logo
  1. Главная страница
  2. Рефераты
  3. Медицина
  4. Ўткир респиратор инфекциялар

Ўткир респиратор инфекциялар

Загружено в:

20.09.2019

Скачано:

0

Размер:

157 KB
Скачать
Ўткир респиратор инфекциялар                                                                                 Режа: 1. Грипп 2. Патогенез ва патологик анатомияси 3. Парагрипп 4. Аденовирус инфекцияси 5. Респиратор – синцитиал инфекция 6. Риновирусли инфекция 7. Парранда гриппи 8. Одамдаги парранда гриппига характеристика 9. Одамдан одамга юқиши ҳақида 10. Профилактикаси. Ўткир респиратор касалликлар (ЎРК) – этиологияси жиҳатидан турли, клиник белгилари жиҳатидан умумийлиги кўп бўлган касалликлар гуруҳидир. Бу касалликларнинг кўпчилигини вируслар қўзғатади. Грипп, парагрипп, аденовирус касаллиги, риновирус касаллиги, респиратор -   синцитиал инфекция, микоплазма инфекциялари ва бошқалар ЎРК гуруҳига киради.             Статистик   маълумотларга қараганда   ер   юзида   ҳар   йили   40   млн. га яқин   одам   ЎРК   билан   касалланади.   Ҳар   йили   касаллик   туфайли йўқотиладиган     иш   кунининг   15-20% и   шу   касалликларга   тўғри   келади. Эпидемия   ва қ тларида   корхона хизматчиларнинг   30-80%и ишдан қолади.   Буни   иқтисодий   жиҳатдан   қаралганда   битта   эпидемиянинг   ўзи   бизнинг   давлатимизни   ўзида   2-3 млрд. сўмга тенг бўлади. АҚШда   эса   2-5 млрд.   доллар   зарар   келтиради. ЎРК да   эпидемиологик   ҳамда   клиник   ўхшашликлар   бўлиши   билан   бирга   ҳар   бир   касалликда   ўзига   хослик бор. ГРИПП   Грипп – ўткир   вирусли   касаллик   бўлиб,   у   умумий   заҳарланиш   белгилари,   тана   ҳароратининг   кўтарилиши,   юқори   нафас   йўли,   юрак   қон-томир     ва   асаб системасининг   зарарланиши   каби   аломатлар   билан   тавсифланади. Тарихий   маълумотлар: “Грипп”   француз   сўзи   бўлиб – “чангаллаш”   ёки   “эгаллаш”   деган   маънони   билдиради. Грипп   ҳақида   биринчи   асосланган   маълумотни   1403   йили   Европадаги   эпидемия   вақтида   француз   олими   Этьен   Паскье   келтирган.   1580 йилда   биринчи   пандемия   кузатилган.   Бунда   касаллик   жуда   кенг   тарқалиб,   айниқса   Париж,   Рим,   Мадридда   жуда   кўп   одам   ҳалок   бўлган.   XIX   аср   охиридан   бошлаб   инсоният   ўз   бошидан   4 та   грипп   пандемиясини   ўтказади: 1918-1920 йилларидаги   пандемия   (испанка) да   20 - 50 млн. ортиқ   1957-59   йиллардаги   пандемия   («Осиё   гриппи») да   1   млн.дан   кўп одам   ҳалок   бўлган. АҚШнинг ўзида бу рақам 70000ни ташкил қилади. 1968 – 1969 Гонконг гриппи пандемиясида АҚШда 34000дан ортиқ беморлар ҳаётдан кўз юмишади.             Пандемия   оралиғида,   ҳар   2-3   йилда   грипп   эпидемияси   кузатилиб   туради.   Гриппни   чақирувчи   вируслар   - «А»   вируси   1933 йилда   (У. Смит, К.Эндрюс   ва   П.Лейдлоу)   «В»   вируси   1940 йилда   (Т.Френис   ва   Т.Меджилл)   «С» вируси   1947 йилда (Тейлор)   аниқлаган.         Этиологияси. Гриппни   чақирувчи   вируслар   миксовируслар   оиласига   мансуб   бўлиб,   ўзида   РНК   тутади.   Вирионлар   думалоқ   ёки   овал   шаклида   бўлиб,   диаметри   80-100 мм ни   ташкил   этади.         Касаллик   қўзғатувчиси   А, В, С   типли   вируслар   морфологик   жиҳатдан   ўхшаш   бўлсаларда,   ўзида   турган   антигенлари   билан   бир-бирларидан   фарқ   қиладилар.         А   типи   жуда   ўзгарувчан,   у   антигенларини   тез-тез,   баъзан   жуда   кескин   ўзгартириб   туради.   Ўзгариш   юзаки   антиген-гемагглютинин   ва   нейроаминидаза   алмашинуви   туфайли   содир   бўлади.   Бу   антигенларнинг   иккаласи   бир   вақтда   алмашинган   тақдирда,   вируснинг   янги   подтипи   ҳосил   бўлади.У   пандемияга   сабаб   бўлади.   Антигенларни   бундай   ўзгартириш   В   ва   С   вирусларида   бўлмайди   ёки   бўлса   ҳам,   кучсиз намоён бўлади.         В   ва   С   вируслари   фақат   одамдан   учраса, А   вируси       одамлардан   ташқари   от,   чўчқа   ва   турли   хил   паррандалардан   ҳам   ажралади.   Грипп   вируси   ташқи   муҳитга   чидамсиз,   қиздирилган   ва   қайнатилганда   тез   нобуд   бўлади.   Совуқ   муҳитда   кўпроқ   сақланади.   Ультрабинафша   нурлари   хам   турли   хил   дезинфекцияловчи     моддалар     таъсири   ҳам   жуда   чидамсиз.         Эпидемиологияси. Касаллик   манбаи   касал   одам   ҳисобланади.   Айниқса,   касалликнинг   енгил,   ноаниқ   ва   клиник   белгиларисиз   турларини   ўтказаётган   шахслар   хавфли   ҳисобланадилар.   Беморлар   касаллик   даврида   4-7   кунгача   атрофдагилар   учун   хавфлидирлар.         Грипп   вируси   одамлар   орасида   доимий   айланиб   юриб,   хар   2-3   йилда   эпидемия   бериб   туради.   Бу   эпидемиялар   вируснинг   турли   хил серологик     вариантлари   томонидан   чақирилади.   А - вирусининг   янги   серотиплари   пайдо бўлганда   эса   (хар 10-30 йилда)   пандемия   содир   бўлади.   А   вирусини   турли ҳар хил узоққа   учувчи   қушлар   ва ҳайвонларга   ўтиши   ва   улардан   одамларга   ўтиши   кузатилган. Бу   ҳолат   вируснинг   янги   серотипларини   пайдо   бўлишида   асосий   омил   бўлса,   ажаб   эмас.         Грипп   эпидемияси   шимолий   яримшарда   жойлашган   вилоятларда   кўпроқ   ноябрь,   март   ойларида,     жанубий   яримшар   вилоятларида   эса   апрель,   октябрь   ойларида   тарқалади.         А   гриппнинг   эпидемияси   алангадек   тез   тарқалади -   бир   ойнинг   ўзида   аҳолининг   20-50% игача   касалланади.         В   вирусининг   эпидемияси   эса   3-4 йилда   бир   такрорланади,   секин   тарқалади   2-3-5 ой   давом   этиб,   аҳолининг   4 /1 қисмини   зарарлайди.         Бироқ,   касаллик   ривожланиши   учун   организмда вируснинг   ўзи   тушиши   ҳам   ҳар   доим   етарли   бўлмайди.   Бунда   шамоллаш омилининг   ҳам   аҳамияти   каттадир.   Шамоллаш   омили   эпителий   ҳужайраларнинг   тебранувчи   киприкчалари   ҳаракатини   кескин   камайтиради   ва оқибатда   нафас   йўлидаги   шиллиқ   тезда   қуюқлашиб,   ажралиши,   бинобарин,   тозаланиши   секинлашади,   натижада   вируснинг   юқоригача   силжишига   имкон   яратади.         Патогенез ва патологик анатомияси .   Вируснинг   патоген   таъсири   унинг   қўйидаги   биологик   хусусиятларига     боғлик: эпителий   ҳужайраларига таъсирчанлик,   заҳарлилик   ҳамда   бир қадар   антигенлик   таъсири. Гриппнинг   патогенезида   асосан   8   та   босқич   тафовут   қилинади: 1.   Вируснинг   эпителий   хужайраларига   кириши; 2.   Эпителий   дистрофияси, некрози   ва   десквамацияси; 3.   Зарарланган   ҳужайранинг   ёрилиши   ва   вирус   чиқиши; 4.   Вирус   ва   токсинларнинг   қонга   ўтиши,   умумий   токсикоз,   вирусемия; 5.   