Атеросклероз касаллиги патофизиологияси ва фармакотерапияси асослари - Медицина - Рефераты

Атеросклероз касаллиги патофизиологияси ва фармакотерапияси асослари

Загружено в:

20.09.2019

Скачано:

0

Размер:

81 KB

Атеросклероз касаллиги патофизиологияси ва фармакотерапияси асослари Режа: 1. Атеросклероз фақат артериялар касаллиги 2. Гиперлипопродеидемияларнинг клиник таснифи 3. Атеросклерозга қарши дори воситаларининг таъсири

Қон томир ички девори жарохатланиши билан кечадиган сурункали касалликка атеросклероз дейилади. Атеросклероз кўпинча 40-50 ёшлардан ошган инсонларда қайд этилар эди. Ҳозирги кунда атеросклероз касаллиги ҳам ёшариб бормоқда. Атеросклероз аорта, юрак тож томири, мия, буйрак, қорин бўшлиғи артериялари каби организмни йирик артерияларини жароҳатлайди ва уни патоморфологик текширувларда оддий кўз билан кўриш мумкин. Атеросклероз фақат артериялар касаллиги бўлмай, қон томирлар деворини озиқлантирувчи қон айланиш структурасини назорат қилиб турувчи нейрогуморал аппарат ва модда алмашинуви касалликларининг мажмуасидир. Мия катта ярим шарлари ва уни вегетатив бўлимлари томонидан бошқарилиб турувчи томирлар иннервациясининг бузилиши ҳам атеросклерозни. юзага чиқишида катта рол ўйнайди. Шу билан бирга атеросклероз кўпинча узоқ рухий ва психологик зўриқишда, кам ҳаракатчанлик билан боғлиқ яшаш тарзида, бетартиб овқатланишда ва у билан боғлиқ семиришда, қанд касаллигида, мекседима каби касалликлар қайд этилувчи инсонларда ривожланади ва юзага чиқади. Баъзи авторларнинг фикрича атеросклероз касаллиги эркакларда аёлларга қараганда 3-4 марта кўпроқ учрайди. Аёлларда атеросклерознинг кам учрашини уларда қалқонсимон безнинг нисбатан активлиги билан тушунтирилади. Чунки бундай ҳолда ажралиб чиқаётган тиреоидин атеросклерознинг ривожланишини олдини олади. Мекседемада эса атеросклероз ривож топади, чунки бунда қалқонсимон без функцияси сусаяди. Баъзан атеросклерозга моил оилалар ҳам бўлади. Ёғли овқатларни меъёридан ортиқ қабул қилиш, қонни холестерин ва унинг унумлари билан бойитиш атеросклерознинг ривожида асосий роллардан бирини эгаллайди. Н. Н. Аничков ва унинг шогирдлари сунъий холестеринли диета билан қуёнларда атеросклероз моделини яратганлар.

Шунингдек атеросклерозни ривожланишида сурункали алкоголга ва никотинга ружу қуйиш ҳам алохида аҳамиятга эга. Артериал гипертонияда артерия томирлари деворига липоидлар ўтириб олиши ва қон томир эластиклигини йўқотиши ҳаммага маълум. Шунинг учун ҳам артериал гипертонияда кичик қон айланиш системасида атеросклероз авж олади. Гиперлипопродеидемияларнинг клиник таснифи Бирламчи Иккиламчи Оилавий гиперхолестеринемия Қандли диабет Сурункали алкоголизм Гипотиреоз Жигарнинг обстуктив касалликлари Нефротик синдром Бета блокаторлар, гормонларни нотўғри ишлатиш Атеросклероз аввал аъзо ва тизимлардаги маҳаллий қон айланиш жараёнини бузади, уни функциясини сусайтиради, кейинчалик бутун қон айланиш системасини ишдан чиқаради. Чунки бунда аорта ва артерияларнинг эластиклиги ва функцияси бузилади, юракнинг иш қобилияти ёмонлашади, натижада барча аъзоларни қон билан таъминланиши ёмонлашади. Бу эса организмдаги модда алмашинувини, хусусан углеводлар, оқсиллар ва ёғлар алмашинувини издан чиқаради. Томирлар деворида ферментатив оксидланиш жараёни бузилади, қон томирларда тромбозлар, қон ивиш жараёнини кучайиши ва қон томирларини ёрилиши, маҳаллий қон кетиши ҳолатлари кузатилади. Демак, атеросклероз ва унинг кечими бошқа юрак-қон томир касалликлари ва уларнинг кечими билан чамбарчас боғлиқдир. Юрак-қон томир системасида циркуляция қилиб юрган липопротеинлар ёғ ва оқсиллардан ташкил топган. Улар ўзларининг ўлчами ва зичлигига қараб 5 та типга ёки классга бўлинади: 1. ЛПОНП-ўта кичик зичликка эга липопротеинлар, 2. ЛПНП-кичик зичликка эга липопротеинлар,

