Артериал гипертензиялар уларнинг патогенези ва фармакотерапияси асослари - Медицина - Рефераты

Артериал гипертензиялар уларнинг патогенези ва фармакотерапияси асослари

Загружено в:

20.09.2019

Скачано:

0

Размер:

95.5 KB

Артериал гипертензиялар уларнинг патогенези ва фармакотерапияси асослари Режа: 1. АГ юрак-қон томир тизими касалликлари 2. Қон босимини кутарилишида нейрогуморал факторлар

АГ юрак-қон томир тизими касалликлари ичида энг кўп тарқалгандир. Собиқ иттифоқ давридаги маълумотларга қараганда АГ аёллар ўртасида 22 % ни, эркаклар ўртасида эса 23 % ни ташкил этади. 1320 % аҳолида эса А/Бни АГга ўтиш чегараси (140/90-160/95 мм с.у) қайд этилган. Ҳозирги кунда ҳам бу курсаткичлар ўз ўрнидадир. (Н. А. Мазур, 1988 й). АҚШда 35 млн дан ортиқ инсонларда АГ қайд этилмоқда (1970-1980 й). Яна 25 млн аҳолида А/Б ни АГ га ўтиш чегараси қайд этилади. АГ ЮИКни келиб чиқишида катта рол ўйнайди. АГ инсульт ёки юрак инфарктидан нобуд бўлаётган беморларни кўпчилигида асосий рол ўйнамоқда. Ҳар йили АҚШда ЮИКдан 650 минг киши, инсультдан эса 175 минг киши нобуд бўлмоқда. Яна 250-300 минг киши инсультдан сўнг ногирон бўлиб қолмоқда. АГни аниқлаш учун бир неча марта қон босимини ўлчаш керак. Қон босимини ўлчашга киришилганда кўпчилик беморларда қон босими бироз (10-20 мм с.у) қисқа (5-15 дақиқа) муддатга кўтарилиши мумкин. Шунинг учун ҳам қон босимини 5-7 дақиқа ўтказиб яна ўлчашга тўғри келади. АГни кўпчилигида (80-90 %) касалликнинг келиб чиқиш сабаблари аниқ эмас. Шунинг учун ҳам бундай А/Бни кўтарилишига АГнинг эссенциал шакли дейилади. Қолган ҳолларда А/Б ни кўтарилишига бошқа касалликлар сабаб бўлиб, асосий касалликни даволаш натижасида А/Б ўз-ўзидан тушиб кетади. Бунга симптоматик АГ дейилади. АГни келиб чиқишида МНСни функцияси, хусусан ундаги СНСни қўзғалиши, ренин-ангиотензинальдостерон системаси, юрак-қон томир тизими ва буйрак функциялари катта рол ўйнайди. Мана шу тизимларнинг фаолияти бузилиши А/Бни ўзгаришига олиб келади. Қайси система регуляциясини бузилишидан келиб чиққанлигига қараб АГни 3 та шакли фарқланади. - АГни МНСга боғлиқ шакли (цереброваскуляр АГ), - АГни юрак-томир тизимига боғлиқ шакли (кардиоваскуляр, - АГни буйрак етишмовчилигига боғлиқ шакли (реноваскуляр)

