Массани тўр столига меъёрлаб бериш қурилма турлари - Техника и технология - Рефераты

Массани тўр столига меъёрлаб бериш қурилма турлари

Загружено в:

08.11.2019

Скачано:

0

Размер:

877.5 KB

Массани тўр столига меъёрлаб бериш қурилма турлари Режа: 1. Напуск қурилмасинг функцияси. 2. Қоғоз варағи анизотропияси 3. Напуск қурилмаларидаги масса концентрацияси.

Напуск қурилмасинг функцияси . Напуск қурилмада қоғоз масса юпқа шаклига ўтади, у қоғоз қуюшда асосий қисм ҳисобланади. Бу қурилма қоғоз массасини оқимини тезлигини, қоғоз – картон қилиш машиналарининг текис ёки айланма сетка қисмлари тезликларига мослаб беришни таъминлайди. Масса билан тўр тезлиги нисбатлари ( K м ), қуйидаги формула билан ифодаланади: K м = V м /V c , бунда V м – тўрга оқиб келаётган масса тезлиги, м/мин; V с – тўр тезлиги ёки шакиллантирувчи цилиндрнинг айланма ҳаракат тезлиги, м/мин. Масса тезлиги ошганда тўр устига тушаётган масса миқдори ошади, бу қоғоз макроструктурасини ёмонлашувига ва мустахкамлигини пасайишига олиб келади. Тескари ҳолатда (тўр тезлиги ошганда) – қоғозни анизатропияси ошади. Ҳар иккала ҳолатларда ҳам қоғоз 1м 2 массасини бир маъромда ушлаб туриш ва толалар ориентация даражасини бошқариш қийинлашади. Тажрибаларнинг кўрсатишича, кўп хил қоғозларни ишлаб чиқаришда тахминдан V м = V c ёки V c дан бироз кам бўлади. Қуйидаги жадвалда масса ва тўр тезлик нисбатларининг қоғозни нур ўтказиш нотекислигига таъсири келтирилган. 25 – жадвал Қоғоз нур ўтказиш нотекислигига K м таъсири Қоғоз қилувчи машиналар типи K м қиймати Қоғоз нур ўтказиш нотекислиги, (шартли бирликлар) Ўрта қувватли текис сеткали қоғоз қилувчи машина 0,96 0,98 1,00 1,02 1,04 70 65 63 66 72 Икки томонлама сувсизлантирувчи (Papri 0,96 0,98 61 59

Former) қоғоз қилувчи машина 1,00 1,02 1,04 56 58 64 Тўрга массани оқиб келиш тезлиги, υ , Торичелли формуласи билан аниқланади: υ = 60 (2gh) 0,5 , м/мин бу ерда: g – оғирликни тезланиш кучи, g= 9,81 м/с 2 ; h – босим яшикнинг напуск шели олдидаги масса босими, м. Тўрга массани оқиб тушиш тезлиги амалда қуйидаги формула билан аниқланади: υ м = μ υ, м/мин, бу ерда: μ – масса оқиб ўтиш коэффициенти. Коэффициент μ қиймати масса чиқаётган тешик шаклига, оқимни жойидаги тешикдан оқиб чиқиш қаршилигига, масса концентрациясига, унинг суюқлик даражасига, реологик характеристикасига, оқимдаги массани миқдорига боғлиқ. Унинг қиймати ҳар доим 1дан кам, замонавий напуск қурилмалари учун μ = 0,95...0,99. Тўрга массани оқиб тушиш тезлигини, қоғоз қилиш машинасига келаётган масса баланс тенгламаси орқали ҳам аниқлаш мумкин: υ м = 0,001 υВq (100 – W)/ (100 – m ) cla , м/мин, бу ерда: υ - қоғоз қилиш машинасинг тезлиги, м/мин; В – накатдаги қоғоз эни, м; q – 1 м 2 қоғоз массаси, г; W – накатда ўралаётган қоғоз намлиги, %; m – машинадаги а.қ. чиқинди моддалар миқдори, %; с – сеткага оқиб тушаётган масса концентрацияси, %; l – шел эни, м. m = ( А – Б )100/ А , %, бу ерда: А – маълум вақт бирлигида босим яшигидан тўрга келаётган а.қ. модда, кг; Б – шу вақтда накатдан олинган модда, кг. Абсолют қуруқ (а.қ.) чиқиндилар, m , асосан қоғоз масса компонентларининг машинани ҳўл қисмида ушланишига боғлик ва унинг ўзгариш чегараси 10 дан 50 % гача бўлиши мумкин.

