Бириктирувчи тўқиманинг зарарланиши билан кечадиган диффуз касалликлар - Медицина - Рефераты

Бириктирувчи тўқиманинг зарарланиши билан кечадиган диффуз касалликлар

Загружено в:

20.09.2019

Скачано:

0

Размер:

236.5 KB

Бириктирувчи тўқиманинг зарарланиши билан кечадиган диффуз касалликлар Режа: 1. Системали қизил югурук 2. Ювенил ревматоид артрит 3. Артритлар 4. Реактив артрит

СИСТЕМАЛИ ҚИЗИЛ ЮГУРУК Системали қизил югурук - этиологияси ноаниқ, системали аутоиммун ревматик касаллик бўлиб, иммун-бошқарув механизми– даги генетик нуқсон асосида ривожланади. Бунда ядро таркибига нисбатан кенг спектрли органоспецифик аутоантителолар ва иммун комплекслар куп миқдорда ишлаб чиқарилади ва улар тўқиманинг иммун яллиғланишига ҳамда ички органлар функцияларининг бузилишига олиб келади. ТАШҲИCОТ МЕЗОНЛАРИ 1. Анамнези: Ирсий мойиллик, яқин қариндош, эгизакларнинг касалликлари ва HLA тизими бўйича алоҳида касалликларнинг маркерлари аниқланиши, трансплацентар ўтадиган сурункали узлуксиз инфекция, секинлик билан таъсир этадиган вируслар (ретровируслар). Қуйидагилар ҳал қилувчи омил ҳисобланади: стрессли вазиятлар, совкотиш, гиперинсоляция, оқсил ва кимевий препаратларни нотўғри қўллаш. 2. Клиник мезонлар: СҚЮни ташҳислаш белгиларига (Америка ревматологлар ассоциацияси мезонлари, 1982) қуйидагилар киради: эритематоз «капалак», дискоид тошма, фотодерматит, огиз бушлиги шиллиқ қаватларида яралар, артрит, серозит (плеврит, перикардит), буйрак ва марказий асаб тизимининг жароҳатланиши. Клиник белгиларнинг қолганлари ва кўп учрайдиганлари (гавда ҳарорати ошиши, дистрофия, лимфоаденопатия ва б.) қўшимча мезонларга киритилиши лозим. Юқорида қайд этилган 8 та мезондан болаларда ташҳислаш учлиги (тери синдроми, артрит, полисерозит) эътиборни ўзига тортади: Тери синдроми: ў з ичига 28 хил тошмаларни (эритематоз доглардан то оғир буллёз ўзгаришларгача) олади. Патогномоник белги бу «капалак» – бурун усти ва атрофида эритема. Сурункали кечишида 25% беморларда

гиперемия, инфильтрация, фолликуляр гиперкератоз ва чандиқли атрофия билан кечадиган дискоид ўчоқлар пайдо бўлади. Болаларда кўпинча оғиз бўшлиғи шиллиқ қаватларининг нуқтали геморрагияли энантемаси ва эрозияси учраб, оғриқсиз еки овқат истеъмол қилинаётганда оғриқ билан кечади. Бу жараённинг зўрайишида энантемалар оқ чандиқларга айланади. СҚЮ да кўп ҳолларда телеангиоэктазия ва тери қуруқлиги, диффуз соч тўкилиши, тирноқнинг деформацияси ва синиши каби умумий трофик ўзгаришлар учрайди. Люпус-артрит кўпинча транзитор интенсив («морфинли») артралгия, миалгия билан бирга кузатилади. Полиартритда эса майда, ўрта бўғимларнинг асимметрик зарарланиши (бармоқ, кафтбилак ва болдир- оёқ панжаси бўғимлари), кам ҳолларда – йирик бўғимларнинг зарарланиши рўй беради. Синовиал суюқликда – ревматоид артритдан фарқли ўлароқ – ёпишқоқлик даражаси юкори, кам миқдорда, LE- гавдачалар бўлиши мумкин. Рентгенологик текширишда бўғим тирқиши қисқариши, остеопороз аниқланади. Полисерозитлар СҚЮнинг эрта симптомларидан бири бўлиши мумкин ва кўпинча адгезив перикардит кўринишида намоён бўлади: интенсив кардиалгия, тахикардия, юрак товушининг бўғиқлиги, хансираш ва перикарднинг нодоимий ишқаланиш шовқини. Плеврит – икки томонлама, қайталанувчи, фибринозли қуруқ ёки ҳўл. Кам ҳолларда перитонит ва перигепатит бўлади . Кардиал синдром. СҚЮ учун Либман-Сакснинг сўгалли эндокардит, кейинчалик митрал клапан етишмовчилининг ривожланиши билан кечиши: юрак чўққисида дағал систолик шовқин, унинг чап қўлтиққа ўтиши, I товушнинг сусайиши, ўпка артериясида II товуш акценти, рентгенологик - юракнинг «митрал» қонфигурацияси характерли. Томир зарарланиши синдроми . Кўпинча дигитал капилляритлар, коронарит, кам ҳолларда - аортит. Ҳар тўрттадан бир беморда ҳуруж вақтида васкулитнинг аломати сифатида оёқлар тромбофлебити