Токсиннинг   қон   томирларини   кенгайтириши,   парез,   қон- томирларда   қон   оқимининг   секинлашиши,   стаз; 6.   МНС   ва   паренхиматоз   органлар   дегенерацияси; 7.   Интерферон   ва   оксифил   таначаларининг   ҳосил   бўлиши; 8.   Специфик   постинфекцион   иммунитет   ҳосил   бўлиши;         Вирус   нафас   йўлига   тушгандан   сўнг     эпителиал   ҳужайраларда   қайта   кўпаяди.   Зарарланган   эпителийлар   дегенерацияга   учраб,   кўчиб   тушади.   Цилиндрик   эпителийларнинг   метаплазияси   содир   бўлади.   Жараён   қўшни   тўқималарга   ва   қон-томирларга   ҳам   тарқалади.   Клиник   кўриниши   кўпроқ   юқори   нафас   йўлининг   яллиғланиши   сифтатида   намоён   бўлади,   бронхиолаларга   тарқалмайди.     Гриппда   вирусемия   бўлиши   ҳам   исботланган. Вируснинг   альвеолаларга   тўғридан тўғри   таъсир   қилиш   оқибатида   дескваматив   зотилжам   ривожланиб,   бунда   ўпканинг   интерстициал   тўқималари   зарарланади. Вирусемия   ва токсемия   туфайли   тана   ҳарорати   ва   заҳарланиш   аломатлари   тез   ривожланади.   Токсинлар   таъсирида   қон-томирларнинг   зарарланиши   туфайли   қон   айланиши   бузилади,   бу   эса   ўз   навбатида   ўпканинг   зарарланиши   ҳамда   марказий   ва   вегетатив   асаб   тизими   (кўпроқ   бош     миянинг   диэнцефал   бўлими)     фаолиятининг   бузилишига   олиб   келади. Симпатик   ва   парасимпатик   асаб тизимининг   зарарланиши   даврий   характерга   эга.   Шунинг   учун   ҳам   гипертония   гипотония   билан,   тахикардия   брадикардия   билан,   оқ   дермографизм,     қизил   дермографизм   билан   алмашиниб   туради.   Қон   томир   дистонияси   касалликдан   кейин   ҳам   маълум   вақтгача   сақланади. Қон   томир   ўтказувчанлиги   ва қон   айланишининг   бузилиши   оқибатида   мия   қон   томирларида   қон   димланиши,   майда   қон   қуйилишлар   содир   бўлади   ва   у   мия   шишига   ҳамда   менингоэнцефалит   синдроми   ривожланишига   сабаб   бўлади.   Ўпкада   қон   айланишининг   бузилиши   натижасида   ўпка   бўлакчаларида   шиш   ривожланади.   Токсин   таъсирида   гипофиз   ва   буйрак усти   безларининг   бошқарувчи   фаолиятлари     ҳам   бузилади. Нафас   йўлида   эпителиал   тўсиқ   бутунлигининг   бузилиши,   лейкоцитларнинг   фагоцитар   фаолиятининг   пасайиши,   вируснинг   организм   мудофаа     кобилиятларини   пасайтирувчи   таъсири,   нафас   йўлидаги   шартли   патоген   микробларнинг   қўзғалишида,   бактериал   асоратлар   ривожланишига   ҳамда   сурункали   касалликларни   қўзғалишига   олиб   келади.Гриппда аллергик реакцияни вируснинг ўзи, қўшилган   микроорганизмлар   ҳамда   зарарланган   тўқима   парчалари   юзага келтиради.               Клиника. Кўпчилик   касаллик   белгиларида умумийлик   бўлиш билан   бирга   қанча   таъсир   қилувчи   омиллар   (беморнинг   ёши,   унинг   касалликка   берилувчанлиги,   касалликлардан   олдинги   ҳолати,   вируснинг   серотипи,   унинг   вирулентлиги туфайли   гриппнинг   кечими   турлича   бўлиши   мумкин. Илгарилари   у   ёки   бу   синдромларнинг   ортиқлигига   қараб   гриппнинг   неврологик,   бронх - ўпка,   тифсимон,   геморрагик,   ичак   ва   бошқа   турлари   фарқланган.   Касалликни   бундай   турланиши   бизнинг   ҳозирги   даврда   грипп   хақидаги   тушунчамизга   мутлоқо   мос   келмайди.   Амалий   жиҳатдан   гриппни   асоратсиз   ва   асоратли   (асоратларини   кўрсатиб)   ҳамда   енгил,   ўрта - оғир,       гипертоксик   турларга   ажратиш   мақсадга   мувофиқдир. Ташхисни   ифодалашда   албатта,   ҳамроҳ   касалликларни   ҳам   кўрсатиш   зарур.           Касалликнинг   яширин   дари   бир   неча   соатдан   1-2   кунгача,   баъзан   3   кунгача   чўзилиши   мумкин. Касаллик   тўсатдан   бошланади. Бошқа   ЎРК   лардан   фарқи - грипп   тумов белгилари   кам   бўлган   ҳолда заҳарланишнинг   кучлилиги   билан   ифодаланади.         Одатда   касаллик   совуққотиб,   титраш,   бош оғриғи   билан   бошланиб,   тана   ҳарорати   тезда   (бир   неча   соат   давомида)   38-40 С гача   кўтарилади.   Қувватсизлик,   эт   қақшаши,   мушакларда, суякларда, йирик   бўғимларда   оғриқ кузатилади. Бош   оғриғи   зўрайиб   боради.         Кўпроқ   пешона,   чакка,   қош усти равоғи,   кўз   олмаси   оғрийди. Баъзан   бемор   нурга   қарай олмайди.   Кучли   заҳарланиш   одатда,   бош   айланиши, баъзан ҳатто   ҳушини   йўқотиш, қусиш ва   геморрагик   аломатлар   (кўпроқ   бурундан қон   кетиши)   билан   кузатилади. Беморлар   аввало   бурун   битиши, томоқнинг   қуриши   ва қирилишидан   шикоят   қиладилар. Касалликнинг   2-3   кунларида   кўпчиликка   қуруқ   йўтал,   йўталганда   тўш   ортида   оғриқ   ҳамда   тумов   пайдо   бўлади.   3-4   кундан   кейин   йўталганда   балғам келади,   тана ҳароратининг   энг   юқори   кўтарилиши ва кучли заҳарланиш белгилари намоён бўлади. Касалликларнинг   1-2 кунида иситма кузатилади. Касалликнинг   асоратланмаган   турида   иситма   А   гриппда   1-6 кун, В гриппда   эса   узоқроқ   давом   этади. Ҳароратнинг   тушиши   кескин   ёки   тезлашган   лизис йўли билан   содир   бўлиб, терлаш   билан   кузатилади.   Иситманинг   такрорланиши   кам   бўлсада   у   асоратланиш   билан   боғлиқ   бўлади.   Юзнинг   қизариб   бўртиши, юз қон- томирларнинг кенгайиши, кўзнинг ялтираб туриши, конъюнктивит 18-расм), кўздан   ёш оқиши кабилар   касалликнинг   бошланғич   белгилари   ҳисобланади.   Касалликнинг   оғир   кечимида тери   оқаради ва   ҳатто   бироз   кўкаради. Лаблар ва бурун қанотларида герпетик тошмалар,       оғиз,   томоқ   шиллиқ қаватининг     қизариши,   бодом   безларининг   бироз   катталашуви, қаттиқ   ва   юмшоқ   танглай шиллиқ қаватида   майда   қон   қуйилишлар   кўрилади.   Аксарият   беморларда   юмшоқ   танглай, айрим   ҳолларда   тилча   шиллиқ қаватида   майда донадор энантемалар бўлади (Морозкин белгиси) (19-расм).   Томоқнинг   орқа   деворида шиллиқ қават   қуриган   ундаги лимфатик фолликулалар катталашганлиги кузатилади. Касалликнинг   3-4 кунларида   томоғдаги   қизариш   ҳамда   шиш   сезиларли камайсада бошқа   белгилари   ҳали   сақланади.   Бурун   шиллиқ   қавати   кўкимтир,   қизарган,   шишган   бўлади.   Касалликнинг   2-3   кунида   бурундан бироз   сели,   кейинчалик   шилимшиқ   ажралма ажралади.   Бактериал   флора   қўшилганидан   кейин   эса   ажралма йирингли-шилимшиқ   тус   олади.         Пульс тана   ҳароратига   мос, айрим   ҳолларда   нисбий брадикардия ёки   тахикардия   кузатилади,   кўпчилик   беморларда   айниқса, касалликнинг   оғир   кечимида   юрак   тонлар   сустлашган   бўлади. Қон   босими   аксарият   пасайган,   жуда   оғир кечимида   (айниқса болаларда)   ҳатто коллапс бўлиши   мумкин. Гриппда   овқат   ҳазм аъзоларнинг   зарарланиши   кам   бўлади.