3. ЛПВП-юқори зичликка эга липопротеинлар, 4. хиломикронлар 5. триглицеридлар. Атероген таъсирга ЛПНП, ЛПОНП ва улар ўртасидаги липопротеинлар киради. Соғлом одам қонида ЛПНП деярлик қайд этилмайди, улар холестерин ва триглицеридлар таркибида мураккаб эфирлар холида сақланади ва нисбатан кўпроқ туйинмаган ёғ кислоталари таркибидаги холестеринли мураккаб эфирларда, фосфолипидларда ва махсус оқсиллар таркибида бўлади. Хиломикронлар (ХМ) ва ЛПВП атроген таъсирга эга эмас. Шунингдек ЛПВП антиатероген таъсир этади ва атеросклерозни олдини олади. Гиперлипопротеидемиялар таснифи (ЖССТ) Ти п Ортиқча липопро- теидлар тури Холестер ин Тригли це ридлар Атерогенлик Учраши I Хиломикронлар Норма Ошган - 1% II а ЛПНП Ошган Норма +++ 10 % II в ЛПНП ва ЛПОНП Ошган Ошган +++ 40 % III ЛПНП Ошган Ошган +++ < 1% IV ЛПОНП Норма ёки ошган Ошган + 45 % V ЛПОНП ва хиломикронлар Ошган Ошган + 5 % Юқоридагиларни инобатга олиб, атеросклерозни олдини олиш ва унинг асоратларининг йўқотишнинг асосий омиллари қонда атероген таъсирга эга липопротеинларнинг миқдорини камайтиришга ва антиатероген липопротеин (ЛПВП)ларни миқдорини оширишга қаратилади. Гиперлипидемик ҳолатларда таъсир этувчи препаратлар қуйидаги гурухларга бўлинади: I. Атероген липопротеинларни пайдо бўлишини олдини олувчи препаратлар,

