Дори воситаларини турғунлаштиришнинг замонавий аспектлари - Медицина - Рефераты

Дори воситаларини турғунлаштиришнинг замонавий аспектлари

Загружено в:

20.09.2019

Скачано:

0

Размер:

125 KB

До ри воситаларини турғунлаштиришнинг замонавий аспектлари Режа: 1. Дори воситаларини турғунлигига таъсир этувчи омиллар 2. Дори шаклларида сақлаш давомида кечадиган жараёнлар таърифи. 3. Дисперс системаларнинг ( эмульсион ва суспензион) турғунлигини ошириш замонавий усуллари 4. Дори турларини физикавий турғунлаштириш усуллари 5. Дорилар турғунлигини кимёвий усуллар билан таъминлашдаги муаммолар

Таянч сўзлар: турғунлик, лиофиллаш, дисперс системаларни турғунлаштириш, микробиологик турғунлик, кимёвий турғунлик 1. Дори воситаларини турғунлигига таъсир этувчи омиллар Дорилар турғунлиги бу препаратни маълум вақт давомида, фармакопея ёки МТХ да кўрсатилган физик-кимёвий, микробиологик хоссаларини ўзгартирмаслик ва фармакологик фаоллигини сақлаб қолиш хусусияти. Хозирда дориларни турғунлигини таъминлаш ғоят мухим, долзарб ва комплекс технологик масала ҳисобланади, чунки 90% га яқин дори моддалар алоҳида технологик усуллар ёки турғунлаштирувчиларни қўллашни талаб этади. Дорилар турғунлиги боғлиқ: – Сақлаш ҳароратига; – Жихозланишига; – Ташқи муҳитга (ёруғлик, намлик); – Тайёрланиш усулига; – Ёрдамчи моддаларга; – Дори шаклига (агрегат ҳолати). Дорилар турғунлиги Физикавий Кимёвий Микробиологик Дориларни турғунлаштиришнинг асосий принципи дориларни хоссаларини ўзгартирувчи омилларни максимал бартараф этиш.

Дори турларини турғунлаштириш –комплекс ( мураккаб) муаммо бўлиб, уни ечилиши: 1. Дисперс системаларни турғунлигини ( асосан эмульсион ва суспензион); 2. Доривор моддани ( кимёвий бирикмаларни) турғунлигини; 3. Микробиологик турғунлик масалаларини ўрганишни талаб этади. Юқоридаги таснифдан келиб чиққан холда дорилар турғунлигини таъминлаш масаласини ечишда қуйидаги усулларни белгилаш мумкин: 1. Физик усулда турғунлаштириш 2. Кимёвий усуллар. Махсус ёрдамчи моддаларни дори шаклига киритиш ( консервантлар, антиоксидантлар). 3. Комплекс усулларда. Физик усулда турғунлаштириш- асосий мохияти дори турини ташқи муҳитнинг салбий иаъсиридан химоя қилиш . Таснифи: ( янги қайнатилган сувни ишлатиш, лиофилизация усулларини қўллаш, сувни углерод диоксиди ёки инерт газлар билан тўйинтириш, инерт газ оқимида дори турини герметизациялаш, дори моддасини қайта кристаллаб тозалаш, эритмани адсорбент қўшиб қўшимчалардан тозалаш, замонавий технологик жараёнларни қўллаш, мўътадил жиҳоз турини танлаш , стабилизаторлар, эмульгатрлар қўллаш . - сувсизлантириш; - янги қайнатилган сувни ишлатиш; - эритувчини инерт газлар билан тўйинтириш; - дори моддасини қайта кристаллаб тозалаш. - адсорбент қўшиб қўшимчалардан тозалаш. - замонавий технологик усулларни қўллаш - мўътадил жиҳоз турини танлаш , Сувсизлантириш. Корхона шароитида дориларни гидролизини олдини олиш ёки секинлаштириш сувсизлантириш яьни сувдан холи қилиш ёки

