Нерв тизимининг инфекцион касалликлари - Медицина - Рефераты

Нерв тизимининг инфекцион касалликлари

Загружено в:

17.11.2022

Скачано:

0

Размер:

85.111328125 KB

Нерв тизимининг инфекцион касалликлари Режа: Нерв тизими юқумли касалликларининг клиник таснифи  Менингитлар  Эпидемик цереброспинал менингит  Замбуруғли менингит  ЭНЦЕФАЛИТЛАР  Герпетик энцефалит  Прогрессирланувчи мультифокал лейкоэнцефалопатия  МИЕЛИТ  ПОЛИОМИЕЛИТ (ГЕЙНЕ-МЕДИН КАСАЛЛИГИ)  НЕЙРООИТС.  Бирламчи НейроОИТС.  Иккиламчи нейроОИТС.  ОИТСни олдини олиш.  ЦЕРЕБРАЛ АРАХНОИДИТЛАР

Нерв тизими юқумли касалликларининг клиник таснифи 1. Мия моддасини зарарланиши: Энцефалит: полиоэнцефалит лейкоэнцефалит панэнцефалит Миелит: полиомиелит лейкомиелит кўндаланг диссеминирлашган Энцефаломиелит. Мия пардаларини зарарланиши: Пахименингит: Церебрал спинал цереброспинал Лептоменингит: тотал йирингли серозли Арахноидит: церебрал спинал цереброспинал Мия томирларини зарарланиши (васкулитлар): артрит флебит синусит Периферик нерв системасининг зарарланиши: Радикулит ганглионит фуникулит невритполиневрит Вегетатив нерв системасининг зарарланиши: ганглионит трунцит плексит неврит Менингитларнинг таснифи (В.С.Лобзин, 1983) Этиологиясига оид: Бактериялар чақирган менингитлар ва менингоэнцефалитлар: Йирингли: Бирламчи: менингококкли, инфлюэнименингит Иккиламчи: пневмококкли, стафилококкли, колибациллали, вульгар жараён чақирган, кўкиш йирингли, фридлендер ва бошқалар. Серозли: Иккиламчилар: силли, сифилисли, бруцеллёзли, лептоспирозли, листериозли (таксономик спор шакли), орнитозли ва бошқалар. Вирусли менингитлар: Бирламчилар: ўткир лимфоцитар хориоменингит, энтеровируслар (Коксаки вируслари ESHO, поливируслар), герпетик вируслар, паротитли (паротит белгиларисиз), арбовирусли (кана энцефалити вируси). Иккиламчилар: гриппоз, парагриппоз, респираторсиницитиал, аденовирусли, герпетик, паротитли (паротитга оид белгилари билан), микоплазменли (таксономик), замбуруғли (микотик) менингитлар. Серозли (касалликни бошланғич даврида) ва сероз-йирингли

(касалликни охирги даврида); Иккиламчилар: кандидомикозли торулезли кокцидиоидозли гистоплазмозли нокардиозли ва бошқалар. Протозойли менингитлар ва менингоэнцефалитлар: Серозли: Иккиламчилар: токсаплазмозли амёбали безгакли ва бошқалар. Ривожланиш хусусиятларига қараб: ўткир шакли шиддатли шакли ўткир ости шакли сурункали шакли Менингитлар Менингит - бош ва орқа миянинг юмшоқ ва тўр пардаларини яллиғланишидир. Этиология ва патогенези, патоморфологияси ва таснифланиши. Этиологияси: мия пардаларида яллиғланиши асосан инфекцион агентлар баъзи гельментлар таъсирида келиб чиқади. Инфекцион қўзғатувчиларга бактериялар (менингококк, пневмококк, гемофил ва ичак таёқчалари, протей, бруцелла, сальмонелла, сил микробактерияси, рангпар спирохетта) ва вируслар (қизамиқ, қизилча, эпидемик паротит, коксаки, ЕСНО, Вич) ундан ташқари замбуруғлар (крептококклар, Candida оиласига мансуб замбуруғ) киради. Ноинфекцион сабаблардан мия пардасида асептик яллиғланиш келтириб чиқарувчиларга саркоидоз, нейролейкоз, карциноматоз, бириктирувчи тўқима касалликлари, ҳашоратлар чақиши, вакцина юборилгандан кейинги унга бўлган аллергик реакция киради. Патогенези: менингит патогенези турли туман касалликларда ўзига хос мураккаб хусусиятга эга. Ҳаво томчи инфекцияда контакт ва алиментар йўл орқали ўтиши мумкин. Одам организмига қўзғатувчи “кириш дарвозалари” (ичак ёки бурун халқум бўшлиқлари) орқали кириб қонга ўтади. Қон билан қон томир чигаллари ва қоринча эпендимасига боради, сўнгра орқа мия суюқлиги таркибида мия пардаси ва субарахноидал бўшлиқга ўтади. Менингитда - инфекцияни тарқалиши кўпинча гематоген йўл билан кечади. Яна лимфоген, периневрал ва контакт йўл билан тарқалиши мумкин

(иккиламчи йирингли менингитлар кузатилади). Менингит патогенезида асосий ролни гепатоэнцефал тўсиқ бажариб, у қон ва орқа мия суюқликдаги модда алмашинувни бошқаради ва ёт жисмлар ва метаболизм оралиқ махсулотларни мияга тушишига тўсқинлик қилади. Менингит патогенезида бир қанча биологик актив моддалар: гистамин, серотонин, гепарин, кинин тизими муҳим рол ўйнайди. Йирингли менингитни ўткир даврида орқа мия суюқлигида гистамин миқдори 17 баробар, серотонин қонда 8 баробар ошади. Шу билан бир қаторда қонда биологик фаол моддалар ошиши оқибатида гепарин миқдори пасайишига у ўз навбатида яллиғланишни ривожланишига олиб келади. Менингит касаллигида орқа мия суюқлигининг гиперсекрецияси кузатилади. Менингитда патоморфологик ўзгаришлари асосан тўр ва юмшоқ пардаларда ҳамда эпендима, мия қоринчалардаги томирли чигаллари ҳам кузатилиши мумкин. Морфологик ўзгаришлар қуйидагича кечади: мия юмшоқ пардаси томирларини кенгайиши, стаз, эксудация, хужайра пролиферацияси. Менинигит касаллигини таснифи: 1. Этиологияси бўйича: бактериал, вирусли, замбуруғли, паразитар, аралаш, носпецифик. 2. Ривожланиш характери бўйича: бирламчи ва иккиламчи. 3. Яллиғланиш характерига кўра: йирингли ва сероз. 4. Локализациясига кўра: тарқоқ, конвекситал, базал, локал. 5. Кечиши бўйича: ўткир, яшин тезлигидек, ўткир ости, сурункали, рецидив. Клиник амалиётда бактерияси ва вирусли менингит кўп учрайди. Бактериал менингитлардан менингококкли, пневмококкли; вирусли менингитлардан - паротит, герпетик. Коксаки ва ЕСНО чақирувчилар, ҳамда ўткир лимфоцитар менингит кенг тарқалган. Мия пардасидаги яллиғланиш жараённи характерланишига кўра йирингли ва сероз менингитлар

фарқланади. Асосан бактерия қўзғатувчилари - йирингли менингитларни, вируслар эса сероз менингитларни келиб чиқишига сабаб бўлади. Юқоридагиларда истисно тариқасида сил, захм, лептоспирозли менингитлар ҳам кузатилади. Охирги пайтларда йирингли ёки аралаш характерли замбуруғли менингитлар учрамоқда. Патологик жараённи мия пардасида яллиғланишига кўра тарқоқ формалари ундан ташқари чегараланган формалари (мия моддаси ва орқа мия нерви ва илдизчаларида яллиғланиш) учрайди. Мия асосида жойлашган мия пардаларини зарарланиши кўпроқ кузатилади ва базал менингит (сил, захм) деб юритилади. Кечиши бўйича ўткир (2 хафтагача), ўткир ости (2 хафтадан 4 хафтагача), сурункали (1 ойдан ортиқ) менингитларга бўлинади. Организмда гиперэргик реакция кузатилса касаллик яшин тезликда кечиши мумкин. Клиникаси: Менингитлар клиникасида умумий инфекцион, менингиал синдром ва ликвордаги яллиғланиш ўзгаришлари кузатилади. Умумий инфекцион белгилар: тана хароратини юқори бўлиши, юзни қизариши, умумий холсизлик, анорексия, мушак оғриқлари, эмоциал лабиллик, тери экзантемаси, қалтираш ва қондаги ўзгаришлар билан характерланади. Менингиал синдром - бу мия пардасини қитиқланиши ёки яллиғланиши натижасида келиб чиқадиган симптомлар тўпламидир. Менингиал синдром - умумий мия симптомлари ва хусусий менингиал симптомлардан иборат. Умумий мия симптомларига: бош оғриши, қайд қилиш, бош айланиши (носистемали) фотофобия. Менингит касаллигида ҳамма беморларда диффуз равишда бош оғриши кузатилади. Бу уч шохли нерв ва адашган нервларини шохчаларининг қитиқланиши оқибатида содир бўлади. Калла ичи босимини ошишига орқа мия суюқлигини кўп ишлаб чиқиши ва унинг сўрилиш жараённи бузилиши сабаб бўлади. Гипертензион механизм ромбсимон чуқурчанинг тубида жойлашган Триггер соҳасини қўзғалиб қусишга олиб келади.

Қусиш - бош оғришини кучайган вақтида кўнгил айнимасдан, овқат қабул қилишга боғлиқ бўлмаган ҳолда бирданига келиб чиқади. Қусиш ”фонтан” тарзда кечиши мумкин. Умумий гиперестезия (тактил, кўрув, эшитув). Бунда мия пардаси рецепторлари, орқа мия тугуни хужайралари ва орқа илдизчаларнинг қўзғалиши оқибатида келиб чиқади. Юқоридагилар менингит касаллигига ташхис қўйишда мухим белги хисобланади. Менингитнинг оғир кечувида онгни хар хил босқичда бузилиши, алахсираш, галлюцинациялар, тарқоқ ёки фокал эпилептик ҳуружлар кўринишида рўй бериши мумкин. Менингиал белгилар: 1. Бош ва орқа мия нервларни илдизчаларини қитиқланиши ва мушакларни рефлектор химоя таранглашуви рўй беради. У ўз навбатида илдизчаларни механик лат ейишидан сақлашда иштирок этади. 2. Бош миянинг III-IV қоринчалари вегетатив марказларини қитиқланиши. Булар мушак тонусини маркази ҳисобланади. Энса мушаклари ригидлиги белги эрта ва доимий равишда бўладиган симптом ҳисобланади. Бошни кўкрак томонга букишга харакат қилинганда, буни кескин равишда чегараланганлигини кўриш мумкин. Бу орқанинг узун мушаклари тонуси ортганлиги натижаси содир бўлади. Керниг белгиси. Беморнинг оёғи тизза ва чаноқ сон бўғимида букилиб, сўнг тизза бўғимида ёзишга харакат қилганда ёзилмайди. Брудзинский белгиси. Юқориги: чалқанча ётган беморни бошини унинг кўкрагигача теккизишга харакат қилинганда, оёқларини чаноқ-сон ва тизза бўғимида букиши (айрим пайтларда қўлларни ҳамкорликда букканда ҳам). Ўрта: қов соҳасига кафт билан босилганда, беморнинг оёқлари чаноқ сон ва тизза бўғимидан букилади. Пастки: оёқ тизза ва чаноқ сон бўғимида букилиб, сўнг тизза бўғимида ёзишга харакат қилинганда иккинчи оёғи чаноқ-сон ва тизза бўғимида букилади. Алоҳида гуруҳ белгиларига оғриқ ҳиссини кучайиши (масалан: бошни кўкрак томонга букилганда бош оғриқни кучайиши).

Лобзин белгиси - беморни кўзини юмган ҳолда кўз олмаси босилганда оғриқ бўлиши. Керер белгиси - хар хил нервларни чиқиш жойига, масалан, энса нервини чиқиш жойига таъсир қилинганда, оғриқни пайдо бўлиши ёки кучайиши. Флатау белгиси - бошни букилганда қорачиқлар кенгайиши. Бехтерев белгиси - ёноқни перкуссия қилганда мимика мушакларни қисқариши ва бош оғриқни кучайиши кузатилади. Пулатов белгиси - калла қисмини перкуссия қилганда оғриқни кучайиши (краниофасциал рефлекс). Эрта ёшдаги болалар менингитида Лессаж бўйича осилтириш симптоми - бунинг учун болани қўлтиғидан кўтарилганда, оёқлари чаноқ-сон ва тизза бўғимидан беихтиёр букилганлиги сабабли қорнига тортилади ва шу ҳолда туриб қолади. Соғлом болаларда эса оёғи эркин холатда харакатлар қилади (букади ёки ёзилади). Эмизикли болаларда менингит касаллиги юз берса - катта лиқилдоқни пальпация қилинганда лиқилдоқни таранглашиши ва бўртиб чиқишини кузатиш мумкин. Булардан ташқари калла қисмини перкуссия қилинганда ёрилган (дарз кетган) тувак товуши кузатилади. Менингиал симптомокомплекслар учраш даражаси турли тумандир. Оғир менингитда “ётган ит ҳолати” - бемор ёнбошлаб, орқага эгилиб, бошини орқага ташлаб, оёқларини қорнига ва қорнини ичига қайиқсимон тортиб ётиши содир бўлади. Яшин тезлигида кечувчи менингитларда - менингиал синдромлар бутунлай бўлмаслиги ёки яққол даражада кўзга кўринмасдан кечиши мумкин. Мия асосидаги пардаларни яллиғланиш жараёнида (базал менингитда) у ердаги бош мия нервларидан (II, III, IV, VI, VII, VIII) зарарланиши натижасида кўришни пасайиши, птоз, диплопия, ғилайлик, мимика мушаклари парези, эшитишни пасайиши кўринишида кечиши мумкин.