- эндокрин АГ (буйрак усти бези, гипофиз, тиреоид келиб чиқишга эга) АГни даволашда қўлланиладиган препаратлар шу функцияларни регуляциясига таъсир этиб А/Бни тушириши мумкин. Бундан ташқари симптоматик АГ ҳам учрайди Қон босими кутарилган холат деб 1959 йилдан бошлаб ЖССТ экспертлари А/Бни 160/95 мм с.у. ёки ундан юқори булгандаги холатни хисоблайди. Систолик босим-бу юрак чап қоринчасидаги босимни ва таранглигини кўрсатади. Диастолик босим-бу перифериядаги артерия ва артериолаларнинг силлиқ мушакларини тонусини акс эттиради. Қон босимини ривожланишида 3 та босқич бор: 1. Биринчи босқич қон босимини кутарилиши, холос. 2. Иккинчи босқичда қон босими кутарилишига кардиоваскуляр симптомлар қўшилади. 3. Бу босқичда қон босими ошишига ички аъзоларни жарохатланиш белгилари (юрак, буйрак етишмовчилиги) қўшилади. Қон босими ошиши ўз характерига кўра 2 га бўлинади: 1. уткинчи-лабил гипертензия. 2. Барқарор-доимий гипертензия. Касалликни ўзига хос иккиламчи белгилари қон босими бир неча ойдан бир неча йиллаб давом этганда юзага чиқади. Бундай қон босими ошиши сурункали гипертензия дейилади. уткинчи гипертензия эса рухий қўзғалишларда, мия ички босимини кўтарилишида, шишларда, хомилага боғлиқ токсикозда, ўткир диффуз гломерулонефритда, турли хил инфекцион касалликларда ва захарланишларда қайд этилади. Артериялар эластиклигини йўқолишидан юзага келувчи систолик қон босимини кўтарилиши сурункали гипертензияга кирмайди. Хақиқий қон босими кутарилиши юрак дақиқалик хажмини ва периферик томирлар қаршилигини ошишидан юзага келади. Энг кўп учрайдиган сурункали (эссенциал) гипертензияда аввало юракни дақиқалик хажми ошиб

кетади, сўнгра унга перифериядаги томирлар қаршилигининг ошиши қўшилади. Кейинчалик юракни дақиқалик хажми нормага қайтиши мумкин. Сурункали қон босимини кечими томирларда атеросклеротик ўзгаришлар юзага келиши билан кучайиб боради. Қон босими келиб чиқишига қараб енгил ва зарарли формада ўтиши мумкин. Диастолик қон босимини доимий равишда кўтарилиб бориши (120 ва ундан ортиқ даражада) қон босимининг зарарли формасини асосий белгисидир. Бундай холларда юрак ишининг декомпенсацияси жуда тез юзага чиқади. Эссенциал ёки бирламчи қон босими ошиши сурункали АГни 90 % ни ташкил этади. Буйрак ва бошқа аъзоларга боғлиқ қон босими эса 5 % ни ташкил этади. Шу билан бирга қон электролит таркибини ва ёпишқоқлигини ўзгаришига боғлиқ бошқа АГ хам учраб туради (Минск, 1996). Қон босимини кутарилишида нейрогуморал факторлар хам алохида ахамиятга эга. Буларга қуйидаги эндоген моддалар киради: Томирларни торайтирувчи вазоконстриктор моддалар Томирларни кенгайтирувчи вазодилататор моддалар Норадреналин Адреналин Ангиотензин II Вазопрессин Нейропептид V Простогландин F 2L Тромбоксан Эндотелиал констрикторли фактори Ацетилхолин Брадикинин Гистамин Серотонин Дофамин Пуринлар (аденозин, АТФ) Простогландинлар (Е 1 ва Е 2 Эндотелиал релаксирловчи Факторлар А/Бни туширувчи препаратлар таъсир механизмига қараб 2 та катта гурухга бўлинади.: I. Нейроген таъсирга эга гипотензив препаратлар, II. Миотроп таъсирга эга гипотензив препаратлар. Клиник нуқтаи-назардан эса 4 гурухга бўлинади: 1. симпато-адреналин системасига таъсир этувчи препаратлар, 2. периферик қон томирини