унинг миқдорини камайтириш (минимумгача). Шу усулда антибиотикларнинг, гормонлар, қатор витаминларнинг инекцион эритмалари тайёрланади. Максимал сувсизлантириш усули билан дориларни турғунлигини ошириш мумкин 10 марта ва 100 марта ва уларни сақлаш муддатини ошириш. Масалан, бензипеницин ва оксатетрациклин эритмалари ўзини фаоллигини 1-2 сутка сувсизлантирган холда эса йиллар давомида (лиофилизация усулларини қўллаш натижасида) . Демак физик усулларининг кенг қўлланиладиган шакли – сувсизлантириш корхона шароитида кенг ишлатилади. Ўзининг соддалиги (таьминланганлиги бўйича), жараённи аниқ контроль қилиш имконияти ва гидролитик парчаланиш реакциялар препаратларда кенг тарқалганлиги. Худди шу усул фақат инекцион эритмалар учун эмас, балки бошқа дори шаклларида хам қўлланилади. Масалан, суюқ перорал дориларда: қуруқ микстуралар, гурух суспензиялар, гранулалар (кўпинча болалар амалиётида). Улар ишлатишдан олдин белгиланган сувда эритилади. Сиртка қўлланиладиган дори шаклларида (суртма) сувдан холи қилиш ингидириентларини қуритиш йўли билан амалга оширилади. Шунга мисол сифатида қуруқ сурма концентратларини келтириш мумкин. Яна бир физикавий турғунлаштириш усули бу сувсиз эритувчиларни қўллаш (пропиленгликол, ПЭГ, бензил бензоат). Кўпинча уларни иньекцион эритмаларда қўллаш тавсия этилади (айниқса, антибиотиклар, витаминлар, гормонлар). Мисол – эритромициннинг ПЭГ даги стерил эритмаси. Қўллашдан олдин бу препарат иньекцион сувда эритилади. Гидрокортизон тузи учун хам ПЭГ даги эритмаси. Иньекция қилишдан олдин натрий гидрокорбонат эритмасида эритилади. Оксидланиш реакциялар тезлигини пасайтириш дисперсион мухитда кислороддан холи қилиш. Бунинг учун оддий усул – қайнатиш ёки борбатаж газлар билан (Co 2 , азот). Катта ахамиятга эга енгил оксидловчи моддани

турғунлаштиришда – газли химоя. Мохияти – дорилар тайёрланиши инерт газлар оқимида амалга оширилади. Дори моддани қайта кристаллаб тозалаш. Бу усулни “Инъекция учун яроқли” талабига жавоб бермайдиган (аминлар, аммоний тузлари, параформ каби қўшимчалар сақловчи) гексаметилентетрамин учун қўллаш мақсадга мувофиқдир. Гексаметилентетраминни қайта кристаллаш қуйидагича олиб борилади: препаратни қайноқ этил спиртида эритиб тўйинган эритма олинади. Уни фильтрлаб, сўнг совутилади. Бунда кристалл чўкма хосил бўлади. Чўкмани фильтрлаб ажратиб олинади ва қуритилади. Фармакопея мақоласи бўйича тахлил қилиниб, агар натижа ижобий чиқса, препарат инъекцион эритма тайёрлаш учун ишлатилади. Лекин дорихона шароитида бу жараённи амалга ошириш қийин. Адсорбент қўшиб қўшимчалардан тозалаш . Дори препаратини унинг таркибига кирувчи қўшимчалардан тозалаш учун адсорбция усулини ҳам қўллаш мумкин. А маркали фаоллашган кўмир адсорбент вазифасини бажаради. У эритмани нафақат қуйи молекулали моддалардан (кальций лактатда кальций оксалатдан), балки ЮМБлар хусусан, пироген моддалардан ҳам тозалайди (глюкоза эритмасида). Бу мақсадда крахмал клейстери қўшиб нам грануллаш усулида олинган таблетка –карболенни қўллаш мутлақо ярамайди. Замонавий технологик усулларни қўллаш (покрытие оболочками, микрокапсулирование, капсулирование и т.д.) Порош оклар ( битта доазали жиҳозда ) 1.Дисперс системаларни турғунлаштириш ( эмульсион ва суспензион); А. Махсус ёрдамчи моддалар билан дори турларини (дисперс системаларни) турғунлиги таъминлаш