Масса тезлиги, υ м , босим орқали бошқарилади ва босими (напор) бу формула билан аниқланади: h = K c K м /60 μ) υ 2 μ /2g, м, бу ерда: K c - тўрни накатда ўралаётган қоғоз тезлигидан секинлашиш коэффициенти, бу қоғоз типига боглиқ, K c = 0,90...0,95; K м – масса тезлигини тўр тезлигига нисбати; υ - қоғоз қилиш машинаси тезлиги, м/мин; μ – масса оқиб ўтиш коэффициенти. Агар босим (напор) 1,0...1,5 м гача бўлса очиқ типдаги босим яшиги (напорный ящик) ўрнатилади, босим катта бўлса – ёпиқ типдаги босим яшиги ўрнатилади. Напуск қурилма қоғоз массани бир маромда таъминлаши керак. Масса концентрациясини бирдай ушлаб туриш билан бирга, қоғоз 1 м 2 массасининг тебранишини минимум даражага келтиради. Напуск қурилма қоғоз массани тегишли дисперсиясини таъминлаши керак. Дисперс даражаси қоғоз полотносини макроструктурасининг бир текслигини аниқлайди, бу кўп ҳолларда маҳсулот сифатини аниқлайди. Қоғоз массасини дисперглаш имкониятини унинг композицияси, концентрацияси ва напуск қурилманинг конструкцияси аниқлайди. Қоғоз варағи анизотропияси . Қоғоз вароғи маълум даражада анизотропияга эга. Унинг мустахкамлик кўрсаткичи - машина йўнилиши ва кўндалнг йўналишлари боғлиқ. Масалан, қоғознинг машина йўналишидаги мустахкамлиги, баъзи қоғоз ва картонларда, 2...3 барвар, баъзи ҳолларда 5...6 барвар юқори. Бунинг сабаби, толаларнинг машина йўналиши бўйича орентацияланганидадир. Бошқа сабабларидан бири қоғоз массаси оқими билан сетка тезликлари. Кўпчилик қоғоз типлари учун узилишга қаршилик кучи бўйича анизотропия даражаси ўртача (2...3):1 нисбатни ташкил этади. Бу нисбатни ушлаб туриш мураккаб, айниқса кенг форматли юқори тезликда ишлайдиган машиналарда. Қоғоз қоп ва текс қатламлик картонлар учун анизотропия минимал даражада – (1,0...1,5):1 нисбат талаб этилади. Бу типдаги анизотропияли

қоғоз ва картонларни олиш, янги гидродинамик типдаги напус қурилмасини ва икки сеткали шаклловчи қурилма яратилиш эвозига эришилади. Шакилловчи сеткани тормозлаш ҳаракати туфайли, қоғознинг юқори ва пастки қаватларида толаларни дезориентацияланади, вароқнинг оралиқ қисми эса ориентатсияланган ҳолда қолади. Икки сеткали шакллаш ва полотно четларидаги масса оқими тезлигини бошқариш усулларининг ижобий томонларидан фойдаланиб, минимал анизотропли маҳсулот олиш мумкин. Напуск қурилмаларидаги масса концентрацияси . Масса концентрацияси (С), %, ёки грамм а.қ моддани 1 л (С 1 ) миқдори ифодаланади. Булар орасидаги нисбат: С = C 1 /10. Напуск қурилмасидаги масса концентрация – қоғоз ва картон олиш технологиясида асосий параметрлардан ҳисобланади, уни қуйидагилар билан тасдиқлаш мумкин: -напуск қурилмасида масса концентрацияси – барча технологик оқимларда минимум бу ҳолда, концентрация сув миқдорини аниқлайди; -напуск қурилмасида масса концентрацияси кўп ҳолларда қоғоз массасини реологик характеристикасини аниқлайди, унинг флокуляцияга ва дисперглашга бўлган қобилиятини аниқлайди; -қанчалик концентрация паст бўлса, шунча унинг диспергланиши катта бўлади; -напуск қурилмасида масса концентрацияси, қоғоз массасини машинанинг сеткали қисмида, қоғоз масса компонентларининг ушланишига таъсир этади – қанчалик кўп суюлтирилса, шунча кам ушланади;