кенгайтирувчи препаратлар, 3. Диуретик-салуретик препаратлар, 4. ренин- ангиотензин системасига таъсир этувчи гипотензив препаратлар. Юқоридагиларни инобатга олиб, қон босимини туширувчи препаратларга, қон босимини регуляцияловчи физиологик тизимнинг турли звеноларига таъсир этувчи моддалар киради I. Нейротроп препаратлар А. вазомотор марказ тонусини сусайтирувчилар: клофелин 0, 000075- 0, 00015 табл. 0, 01 %-1 мл; 0, 25-0, 75 % эритма тюбикда Метилдофа 0, 25 табл. Изоглаукон амп. Клофелин МНСдаги постсинаптик α 2 адренорецепторларни стимуляциялайди ва узунчоқ миядаги вазомотор марказ нейронларини функциясини сусайтиради. Шу билан бирга гипоталамусни хам қон томирларни бошқарувчи активлигини камайтиради. Бу таъсирлар преганглионар симпатик нейронларда бўлади. Шунингдек, юрак ишини хам сусайтиради, чунки убрадикардия чақиради. Баъзан α 2 адренорецепторларни стимуляцияси хисобига қисқа муддатга қон босими кутарилиши мумкин. Препарат седатив, уйқу чақириш ва тана хароратини тушириш хусусиятига эга. Таъсири 2-4 соатда чиқади ва 6-8 с. давом этади. Т 1/2 -12 соат. Уни АГ ва кризда берилади. Клофелин иштаха очади, ОИС шираларини чиқишини сусайтиради, баъзан қабзият чақиради ва оғизда қуриш реакциясини чақиради. У организмда натрий ва сувни ушлаб қолиши мумкин. Шунинг учун пешоб хайдовчилар билан ишлатилади. Метилдофа-организмда метил норадреналинга ўтади ва клофелин каби α 2 адренорецепторларни қитиқлайди ва вазомотор марказ фаоллигини камайтиради. 1-2- босқич АГларда, ҳомиладорларга ҳам ишлатилиши мумкин. Брадикардия, ортостатик гипотензия, уйқу бузилиши, суяк кумиги фаолияти бузилишини чакириши мумкин. Жигар касалликлари, иммун бузилишлар, лактация даврида берилмайди. Б. Ганглиоблокаторлар: пентамин 5 % 1 ва 2 мл амп.Бензогексоний 0, 1-0, 25 табл. 2, 5 %-1 мл амп. Гигроний 0, 1 г амп. Эритиб юборилади.Арфонад.

Ганглиоблокаторлар-ацетилхолинга яқин бўлиб, Н-холинорецепторлар билан боғланади ва ацетилхолинни таъсирини тўсади, буйрак усти безига таъсир этиб, катехоламинлар-адреналин ва норадреналин ишланишини камайтиради. Арфонад-фақат вена орқали томчилаб юборилади, таъсири 2-3 дақикада бошланиб, юбориш тўхтатилгач 10-20 дақиқа давом этади. Бошқарилувчи гипотония учун, ўпка шиши чап қоринча етишмовчилиги билан бирга келганда, гипертоник кризларда ишлатилади. Кусиш, тахикардия, ичак паралитик тутилиши, сийдик пуфаги атониясини чақириши мумкин. Булар парасимпатик блокада натижаси бўлиб, кам учрайди. В. Симпатолитиклар:Октадин 0, 025 табл.Резерпин 0, 0001-0, 00025 табл. Г. Адреноблокаторлар: 1. α адреноблокаторлар: фентоламин 0, 025 г. табл. тропафен 0, 02 г. амп. Эритиб юборилади. Прозазин 0, 001-0, 005 г. табл. (постсинаптик блокатор) Фентоламин-венага томчилаб юборилганда таъсири 10-15 дақиқада бошланиб, 1,5 соат давом этади. Гипертоник кризларда, феохромоцитомада катехоламин кризини бартараф этиш учун ишлатилади. Юрак-қон томир тизими оғир органик ўзгаришларида ишлатиш мумкин эмас. 2. β -адреноблокаторлар: Анаприлин ( β 1 ва β 2 ) (шакл 2 га қаранг) 0, 01-0, 004 табл. 0, 1 %-1 ва 5 мл дан Талиналол 0, 05 г табл. Метапролол 0, 05-0, 1 г. табл. Лабеталол ( α ва β ) 0, 1-0, 2 г. табл. 0, 1 г амп. Юборишдан олдин эритилади. II. Томир мушакларини кенгайтирувчи спазмолитик (миотроп) препаратлар: А. Артериолаларни кенгайтирувчилар Апрессин 0, 01-0, 025 г. табл. дражеда Диазоксид 0, 3 г амп. Эритиб юборилади.

