Прессланадиган массанинг технологик хоссалари ўрганишдан кузатиладиган мақсад. Ёрдамчи моддалар - Медицина - Рефераты

Прессланадиган массанинг технологик хоссалари ўрганишдан кузатиладиган мақсад. Ёрдамчи моддалар

Загружено в:

20.09.2019

Скачано:

0

Размер:

114.5 KB

П рессланадиган массанинг технологик хоссалари ўрганишдан кузатиладиган мақсад . Ё рдамчи моддалар Режа: 1. Прессланадиган массанинг технологик хоссаларини аниқлашдан кўзланадиган мақсад. 2. Модданинг технологик хоссаларига таъсир қиладиган омиллар. 3. Дори моддаларини заррачалар тузилишини, массанинг технологик хоссаларига таъсири. 4. Массаларда аниқланадиган технологик кўрсаткичларалар: 4.1. Фракцион таркиб; 4.2. Сочилувчанлик; 4.3. Сочилувчан зичлик; 4.4. Тахтакачланувчанлик; 5. Ёрдамчи моддаларни таблетка ишлаб чиқаришдаги аҳмияти. 6. Ёрдамчи моддаларсиз таблетка тайёрлаш шартлари. 7. Ёрдамчи модда танлашни илмий асоси. 8. Ёрдами моддалар таснифи: 4.1. Тўлдирвчилар, уларни қўшишдан мақсад; номенклатураси. Таблетканинг мўтадил ўртача оғирлигини танлаш усули. 4.2. Ғовакловчилар. Таъсир механизмига қараб таснифланиши. Ғовакловчилар самарадорлигини аниқлаш. 4.3. Боғловчилар. Самарадорлигига таъсир этувчи омиллар.

4.4. Антифрикцион моддалар таснифи. Самарадорлигини аниқлаш усуллари. Номенклатураси. Таблетка ишлаб чиқариш амалиётида субстанцияларни ва прессланадиган массаларни физик-кимёвий ва технологик хоссаларини ўрганиш катта амалий ахамиятга молиқдир. Субстанцияларни физик- кимёвий хоссаларидан моддани агрегат ҳоолати, ташқи кўриниши, эриш ҳарорати, эрувчанлиги, гигроскопиклик даражаси каби кўрсаткичлар ва конгломератлар ҳосил қилиш. Моддаларни технологик хоссаларидан заррачаларни тузилиши, ўлчамлари, фракцион таркиб, электрланиш хоссаси, сочилувчанлик, сочилувчан зичлик, прессланувчанлик, зичланиш коэффициенти, табиий оғиш бурчаги, ғоваклиги ва сув шимиш коэффициентлари аниқланади. Субстанцияларни физик-кимёвий ва технологик хоссаларини ўрганишда кузатиладиган мақсад, таблетка тайёрлашда ишлатиладиган ёрдамчи моддаларни тури ва миқдорини ҳамда мўътадил технологик жараённи илмий жиҳатдан асослашдир. Суьстанцияларни технологик хоссалари кўп жихатдан уларни заррачаларини тузилишига, ўлчамларига, қолдиқ намлигига боғлиқ бўлади. Пресслаш мураккаб жараён бўлиб, унда прессланадиган модданинг заррачаларини кристаллик тузилиши кўп жиҳатдан массанинг технологик хоссалари ва таблетканинг сифатини белгилайди. ЗАРРАЧАНИНГ КРИСТАЛЛИК ТУЗИЛИШИНИ АНИҚЛАШ Дори моддаларини технологик хоссалари кўп жиҳатдан уларни заррачаларини тузилишига боғлиқ бўлади. Заррачаларни шакли эса синтез шароитига, ишлатиладиган эритувчилар табиатига, чўктириш шгароитига, қуритиш, майдалаш каби омилларга боғлиқ бўлади. Шундай қилиб, заррачаларни тузилишини аниқлаш катта амалий аҳамиятгаэга. Моддалар аморф ва кристаллик тузилишга қараб 6 хил бўлади:

1. Куб ҳолидагилар; 2. Гексагенал; 3. Тетрагенал; 4. Ромба; 5. Моноклиник; 6. Триклиник. Энг кўп тарқалгани - моноклиник шаклдагиси бўлиб, 40% ни ташкил қилади моддаларни. Кристаллик тузилиши биологик микроскоп ёки электрон микроскопларда аниқланади. Кристаллик тузилишига қараб моддалар учун технологик жараён танланади. Шу жиҳатдан тахтакачланадиган моддалар уч гуруҳга бўлинади (Борзунов Е.Е., Маҳкамов С.М.). Биринчи гуруҳга кирувчи моддалар анизодиаметрик (игнасимон, таёқча, призма) кристаллик шаклга эга бўлиб, уларнинг узунлиги баландлиги ва энидан катта бўлади (анальгин, эфедрин гидрохлорид, салицил кислотаси, рутин, сульгин ва ҳ.к.). Улар майда ва ғовак бўлиб, яхши зичланиш хоссасига эга. Иккинчи гуруҳга кирувчи моддалар пластинка (қипиқсимон тахтача) кристалл шаклида бўлиб, сочилувчанлиги катта, зичланиши қийин бўлиб, кам ғовакликка эга (амидопирин, анестезин, димедрол, дибазол, папаверин гидрохлорид, стрептоцид, фенацитин ва ҳ.к.). Учинчи гуруҳга кирувчи моддалар изодиаметрик думалоқ ёки кўп қиррали куб шаклида бўлиб, йирик зичланиши ва ғоваклиги кичик бўлади (калий карбонати, кальций бромиди, натрий хлориди, сут қанди, сахароза ва ҳ.к.). Моддаларнинг кристаллик шакли қанча мураккаб бўлса, уларнинг бир- бирига ёпишиши шунча осон бўлади. Шунинг учун бу хоссаларига қараб боғловчи модда ва тахтакачлаш жараёнининг босимини танлаб олиш мумкин МАССАНИНГ САРАЛАНИШИНИ АНИҚЛАШ