кузатилади. Мезентериал артериит СҚЮда абдоминал кризнинг сабабчиси бўлади. Буйрак синдроми . Люпус - нефритнинг миллий таснифи (В.В. Серов ва ҳаммуаллифлар, 1980) асосида 7 хил морфологик ўзгаришлар ётиб (ўчоқли пролиферативдан то фибробластик ўзгаришгача), улар динамик жараённинг даврлари сифатида қаралади. И.Е Тарееванинг таснифига асосан нефритнинг қуйидаги формалари ажратилади: тез ривожланадиган (2–3 йил) – 10–20%; нефрит нефротик синдроми билан – 30–40%; нефрит кучайган сийдик синдроми билан – 30–35%; нефрит минимал сийдик синдроми еки субклиник протеинурия (сийдикда оқсил 0,5г. дан кам) билан. Люпус-нефрит активлигининг клиник-лаборатор белгилари: протеинурия > 1 г/суткада; эритроцитурия 1 мл сийдикда > 10000. цилиндрлар гиалинли, донадор 1 мл сийдикда 250 > қон зардобида креатининнинг ошиши; коптокча фильтрациясининг сусайиши. Меъда-ичак йўли (МИЙ)нинг зарарланиши ҳар иккинчи беморда учрайди. Шикоятлар-кўнгил айниши, иштаҳа йўқлиги, жиғилдон қайнаши кабилар. Қорин соҳасидаги турли хил оғриқлар МИЙ нинг у ёки бу соҳасидаги патологик жараённи кўрсатади ҳамда абдоминал кризда жарроҳ кўригининг зарурияти туғилади. Нейролюпус СҚЮли болаларнинг ҳаммасига хос бўлиб, мигрендан то энцефаломиелополирадикулоневритгача. Нейролюпусни ташҳислаш учун катта мезонлардан бири ёки кичик мезоннинг бири ва ЭЭГ, сцинтиграмма, церебрал агниографияда ёки цереброспинал суюкликда (оқсил > 0,5–1,0 г/л, плеоцитоз, босимнинг ортиши) ўзгариш мавжуд бўлиши керак. Системали қизил югурук кечишининг клиник кўринишлари (Насонова В.А., 1972–1986) o Касалликнинг кечиш таърифи: ўткир; ярим ўткир; сурункали; қайталанувчи полиартрит, югурук синдроми, Рейно, Шегрен, Верльгоф синдромлари. o Жараённинг даври ва фаоллик даражаси: Фаол даври

Фаоллик даражаси: юқори (III), ўрта (II), минимал (I) Нофаол даври (ремиссия) o Зарарланишнинг клиник- морфологик таърифи: Терида: «Капалак» синмптоми, капилляритлар, экксудатив эритема; пурпура; дискоидли югурук ва б. Бўғимларда: артралгия; ўткир, ярим ўткир, сурункали полиартритлар. Сероз кобиқларда: полисерозит (плеврит, перикардит) қуруқ, адгезив, ҳўл; перигепатит; периспленит. Юракда: миокардит; эндокардит; митрал клапани етишмов– чилиги. Ўпкада: ўткир, сурункали пневмонит; пневмосклероз. Буйракда: люпус-нефрит нефротик ёки аралаш тури ; сийдик синдроми. Асаб тизимида: менингоэнцефалополирадикулоневрит; полинев–рит. 3. Параклиник мезонлар: 1) қоннинг умумий таҳлили – ЭТнинг ошиши, лейкопения, гипохром анемия, тромбоцитопения, СРО(С реактив оқсил) ошиши; 2) сийдикнинг умумий таҳлили - протеинурия, гематурия, лейкоцитуриянинг ифода этилиши югурук нефритининг клиникморфологик кўринишига боғлиқ. 3) биокимёвий тадқиқотлар - биокимёвий кўрсаткичларнинг ўзгариши хос эмас ва улар ички органларнинг зарарланиш даражасига ва касаллик даврига боғлиқ. 4) иммунологик тадқиқотлар – гипергаммаглобулинемия, Ig G, Ig M кўтарилиши, антинуклеар омиллар мавжудлиги, антинуклеар антителолар;

5) бошқа лаборатор ўзгаришлар – LE-гавдачалар мавжудлиги ( lupus erythematosus да) , иммун бирикмалар, ревматоид омиллар. Қиёсий ташҳисот: СКЮни бириктирувчи тўқиманинг зарарланиши билан кечадиган бошқа диффуз касалликлар, неопластик жараёнлар, сепсис, септикопиемиялар билан киесий ташҳис утказилади. Ташҳис эталони: СҚЮ, ярим ўткир кечиши, II фаоллик даражаси, терининг «капалак» кўринишидаги зарарланиши, эндокардит, полиартралгия, полиневрит. Даволаш 1.1. Парҳез, оқсил ва витаминларга бой, туз ва енгил ўзлаштириладиган углеводларни чеклаш. Парҳез коррекцияси буйрак ва юрак функциялари бузилганда олиб борилади. 1.2. Юқори фаоллик даражасида қатъий ётоқ тартиби ва беморнинг ҳолатига мос равишда функционал текширувлар натижаси асосида бу тартиб кенгайтирилиб борилади 1.3. Ўпка, юрак, бўғим функцияларини яхшилаш мақсадида шифобахш жисмоний тарбия муолажалари. 2.1. Глюкокортикостероидлар: а) юқори фаоллик даражасида – преднизолон 2–5 мг/кг/сутка, 3 маҳал биоритмга мос равишда. Жараённинг сўниб боришига билан мос равишда дозаси 5–10 мг/суткагача камайтирилади. б) касалликнинг энг юқори фаоллигида – пульс- терапия: метипред в/и 600–800 мг/сут.гача 2–3 кун мобайнида, кейинчалик – 1 маҳал ҳар 3 ойда. 2.2. Ностероид яллиғланишга карши препаратлар – касалликнинг минимал фаоллик даражасида , бўғим синдромида. 3.1. Иммунодепрессантлар ташҳис қўйилган кундан бошлаб бир неча йил мобайнида