Апрессин-бевосита миолитик таъсир кўрсатади. Гипертониянинг хавфли кечимида, буйрак етишмовчилиги билан қўшилиб келганда ишлатилади. Таъсири оғиз орқали ва венага юборилганда 38 соат давом этади. Аутоиммун холатлар, аортал ва митрал стенозлар, ИБСни оғир холларида, феохромоцитомада тавсия этилмайди. Б. Артериола ва венулаларни кенгайтирувчилар Натрий нитропруссид 0, 05 амп. Юбориш олдидан эритилади ва венага томчилаб юборилади, 1-2 дақиқада таъсир этади. Ўткир юрак етишмовчилигида бошқа чоралар ёрдам бермаганда, гипертоник кризларда ишлатилади. Бош оғриғи, бош айланиши, хушдан кетиш, тахикардия каби ножўя таъсирларни келтириб чиқариши мумкин. В. Турли хил таъсирга эга препаратлар Дибазол 0, 02-0, 004 табл. 0, 5-1 % - 1, 2 ва 5 мл амп. Магний сульфат 20-25 % - 5, 10 ва 20 мл Папаверин 0, 04 г. табл. 2 %-2 мл амп. Шамча 0, 2 г. III. Калий канали активаторлариМиноксидил 0, 0025-0, 01 табл. Диазоксид 0, 3 г. амп. 20 мл да эритиб юборилади. Диазоксид венага юборилганда артериолаларнинг резистентлигини-тонусини сусайтириб, қон босимини туширади. Оғиз орқали берилганда бу эффект секин юзага чиқади. Препарат юрак ишини сусайтиради. Венага юборилганда 90 % оқсиллар билан бирикади ва купинча кризларда ишлатилади. Ножўя таъсири: организмда натрий ва сувни ушлаб қолиши, гипергликемияни ва қонда пешоб кислотасини ошириб юбориши мумкин. Кальций канали блокаторлари: нифедипин, адолат, коринфар. Фенигидин, нифедипин, адолат, коринфар 0, 01 г. табл. ва дражеда Верапамил 0, 04-0, 08 г. табл. 0, 25 %-2 мл амп. Дильтиазем табл. 30-60-90-120 мг. Кальций канали ингибиторлари: -томир ва ички аъзолар силлиқ мушакларини бушаштиради; -миокард қисқарувчанлигини камайтиради; -автоматизм ва ўтказувчанликни камайтиради; -тромбоцитлар агрегациясини сусайтиради.

Препаратлар гипотензия, брадикардия, оёқда шиш, ич қотиши, юрак етишмовчилиги, дори паркинсонизми каби ножўя таъсирларни келтириб чиқаради. Стенокардия, аритмиялар, артериал гипертензияларда ишлатилади. IV. Ренин-ангиотензин системасига таъсир этувчи препаратлар (шакл 2 га қаранг) А. Ангиотензин II синтезини ингибиторлари 0, 0125 Каптоприл (капотен) 0, 0125-0, 025 г. табл. (Польша) Каптоприл қон томирни кенгайтирувчи брадикининни парчаланишини сусайтиради. Натижада брадикинин қон томирлари деворларидан томирни кенгайтирувчи простоциклин, простогландин Е 2 ва бошқа БАМларни ажралиб чиқишини кўпайтириб юборади. Шунинг учун хам бу БАМларни синтезида иштирок этувчи ферментларни ингибитори индометацинни фонида каптоприлни таъсири камаяди. Б. Ангиотензин рецепторларини блокловчи, МНСга ва ВНСга таъсир этувчи препаратлар. Саралазин 30 мл дан амп. 0, 018 г. препарат сақлайди. V. Сув ва туз алмашинувига таъсир этувчи препаратлар (диуретиклар) - дихлотиазид 0, 025-0, 1 г. табл. - фуросемид 0, 04 г. табл. 1 %-2 мл. амп. - спиронолактон 0, 025 г. табл. - этакрин кислота (урегит) 0, 05 г. табл. ёки 0, 05 г. амп. Юборишдан олдин эритилади. VII. Турли хил гипотензив препаратларни комбинациясидан иборат мураккаб препаратлар. - Адельфан Депрессин Кристепин Альдактон Трирезид Трипресс Раунатин ва бошқалар. Калий каналларини очувчилар (миноксидил, диазоксид, пинацидил) хисобига силлиқ мушак мембраналарида гиперполяризация юз ага келади. Натижада тўқималар ичига Са ++ ионларини кириши сусаяди, бу эса силлиқ мушак тонусини камайтиради ва қон босими пасаяди. Бу препаратларни қон босимига таъсири 18-24 с. давом этади.