Иштаҳанинг пасайиши   (баъзан   мутлақо йўқолиши),   тил   карашланиши баъзан   тилда   оғриқ, қабзиятга   мойиллик   каби   аломатлари   фақат   касалликнинг оғир   турларида   кузатилади.         Иситма   даврида   сийдик   камаяди, ҳарорат         пасайганда   эса   кўпаяди. Касаллик   оғир кечганда     сийдикда қон, ҳамда     цилиндрлар   бўлади.         Грипп   вируси   токсиннинг   вегетатив   асаб тизимига   таъсири   бемор   юзининг   қизариши,   терлаш,   пульсининг   лабиллиги, бош айланиши, ҳид билишнинг йўқолиши   каби   аломатлар   билан   эркин   намоён бўлади.         Марказий   асаб тизими зарарланиши   субъектив   заҳарланиш белгилари   билан   оғир   кечимида эса   менингиал   белгилар   билан   тиришиш,   қон   айланиш   бузилиши   туфайли   содир   бўлади   энцефалопатия, ўчоқли   белгилар билан   намоён бўлади.         Периферик   асаб тизими   зарарланганда   эса   терида   гиперстезия, парестезия, плекситлар қовурға   оралиғи   нерви ва   бошқа   нервларнинг   невралгия   белгилари   кузатилади.     Қонда   лейкопения,   эозинопения, нисбий лимфоцитоз бўлиб,ЭЧТ ўзгармайди.         Реконвалесцентлик   даври   бир   икки   ҳафта давом   этиб,   бунда   астено- вегетатив белгилар (тез   чарчаш,   жаҳлдорлик, уйқуннг   бузилиши,   терлаш,   пульснинг лабиллиги), асоратларга мойиллик ва сурункали   касалликларнинг   зўрайиши   кузатилади.         Гриппнинг енгил   кечиши   бироз   умумий заҳарланиш белгилари,   ҳамда   субфебрил   ҳарорат   (2-3   кун   давомида),   айрим   беморларни   юқори   нафас   йўлининг   зарарланиши   билан   намоён   бўлади.         Ўрта оғир турида   заҳарланиш   ҳамда   юқори   нафас   йўлининг   зарарланиш   белгилари   аниқ   намоён   бўлади.   Иситма   даври   ўртача   4-5 кун   давом   этади.         Оғир тури   кескин   бошланади.   Иситма   кучли   ва   узоқроқ   давом   этиб,   заҳарланиш кучли   бўлади. Беморда   кескин   ҳолсизланиш,   бош айланиш, уйқусизлик   ёки   уйқучанлик,   иштаҳанинг   бутунлай   йўқолиши,   қусиш, тиришиш,   қисқа   карахтлик,   ҳушнинг   йўқолиши,   менингиал   ва   энцефалитик   синдромлар,     юрак-қон томир   фаолиятининг   бузилиши   каби   аломатлар   кузатилади.   Нафас   аъзоларида     муқаррар   асоратлар   содир   бўлади (вирусли- бактериал   зотилжам).   Аксарият   геморрагик   аломатлар   (бурун   қонаши)   кузатилади.         Гипертоксик-(чақмоқсимон) турида   жуда   оғир   нейротоксикоз   белгилари   (мия   шиши ва   кўпчиши), юрак томир   ҳамда   нафас   етишмовчилиги   (ўпканинг ўткир   геморрагик   шиши)   бронхиолит,   ҳиқилдоқнинг қисилиши,   каби аломатлар биринчи ўринда намоён бўлади.Аксарият,бу синдромларнинг биргаликда содир   бўлиши туфайли касаллик оғир кечиб, ўлим билан якунланиши   мумкин.         Гриппнинг кам учайдиган атипик турида касалликниг асосий белгиларидан бири   (яъни   иситма,   заҳарланиш   белгилари   ёки   нафас   аъзоларининг   зарланиши)   кузатилмайди.         Вирусларнинг ҳар хил бўлишига қарамай, гриппнинг клиник   кечимида   деярли   фарқ   бўлмайди. Бироқ   А   гриппнинг   пандемияси   даврида   касалликнинг   оғир   заҳарланиши кечими   кузатилади.         Эпидемия   даврида   касалликнинг ҳамма   турлари,   эпидемия   оралиғида   эса   кўпроқ енгил   ва ўрта   оғирликдаги турлари   учрайди.         Гриппнинг   асоратлари   касалликнинг   турли   даврида   ривожланиши   мумкин.   Улар   вируслар   ва   кўпинча   турли   хил   бактериялар   томонидан чақирилади.   Гриппнинг энг кўп   ва   оғир   асоратларидан бири   зотилжамдир.   У турли бактериялар, аксарият стафилококкларнинг қўшилишидан   ривожланади.   Гриппда бирламчи   зотилжамнинг   бўлиши   охирги   йилларда   тан олинмаяпти. Кўпчилик шифокорларнинг фикрича, зотилжам барча   ЎРК шу   жумладан   гриппда   ҳам   кузатилиши мумкин   бўлган   вирус   ва   бактериялар биргаликда   таъсир   қилганда   содир   бўладиган   касалликдир. Зотилжам   майда, йирик   ўчоғли ва бўлмачали   бўлиб,   кўпроқ   ўнг   ўпкада   кузатилади.   Стафилококкли   зотилжамда   кўпроқ   ўпкада   йирингли   абсцесс   ҳосил бўлади.   Зотилжам   кўпроқ   болаларда,   қарияларда   ва   нафас   йўлида   сурункали   касалликлари   бўлган   шахсларда   ривожланади.         Гриппнинг   зотилжам   билан асоратланган   турида   иситма давомли   ёки   икки   тўлқинли   бўлади ва   кучли   ҳолсизлик, терлаш,   нафас   тезлашиб   ҳансираш,   балғамли   йўтал   каби аломатлар   билан   кузатилади. Уриб   кўрилганда   ўпканинг   яллиғланган   қисми   устида   товуш   бўғиқлигини,   атрофида   эса   қутича   товушини   эшитамиз.   Эшитиб кўрилганда   қуруқ   ва   турли   катталикдаги   нам   хириллашлар   эшитилади. Кўпчилик   беморлар   қонида   лейкоцитлар   кўрсаткичи   нормал       ҳолларда   лейкоцитоз   ёки   лейкопения   бўлган   ҳолда лейкоформула чапга сурилган,         нейтрофилёз   ва   ЭЧТ   нинг   ортиши     кузатилади.         Гриппда   зотилжамдан   ташқари   отит,   бурун   қўшимча   бўшлиқлари   ва   пешона   синусларининг   яллиғланиши   (гайморит, этмоидит,   фронтитлар)   ва   кўпроқ   ринит,   фарингит,   ларингит,   трахеобронхит,   ангина   ва   бошқа   асоратлар   бўлиши   мумкин.         Асаб тизими томонидан   содир   бўладиган   асоратлар   (менингоэнцефалит, арахноидит,   полиневрит,   радикулит)   баъзан   узоқ   вақт   асаб   системаси   фаолиятининг   бузилиши   ва иш   қобилиятининг   пасайишига   олиб   келади.         Гриппнинг   оқибати   кўпинча   яхши, бироқ   оғир   асоратли   кечимида   ёмон   бўлиши   мумкин.             Ташхисоти. Ҳар   бир   ҳаким   касалликни   аниқлашда   аввало   унинг   клиник   белгиларига   асосланиши   керак,   чунончи   клиник     ташхис   энг   барвақт   аниқланадиган   ва   ҳеч   қандай   қўшимча   маблағ сарфини   талаб   қилмайдиган   ташхисдир.   Шунинг   билан   бирга у   кейинги   текширувчилар   йўналишни   ҳам   аниқлаб   беради.         Грипп   вирусининг   касалликнинг   биринчи   кунидан бошлаб     бурун,   томоқ шиллиқ   қавати ва қонда топиш   кам ҳолатларда қайд қилиниши мумкин. Уни   товуқ   эмбрионида   ўстириш   мумкин.   Гриппда   ва   бошқа ЎРКларда   тезкор   экспресс   ташхис қўйиш     мақсадида флюоресцентланувчи   антителолар усулидан   фойдаланилади. Бунинг   учун   бурун ва   томоқдан   шиллиғидан тайёрланган суртмага гриппнинг   флюоресцентстланувчи     зардоби   билан   ишлов   берилади.   Ҳосил   бўлган   антиген-антитело бирикмаси   эпителийларнинг ядроси   ва протоплазмасидан эркин   нурланади.         КБР ва нейтрализациялаш каби   зардоб   таҳлилларидан   кечиккан   (яъни касаллик   ўтиб   бўлгандан   кейинги)   ташхисот   мақсадида   фойдаланиш   мумкин. Зардоб   реакцияси   учун   қонни   икки   маротаба   («жуфт   зардоб»)   касаллик   бошида,   яна   8-14 кун   ўтказиб, реконвалесцентлик даврида олинади. Антителолар   титрини   4   маротаба   ва   ортиқ ошишини ташхисий   ҳисоблаш   мумкин.               