Агарда патологик жараён мия пардасидан унинг тўқимасига ўтса менингоэнцефалит келиб чиқади. Унинг клиникасида умумий мия ва менингиал симптомлар ва марказий парез ёки паралич типдаги ўчоқли неврологик белгилар кузатилади. Ташҳис ва қиёсий ташҳис. Менингитнинг ташхисида ликворни текшириш катта аҳамиятга эга. Люмбал пункцияда L3-L4 бел умуртқаси ўртасидан бемор ўтирган ёки ётган ҳолатда орқа мия суюқлиги олинади. Ётган ҳолатидаги ликвор босими нормада 100-180 мл сув босимига тенгдир. Соғлом одамдаги ликвор енгил ишқорий муҳитда (рн-7,4) оқсил миқдори 0,15-0,45 г/л, хлоридлар 7-7,5 г/л, калий 4-5 ммоль/л, кальций 1,2-1,6 ммоль/л, глюкоза 0,4-0,65 г/л (қонга нисбатан 2 баробар камдир). Орқа мия суюқлиги нормада тиниқ, рангсиз ва 1 мкл да 5 та хужайра (асосан лимфоцит ва моноцитлардан) тутади. Ликворда хужайра сони ошиб кетишига - плеоцитоз дейилиб улар лимфоцитар, нейрофилли, эозинофилли ва аралаш турларга бўлади. Яққол плеоцитоз ва оқсил миқдорини нормал ёки бироз ошиши кузатилса бунга хужайра оқсил диссоциацияси дейилади. Бу менингитга хос бўлиб, ҳужайралар сони жуда кўп миқдорда ошиб кетади. Ликворда нейтрофил ва лимфоцитлардан ташқари эозинофил, моноцит, микрофаглар аниқланиши мумкин. Биохимик текширишлар натижасида оқсил (Панди реакцияси) ва глобулинлар миқдорини (Ноне-Апельт реакцияси) ҳамда оқсил фракцияларини (альбумин, глобулин) ошиши кузатилади. Иммунологик методлар ёрдамида ликворни текшириш натижасида ундаги иммуноглобулин (А,М,С), моноклонал антитела ҳамда специфик антиген ёки антителани аниқлаш мумкин. Ликворнинг хиралашиши инфекция чақирувчига қараб сарғиш-кўкимтир, кулрангсимон рангда бўлиши мумкин. Ликворни текширганда нейтрофилларни устуворлиги кузатилади. Панди ва Нонне- Апельт реакциялари (++++) мусбат бўлади, глюкоза концентрацияси ликворда нормада ёки бироз пасайганлиги аниқланади.

Ликворнинг рангсиз, тиниқ ёки сарғишроқ бўлиши лимфоцитларни устуворлигини кўрсатади. Вирусли менингитларда глюкоза ва хлоридлар концентрацияси ўзгармайди. Ликворни текшириш (оқсил ва глюкоза миқдори, хужайралар таркибини аниқлаш) ташхис ва даво муолажасини ўтказиш учун муҳим аҳамият касб этади. Бактериологик, вирусологик, психологик ва иммунологик текширишлар якуний этиологик ташхис қўйишда муҳим роль ўйнайди. Қўзғатувчини идентафикация қилиш ва антибиотикларга сезгирлигини аниқлаш мақсадида озиқ муҳитга экиш усули қўлланилади. Замбуруғли микрофлорага текшириш учун ликвор (2 соатдан) ошмаган вақт оралиғида зич ёпилган идишда олиб келинади. Орқа мия суюқлигини (10-15 дақиқа) центрафугаланиб бўлгандан кейин уни микроскопик текширишга ўтилади. Этиологик ташхислаш учун ликворни иммунологик экспресс текшириш усули энг тез ва қимматли усулдир. Бунда ликворнинг специфик антигенни (менингит қўзғатувчини оқсил компоненти) гурухли зардоб преципитлар орқали бир неча саотлар ёрдамида аниқлаш имконини беради. Дифференциал ташхис: Менингитни менингизмдан фарқлаш лозим. Менингизм умумий мия ва менингеал симптомларни кечиши билан характерланади. Менингизм - мия пардаларини қитиқланиши ҳисобланиб у кўпинча мия шишишида ва бош мия нервларни жароҳатларида учраши мумкин, ундан ташқари гипертония касаллиги, уремия, иссиқ урганда, ис газидан заҳарланиши оқибатида ҳам рўй беради. Менингизм белгилари оғир пневмония, ўткир дизентерия, ёш болалар турли хил интоксикация билан кечуви инфекцион касалликларда ҳам кузатилади. Менингизмда орқа мия суюқлигида ўзгариш бўлмайди. Эпидемик цереброспинал менингит

Менингококк - грам манфий диплококк (Вейксельбаум таёқчаси) хужайраси чиқаради. Менингококкли инфекция манбаи бўлиб, касал бемор ёки инфекция ташувчи соғлом одам ҳисобланиб, инфекция ҳаво томчи йўли орқали ўтади. Касаллик спорадик характерли бўлиб, қиш, баҳор ойларига тўғри келади. Касаллик билан 1 ойликдан тортиб то 70 ёш ва ундан катта ёшли одамлар касалланиши мумкин. Шундан 70-90% беморларни болалар (мактаб ёшигача болалар) ташкил этади. Менингококкли инфекция турли хил формада намоён бўлади: симптомсиз бактерия ташувчи формаси, назофирингит (33-35%), артрит, пневмония, йирингли менингит (30-32%) ҳамда менингоэнцефалит (1,5%) кўринишида учрайди. Патогенези: одам организмда менингококк юқори нафас йўлларида жойлашиб олиб, дастлаб бирламчи назофарингит шаклида кечади. Айрим одамларда инфекция резистентлиги паст бўлса, менингококк гематоген йўл билан бутун организмга тарқалади. Оғир ҳолатларда менингококклемия рўй беради. Организмида хосил бўлган эндотоксин, ДВС синдроми ва эндотоксик шокка олиб келиши мумкин. Патоморфологияси: субарахноидал бўшлиқ йирингли экссудатга тўлганлиги, бош мия пўстлоғини конвекситал юзаси, мия асоси, орқа мия пардаларида йиринг тўпланиши кузатилади. Мия пардасини микроскопик текширилганда нейтрофил характерга эга бўлган яллиғланиш инфильтрацияси кўринади. Клиникаси ва ташхиси: Менингококкли инфекциянинг инкубацион даври 2 кундан то 10 кунгачадир. Касаллик ўткир бошланиб бемор касалликни бошланган кунини ҳаттоки соатини аниқ айтади. Тана ҳарорати 39-400 кўтарилиши, умумий гипереэстезия, бош оғриқ, қусиш билан биргаликда кечади. Жараённи оғирлик даражаси менингеал белгиларни яққол намоён бўлишига боғлиқ бўлмаслиги мумкин. Касалликни бошларида брадикардия айрим ҳолларда аритмия кузатилади. Касалликни бошланиш

босқичларида бемор эс-ҳуши жойида бўлиб, кейинчалик ҳаракатида қўзғалувчанлик кузатилади. Бу ҳолат уйқу ва сопор билан алмашиб, кома ҳолатига ўтади. Менингококкли инфекцияни ўзига хос ҳусусиятларидан бири терида геморагик тошмаларнинг пайдо бўлишидир. Улар одатда турли шакл ва катталикдаги юлдузчалар кўринишида ва пайпаслаганда қаттиқ, бўртмалар ҳолида тери устига чиқиб туради. Тошмалар кўпроқ думба, сон ва болдир соҳаларида учрайди. Тошмаларнинг катта-кичиклиги ҳатто битта беморда ҳам турлича (петихиядан то йирик қон қуюлиши ва тери некрозигача) бўлиши мумкин. Ўчоқли неврологик симптомлардан кўзни харакатлантирувчи нервни шикастланиши кўринишида диплопия, птоз, анизокория, ғилайлик кўп учрайди. Бош миянинг бошқа нервларни шикастланиши кам учрайди. Қонда лейкоцитоз чапга силжиши билан билан ҳамда ЭЧТ тезлашиши кузатилади. Айрим пайтларда бемор қони лейкопения кўринишида бўлиб, бу нохуш оқибатга олиб келувчи белгилардан ҳисобланади. Касалликни бошланиш биринчи соатларида ликвор ўзгаришсиз, аммо биринчи суткани охирларида лойқаланиб сарғиш ёки кулранг рангда бўлади. Нейтрофилли плеоцитоз (10000 дан ва ундан юқори), орқа мия суюқлик босимини кўтарилиши (200-500 мл сув уст), оқсил миқдорини ошиши (10-15 г/л) ва глюкоза миқдорини пасайиши кузатилади. Орқа мия суюқлигини бактериологик текширишдан мақсад нейтрофиллар ичидаги ҳужайра ичи диплококкини топишдир. Бактериологик текшириш 50-60% ҳолатда менингит касаллигини ташхисига этиологик тарзда ёндошишга ёрдам беради. Аммо бунда менингококкларни ёруғликда, ҳароратни ва намликни пасайишида ҳалок бўлишини ҳисобга олиш керак. Шунинг учун орқа мия суюқлигини 370 ли сув ҳаммомига жойлаштириб, бактериологик лобараторияга жўнатилади. Тепки менингити Тепки вируси - вирусли менингитларни энг кўп сабабчиси бўлиб, кўпинча мактабгача ва мактаб ёшидаги болаларда, ўғил

болаларда қизларга нисбатан кўп учрайди. Хаво-томчи йўл билан юқиб, инкубацион даври 3-хафтагача кейин клиник белгилари пайдо бўлади. Бунда аввал сўлак безлари катталашиб, кейинчалик менингиал белгилари пайдо бўлади. Виремия даврида паротит вируси бошқа аъзоларни ҳам (масалан меъда ости бези ва ўғил болаларда мояк) зарарлайди. Тепки менингити ўткир ривожланиб, бирданига тана ҳарорати ошиб, интенсив бош оғриғи, қусиш билан кечади. Менингиал белгилари эрта пайдо бўлиб, энса мушаклари ригидлиги ижобий бўлади. Паротит инфекцияларида менингал симптомлар бўлмаслиги ҳам мумкин. Шунинг учун ликворни текшириш диагностикада муҳим аҳамиятга эга. Ликвор босими ошган, рангсиз, лимфоцитар плеоцитоз, оқсил кўпайган, глюкоза миқдори эса ўзгармайди. Аниқ ташхис қўйиш учун флюресценция антитаналарини аниқлаш керак. Герпетик менингит Герпетик менингит ўткир бошланиб, қалтираш, эт увишиши, бош оғриғи, тана ҳарорати кўтарилиши билан кечади. Менингеал симптомлари енгил ижобий бўлиб, орқа мия суюқлигида лимфоцитар плеоцитоз (25-150 бир мклда). Бу менингитларга кўпинча Zoster вируси сабаб бўлиб, белбоғсимон лишай билан кечади. Замбуруғли менингит Замбуруғли менингитнинг асосий сабабчиси Candida оиласидаги замбуруғлар бўлиб, баъзан криптококк ва аспергилла ҳам келтириб чақиради. Кандидоз менингит йирингли ёки аралаш характерга эга бўлиб, касаллик узоқ муддат антибактериал терапия олган эмизикли болаларда, ҳомиладор аёлларда учрайди. Замбуруғли менингитлар суст ўткир ости ва сурункали кечувга эга бўлиб, доимий бўлмаган тана ҳароратини ошиши (t0 380С), эт увишиш, адинамия, холсизлик, тери рангсиз, менингеал симптомлар суст ривожланган бўлади. Бунда патологик жараён бош мия қон томирларига ҳам ўтиши мумкин. Ликвор - босими ошиб нейтрофил (30-90%) плеоцитоз оқсил миқдори ошади.

Менингит асоратлари. Менингококкли менингитларда энг кўп фетал асоратлар учрайди. Буларга инфекционтоксик шок, ўткир мия шишиши, кам ҳолларда эпендиматит, гидроцефалия, лабиринтит, карлик, парез ва параличлар киради. I. Инфекцион-токсик шок - менингитнинг яшинсимон шаклларида учраб, бактериал сепсис фонида ривожланади. Агар адекват ва тезда даволанмаса, кўпинча юрак тўхташи оқибатида ўлимга олиб келади. Инфекцион-токсик шокнинг асосий босқичлари: 1). Инфекцион факторни макроорганизмга таъсир этиши (бактериемия, эндотоксинемия). 2). Гуморал ва хужайра химоя реакцияларини бузилиши; 3). Калликреин-кинен тизимини фаоллашуви, катехоламинларни ажралиши. 4). Лаброцит, тромбоцит, нейтрофил гранулоцитларнинг лизиси. 5). Нейровазоактив моддаларни тўпланиши. 6). Микроциркуляцияни бузилиши, қон томирлар ўтказувчанлигини ошиши, ДВС - синдромининг ривожланиши. 7). Гипоксия, метаболик бузилишлар, ацидоз келиб чиқади. 8). Гомеостатик бузилишлар. II. Уотерхаус Фридериксен синдроми - ўткир буйрак усти бези етишмовчилигини коллапс билан бирга кечиши. Бу синдромклиник қон босимини кескин пасайиб кетиши, ипсимон пульс, тахикардия, нафас олишни бузилиши, геморрагик тошмалар, олигоанурия ёки анурия билан кузатилади. III. Бош мия шишишида биринчи навбатда ўсиб борувчи гипертензия асосий белги бўлади. Касал юзи тўқ қизил - кўкимтир рангда, қорачиғи торайган, кўрув нерви диски шишиши кузатилади. Даволаш Стационар ҳолатда олиб борилади.

Йирингли менингитларни даволаш Беморни албатта стационар ётқизиб даволанади: 1. Этиотрон даволаш - бирламчи инфекция ўчоғи санацияси; парентерал антибиотикотерапия камида 10 кунгача қилиниши керак. Касаллик қўзғатувчиси ноаниқ бўлганда пенициллин гуруҳидаги антибиотиклар қилинади. Бунда вена ичига ёки мушак орасига бензил пенициллин 1 кг вазнга 200-300 минг ед миқдорида ҳар 3-4 соатда қилинади. Антибиотикни олиб ташлашга цитозни 1 мкл да 100 ва ундан кам бўлиши ва лимфоцитларни 75% кўп бўлиши асос бўлиб ҳисобланади. Агар антибиотик юборилганда ижобий ўзгаришлар бўлмаса суткали доза 2 марта оширилади. Агар бемор кома ҳолатида ёки даволаш кеч бошланганда пенициллин дозасини 1 кг вазнга 800 мингдан 1 миллионгача кўпайтирилади. Турли бактериал менингитларда (менингококк, пневмококк этиологияли) ампициллин ҳам қилинади. Бунда ҳар 4 соатда 22,5 г мушак орасига ёки вена ичига юборилади (суткалик доза 12- 15 г). Пеницилинга аллергия бўлганда альтернатив антибиотик сифатида левомицин сукцинат натрий 1-2 г дан суткада 2-4 марта вена ичига юборилади (суткали доза 4 г). Аминогликозидлар гентамицин гематоэнцефалик тўсиқдан катталарда яхши ўтмайди, болаларда эса ликворга сўрилиши максимал ҳолда бўлиб, 5 мг/кг сут. вена ичига ҳар 8 соатда юборилади. Канамицин - 15мг/кг/сут ҳар 12 соатда юборилади. Ортиқча таъсири: қулоқда шовқин, эшитиш пасайиши, вестибуляр бузилишлар, нефротоксик таъсир, аллергик реакция. Эритромицин - суткада катталарга 4-8 г, болаларга 40-50 мг/кг вена ичига ҳар 6 соатда юборилади. III авлод цефалоспоринлари (цефтриаксон, цефотаксим, цефтизоксим, цефтазидим) ҳам гемато энцефалитик барьердан яхши ўтади. Цефтриаксон - катталарга 4-6 г/сут ҳар 8-12 соатда, болаларга 80-100 мг/кг/сут ҳар 6 соатда.