3.2. 4-аминохинолин қаторидаги препаратлар – СҚЮнинг минимал фаоллик даражасида – 1–3 йил. 3.3. Иммунограмма натижалари асосида – тимактид, тимозин - альфа (табл. 0,25 г) 1/4-1 табл. тил остига 1 маҳал № 5–7. 3.4. Плазмаферез – 3 сеанс 5 кун оралатиб, кейинчалик – 1 маҳал 3 ойда, пульс-терапия билан биргаликда. 3.5. Гемосорбция. 3.6. Гипербарик оксигенация № 7–10. 4.1. Микроциркуляцияни равонлаштирувчи препаратлар: - курантил, дипиридамол, персантин (др.0,025; 0,075 г) 1 ой давомида кунига 0,025 г дан 2–3 маҳал; - ксантинола никотинат (табл.0,15 г) 1 табл.дан кунига 2– 3 маҳал, курс –1 ой; - трентал, пентоксифиллин, агапурин, ралофект, дартелин, тидоф-лекс, флекситал (табл., др. 0,1; 0,2; 0,4). г) 0,1–0,4 г дан кунига 2–3 маҳал, курс –1 ой. 4.2.Седатив терапия – МАТ жароҳатланганда ва нейроциркулятор дистонияларда. 4.3. Нефропатияни даволаш ("Гломерулонефрит" бўлимига қаранг). 4.4. Қон айланиши етишмовчилигини даволаш. 4.5. Антибактериал терапия – глюкокортикостероидларнинг юқори дозаси ва цитостатиклар билан даволаганда, бактериал инфекциялар қўшилганда. 4.6. Анаболик препаратлар - дистрофия ривожланганда: - ретаболил (амп. 5% – 1 мл) 0,4 мг/кг м/о 1 маҳал 3–4 ҳафтада №5, глюкокортикостероидлар дозаси камайтирилган ёки муолажадан олиб ташланган даврида берилади. - калий оротат (табл.0,1; 0,5 г) 0,25–0,65 г дан кунига 2–3 маҳал, 2–3 ҳафта мобайнида.

Реабилитациянинг поликлиник босқичи: 1. Меъёрни ушлаб турувчи терапия: а) Преднизолон 5–10 мг/сут. ёки нестероид яллиғланишга қарши препаратлар даволовчи дозанинг 1/3–1/2 қисми , узоқ муддат давомида (3–5 йил ва ундан ҳам кўп – кўрсатмага мувофиқ); б) Цитостатиклар даволовчи дозасининг 1/3-1/2 қисми ёки 4- аминохинолин қатори препаратлари даволовчи дозасининг 1/2 қисми. 2. Парҳез терапия. 3. Микроциркуляцияни равонлаштирувчи препаратлар ( 4.1 га қаранг), 1 ойдан йилига 2–3 марта. 4. Шифобахш жисмоний тарбия. 5. Сурункали инфекция ўчоғини даволаш, интеркуррент касалликларни антибиотиклар билан 10 кун давомида даволаш, касалликнинг ўткир даврида глюкокортикостероидлар дозасини ошириш. ДИСПАНСЕР КУЗАТУВИ Мутахассислар кўриги Кардиоревматолог ҳар ойда. Педиатр кварталда 1 марта. Кардиоревматологик марказ кварталда 1 марта. Қолган мутахассислар – кўрсатмага бўйича. Кўрувда аҳамият беринг Ички органларнинг ҳолати, тери ва шиллиқ қаватларнинг ҳолатига, буйрак функцияси, интеркуррент касалликларнинг учраш тезлиги ва сурункали инфекция ўчоғи. Қўшимча текширувлар Клиник ва биокимёвий таҳлиллар – ҳар ойда . Зарарланган органларни чуқур текширув, йилига камида 2 марта. Иммунологик текширувлар йилига камида 2 марта ва кўрсатмага мувофик. Асосий Базис терапияни систематик равишда қўллаш.