Давоси. Беморларни   касалхонага   жойлаштириш   эпидемиологик   ва   клиник   нуқтаи   назардан   амалга   оширилади.   Одатда   гриппнинг   оғир   ёки   асоратланган   турларини   ўтказаётган,   ҳамда   оғир   қўшимча   хасталиги   бўлган беморларгина касалхонага ётқизилади.               Режими. Бемор   бутун   иситма   давомида   ва яна     2 кун   ўринда   ётиши   керак.               Парҳези. Сутли,   сабзавотли,     витаминларга бой бўлиши   ва   кўпроқ суюқлик   ичмоғи   керак: лимонли чой, мева шарбатлари, сутли асал, ингаляциялар, ромашка гуллари, малинали ичимликлар. Бу моддалар тер ажралишини тезлаштириб, вирус (ва токсин) нинг организмдан чиқиб кетишини таъминлайди ва организмни қизиб кетишдан сақлайди.         Гриппда бир   қатор   этиотроп, патогенетик   ва   симптоматик   дори- дармонлар   ишлатилади. Этиотроп   дорилардан   энг   таъсирлиси   гриппга   қарши   гаммаглобулин   ҳисобланади. Уни   3-6 мл.дан,   болаларга   1-3 мл.дан   м\о га   юборилади, гаммаглобулин ёки зардобли   полиглобулин   ишлатилади.                     Буларнинг   ҳаммаси   ҳам   фақат   касалликнинг   1-3   кунида   ишлатилганда   натижа   беради. Лактоглобулин - (гриппга қарши иммунланган сигир сутидан   тайёрланган), айниқса   болаларни   даволашда   яхши   натижа   беради. Касалликнинг дастлабки   2-3   кунида   6 ёшгача   бўлган   болаларга 0,05 дан, 6 ёшдан   катта   болаларга   0,1 гр.дан (бурнига   кунга   3 маҳал   порошок ҳолида)   берилади. Бироқ,   грипп   вирусига қарши   айниқса   А   вирусига   энг   таъсирчан ремантадин   ҳисобланади. У биринчи   кунга   100 мг   2   таблетка   кейин 50 мг (1қ2қ2) ва 3-куни 200мг (1қ2қ2) берилади.   Кейинги   кунларда   бу дорини   беришни   ҳожати   ҳам   фойдаси ҳам   йўқ. Лейкоцитар   интерферон ҳар бир бурун йўлига   0,25мл дан 4 маҳал томизилади. Бу дори ҳам бу касалликнинг биринчи кунларида (айниқса 1- кунида)   фойдаланадилар. Оксалин мази (0,25%) – тумовни анча юмшатади ва муддатни қисқартиради: уни бир кунда 3-4 маҳал бурунга суртилади.         Юқорида келтирилган вирусга қарши дориларнинг ҳаммаси ЎРКларида ҳам қўлланилади. Грипнинг енгил ва ўрта-оғир турларида кўпроқ патогенетик ва симптоматик дорилар ишлатилади. Десенсибилизацияловчи дорилар ва витаминлар қўлланиши шарт. Иситмани пасайтирувчи дорилар (ацетилсалицилат кислоталар, анальгин ва бошқалар) жуда эҳтиётлик билан, фақат тана ҳарорати жуда баланд бўлган тақдирдагина ишлатилмоғи керак. Боржом суви ёки чой содаси солинган иссиқ сут, анжир, асал каби томоқ қуриши ва қирилишини камайтиради. Йўталга қарши кодеин дионин, пектусин, либексин кейинчалик балғам кўчирувчи дорилар ва хантал қоғоз ишлатилади.         Ҳозирда кўпроқ қуйидаги дорилар йиғиндиси қўлланилмоқда: ремантадин - 3 кун ва антигриппин - 5 кун давомида. Антигриппин таркибида ацетилсалицилат кислотаси -   0,5 г, аскорбинат кислотаси 0,3 г, димедрол - 0,2, кальций лактати 0,1 г бўлади. Уни кунда 3 маҳал берилади.         Асоратланмаган гриппда, одатда антибактериал дорилар берилмайди, бундан фақат қариялар ва қўшимча сурункали касалликлари бўлган шахслар мустаснодирлар. Гриппни оғир ўтказаётган беморларга, зотилжамнинг олдини олиш мақсадида, оғиз орқали антибиотиклар, тетрациклин, витациклин, олететрин, ампиокс, метациклин ва бошқалар берилади. Зотилжам ривожланган такдирда антибиотиклар, цепорин, оксациллин, метациллин, морфоциклин, линкомицин ва бошқалар мушак орасига ёки томирга юборилади.         Юрак томир фаолияти бузилган тақдирда – кордиамин, камфора, эфедрин ва бошқалар қўлланилади. Юрак томир етишмовчилиги содир бўлганда   корглюкон ёки строфантин К юборилади ва кислород берилади.             Профилактикаси. Ҳозирда гриппга қарши янги препаратлар (фаолсизлантирилган вакцина, ремантадин) қаторида, илгаридан ишлатиб келинган, тирик вакциналар ҳам қўлланилмоқда.         Гриппнинг асосий профилактик шартлари қўйидагича: эпидемиядан олдинги даврда оммавий вакцинациялаш, шошилинч профилактикаси ва эпидемия вақтида гриппни барвақт даволаш, гриппга қарши препаратларни тўғри қўллаш, ўтказиладиган профилактик ва эпидемияга қарши чораларни кенгайтириш, тиббий – санитария ташвиқотини кучайтириш. Актив иммунизация қилиш мақсадида икки хил активсизлантирилган вакцина ишлатилади:а) Вирионли вакцина – найзасиз инъектор ёрдамида тери остига юборилади, б) Кейинги пайтлардла грипп касллигининг олдини олиш мақсадида таркибида юзаки антигенлар: гемагглютинин ва нейраминидаза сақлаган юқори сифатли Инфлювак (Солвей-фарма) кенг кўламда қўлланилаяпти. Препарат билан асосан 6 ойликдан катта болалар, ҳамда катта ёшдагилар мавсум бошидан олдин октябр-ноябр ойларида эмланадилар.         Гриппга қарши вакцинани шошилинч профилактика чоралари оксалин мази, ремантадин, лейкоцитлар интерферон ёки шунингдек, донор ва           плацентар гаммаглобулин билан тўлдириш керак.         Беморни атрофдагилардан барвақт ажратиш асосий профилактик чоралардан ҳисобланади. Булардан ташқари, умумий санитария- профилактик чораларни кўпчилик бўладиган хоналарни, айниқса, болалар хоналарини   озода тутиш, тўғри режим, хонани кварц лампалари билан нурлантириб туриш керак. Грипп касаллигида кўпчилик беморлар уйда даволанадилар. ПАРАГРИПП           Парагрипп-бу ҳаво-томчи механизми орқали юқадиган, асосан ҳиқилдоқ ва бронхларнинг зарарланиш белгилари ва иситма билан кечадиган ўткир антропоноз вирусли инфекциядир.         Этиологияси. Парагриппнинг вируси 1952 йил Японияда   ажратилган бўлиб, уни Д грипп вируси деб аташган (Сидней 1956 й.). Бу вирус Америкада топилган. Ҳозирда вируснинг 4та серовари ажратилган. Биринчи ва иккинчиси кўпроқ болаларда ларинготрахеобронхит (круп), учинчиси болаларда кўпроқ зотилжам ва бронхиолит, тўртинчи хил серовари эса аксариат енгил нафас йўлининг ўткир катари каби зарарланишлар содир қилади, кам учрайди.         Парагрипп   вируси микровируслар гуруҳига кириб, ўзида РНК тутади. Грипп вирусига ўхшайди, ундан антигенларниг турғунлиги билан фарқланади. Улар одам эмбрионнинг буйрак тўқимаси ҳамда товуқ эмбрионнинг амниотик суюқлигида яхши ўсадилар. Ташқи муҳитга чидамсиз.         Касаллик манбаи бемор одам, тарқалиши   ҳаво- томчи йўли орқали содир бўлади. Касаллик йилнинг совуқ фаслида кўпаяди. Кўпроқ 2-3 ёшли болалар касалланади. Боланинг ёши қанча бўлса (ҳатто янги туғилган чақалоқлар ҳам касалланиши мумкин) касаллик шунча оғир кечади. Грипп эпидемиялари оралиғидаги даврда парагрипп бошқа ЎРКлари орасида етакчи ҳисобланади. Болалар муассасалари, айниқса яслиларда вируснинг биринчи ва иккинчи сероварлари тарқалган тақдирда касаллик эпидемия тусини олади.         