Буғлатиш. Бир аппаратли бўглатиш қурилмаси - Медицина - Рефераты

Буғлатиш. Бир аппаратли бўглатиш қурилмаси

Загружено в:

20.09.2019

Скачано:

0

Размер:

71.5 KB

Буғлатиш. Бир аппаратли бўглатиш қурилмаси Режа 1. Буғлатиш. 2. Битта аппаратли буғлатиш қурилмаси.

Буғлатиш Учувчан бўлмаган моддалар эритмаларини унинг таркибидаги эритувчини қайнатиш пайтида чиқариб юбориш йўли билан қуюқлаштириш жараёни буғлатиш деб юритилади. Аммо буғлатиш жараёни қайнаш температурасидан паст температураларда суюқликнинг юзасида рўй берса, буғлатиш жараёнида буғ эритманинг бутун ҳажмидан ажралиб чиқади. Кимё саноатида ишқор, туз ва бошқа моддаларнинг сувли эритмалари, айрим минерал ва органик кислоталар, кўп атомли спиртлар ҳамда шу каби бир қатор суюқ эритмлар буғлатилади. Айрим вақтда буғлатиш ёрдамида тоза эритувчилар ҳам олинади. Баъзи шароитларда қуюқлаштирилган эритма кристалланиш жараёнини амалга ошириш учун махсус буғлатиш аппартларига юборилади. Қуюқлаштирилган эритмалар ва буғлатиш натижасида ҳосил бўлган қаттиқ моддаларни осон ҳамда арзон қайта ишлаш, сақлаш ва бошқа жойларга жўнатиш мумкин. Буғлатиш жараёнида иситувчи агент сифатида асосан сув буғи ишлатилади, бундай буғ бирламчи буғ деб юритилади. Қайнаётган эритмани буғлатиш пайтида ҳосил бўлган буғ иккиламчи буғ деб аталади. Эритмани буғлатиш учун зарур бўлган иссиқлик миқдори девор орқали берилади. Фақат айрим ҳоллардагина, эритмаларни қуюлтириш учун керак бўлган иссиқлик тутун газлари ёки бошқа газсимон иссиқлик ташувчи агентларнинг суюқлик билан ўзаро контакти орқали берилади. Буғлатиш жараёни вакуум остида, атмосфера ва юқори босимларда олиб борилиши мумкин. Эритмаларнинг хоссалари ва иккиламчи буғнинг иссиқлигидан фойдаланиш заруратига кўра ҳар хил босимлар ишлатилади. Вакуум остида буғлатиш бир қатор афзалликларга эга: жараённи анча паст температураларда олиб бориш мумкин, бу ҳол айниқса юқори температурада парчаланиб кетиши мумкин бўлган моддалар эритмаларини қуюқлаштиришда жуда қўл келади. Будан ташқари, вакуум таъсирида

иситувчи агент ва эритма температураси ўртасидаги фойдали фарқ кўпаяди, бу нарса аппартнинг истиш юзасини камайтиришга олиб келади, вакуум билан буғлатиш учун нисбатан паст параметрли (температура ва босим) иситувчи агентдан фойдаланиш мумкин. Вакуум ишлатилганда иккиламчи буғдан қайтадан бирламчи буғ сифатида фойдаланиш имкони туҲилади. Вакуум остида буғлатиш камчиликлардан ҳам ҳоли эмас: вакуумни ишлатиш буғлатиш қурилмасининг нархини оширади; вакуум ҳосил қилиш учун конденсаторлар, томчи ушлагичлар, вакуум насослар керак бўлади, бундан ташқари, қурилмани ишлатиш учун зарур бўлган сарф ҳам кўпаяди. Атмосфера босимидан юқори бўлган босимда буғлатиш ҳосил бўлган иккиламчи буғдан қайтадан буғлатиш жараёнида ҳамда буғлатиш билан боғлиқ бўлмаган бошқа мақсадларда фойдаланиш мумкин. Бошқа мақсадлар учун ажратилган иккиламчи буғ экстра буғ деб аталади. Юқори босим билан буғлатиш жараёнида экстра буғни ажратиб олиб ишлатиш вакуум ёрдамида буғлатишга нисбатан иссиқликдан тўлароқ фойдаланиш имконини беради. Юқори босим билан буғлатиш эритманинг қайнаш температурасининг ортишига олиб келади. Бундан ташқари, юқори босим билан буғлатишни амалга ошириш учун юқори температурали иситувчи агент керак бўлади. Шу сабали бу усул юқори температурага чидамли моддаларнинг эритмаларини қуюлтиришда ишлатилади, холос. Атмосфера босими билан буғлатишда иккиламчи буғ ишлатилмайди, у атмосферага чиқариб юборилади. Бундай усул энг оддий, аммо иқтисодий жиҳатдан энг тежамсиз ҳисобланади. Кимё саноатида буғлатиш жараёни бир ва кўп аппаратли қурилмаларда амалга оширилади. Кўп аппаратли, яъни бир неча аппаратлардан ташкил топган буғлатиш қурилмалари кенг ишлатилади. Кўп аппаратли қурилмаларнинг фақат биринчи аппаратга иситувчи (бирламчи) буғ берилади, кейинги аппаратларни иситиш учун эса олдинги аппаратлардан чиққан иккиламчи буғ ишлатилади. Натижада иситувчи буғнинг умумий сарфи камаяди.