Цефотаксим - 12 г/сут ҳар 4 соатда юборилади. Шунингдек: Дезинтоксикация мақсадида гемодез, реополиглюкин, реоглюман, альбумин, полидез. Бунда гемодезни дезинтоксиан эффекти 15- 20 мин. кейин билинади ва 4-6 соат сақланади. Оғир ҳолларда йирингли менингитларда ликворосорбция қилинади. Нафас олишни оғир бузилишларида ИВЛ қилинади. Гиповолемия ҳолатида суюқлик юборишни меъёрдагидан 2/3 қисмга камайтирилади, чунки мия шишиши мумкин. ДВС синдромида геппарин қилинади. Мия шишишида глюкокортикоидларни қилиш тўғридан тўғри кўрсатма бўлиб, гидрокортизон 1000 мг, преднизолон - 250 мг, дексаметазон 40 мг/сут гача. Уотерхаус-Фридериксен синдромини олдини олиш учун кортикостероидлар дексаметазон 3 мг/кг вена ичига томчилаб юборилади. Қоннинг кислотали-ишқорий балансини яхшилаш учун метаболик ацидозда 4% гидрокарбонат натрий - 200 мл вена ичига томчилаб юборилади, метаболик алколозда эса 4% калий хлорат -50-100 мл юборилади. Шунингдек кардиотоник моддалар (коргликон, строфантин) қилинади. Психомотор қўзғалишда ва оғриқда седуксен, димедрол, анальгин қилинади. Замбуруғ чақирувчи менингитни даволашда асосий дори бўлиб амфотерицин В ҳисобланади. Препарат 5% глюкоза эритмасида 1 кг вазнга 1 мг миқдорида вена ичига томчилаб юборилади. Дорини дозасини секин-аста ошириш мумкин. Одатда 7-10 давомида умумий хажми 2-6 г миқдорида даволаш курси ўтказилади. Янги замбуруғга қарши дорига флуконазолни тавсия этиш мумкин. Унинг дозаси 400 гр бир суткасига, болаларга эса 1 кг вазнга 3-6 мг ҳисобида юборилади. Бу препарат амфотерицинга қараганда токсик таъсири кам. Янги дорилардан дифлюпан, анкотилларни ичиш учун ҳам тавсия этиш мумкин. ЭНЦЕФАЛИТЛАР

Энцефалитлар - бош миянинг яллиғланиши бўлиб, инфекцион агент ёки ёт оқсилни организмга киришига жавоб реакцияси бўлиб ҳисобланади. Таснифи, этиологияси, патогенези, патоморфологияси. Таснифи 1. Ривожланиш характерига кўра: бирламчи; иккиламчи. 2. Этиологиясига кўра: вирусли, бактериал, замбуруғли, паразитар, носпецифик. 3. Кечиши бўйича: ўткир, ўткир ости, сурункали. 4. Жараённи жойлашувига кўра: пўстлоқда, пўстлоқ остида, сўғонда, диффуз. 5. Яллиғланиш характерига кўра: некротик, геморрагик, гранулематоз, аралаш, йирингли. Бирламчи энцефалитлар - мустақил касаллик ҳисобланиб, ГЭБ орқали қўзғатувчининг кириши натижасида келиб чиқади. Иккиламчи энцефалитлар - вирусли инфекциялар, аллергия ёки махаллий яллиғланиш жараёнлари асорати бўлиб, иммунологик механизмлардан иборат ва демиелинизация билан ўтади. Улар 2 га: параинфекцион, поствакционал гуруҳга бўлинади. Энцефалитларнинг этиологияси турли хил бўлиши мумкин, аммо мия яллиғланишининг асосий сабабчиси вируслар ҳисобланади: арбовируслар (кана ва чивин энцефалити вируси), энтеровируслар (Коксаки, ЕСНО, поливирус), герпетик вируслар (зостер, цитомегаловирус), ретровируслар (ВИЧ), миксовируслар (паротит, грипп). Энцефалитларнинг катта гуруҳи экзантем инфекциялар (қизамиқ, қизилча вируслари) орқали келиб чиқади. Охирги вақтда қутириш вируси (рабдо вирус) билан чақирилувчи энцефалитлар ҳам учрамоқда. Энцефалит иккита ва ундан кўп вируслар иштирокида ҳам пайдо бўлиши мумкин. Менингоэнцефалит қўзғатувчиси бактериялар

(бруцеллалар, менингококклар, спирохеталар, микобактериялар, стрептококклар), риккетсиялар, замбуруғлар бўлиши мумкин. Энцефалит патогенези мураккаб ва мия тўсиқлари билан бевосита боғлиқдир. Энцефалитлар билан зарарланиш алиментар (энтеровируслар, арбовируслар, поливируслар), трансмиссивкана, чивин, москитларни (арбовирус) чақиши билан, ҳаво-томчи (грипп, парагрипп вируси) йўллар билан содир бўлиши мумкин. Зарарланиш манбаи бўлиб касал одам ёки ташувчи бўлиши мумкин. Трансмиссив зарарланишда инфекция манбаи бўлиб, майда ёввойи кемирувчилар, қушлар, уй қора моллари ҳисобланади. Бирламчи энцефалитлар эпидемик ва спорадик бўлиши мумкин. Арбовирусли энцефалитлар мавсумийликка (фақат йилнинг иссиқ вақтида содир бўлади) ва эндемик (табиатда махаллий ўчоқ) ҳусусиятига эга. Иккиламчи энцефалитларда эпидемиологик қонунийлик йўқ. Иккиламчи энцефалитлар асосий инфекцион касалликларни авж олиш вақтида (5-7- куни) ёки вакцинациядан кейин ривожланади ва ўткир кечади. Уларнинг ривожланиши организмнинг индивидуал хусусиятларига боғлиқ. Патологик жараённи тарқалишида асосий ўринда аллергик омил туради. Бу касалликни патоморфологик кўриниши ва кечишини аниқлайди. Аутоиммун жараёнлар энцефалитни ўткир ости ёки сурункали жараёнга ўтишига сабаб бўлади. Патоморфологик ўзгаришлар этиологик омилга боғлиқ. Бирламчи энцефалитларда шиш, гиперемия, майда қон қуйилишлар, периваскуляр инфильтрация, глиялар пролиферацияси, ўчоқли ёки диффуз инфильтратлар, некроз сохалари, нейрон деструкцияси ва нейрофагия аниқланиши мумкин. Бу ҳолатда асосан кулранг модда (пўстлоқ, пўстлоқ ости тугунлари хужайралари, бош мия нервлари ўзаклари) зарарланади. Иккиламчи энцефалитларда қон томирларда периваскуляр инфильтрация кўринишида яллиғланиш реакцияси кузатилади. Бу ҳолат оқ

модданинг диффуз зарарланиши, демиелинизация ва микроглия пролиферацияси билан кечади. Яшин тезлигидаги пара ва постинфекцион энцефалитларда аутопсияда фақат мияни букилишини кўриш мумкин. Клиник кўринишлари. Вирусли энцефалитларнинг ўткир даврининг кўриниши умум инфекцион, умум мия, менингиал ва ўчоқли белгиларни ўз ичига олади. Умум инфекцион белгиларга қуйидагилар киради: хароратни кўтарилиши, эт увишиши, умумий холсизлик, мушакларда оғриқ, иштаханинг ва ишлаш фаолиятининг пасайиши, қоннинг клиник ва биологик тахлилида яллиғланишга хос ўзгаришларнинг бўлиши. Умум мия белгиларга қуйидагилар киради: бош оғриғи, қусиш, системали бўлмаган бош айланиши, хушини бузилиши, рухий бузилишлар, генераллашган эпилептик тутқаноқлар. Хушини бузилиши ўз ичига унинг сўниши (карахтлик, сопор, кома) ёки унинг ўзгариши (алахсираш, галлюцинациялар, психомотор қўзғалувчанлик) ни олади. Кейинроқ бош мия зарарланишининг белгилари қўшилади. Ўчоқли белгиларнинг жойлашуви ва намоён бўлиш вақти қўзғатувчига ва организмнинг иммунопатологик реактивлигига боғлиқ. Ўчоқли неврологик белгилар қуйидагилардан иборат: парез, фалажланиш, сезгини бузилиши, бош мия нервларини зарарланиши, афазия, атаксия, парциал тутқаноқ хуружлари ва бошқалар. Умум мия бузилишлар фонида тарқоқ ўчоқли неврологик белгиларни бўлиши параинфекцион ёки постинфекцион энцефалитларга хосдир. Секинлашган инфекциялар гуруҳига кирувчи энцефалитлар секин-аста бошланади, кўпинча харорат кўтарилмайди, менингиал белгилар кузатилмайди. Касалликнинг кечиши кўпинча проградиент бўлиб оқибати яхши эмас. Ташхис ва солиштирма ташхис. Ҳамма энцефалитларнинг бошланғич клиник кўринишлари бир-бирига ўхшашлиги шу касалликларнинг этиологик диагностикасида қийинлик туғдиради.

Қўзғатувчини аниқлаш муҳим амалий ахамиятга эга бўлиб аниқ ташхис қўйишда, тўғри даволаш тактикасини аниқлашда, прогноз ва эпидемиологик холатни баҳолашда ёрдам беради. Вирусли энцефалитларнинг этиологик верификацияси учун вирусологик ва серологик усуллар қўлланилади. Юқоридаги текширишлар кана энцефалити, оддий герпес, паротит, қизамиқ, полиомиелит, респиратор вируслар, энтеровируслар, цитомегаловируслар, қизилча вирусларига антитела бор ёки йўқлигини аниқлаш мақсадида ўтказилади. Бунда жуфт зардоб усули (антителаларни ўткир давридан реконвалиценция фазасига қараб титрини ортиб бориши аниқланади) қўлланади. Лекин вирусли энцефалитларнинг ташхиси учун серологик ва вирусологик усулни қўллаш, ҳамма ерда иложи йўқ. Бундай ҳолатларда ташхис эпидемиологик анамнез, касалликнинг клиник хусусиятлари ва бошқа қўшимча текшириш усуллари ёрдамида қўйилади. Энцефалитга шубҳа қилинганда қўшимча текшириш усуллари қоннинг ва орқа мия суюқлигининг клиник анализи, биохимик маълумотлардан иборат. Шу билан бирга бактериологик текширишлар, офтальмоскопия, электроэнцефалография, компьютер ва магнитрезонанс томография ўтказилади. Ликворни текширганда уни босимини ошганлиги, лимфоцитар ёки нейтрофил плеоцитоз, эритроцитоз, оқсилни ошиши аниқланади. Лекин орқа мия суюқлиги нормада бўлиши ҳам мумкин. КТ ва МРТда бош мия моддасида яллиғланиш ўчоқлари ва демиелинизацияни аниқлаш мумкин. Вирусологик ва бактериологик текширишлар қўзғатувчини ва унинг антигенини ажратишга имкон беради. Носпецифик иммунологик маълумотлар (турли синфлардаги иммуноглобулин, В ва Г лимфоцитлари), биохимик кўрсаткичлар (глюкоза, простагландинлар, глютамин кислота, аминотрансферазалар) муҳим ахамиятга эга. Кана энцефалити

Кана энцефалити мавсумий бўлиб табиат-ўчоқли касалликка киради ва арбовируслар билан чақирилади. Табиат резервуари ёввойи ўрмон сут эмизувчилари бўлиб ҳисобланади. Захарланиш каналарни чақиши, эчки ва сигир сутларини қайнатмасдан истеъмол қилиш ва контакт орқали содир бўлади. Алиментар зарарланишда оилавий-гурухли ҳолатлар учрайди. Инкубацион даври 4 кундан 20 кунгача. Вирус мотонейронларга нейротроп бўлиб, орқа миянинг олдинги шохлари ва мия сўғонининг харакатлантирувчи бош мия нерв ўзаклари зарарланади. Касаллик ўткир бошланиб, совуқ қотиш, ҳароратни 400С гача кўтарилиши, 7-14 кун давомида кузатилади, бош оғриғи, кўнгил айниш, қусиш белгилари, 2-4- куни менингиал белгилар пайдо бўлади, баъзи ҳолларда тутқаноқлар, кейинчалик бош мия ва орқа мия зарарланиши энцефаломиелит кўринишида кузатилади. Кўп ҳолларда кана энцефалити полиомиелит шаклида кечади, бунга хос белгилар бўйин, елка камари, қўлни проксимал қисмидаги мушакларни периферик фалажидан иборат. Бемор қўлини кўтара олмайди, бўйин мушакларининг ҳолсизлиги сабабли боши кўкраккача яқинлаштирилган бўлади (“осилиб турган бош”). Кана энцефалитининг бульбар шакли бош мия сўғонининг зарарланиши билан кечади. Бу холларда ютиш бузилади, дизартрия, дисфония, тил атрофияси (IX, X, XII бош мия нервларини ўзагини зарарланиши хисобига) пайдо бўлади. Кам ҳолларда жараёнга марказий харакатлантирувчи нейрон қўшилади - Кожевник эпилепсияси билан энцефалит ривожланади. Кана энцефалитини менингиал ва полирадикулоневритик шакллари аниқланади. Баъзида нерв тизимини зарарланиш белгиларисиз хароратни кўтарилиши билан характерланувчи абортив шакли кузатилади. Баъзи ҳолларда энцефалит сурункали бўлиб БАС синдроми ёки паркинсонизм кўринишида кечади. Кана энцефалитини ташхиси серологик реакциялар билан тасдиқланади. Комплемент боғлаш реакцияси 2-хафтадан