Касалликдан кейинги иммунитет типига хос ва турғун бўлади.                 Патогенез ва патологик анатомияси. Вирус нафас йўли, айниқса, бурун ва ҳиқилдоқ шиллиқ қавати эпителиал ҳужайраларида кўпайиши оқибатида тўқима дегенерацияга учрайди, ўлади ва кўчиб тушади. Репликация   соҳасида яллиғланиш жараёни юзага келиб, трахея ва пастки нафас йўлларига тарқалиши мумкин. Шиллиқ қаватда қизариш ва шиш пайдо бўлади. Йиғилган сероз ва сероз-йирингли экссудат нафас йўлларини қоплайди. Трахея, бронх, ўпка тўқимаси зарарланиши   бола ҳаётининг 1- йилларида кузатилади. Ҳиқилдоқ шиллиқ қавати шиши ҳисобига, секрет унинг бўшлиғига тўпланиши ҳисобига ва ларингоспазм туфайли ҳиқилдоқ стенози (круп) юзага келади. Вируслар ва ҳужайралар парчаланиш маҳсулотларни қонга ўтиб организм заҳарланиши ва иситмага олиб келади. Бактериал суперинфекция туфайли пневмония ва бошқа асоратлар юзага чиқади. Яллиғланиш аломати кўпроқ бўғизда бўлади. Парагриппда умумий заҳарланиш аломатлари гриппдагига нисбатан камроқ, қисқа муддатли вирусемия ҳам кузатилади.               Клиникаси. Яширин даври 1-7 кун (ўртача 3-4 кун). Кўпинча касаллик аста-секин бошланади. Бемор ўзида нохушлик, бироз қувватсизлик, бош оғриғи (кўпроқ пешона қисмида), бироз бурун битиши, субфебрилитет, енгил қуруқ йўтал, томоқ қуриши ва қирилиши, айримлар бироз томоқда оғриқ сезадилар. Болаларда эса касаллик қуруқ, дағал ва муттасил йўтал билан намоён бўлади. Айрим беморларда бироз титраш, мушакларда оғриқ ва эт қақшаши кузатилади. Тана ҳарорати одатда, касалликнинг биринчи кунида субфебрил, баъзан нормал ёки болаларда (оғир кечимида катталарда ҳам), юқори бўлиши мумкин. Ҳатто иситма баланд бўлганда ҳам заҳарланиш белгилари кучсиз бўлади. Кўнгил айниши, қусиш, ич кетиш кузатилиши мумкин.         Бурундан сув келиши гриппдагига нисбатан кучлироқ, аммо айрим беморларда фақат бурундан нафас олиш қийинлашади холос.         Йўтал кейинчалик дағал бўлиб қолади. Кўпинча товуш бўғилиб ёки хиррилаб қолади. Кучли йўтал 6-10 кун давом этиб, кейин юмшаб, касалликнинг 21-22 кунларида тўхтайди. Фақат айрим беморларда юзи оқарган ёки қизарган бўлади.         Касалликнинг 2-3 кунларида учуқ тошиши мумкин. Бурун шиллиқ қавати қизарган, шишган. Бурундан дастлаб суюқ, сероз, сўнг қуюқ ёки шиллиқ йирингли ажралмалар ажралади. Юмшоқ, танглай ва томоқнинг орқа деворида бироз қизариш ( айрим беморларда майда тошмачалар) кўрилади. Пульс иситмага мос келади. Кўп беморлар томоқда, тўш   ортида оғриқдан шикоят қиладилар. Товуш бўғиқ, дағал, “аккиловчи ” йўтал бўлиб, ларингит ёки ларинготрахеитдан далолат беради. Инфекцион жараёнга пастки нафас йўллари ҳам қўшилиб, бронхит, бронхиолит ёки пневмония ривожланиши мумкин.         Катталар парагриппни енгил ўтказадилар. 1 ёшгача   болаларда оғир кечади. Касаллик 1-3 кун давом этадиган ҳиқилдоқ стенози (“аккилловчи йўтал”, шовқинли стенотик нафас, тарқоқ цианоз) билан асоратланиши мумкин. Кечиши яхши сифтатли бўлиб, эс-ҳуш бузилмайди ва асфиксия кузатилмайди.         Пневмониялар касалликнинг 2-3 ҳафтасида келиб чиқади. Улар вирусли- бактериал ёки бактериал табиатли бўлади. Организм заҳарланиши кучаяди, тўш ортида оғриқ, ҳансираш, нам йўтал, балғам қон аралашган бўлиши мумкин.         Рентгенологик текширувда ўпканинг 1-2 сегменти ёки бутун бўлагини эгаллаган инфильтратлар аниқланади.         Юрак тонларининг пасайиши фақат касалликнинг оғир кечимида кузатилади. Асоратсиз кечимида ўпкада везикуляр ёки бироз дағалроқ товуш эшитилади. Қонда лейкоцитлар нормада ёки бироз камайган, ЭЧТ ҳам нормал бўлади.         Шундай қилиб, парагриппда кўпроқ ларингит ёки ларинготрахеит, камроқ-ринит ва фарингит аломатлари кузатилади.         Нафас йўлининг сурункали касалликлари бўлган шахсларда парагриппнинг биринчи кунлариданоқ бронхит аломати ривожланади. Бронхит бирламчи бўлиши ҳам мумкин, бунда у анча кеч ривожланади.               Асорати: кўпроқ зотилжам, отит, ангина, синусит, гайморит ва бошқалар бўлиб, улар иккаламчи микроблар, яъни вирус ва бактериялар биргаликда таъсир қилишдан ривожланадилар. Зотилжам кўпинча гўдак болаларда ҳамда сурункали нафас йўли касалликлари бўлган шахсларда учрайди.                 Давоси.   Вирусли ринитда оксолин ёки теброфен мази қўлланилади. Тумовда-томир торайтирувчи моддалар қўлланилади. Оғир ҳолларда донор гаммаглобулинлари ёки полиглобулинни юборилади. Т-лимфоцитлар дефицитида левамизол, В-лимфоцитлар дефицитида дибазол, натрий нуклеинат қўлланилади. Пневмонияда антибиотиклар (бензинпенициллин, оксациллин, эритромицин), балғам кўчирувчилар, хантал ишлатилади. Круп ривожланса оёққа иссиқ ванна, буғли ингаляциялар, аэрозоллар ишлатилади.               Профилактиси. Санитария-гигиена ва эпидемияга қарши тадбирлар: беморларни ажратиш, намли тозалаш, ҳавосини алмаштириш, идишларни, бемор кийимларни қайнатиш, дока ниқоб тақиш. Махсус профилактика учун интерферон, оксалин мазидан фойдаланилади.                                       АДЕНОВИРУС ИНФЕКЦИЯСИ Аденовирус инфекцияси ўткир респиратор касаллик бўлиб, лимфатик безлар, кўз ҳамда нафас йўли шиллиқ қаватларнинг зарарланиши ва кучсиз заҳарланиш аломатлари билан ифодаланади.               Этиологияси. Вирус ўзида қўш иплик ДНК тутиб, уч хил антигенга эга. Вирус одам ва маймун эмбриони ҳужайрасида кўпаяди. Ташқи муҳитга анча чидамли. Айниқса, паст ҳароратга узоқ чидайди. Юқори ҳарорат ва дезинфекцияловчи моддалар таъсирига чидамсиз. Касалликдан кейинги иммунитет типга хос.                 Эпидемиологияси. Хасталик манбаи касал одам, вирус ташувчи ҳам бўлиши мумкин. Тарқалиши-ҳаво-томчи йўли орқали. Бу касалликга гўдак болалар ва ҳатто энди туғилган чақалоқлар ҳам жуда берилувчан бўладилар. Мактабгача ёшдаги болалар орасида болалар жамоасида эпидемик тарқалишлар бўлиши мумкин. Катталарда касаллик одатда спорадик ва енгил ўтади. Касалликдан кейинги иммунитет турғун бўлмаганлиги учун қайта касалланиш мумкин. Бу касаллик йилнинг ҳамма фаслларида, кўпроқ совуқ ойларда учрайди.         Кўпчилик янги туғилган чақалоқларнинг қонида вирусига қарши антителлар (онадан олинган) топилади. Бироқ бу антителалар биринчи ҳафта охирида йўқолиб, қайта касалланишлар оқибатида 4-6 ёшида яна пайдо бўлади.               Клиникаси. Яширин даври 1 кундан 2 ҳафтагача, ўртача 4-8 кун давом этади. Кўпинча касаллик қалтираш, бош оғриғи, тана ҳароратининг кўтарилиши билан ўткир бошланади. Беморлар эт қақшаши, суяк, бўғим ва мушакларда оғриқ сезадилар. Баъзан кўнгил айнаб, қусишлари мумкин. Айрим беморларда тўш пастида оғриқ бўлиб, ичи суриши мумкин. Заҳарланиш белгиларини иситма даражасига мос келмаслиги, ҳамда маҳаллий катарал ўзгаришларни умумий ўзгаришлардан устун туриши бу касаллика хосдир. Уйқусизлик, бош айланиши, кўнгил айнаши каби аломатлар камдан-кам кузатилади. Беморнинг умумий кўриниши ўзига хосдир: юзи кепчиган, қизарган, бурнидан кўп шиллиқ суюқлик келади, битта ёки иккала кўзида конъюнктивит, кўз склерасининг томирлари бўртиб қизарган бўлади. Фолликуляр ва қоплама конъюнктивитлар асосан болаларда учрайди (20-21 расм), катталарда катарал яллиғланиш бўлади. Бодомча безлар шишган, парда билан қопланган бўлади. Жағ ости, орқа бўйин лимфа тугунлари катталашади.         