минутли хажми ва қисқариш хажмини оширади, миокардни О 2 га талабини камайтиради. ЮЕ да, титроқ аритмияда, тахикардияда, кардиосклероз, миокардит, клапанларни жарохатида юз берувчи юрак етишмовчилигида юрак гликозидлари, кардиотоник препаратлар сифатида ишлатилади. Бирга қуйидаги препаратлар хам қулланилади: • Каптоприл- 0,025-0,1 г табл. • Эналаприл- 0,0025-0,02 мг табл • Эфедрин- 0,01 табл., 5%-1 мл. • Допамин-амп. 1 мл.,5 ёки 40 мг актив модда бор А/Б кутаради Фенилэрин- амп 1%-1 мл кўз Қ/Б туширади Адабиётлар: 1. Клиническая фармакология, под ред. В.Г. Кукеса, М.1991 г. 2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

Похожие

Атеросклероз касаллиги патофизиологияси ва фармакотерапияси асослари
Юрак ишемик касаллиги унинг патогенезитурлари ва фармакотерапияси
Инфекцион касалликлар уларнинг патофизиологияси ва фармакотерапияси
Аллергик касалликлар уларнинг патофизиологияси ва фармакотерапияси
Анемия касаллиги этиологияси патогенези ва фармакотерапияси