-напуск қурилмасида масса концентрацияси тайёр маҳсулот мустахкамлигига таъсир этади; -юқори даражада суюлтирилганда мустахкамлик кўрсаткичлари, толаларнинг асосий қисми горизонтал тексликда ориентациялангани ва макроструктурани нотексислиги камайиши ҳисобига, яхшиланади. Напуск қурилмасидаги масса концентрацияси қатор факторларни аниқлайди, улардан асосийлари: олинаётган маҳсулот кўриниши; 1 м 2 қоғоз ёки картон массасини оғирлиги; қоғоз ёки картон композицияси; толаларга ишлов бериш даражаси; тўлдирувчиларнинг бор йўқлиги; ёрдамчи кимёвий моддалардан фойдаланганлик; сетка столининг сувсизлантириш имконияти. 26 – чи жадвалда напуск қурилмасида, ҳар хил маҳсулотлар тури учун қоғоз масса концентрациясияси келтирилган. 26 – жадвал Напуск қурилмасида, ҳар хил маҳсулотлар тури учун, қоғоз масса концентрацияси Ёпиқ типдаги босим яшиклар. Бу типдаги яшиклар, тезлиги 400…450 м/мин бўлган машиналарда қўлланилади. Массани сеткага чиқиш олдидаги босими икки метод билан ҳосил этилади: Маҳсулотлар тури 1м маҳсулот массаси, г Масса концентрацияси, % Газета қоғози 42,0...48,8 0,35...0,60 Офсет қоғози 60...80 0,60...0,80 90...120 0,80...1,20 Қоғоз қоп 70...80 0,20...0,40 Обой қоғози 100...130 0,80...1,20 0,60...0,80 Санитар-гигиена қоғози 17...32 0,20...0,35 Гофра картон учун текис картон 150...200 0,80...1,20 0,50...0,70 Гофрлаш учун қоғоз 120...170 0,70...1,0 Целлюлозали папка 600..800 1,80...2,20

-ҳаво босимини ёки босим яшиги тепа қисмида вакуум (разрежение) ҳосил қилиш; -ўқли насос билан поток бўлувчилар орқали массани бериш. -“KMW” фирмасининг универсал босим яшиги 40 – расмда келтирилган. Яшик текис тўрли қоғоз – картон қилувчи мшиналар, ҳамда пресспадлар, ҳар қандай тезликда ва ҳар хил кенгликдаги машиналар учун мўлжалланган. Универсал босим яшиги конструкциясини таъминлайдиганлар: - тўр кенглиги бўйича масса суспензиясини бир тексда тарқатиш; - вентил ҳамда рециркуляция линияси орқали, машина кенглиги бўйича масса босимини бир хилда ушлаш; - масса чиқишида юқори дефлокуляцияловчи эффект, вароқ макроструктурасини бир текисда бўлиши. Оқимни бошқариб борувчи, ВНИИБ томонидан ишлаб чиқилган, босим яшик, қоғоз массаси оғирлиги 25 дан 250 г/м 2 ва эни 5...6 м қоғоз олиш имконини беради (40 – расм).

40 – расм. “KMW” фирмасининг универсал босим яшиги: 1 – оқим бўлиб берувчи; 2 – тешикли пластинка; 3 – тешикли валиклар; 4 – ортиқча массани бакдан тошиши 41 – расм . Оқимни бошқариб борувчи босим яшик: 1 – оқимни бўлиб берувчи; 2 – тешикли валиклар; 3 – масса чиқадиган шелни бошқарувчи; 4 – грудной вал

Босим яшиги конструкцияси қуйидагиларни таъминлайди: қоғоз вароғини макроструктурасини жуда яхшилайди; полотно 1 м 2 массасини бўйи ва эни бўйича фарқини минимумга етказади. Гидродинамик типидаги босим яшиклар . Бу типдаги босим яшиклар замонавий икки томондан сўриб сувсизлантирувчи, шакиллантирувчи системаларда қўллаш учун мўлжалланган. Буларни бемалол текис сеткали қоғоз- ва картон қилувчи машиналарда қўллаш мумкин. Гидродинамик яшикларда босим, қоғоз массасини потокларга тарқатувчи насослар ёрдамида ҳосил қилинади, бу турдаги босим яшикларида ҳаво ястиғи (воздушная подушка) бўлмайди. “Escher Wyss“ фирмасини гидродинамик типидаги босим яшиклари (42 – расм, а, б), текис сеткали машиналарга ўрнатиш учун мўлжалланган. Уларнинг муҳим элементлари босқичли диффузорлар ҳисобланади: -оқим тарқатувчидан (3) чиқаётган қоғоз масса оқимини, машина йўналишида ориентациялаш; -машина эни бўйича масса оқиб чиқиш тезлигини текис таъминлаш, диффузордан чиқаётган, қоғоз массаси профил тезлигини текислаш; флокулларни емириш учун оқимини кузатиш имконини яратиш. 42 – расм . Гидродинамик типидаги босим яшик (а) ва босқичли диффузорлар блок схемаси (б): 1 – массани сеткага чиқарувчи(оқизувчи) қурилма; 2 – босқичли диффузорлар блоки; 3 – оқим тарқатувчи