Массани саралаш учун унинг 100 граммини ҳар ҳил диаметрли (масалан: 3 мм, 2 мм, 1 мм, 0,5 мм, 0,25 мм) тешигларга эга бўлган бир нечта кетма-кет қўйилган элаклар тўплами орқали эланади. Саралаш қуйидагича олиб борилади: 100 г массани энг юқоридаги элакка солиб, қопқоғи ёпилгач, тебранма (36 рад/сек) асбобга 5 дақиқага қўйилади. 1 дақиқадан сўнг элаклар очилиб, ҳар бир элакдаги модда тортилади ва олинган натижалар жадвалга ёзилади. Бунда элак устида қолган "+" билан, элакдан ўтган "-" ишораси биланбелгиланади. 1-жадвал. МАССАНИНГ ФРАКЦИОН ТАРКИБИ Фракция миқдори,мкм, % -3000 +3000 -2000 +2000 -1000 +1000 -500 +500 -250 -250 3 , 0 9,0 10,0 13,0 25,0 40,0 Бу кўрсаткичга қараб, массанинг сочилувчанлиги ва таблетка массасининг доимийлигини, унинг сифатини назарий томондан асослаб бериш мумкин. Фракциялар орасидаги фарқ қанча кичик бўлса, у шунчалик мақсадга мувофиқ бўлади. ТАБЛЕТКА ТАЙЁРЛАНИШ ЛОЗИМ БЎЛГАН МАССАНИНГ СОЧИЛУВЧАНЛИК ЗИЧЛИГИНИ АНИҚЛАШ Сочилувчан зичлиқ шу модда массасининг эгаллаган ҳажми бирлигига нисбатидир. Бу катталик таблетка тайёрланаётган қолип тешигининг ҳажмини ва масса доимийлигини олдиндан аниқлаш учун хизмат қилади. Аниқлашни цилиндрда, таблетка тайёрланадиган қолипларда ёки 545 АК-3 асбобида олиб борилади. Бунинг учун столга қўйилган пергамент қоғоз устидаги цилиндр тахтакачланадиган масса билан тўлдирилади. Ортиқча масса чизғич ёрдамида суриб қўйилади, сўнг цилиндр ичидаги масса

тортилиб, унинг ҳажмига бўлинади. Масалан, диаметри 25мм ва баландлиги 22,3мм бўлган цилиндрдаги амидопирин массаси 6 г. ТАБЛЕТКА ТАЙЁРЛАНИШИ ЛОЗИМ БЎЛГАН МАССАНИНГ ҒОВАКЛИГИНИ АНИҚЛАШ Қолипдаги тахтакачланадиган масса катта ғовакликка эга бўлади ва у заррачаларнинг катта-кичиклигига, геометрик шаклига, жойланиш ҳолатига ва массанинг сараланиш таркибига боғлиқ бўлади. Амалда ғовакликни аниқлаш учун қолипдаги массани ва ундан олдин ҳосил бўлган таблетка ҳажмларининг фарқидан фойдаланилади. Буни амидопириннинг ғоваклигини аниқлаш мисолида кўриб чиқамиз. Ҳажми 11,5 см 53 0 бўлган қолипдаги амидопирин массаси 6 г бўлса, унинг ғоваклиги топилсин. Ишни осонлаштириш учун 0,4 г амидопирин диаметри 9 мм бўлган қолипда, 680 МПа (6800 кг/см 52 0) босимда тахтакачланади, деб оламиз. Бу босимда ғоваклик нолга тенг деб қабул қилинади. Ҳосил бўлган таблетка торзион тарозида тортилади ва қуйидагича ҳисоблаш олиб борилади: h - таблетканинг диаметри, 0,53 см; m - таблетка массаси, 0,3880 г; V - таблетка ҳажми, 3,14х(0,45) 52 0х0,53= 0,3369 см 53 0. Агар, 0,3880 г - 0,3369 см 3 га тенг бўлса, 6 г - Х Демак, қолип ҳажми 11,5 см 3 дан қолип ичидаги амидопирин ҳажми 5,98 см 3 ни айирсак, шу массанинг ғоваклиги чиқади: 11,5-5,98=5,52 см 3 Бу катталикни фоизда ифодалаймиз: 11,5 - 100%