соғломлаштириш йўллари Стационарда даволаш йилига камида 2 марта. Инфекция ўчоқларини радикал санация килиш. Зарарланган тизим ва органларнинг функционал ҳолатига мос тартиб ва парҳез. Гиперинсоля–ция, совқотишнинг олдини олиш, наф бермаганда оқсил ва кимёвий препаратларни юбормаслик. Диспансер кузатуви самарадорликлик мезонлари Органларнинг прогрессив равишда зарарланиши кузатилмайди. Рецидивнинг камайиши ва бўлмаслиги. Жараённинг фаоллик даражаси ошмаслиги ёки камайиши. Беморнинг функционал ҳолати, ишлаш кобилияти, умумтаълим мактабларида ўқиш имқонияти. Болалар кузатиб борилади. Профилактик эмлаш Профилактик эмлашдан озод этиш, нофаол даврида эпид. кўрсатмаларга мувофиқ, индивидуал тартиб асосида. ЮВЕНИЛ РЕВМАТОИД АРТРИТ Бириктирувчи тўқима зарарланиши билан кечадиган диффуз касалликлардан бири бўлиб, асосини иммун-патологик жараён ташкил қилади. Аксарият беморларда ациклик чўзилувчан ва сурункали кечиш тусини олиб, суяк, бўғим ва мушак тизимини жароҳатлайди (А.А.Яковлев,1987). «Ревматоид артрит» термини 100 йил олдин Carrod (1892) томонидан киритилган. ТАШҲИСОТ МЕЗОНЛАРИ 1. Анамнези:

Вирусли инфекцияга, айниқса Эпштейн-Бар вирусига ахамият берилади, жараёнда парвовирусларнинг ҳам иштирок этиши мумкин. Ревматоид артритга оилавий мойиллик 24–47% ни ташкил қилади. 2. Клиник мезонлар: Бўғим синдроми - болаларда кўпрок йирик ва ўрта бўғимлар умуртқа поғонанинг бўйин қисми эса катталарга нисбатан камроқ шикастланади. Хасталик қўл ва оёқлар майда бўғимларининг шикастланиши билан бошланади. Яллиғланишнинг ўзига хос ҳамма белгилари, симметрик зарарланиш, эрталабки карахтлик, бўғим деформацияси кабилар кузатилади. Бўғим соҳасидаги мушаклар эрта атрофияга учрайди. Боланинг умумий бўйи ва скелетнинг алоҳида соҳаларининг ўсиши орқада қолади. Рентгенологияда - юмшоқ тўқиманинг қаттиқлашиши ва остеопороз эрта аниқланади, кейинчалик эса суяк-тоғай деструкция–си ва суякланиш ядроларининг бузилиши кузатилади. Ретикуло-эндотелиал тизимнинг зарарланиши: лимфоаде– нопатия, гепатомегалия. Кўзнинг зарарланиши: увеит, иридоциклит, кератит, склерит, катаракта. МАТ нинг зарарланиши: ўзгарувчан, бекарор кайфият, депрессия, суткалик гавда ҳарорати ритмининг ўзгариши, вазомотор бекарорлик, қўл ва оёқларда парастезиялар, пай рефлексларининг ва сезувчанликнинг дистал типи бўйича сусайиши. Бўғим-висцерал турида жараёнга у ёки бу ички органлар ва тизимлар қўшилиб, секин-аста амилоидоз ривожланиб боради. Энг огир тури - Стилл касаллиги бўлиб, унга кўп ички органларнинг зарарланиши, лимфоаденопатия, гепатоспленомегалия, тез авж оладиган полиартрит, иммуногенезнинг чуқур зарарланиши, қоннинг оқсил таркиби ва моддалар алмашинувининг ўзгариши, ногиронлик хосдир.

Аллергосептик тури (Вислер-Фанкони аллергосепсиси)га учта симптом хос. Биринчи, – антибиотиклар ва ҳароратни туширувчи дориларга рефрактер бўлган нотўғри турдаги иситма. Иккинчи – қайталанувчи аллергик тошмалар ва учинчи – бўғим синдроми, бу хасталик бошида барқарор бўлган қайталанувчи полартралгия кўринишини олади. Қон таҳлилида ўткир даврга хос кўрсатгичлар (гипохром анемия, диспротеинемия) яққол намоён бўлади,. Қонда ёки синовиал суюқликда ревматоид омил (РО) аниқланиши (серопозитив тури) мумкин. РО нинг эрта аниқланиши ва юқори кўрсаткичлари ревматоид артритнинг нохуш кечишидан далолат беради ва қайталаниш, кенг тарқалган васкулитнинг ривожланиш эҳтимоли бор. Болаларда кўпинча серонегатив тури учрайди. Касаллик катта ва ўрта бўғимларнинг зарарланиши билан кечиб, болдир суяги бошчасининг асептик некрози ривожланади. Эрталабки карахтлик суст ифодаланади, ревматоид тугунчалар бўлмайди. Кўп тизимларнинг зарарланиши жараённинг тез авж олишига олиб келади. 3. Параклиник мезонлар: а) қоннинг умумий таҳлили - гипохром анемия, нейтрофил лейкоцитоз, ЭТ ошиши; б) қоннинг биокимёвий таҳлили - сиал кислоталарининг кўпайиши, мусбат С-реакти, оқсил, диспротеинемия (оқсил қўпол дисперс фракциясининг кўтарилиши); в) қон зардобида ёки синовиал суюқликда мусбат ревматоидли омил, IgМ, IgG ларнинг ошиши,Т-лимфоцитлар камайиши; г) рентгенологик текшириш: бўғим атрофи остеопорози, бўғим бўшлиғига суюқлик йиғилиши, периартикуляр тўқиманинг қаттиқла–шиши, суяк нуқсонлари, суяк анкилози, суяк ўсишининг бузилиши. Даволаш 1. Ностероид яллиғланишга қарши препаратлар:

а) арилпропион кислотадан келиб чиккан: - ибупрофен 0,01–0,04 г/кг/сут. 3–4 марта; - напроксен (напроксин) 1 табл.дан (0,25) кунига 2–3 маҳал; - ансейд 1 табл.дан (0,1) кунига 1–2–3маҳал. Антикоагулянтлар, бета-блокаторлар, гипотензив препаратлар, антидепрессантлар билан қўшиб бериш мумкин. б) арилсирка кислоталари 2–3 мг/кг/сут 2–4 марта: - диклофенак-натрий (реводин, вольтарен, ортофен, наклофен) 1 табл. (0,025 г), 1 амп. – 2,5% –3,0 мл; - вольтарен-ретард 1 табл. (0,1) кунига 1–2 маҳал. Ацетилсалицил кислота ва антикоагулянтлар қўшиб бўлмайди. в) индол ва инденсирка кислота препаратлари 1–3 мг/кг/сут: - индометацин (метиндол) 1 табл. (0,025); - сулиндак (клинорил) 1 табл. (0,1; 0,15; 0,2; 0,3). г) салицил кислоталар препаратлари 0,2 г/йил ёшига/сут: - ацетилсалицил кислота (аспирин) 1 табл. (0,25; 0,5); - долобит (дифлунизал) 750-1500 мг/сут; - аспизол 1 фл. 1,0 г м/о, в/и изотоник эритмада. д) Оксикамлар: пироксикам, изоксикам, судоксикам, роксикам – 1 табл. (0,01) кунига 2–3маҳал. 2. Глюкокортикостероидлар: а) бўғим-висцерал турининг юқори фаоллик даражасида, терапия самарасизлигида – преднизолон 1–2 мг/кг/сут.; б) бўғим турида: - гидрокортизон бўғим/ичига 5дан то 150 мг гача 1 маҳал 5–7 кунда №3–5; - дипроспан 0,1–1,0 мл 2–3 мл физиологик эритмада; - кеналог (триамцинолон ацетонид) 6 ёшдан катта болаларга 2,5–15 мг дозада, кеналог – 10 (1 мл=10 мг), кеналог-40 (1 мл=40 мг).

3. Аминохинолин препаратлари: плаквенил, делагил, резохин ва бошқалар 1 маҳал кечки овқатдан сўнг. 7 ёшгача – 100 мг (1/2 табл.), 7 ёшдан кейин – 200 мг (1 табл.), 14–15 ёшдан сўнг 200–400 мг (1–2 табл). Самара кузатилганда қувватлаб турувчи дозага, яъни 50% тенг дозага ўтилади. 4. Салазиндан ишлаб чиқилган: салазопиридазин, сульфасалазин – 1 табл. (0,5) кунига 2–4 маҳал. 5. Олтин препаратлари : а) ауронафин, аурофан, голдар дозада 0,1 мг/кг/сут, аста- секин то 0,2 мг/кг/сут. гача оширилади; 1 табл.=0,003 г. б) кризанол 5% м/о 0,5–1,0–2,0 мл (17–34 мг металл олтини) ҳафтада 1 марта ( курсига 1–1,5 г олтин). 6. Д-пеницилламин, купренил (1 капсула = 0,15), артамин (1 капсула = 0,05; 0,15; 0,25) дозада 10 дан то 25 мг/сут. гача қувватлаб турувчи доза – 5 мг/сут. 7.Юқори фаол даражада ва кенг тарқалган турида: а) хлорбутин (лейкеран) 0,05–0,1 мг/кг/сут 6 ой ва ундан кўп (1 табл.= 0,002; 0,005 г). б) метотрексат 5–10 мг/кв.метр тана юзасига ҳафтада 1 маҳал 1 йил давомида ва ундан кўп: в) азатиоприн (1 табл.=0,05 г) 0,002 г/кг/сут. 3–4 марта 1–2 ой давомида, кейин 50% дозада. 8.Яллиғланишга, маҳаллий шишга қарши ва сўрилтирувчи таъсирга эга ферментлар мажмуи бўлган препаратлар : - вобэнзим (др.) 2–6 драже кунига 3–4 маҳал, 1–2 ой, кейин 1– 4 драже кунига 3 маҳал, 3–6 ой давомида; - мульсал (др.) 2–4 драже кунига 3–4 маҳал, 1–2 ой. 9. Физиомуолажалар:

- бўғимларга УВ, СВЧ ; - фонофорез гидрокортизон, калий йодид, новокаин билан; - магнитотерапия; - лазеротерапия; - димексид, гидрокортизон, гепарин аппликациялари; -уқалаш жароҳатланган кисмига, умумий уқалаш- нофаол даврда ва I фаоллик даражасида - Санатория-курортларда даволаниш нофаол даврда ва I фаоллик даражасида. - механотерапия минимал фаолликда. 10.Жарроҳлик усулида даволаш нофаол даврда– синовиалэктомиядан то эндопротезлашгача. 11. Ётоқ тартиби- юқори фаоллик даражасида, секинлик билан кенгайтириш, шифобахш жисмоний тарбия; - парҳез; - касаллик борасида бемор ва ота-оналарининг билим савиясини ошириш. - сурункали инфекция ўчоғини аниқлаш ва даволаш, интеркуррент касалликларни ҳам даволаш. Реабилитациянинг поликлиник боскичи: 1. Кувватлаб турувчи (поддерживающая) терапия: - базис терапия ( 3–6 та препарат) - яллиғланишга карши (1 та препарат даволаш дозасининг1/2– 1/3 кисми оғриқ синдромидан 1 соат олдин. 2. Физиомуолажалар, жарроҳлик давоси (9–10 га қаранг). РЕВМАТОИД АРТРИТ БИЛАН КАСАЛЛАНГАН БОЛАЛАРНИ ДИСПАНСЕР КУЗАТУВИ ВА РЕАБИЛИТАЦИЯСИ

Ревматоид артрит, бўғим тури Ревматоид артрит, бўғим- висцерал тури Мутахасси слар кўриги Шифокор йилига 2 маҳал, кардиоревматолог 3 ойда 1 марта. Окулист,оториноларинголог, стоматолог йилига 2марта, кўз шикастланганда ва аминохинолинлар билан даволаётганда 3 ойда 1 марта. Ортопед йилига 2 марта. Қолган мутахассислар кўрсатма бўйича. Кардиоревматолог 2–3 ойда 1 марта ва кўрсатма бўйича. Окулист, оториноларинголог, стоматолог йилда 2 марта. Қолган мутахассислар кўрсатма бўйича. Кўрувда аҳамият беринг Ҳолсизлик, ҳарорат, эрталабки карахтликнинг давомийлиги ва функционал ҳолатнинг қолган белгилари; яллиғланиш, деформация; тери ости қавати мушак, лимфатик тугунлар, жигар, талок кўз, юрак-томир ва бошқа тизимлар ҳолати. Ҳолсизлик, гавда ошмаслиги, атрофияси, бўғим Лимфатик, гепатолиенал жароҳатланиши органлар ва ҳолати. ҳарорат , вазнининг мушак тошмалар, синдроми. тизимнинг , қолган кўзнинг Қўшимча 1. Умумий қон таҳлили, 1. Умумий қон ва текширув ЭТ га сиал кислотасига, сийдик таҳлили ойда 1 -лар протеинограмма,сийдик марта. таҳлили – 3 ойда 1 марта. 2.Қоннинг ЭТ га, сиал 2.ФЭКГ, иммун текширув кислотага, йилда 2 марта. протеинограмма – 2–3 3. Бўғимларни рентгени – ойда 1 марта. йилда 1 марта. 3. Иммун текширув ва ФЭКГ йилда 2 марта ва кўрсатма бўйича. Асосий 1. Сурункали инфекция 1. Сурункали

инфекция соғлом- ўчоғини; ўчоғини, интеркуррент лаштири 2. Интеркуррент касаллик– касал-ликни даволаш. ш ни даволаш. 2.Ностероид ва йўллари 3.Ностероид ва аминохинолин препа- аминохинолин препа-ратлар ратлар билан узоқ билан узок муддат даволаш. муддат даволаш. 4. Уқалаш- умумий ва 3.Глюкокортикостероид бўғимга. ла, 5.Физиомуолажалар. иммунодепрессантлар – 6.Санатория-курортларда кўрсатма бўйича даволаш. қувватлаб турувчи 7.Симптоматик даволаш. дозада. 4. Уқалаш, шифобахш жисмоний тарбия, физиомуолажалар. 5. Симптоматик даволаш. Кузатув Камида 5 йилдан кейин ва Кузатувдан олинмайди, давомий- таянч-ҳаракат аппаратининг терапевтга ўтади. лиги функцияси бузи лганда терапевтга ўтади. Жисмони ЛФК еки махсус гуруҳда шифобахш жисмоний й тарбия тарбия, махсус гуруҳ. АРТРИТЛАР Таянч- ҳаракат аппарати зарарланиши номенклатурасига 100 дан зиёд касалликлар киритилган (1971). Болаларда бўғим жароҳатланишининг кўп учрайдиган турларини 4 та гуруҳга бўлиш мумкин: 1. Ўткир ва сурункали касалликларда реактив артритлар; 2. Специфик артритлар; 3. Артритлар – бириктирувчи тўқиманинг диффуз яллиғланиши кўриниши;