Дориларни дисперс система сифатида турғунлиги таъминлаш мақсадида турли стабилизаторлар қўлланилади. Дисперс системаларнинг турғунлигини таъминлашда асосий эътибор гетероген системалар( эмульсион ва суспензион системалар) га берилади. Бунга эришиш учун замонавий турғунлаштирувчилар қўлланилади. Дори турларини турғунлаштирувчиларнинг асосий гурухлари бу: - целлюлоза хосилалари (МЦ, натрий КМЦ); - сорбитан хосилалари( твинлар ва спенлар); - альгинатлар ва пектинлар; - бентонитлар; - аэросил; - синтетик СФМ (ПВП, ПВС, ПАА); - Эмульгаторлар ( Т-1,Т-2, N 1 пентол ва ш.ў ); - Фосфолипидлар ( лецитин); - Мумлар ( асалари муми, спермацет); - Ланолин хосилалари (полиоксиэтилланган ланолин, водлан ) Осилмаларни турғунлигини ошириш замонавий СФМ билан таъминланади. Кўпинча уларнинг турли комбинациялари ( мажмуаси) яхши натижа беради ( асосан юқори сирт фаоллиги ва қовушқоқлиги ҳисобига. Масалан: 3% норсульфазол суспензиясини турғунлаштириш учун 3% бентонитнинг натрийли шаклининг гели ва 5% МЦ қўлланилган. 3% сульфадимезин суспензияси эса 1% МЦ хамда твин-80 билан турғунлаштирилган. 2% сульфадиметоксин суспензияси 2% ПВС ва 0,02% твин-80 ёрдамида турғунлаштирилган. Эмульсияларни турғунлаштиришда замонавий СФМ : твин-80, целлюлоза хосилалари, лецитин, табиий фосфатидлар яхши натижа беради. Порошокларни сақлашда турғунлигини ошириш. Энг кенг тарқалган сабаб – порошок қоришмасининг намлиқиб қолиши. Буни олдини олиш учун – ҳар хил влагорегуляторларни қўшиш. Булардан энг кўп аэросил, қуритилган крахмал, карбонат магния, бентонитлардан фойдаланилади.

Масалан: “Антигриппин” порошоги Ацетилсалицил кислотаси 0,25 Димедрол 0,02 Кальций лактат 0,05 Аскорбин кислотаси 0,15 5% аэросил қўшилса 2 ойгача унинг турғунлигинитаъминлаш мумкин Б. Дисперс системаларни турғунлаштириш масаласи фақат ёрдамчи моддаларни қўшиш йўли билан эмас балки замонавий технологик усуллар, асбоб-ускунулар ишлатиш билан таъминланади. - “ Қ уру қ осилмалар”ни амалиётга тадби қ этиш; - Эмульсиялар ва суспензиялар олишда замонавий диспергаторлар ва гомогенизаторларни қў ллаш . Уларни физикавий-кимёвий хусусиятларини эътиборга олган холда жихозлаш. Бунда бир дозали пакетларга алохида эътибор қаратилади. (Айниқса болалар амалиётида). Юмшоқ дори турларини( суртма ва шамчалар) агрегатив турғунлигини таъминлаш учун - дисперс системаларни турғунлаштирувчилар киритилади: қуюқлаштирувчилар ва СФМ лар - қуруқ суртма концентратлар ( Цинкаскол). Цинкаскол таблеткалари: рух оксиди – 0,5; Бентонит – 0,49; Кальций стеарат – 0,01. 1та таблеткага 4мл сув. Жихозланиши: банкаларга 25 донадан. Сақланиши 5 йил. - бентонит, гулхайри илдизи, фитостерин -бўкади + Н2О Доривор моддани ( кимёвий бирикмаларни) турғунлаштириш Кимёвий турғунликка таъсир этувчи омиллар: - доривор модда ва ёрдамчи модда сифати; - pH муҳити;