5,52 - Х Демак, қолипдаги амидопирин массаси 48% ғовакликка эга экан. Массанинг ғоваклигини аниқлаш ёрдамчи моддалар ва пресс формалар тайёрлашда назарий томондан асослаш учун хизмат қилади. ТАБЛЕТКА ТАЙЁРЛАНИШИ ЛОЗИМ БЎЛГАН МАССАНИНГ СОЧИЛУВЧАНЛИГИНИ АНИҚЛАШ Сочилувчанликни 5,0-100,0 массада шиша ёки металл воронкада "Эрвека" ёки ВП-12А асбобида аниқланади. Бу асбоб тана ва маҳрутийсимон воронкадан иборат бўлиб, электр юргич орқали ҳаракатланади. Ишлаш тартиби: 50,0 г массани 0,01 г аниқликда тортиб олиб, хампага жойлаштирилади ва асбоб электр тармоғига уланади. Бунда электромагнит ҳаракатга келиб, хампадаги массани 20 сония давомида зичланади. Сўнгра хампа остини очиб, массани ўтиш вақти ўлчанади. Сочилувчанлик қуйидагича ҳисобланади: Бу ерда: V-сочилувчанлик, кг/с; m-масса, кг; t-тажриба вақти, с; 20-зичлашга кетган вақт. Сочилувчанлик таблетка тайёрлайдиган машинанинг бир меъёрда ишлашини, таблеткаларнинг оғирлиги бир хилда бўлишини ва унинг физик-механик кўрсаткичларининг меъёрида бўлишини назарий жиҳатдан билишга ёрдам беради. Масса сочилувчанлигининг ёмон бўлиши гранула

тайёрлаш жараёнининг қайта кўрилиши ёки антифракцион моддалар қўшишни тақозо қилади. МАССАНИНГ ПРЕССЛАНУВЧАНЛИГИНИ АНИҚЛАШ Қўлда ишлайдиган гидропресс асбобида 1200 кг/см 52 0 босимда 0,5 г массагни диаметри 11 мм ли қолипда тахтакачлаб аниқланади. Манометр кўрсаткичининг босимга мутаносиблиги қуйидагича бўлади: Манометр кўрсаткичининг I атм. босими диаметри 6 мм ли қолипда 93,4 кг/см 52 0 га тўғри келади. I атм. -"- 7 мм -"- 68,6 кг/см 2 I атм. -"- 8 мм -"- 52,5 кг/см 2 I атм. -"- 9 мм -"- 41,5 кг/см 2 I атм. -"- 10 мм -"- 33,6 кг/см 2 I атм. -"- 11 мм -"- 27,8 кг/см 2 Тахтакачланган таблетка қолипдан итариб чиқариш учун юқори паунсон олинган қолип устига икки томони тешик махрутий жойлаштирилади ва таблетка қолипдан чиққунча ушлагич ёрдамида босим берилади. Олинган таблетка оғирлиги торзион тарозида, баландлиги эса микрометр ёрдамида аниқланади. Тахтакачланиш кг (Н) ёки унинг кўрсаткичи билан ифодаланади. Тахтакачланиш кўрсаткичи қуйидагича ҳисобланади: Бу ерда: m-таблетка массаси 6,0 г; h-таблетка баландлиги, см. Масалан, амидопирин массаси 0,5 г, таблеткасининг оғирлиги 0,48 г, баландлиги 0,45 см бўлса, прессланиш кўрсаткичи:

Прессланиш кўрсаткичига қараб , тайёрланиши лозим бўлган таблеткаларнинг диаметрини баландлигига бўлган нисбати ДФ талабига жавоб бериш ёки бермаслигини назарий томондан асослаб бериш мумкин . ЗИЧЛАНИШ КЎРСАТКИЧИНИ АНИҚЛАШ Бунинг учун 0,5 г масса диаметри 11 мм , баландлиги 22,3 мм бўлган қолипда 1200 кг / см 52 0 босимда прессланади . Зичланиш кўрсаткичи олинган массанинг қолипдаги пресслангунча бўлган баландлигининг таблетка баландлигига нисбатига тенг . ТАРАНГЛИК КОЭФФИЦИЕНТИНИ АНИҚЛАШ Сифатли таблетка олиш мақсадга мувофиқ дори ва ёрдамчи моддалар нисбатига ҳамда уларнинг ( таранг ) қайишқоқлик хоссасига боғлиқ бўлади . Тарангликнинг ортиши таблетка сифатини бузади . Шунинг учун таблетка тайёрланадиган массанинг таранглик қайтиши хоссаларини аниқлаш мақсадга мувофиқ бўлади . Массанинг таранглиги 2 хил : қайтувчи ва қайтмас бўлади . Қайтувчи тарангликда тахтакачлаш жараёнидаги босим кучи олингандан кейин масса ўзининг олдинги ҳолатига қайтади . Қайтмас тарангликда эса у ўз ҳолига қисман қайтади . Бу ҳодиса массанинг намлиги ва бошқа физик - кимёвий хоссаларига боғлиқ бўлади . Сифатли таблетка тайёрлашда масса иложи борича қайтмас тарангликка эга бўлиши керак. Масса таранглигининг катта-кичиклигига қараб ишлатиладиган боғловчи моддолар тури ва миқдори танланади. Таранглик қайтишини биз таклиф қилган гидропресс ёрдамида бажарилади. Асбоб қуйидаги қисмлардан иборат: гидропресс, индикатор,