мусбат бўлади, ташхис меъзони бўлиб, 2 ой мобайнида ортиб борувчи 1:8 ва 1:10 титри ҳисобланади. Нейтранизация реакцияси орқали антителаларни 3хафтада пайдо бўлиб, 7-8-хафтадан ошади ва бир неча йил сақланиши (диагностик индекс 100) мумкин. Герпетик энцефалит Герпетик энцефалит йил давомида учраб, 1 ёшгача бўлган болалар ва 60 ёшдан катта одамлар касалланади. Чақирувчиси оддий герпес, Zoster вируси ва цитомегаловирус (ЦМВ) ҳисобланади. Морфологик герпетик энцефалитда некроз ўчоқлари (кўпинча геморрагик компонент билан), периваскуляр лимфоцитар инфильтрация аниқланади. Оддий герпес вируси билан чақирилувчи герпетик энцефалит нерв тизимини инфекцион зарарланишини энг оғир шаклларидан биридир. Оддий герпес вируси полинейротроп вирус бўлиб, нейронлардан ташқари глияни ҳам зарарлайди. Энцефалитнинг бу шакли 40-80% ҳолларда ўлимга олиб келиши мумкин. Касаллик ўткир бошланиб, ҳарорат 400С га кўтарилади, терида ва шиллиқ қаватда герпетик тошмалар тошади. Хушни эрта бузилиши содир бўлади: сомноментлик сопор ва комага тезликда ўтиши мумкин. Кўпинча қайталанувчи фокал ёки генераллашган тутқаноқлар учрайди. Баъзи ҳолларда полиморф психологик белгилар (хид билиш ва таъм билиш галлюцинациялари, хотиранинг бузилиши) алоҳида ўрин тутади. Менингиал умум мия ва ўчоқли белгилар (парез, паралич, гиперкинез, афазия билан бирга учрайди) кузатилади. Ликворда оқсил хажмини ошиши, лимфоцитар плеоцитоз ва ликвор босимини юқори бўлиши аниқланади. Қонда герпес вирусига нисбатан антитела титрини ошиши кузатилади. ЭЭГ да қуйидаги ўзгаришлар характерли: чакка бўлакларида юқори амплитудали тўлқинлар ва ассиметрик секин тўлқинли активлик пайдо бўлади. Касалликнинг 5-кунида бош миянинг компьютер томограммасида некроз ўчоқларини борлиги аниқланади. Цитомегаловирус энцефалити хомиланинг хомила ичи инфекцияси натижасида содир бўлади. Асосан 6

ойгача бўлган болалар касалланади. Касаллик энцефалит, менингоэнцефалит ва энцефаломиелит кўринишида кечади. Ташхисни тасдиқлаш мақсадида касалликни чақирувчи омилни аниқлаш учун сийдик, ликвор, сўлакни лаборатор текширишлар ўтказилади. КТ да қоринчаларни кенгайиши ва ён қоринчалар деворида кальциноз ўчоқлари аниқланади. Касаллик ўлим билан тугаши мумкин, баъзида эса ақлий ва жисмоний орқада қолиш ва эпилепсия кўринишида асорат қолиши мумкин. Зостер вируси билан чақирилувчи энцефалит яхши сифатли кечиши билан характерланади. Мия сўғони, мияча, пўстлоқ ости структураларида яллиғланиш жараёни кузатилади. Бу энцефалитни ташхислаш қийинчилик туғдирмайди, чунки бунда ганглионеврит - тери ва шиллиқ қаватларни белбоғсимон лишай кўринишида зарарланиши билан кечади. Грипп ва парагриппда нерв тизимини зарарланиши Грипп ва парагриппда неврологик бузилишлар касаллик оғир кечганда содир бўлади. Кўп ҳолларда бош мияни зарарланиши қон-томирлар эндотелиясини вирус билан зарарланишининг ҳисобига микроциркуляцияни ва қон-томирлар ўтказувчанлигини бузилиши натижасида келиб чиқади. Баъзида морфологик ўзгаришлар энцефалопатияга мос келади. Асосий касалликни 2-хафтасида энцефаломиелит ривожланиши мумкин, бу менингиал, умум мия ва ўчоқли белгиларни биргаликда учраши билан кечади. Ликвор текширилганда босими ошган, юқори плеоцитоз, оқсилни ошиши аниқланади. Оғир холларда геморрагик лейкоэнцефалит содир бўлади. Касаллик апоплектик шаклда кечади: неврологик белгилар тез пайдо бўлади ва кучаяди, кома ривожланиб, ўлимга олиб келиши мумкин. Ван-Богартанинг ўткир ости склерозирловчи панэнцефалити Оғир прогрессирловчи вирусли касаллик бўлиб, бош миянинг кулранг ва оқ моддасини зарарланиши билан кечади. Бу касаллик кескин кечувчи инфекциялар гуруҳига кирувчи энцефалитлар қаторига киради.

Асосан эркак жинсли ўсмирлар ва 5 ёшдан катта болалар касалланади. Панэнцефалит патогенезини асосида нейрон ва глиал хужайраларда вирус персистенцияси ва нерв тизимини гиперэргик аутоиммун реакцияси ётади. Касаллик секин-аста бошланиб, бир неча хафтадан 1 йилгача давом эитиши мумкин. Биринчи белгилари беморни ривожланишдан орқада қолиши, хулқ атворини бузилиши ва олий пўстлоқ фаолиятини ўзгариши (апраксия, агногия, афазия) билан боғлиқ. Кейин дезориентация, хотиранинг пасайиши, ақлий ўзгаришлар кучайиб боради. 2 ойдан сўнг деменция фонида тарқоқ ўчоқли неврологик белгилар: парез, атаксия, гиперкинезлар, тутқаноқлар, вегетатив ва қон-томир бузилишлари пайдо бўлади. Охирги босқичда децеребрацион ригидлик ривожланади ва организмнинг хаётий мухим функциялари бузилади. Оқибати яхши эмас. Лаборатор текширишлар қонда ва ликворда яллиғланиш белгиларини борлигини гаммаглобулинларни миқдорини кўпайишини, қизамиқ вирусига нисбатан антителалар титрини кўтарилишини аниқлашга имкон беради. Электроэнцефалографияда секин ўтувчи тўлқинлар фонида гоҳо вақти-вақти билан юқори вольтлик пароксизмаларни бўлиши ва пўстлоқни ҳамма бўлакларида асосий ритмнинг дезорганизацияси кузатилади. Прогрессирланувчи мультифокал лейкоэнцефалопатия Кам учрайдиган патология бўлиб, иммун етишмовчилик холатларида ривожланади. Асосан катта ёшдаги одамлар ва қариялар касалланади. Морфологик мияда демиелинизация ўчоқлари пайдо бўлади. Касаллик секин- аста бошланиб кучайиб боради ва 1 йилгача давом этади. Клиникаси: хулқни ўзгариши, эпилептик тутқаноқларнинг пайдо бўлиши кейинчалик кўришни бузилиши, гемипарез, хушни бузилиши, яққол намоён бўлувчи псевдобульбар белгилар билан характерланади. Ликвор

текширилганда ўзгаришлар аниқланмайди. КТ ва МРТ да миянинг субкортикал бўлимларида атрофик ўзгаришлар топилади. Даволаш ва профилактика. Энцефалитни ўткир даврида даволаш этиологиясига, ҳолатни оғирлигига, беморни ёшига ва индивидуал хусусиятларига боғлиқ. Энцефалитни даволашни асосий омиллари: Қўзғатувчига таъсир қилиш. Мия шишишини олдини олиш. Нафас олишни ва қон айланиши функциясини бошқариш. Симптоматик даво. Ўткир вирусли энцефалитларни даволаш учун вирусга қарши препаратлар қўлланилади (этиотроп даво). Оддий герпес вирусли ва Зостер герпетик энцефалитда ацикловир 10 гг/кг дозада кунига 3 махал 200-300 мл физиологик эритмада вена ичига секин юборилади (10-14 кун). Ацикловирни эрта қўллаш ўлимни ва касалликни оғир кечишини камайтиради. Препарат кам захарли, шунинг учун буни ўткир герпетик энцефалитга шубха бўлганда ҳам қўллаш мумкин. Цитомегаловирусли энцефалитларда вена ичига ганцикловир (5 мг/кг) ва фоскарнет (90 мг/кг) кунига 2 махал юборилади (2-3 хафта мобайнида). Вирусли энцефалитларда интерферон тавсия этилади. Бу иммуномодулятор таъсирга эга бўлиб, вирусга қарши фаолликни кучайтиради. Эндоген интерферонни ишлаб чиқишини тезлаштириш учун мушак орасига пирогенал 25 минимал пироген дозадан (МПД) бошлаб секин аста 500 МПД гача (кунора ёки 2 кунда) кўтарилади. Кана ва чивин энцефалитида касалликни биринчи кунида мушак орасига канага қарши гамма-глобулин (6 мл дан) ёки зардоб глобулини (3 мл дан) 3 кун мобайнида юборилади. Йирингли менингоэнцефалитларда антибиотиклар (пенициллин суткада) 300-500 минг Ед 1 кг вазнга ҳисоблаб буюрилади ва антисептик моддалар (метрогил - 100 мг суткада, диоксидин - 10 мл 1% эритмаси) вена ичига 7-10 кун мобайнида юборилади.

Патогенетик даво интоксикация, мия шишиши ва бўкиши билан курашиш, кислота-ишқор ва электролит балансини коррекция қилишга, организм десенсибилизацияси, мия гипоксияси билан курашишга қаратилган. Дезинтоксикация учун электролитлар (калий ва натрий хлориди) эритмаси, 5% глюкоза, қон ўринбосарлари (гемодез, реополиглюкин, полидез) қўлланилади. Препаратлар вена ичига томчилаб юборилади. Қўшимча В гуруҳ витаминлар, аскорбин кислотаси буюрилади. Мия шишишини олдини олиш мақсадида гипервентиляция қўлланилади, осмотик диуретиклар (маннитол-1 мг/кг), салуретиклар (лазикс-40-120 мг) ёки кортикостероидлар катта дозада (преднизолон 200 мг суткада) вена ичига 7 кун юборилади. Миянинг метаболизмини яхшилаш учун пирацетам (10-20 мл 20% эритма) ёки церебролизин (5-10 мл) вена ичига юборилади. Симптоматик даво касалликнинг алоҳида кўринишларини даволашга қаратилган. Демак, тутқаноқларни олдини олиш мақсадида диазепам (седуксен, реланиум) вена ичига 2 мл дан, фенобарбитал (0,1), дифенин (0,1) ёки карбамазепин (0,1) кунига 1-2 маротаба ичишга буюрилади. Эпилептик статусда ва психомотор қўзғалишда вена ичига реланиум, натрий оксибутират юборилади. Тўсатдан хароратни кўтарилиши, бош оғриғини олдини олиш учун ностериоид яллиғланишга қарши препаратлар ибупрофен, бундан ташқари анальгин, димедрол ва аспирин қўлланилади. Параинфекцион энцефалитлар ва энцефаломиелитларни даволаш учун парентерал антигистамин моддалар (супрастин, тавегил, димедрол, кальций глюконат) ёки ичишга (фенкарол) буюрилади. Оғир ҳолларда глюкокортикоидлар ва дегидратацион препаратлар тавсия этилади. Сурункали кечувчи энцефалитларда кортикостероидлар, десенсибилизацияловчи препаратлар, иммуномодуляторлар (левамизол -100- 150 мг/сут ёки иносиплекс-100 мг/кг сут.), иммуносупрессорлар (циклофосфан - парентерал 0,2 г хар куни, азатиоприн - ичишга 4 мг/кг) 1-2 ой мобайнида тавсия этилади.

Энцефалит профилактикаси. Арбовирус энцефалитларни олдини олиш учун специфик ва носпецифик тадбирлар қўлланилади. Специфик профилактика кана ва чивин энцефалитида вакцина қўллашдан иборат. Кана чаққанлиги аниқланганда мушак орасига канага қарши гаммаглобулин юборилади (3 мл). Носпецифик профилактика энцефалит қўзғатувчисини ташувчиларидан одамларни ва хоналарни химоя қилиш тадбирларидан иборат. Умумий профилактика кемирувчилар билан кураш, уй хайвонларини эмлаш, сутни қайнатиш, аҳолини шахсий ва умумий гигиенага ўргатишни ўз ичига олади. МИЕЛИТ Миелит - орқа миянинг яллиғланиши бўлиб, унинг кулранг ва оқ моддаси зарарланишини ўз ичига олади. Этиология, патогенез, патоморфологияси. Ўткир миелит касаллиги ташхиси нисбий ҳисобланиб, бунда касаллик энцефаломиелит ёки энцефаломиелорадикулоневрит кўринишида ҳам кечиши мумкин. Бирламчи ўткир кўндаланг миелит сабаби ҳозиргача ноаниқ бўлиб қолмоқда, қўзғатувчиси вирус бўлса керак деб ҳисобланади. Иккиламчи ўткир миелит қорин тифи, қизамиқ, қутириш, грипп, скарлатина, ВИЧ-инфекция, туберкулёз, Лайма касаллиги, шунингдек бириктирувчи тўқиманинг диффуз касалликларида ҳам учрайди. Ўткир миелит диссимирланган, некротик, ўткир ўчоқли миелит ва оптикомиелит кўринишида кечади. Бирламчи миелит орқа мияга нейротроп вирус ёки унинг токсини кириши натижасида клиник белгилар ривожланади. Қўзғатувчи гематоген, лимфоген, периневрал йўллар орқали субарахноидал бўшлиққа тушади. Миелит ривожланишида организмнинг иммун тизими катта аҳамиятга эга. Касаллик келиб чиқишида провокацион омиллар - совуқ қотиш, интоксикация, рухий ва жисмоний жарохатлар аҳамияти катта.