- ҳарорат; - катализаторларнинг мавжудлиги (оғир метталлар ионлари); - сақлаш ҳарорати; - жиҳоз тури (айниқса инъекцион дориларга); - кислород таъсири (сувда кислороднинг бўлиши). Бу усул билан дориларни барқарорлигини кимёвий моддаларни - турғунлаштирувчиларни қўшиш билан таъминланади.( стабилизаторы химических веществ). Бу турғунлаштириш усулнинг ахамияти ғоят муҳим стерилизация ( айниқса термик усули билан) қилинадиган дори шаклларида, суюқ дориларда. Кимёвий турғунлаштириш усули дориларда гидролитик ва оксидланиш ва қайтарилиш жараёнларни бартараф этувчи ёки сусайтирувчи стабилизаторларни қўшишга асосланган. 1. Гидролиз. Кўп дори моддалар гидролизга учраганда фаоллиги кам, мутлақо фаол бўлмаган ёки заҳарли моддалар ҳосил қилади. Алкалоид тузлари, гликозидлар, витаминлар ва эфирлар гидролизга учраши мумкин. Гидролиз реакциясининг тезлиги ҳарорат, катализатор, рН кўрсаткичи, эритувчи табиатига боғлиқдир. Гидролизда энг муҳим фактор бўлиб муҳитнинг рН кўрсаткичи ҳисобланади.Кучли асос кучсиз кислотадан ташкил топган тузлар, кучсиз асос кучли кислотадан ташкил топган тузлар тез гидролизга учрайди. Дикаин, новокаинамид, новокаин, атропин сульфат, скополамин гидробромидлар гидролизга учраганда нофаол ва ҳатто заҳарли моддалар ҳосил бўлади. Ундан ташқари мураккаб эфирлари хам. 2. Моддаларнинг оксидланиши ароматик амин хосилалари, фенотиазин хосилалари, аксарият алкалоид тузлари, азот асоси тузлари, витаминларда содир бўлиши мумкин. Оксидланиш натижасида фармакологик нофаол моддалар ёки заҳарли махсулотлар ҳосил бўлади. Оксидланиш жараёнининг тезлиги қуйидаги факторларга боғлиқ: кислород миқдори, ҳарорат, муҳитнинг рН кўрсаткичи, катализатор ва агрегат холат. Кўпинча эритманинг оксидланиши унинг рангини ўзгаришидан билинади. Масалан, аминазин, дипразин оксидланганда эритманинг ранги тўқ қизил рангга

бўялади. Ишқорий шиша идишга солиб стерилланган глюкоза эритмаси оксидланиб, карамелланиб ранги сарғаяди, баъзан қўнғир ранггача бўялади. Опий алкалоидлари: морфин, апоморфин, омнопон ва бошқалар ишқори шароитда оксидланиб нофаол ёки заҳарли моддага айланади, эритма ранги ўзгаради. Морфин оксидланганда захарли модда – оксидиморфинга айланади, апоморфин эса яшил рангли заҳарли модда ҳосил қилади. Аскорбин кислотаси ва унинг тузлари оксидланганда нофаол бирикма – 2,3 дикетогулен кислотасига айланади. Жараён ишқорий шароитда ва катализатор (метал ионлари) иштирокида янада жадаллашади. Бунда эритма сарғаяди. В1 витамини эритмада ҳаводаги кислород, ҳарорат, қуёш нури ва катализатор иштирокида тез оксидланиб сарғаяди. Изомерланиш. Дори моддаларнинг кўпчилиги оптик фаол бирикмалардир (атропин, адреналин, шохкуя алкалоидлари ва бошқалар). Кўпинча ДМ икки хил изомери бўлиб, чапга бурувчи шакли физиологик фаол, ўнга бурувчи шакли аксинча – фаоллиги камдир. Масалан, адреналиннинг чапга бурувчи шакли 15-20 марта фаолроқ (ўнга бурувчи шаклига кўра). Изомерланиш моддаларнинг кимёвий табиатига, асимметрик углерод атомига йўналган функционал гурухга, моддаларнинг оптик фаоллигига, ҳарорат, нур, метал ионлари, муҳитнинг рН кўрсаткичи ва ҳакозо омилларга боғлиқ. Кимёвий барқарорлаш усули . Бу усулда барқарорлаш: 1-эритмага кимёвий бирикмалар (антиоксидант ёки стабилизатор) қўшиб; 2- тўғри келадиган эритувчилар тизимини танлаб; 3-дори модда максимал барқарор бўладиган РН шароитини ҳосил қилувчи моддалар қўшиб; 4-эримайдиган фаол моддаларни эрийдиган туз ёки комплекс бирикма шаклида ўтказиб амалга оширилади. Стабилизаторга талаблар:

1- бемор учун ҳавфсиз бўлиши керак; 2- тиббиётда қўллашга рухсат этилган бўлиши керак; 3-Ўз вазифасини бажариш яъни дори воситасини турғунлигини таъминлаши лозим; Стабилизаторлар шартли равишда 2 гурухга бўлинади*: 1-Тузларнинг гидролиз ва мураккаб эфирларини совунланишига қарши таъсир кўрсатадиган моддалар. 2-Антиоксидантлар – оксидланишни олдини олувчи моддалар. Қўшиладиган стабилизатор миқдори МТХлар, ССВ буйруқлари ва йўриқномаларида кўрсатилади. Инъекцион эритмаларни турғунлаштириш дори моддаларини қуйидаги гурухга бўлиш мумкин: 3. Мураккаб эфирлар 4. Енгил оксидланувчи моддалар. Гидролитик жараёнларни олдини олиш Гидролизнинг тезлигига таьсир этувчи омиллар: 1) рН – бу кўрсаткични ўзгартириб ни Н + ёки ОН - эритмаларда гидролиз реакциясини бошқариш мумкин яьни керакли тарафга йўналтириш. 2) Температура (харорат). Харорат ошиши билан сувнинг диссоциация даражаси кескин ошади ва ОН - ионларини концентрацияси ошади. Демак Н + уларни турли тузларни ионлари билан боғланиш ва кам диссоцияланадиган махсулот хосил бўлиш даражаси хам ошади. 1. Кучсиз асос ва кучли кислотадан таркиб топган тузлар эритмаларини турғунлаштириш . Бу гурухга алкалоид тузлари, синтетик азот асоси тузлари киради. Бу туз эритмалари нейтрал ёки кучсиз кислотали реакцияга эга бўлади. Чунки бундай тузлар гидролизи натижасида кучсиз диссоциацияланган асос ва

кучли диссоциацияланадиган кислота ҳосил бўлади, яъни гидроксоний H 3 О + иони хисобига. Бу жараён стериллаш вақтида янада кучаяди. Эритмага эркин кислота қўшиш, яъни ортиқча H 3 О + иони сувни диссоциацияланиш даражасини пасайтириб гидролизни тўхтатади ва реакция мувозанатини чап томонга силжитади ВА+НОН ВОН+Н + +А - Alc•HCl + H 2 O → Alc↓ + О H 3 + + Cl -- HCl + H 2 O → О H 3 + + Cl -- H 3 О + концентрациясининг шишани ишқорийлиги хисобига камайиши мувозанатни ўнгга қараб силжитади. Бундай ҳолни олдини олиш учун эритмага турғунлаштирувчи моддалар қўшилади. Х1 ДФ си бўйича бундай эритмаларга 0,1 моль/л концентрацияли хлорид кислотаси қўшиб турғунлаштирилади. Кўпинча бир литр эритмага 10 мл миқдорида хлорид кислотаси эритмаси қўшилади. Бу вақтда эритма рНи кислотали томонга PH= 3-4 гача силжийди ( атропин сульфат, стрихнин нитрат, апоморфин гидрохлорид, дибазол, дикаин эритмаларига 10 мл. 0,1М ли хлорид кислотаси қўшилади). Кучли асос ва кучсиз кислотадан таркиб топган туз эритмаларини турғунлаштириш Бу гурухга натрий нитрит, кофеин – бензоат натрий, натрий тиосульфат, эуфилин ва бошқа тузлар киради. Бу моддалар сувли эритмада осон гидролизга учраб, ионларга диссоцияланади ва эритма ишқорий шароитга эга бўлиб қолади. Сув молекулалари ҳам диссоцияга учрайди. Туз ва сув ионларининг ўзаро таъсирлашуви натижасида кучсиз диссоцияланадиган кислота НА ҳосил бўлади. Бу эса эритмада эркин водород ионининг камайишига ва ортиқча ОН- ионини тўпланишига сабаб бўлади, натижада эритма РН и ортади: ВА+НОН В + +ОН - +НА Натижада эритмада қийин эрувчи бирикмалар ҳосил бўлиб, чўкма тушиши ёки эритманинг лойқаланиши кузатилади. Гидролизни тўхтатиш