плунжерга қаттиқ бириктирилган пластинкалар, паунсонлар ва қолипдан иборат. Аниқлаш қуйидагича олиб борилади: тортиб олинган модда асосига қуйи паунсон ўрнатилган қолипга солинади. Кейин юқори паунсон қолипга қуйдириб, прессга ўрнатилади. Пресслаш маълум босимгача олиб борилади. (Бу манометр орқали кузатиб турилади). Шу ҳолда индикатор мили (стрелкаси) "0" нуқтага келтирилиб, пресснинг мой оқадиган жўмраги аста- секин очилади. Бунда босим камая бошлайди, лекин қолип билан паунсон маълум вақтгача плунжерда ўз ҳолатини ўзгартирмай туради. Шу вақтда таблеткадаги микронлар билан ўлчанадиган ўзгаришни индикатор кўрсатади. Тажриба вақтида қолипга модда солинмасдан аниқланган кўрсаткич ўртасидаги фарқ таранглик қайтишини кўрсатади (мкм). Таблетка қолипдан чиққандан кейин заррачалар орасидаги ўзаро куч қайтадан тақсимланади. Натижада таблетка юзасида ҳар хил катталикдаги илон изи, дарзлар пайдо бўлади. Худди шу ҳол қандни тахтакачлаш мисолида яққол кўринади ва бу моддага таъсир қиладиган босим кучи тахтакачлаш тезлиги, массанинг намлиги ва қолипнинг шаклига боғлиқ бўлади. Таранглик қайтиши одатда босимга нисбатан перпендикуляр ҳолатда юзага келади. Пресслаш босим кучи суюқликлардан фарқли ўлароқ пастки паунсонларга тўлиқ етиб бормайди. Шунинг учун ҳам таблетканинг зичлиги бил хил бўлмайди. Таблетканинг юқори ва ён қисми бошқа қисмларига нисбатан 20-30% га қаттиқроқ бўлганлиги туфайли ички кучланишнинг энг кўп миқдори шу қисмларга тўғри келади. Натижада қолипдан чиқаётган таблеткаларда қаватланиш ва улар юзасида дарз кетиш кузатилади. Бу ҳол тахтакачланаётган массанинг намлигига ҳам боғлиқ. Массанинг таранглиқ қайтишини аниқлаш : 0,5 г массани диамтери 10- 11 мм ли қолипларда 80-320 МПА босимда тахтакачланади. ТАБЛЕТКА ҒОВАКЛИГИНИ АНИҚЛАШ

Таблетканинг физик-механик хусусиятларидан бири ғоваклик ҳисобланади.Бу катталик қаттиқлик, сув шимиш қобилияти, парчаланувчанлик каби бошқа катталикларга боғлиқ. Ғоваклик қанча катта бўлса, капиляр тармоқ шунча ривожланган бўлиб, сув шимиш қобилияти ва унга боғлиқ равишда парчаланувчанлиги хам шунча яхши бўлади. Таблетканинг ғоваклигини билиш уни тайёрлашни назарий жихатдан асослашга ёрдам беради. Аниқлаш биз таклиф этган жуда оддий асбоб ёрдамида олиб борилади. Асбоб резина қопқоғига аниқлиги 0,02 мл га тенг микропипетка ўрнатилган 100 мл ли колбадан иборат. Ғовакликни аниқлаш учун колба сув билан тўлдирилади, унинг ичига таблетка солиб, колбанинг оғзи беркитилади. Бунда сув пипетка ичида маълум баландликкача кўтарилади. Бу асбобнинг "0" нуқтаси бўлади. Колбани 20 5о 0С да таблетка тўлиқ парчаланиб кетгунча ушлаб турилади. Таблетка парчаланаётганда ғовакликдан чиқаётган хаво пипетка орқали ташқарига чиқади, натижада пипеткадаги сувнинг баландлиги пасаяди.Бу нуқта ўзгармас холга келгунча кузатилади. Ишни тезлаштириш мақсадида колба 15 дақиқа магнит тебраткичга қўйилади. Ғоваклик пипеткадаги сувнинг бошланғич ва охирги баландлигининг фарқи ёрдамида аниқланади. Буни қуйидагича ифодалаш мумкин: ТАБЛЕТКАНИНГ СУВ ШИМИШ ХОССАСИНИ АНИҚЛАШ Бунинг учун диаметри 11 мм ли қолипдан фойдаланилади. Дастлаб 0,5 г модданинг икки томонига фильтр қоғози қўйиб, 40 МПа босимда прессланади, сўнгра қолип таблеткаси билан горизонтал холатда асбобга ўрнатилади. Таблетканинг остки қисмидан фильтр қоғозга текизибмикропипетка ўрнатилади.Микропипеткадан чиқаётган сув қоғозга ва у орқали таблеткадан шимилиб, юқорига кўтарилади ва таблетканинг устки қисмидаги фильтр қоғоз намлангунча кузатилади. Таблеткани намлаш учун кетган вақт (сония) ўлчанади (расм). Кузатишнинг яққол аниқ бўлишини таъминлаш учун фильтр қоғоз устига 1-2