4. Остеохондропатиялар. РЕАКТИВ АРТРИТ Реактив артрит (РА)- бўғимда яллиғланиш билан кечадиган касаллик бўлиб, у ёки бу инфекция билан боғлиқ, аммо бўғим бўшлиғида на микроорганизм ва на унинг антигени топилмайди. Болаларда таянч- ҳаракат аппарати зарарланишининг 50% ни РА ташкил қилади. РА нинг этиопатогенезида 3 омил аҳамият касб этади: 1. яллиғланиш жараёнини қўзғатган микроорганизмнинг таърифи; 2. бирламчи инфекция ўчоғининг жойлашиши (масалан, сийдик чиқариш йўлларида ва жинсий органларда); 3. микроорганизмнинг ҳолати, ирсий мойиллик. ТАШҲИСОТ МЕЗОНЛАРИ I. Анамнези: 1–4 ҳафта олдин ўткир респиратор инфекция, энтероколит, сийдик чиқариш йўллари ва жинсий органларнинг ўткир хасталиги (вульвит, цистит, пиелонефрит ва б.), огиз, бурун, ҳалқумдаги сурункали инфекция ўчоғининг ҳуружи, гижжа инвазиясини бошидан кечирган. II. Клиник мезонлар: 1. Артритик симптомокомплекс: йирик ва ўрта бўғимларнинг асимметрик зарарланиши: шиш, оғриқ, маҳаллий ҳарорат кўтарилиши, зарарланган бўғим усти териси гиперемияси, фаолиятнинг бузилиши. РА учун эрталабки карахтлик ва зарарланишнинг кўчиши хос эмас. Одатда, асосий касалликни даволаганда бу симптомлар 1–2 ҳафта ичида ўтиб кетади. 2. Инфекцион яллиғланиш симптомлари: тери ва шиллиқ қаватларнинг рангпарлиги, регионар лимфатик тугунларнинг катталашиши, гавда

ҳароратининг кўтарилиши (кўпинча субфебрил), қоннинг ўрта миёна яллиғланиш реакцияси. 3. Қолдиқ асоратлар симптомлари: артритдан олдин ривожланган ўткир касалликнинг: қуруқ йўтал, ҳалқум орқа деворининг донадор гиперемияси, бўйин лимфатик тугунларининг катталашиши (ЎРВИ дан кейин); иштаҳанинг пасайиши, кўнгил айнаши, ахлати узгарувчан, дисбактериоз симптомлари, сийдик ажралишининг бузилиши, микропротеинурия, лейкоцитурия, микрогематурия, субфебрил гавда ҳарорати (пиелонефритдан сўнг). III. Параклиник мезонлар: а) бўғим рентгенограммасида – периартикуляр тўқиманинг қаттиқлашиши, бўғим бўшлиғида суюқлик. б) бўғимнинг пункцияси – асептик яллиғланиш. Қиёсий ташҳисот Ревматоидли артрит, ревматизм, остеохондропатия, остеомиелит билан ўтказилади. РЕАКТИВ АРТРИТНИНГ ЎХШАШ КАСАЛЛИКЛАР БИЛАН ҚИЁСИЙ ТАШҲИСИ Белгилар Реактив артрит Ревматоид артрит Сил артрит Пертес касаллиги Энг кўп шикастланадиган бўғим Болдир-оёқ панжаси, тизза, тирсак Тизза, болдироёқ панжаси, лучезапястный Тос-сон кафт усти Чаноқ-сон Эрталабки карахтлик Йўқ Одатда Йўқ Йўқ Тунги қичқириқлар Бўлиши мумкин Кузатилади Хос Бўлмайди Абсцесс ва оқмалар Бўлмайди Бўлмайди Хос Бўлмайд и Бўғим учида Кузатилма Хос Ўчоқли Кечки

остеопороз йди даврда Суякда деструкция ўчоғи Йўқ Псевдокиста лар Кузатила ди Фрагментац ия Туберкулин синама _ + _ + _ + _ Синовиал суюқликда нейтрофиллар кўпроқ учраши Йўқ Кўпроқ учрайди Кам учрайди Йўқ Синовиал суюқликда ревматоид омил Одатда бўлмайди Мусбат Йўқ Йўқ Ревматик касалликларнинг замонавий таснифида РА куйидаги гуруҳларга бўлинади: - энтероколитдан сўнг (постэнтероколитли) - урогенитал - ўткир бурун-ҳалқум инфекциясидан сўнг; - ўчоқли сурункали инфекцияда; - гижжа инвазиясида; - эмлашдан сўнг. Даволаш 1.Инфекция ўчоғини даволаш; 2.Ажратиб олинган қўзғатувчига қарши антибиотикотерапия: а) Пенициллин қатори: бензилпенициллин 100 минг бирл/кг/cут, ампициллин 1,0–4,0 г/сут; карбенициллин 1,0–6,0 г/сут. б) Цефалоспоринлар: Цебанекс (цефаперазон+сульбактам) суткада 40- 80 мг/сут кунига 2 маротаба м/о ёки т/и.

3. РА нинг постэнтероколитик турида - энтероколитни даволаш. а)диареяга қарши препаратлар: - имодиум 1 капсуладан кунига 2–4 маҳал; - неостопан 1 табл.дан кунига 3–4 маҳал; - фуразолидон 0,05 кунига 4–6 маҳал; б) Антиоксидантлар – витамин А, Е, С; в) Етишмаетган меъёрда микрофлора ўрнини тўлдирмоқ: - бифидумбактерин 1–5 дозада кунига 2–3 маҳал, овқатдан олдин; - бификол 1–5 дозада кунига 2 маҳал; - лактобактерин 1–5 дозада кунига 2 маҳал; -колибактерин 1–5 дозада кунига 2 маҳал. 4. Гижжали реактив артритда – гижжага қарши препаратлар: - вермокс, мебендазол (табл. 0,1 г) 1 табл.дан кунига 2 маҳал 1–3 кун; - декарис, левамизол (табл. 0,05; 0,15 г) 2,5 мг/кг дан кунда 1 марта кечқурун; - комбантрин, пирантел (табл. 0,125; 0,25 г; суспензияси ичишга фл. 5 мл=0,25 г) 10 мг/кг кунига 2 маҳал 1–3 кун; - пиперазин адипинат (табл.) 1–2 табл.дан кунига 1–2 марта 1–5 кун. 5. Урогенитал реактив артритларда – санация инфекция ўчоғида,даволаш гинеколог ёки уролог ҳамкорлигида. а) микробларга карши: - нитроксолин, 5-НОК (табл. 0,05 г) 0,05–0,1 дан кунига 3–4 маҳал; - налидиксия кислотаси, невиграмон (табл.) 0,5–0,1 дан кунига 3–4 маҳал; - фурадонин (табл.) 0,05–0,1 дан кунига 3–4 маҳал; - уробесал (табл.) 1 табл.дан 3–4 кунига маҳал; - уросульфан (табл.) 0,5–1 г дан кунига 3–4 маҳал.