учун стабилизатор сифатида 0,1М ли натрий гидроксид эритмаси ёки натрий гидрокарбонат тузи ишлатилиши мумкин. Масалан, натрий нитрит эритмасига 2мл, 10,20%ли кофеин бензоат натрий эритмасига 4 мл 0,1 М ли натрий гидроксид эритмаси, 30% ли натрий тиосульфат эритмасига 20,0 г натрий гидрокарбонат тузи қўшиб эритма тайёрланади. Керакли РН шароити буфер эритмалар, кислота ёки ишқор қўшилиб ҳосил қилинади. Rp: Sol. Coffeini natrii - benzoatis 10% - 50 ml Коффеин натрий бензоат кучли асос ва кучсиз кислотадан ташкил топган туз эритмасига мисол бўлади . Х I ДФ талабига биноан стабилизатор сифатида бир литр эритмага 0,1 М ли натрий ишқоридан 4 мл қўшилади. Ушбу дорихат учун 0,2 мл натрий гидроксид қўшилади. Эритманинг рН кўрсаткичи 6,8-8,0 оралиғида бўлади. Эритма 120 о С да 8 дақиқа стерилланади. Органик бирикмалар гидролизи Тузлардан ташқари гидролизга органик бирикмалар хам учраши мумкин. Бу алохида эьтиборга эга, айниқса сувсиз эритмаларни олишда. Гидролизга мураккаб эфирни, алкалоидли, лактон, гликозидли боғланишлар учрайди. Мураккаб эфирларни гидролизи Айниқса инъекцион дори турларида кўп учрайдиган гидролиз тури ҳисобланади.Мураккаб эфирлар кислотали ва ишқорий муҳитда парчаланиш мумкин. Аммо кислотали гидролиз к қайтарувчан жараён, ишқорий гидролиз эса қайтмас жараён бўлид, унинг натижасида спирт ва кислоталар тузлари хосил бўлади ва бу реакциянинг тезлиги минг марта тезроқ кислотали гидролизга нисбатан R-C-OR’ + HOH ---R-C-OH + HOR’ O O Мураккаб эфир ишқорий гидролизга мисол сифатида новокаинни гидролизи ( совунланиш ) ни келтириш мумкин нейтрал ва ва ишқорий

муҳитда . Натижада диэтиламиноэтанол ва парааминобензой кислотаси хосил бўлади . Новокаин - бу парааминобензой кислотасининг В этиламиноэтил эфирининг гидрохлорид тузидир . Новокаин эритмасини стериллагандан сўнг эритмада эркин парааминобензой кислотаси ҳосил бўлади , натижада эритма РН кўрсаткичи кислотали томонга силжийди . Нейтрал в a кучсиз ишқорий шароитли эритмадаги парчаланган новокаин миқдори 2,28 % гача бўлса , РН 8 га тенг бўлганди 11% гача ортади . Чет эл адабиётларида новокаин эритмаси таркибида уни стериллагандан сўнг анилин моддаси аниқланганлиги ҳақида маълумотлар бор . Бу парааминобензой кислотасининг декорбоксилланиш реакцияси натижасидир , деб тушунтирилади . Бундай эритма беморда шишиш , огриқ каби ножўя таъсирларни юзага келтиради . Новокаин эритмаларини барқарорлаш учун эритма РН кўрсаткичи 3,8- 4,5 бўлгунча хлорид кислотаси қўшилади . 0,25, 0,5, 1, 2%ли 1л новокаин эритмаларига тегишлича 3, 4, 9, 12 мл дан 0,1 м ли хлорид кислотаси қўшиб тайёрланади. 2, 5, 10 %ли новокаин эритмаларини тургунлаштириш учун 1 литр эритмага 0,1 М ли хлорид кислотасидан тегишлича 4, 6, 8 мл вa 0,5 г тиосулъфат натрий қўшиб тайёрланади. Отоларингологияда қўлланиладиган новокаиннинг 5,10 %ли эритмалари 0,3 % метабисулъфит натрий вa 0,02 % лимон ёки 10 мл 0,1 М ли хлорид кислотаси қўшиб турғунлаштирилади. Новокаиннинг 1-2 % ли изотоник эритмасига 5 мл. 0,1 М ли хлорид кислотаси қўшилади. Скополомин ишқорий гидролиз натижасида тропан кислотаси ва скополин амино спирти хосил бўлади. Мураккаб эфирларга ўхшаш кислоталарнинг амидлари хам гидролизланади бунда кислота ва аммиак хосил бўлади: R – C - NH 2 + HOH → R- C –OH + NH 3 O O