Ишлаш режимига кўра буғлатиш аппаратлари даврий ва узлуксиз бўлади. Кичик масштабдаги ишлаб чиқаришларда ва, айрим вақтда, эритмаларни юқори концентрацияларгача буғлатиш даврий ишлайдиган буғлатиш аппаратлари ишлатилади. Химия саноатида асосан узлуксиз ишлайдиган буғлатиш аппаратлари кенг ишлатилади. Замонавий буғлатиш аппаратлари анча катта иситиш юзасига эга, айрим пайтда битта аппаратнинг иситиш юзаси 2000 м 2 дан ортиб кетади. Битта аппаратли буғлатиш қурилмаси Аппаратнинг ишлаш принципи. Марказий циркуляция трубаси бўлган узлуксиз ишлайдиган буғлатиш аппаратнинг ишлаш принципини кўриб чиқамиз ( - расм). Аппарат асосан иситиш камераси ва сепаратордан ташкил топган. -расмда тасиврланган схемада иситиш кмераси ва сепаратор битта аппаратда жойлашган. Иситиш камераси сепаратордан алоҳида жойлашган бўлиши ҳам мумкин. Бунда иситиш камераси ва сепаратор труба орқали бирлашган бўлади. Камера одатда тўйинган сув буғи билан иситилади. Буғ трубалар ташқарисидаги бўшлиққа киради, бу ердан конденсацияланиш жараёни юз беради ва ажралиб чиққан иссиқлик труба деворлари орқали эритмага берилади. Ҳосил бўлган конденсат камеранинг пастки қисмида жойлашган патрубка орқали ташқарига чиқарилади.

Буғланаётган эритма иситиш трубалари орқали юқорига кўтарилади, бунда эритма қайнайди, натижада иккиламчи буғ ҳосил бўлади. Сепараторда буғ суюқликдан ажратилади. Суюқлик томчилардан ажралган иккиламчи буғ сепараторнинг юқориги қисмидан ташқарига чиқарилади. Суюқликнинг бир қисми марказий циркуляция трубаси орқали аппаратнинг пастки қисмига тушади. Марказий трубадаги суюқлик эритма ва иситиш трубалари ичидаги буғ суюқлик эмульсияси зичликлари ўртасидаги фарқ таъсирида узлуксиз равишда циркуляция бўлиб туради. Қуюқлаштирилган эритма аппаратнинг пастки қисмида жойлашган патрубка орқали ташқарига чиқарилади.

Айрим буғлатиш аппаратларида марказий циркуляция трубаси бўлмайди. Буғлатиш жараёни вакуум остида олиб борилса, иккиламчи буғ вакуум-насос ёрдамида конденсаторга сўриб турилади. Моддий баланс. - расмга асосан в б (% ҳисобидаги массавий) концентрацияли ва кг/с ҳисобидаги G б миқдорли дастлабки эритма буғлатиш аппаратига киради, қуюқлаштирилган эритманинг миқдори G к (кг/с), унинг охирги концентрацияси эса в к (%) га тенг. Агар аппаратдан чиқарилаётган эритувчи (иккиламчи буғ) нинг миқдори  (кг/с) бўлса, у ҳолда аппаратнинг моддий баланси қуйидаги тенглама билан ифодаланади: Эритма таркибида бўлган қуруқ моддага нисбатан моддий баланс қуйидагича ёзилади: Амалий ҳисоблашларда дастлабки эритма сарфи G б нинг концентрацияси в б ва қуюқлашган эритманинг керакли концентрацияси в к берилган бўлади. Бунда ( ) ва ( ) тенгламалар орқали аппаратнинг иш унуми топилади. Қуюқлаштирилган эритма бўйича: Буғлатиётган сув бўйича