дона калий перманганат кристали солиб қўйилади. Бунда тажрибани шу фильтр қоғоз бўялгунча давом эттирилади. Агар таблеткалар юқори қайишқоқликка эга моддалардан тайёрланган бўлса, сув ўтказувчи ғоваклари бўлмаслиги мумкин, яъни уларга сув шимилмайди. Гидрофиль моддаларда эса уларнинг яхши намланиш хоссаси бўлганлиги учун, сув шимиш қобилияти яхши бўлади. Бунда агар суюқлик капилляр деворларини эритса, у ҳолда суюқликнинг зичлиги ва қовушқоқлиги ортади, натижада сув шимилиши камаяди. Гидрофоб моддаларнинг юзаси сув билан намланмаганлиги сабабли капилярларига сув кирмайди. Бу ҳолда сирт таранглигини камайтирувчи моддалар қўшиш йўли билан сув шимилиш қобилиятини ошириш мумкин. Таблетканинг сув шимиш хусусияти унинг капиляр тармоқлари холатларига боғлиқ. Бир хил шароитда очиқ тармоқли капилярларда сув шимиш қобилияти яхши бўлади. Капиляр тармоқларининг холати таблеткалар тайёрланаётганда машинанинг ишлаш тезлигига боғлиқ. Машина тахтакачлаш тезлиги катта бўлмаганда капиляр тармоқлари таблетка ҳажми бўйича бир хил бўлади, чунки заррачалар асталик билан тартибли жойлашади. Акс холда заррачаларнинг тартибсиз жойлашиши таблеткада капиоляр тармоқларининг ҳар хил ҳолатда бўлишига олиб келади. Аммо бу назария амалда ҳамма вақт ҳам тўғри келавермайди. Бунга заррача шакли жиддий таъсир қилиши мумкин. Сув шимиш коэффициенти бўйича асосан, доривор моддалар 3 табақага бўлинади: 2-жадвал. Моддаларнинг сув шимиши бўйича таснифланиши Табақ а Сув шимиш коэффициенти Т а ъ р и ф и 1. 0,6 дан юқори Сувда яхши эрийдиган моддалар 2. 1,0-6,0 Сувда эрувчанлиги ҳар хил бўлган моддалар 3. 1 ,0 дан кичик Сувда эримайдиган ва ёмон эрий диган моддалар

Биринчи табақага кирадиган моддалардан тайёрланган таблетка сувда парчаланмайди, балки эрийди. Шунинг учун унинг эриш тезлиги сув ҳарорати ва диффузия тезлигига боғлиқ бўлади. Иккинчи табақа моддалардан тайёрланган таблеткалар сувда парчаланади ва эрийди, лекин ёрдамчимоддаларсиз (ғоваклантирувчи) тайёрлаланганда бу таблеткалар шу кўрсаткичи бўйича ДФ талабига жавоб бермайди.Учинчи табақа моддалардан тайёрланаган таблеткаларфақат ёрдамчи (ғоваклантирувчи) модда иштирокидагина сувда парчаланадилар. ЁРДАМЧИ МОДДАЛАР Таблетка тайёрлашда фақат айрим холлардагина ёрдамчи моддалар ишлатилмайди. Аксарият таблетка ёрдамчи моддаларсиз ва олдиндан донадор холига келтирмасдан тайёрланмайди. Ҳозирги вақтда 150 дан ортиқ ёрдамчи моддалар бўлиб, шулардан фақат 70 таси давлат рўйхатига киритилган. Ривожланган хорижий мамлакатларда, жумладан АҚШ 186 та фирма 1040 та номли ёрдамчи моддалар ишлаб чиқаради. Ғарбий Европада ва Шимолий Америкада 475 та фирма 2500 номли ёрдамчи модда ишлаб чиқаради. Тиббиёт саноатида аксарият ёрдамчи моддалар шу мақсад учунишлаб чиқарилмайди. Шунинг учун уларни кимё, озиқ-овқат, тоғ жинслари саноатига ишлаб чиқарилгандан фойдаланилади. Улар ДСТ га жавоб беради, лекин тармоқ стандартга жавоб бермайди. Тиббиёт саноатида ишлатиладиган ёрдамчи моддаларнинг умумий миқдори жуда кам фоизни ташкил этади. Масалан, тиббиёт саноатининг қанд, крахмал, желатинага бўладиган эҳтиёжни мамлакат бўйича ишлатиладиган миқдорининг 0,03-0,6% ташкил қилади. Шунинг учун ҳам буларни тиббиёт саноати ишлаб чиқармасдан бошқа тармоқлардан ишлаб чиқарганни ишлатиш мақсадга мувофиқдир. Лекин бу ёрдамчи моддаларнинг озиқ-овқат саноатида