Асосий патологик жараён локализациясига боғлиқ ҳолда касалликнинг бир неча клиник шакллари мавжуд: Аденовирусли ринофарингит ёки ринитни асосан 1, 2, 3 ва 5 серовардаги вируслар чақириб, бошқа ўткир респиратор касалликлардан деярли фарқ қилмайди. Иситма 1 ҳафтагача, катарал белгилар   1-3 ҳафта давом этади. Оғиз-ҳалқум лимфоид тўқимаси гиперплазияси, катарал ёки пардали тонзиллит, гранулёз фарингит кузатилади. Фарингоконъюнктивал иситма, тумов, фарингитдан бошланади, тезда фолликуляр конъюнктивит, кўздан ёш оқиши, қовоқлар шиши ва кўз ёриқларнинг торайиши қўшилади. Конъюнктиванинг яллиғланиши дастлаб бир томонлама, сўнг 2 томонлама бўлиб, пардалар ҳосил бўлади. Тана ҳарорати 38-39 Сгача кўтарилади. Бу клиник шакл 2-3 ҳафта давом этади.         Эпидемик кератоконъюнктивитда конъюнктивит билан биргаликда, шоҳ парданинг ўчоқли зарарланиши, кўзда оғриқ, фотофобия кузатилади. Иситма реакцияси кучсиз. Шох парда инфильтратлари узоқ вақт (2 ойгача) сўрилади.         Болалар кўпинча астматик синдромли ўткир ларинготрахеобронхит учрайди. Белгилари: овоз бўғилиши, дағал оғриқли йўтал, экспиратор ҳансираш, қуруқ ва нам хириллашлардан иборат.         Аденовирусли пневмониялар вируснинг Н-серовари томонидан чақирилиб, жараёнга кейин бактериялар ҳам қўшилади. Улар майда ўчоқли ёки қўшилган бўлиб, 1 ёшгача болаларда рецидивланишга мойил.         Аденовирусли мезаденитга оғриқ хуружлари, кўнгил айниш, қусишлар хос. Қориннинг чуқур пальпациясида тутқич илдизида максимал оғриқ пайдо бўлиб, мезентериал лимфа тугунлари пайпасланади. Периферик қонда – лейкоцитоз, лейкопения, ЭЧТ ошиши ёки нормал бўлиши мумкин.         Ўпка нафаси дағаллашган, қуруқ хириллашлар эшитилади. Айримларда майда ўчоқли зотилжам аломатлари кузатилади. Ичак зарарланиши сингари зотилжам ҳам асосан гўдак болаларда бошланади.         Пульс тана ҳароратига мос келади. Юрак товушлари хиралашган, айрим ҳолларда кучсиз систолик шовқин эшитилади. Юрак–томир тизимининг зарарланиши фақат касалликнинг оғир кечишига хос.         Аденовирус инфекцияси бошқа ЎРКдан яна ошқозон ичак йўлининг зарарланиши билан фарқланади. Беморнинг ичи бузилиб, қорни оғрийди, кунига 4-6 мартагача ич кетиши мумкин, кўпчиликда жигар, айримларда талоқ ҳам катталашади. Қонда деярли ўзгариш бўлмайди, баъзан бироз лейкопения, эозинопения бўлади. ЭЧТ нормада ёки бироз ортиши мумкин.               Ташхисоти. Махаллий белгиларнинг умумий белгилардан устунлиги, алоҳида орган ва системаларнинг кетма-кет зарарланиши, дастлаб катарал ўзгаришлар, сўнг суст токсикознинг ривожланиши, икки тўлқинли иситма реакцияси, юқори нафас йўллари катари, кучли экссудацияли конъюнктивит, ринит, фарингит, бўйин лимфа тугунларининг катталашуви, генерализацияланган лимфоаденопатия.         Аденовирусларни бурун ажралмаси, бурун-халқум орқа девори ва конъюнктива суртмалари, ювиндилари, нажасдан ажратиб олиш мумкин. Экспресс диагностикада иммунофлюоресценция, КБРдан фойдаланиш мумкин.               Даволаш. Маҳаллий 0,25%ли оксалин, теброфен қўлланилади. Одам интерферонини ингаляция қилиш ёки бурунга томизиш мумкин. Оғир ҳолларда зардоб полиглобулини болаларга 0,15-0,2 мл/ кг, катталарга 3-6 мл м/oга юборилади. Тумовда томир торайтирувчи препаратлар (нафтизин, галазолин, эфедрин гидрохлорид) бурунга томизилади. Фарингитда фарингосепт ёки фалиминт берилади. Витаминотерапия, антибиотиклар берилиши мумкин.                   РЕСПИРАТОР – СИНЦИТИАЛ ИНФЕКЦИЯ         РС инфекция – ҳаво – томчи механизм орқали юқадиган, асосан пастки нафас йўлларининг зарарланиши ва кучсиз заҳарланиш билан кечадиган ўткир антропоноз вирусли инфекциядир.                   Патогенез ва иммунитет . Вирус нафас йўли эпителийсига бурун йўллари шиллиқ қаватида пастки нафас йўлларига тарқалади. Бронх дарахти дренаж функциясининг бузилиши, ателектаз, эмфизема, вирусли – бактериал майда ўчоқли пневмонияларга сабаб бўлади. Болаларда 6 ойгача плацентар иммунитет бўлади. Лекин аналогик антителолар бурун секретида бўлмаслиги туфайли уларда тез – тез РС инфекция ривожланади.                   Клиникаси. Яширин давр 3-7 кун, катта ёшларда касаллик асосан респиратор трактнинг юқори бўлимлари зарарланиши билан енгил кечади.         Бурун битиши, томоқ қичиши, акса уриш йўтал кузатилади. Бурун – халқум гиперемияланган, ундан кўп миқдорда шиллиқ секрет ажралади. Тана ҳарорати нормал ёки субфебрил, қонда ўртача лимфомоноцитоз, касаллик 2- 10 кун давом этади. Эрта болалик даврида касаллик ринит ёки назофарингитдан бошланади. 2-3 кундан сўнг астматик компонентли бронхит ёки бронхиолит қўшилади. Йўтал давомли, хуружсимон, оғриқли бўлиб, ҳансираш, цианоз кузатилади. Ўпкаларда кўплаб тарқоқ майда ва ўрта пуфакчали хириллашлар, перкуссияда тимпаник товуш. Бронхиолит ривожланганда нафас олиш 60-80та бўлади. Пневмония билан кечганда ҳансираш акроцианоз, истма, лейкоцитоз кузатилади.                 Ташхисоти. 1 ёшгача болаларда респиратор касалликнинг тарқалиши, патологик жараёнга пастки нафас йўлларининг жалб этилиши, бронхиолит, пневмонияларнинг ривожланиши. Бундан ташқари вирусологик, серологик, иммунофлюоресценция муҳим аҳамиятга эга.             Д аволаш. Умумий қувватловчи, стимуловчи препаратлар. Дастлаб одам лейкоцитар интерферонини бурунга томизиш ёки ингаляцияси қўлланилади. Пневмонияда антибиотиклар берилади. Бронхиолитда ва астматик компонентда антибиотиклар, бронхоспазмолитиклар, йўталга қарши, сўнг балғам кўчирувчилар (терпингидрат, пертуссин), десенсибилловчи, ханталлар, банкалар, оксигенотерапия қўлланилади. РИНОВИРУСЛИ ИНФЕКЦИЯ           Риновирусли инфекция -   ҳаво –томчи йўл орқали юқадиган, асосан бурун – халқум шиллиқ қаватининг зарарланиши ва тумов белгилари билан кечадиган ўткир антропоноз инфекциядир.             Эпидемиологияси. Касаллик манбаи касал одам, соғлом вирус ташувчи. Кўпинча мактабгача бўлган болалар ва катталар касалланади. Вирус сероварлари кўп бўлганлиги туфайли йил давомида бир неча марта касалланиш мумкин. Кўпинча совуқ мавсумда учрайди.             Патогенези. Вирус бурун шиллиқ қаватида кўпаяди ва яллиғланиш жараёнига сабаб бўлади. Кўкрак ёшдаги болаларда жараён ҳиқилдоқ, трахея – бронхларга тарқалиши мумкин.         Иммунитет типоспецифик, 2-3 йил атрофида.             Клиникаси. Яширин давр 1-6 кун. Касаллик титраш, бошда оғирлик ҳисси билан бошланади. 