Патологик жараён асосида морфологик ўзгариш ва дегенератив бузилишлар ётади ва кўпинча орқа миянинг кўкрак қисмида жойлашади. Патолого-анатомик текширувда зарарланган ўчоқлар юмшоқ, бўшашган бўлади, бунда кулранг моддани оқ моддадан ажратиш қийин, кўпинча орқа мия кўндаланги тўлиқ зарарланади. Микроскопик текширувда патологик жараён орқа мия, юмшоқ ва қаттиқ пардаларда, эпидурал клетчатка, периферик нерв ва илдизларда топилади. Орқа мия моддасида қон-томир яллиғланиш (лимфоид- инфильтрация, стазлар, периваскулярлар қон қуюлиш) билан бирга майда геморррагик диапедезли ва ўчоқли ўзгаришлар бўлади. Бунда миелин парда ва нерв хужайралари нобуд бўлади. Некротик миелит бўлганда орқа мияни қон билан таъминловчи қон-томирлар тромбози юз бериши мумкин. Клиник кўринишлари. Продромал давр ўтгандан сўнг касаллик тана температураси 38-390С гача кўтарилиши, қалтираш билан ўткир ривожланади. Кўкрак ва орқа соҳасида оғриқлар, оёқларда парестезиялар пайдо бўлади. Оёқлардаги бўшашиш 2-3 кунгача давом этиб, сўнг фалажлик юз беради. Кўпинча орқа мия кўндаланги зарарланади ва клиник белгилар патогенетик ўчоқ локализациясига боғлиқ бўлади. Орқа мияни кўкрак қисми кўпинча зарарланади, шунинг учун миелитга пастки параплегия, сезгини ўтказувчи типда бузилиши билан зарарланган илдизлар бўйлаб белбоғсимон, тортишувчи оғриқлар, чаноқ аъзолари функциясини бузилиши, сийдик ва ахлат тутилиши кўринишида кечади. Касалликни ўткир ривожланиши даврида фалаж аввал периферик кейинчалик марказий (спастик) характерга эга бўлади. Орқа мия суюқлигида, биринчи кунларда плеоцитоз 10 дан 100 гача 1 мл ва оқсил 2-3 марта ошади. Кейинчалик оқсил миқдори янада ошиб оқсилхужайра диссоциацияси ривожланади. Кўндаланг миелитнинг ўткир даври 5-6 хафтадан 2-3 ойгача, тикланиш даври -2 йилгача давом этади. Касалликни кечиши турлича бўлади. Касаллик енгил кечганда (ўткир даври) жараён стабилизацияланиб белгилар регресси вужудга келади. Касаллик оғир кечганда юқорига кўтарилувчи

миелит (Ландрининг кўтарилувчи фалажи) ривожланади, процесс кучайиб бориб, мия сўғонини ҳам зарарлайди, бунда бульбар фалаж, нафас ва қон томир фаолияти бузилиши рўй беради. Оғир ҳолатларда миелит селтикомиелия билан асоратланади. Инфекциянинг кириш йўллари кенг майдонни эгаллаган ётоқ яра, сийдик йўллари яллиғланиши мумкин, бу чаноқ аъзолари функцияси бузилиши натижасида рўй беради (цистит, уретрит, нефрит). Ўткир демиелинизациялашган миелит тарқоқ энцефаломиелитнинг редуцирланган шакли деб ҳисобланади, миелитда процесс фақат орқа мияни ўз ичига олади. Ўткир кўндаланг миелит бу шаклидан орқа мияда турли майда яллиғланиш ўчоқлари борлиги билан фарқланади. Бу майда ўчоқлар клиник юзага чиқмайди, лекин касалликнинг қўшимча белгилари намоён бўлиши мумкин. Шунинг учун беморларда тананинг ўнг ва чап ярмида сезги ва харакат ўзгаришлари турлича намоён бўлади. Ўткир ости миелит кўпинча кекса кишиларда учрайди, айниқса сурункали ўпка-юрак етишмовчилиги бор беморларда. Некротик миелит прогрессивланувчи амиотрофик параплегия билан характерланади. Бунда касаллик авж олиб бориши давомида орқа миянинг спастик процесси секин аста периферик жараён билан алмашинади. Сезги бузилишлари кечроқ ривожланади ва у диссоциалашган характерга эга. Ликворда оқсил хужайра диссоциацияси енгил плеоцетоз билан бирга намоён бўлади. Касаллик ўткир ости кечиб, 1-2 йил давомида ўлимга олиб келади. Оптикомиелитда орқа мия билан бирга кўрув нерви ҳам зарарланади. Кўп авторлар бу синдромни тарқоқ склероз деб ҳисоблайдилар. Оптикомиелит (ёки оптикоэнцефаломиелит) клиникаси битемпорал гемианопсия, турли хил скотома, шунингдек кўриш ўткирлиги пасайиши билан (кўрликка олиб келади) кечади. Кўз тубида кўрув нерви диски оқариши кўринади. Харакат ва сезги бузилишлари орқа миянинг зарарланиш ўчоғига боғлиқ: спастик тетрапарез (С1-С4 сегментлар зарарланса), юқориги периферик парез, пастки

спастик парез (С5-Д2, Д3-Д12), пастки периферик парез (L1-S2) зарарланиши кўринишида бўлади. Ташхис ва дифференциал ташхиси. Ўткир ўчоқли миелитни кистоз арахноидит, эпидурит, орқа мия ўсмаси, тарқоқ склероз касалликлари билан қиёсий ташхис ўтказиш керак. Қиёсий ташхислашда магнит резонанс томограммаси (МРТ) катта ёрдам беради. Бу усулни қўллашнинг иложи бўлмаганда миелитни кистоз арахноидитдан орқа мия суюқлигини текшириб аниқлаш мумкин. Кистоз арахноидитда оқсил-хужайра диссоциацияси ва ксантохромия бўлади, миелитда эса оқсил ошиши билан бирга плеоцитоз ҳам кузатилади. Миелитда касалликнинг ўткир кечиши янги-янги белгилар пайдо бўлиши, кейинчалик улар регрессга учраши билан кечади. Касаллик арахноидитда регресга учрамайди, секин-аста кучайиб боради. Миелитни эпидуритдан фарқлашда МРТ ёки контрастли КТ ёрдам беради. Эпидуритда спондилографияда остеомиелит белгилари кўринади. Субокципитал миелографияда эса субарахноидал бўшлиқни тўлиқ ёки қисман блокини аниқлаш мумкин. Орқа мия суюқлиги текширилганда ликвор босими ва оқсиллар миқдори ошишини топиш мумкин. Нейтрофил плеоцитоз йирингли миелитга, лимфоцит эса вирусли ёки аллергик этиологияли миелитга хос. Орқа мия ўсмалари секин ривожланади, Броун-Секар синдроми (фалажи) кўринишида кечади. Метастазлар пайдо бўлганда инфекцион касаллик белгилари бўлмайди. Тарқоқ склерознинг орқа мия шаклига касалликни секин-аста ривожланиши хос, кўпинча орқа миянинг оқ моддаси зарарланади, сезги ўзгаришлари кам намоён бўлади, орқа мия суюқлиги ўзгармайди. Даволаш. Ўткир кўндаланг миелитнинг давоси унинг этиологиясига боғлиқ. Агар миелит маълум бўлган касаллик фонида асоратланса, даволаш асосий патологияга қаратилади. Бактериал миелитда антибиотиклар,

сульфаниламид препаратлари ва бошқа антибактериал препаратлар; вирусли миелитда даво чоралари вирусга қарши препаратлар қўлланилади. Миелитнинг этиологияси қандай бўлишидан қатъий назар десенсибилизацияловчи ва дегидратацияловчи препаратлар қўлланилиши шарт. Касалликни даволашда парвариш катта аҳамиятга эга, айниқса тери (ётоқ яраларни) ва сийдик-таносил аъзоларининг функциясини бузилишида (дезинфицирловчи суюқликлар билан сийдик қопини катетеризацияси ва ювиш). Реабилитацион даво катта аҳамиятга эга (ЛФК, массаж, физиотерапия). Тикланиш даврида антихолинэстераз препаратлар (прозерин, галантамин), В гуруҳ витаминлари, церебрализин, АТФ, пирацетам, никотин кислотаси; мушак тонуси ошганда - миорелаксантлар (мидокалм, баклофен, сирдалуд). ПОЛИОМИЕЛИТ (ГЕЙНЕ-МЕДИН КАСАЛЛИГИ) Полиомиелит - ўткир инфекцион вирусли касаллик бўлиб, орқа миянинг олдинги шох хужайралари ва мия сўғонининг ҳаракат ўзаклари кўпроқ зарарланиб, периферик фалаж ва мушак атрофияси билан кечади. Полиомиелит қадимдан маълум бўлган касаллик бўлиб, қадимги Мисрда полиомиелитга хос (эрамиздан аввалги 4 аср) мўмиёланган суяк деформациялари топилган. Гиппократ полиомиелит клиникасига ўхшаш паралитик касаллик ҳақида ёзиб қолдирган. 1840 йилда Гейне ва 1890 йилда Медин бу касалликни илмий асосладилар. Уни вируси эса 1952-54 йилларда топилган. Этиология ва патогенез Полиомиелитни қўзғатувчиси - фильтрланувчи вирус (энтеровирус гуруҳига кирувчи) бўлиб, кўпгина химиявий моддаларга чидамли, аммо қиздирилганда тез нобуд бўлади. Полиомиелитда касаллик манбаи инсон

(касал ёки вирус ташувчи) ҳисобланади. Касаллик фекал-орал йўл билан юқади. Касаллик кўпинча ёз ва куз ойларида кўп учрайди. Касалликка 5 ёшгача бўлган болалар чалинади (кўпинча 2-3 ёш), катта ёшли болалар ва катталар касалликка ҳам чалинадилар, улар фақат эпидемия вақтида касалланишлари мумкин. Полиовируснинг кириш жойи ошқозон ичак тракти бўйлаб, ичак эпителияси хужайраларида кўпаяди (интестинал босқич) ва қонга сўрилади (вирусемия босқичи). Бунда кўпгина аъзо ва тўқималарда (лимфа тугунлари, талоқ, жигар, ўпка, буйрак) диссиминацияланади ва инфекция гематоген йўл ёки нерв толаларининг ўқ цилиндри орқали нерв тизимига киради. Вирус мия моддасининг харакат нейронларини зарарлайди. 1-2-сутка давомида вирус титри ошади, кейин тез пасаяди. Вируснинг максимал концентрацияси касалликни авж олган даврларига тўғри келади (айниқса фалаж босқичига). Ҳаракат нейронларининг нобуд бўлиши мушаклар денервациясига, трофикасининг бузилиши, ихтиёрий харакатларни йўқолишига олиб келади. Узоқ вақт ҳаркатсизлик, мушакларни қон билан таъминланишини пасайиши, қўл оёқларни нотўғри ҳолатига, мушак, суяк тўқималарининг атрофиясига олиб келади. Клиника. Полиомиелитнинг инкубацион даври ўртача 1-2 ҳафта давом этади. Касаллик ривожланиш босқичига кўра нерв тизимининг зарарланиши 2 шаклда кечади: 1. Паралитик бўлмаган (менингеал) полиомиелит - сероз менингит кўринишида кечади (кўп учрайдиган шакли). Бемор бу шаклда тўлиқ тузалади, доимий иммунитет қолади. Абортив формацияси - грипп каби кечади, фалажлик кузатилмайди. 2. Касалликни паралитик турини кечишида 5 босқич кузатилади: 1 -умумий инфекцион белгилар билан бошланади: ҳароратни кўтарилиши, бўшашиш, бош оғриғи,

уйқу бузилиши, терлаш, ошқозон ичак фаолияти бузилиши, анорексия, қусиш. Қон ва ликворда яллиғланишга хос бўлган ўзгаришлар бўлади. 2 босқич - препаралитик давр 1- 6 кун давом этади, клиник белгилар менингорадикулит кўринишида, фасцикуляр тортилишлар билан кечади. 3 босқич - паралитик давр оёқларда кучли оғриқ, мушакларнинг босим, ҳатто сал қўл билан тегиши ҳам сезгирликни ошиши билан намоён бўлади. Периферик парез ва фалажлар оёқларнинг проксимал қисмида бўлиб, белгилар ассиметрияси хос, диафрагма, қўл қовурғалараро мушаклар фалажи ҳам бўлиши мумкин. Ҳаракат бузилишларининг максимал даражаси 1-сутка охирига тўғри келади, катталарда тетрапарез ва тетраплегия ривожланиши мумкин. Аввалига рефлекслар ошади, сўнг тез арефлексия ривожланади. Агар жараён мия сўғонида жойлашса, фонация, нутқ, ютиш бузилишлари яққол намоён бўлади. Юқори нафас йўллари шиллиқ қаватларидан шиллиқ ажралиши кучайиши натижасида ютиш фаолиятини бузилиши келиб чиқади. Узунчоқ мияда жойлашган нафас ва қон томирлар марказлари зарарланиб, ҳаёт учун зарур функциялар бузилиб, ўлимга олиб келади. Нафас олиш фаолияти бузилиши билан бемор ИВЛ га ўтказилади. Полиомиелитнинг понтин формасида юз нерви ўзаги зарарланиб, мимика мушаклар фалажи вужудга келади. Кўзни харакатлантирувчи ва чайнов мушаклари полиомиелитда кам зарарланади. Паралитик даври 2 хафтагача давом этади. Бирламчи фалаж белгилари бошлангандан бир неча кундан сўнг унинг орқага қайтиши бошланиб, харакат функцияси секин-аста яхшиланиб боради. 4 босқич - бу тикланиш даври бошланаётганидан

далолат беради, бу давр секин ва нотекис кечади. Функцияси оғир даражада зарарланган мушаклар тикланмайди. Бироз зарарланган мушаклар кучга киради, трофикаси яхшиланади. Мозаик зарарланиш контрактура пайдо бўлишига олиб келади. 5 босқич - резидуал давр доимий периферик фалаж, атрофиялар, мушак ва бўғим контрактуралари, суякларнинг иккиламчи деформацияси, вегето-трофик бузилишлар билан характерланади. Полиомиелит ташхиси қон, ликвор нажас ва бурун-ютқун суртмасидан олинган вирусологик ва серологик текширишларга асосланади. 71- расм. Полиомиелитнинг орқа мия шакли. Даволаш ва профилактика. Ўткир полиомиелит касаллигига шубха қилинганда, касаллик белгилари бошланганда бемор инфекцион касалхонага госпитализация қилинади, жиддий ётоқ режими таъминланади. Оғриқда анальгетик ва