Лекин бу гидролиз реакцияси нисбатан секин ўтади. Масалан микотинамид фақат ишқорий мухитда харорат таьсирида аммиак ажратади. 2. Қатор юрак гликозидлари секин гидролизланади (ферментлар, кислоталар таьсирида) оқибатда аглюкон ва қандли қисм хосил бўлади. Масалан конваллятоксиннинг гидролизи конванниятоксигенин ва рамноза хосил бўлишига олиб келади. Энг беқрор юрак гликозидларига кар-2 денолидлар киради. рН -0.5-06 мўьтадил. Турғунлаштириш масаласини ечишда хар бир конкрет холатда парчаланиш механизмини эьтиборга олиш лозим. Масалан скополомин, спазмалитикларни ишқорий мухитда гидролизга учраши хисобга олиб уларга НСl 0.1 м қўшиш йўли билан турғунлигини ошириш мумкин. Юрак гликозидларни турғунлигини ошириш учун кўпинча буфер эритувчилар: А) дифосфатли (дифосфат Na + лимон кислотаси) Б) ацетатли (смесь растворов Na ацетата + уксус кислотаси). Масалан шу буфер эритувчилар ёрдамида дигитоксин ва ацетилдигитоксин турғунлаштирилади. Алохида эьтиборга олиниш лозим парчаланиш механизмлари, агар дориларни аралашмаси тайёрланса, бир шприцда юбориш учун. Чунки бу ерда дорилардаги стабилизаторлари бошқа дорининг турғунлигига таьсир кўрсатиши мумкин. Масалан антибиотикларни (айниқса пеницилин гурухдаги) эритиш учун сув, NaCl 0.9%, новокаин 0.5% эритма қўллаш мумкин. Лекин новокаин эритмани 0.1 м НСl билан тайёрланишини ва рН 4.2-4.5 атрофида бўлиши пеницилинни турғунлигига салбий таьсир кўрсатади. Чунки кислотали мухитда пеницилин лактан занжири хисобига енгил парчаланади ва оқибатда терапевтик таьсири пасаяди. Адабиётда келтирилган маьлумотларга кўра новокаинда эритилган пеницилинни сақлаш жараёнида 24соат 43% инактивацияга учрайди 30 дақ. 1.2%. Шунинг учун сақлаш мумкин эмас!!!

РН кўрсаткичини ўзгартириб препаратни гидролиздан сақлаб қолиш ягона усул эмас. Кейинги 10 йилларда СФМларнинг кимёвий реакциялар кинетикасига таъсири тўғрисида кўплаб маълумотлар берилмоқда. Ионоген ва анионоактив СФМ лар дори моддаларни гидролиз жараёнини тормозлаш, катионоактив СФМ лар эса аксинча уни жадаллаши исботланган. Аниқланишича, СФМ лар таъсирида реакция тезлигининг камайиши ёки ортиши СФМ молекулалари мицеллалари –ассоциатлари ҳосил бўлгани сабаблидир. СФМ молекулалари катта коллоид ўлчамли бўлиб, бўшлиқлари ҳам бор. Шу бўшлиққа нисбатан кичик молекулали дори моддалари молекулалараро тортишув кучлари таъсирида кириб қолади. Гидрофоб хоссали молекулалар мицелла ичига жойлашади, гидрофил хоссалилари эса, мицелла ташқарисига яқин жойда жойлашади. На процесс гидролиза ЛВ ингибирующее воздействие оказывает добавление поверхностно-активных веществ (ПАВ). Особенно эффективны анионактивное ПАВ — лаурилсульфат натрия, катионактивное ПАВ — цетилтриметимаммоний бромид. Они в 10-20раз повышают гидролитическую устойчивость ряда сложных эфиров. Масалан, барбамил эритмаси 5%ли твин-80 қўшиб тайёрланади. Дикаин эритмаси 0,5% ли твин-80 эритмасида турғун. Шунинг учун СФМлардан анестетиклар ва антибиотикларда борадиган гидролизни олдини олишда фойдаланилади. Лекин СФМ ва доривор модда ҳосил қилган комплекснинг терапевтик таъсири ўзгариб қолиш-қолмаслиги албатта хисобга олинади ва мукаммал ўрганиб чиқиш талаб этилади. Юқори молекулали бирикмалар барбитал кислотасининг натрийли тузларини турғунлаштиришда ҳам қўлланилади. Масалан, фенобарбитал натрий эритмасини стабиллаш учун 1 г препаратга 600 мл ПЭГ қўшиб тайёрланади. 3. СФМ мицелалари ва ДМ молекулалри ўзаро таьсири оқибатида комплекс бирикмалар хосил бўлади. Бу комплекслар бирикмалар нисбатан