фойдаланилмайдиганлари билан алмаштиришни ёки уларни кам миқдорда ишлатиш йўлларни излаш лозим. XI ДФ ёрдамчи моддаларнинг миқдори келтирилмаган, уларнинг миқдори алоҳида моддаларда кўрсатилган бўлади. Ёрдамчи моддалар дори моддаларнинг физик-кимёвий хусусиятига, миқдорига ва тайёрланиш усулага қараб ишлатилади. Улар қуйидаги гуруҳларга таснифланади: тўлдирувчи, боғловчи, ғовакловчи (эришини яхшиловчи), сирпандирувчи, мойловчи ҳамда ранг берувчилар. Тўлдирувчи моддалар. Кам миқдорда ишлатиладиган дорилардан таблетка тайёрлашда унга маълум оғирлик бериш учун ишлатилади. Буларга альгин кислота ва альгинат натрий, глюкоза, декстрин, желатин, кальций карбонат, икккиламчи кальций фосфат, крахмал, магний карбонат, магний оксиди, маннит, ксилит, микрокристаллик целюлоза, буғдой уни, натрий гидрокарбонат, натрий хлорид, руберозум, қанд, сут қанди, сорбит, церулозум ва бошқалар киради. Юқорида келтирилган тўлдирувчи моддалар ичида кальций карбонат, иккиламчи кальций фосфат, кальций сульфат, МКЦ озиқ-овқат саноатида ишлатилмайдиган моддаларни ишлатиш мақсадга мувофиқдир. Бунинг учун кўп йиллик тажрибамизда технологик жараённи таблетка сифати ва терапевтик унумдорлиги жиҳитдан ёрдамчи модда сифатида кальций карбонат ва МКЦ ишлатиш мақсадга мувофиқ эканлиги исботланган. Чунки қанд, глюкозалар ишлатилганда масса қолипга ёпишади, таблеткани парчаланиш вақти ва қаттиқлиги босим кучига боғлиқ бўлади. Тўлдирувчи моддаларнинг мўътадил миқдори Гандель В.Г. таклиф қилган қаттиқлик индексини ўлчаш билан топилади. Бир хил шароитда ҳар хил оғирликка эга бўлган таюлетка тайёрланиб, унинг синишга бўлган мустаҳкамлиги аниқланади. Синиш кўрсатгичнинг шу таблетка оғирлигига бўлган нисбатини таблетканинг мустаҳкамлик индекси деб юритилади. Бунда энг катта мустаҳкамлик эга бўлган таблетканинг массаси мақсадга мувофиқ деб топилади.

Юқоридаги қоидага биноан энг катта қаттиқлик индекси 37,5 ни кўрсатяпти. Демак, 0,03 г лик демидрол тайёрлашда унинг массаси 0,2 г бўлиши керак экан. Тўлдирувчи моддалар фақат дозаси кичик бўлган моддаларгина эмас, балки кўпчилик дозаси етарли бўлган субстанцияларга ҳам уларни технологик хоссаларини ва таблеткани сифат кўрсаткичларини ижобий томонга ўзгартириш мақсадида тўлдирувчилар қўшилади. Масалан, 0,1 г ли мумиё таблеткасига 0,2 г гача, 0,2 г инебринга 0,5 г гача, 0,2 г Платексга 0,3 г гача, 0,1 г чучукмия қуруқ экстрактига 0,4 г гача, 0,1 г цинноперга 0,3 г гача, 0,2 г бахмалгул таблеткасига 0,4 г гача ва ҳ.к. ёрдамчи моддалар қўшилади. Албатта тадбетка таркибига киритиладиган тўлдирувчилар массани технологик ҳоссаларини ижобий томонга силжитиш, таблетка сифатини яхшилаш билан бирга, биофаол моддани организмга сўрилишига салбий таъсир кўрсатмаслиги керак. Таблетка амалиётида ишлатиладиган тўлдирувчилар тиббиётда ишлатишга руҳсат берилган бўлиши керак. Боғловчи моддалар. Донадорлаш ва тахтакачлаш жараёнида таблеткаларда етарли қаттқиликни таъминлаш учун қўшилади. Боғловчи моддалар қуруқ ва суюқ бўлиши мумкин. Қуруқларига полиэтиленоксид, МКЦ, поливинилпиролидон (ПВВ), полиэтиленгликоль (ПЭГ) ёки уларнинг мажмуаси киради. Қуруқ боғловчи моддаларни ишлатиш технологик жараённи соддалаштиради, биосамарадорлиги юқори бўлади,лекин улар хали яхши ўрганилмаган ва кам ишлатилади. Намловчи (сув ва спирт) ва боғловчи деб юритилади. Буларга желатин, натрий КМЦ, крахмал, қанд эритмалари, сувда эрийдиганцеллюлоза ҳосилалари, табиий елим, поливинил спирти, поливинилпиролидон (ПВП) киради. Борзунов Е.Е. ва бошқаларнинг фикрича (1970-1972 йил) боғловчи моддаларнинг фаоллиги унинг қовушқоқлигига боғлиқ бўлмасдан, балки молекуляр массасининг катталигига боғлиқ. Шунинг учун крахмал шилимшиғининг юқори концентрациялиги етарли қовушқоқликка эга бўлишига қарамасдан кичик молекуляр массали бўлганлиги, тузилишининг