десенсибилизацияловчи моддалар қилинади. Авваллари гамма-глобулин, рибонуклеаза м/о қилинар эди. Паралитик даврида зарарланган мушаклар чўзилиши ва антогонист мушаклар контрактурасидан асраш керак. Бемор қаттиқ кароватга ётқизилади. Фалажланган оёққа мушакларни бўшашиш ҳолатига келтириш керак. Фалажланган оёққа инъекция қилинмайди. Бульбар бузилишларда оғиз бўшлиғи шиллиғини сўрдириш, зонд орқали овқатлантириш, трахеостомия, ИВЛ амалга оширилади. Паралитик даврида температура пасайгандан сўнг (7-12 кундан сўнг) физиотерапия (УВЧ-терапия, индуктотермия, соллюкс, диатермия) буюрилади. Сувсизланишда вена ичига суюқлик, электролитлар, витаминлар юборилади. Тикланиш даврида (3-4 хафтада) антихолинэстераз моддалар, кам дозада дибазол, прозерин В гуруҳ витаминлари, нейромедин, гопантамин шунингдек, электростимуляция, уқалаш, ИРТ, ЛФК, гальванизация, кальций хлор, прозеринли электрофорез буюрилади. Резидуал даврда ҳам ЛФК, уқалаш, лойли аппликация, АТФ, никотин кислота, церебролизин, аевит, биостимуляторлар, кальций препаратлари қўлланилади. Полиомиелит профилактикасининг асосий принциплари қуйидагилар: Беморни стационар шароитда изоляция қилиш (6 хафтадан кам эмас). Контактда бўлган болалар 3 хафтага изоляция қилинади. Замонавий профилактик иммунизациялаш. Айниқса поливалент тирик вакцинани драже ёки томчи сифатида реr os бериш эффектлидир. Вакцина 3 штаммли вирус бўлиб, касаллик чақирилмайдиган даражада кучсизлантирилган, иммуногенлик хусусиятига эга. Вакцинация инсон ҳаётининг биринчи йилида 3 маротаба (ҳар 1,5 ойда ) эмлаш ўтказилади. Бола 1-2 (2-3) ёшлигигача 2 марта эмлаш, 1,5 ой оралиқ билан ревакцинация қилинади. 7-8 синф (15-16) ёшда қўшимча 1 марта эмлаш кўзда тутилади. Ҳозирги даврда бу касаллик кўп Европа мамлакатларида бутунлай учрамайди. Фақат ҳар 1-1,5 млн болада

вакцинассоциал шакли учраши мумкин. Ўзбекистонда ҳам бу касалликни поливирус чақирувчи шакли охирги 10 йил ичида учрамади. НЕЙРООИТС. ВИЧ инфекциясининг таснифи (В.И.Покровский, 1988) Инкубация даври Бирламчи белгилар даври: Иситмали ўткир даври; Симптомсиз фаза; Ривожланган персистирли лимфаденопатия. Иккиламчи даври: Ўпка шакли; Церебрал шакли; Ошқозон-ичак шакли; Онкоген шакли; Перинатал даври: Марказий нерв тизимининг ўзига хос зарарланиши; Бирламчи ВИЧ га алоқадор неврологик синдромлар: ўткир инфекция (С.В.Britton, 1992) Ўткир асептик менингит Ўткир энцефалопатия Лейкоэнцефалит Генерализациялашган ёки фокал хуружлар Кўндаланг миелит Краниал ва периферик невропатиялар Белла фалажи Гийен-Барре туридаги ўткир яллиғланувчи демиелинизацияли полиневропатия Полиомиелит Миоглобинурия ОИТС - орттирилган иммун танқислик синдроми - одам иммун танқислиги вируси (ОИВ) томонидан чақириладиган инфекция ривожланишининг охирги босқичи ҳисобланади. ОИТС қўзғатувчиси 1983 йилда деярли бир вақтнинг ўзида Роберт Гало ва Люк Монтенье томонидан ажратиб олинган. Ҳозирги вақтда инфекция пандемия характерини олмоқда, чунки ОИТС билан касалланиш бутун дунё мамлакатларида геометрик прогрессия бўйича ўсиб бормоқда. Авваллари

ОИТСнинг биринчи ҳолатлари АҚШда 80-йиллар бошида, шу касаллик билан биринчи бемор аниқланган вақтда кайд этилган деб қараларди. Лекин охирги маълумотларнинг кўрсатиши бўйича одам ОИВ ва ОИВ га ўхшаш инфекция билан анча аввал тўқнашган. Шундай қилиб, 1968 йилда АҚШнинг Сент-Луис шаҳар госпиталига 15 ёшли қора танли йигитча чов лимфа тугунларининг сурункали шишишига шикоят қилиб келган. Бемор фаол жинсий ҳаёт олиб боришини тан олди, унда экстраокуляр хламидия инфекцияси топилди. Бемор антибиотикотерапия курсини ўтганига қарамай, 1969 йилда вафот этди. Ўша вақтда врачлар ташхис қўйишга қийналишганлиги сабабли, келажакда бемор ўлимининг сабабини топиш учун қон, мия ва бошқа аъзолари тўқималарини музлатиб қўйишга қарор қилинди. 1986 йилдаги текширишлар ОИТС ташҳисини тасдиқладилар, хусусан, ўлган бемор қони ОИВ нинг ҳозирги кунда маълум ҳамма маркерлари билан реакцияга киришган. Охирги маълумотларга кўра, бу қўрқинчли ва хатарли касаллик билан фираонлар вақтида ҳам касалланганлар. Ваҳоланки, Миср пирамидаларида текширишлар олиб борган экспедициянинг ҳамма аъзолари «тушунарсиз ва қўрқинчли» касалликдан вафот этган. ОИТС пандемиясининг ёйилиб бориши шу билан ҳавфлики, бу касалликнинг олдини олишнинг ва даволашнинг самарадор воситалари йўқ бўлиб, 100% холларда ўлим билан тугайди. Инфекция манбаи бўлиб нафақат клиник кўриниши яққол намоён бўлган беморлар, балки, сони беморларга нисбатан 10 баравар кўпроқ бўлган соғлом ташувчилар бўлиши аҳволни янада оғирлаштиради. ОИТСнинг клиник кўриниши кўп аъзо ва тизимларнинг патологияси билан характерланади. Асаб тизимининг зарарланиши 80-90% ОИВ юққан беморларда кузатилади. ОИТСнинг неврологик кўринишлари кўп учраганлиги, ҳамда уни эрта ва дифференциал ташхис килиш қийинчилик туғдирганлги учун нейроОИТС муаммоси актуал ва глобал ҳисобланади. Этиологияси ва патогенези.

ОИТС чақирувчи вирус ноонкоген ретровируслар гуруҳига таалуқли бўлиб, улар учун РНК асосида ДНК синтезловчи ревертаза (тескари транскриптаза) ферментининг борлиги характерли. Ревертаза информацияни тескари (retro-орқага) ўқилишини таъминлайди. Ўзининг биологик ва генетик хусусиятларига кўра ОИВ қўйларда нерв тизимининг сурункали демиелинизацияловчи касаллигини (кўп томонлари билан одамлардаги тарқоқ склерозга ўхшаб кетади) чақирувчи Висна вирусига ўхшаш. Бу гуруҳ вирусларнинг ўхшаш томонлари қуйидагилардан иборат: улар иммунитетни бузади, организмда персистенция ҳолида сақланиб қолади, инкубацион даври узун, маълум бир гуруҳ ҳужайралар (макрофаглар, лимфоцитлар, мия тўқималари ҳужайралари) га нисбатан троплик хусусиятига эга. Ҳозирги вақтда ОИВ нафақат иммун, балки нерв тизимига хам юқори троплик хусусиятига эга эканлиги аниқланган. НейроОИТСнинг патогенези миянинг тўсиқ функцияси билан боғлиқ. Маълумки, носпецифик гематоэнцефалик тўсиқ билан бир қаторда миянинг иммун тўсиққа ҳам эга бўлиб, унинг вазифаси организмнинг умумий иммун тизимига жуда ўхшаш. Миянинг иммун тўсиғи умумий иммун тизимига нисбатан алоҳидалашган, шу билан бир вақтнинг ўзида у билан чамбарчас боғлиқ. ОИТС вируси (ОИВ) нафақат умумий иммун тизим ҳужайраларини (Т-хелпер ва макрофаг), балки мияда бир вақтда иммун функцияни бажарувчи нейроглия ҳужайраларини ҳам зарарлайди. Шунинг учун нейроОИТСни мия иммун тизимининг орттирилган инфекцион касаллиги деб қараш мумкин. Ҳамма нейровирусли инфекция учун зарур шароитлардан бири вирус заррачасини хужайра мембранаси рецепторлари билан боғлана олишидир. ОИВ учун бундай рецептор ролини антиген СД4 деб аталувчи оқсил ижро этади. СД4 ОИВ мембранасининг ташқи юзасида жойлашган оқсил билан боғланади. СД4 антигени, асосан, иммун системани бошқарувчи Т-хелпер

ҳужайраларда учрайди. Киритма СД4 антиген 40% моноцитларда ва 5% лимфоцитларда топилган. Шундай қилиб, одам организмида ОИВ билан зарарланишга мойил, яъни мембранасида СД4 антиген бўлган қуйидаги ҳужайралар учрайди: миянинг глиал ҳужайралари ва макрофаглари, ўпка альвеолалари макрофаглари, ичак, қон, уруғ суюқлиги, қин ажралмасидаги хромофил ҳужайралар, лимфоцитлар, теридаги Лангерганс ҳужайралари. ОИВ билан зарарланишга нейроглиал ҳужайралар (астроцит, олигодендроцит ва микроглиялар) ҳам мойил, чунки улар таркибида РНК ни кодловчи оқсил бор ва демак, улар СД4 ни синтезлашга қодир. ОИВ билан зарарланиш учун глиал ҳужайра мембранасининг қобиғида жуда кам микдорда СД4 рецепторларининг мавжудлиги кифоя. Нейроглиал хужайра мембранасининг СД4 рецепторларига бириккан ОИВ мембраналарнинг бирлашиш йўли ёки пиноцитоз йўли билан мия ҳужайраси ичига кириб олади. Кейин ОИВ ўз қобиғидан халос булади ва унинг РНКси (тескари трансфераза ферменти таъсирида) икки занжирли ДНК синтези учун матрица бўлиб хизмат килади. Бу ДНК ҳужайра ўзакси ичига тушади. Шундай килиб, вирусспецифик ДНК хўжайин ҳужайралари хромосомасига киритилади. Ҳужайра геноми билан бирлашгандан сўнг ОИВ кейинги ҳужайра авлодларига нейроглиал хужайралар хар бўлинганида ўтади. Нейроглиал ҳужайралар нейронлардан фарқли ўлароқ юқори митотик активликка эга. Аниқланишича, ОИВ фақат нейроглиал ҳужайраларни зарарлайди. Шу билан бир вақтда мия нейронлари (мембранасида СД4 антигени йўқ) зарарланмасдан қолаверади. ОИВ билан зарарлангандан сўнг баъзи ҳужайралар, айниқса, нейроглиал ҳужайралар вирусни латент холда сақлаб туришлари мумкин. Бу ҳолда қонда ҳаттоки, ОИВ оқсилларини хам топиш амри маҳол бўлади. Қандай қилиб ОИВ мияга ва ликворга тушади?, деган савол туғилади. Аниқланишича, СД4 антигени эндотелиал ҳужайраларда ҳам жойлашган, шунинг учун улар ОИВга нишон бўлади. Капиллярларнинг зарарланган

эндотелиал ҳужайралари гематоэнцефалик тўсиқ (ГЭТ) ва мия иммун тўсиғининг бузилишига олиб келади ва ОИВ тўсиқсиз мия моддасига тушади. Тахминлар бўйича, ОИВ аввалига периферик қоннинг макрофагларига кириб олади, улар эса зарарланган ГЭТдан осонгина ўтиб, ОИВни миянинг нейроглиал ҳужайраларига ўтишига сабаб бўлади. ОИВ вируси билан зарарланиш 2 йўл билан амалга ошади: парентерал ва жинсий алоқа. Клиник кўринишлари. НейроОИТС - нерв тизимининг патологияси бўлиб, ОИВ юқишидан келиб чиқади. Ҳозирги кунда нерв тизимининг зарарланиши билан кечувчи ОИВ-инфекциянинг 3та асосий тури тафовут килинади. 1. Мия иммун тўсиғининг алоҳида зарарланиши билан кечувчи, турли неврологик синдромлар билан намоён бўлувчи бирламчи нейроОИТС. Бунда қонда иммун танқислик бўлмайди ва қонда Т-хелпер/Т-супрессорлар нисбати ўзгармайди. 2. Иккиламчи нейроОИТС периферик қонда ва ликворда иммун танқислик ҳолати фонида «опортунистик» инфекциялар ривожланиши натижасида юзага келади. Бунда Т-хелпер/Тсупрессорлар нисбати кескин ўзгарган бўлади. 3. НейроОИТС клиник кўринишларисиз ОИТС, аммо бунда нейроглиал ҳужайралар ва ликворда ОИВ латент ҳолда ва юқори титрларда мавжуд бўлади. Бирламчи НейроОИТС. Бирламчи НейроОИТСда бевосита нерв тўқимасининг нейроглиал ҳужайралари зарарланади. Бу шаклнинг муҳим хусусияти шундан иборатки, миянинг зарарланиш белгилари касалликнинг эрта босқичларида қонда иммунтанқислик ривожланмасидан ва «оппортунистик» инфекциялар ривожланмасидан аввал юзага чиқади. Кўп кузатиладиган неврологик ўзгаришлар (периферик қонда иммун танкислик бўлмаган ҳолда) мия автоном иммун тизимининг ОИВ билан бирламчи зарарланишига боғлиқ.