Ножўя таъсирларига гирсутизм-юзда тукларни ўсиб кетиши, организмда натрий ва сувларни йиғилиб қолиши, шишларни пайдо бўлиши, гипергликемия ва қонда пешоб кислоталарини ошиб кетиши, тошлар ҳосил бўлишига шароит туғилиши киради. Калий каналини очувчиларнинг таъсир механізми қуйидаги куринишда бўлади: Калий канали активатори-Калий канали очилади-Тўқимадан К+ ни чиқиши кўпаяди--Натижада гиперполяризация юзага чиқади- Са канали ингибиторлари Потенциалга мос Са ++ канал лари беки лади Са ++ ни тўқималарга кириши камаяди Натижада томирлар кенгаяди ва қон босими пасаяди. Кейинги текширишлар АГ ни 55-64 ёшлардаги аёллар ўртасида, шу ёшдаги эркакларга нисбатан 2 баравар кўпроқ юзага чиқишини кўрсатмоқда. Аёллар климаксга учрагандан сўнг уларда АГ, стенокардія, тўсатдан ўлиш холатлари, мияда қон айланишини бузилиши ва юрак-қон томир системасида турли хил патологияларни кўпайиши кўпроқ қайд этилмоқда. Бази аёлларда қандли діабет, семириш, ЮИКлари ҳам юзага чиқмоқда. Ўрнини олувчи гормонлар билан даволаш (айниқса ғарб давлатларида) юқоридаги ножўя таъсирларни камайтирса ҳам АГни камайтирмайди. Аёлларда АГга қарши ишлатилган 1-гипотензив препарат МОЭКС (моэксипирил гидрохлорид) дир. У АТФ ингибитори бўлиб, АГга ижобий таъсир этади. Бу дори олди шаклида бўлиб, организмда ундин моэксиприлат ажралиб чиқади ва гипотензив таъсир қилади. Бу препарат АТФни 80 -90 % активлигини йўқотади ва организмдан асосан 50 % атрофида ОИС орқали чиқиб кетади. Препаратнинг гипертензив таъсири уни ичилгандан кейин 1 соат ўтгач юзага чиқади ва 3-6 соатларда максимал эффект қайд этилади. Препарат таъсири 24 соатгача давом этади. Шунинг учун ҳам уни ҳар куни 1 мартадан берилади. Препарат табл.. да 7, 5 мг ва 15 мг дан чиқарилади.

Ренин-ангиотензинли система қон босими касаллигида катта рол ўйнайди. РАСни активлигини сусайтириш учун АПФ ингибиторлари (каптоприл) ишлатилади. Кейинги текширишлар АПФ ингибиторларининг ўзи кам самарали эканлигини курсатди, чунки улар ангиотензин I дан ангиотензин II хосил бўлишига дерли таъсир этмайди. Шу билан бирга бу препаратлар тўқима ва қонда брадикининни, субстанция Р ва бошқа БАМ йиғилиб қолишига олиб келади. Қон босими касаллигида РАСни функциясини сусайтиришда АПФга қараганда, ангиотензин II рецепторларининг блокаторлари кучлироқ таъсирга эгадирлар. Бундай ангиотензин рецепторларининг блокаторларига 1988 йилда синтез қилиб олинган лазортан киради. 1990 йилга келиб бир неча бундай препаратлар синтез қилиб олинди: валзартан, золозартан, ирбезартан (Апровел), Кандезартан (Атоканд), Телмизартан (Прайтор) ва Эпрозартан (теветен) киради. Буларнинг таъсир механизми АТ 1 -рецепторларини блокадалаш ва АТ 2 ҳамда АТх рецепторларини стимуллашдан иборат. Бу препаратлар ангионевротик шишларни юзага чиқармайди. Натижада бош оғримайди. Шунингдек буларни қуллаганда қуруқ йўтал АПФга қараганда анча кам қайд этилади. Гипертоник криз холатларидаги фармакотерапия асослари. ГК деб АБни бир неча соатдан бир неча кун давомида бирдан кутарилиб кетишига айтилади. Бунда диастолик босим 120-130 мм с.у.дан ошиб кетади. ГКни кечимига қараб уни даволаш принциплари ишлаб чиқилади. АБни секин-аста бир неча кун давомида нормага олиб келиш керак бўлади. Энг асосийси диастолик босимни 100-110 мм с.у.гача секинлик билан тушириш керак, чунки мия, юрак ва буйракда ишемик холат қайд этилиши мумкин. Бундай холатларда купинча оғиз орқали бериладиган препаратлар (коринфар, нифедипин 5 ёки 10 мг табл.) берилади. Препаратнинг таъсири 20-30 дақикада юзага чиқади ва 4-5 соат давом этади. Диастолик босимни