чизиқсимон бўлганлиги ва уларнинг ўзаро боғланиши кучсиз бўлганлиги учун боғлаш қобилияти юқори эмас. Катта молекуляр массага ва чизиқсимон тузилишга эга бўлган моддалар нисбатан юқори боғлаш қобилиятига эга. Бундай хусусиятга молекуляр массаси 500 ва ундан ортиқ бўлган моддалар киради. Сунъий ва табиий полимерлар шу нуқтаи назардан боғлаш фаоллиги бўйича қуйидагича жойлашади: МЦ - ОПМЦ - КМЦ - ПВМЦ - ПВП - желатин - крахмал шилимшиғи - УАП - Н-КМЦ. Бундан кўринадики, энг юқори самарадор боғловчи метилцеллюлоза гели экан. Умуман, юқори таранглик хусусиятига эга бўлган моддалар учун боғлаш кучи катта бўлган МЦ, ОПМЦ, КМЦ, ПВС, ПВП, ВРАЦ ишлатиш мақсадга мувофиқ бўлиб, бундай таблетканинг қаттиқлиги 10-20 н га бўлади. Ўрта тарангликка эга бўлган ёки қайишқоқлик хусусиятига эга бўлган моддалар учун боғлаш қобилияти ўртача фаол бўлганлари ишлатилади (крахмал шилимшиғи, желатина эритмаси, УАП). Бундай таблеткаларнинг қаттқилиги 40-70 Н бўлади. Осон тахтакачланадиган ёки қайишқоқ моддалар учун кам ёпишқоқликка эга бўлган Н-КМЦ, декстрин ишлатиш мумкин. Боғловчи моддаларни массага тўғри қўшиш ва уларни миқдорини белгилаш катта амалий аҳамиятга эга. Агар масса гигроскопик ҳос сага эга бўлса, боғловчи сифатида этил спирти ишлатилади. Масалан, мумиё, плантаглюцид ва ҳ.к. Гигроскопиклик ҳоссаси қанча юқори бўлса, шунчали юқори концентрацияли спирт ишлатилади. Агар дори модда сувда яхши эриса, боғловчи сифатида тозаланган сув ишлатилади. Дори модда сувда эримаса, уларни заррачаларни ўзаро боғлаб гранула ҳосил қилиш учун қовишқоқ ҳоссага эга бўлган моддалар МЦ, NaКМЦ, ПВС, ПВП, қанд қиёми, желатин эритмаси, крахмал шилимшиқлари ишлатилади.Боғловчи моддалар массага ўз-ўзидан қўшилиб яхшилаб аралаштирилади. Нам масса икки бармоқ орасига олиб сиққанда қўлга ёпишмаслиги керак, ёпишса боғловчи кўп қўшилган бўлади. Уни 10-15 см баландликдан ёғоч тахтага

ташланса, сочилиб кетмаслиги керак, сочилиб кетса, боғловчи оз қўшилган бўлади. Боғловчи моддаларни миқдори тажриба йўллари билан топилади. Ғовакловчи моддалар. Бундай таблеткаларнинг қаттиқлиги 70 Н дан ортиқ бўлади. Таблеткаларнинг суюқликда парчаланиши ёки таъсир қилувчи моддаларнинг эришини таъминлаш учун ғовакловчи моддалар ишлатилади. Уларга крахмал, NaКМЦ, КМЦ, УАП, альгин кислотаси ва унинг натрийли тузи, бентонит, узум кислотаси билан натрий гидрокорбанат аралашмаси, қанд, натрий хлориди, Твин-80 ва бошқалар киради. Таъсир қилиш механизми бўйича улар 4 гуруҳга таснифланади: 1.Капилляр тармоқ хосил қилиб . - сувни шимиб, бўкиб шимувчиларга пектин, агар-агар, трагакант, крахмал, желатина киради. Булардан энг кўп (90% ҳолларда) ишлатиладиган картошка крахмалидир. Крахмал тухумсимон тузилишга эга бўлиб, таблека билан ошқозонга тушганида, сувни шимиб, бўкади, натижада заррачаларни турткилаб капилляр тизимини ҳосил қилади, у орқали сув ўтиб, таблеткани парчалантиради. Лекин ҳамма вақт ҳам крахмал парчалантирувчи сифатида самара беравермайди. Агар дори модда сувда яхши эриса, ёки ишқорий ер металлар тузлари бўлса, крахмал таблеткани парчалантириши қийинлаштирилади, буни албатта ҳисобга олиш керак. 2.Газ хосил қилувчилар. Буларга натрий гидрокобанати билан узум (лимон) кислотасининг аралашмаси киради. Булар вишшилловчи ва вагинал таблеткалар тайёрлашда қўл келади Ишлатишда катта камчиликларга эга: индифферент бўлмаганлиги, тахтакачлаш жараёнида қатламланиб қолиши, таблетка массасининг ортиб кетиши. Газ ҳосил қилувчиларни қўллашда кўпинча боғловчи сифатида 96% спирт ишлатилади, акс ҳолда карбонат ангидриди чиқиб, самарадорлиги пасайиб кетади. Боғловчи сифатида сув ишлатилганда, донадорлаш жараёнида 30% карбонат ангидрид йўқолади, бизни олиб борган тажрибаларимиз қолган 70% газ хар қандай таблеткани парчаланишини таъминлай олади. Дори ва газ ҳосил қилувчи моддалар яхшилаб аралаштирилади, боғловчи модда билан гранула ҳосил қилинади.