1-2 соатдан сўнг бурун битиши, акса уриш, бурундан шиллиқ ва сувсимон ажралмалар келади. Бурун ажралмалари кейинчалик сариқ рангга кириши мумкин (йирингсимон). Йўтал, томоқ қичиши, конъюнктивит, кўздан ёш оқиш, ҳид билиш, таъм билишнинг бузилиши, умумий заҳарланиш белгилари кучсиз намоён бўлади. Тана ҳарорати нормал ёки субфебрил, юзи рангпар, бурни кенгайган, оғзи ярим очиқ, лабида герпес, бурун шиллиқ қавати гиперемияланган, жағ ости ва бўйин лимфа тугунлари катталашган. Касаллик 2 ҳафта давом этади.           Асоратлари: бронхит, пневмония, синусит, отит.           Давоси. Уй шароитида товон, камбаласимон мушакга хантал қўйиш, оёққа иссиқ ванналар, бурун соҳасига УВИ, УФО. Интраназал эфедрин, нафтизин, галазолин. Бурун йўлларига лейкоцитар интерферон. Асоратланса, антибиотиклар яхши эффект беради.                                                                       ПАРРАНДА ГРИППИ                   Парранда гриппи – бу одамлар гриппи вирусининг А типдаги штаммларидан бири чақирадиган паррандалар юқумли касаллигидир. Бу касаллик биринчи марта бундан 100 йиллар олдин Италияда аниқланган.         Миграцияланувчи сувда сузувчи қушлар – кўпинча ёввойи ўрдаклар парранда гриппи   вирусининг табиий резервуари ҳисобланади ва қушларнинг инфекцияга мойиллиги кам. Уй паррандалари, жумладан товуқлар, куркаларнинг бу касаллик эпидемияларига мойиллиги бор.         Парранда гриппи вируси H 5 N 1. Биринча марта 1961 йилда Жанубий Африкада топилган. Ёввойи қушлар ташувчиси бўлиб, кўчиб юрувчи қушлар эса бу қитъаларга тарқатади ва маҳаллий қушлар, жумладан уй паррандалари ғоз, ўрдак, товуқ, куркаларга юқтиради. 1997 йилга қадар H5N1 одам учун хавфсиз деб ҳисобланган. Лекин Гонконгда касалликни юқтирган 18та бемордан 6таси ҳалок бўлиши бу фикрни инкор этди. 2003-2004 йилларда парранда гриппи эпидемияси Осиёнинг 8та мамлакатида: Камбоджа, Хитой, Индонезия, Япония, Лаос, Жанубий Корея, Тайланд, Въетнамда қайд этилди.         Жабр кўрган мамлакатлар раҳбарияти қатъий карантин чора- тадбирларини олиб бориб, касалликнинг кенг тарқалишига йўл қўймаслик учун 100 млн.дан ортиқ уй паррандалари қириб юборилди.         2004 йил март ойида касаллик бироз камайди. 2005 йилга келиб яна парранда гриппининг янги ўчоқлари Камбоджа, Қозоғистон, Малайзия, Монголия, Въетнам, Россия, Туркия, Руминияда пайдо бўлди. Камбоджа, Индонезия, Тайланд, Въетнамда эса одамлар ҳам бу касаллик билан оғриганлиги қайд этилди. ЖССТ маълумотларига қараганда 2006 й 10 март ойигача парранда гриппи билан 175та касалланиш қайд этилди. Шундан 2та ҳолатда юқиш паррандадан одамга эмас, балки одамдан одамга юққанлиги аниқланди.         Этиологияси. Паррандаларда касаллик чақирадиган 15та парранда гриппининг субтиплари маълум. Улар бир-биридан антиген структураси билан фарқ қилади: гемагглютинин (Н) ва нейроминидаза ( N ). Парранда гриппининг H5N1 субтипи юқори патогенликка эга. 1- марта бу субтип билан зарарланиш 1997 йил Гонконгда кузатилган. Бунда H5N1 штамми 18 кишига юққан, улардан 6таси нобуд бўлган. Текширувлар натижаси шуни кўрсатдики, бунда касаллик манбаи – уй паррандалари бўлиб, касалланган беморлар шу паррандалар билан мулоқотда бўлишган ва касаллик улардан одамга юққан.         H5N1 вируси текширилганда унинг жуда тез мутациялана олиши ва гриппнинг бошқа турларини қўзғатувчи вируслар гени билан қўшилиб, янги штаммлар ҳосил қилиши аниқланди. Олимларнинг таъкидлашича, 1918-1919 йилдаги “испанка”ни айнан парранда гриппининг мутацияга учраган субтип келтириб чиқариб, ўнмиллионлаб одамлар ёстиғини қуритган. Энди кутилаётган эпидемия “испанка” вируси мутациясини такрорлайди, деган фикрлар мавжуд.         Одамдаги парранда гриппига характеристика. 1997 – Гонконгда парранда гриппи вируси ( H 5 N 1) куркаларни ва одамларни зарарлади. Бунда 1- марта касалликнинг қушлардан одамга юқиши аниқланди.         Бу вақтда 18 нафар киши госпитализация қилинди ва улардан 6 нафари ҳалоқ бўлди. Эпидемияни ликвидациялаш мақсадида 1,5 млн товуқ – вирус манбаини йўқотиш учун қириб юборилди.         1999 – Гонконгда H9N2 парранда гриппи 2 нафар болага юқди. Болаларнинг иккаласи ҳам соғайиб кетди. Бунда касаллик манбаи уй паррандаси бўлиб, бевосита ундан одамга ўтганлиги аниқланди. Лекин одамдан одамга ўтиши ҳам эҳтимолдан холи эмас эди. 1998 – 1999 йилларда Хитойнинг материк қисмида ҳам H9N2 вируси одамларда аниқланди.         2003 – Хитойдан Гонконгга кўчиб келган оиланинг 2та аъзоси H5N1 парранда гриппи вируси билан зарарланди. Бири ҳалок бўлди, иккинчиси соғайиб кетди. Касаллик қандай юққанлиги аниқланмади. Шу оиланинг бошқа аъзоси Хитойда респиратор касалликдан ўлганлиги маълум бўлди.         2003 – Нидерландиядаги парранда фермаси ишчиларида H7N7 грипп вируси аниқланди. Касаллик ишчиларнинг 86тасида аниқланди, улардан 3таси уларнинг оила аъзолари эди.         Эпидемиологияси. Касалликни юқтирган ҳар 2та беморнинг биттаси нобуд бўлмоқда. Бундай юқори леталликнинг сабаби одамда бу вирусга қарши иммунитетнинг йўқлигидир.         Ёввойи қушлар ажралмалари билан ифлосланган жойларда бўлган хонаки   қушлар касалликни ўзига юқтириб олади. Одамга касаллик вирус билан ифлосланган парранда ажратмалари билан контактда бўлгандан сўнг мева, сабзавот ва овқат маҳсулотларни ифлосланган қўллар билан еганда юқади. Бундан ташқари зарарланган қўллар билан кўзини ишқалаганда, гўшт маҳсулотлари, тухум истеъмоли орқали юқади. Гонконгда 1997 йил май ойида 3 ёшли болада иситма, томоқда оғриқ ва яралар, йўтал кузатилган. Касаллик 2 ҳафта давом этиб, бола пневмониядан ҳалок бўлган. Унинг трахеал суюқлигидан грипп А вируси ажратиб олинган, лекин ҳеч бир стандарт реагент билан унинг типи идентификация қилинмаган. Олимлар уни янги штамм деб баҳолаб, уни одам учун янги грипп штамми (H5N1) деб қайд қилишди. Шунга қадар   касаллик билан фақат қушлар оғриши маълум эди. Анамнез тўлиқ йиғилганда бола касалликка қадар вирус билан зарарланган товуқ билан контактда бўлганлиги маълум бўлган. Бу ҳодиса 2ёшдан 60 ёшгача бўлган 17та беморда ҳам қайд этилган.1998 й. январь ойида касалликдан 6 нафар бемор вафот этган.                     Ташувчилар. Ташувчиси кўчиб юрувчи қушлардир. Улар табиатдаги вируснинг таббий резервуари бўлиб, уни жуда узоқ масофаларга ташиб юриши мумкин. Бу қушнинг ўзи касалланмайди ва ҳалок бўлмайди (эпизоотиялардан ташқари), лекин 2-3 ҳафта давомида атроф муҳитга уни ажратиб туради. Парранда гриппи билан асосан уй паррандалари, айниқса товуқлар касалланадилар. Бунда ўлим ҳолати 100% ни ташкил этади.         Инсон учун хавфи . Одам (вирус билан) зарарланган тирик паррандалар билан мулоқотда бўлганида вирусни юқтириб олади. Паррандалар ажратмаларида кўплаб вируслар бўлади, улар қуригач, ҳавога тушади ва одамга нафас йўллари орқали юқади.         