Даволаш давомийлиги индивидуал ҳал килинади. Уросептик курслари ҳар 5–7 кунда алмаштириб турилади . б) Сийдик чиқариш йўллари дезинфекцияси, сийдик ажралишини яхшилаш: - фитолизин по 1 чой қошиқдан – 100 мл сувда кунига 3–4 маҳал; - арчагул (толокнянка) барги қайнатмаси (10:180) 1 чой қошиқдан – 1 ош қошиқгача кунига 5–6 маҳал; - сийдик ҳайдовчи гиёҳлар йиғмаси (10:200) 1 чой қошиқдан – 1 ош қошиқгача кунига 3–4 маҳал. 6. Ностероид яллиғланишга қарши препаратлар – 1–3 ой. 7. Аминохинолин қатори ва салазиндан олинган препаратлар. Реабилитациянинг поликлиник босқичи (Ревматоид артритга қаранг) 1. Қувватлаб турувчи терапия – базис терапия (3–6 та препарат); - яллиғланишга қарши (1 препарат даволи дозасининг 1/2–1/3 қисми, оғриқ синдромидан 1 соат олдин). 2. Физиомуолажа, жарроҳлик йўли билан даволаш (9–10 қаранг). 3. Умумий муолажалар (11 га қаранг).

РЕАКТИВ АРТРИТ БИЛАН ОҒРИГАН БОЛАЛАРНИ ДИСПАНСЕР КУЗАТУВИ ВА РЕАБИЛИТАЦИЯСИ Мутахассис - лар кўруви Кардиоревматолог – 3 ойда 1 марта ҳуруждан сўнг биринчи йили, 2 – йилига 6 ойда 1 марта. Оториноларинголог ва стоматолог – 1 йилда 2 марта. Қолган мутахассислар кўрсатма бўйича. Кўрувда аҳамият беринг Ҳолсизлик, гавда ҳарорати, тошмалар, бўғимларда яллиғланиш белгилари, лимфатик тугунлар, жигар, талоқ, юрак-қон томир тизими ва бошқа органлар ҳолати. Кўшимча текширувл а р Қон, сийдик таҳлили- 1-йили 3 ойда 1 марта, биокимёвий таҳлил - йилда 2 марта; 2-йили- 6 ойда 1 марта. ФЭКГ, бўғим рентгенограммаси, иммунологик текширувлар кўрсатма бўйича . Асосий соғломлашт ириш йўллари 1. Асосий касалликни даволаш. 2. Сурункали инфекция ўчоғини даволаш. 3. Интеркуррент касалликни даволаш ва сиенсибилизацияга қарши препаратлар 2–3 кун мобайнида, ностероид препаратлар 10–14 кундан 1–2 ойгача. 4. Физиомуолажа ва уқалаш бўйича. 5. Адаптоген ва биостимуляторлар- кўрсатма бўйича. Кузатув давомийлиги Орган ва тизимларда зарарланиш ва бўғимда яллиғланиш бўлмаганда ва таянч-ҳаракат функцияси тиклангандан кейин – 2 йил мобайнида.

Адабиёт руйхати: 1. Е.П.Шувалова, Инфекционнўе болезни, М., Медицина, 1999г. 2. В.М.Маджидов, Юқумли касалликлар, Тошкент, 1992й. 3. В.Ф.Учайкмн, Руководство по инфекционнўм болезням у детей, М., Медицина, 1998 г. 4. И.К.Мусабаева, Руководство по воздушно-капельнўм инфекциям, Ташкент. 5. А.Г.Коломиец, В.И.Вотяков и др., Генерализованная герперическая инфекция, фактў и концепция, Минск, Наука и техника, 1992г. 6. В.Ф.Учайкин, Специфическая профилактика инфекционнўх заболеваний у детей, М., Медицина, 1995г. 7. Н.Д.Юшук, А.Д.Царегородцев, Лекции по инфекционнўм болезням, М., ВУНМИ, 1996г. 8. Г.А.Тимофеева, Л.А.Антипова, Инфекционнўе заболеван ия у детей первого года жизни, М., Медицина, 1985

Похожие

Респиратор ва ангина билан кечадиган касалликлар эрта ва дифференциал диагностикаси

С К В

Диарея билан кечадиган касалликларнинг эрта ташхиси

Ўткир ревматик истма

Периферик нерв тизимининг касалликлари