II. Атероген липопротеинларни парчаланишини кучайтирувчи ва уларни организмдан чиқиб кетишини юзага чиқарувчи препаратлар, III. Турли таъсирга эга бошқа препаратлар. Биринчи гурух препаратларига: левостатин, клофибрат ва уни аналоглари, пробукол, никотин кислота ва унинг унуми роникол ( β -пиридилкарбинол)лар киради. Иккинчи гурух препаратларига: холестирамин, холестипол, β -ситостерин, декстротироксин ва тўйинмаган ёғ (линолин, арохидон) кислоталари киради. Учинчи гурух препаратларига гепариноидлар, антиоксидантлар, эндотелиотроп препарат (пармидин)лар ва б. киради. Атеросклерозни мақсадга мувофиқ даволашда простоциклинлар ҳам катта рол ўйнайди. Сизга маълумки, простоциклинларнинг қондаги миқдорини камайиши тромбоцитлардаги ва томир деворидаги цАМФни миқдорини камайишига олиб келади, қонда тромбоцитлар агрегациясини кучайтириб юборади. Натижада томирлар эндотелийсининг бутунлигини бузувчи ва унда яллиғланиш жараёнини кучайтирувчи эндоген фаол моддалар кўпайиб кетади, эндотелийни ўтказувчанлиги кучаяди ва эндотелий остига атероген липопротеидлар сизилиб (пенетрация усули бўйича) киради ва томирлар эндотелийсида ва эндотелий остида атеросклеротик пилакчалар пайдо бўлади. Шунингдек, простоциклинларнинг етишмовчилигида қон томирларнинг тонуси ҳам ошиб кетади. Оёқ томирларидаги атеросклеротик ўзгаришларда (облитерцияловчи атеросклерозда) простоциклинни узоқ муддат даврида 72 соат давомида) артерия орқали юборилиши уни олдини олиш ва даволашда катта ижобий таъсир этади. Липопротеинларнинг қонда кўпайиб кетиши бирламчи (диета бузилишида) ва иккиламчи (диабетда, гипотериозда, жигар ва буйрак касалликларида) бўлиши мумкин, баъзан дориларни узоқ муддатда қўллаш ҳам липопротеинларни кўтарилишига таъсир этади. Асосий касалликларни даволаш иккиламчи гиперлипопротеинларни бартараф этади.

Атеросклерозга қарши дори воситаларининг таъсири , айниқса 1 гурух препаратларини таъсири жигарда холестерин синтезини сусайтириш (3-окси- 3метилглутарил коэнзим А редуктаза ферменти ёрдамида) орқали бўлади. Бунда ЛПОНПни ҳам синтези сусаяди, ЛПВПни миқдори нисбатан ошади. 1 гурух препаратлари билан холестераминни бирга ишлатилганда гиполипидемик эффект янада ошади. Энг юқори клиник таъсир левостатинни (20 ва 40 мг табл.) қўлланганда юзага чиқади. Препаратни бирламчи гиперхолестеринемияда қўлланилади. Максимал эффекти 2-4 соатда чиқади. Уни биосамарадорлиги 5 % атрофида. Препарат ва уни метаболитлари қон оқсиллари билан 95 % атрофида бирикади. Препарат асосан жигарда биотрансформацияга учрайди ва ОИС (80 %) ва буйрак (10 %) орқали чиқиб кетади. Турли хил гиперлипедемияда клофибрат (атромидин, миоклирон, липомид-0, 25-0, 5 г. капс.) кенг қўлланилади. У организмда парахлорфеноксимой кислотага ўтади ва шу холда гиполипидемик таъсир этади. Препарат ЛПНП ва ЛПОНП ни жигарда парчаланишини ва синтезини сусайтиради. Шунингдек жигарда холестерин синтезини ҳам сусайтиради. Препаратнинг таъсири 2-5 кун ичида юзага чиқади ва бир неча хафта давом этиб, қонда антиатероген ЛПВПни кўпайтиради. Клофибрат тромбоцитлар агрегациясини сусайтиради, фибрин миқдорини камайтиради ва қонни фибринолитик активлигини оширади. Препарат ОИСда яхши сўрилади ва уни фаол метаболитини максимал концентрацияси юборилгандан 4 соат кейин, уни 50 % га камайиши эса 12 соат ичида юзага чиқади. Организмдан глюкурон кислота билан конъюгат холида чиқиб кетади. Ножўя таъсирлари: кунгил айниши, ич кетиш, уйқучанлик, терида тошмалар, лейкопения ва ўт йўлида холестеринли тошлар пайдо бўлиши. Ҳозирги кунда клофибрат метаболити парахлорфеноксиизобутил кислота унумлари асосида бензофибрат ва фенофибрат, процетофен препаратлари