Буни мия аутопсияси маълумотлари тасдиқлайдики, унда фақатгина иммун вазифани бажарувчи ликворнинг лимфоид ҳужайралари ва нолимфоид нейроглиал ҳужайраларнинг зарарланиши аниқланади. ОИТСда асаб тизимининг бирламчи зарарланиши диффуз (тарқоқ) ва ўчоқли неврологик белгилар билан намоён булади. Диффуз неврологик симптомлар нейроОИТСнинг қуйидаги шаклларида учрайди:1)энцефалитлар; 2)энцефалопатиялар; 3)менингоэнцефалитлар; 4) миелитлар. ОИТСдаги диффуз энцефалит ва энцефалопатиянинг эрта неврологик белгиси деменция ҳисобланиб, у ОИВ билан бевосита бош мияни зарарланиши туфайли юзага келади. Деменциянинг сабаби бўлиб бош миянинг тарқоқ зўрайиб борувчи йирик ҳужайрали энцефалити ва зўрайиб борувчи тарқоқ кўп ўчоқли лейкоэнцефалопатияси (ОИТСнинг нафақат эрта, балки ягона клиник кўриниши булиши мумкин) ҳисобланади. Тарқоқ энцефалитнинг энг ёрқин морфологик белгиси - кўп ўзакли гигант ҳужайраларнинг мавжудлиги. Худди шу ҳужайраларда иммункимёвий ва электрон-микроскопик усулда ОИВ аниқланган. Бошқа юқумли касалликлар қўзғатувчиларининг топилмаганлиги (биринчи навбатда токсоплазмоз), кўп ўзакли гигант ҳужайралар бош мияда ОИВ мавжудлигининг маркери бўлиб ҳисобланиши мумкин. Кўп ўчоқли гигант ҳужайрали энцефалит учун мияда шунингдек, микроглиал тугунчалар, периваскуляр инфильтратлар (кўпинча микроглиядан иборат), лимфоцитлар, моноцитлар ва макрофаглар бўлиши хос. Бу ўзгаришлар аксари холларда мия ярим шарларининг оқ моддасида (қадоқсимон танада хам), пўстлоқ ости ўзакларида, мия сўғонида жойлашади. Яллиғланиш ўчоғи учун демиелинизация жараёни хос бўлиб, нейрон ва аксонлар нисбатан сақланган ҳолда қолади. Зўрайиб борувчи тарқоқ лейкоэнцефалопатия учун миелин қобиқни диффуз йўқотилиши, астроглиялар пролиферацияси хамда бир ва кўп ўзакли макрофаглар инфильтрацияси хос.

ОИТС касаллигидан вафот этган одамлар клиникопатоморфологик текширилганда, деменцияси бор бўлган беморларда ўткир ости энцефалит учун характерли ўзгаришлар пешона ва чакка бўлакларида, гиппокампда, бодомсимон танада ва мия катта ярим шарлари оқ моддасининг марказий қисмларида жойлашган бўлади. Шундай қилиб, ОИТСда зўрайиб борувчи деменциянинг морфологик субстрати бўлиб, бош мия ярим шарлари оқ моддасининг яллиғланиш ва демиелинизацияланиши хисобланади. ОИТС-деменцияли беморларда ўтказилган КТ да бош мия пўстлоғи атрофияси ва мия қоринчаларининг кенгайганлиги топилган. МРТ маълумотларига кўра бош мия пўстлоғининг диффуз атрофияси аниқланади. ЭЭГдаги ўзгаришлар деменциянинг эрта босқичида бўлмаслиги мумкин, кеч босқичида эса альфа- ва тетаактивликнинг пасайиши кўринишида тарқоқ ўзгаришлар кузатилади. ОИТС-деменциянинг клиник кўринишлари75% беморларда кузатилади. Бироқ, ОИТС билан боғлиқ ҳолда интеллектнинг енгил пасайишини ҳисобга олинса, бу кўрсаткичлар бир қанча юқори бўлиши мумкин. ОИТС-деменция учун ҳулк-атворнинг ўзгариши билан бирга ҳаракат бузилишлари хос. Касалликнинг бошлангич боскичларида беморлар уйқучанлик, диққат-эътиборни жамлай олмаслик, хотира пасайишига шикоят қиладилар. Пай рефлекслари ва мушак тонусининг ортиши, орал автоматизм ва ушлаб олиш рефлексларининг юзага келиши, диадохкинезга синамаларда тез ҳаракатларнинг секинлашуви каби бош миянинг диффуз зарарланиш белгилари кузатилади. Кейинчалик ўз ҳолатига бефарқлик ривожланиб, у реактив депрессия кўринишида кечиши мумкин. Касаллик авж олган сари психик ўзгаришлар секинроқ ривожлана боради, уларга ҳаракат бузилишлари, мушакларда кучсизлик, атаксия, тремор қўшилади, тутқаноқ хуружлари кузатилиши мумкин.

Яққол деменция босқичида беморлар ўрта ҳисобда 3 ойгача умр кўришлари мумкин. Тарқоқ неврологик симптоматика ўткир менингоэнцефалит ва сурункали атипик асептик менингитларда кузатилади. Ўткир менингоэнцефалит - бу ОИТСда марказий нерв тизимининг энг кам учрайдиган, ўткир зарарланиш тури бўлиб ҳисобланади. ОИВ- менингоэнцефалит қондаги серологик ўзгаришлар билан бир вақтда, ва ҳаттоки улардан бир оз олдинроқ ривожланади. Касалликнинг бошланишида онгни ўтиб кетувчи бузилишлари, эпилептик тутқаноқлар каби психик ўзгаришлар кузатилади. Ликворда носпецифик яллиғланиш белгилари аниқланади. Неврологик симптомлар бир неча ҳафта мобайнида йўқолиши мумкин. Кейинчалик, ўткир менингоэнцефалит ўтказган беморларда сурункали энцефалопатия ривожланиш эҳтимоли бор. ОИТС билан касалланган беморларда атипик асептик менингит ривожланиши мумкин бўлиб, у ҳам ОИТСнинг клиник кўриниши (бош огриги, менингеал белгилар) яққол намоён бўлгунга қадар юзага келиши мумкин. Ликворда юқори бўлмаган, лекин турғун лимфоцитар плеоцитоз аниқланади, баъзи ҳолларда ОИТС вирусини топиш мумкин. Неврологик белгилар одатда, даволашсиз 1-4 ҳафта ичида ўтиб кетади. Ўчоқли неврологик симптомлар НейроОИТС нинг қуйидаги шаклларида ривожланади: 1. Ўчоқли микроглиал энцефалитда; 2. Геморрагик ва ишемик инсультларда. НейроОИТСда ишемик ёки геморрагик инсультнинг юзага келиши ангиит ёки тромбоцитопения юзага келиши билан боғлиқ томирларнинг зарарланишларида кузатилади. Ўчоқли белгиларнинг ривожланиши зарарланган томир ҳавзасига боғлиқ бўлади. ОИТСда мияда қон айланишининг ўткир бузилишларининг клиник кўриниши специфик эмас. ОИВ билан зарарланган 45 ёшдан кичик бўлган беморларда инсульт частотаси умумий популяция ичида шу ёшдаги одамларга нисбатан 40 марта

юқори. Буни ёш шахсларда сабаби аниқланмаган инсульт кузатилганда эсда тутиш керак, чунки инсульт нейроОИТСнинг биринчи белгиларидан бири бўлиши мумкин. Мия инфаркти периваскуляр яллигланишлар натижасида, ҳамда томир ичи диссеминирланган қон ивиши натижасида юзага келиши мумкин. Мияда қон айланишининг бузилиши иммун комплексларни мия томирлари деворига чўкиши натижасида уларнинг стенози хисобига юзага келади. НейроОИТСда бош мия патологияси билан бир қаторда орқа мия ва периферик нерв тизими патологияси ҳам учрайди. Орқа миянинг зарарланиши алоҳида ёки бош миянинг патологияси билан бирга учраши мумкин (сурункали энцефаломиелопатия). НейроОИТСнинг бундай шакли 20% ҳолларда учрайди. Орқа миянинг яллиғланиши спастик характерга эга пастки парапарез ва сенсор атаксия, баъзида чаноқ аъзолари функциясининг бузилиши билан намоён бўлиши мумкин. Патологик жараён, асосан, кўкрак сегментлари соҳасида жойлашган бўлади. Вакуол миелопатиянинг кечиши зўрайиб борувчи характерга эга бўлиб, неврологик кўринишлари юришнинг енгил бузилишларидан тортиб, то параплегия ва чаноқ аъзолари функциясининг бузилиши билан характерланади. Электронейромиография (ЭНМГ) да орқа мия бўйлаб ўтказувчанликнинг бузилганлиги кўринади. Морфологик текширувларда орқа мия оқ моддасининг, айниқса, орқа ва ён устунлар соҳасининг, вакуолизацияси аниқланади. Ёруғлик ва электрон микроскопларда қаралганда вакуоллар - бу миелин кобиғи билан ўралган бўшлиқ эканлиги кўринади. Периферик нерв тизимининг зарарланиши сурункали демиелинизацияловчи полиневропатиялар, сенсомотор нейропатия, кўплаб мононейропатиялар кўринишида кечиши мумкин. Периферик нейропатиялар касалликнинг турли босқичларида ривожланиб, 88% ҳолларда учрайди.

ОИВ-инфекция билан боғлиқ энг кўп учрайдиган шакли сенсор полинейропатиядир. Беморлар оёқларида огриқлар, увишиб қолиш ва чумоли ўрмалаш ҳисси, электр токи ўтгандек ҳисларга шикоят қиладилар. Объектив текширувда тизза рефлексларининг пасайиши ва сезги бузилишлари кузатилади. ЭНМГ ўтказилганда аксонал ўтказувчанлик, айниқса, сезги толаларида бузилганлигини кўриш мумкин. Бу эса периферик нерв тизими зарарланишининг сенсор шакли деб қарашга асос туғдирди. ОИВ- нфекциянинг эрта босқичларида сенсомотор нейропатия хам юзага келиши мумкин. Ҳаракат ва сезги бузилишлари ОИТС билан касалланган беморларнинг биринчи неврологик белгилари бўлиши мукмин. ОИТСда оқ модда ва периферик нервларнинг зарарланиши нерв тўқимасида аутоантитаначалар пайдо бўлиши ва демиелинизация ривожланиши билан боғлиқ. Орқа мия суюқлигида оқсил миқдорининг ортиши ва плеоцитоз аниқланади. Нерв биопсияси ўтказилганда, унинг мононуклеармакрофагал инфильтрацияси ва демиелинизацияси аниқланган. Демиелинизация патогенезида периферик нервларга қарши айланиб юрувчи антитаначалар муҳим аҳамиятга эга. ОИВ-инфекцияда миопатия ҳам учраши мумкин, унга қўлоёқларнинг проксимал қисми мушакларида оғриқ ва кучсизлик хос. Қон плазмасида креатинфосфокиназа миқдори ошган. Мушаклар биопсиясида мушак толаларининг некрози ва яллигланиш инфильтратлари топилади. Иккиламчи нейроОИТС. Нерв тизимининг иккиламчи зарарланиши сабаби бўлиб, организм умумий иммун тизими функцияси, хамда мия автоном иммун тўсиғини сусайиши натижасида соғлом одамларда латент холатда бўлган инфекциялар активланиши хизмат қилади. ОИТСда ривожланиб борувчи иммунодепрессия шароитида вирусли, бактериал, замбуругли ва протозой инфекцияларнинг активланиши ўрин тутади. Буларнинг хаммаси этиологик диагностикани мураккаблаштиради ва бирламчи нейроОИТСни иккиламчи нейроОИТСдан ажратиб олишда қийинчилик туғдиради. Асаб тизимини

оддий герпес, herpes zoster, ЦМВ ва бошқаларнинг фаоллашуви натижасида зарарланиши менингит, менингоэнцефалит, радикулит, полирадикулоневрит, бош мия нервларининг неврити билан намоён бўлади. Кўпроқ цитомегаловирус учраб, ОИТСда нерв тизими зарарланишининг 25% ини ташкил этиб, ретинит билан бирга кечувчи ўткир ости энцефалит ривожланишига сабаб бўлади. Оғир холларда бу кўзи ожизликка олиб келади. Бош мия биопсиясида ўткир ости энцефалитига ўхшаш характерли морфологик ўзгаришлар (цитомегал ҳужайраларнинг микроглиал тугунчалари ўзак ичи киритмалари билан) аниқланиши ташҳис қўйишни осонлаштиради. ЦМВ-энцефалитнинг клиник белгилари ОИВ- энцефалитнинг клиник кўринишларига ўхшаб кетади. КТда қоринчаларнинг кенгайиши, пўстлоқ атрофияси, бош мия катта ярим шарлари оқ моддасида зичлиги паст бўлган ўчоқлар аниқланади. ЦМВ зўрайиб борувчи полирадикулоневропатиянинг сабаби бўлиши мумкин ва патологик жараёнга бел ва думғаза илдизчалари қўшилади. Клиник жиҳатдан бу думғаза соҳасида парестезиялар билан намоён бўлади. Бу илдизчалар морфологик текширилганда уларда яллигланиш инфильтратлари, ўчоқли васкулит ва миелин қобиқнинг некрози аниқланган. Оддий герпес ва herpes zoster вируслари энцефалит ёки радикулит чақириши мумкин. Бундай вируслар чақирган радикулитларда оғриқ ва парестезиялар герпетик тошмалардан бир неча кун олдин пайдо булади. Тошмалар жойлашуви тана, юз ва қўл-оёқларда маълум дерматомларга тўғри келади. Миелорадикулитлар ва постгерпетик невралгиялар ривожланиши ҳам мумкин. ОИТС билан касалланган беморларда нерв тизимининг бактериал инфекцияси кам учрайди. Клиник жиҳатдан бу менингит ёки мия абсцесси кўринишида бўлиши мумкин. Ташхис кўйишда серологик текширувлар ва ликворда бактериал флорани экиб ўстиришга асосланади. Нерв тизимининг замбуруғли зарарланиши менингит ва менингоэнцефалит кўринишида бўлиб, ОИТС билан касалланганларнинг