100-110 мм с.у.га туширилгач узоқ таъсир этувчи гипотензив препаратларни бериш мумкин бўлади. Шуни ҳам қайд этиш керакки, нифедипинни тил остига ЮИК бор касалларга бериб бўлмайди. ГКда клофелин ҳам алохида аҳамиятга эга. Уни алохида схемада фуросемид (20-40 мг оғиз орқали) билан қўллаш кучли седатив таъсирни юзага чиқаради. Агарда АГ бошқа хасталик ёки иккиламчи касалликлар билан бирга келган бўлса, унда АБни қанчалик тезлик билан тушириш зарурлигига қараб алохида даво усули ишлаб чиқилади: 1. Бир неча соатда АБни тушириш талаб этилган патолик холатларда: М-н, диастолик АБ 130 мм. с.у. дан юқори бўлса ва куз ички қисмига қон қуйилиш хавфи бўлса натрий нитропруссидни ёки нитроглицеринни в/в юборилади. Худди шу усул юқори қон босими билан боғлик ишемик инсультда ҳам қўлланади. Кучли куйиш билан келган юқори қон босимида каптоприл, коринфар препаратларини тил остига, пропронололни эса ичишга тавсия этилади. 2. Кутарилган АБни 1 соат ичида тушириш талаб этилган патолик холатларда: чап ўткир юрак етишмовчилиги ва юқори АБда кальций антогонистлари қўлланилмайди. Балки морфин, этакрин кислота, фуросемид, нитроглицерин юборилади. Ўткир миокард инфаркти ва юқори АБ бўлса, органик нитратлар, β -адреноблокаторлар ва АПФ ингибиторлари в/в берилади. Аорта аневризми ва юқори АБ бўлса β -адреноблокаторлар пропронолол изтоник эритма билан (1 мг0, 1 % эритма) ва натрий нитропруссид юборилади. Миолитик (апрессин) юбориб бўлмайди (миокардда ёрилиш юзага келиши мумкин).

Адабиётлар: 1. Клиническая фармакология, под ред. В.Г. Кукеса, М.1991 г. 2. Основы клинической фармакологии и рациональной фармакотерапии, М.2002 г. 3. Харкевич Д.А.Азизова С.С., Махсумов М.Н. ва бошқаларнинг «Фармакология» уқув адабиётлари 4. Лепахин В.К. и др. «Клиническая фармакология», М. 1988 г. 5. Маматов Ю ва бошқалар «Клиническая фармакология», Т.2002 й.

Похожие

Анемия касаллиги этиологияси патогенези ва фармакотерапияси

Инфекцион касалликлар уларнинг патофизиологияси ва фармакотерапияси

Аллергик касалликлар уларнинг патофизиологияси ва фармакотерапияси

Атеросклероз касаллиги патофизиологияси ва фармакотерапияси асослари

Ўн икки бармоқ ичак ва меъда яра касалликлари уларнинг патофизиологияси ва фармакотерапияси асослари