ишлаб чиқилган. Уларни таъсир механизми клофибрат таъсир механизмига ўхшашдир. Препарат пробукол структураси бўйича токоферолга (вит Е) яқин бўлиб, қондаги холестерин ва ЛПНПни камайтиради. Препарат антиоксидант таъсирга эга. Препарат жигарда холестерин синтезини сусайтиради. Препаратни камчилигидан бири уни қондаги ЛПВПни ҳам нисбатан камайтириш хусусиятидир. Препарат оғиз орқали 0, 5 г дан бир кунда 2 махал овқатдан кейин берилади. 10 % га яқини сўрилади, препаратни Т 1/2 си бир ойга яқин. Гиполипидемик таъсир 3-6 ҳафта давом этади ва ўт билан бирга ОИС орқали чиқиб кетади. Баъзан диспептик таъсирлар ва қоринда оғриқ пайдо бўлиши мумкин. Асосий гиполипидемик препаратларнинг таъсир спектрини қуйидагича кўрсатиш мумкин: Препаратл ар Х М ЛПО НП ЛПН П ЛПВ П холестер ин триглицерид лар холестирам ин клофибрат бензофибрат пробукол никотин кис. цетамифин - - - - +/ - - +/- + + - +++ + +++ +/- + + +/- +/- - +/- + + +/- +/- +++ + + +++ + ++ +/- ++ ++ + ++ + Холестирамин ОИСда яхши сўрилмайди ва овқат ферментлари таъсирида парчаланмайди, ичакда ўт кислоталари билан бирикади ва ичак орқали чиқиб кетади. Натижада ичакдан холестеринни сўрилиши камаяди ва уни қондаги концентрацияси пасаяди. Давони бошланишида ЛПОНПни миқдори камаяди, сўнгра даво давомида нормага келади. Препарат кукун ҳолида 9 г дан 378 г гача упаковкада чиқарилади. Уни терапевтик дозаси 12-16 г. Кейинги йилларда атеросклерозни даволашда туйинмаган ёғ кислоталари ва фосфолипидлардан иборат эссенциале-форте (5-10 мл капс.) липостабил (10 мл амп.) Полиспонин (0, 1-0, 2 г) Трибуспонин (0, 1 г)

Линетол (20 мл оғиз орқали) Арахидон (10-12 томчидан фл.) каби препаратлар кенг қўлланилмоқда. Ушбу комплекс препаратлар туйинмаган ёғ кислоталари (линол, линолен, олеин кислоталар), биологик мембрана структурасига кирувчи фосфолипидлар сақлайди, қон реологиясини яхшилаб, мия, юрак ва скелет мушаклардаги микроциркуляцияни кучайтиради. Натижада липидлар билан боғлиқ мураккаб физиологик жараёнларни ўз холига олиб келади. Маълумки, атеросклероз касаллигида юрак тож томирларида ҳам ўзгаришлар бўлади, яъни атеросклероз юрак ишемик касаллиги билан бирга келади. Шунинг учун ҳам Ушбу касалликни даволашда коронаропротектив ва липид модда алмашинувига таъсир этувчи препаратлар ишлаб чиқилди. Булар қаторига предуктал (20 мг табл.), левостатин, флувостатин ва б. препаратларни келтириш мумкин. Статинлар бир вақтни ўзида липидлар алмашинувини бир мақомга солади, тромбоцитлар агрегациясини йўқотади, қон реологиясини нормаллаштиради, эндотелий остидаги яллиғланиш жараёнларини бартараф этади ва шу йўллар билан капиллярлар ўтказувчанлигини мустаҳкамлайди.

Адабиётлар: 1. Клиническая фармакология, под ред. В.Г. Кукеса, М.1991 г. 2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

Похожие

Ўткир ва сурункали юрак етишмовчилик касаллиги патофизиологияси ва фармакотерапияси принциплари

Инфекцион касалликлар уларнинг патофизиологияси ва фармакотерапияси

Аллергик касалликлар уларнинг патофизиологияси ва фармакотерапияси

Анемия касаллиги этиологияси патогенези ва фармакотерапияси

Юрак ишемик касаллиги унинг патогенезитурлари ва фармакотерапияси