Иссиқлик баланси. Қуйидаги белгиларни қабул қиламиз: D -иситувчи буғнинг сарфи; I и -унинг энтальпияси; I -иккиламчи буғнинг энтальпияси; i б = C б t б - дастлабки эритманинг энтальпияси; i к = C к t к - қуюқлашган эритманинг энтальпияси; i ’= C ’  - иситувчи буғ конденсатининг энтальпияси; С б ,С к ,С’- дастлабки ва қуюқлашган эритма ҳамда конденсатнинг ўртача солиштирма иссиқлик сиҲимлари; t б , t к ,  - дастлабки қуюқлашган эритма ва иситувчи буғнинг тўйиниш температуралари. Иссиқликнинг кириши (дастлабки эритма билан) G б i б ; иситувчи буғ билан DI и ; Иссиқликнинг сарфланиши (қуюқлашган эритма билан) G к , i к ; Иккиламчи буғ билан  I ; Иситувчи буғнинг конденсати билан D i ’; Қуюқлаштириш иссиқлиги Q конц ; Атроф-муҳитга йўқотилган иссиқлик Q й Иссиқлик баланси қуйидагича ифодаланади: Дастлабки эритма қуюқлашган эритма ва буғлатилиши лозим бўлган сув аралашмасидан иборат ҳамда дастлабки эритманинг иссиқлик сиҲими температураси t б билан t қ интервалда ўзгармай қолади деб оламиз. Бунда қуйидаги иссиқлик балансини ёзиш мумкин: бу ерда C ’’-температура 0 0 С дан t қ гача ўзгарган пайтдаги сувнинг ўртача иссиқлик сиҲими. t б , i к , i ’ ва G к C к ларнинг қийматларини ( ) тенгламага қўйиб, қуйидаги ифодани оламиз:

Бу тенгламадан буғлатиш аппаратига вақт бирлиги ичида иситувчи буғ билан киритилган иссиқлик миқдорини аниқлаймиз: ( ) тенгламанинг ўнг томонидаги биринчи қисми дастлабки эритмани қайнаш температурасига иситиш учун сарф бўлган иссиқлик миқдорини, иккинчи қисми эса эритмадан сувнинг буғланиши учун сарф бўлган иссиқлик миқдорини белгилайди. Эритмани қуюқлаштириш пайтидаги иссиқлик эффекти Q конц билан ифодаланади. Қуюқлаштириш жараёнида иссиқликнинг ютилиши ёки чиқиши содир бўлади. Шунга кўра Q конц нинг миқдори исиқлик балансининг кириш ёки сарфланиш қисмлари орқали ўз ифодасини топади. Агар Q конц нинг миқдори анча катта бўлса, у ҳисобга олинади, кам бўлса ҳисобга олинмайди. Иссиқликнинг атроф-муҳитга йўқотилиши Q й одатда Q нинг 3...5% ини ташкил қилади. Q й нинг миқдори ортиб кетмаслиги учун буғлатиш аппаратлари тегишли қалиникдаги изоляция қатлами билан қопланади. ( ) тенгламага асосан иситувчи буғнинг сарфини топиш мумкин: Агар эритма аввал қайнаш температурасигача иситилиб, сўнгра буғлатиш аппаратига берилса, t б = t к бўлади. Q конц ва Q й нинг миқдори ҳисобга олинмаса, ( ) тенглама ёрдамида 1 кг сувни буғлатиш учун керак биган иситувчи буғнинг назарий сарфини топиш мумкин: бу ерда I г - C ’  = r ’ - иситувчи буғнинг кенденсацияланиш иссиқлиги,