Осиёда юқишнинг яна бир йўли – шу воҳада анъанавий равишда қуш қонини овқатга қўшиб истеъмол қилиш ҳисобига касаллик юқиши аниқланган. Товуқ гўшти, агар у яхши термик ишловдан ўтказилса, одам учун хавф туғдирмайди, чунки H5N1 70С ҳароратда қиздирилганда нобуд бўлади.         Одамдан одамга юқиши ҳақида. ЖССТ экспертларининг Въетнамдаги текширувларида диққатга сазовор бир ҳолат аниқланди. Бунда 2 та ака-ука 9 кун фарқ билан парранда гриппи билан касалланди. Улардан бири иккинчисини касалхонада парвариш қилиши натижасида касалликка чалинди. Лекин уларнинг бир вақтда касалликларни юқтирганликлари, фақат яширин давр иккаласида ҳар хил давом этган бўлиши мумкинлиги ҳам эҳтимолдан холи эмас. Мутахассислар фикрича, яқин кунларда H5N1 мутацияси натижасида касалликнинг ҳаво-томчи йўли билан одамлар орасида тарқалиши мумкинлиги эътироф этилмоқда.         2006 й. 10 март маълумотларига қараганда дунёда парранда гриппи билан касалланиш 175 кишини ташкил қилди. Ўлим ҳолати-50%га яқин.1997 йилдан буён бу инфекциядан 60 киши ҳалок бўлди. Мутахассислар таъкидлашича, агар одам одатий грипп ва парранда гриппи билан бир вақтда касалланса, ўзаро алмашиниб, янги штамм ҳосил қилади ва бу янги вирус энди бевосита одамдан одамга юқиши мумкин бўлади.                       Парранда гриппи вирусининг ўзига хос хусусиятлари         - вирус мутацияланиб, янада вирулентлиги ошади;         - вирус турга оид тўсиқни енгиб ўтиб, қушлардан одамларга юқмоқда. Бироқ бевосита одамдан одамга ўтиши исботланмаган (барча беморлар касалланган қушлар билан мулоқотда бўлган).         - вирус асосан беморларга юқиб, уларнинг ўлимига сабаб бўлади.         - касаллик манбаи ва юқиш йўллари тўлиқ аниқланмаган. Шунинг учун ҳам вирусни назорат қилишнинг имконияти бўлмаяпти.         -касаллик тарқалишини тўхтатиш чоралари барча касалланган қушларни бутунлай йўқотишдир.             Патогенези. Парранда гриппи вирусини 6-8 ҳафталик сичқонларга юқтириб, уларнинг патогенлиги ўрганилганда, бу вируснинг бурун бўшлиғи, трахея, бронх ва бронхиолалар респиратор эпителийсида некроз чақириб, уларда гипертермия, тана массасининг тез йўқолиши, 75-100% ўлим касалликнинг 6-8 кунида кузатилди.         Парранда гриппи вирусидан зарарланган одамдан вирус ажратиб олиниб, сичқонларда текширилганда вирус дастлабки 3 кунда уларнинг ўпкасида, сўнг бош мия нейронлари, глиал хужайралар ва кардиал миофибрилларда репликацияланиши аниқланди.         Клиникаси. Касалликнинг яширин даври одамда 3-7 кундан ошмайди. Касаллик гриппсимон белгилар билан бошланади: иситма, йўтал, томоқда оғриқ, тумов, умумий ҳолсизлик, дармонсизлик, мушаклардаги оғриқлар безовта қилади. Касаллик кўз инфекцияси, ўткир респиратор касалликлар, пневмониялар кўринишида ҳам намоён бўлиши мумкин. Шунга қарамай барча текширув марказлари, касаллик ҳақида ахборотлари жуда камлиги ва парранди гриппининг тўлиқ клиник кўринишини ҳали батафсил ёритиш имконияти йўқлигини қайд этишмоқда.         Ташхисоти. 1997 йилда одамда грипп инфекциясини аниқлаш услубларидан гемагглютинацияни ингибирлаш реакцияси парранда гриппи вирусига қарши антителоларни аниқлашда сезгирлиги паст эканлиги аниқланди. Шундан сўнг бу вирусга нисбатан антителоларни аниқлашда янада сезгирроқ усуллар таклиф қилинди. Улардан бири микронейтрализация ва махсус Н5га сезгир бевосита ELISA (иммунофермент таҳлил)дир. Бу усулларнинг спецификлиги ва сезгирлиги Вестерн блот қўлланилганда янада ошиши аниқланди. 18-59 ёшли беморларда анти Н5 антителоларни Вестерн блот билан биргаликда микронейтрализация усулида аниқлаш 80% сезгирлик ва 96% спецификликка эга. 15дан кичик ёшли болаларда эса зардобдаги анти Н5 антителоларни аниқлаш Вестерн блот билан биргаликда ELISA усули қўлланилганда 100% сезгирлик ва 100% спецификликка эга эканлиги аниқланди.         Парранда гриппи вирусининг вирулентлигини аниқлашда полимераз занжир реакциялари эффектив қўлланиб келинмоқда. Бундан ташқари, парранда гриппининг циркуляциядаги вирусларини мониторинги учун генотиплашнинг оддий молекуляр усули қўлланилляпти.         Кейинчалик real time reverse transcriptase (RRT-PCR) анализи вирусни тезда аниқлаш имконини берди. Бу усулда бир босқичли аниқлаш усуллари ва флюоресцент зондлардан фойдаланилади. Бу усулни вирус аниқлашнинг стандарт услублари билан қиёслаш мумкин: товуқ эмбрионидан грипп вирусини ажратиб олиш ва гемагглютинини гемагглютинацияни ингибирлаш реакцияси ёрдамида субтипларга ажратиш.         Давоси. Парранда гриппи вируси амантадин ва ремантадин каби грипп А вируси репродукциясини ингибирлайдиган препаратларга сезгир. Бундан ташқари нейроминидаза ингибиторларидан занзивир каламушлар буйраги ҳужайраларида вирус репликациясини ингибирлаган ва вирус нейроминидазаси активлигини ингибирлаган. Кунига 2 маҳал (50 ва 100мг/кг) занзивирни интраназал юбориш сичқонларни ўлимдан сақлаб қолган. Бундан ташқари занзивир вируснинг ўпкадаги миқдорини камайтирган ва унинг мияга тарқалишининг олдини олган. Орал юбориладиган нейроминидаза ингибитори RWJ-270201 занамивир (Zanamivir) ва озелтамивир   (Oseltamivir) билан бир вақтда текширилганда уларнинг сичқонларни летал инфекциялар H5N1 ва   H9N2дан ҳимоя қилиши аниқланди.   RWJ 270201 нейроминидазани ингибирлаш бўйича занамивир ва озельтамивирдан анча устун эканлиги аниқланди. H5N1 вируси экспозициядан 48 соатдан сўнг даво бошлаганда,   RWJ – 270201нинг 10мг/кг дозаси 50%   сичқонларни ўлимдан сақлаб қолди.         Профилактикаси. Касалликнинг олдини олишда санитар-ветеренария хизмати билан биргаликда олиб борилади. Касаллик манбаларидан асосийларидан бири касал парррандаларни қириб ташлаш лозим. Парранда гўшти ва тухумни тўлиқ термик ишлов бериш касалликнинг олдини олишнинг асосий омилларидандир.         Касаллик манбаи ҳисобланган касал одамни аниқлаш, ажратиб, уни даволаш мақсадга мувофиқдир.         Парранда гриппидан инсониятни ҳимоя қилиш учун қатор давлатларда вакцина ишлаб чиқариш учун илмий изланишлар олиб борилмоқда.   Адабиётлар: 1. Е.П.Шувалова, Инфекционнўе болезни, М., Медицина, 1999г. 2. В.М.Маджидов, Юқумли касалликлар, Тошкент, 1992й. 3. В.Ф.Учайкмн, Руководство по инфекционнўм болезням у детей, М., Медицина, 1998 г. 4. И.К.Мусабаева, Руководство по воздушно-капельнўм инфекциям, Ташкент. 5. А.Г.Коломиец, В.И.Вотяков и др., Генерализованная герперическая инфекция, фактў и концепция, Минск, Наука и техника, 1992г. 6. В.Ф.Учайкин, Специфическая профилактика инфекционнўх заболеваний у детей, М., Медицина, 1995г. 7. Н.Д.Юшук, А.Д.Царегородцев, Лекции по инфекционнўм болезням, М., ВУНМИ, 1996г. 8. Г.А.Тимофеева, Л.А.Антипова, Инфекционнўе заболеван ия у детей первого года жизни, М., Медицина, 1985

Похожие

Протозой инфекциялар. Амёбиаз
Ўткир ревматик истма
Бактериологик ўчоқ. Ўта ҳавфли инфекциялар ўчоғи
Ўта хавфли инфекциялар ўлат, куйдирги. Ўлат
Респиратор ва ангина билан кечадиган касалликлар эрта ва дифференциал диагностикаси