Уни қўритиб, 2000 мкм элак орқали ўтказилади, антифрикцион моддалар билан упалаб, прессланади. Газ ҳосил қилувчиларни таъсир механизми: таблетка таркибидаги газ ҳосил қилувчи суюқликка тушганида натрий гидрокарбонат ва органик кислота реакцияга киришиб, карбонат ангидриди газини ҳосил қилади, газ таблетка ичидан чиқиб кетишига харакат қилиб заррачаларни турткилайди ва ўзига йўл очилади, натижада таблеткада микродарзлар ҳосил бўлиб, уни парчаланишига ёрдам беради, чунки микродарзлардан таблетка ичига сув кириб боради. 3.Таблетканинг эришини яхшиловчи моддалар . (сувда осон эрийдиган, қанд, сут қанди, натрий хлорид). Бу ҳолда таблетка олиш жараёнидаги босим мълум даражада бўлиши лозим. Бу гуруҳга кирувчилар одатда таблеткаларга тўлдирувчи сифатида қўшилади. Бундай таблеткалар суюқлик билан мулоқатда бўлганда, сувда яхши эрийдиган қанд эрий бошлайди, дори модда каркас ҳолида қолип кетади ва натижада у ҳам парчаланиб кетади. 4. Суюқлик билан мулоқотни яхшиловчи (гидрофилловчи, ҳўлловчи) моддалар. Сирт фаол моддалардан Твин-80 ва бошқалар киради. Хозирги вақтда таблетка ишлаб чиқариш амалиётида 100 дан ортиқ препаратлар гидрофоб моддалар бўлиб, улардан сифатли таблетка тайёрлаш учун ёрдамчи моддаларни меъёридан кўп қўшиш керак, бу эса биофаол моддани биосамарадорлигига салбий таъсир кўрсатади. Шуларни ҳисобга олиб, олимлар гидрофоб препаратларга СФМ қўшиб, таблетка олишни тавсия этдилар. Шуни таъкидлаш лозимки СФМ ни ўзи таблетка парчаланишига бевосита таъсир кўрсата олмайди, уларга албатта шимиб-бўкувчи моддалардан крахмал қўшишни тақазо этади. СФМ дори моддани сув билан намланишини яхшилайди, натижада шимиб-бўкувчи модда суюқликни ўзига шимиб олиб, бўкади ва таблеткани парчаланишини таъминлайди. Сульфадимезин, норсульфазол, сульгин, стрептоцид, анестезинларга Твин-80 ва 1-2% крахмал кўшиб яхши натижа олинади.

Сирпантирувчи ва мойловчи моддалар. Тахтакачланадиган массанинг сочилувчанлиги яхшилаш, таблетка қолип деворига ёпишиб қолишини олдин олиш, яъни ички ва ташқи ишқаланишни камайтириш учун ишлатилади. Ички ишқаланишни камайтириш учун крахмал, тальк, ёғсизлантирилган сут қанди, каолин, бентонит ва аэросиллар сирпантирувчи сифатида ишлатилади. Ташқи ишқаланишни камайтириш - тахтакачланган таблеткани осон қолипдан итариб чиқариш учун стеарин кислотаси унинг кальцийли ва магнийли тузлари (1%) гача, аэрасил 10% қўшилиши мумкин. Бизнинг тажрибамиз ишлатилаётган сирпантирувчи ёки мойловчи модданинг фаоллигини унинг майдалиги билан боғлиқлигини кўрсатади. Сирпантирувчи ва мойловчи моддалар қўшиб ишлатилганда, уларнинг тўғри нисбати танлаб олиш меъёри фармакопея талабига жавоб бериши керак. Антифрикцион моддаларни амарадорлигини баҳолаш. Стандарт шароитда, оз миқдорда сирпантирувчи қўшиб, массани юқори сочилувчанлигини таъминлай олган моддалар энг юқори самарадор ҳисобланади. Мойловчиларни самарадорлиги қуйидагича аниқланади. Стандарт шароитда мойловчи модда қўшиб 120 МПа да таблетка прессланади ва таблетка қолипдан итариб чиқариш кучи ўлчанади. Мойловчи моддани самардорлиги итариб чиқариш кучини пресслаш кучига бўлган нисбати билан ўлчанади:

Адабиётлар. 1. ГФ XI изд., вып.2.- М.,1990.- С.154 2. Маҳкамов С.М. Основы таблеточного производства.- Ташкент, 1974.- С.208. 3. Иванова Л.А. Технлогия лекаственных форм.- М., 1991, Т. 2.- 542 с. 4. Маҳкамов С.М., Усуббоев М.У., Нуритдинова А.И. Тайёр дорилар технологияси.- Тошкент, 1994.- 425 б. 5. Тютенков О.И. и др. Постадитный контроль в производстве таблеток.- М., 1987.- С. 205. 6. Маҳкамов С.М., Усуббаев М.У., Нуритдинова. Тайёр дорилар технологияси (практикум).- Тошкент, 1991.-263 б. 7 . Усуббоев М.У. МКЦ ни таблетка ишлаб чиқариш амалиётига тадбиқ қилиш истиқболлари//Кимё ва фармация.- 1996, N 3.- С.19-22.

Похожие

Гранулалар. Гранулаларни ишлатишдан кузатиладиган мақсад. Грануляция усуллари. Гранулаларни қуритиш.

Қобиқли таблеткалар. таблеткани қобиқ билан қоплашдан кузатиладиган мақсад. Қобиқлаш усуллар

Таблеткаларнинг сифат курсаткичлари.Қобиқланган таблеткалар

Таблеткалар. Таблетка машиналари.таблетка ишлаб чиқаришда ишлатиладиган ёрдамчи моддалар ва уларнинг таъснифи.донадорлаш усуллари.пресслаш назарияси

Таблетка олишнинг назарий асослари. Массадаги қолдиқ намликнинг таблетка ҳосил бўлишидаги аҳамияти