юқори турғунлик билан ажралиб туради. Шуни хисобига СФМни гидролиз реакциясини сусайтириш учун қўллаш мақсадга мувофиқ. Қатор илмий тадқиқот СФМ билан қатор махаллий, антибиотик, цитостатик турғунлигини ошириш Масалан оксатетрациклиннинг пропиленгликольдаги эритмаси 2йил ўз турғунлигини йўқотмайди, оддий эритма 2кун туради. Бенкаин гидролиз реакция тезлиги 200 марта камаяди твин-80 таьсирида. Қатор анион ва катион СФМ гидрофоб эфирларининг гидролизини секинлаштиради. Демак СФМ билан дори моддаларини парчаланиш тезлигини тормозлаш мумкин. 1 - илова “АҚЛИЙ ХУЖУМ” УЧУН САВОЛЛАР 1. Дори воситаларини турғунлаштириш асосий йўлларини этиб ўтинг? 2. Дори шаклларида сақлаш давомида кечадиган жараёнлар қандай? . 3. Дисперс системаларнинг ( эмульсион ва суспензион) турғунлигиини қандай йўллар билан таъминлаш мумкин? 4. Дори шаклларинижиҳозлашдаги муаммолар 2 - илова Тезкор сўров учун саволар 1. Дори шаклларида сақлаш давомида кечадиган жараёнлар таърифи. 2.Дориларни турғунлаштиришнинг усуллари таснифи. 3. Дисперс системаларнинг ( эмульсион ва суспензион) турғунлигиини ошириш замонавий усуллари 4. Суюқ, юмшоқ ва қаттиқ дориларини жиҳозлашдаги муаммолар 5. Дорилар турғунлигини кимёвий усуллар билан таъминлашдаги муаммолар 6. Физикавий турғунлаштириш усуллари

Адабиётлар 1. Государственная фармакопея Х I -издания.- Т.2.-Москва, 1990. 2. Иванова Л.А. Технология лекарственных форм. М.: Медицина, 1991.-Т.-2.- 544 с. 3. Кондратьева Т.С. Технология лекарственных фор м. 1991.- Т.1- 496с. 4. Краснюк И.И., Михайлова Г.В, Е.Т.Чижова Фармацевтическая технология.М.:-2004.-464 с. 5. Махмуджанова К.С., Назарова З.А.,Туреева Г.М., Файзуллаева Н.С., Назирова Я.К. “Янги дори турларини яратишнинг назарий ва амалий асослари ва дорилар технологиясини такомиллаштириш муаммолари” электив курс учун услубий қўлланма.-Тошкент 2006.-108 б. 6. Миралимов М.М., Абдуллаева Х.К., Назарова З.А. Стерил дорилар технологияси Тошкент.-2006.-209 б. 7. Михайлова Н.Н., Краснюк И.И., Матюшина Г.П. Качество глазных капель экстемпорального изготовления// Фармация.- 2008.- N 8.- с.8-12. 8. Перцев И.М., Зупанец И.А. Фармацевтические и медико- биологические аспекты лекарств.-УкрФА.-т.1.-1999.- 464 с., т. 2.- 1999.-448 с. 9. Приказ МЗ РУз № 195 от 21.04.2000. Инструкцию по контролю качества лекарственных средств, изготавливаемых в аптеках. 10. Синёв Д.И., Марченко Л.Г., Синёва Т.Д.. Справочное пособие по аптечной технологии лекарств.- С.Петербург.- 2001.- 316 с. 11. Тихонов А.И., Ярных Т.Г. Технология лекарств.-Харьков: И зд НФАУ, Золотые страницы.- 2002.- 702 с. 12. Чуешов В.И. Промышленная технология лекарств.-Харьков, 2002.-Т.2.- 761 с.

Похожие

Дори воситаларини ишлаб чиқариш технологияси

Дорихоналарда рецептларни қабул қилиш ва улар асосида дори воситаларини бериш

Дори воситаларини стандартлаш. МХ ларнинг тузилиши ва уларга қўйилган талаблар

Дорихона шароитида дори воситаларини тайёрлаш ва сифатини назорат ишларини ташкил қилиш

Дори шакллари