I - C ’’ t қ = r - қайнаб турган эритмалардан сувнинг буғланиш иссиқлиги (тахминан r = r ’ деб олиниши мумкин). ( ) тенгламага кўра, битта аппаратли буғлатиш қурилмасида 1 кг сувни буғлатиш учун 1 кг иситувчи буғ сарф бўлади. Амалда (атроф-муҳитга йўқотилган иссиқликни ҳисобга олинган тақдирда) 1 кг сувни буғлатиш учун кўпроқ иситувчи буғ бўлади (1,1...1,2 кг). Иситиш юзаси. Узлуксиз ишлайдиган буғлатиш аппаратининг иситиш юзаси иссиқлик ўтказишнинг асосий тенгламаси орқали топилади: бу ерда Q -иссиқлик сарфи; К - иссиқлик ўтказищ коэффициенти;  t - температураларнинг фойдали фарқи (жараённинг ҳаракатлантирувчи кучи). Иссиқлик ўтказиш коэффициенти концентрациянинг ортиши (яъни қовушқоқликнинг кўпайиши) билан ҳамда эритма қайнаш температурасининг пасайиши билан камаяди. Буғлатиш аппаратидаги температураларнинг фойдали фарқи  t иситувчи буғнинг конденсацияланиши ва буғлатилаётган эритманинг қайнаш температуралари ( T , t қ ) нинг айирмасига тенг: Температуранинг йўқотилиши. Буғлатиш аппаратларида температуранинг йўқотилиши юз беради, бу ҳол ўз навбатида исистувчи буғ ва буғлатилаётган эритма температурлари ўртасидаги фарқнинг камайишига олиб келади. Температураларнинг йўқотилиши  температура депрессисяси  ’, гидростатик депрессия  ’’ ва гидралик депрессия  ’’’лардан ташкил топган бўлади:  =  ’+  ’’+  ’’’.

Температура депрессияси деб бир хил босимда олинган эритма қайнаш температураси билан тоза эритувчи қайнаш температураси ўртасидаги фарққа айтилади.  ’ нинг қиймати эриган модда ва эритувчининг физик- кимёвий хоссалари, эритма концентрацияси ва босимга боғлиқ. Тажриба йўли билан олинган  ’ нинг қиймати махсус справочник адабиётларида берилади. Температура депрессиясининг қийматлари одатда атмосфера босимида топилган бўлади. Бошқа босимлардаги суюлтирилган эритмалар учун  ’ нинг қиймати И.А.Тишенко тенгламаси орқали топиш мумкин: бу ерда  ’ атм -атмосфера босимидаги температура депрессияси, 0 С; Т- тоза эритувчининг берилган босимдаги қайнаш температураси, К; r - тоза эритувчининг берилган босимдаги буғланиш иссиқлиги, кЖ/кг. Буғлатиш аппаратидаги иситиш трубаларининг пастки бир қисми суюқлик билан тўлган бўлади. Суюқликнинг устида эса буғ-суюқлик эмульсияси жойлашади. Трубаларнинг юқориги қисмига кўтарилган сари эмульсия таркибида буғнинг миқдори кўпайиб боради. Шартли равишда иситиш трубаларининг ичида суюқлик жойлашган деб олсак, бунда трубадаги гидростатик босим таъсирида, суюқликнинг пастки қатламларида қайнаш температураси юқориги қатламларидагига нисбатан катта бўлади. Гидростатик эффект таъсирида эритма қайнаш температурасининг ортиш жараёни гидростатик депрессия деб аталади. Вакуум билан ишлайдиган буғлатиш аппаратларида гидростатик депрессия анча катта қийматга эга бўлади. Гидростатик депрессиянинг қийматини аниқ ҳисоблаш қийин, чунки  ’’ иситиш трубаларининг деярли катта қисмини эгаллаган буғ-суюқлик эмульсиянинг циркуляцияси тезлигига ва унинг ўзгарувчан зичлигига боғлиқ. Шу сабабдан  ’’ нинг қийматлари тажриба натижаларидан олинади. Эритма циркуляция қилинадиган вертикал аппаратлар учун  ’’ нинг қийматини 1..3 0 С атрофида олиш мумкин.

Иккиламчи буғ сепаратор қурилмалари ва трубапровод орқали ҳаракатланганда ўз йўлида гидравлик қаршиликлар (ишқаланиш ва маҳаллий қаршиликлар) ни енгади. Натижада иккиламчи буғнинг босими камаяди, бу ҳол ўз навбатида унинг тўйиниш температурасининг қисман камайишига олиб келади. Гидравлик қаршиликлар таъсирида эритма температурасининг ортиш жараёни гидравлик депрессия деб юритилади.  ’’’ нинг қиймати одатда 0,5...1,5 0 С интервалда бўлади. Битта аппарат учун  ’’’ нинг қиймати 1 0 С га тенг деб олиш мумкин. Шундай қилиб, температура ва гидростатик депрессияларни ҳисобга олган ҳолда эритманинг қайнаш температурасини қуйидагича аниқлаш мумкин: бу ерда Т‘-иккиламчи буғ температураси.

Похожие

Кўп аппаратли буғлатиш қурилмаси

Иссиқлик жараёнлари. буғлатиш ва қуритиш

Ажратмани ёт моддалардан тозалаш усуллари. буғлатиш. буғлатишда ишлатиладиган асбоб-ускуналар

Кристалланиш ва кристализаторлар

Массажни турли касалликларда қўллаш