10% ида учрайди. Замбуруғли менингитлар ва менингоэнцефалитлар бош огриги, менингеал симптомлар ва ликвордаги ўзгаришлар билан характерланади. Махсус озуқа муҳитларга ликворни экиш замбуруғ инфекциясини ажратиб олишга имкон яратади. Микроскоп орқали текширилганда замбуруғлар миянинг юмшоқ пардалари, пўстлоқ ости тугунларида топилади, мия пўстлоғида характерли микроглиал тугунчаларни топиш мумкин. ОИТС неврологик асоратлари таркибида алоҳида ўринни протозой инфекциялари ичида энг кўп учрайдигани - токсоплазмоз эгаллайди. Ривожланиб борувчи иммунодепрессия фонида нормал шароитда бош мияда капсулага ўралган ҳолидаги токсоплазманинг эндоген фаоллашуви кузатилади. Церебрал токсоплазмоз менингит, менингоэнцефалит ва миянинг ҳажмли жараён билан зарарланиши кўриниши мумкин. Церебрал токсоплазмознинг неврологик жиҳатдан турли ҳаракат, сезги ва кўрув майдонининг бузилишлари, нутқ ўзгаришлари, тутқаноқ хуружлари ва руҳий ўзгаришлар билан характерланади. Церебрал токсоплазмозга ташҳис қўйишда КТ алоҳида ўрин тутади, бунда миянинг турли бўлимларида (пўстлоқ ва пўстлоқ ости тугунлари) кўп зарарланиш ўчоқларини кўриш мумкин. Бу ўчоқлар перифокал шиш билан ўралган бўлиб, атрофдаги тўқималар сурилиши, ички гидроцефалия белгилари билан намоён бўлиши мумкин. Орқа мия суюқлигида плеоцитоз ва оқсил миқдорининг ортиши аниқланади. Бемор тириклигида якуний ташҳис КТ назорати остида ўтказилган стереотаксик биопсия ва тегишли гистологик ҳамда иммуногистохимик текширувлар ёрдамида қўйилади. Ташҳис қўйиш. Ҳозирги вақтда ОИВ-инфекцияга ташҳис қўйиш қуйидаги усуллар билан амалга оширилади: 1) қонда специфик антигенларни аниқлаш; 2) қонда специфик иммуноглобулинларни аниқлаш (иммунофермент ва радиоиммун анализ ёрдамида ўтказилади); 3)

ретровирусларда юқори специфик бўлган вирус ферменти- ревертазани (ёки тескари транскриптазани) аниқлаш(нормада одамлар ва хайвонларда бу фермент аниқланмайди); 4) вирус РНКси (геноми) ёки ДНК-нусхани аниқлаш (ген гибридизацияси усули билан аниқланади). Бундан ташқари иммун танқислик ҳақида далолат берувчи носпецифик усуллар ҳам мавжуд. Бирламчи нейроОИТСда, айниқса, касалликнинг эрта босқичларида, қонда ўзгаришлар топилмаса ҳам, ликворда иммунологик ўзгаришлар аниқланади. НейроОИТС билан касалланган беморлар ликворида лимфоцитар плеоцитоз (1мкл да 190 гача) ва Т- хелперлар (Т4) миқдори кескин пасайиши кузатилади. Эндотелиал ҳужайраларнинг вирус билан зарарланиши миянинг ГЭТ ва иммун тўсиғи функциясининг бузилишига олиб келади. Шу аниқланганки, ликворда ОИВ кўп ҳолларда юқори титрларда мавжуд бўлади - 1 мл да 100 дан ортиқ зарарланган танача. Шу билан бир вақтда ОИВ-мусбат ликворли бўлган баъзи беморлар қонида инфицирланган қон таначалари топилмади. Шунинг учун нейроОИТСга ташҳис қўйишда ликвор ҳужайраларида иммунологик текширувлар ўтказиш зарур. Иккинчи тарафдан, қон зардобида вируснинг бўлиши ликворда ҳам топилиши шарт дегани эмас. Ҳозирги вактда нейроОИТСга ташҳис қўйишда ва унинг даволанишини назорат қилишда КТ, МРТ, ПЭТ, ЭНМГ, ЭЭГ каби усуллар ишлатилади. Даволаш. Ҳозирги вақтда ОИТСни самарадор даволаш усулларини қидириш фаол амалга оширилмоқда. Маълумки, ретровируслар қаторига кирувчи ОИВ дори воситаларининг таъсирига чап беради. ОИВ билан зарарланганда бу муаммо анча долзарб ҳисобланади, чунки вирус ГЭТ ҳимоясидаги миянинг нейроглиал ҳужайраларини зарарлайди. Маълумки, ГЭТ эса ўз навбатида кўп дори воситалар учун енгиб бўлмайдиган тўсиқ ҳисобланади. Аммо ҳозирги вақтда вирус репликациясини пасайтириб турувчи бир нечта препаратлар синтезланган. Улардан

бири, азидотимидин, нейроОИТСни даволашда қўлланилади. Бу препарат тескари транскриптаза ферментининг ингибитори бўлиб, ОИВ репликациясига тўсқинлик қилади. Азидотимидин 5мг/кг ҳисобида в/и га юборилганда, 10 мг/кг хисобида огиз орқали қабул қилинганда ГЭТ орқали ўтади. Бу эса уни бош миядаги адекват концентрациясини таъминлаб беради. ОИВ вирусига таъсир кўрсата туриб, вирусга қарши препаратлар иммунтанқисликни олдини олишда самарадор восита бўлиб ҳисобланиши мумкин. Бу эса «оппортунистик» инфекцияларни юзага келишини олдини олади. Специфик вирусга қарши препаратлар билан биргаликда симптоматик даво воситалари қўлланилади.Уларга иммуномодуляторлар, иммуностимуляторлар ва мия кўмигини кўчириб ўтказиш каби усуллар киради. Иммуномодулятор, кўпроқ хелпер хусусиятга эга бўлган препарат Т- активин (бузоқлар тимусидан олинади) кенг кўламда ишлатилади. Бу препарат пептидлар комплексидан иборат бўлиб, тери остига кунига 1 махал1 мл дан юборилади. «Оппортунистик» инфекциялар қўшилганда герпес, цитомегаловирус, кандида замбуруғлари, аспергиллар, криптококклар, сил микобактериялари, рангпар спирохета, токсопалазмага қарши таъсир қилувчи препаратлар ишлатилади. Ҳозирги вақтда ОИТСга қарши вакцина яратиш вирусолог ва иммунологлар учун мураккаб масала бўлиб, у хали ўз ечимини топгани йўқ. ОИТСни олдини олиш. ОИТС профилактикасида аҳолини бу касаллик ҳақида хабардор қилиш муҳим ўрин тутади: касалликнинг юқиш йўллари, ундан сақланиш усуллари, ОИВ-инфекцияга ўз вақтида текширишлар ўтказиш. ОИВ- инфекция билан зарарланишни олдини олиш учун қуйидаги чора- тадбирларни кўриш керак:

1. Инфекция тарқалишида энг катта ҳавф-хатарни организмнинг ҳамма тўқималари ва суюқликлари, айниқса, беморнинг қон ва сўлаги ҳамда экскретор ва секретор ажратмалари туғдиради. 2. ОИВ-нфекциянинг юқиш эҳтимоли зарарланган тери ва шиллиқ қаватлар орқали амалга ошиши ортади. Шунинг учун тери қопламаларини ўткир асбоблар билан зарарланишини олдини олиш, ҳамда тери қопламларини ОИТС билан касалланган бемор биологик материали билан алоқада бўлишини олдини олиш керак. 3. Биологик материал билан ишлаш ва беморга ўтказиладиган ҳамма муолажалар қўлқоп ва махсус кийимда олиб борилади. Бундан ташқари, вирусли гепатит В да қўлланиладиган бошқа эҳтиёт чораларини ҳам қўллаш керак бўлади. 4. Бемор билан иш олиб бориладиган хонани тарк этишдан аввал қўлқоп ва махсус кийим ечилади, сўнг қўллар яхшилаб ювилади. 5. Текшириш учун олинган қон ва бошқа биологик материаллар намуналари огоҳлантириш максадида «Эхтиёт бўлинг - ОИТС» деб белгиланиши зарур. 6. Ишлатилган игналар ва бошқа тиббий асбоблар шу жойнинг ўзида бошланғич дезинфекциядан ўтиши зарур. 7. ОИТС билан касалланган деб тахмин қилинаётган беморни текширувдан ўтказган врач, инфекция тарқалишини олдини олиши ва беморни алоҳида, шахсий гигиена предметлари билан таъминланган, хонага ётқизиши керак. 8. ОИТС билан касалланган беморларнинг хоналари махсус жиҳозланган бўлиши керакки, то

инфекция тарқалиши чеклансин ва МНС инфекцион касалликларида бемор ўзини тутиши инобатга олинсин. 9. ОИТС билан касалланган беморларни даволашда парентерал суюқлик юбориш ва бошқа муолажа асбоблари фақат бир марта ишлатилиши керак. 10. Кундалик ишлатиладиган предметлар, бемор чойшаби ва ёстиқ жилдлари, беморни ўраб турган мухит (хонанинг поли, девори ва б.) 5,25% ли натрий гипосульфит эритмаси билан дезинфекция қилиниши шарт. 11. Клиникадаги касалларда оғрик ҳиссини текширганда талабалар спиртда сакланадиган игналардан фойдаланиши керак. Тери юзасида ҳосил бўладиган кон томчиси спирт билан артиб олиниши шарт. 12. Орқа мия пункциясини ўтказаётганда қўлқопдан фойдаланиш керак. Шундай қилиб, ҳозирги вақтда ОИТС муаммоси нафақат медико- биологик, балки ижтимоий тусни ҳам олган. НейроОИТС клиникасининг носпецифик бўлиши, уни ташҳислашда анча қийинчилик туғдиради ва врачдан нерв тизимининг бу патологиясига нисбатан катта диққат-эътиборни талаб этади. ЦЕРЕБРАЛ АРАХНОИДИТЛАР Арахноидит - полиэтиологик касаллик бўлиб, бунда бош мияни тўр ва юмшоқ пардаси инфекция, травма, токсик факторлар таъсирида яллиғланади, кўпинча эса касалликлар отит, мастоидит, риносинуситдан кейин ривожланади. Бош мия арахноидити классификацияси: 1. ёпишқоқ 2. кистоз 3. чегараланган 4. диффуз

Локализация бўйича: 1. конвекситал арахноидит 2. оптико-хиазмал арахноидит 3. базал арахноидит: 4. орка калла чукурлиги 5. мияча кўприк бурчаги арахноидити 6. краниоспинал арахноидит - узунчоқ мияни каудал қисми, орқа мия юқори қисми зарарлананиши билан кечади. Клиникаси: Асосий характерли симптоми бўлиб, бош оғриғи, умум мия симптомлари ҳисобланади. Ўчоқли неврологик белгилар патологик жараённинг мия пардаларини қайси соҳаси зарарланганлигига боғлиқ. Конвекситал арахноидитда - эпилептик ҳуружлар кузатилади. Оптикохиозмал арахноидитда - кўрув ўткирлиги иккала кўзда пасаяди, кўрув майдони чегараланади, скотома, кўрув нерв иккиламчи атрофияси кузатилади. Базал арахноидит - бош мия нервларининг зарарланиши билан кечади. Орқа калла чуқурлиги арахноидитида гипертензион белгилар бўлиб, умум мия белгилари, ўчоқли симптоматикадан устун туради. Бунда кўпинча VI, VII, VIII бош мия нервлари зарарланади. Патологик жараённинг узунчоқ миянинг ён қисмларига тарқалиши натижасида бульбар синдром ривожланади. Кейинчалик мияча ва пирамида йўли зарарланади, системали бош айланиш, спонтан, горизонтал ёки вертикал нистагм кўнгил айнаш, қусиш, кўз тубида вена қони димланиши кузатилади. Кўприк-мияча бурчаги арахноидити - эшитиш пасаяди, қулоқда шовқин эшитилади. Вестибуляр ўзгаришлар, юз нерви периферик фалажи кузатилади. Диагностикаси қуйидагича асосланади: - анамнез - клиник белгилари

- параклиника -КТ,МРТ,ПЭГ текшириш натижалари. - орқа мия суюклигида - цитоз (10 гача), оқсил қисман ошади. Ликвор босими ошади. Даволашда касалликни сабабига қарши дори-дармонлар тавсия этилади: Инфекцион этиологияли арахноидитларда - инфекция ўчоқлари санацияси қилинади. - Этиотроп дорилар - антибиотик, сульфаниламид, вирусга карши дори моддалар сенсибилизацияга қарши десенсебилизацияловчи препаратлар қўлланилади. - Иммун тизимини кўтарувчи дори моддалар дегидратация фуросемид, диакарб. - ноотроплар - церебролизин, ноотропил, пирацетам - сўрдирувчи препаратлар: алоэ, фибс, шишасимон тана, лидаза. - кистоз - ёпишқоқ арахноидитда ликворни чиқармасдан туриб пневмоэнцефалография килиш керак.

Адабиётлар: 1. Герасимова М.М. «Нервные болезни». Дарслик. - Тверь. Триада. 2003й. 2. Жан Айкарди «Заболевания нервной системы у детей» в 2-х томах. Дарслик. – Москва. Бином. Лаборатория знаний 2013 й. 3. Маджидова Ё.Н. «Хусусий неврология».Дарслик. -Тошкент. Sharq. 2012 й. 4. Бадалян Л.О. «Детская неврология». Дарслик. - Москва. Медицина. 2001 й. 5. Маджидова Ё.Н. «Соматоневрология». Ўқув қўлланма. - Тошкент. Навруз. 2018 й. 6. Маджидова Ё.Н., Трошин В.Д., Погодина Т.Г., Хрулев А.Е. «Неотложная неврология». Дарслик. - Тошкент. Навруз. 2018 й. 7. Маджидова Ё.Н., Содиқова Г.К., Нурмухамедова М.А «Катталар ва болалар неврологик статусини қадамма-қадам текшириш бўйича амалий кўникмалар». Ўқув қўлланма. - Тошкент. ТАМАДДУН. 2017 й. 8. Маджидова Ё.Н., Усманова Д.Д. «Тунельные синдромы». Монография. - Тошкент. Baktria press. 2017 й. 9. Маджидова Ё.Н., Нурмухамедова М.А., Хайдарова Д.К., Прохорова А.Н. «Умеренные когнитивные нарушения у больных с дисциркуляторной энцефалопатией». Ўқув қўлланма. - Ташкент. ТАМАДДУН. 2015 й. 10. Маджидова Ё.Н., Нурмухамедова М.А., Азимова Н.М., Ким О.В., Хамидова Н.А. «Частная неврология». Ўқув қўлланма. - Тошкент. Узбекистон миллий энциклопедияси. 2014 й.

Похожие

Периферик нерв тизимининг касалликлари

Эпизоотология ва инфекцион касалликлари

Нерв системасининг касалликлари

Бош мия ярим шарларининг олий фаолияти нерв тизимининг касалликлари

Нерв тизимини ирсий дегенератив касалликлари