Босим яшиклари конструкцияси хилма хил, уларнинг қўлланишини турлари ҳам кўп. Буларни Россия ва бошқа ғарб фирмалари ишлаб чиқарган. Кўп қаватли қуйиш учун напуск қурилма . Қоғоз масса оқимини гидродинамик стабиллашни, таъминлавчи замонавий конструкцияли напуск қурилмалар, бир босим яшиги орқали кўп қаватли қоғоз ва картон шакллаш имконини беради. Бу типдаги шакллаш, структурали шакллаш номини олган. Бу қурулмаларнинг ютуқлари қуйидагилардан иборат: - ҳар хил композитларни қоғоз ва картон қаватлари орасига киритиш имконияти; - тўлдирувчиларни, елимловчи ва кимёвий ёрдамчи моддаларни тегишли қатламларга киритиш имконияти; - бўялган қоғозни олишда, бўёқни фақат қоғознинг юқори қатламига (ёпадиган қатлам) бериш имкони; - толаларни ҳар хил фракциясидан оптимал фойдаланиш имконияти. Структурали шакллаш усули билан барча типдаги қоғозларни олиш мумкин. Бу типда ишлайдиган “Tampella“ фирмасини Controflo-Foemer шакллантирувчи қурилмасининг схемаси 42,43 – расмларда келтирилган. Чет эл фирмалари мутахасисларининг фикрича, структурали шакллантириш – истиқбол йўналишлардан бири - қоғоз ва картон ишлаб чиқаришнинг энг мукаммаллидир. 42 – расм . Controflo-Foemer шакллантирувчи қурилмасининг схемаси: 1 – уч қаватлт напуск қурилма; 2– шакллантирувчи сеткалар;

3 – гаучвал; 4 – сўрувчи қурилма 43 – расм . Уч каналли Stratoflo қурилмаси: 113,1141 – оқимни тараловчи; 44 2 – массалар учун каналлар; 3 – Controflo-вароқлари; 4 – гауч-вал Юқори концентрацияли қоғоз масса учун напуск қурилма . Юқори концентрацияли масса, қоғоз қуюшда қуйидаги имкониятни яратади: -сеткали стол узинлигини қисқартиради; -сувсизлантиришда ва қоғоз массасини транспортировка қилишда энергия сарфини камайтиради; -ҳовузлар ва қувурлар ўлчамини камайтиради; -оқава сувлар ҳажми камайиши ҳисобига, тозалаш қурилмаларига келадиган юкларни камайтиради; -пресслангандан ва қоғоз массаси компонентлари ушлангандан кейин қуриқланиш даражаси ошади. Напуск қурилмасининг маҳсус конструкцияси, концентрацияси оширилган масса учун, қуюшдаги концентрациясини 3...4 % гача оширади. Бунда напускли қурилмада, нисбаттан бир текис толали структура ҳосил бўлади. Қоғоз нисбаттан ғовоқроқ бўлади, йиртилишга қаршилик кучи юқори, паст концентрациядан қуюганга қараганда, узулиш узунлиги паст. Юқори концентрацияли масса учун қўлланиладиган напуск қурилма схемаси 44 – расмда келтирилган.

44 – расм . Юқори концентрацияли масса учун напуск қурилмасининг схемаси: 1 – цилиндр шаклидаги тешиклар; 2 – торайган шел; 3 – аралаштирувчи камера; 4 – тезлаштирувчи канал; 5 - четланувчи камера; 6 – оқим турбулентлигини сўндирувчи канал Дисперглаш зонасида, оқимнинг камера деволларига урилиши натижасида массани дисперсланиши тезлашади, сўнгра оқим турбуленлигини пасайтирувчи каналда уч ўлчамли толали структура шаклланади. Юқори концентрацияли массани қуйиб, гофрирлаш, сўрилувчан ва ҳаво утказучан ғаввоқлик, қоғоз ва картон шакиллашда ишлатилади.

Фойдаланилган адабиётлар: 1. Рахмонбердиев Ғ. Р., Примқулов М. Т., Тошпулатов Ю. Т. Қоғоз технологиясининг асослари. Тошкент, “Алоқачи”, 2009, 404 бет. 2. Примқулов М. Т., Рахмонбердиев Ғ. Р. Қоғоз олиш жихозлари. Тошкент, “Фан ва технология”, 2009, 80 бет. 3. Примқулов М. Т., Рахмонбердиев Ғ. Р., Яқубов С. Қоғоз олиш машина ва аппаратлари. Тошкент, “Фан ва технология”, 2010, 240 бет. 4. Примқулов М. Т., Раҳмонбердиев Ғ. Р. Целлюлоза-қоғоз ишлаб чиқариш асбоб-ускуналари. Т.: Фан ва технология. 2009. 156 бет. 5. Примқулов М. Т., Раҳмонбердиев Ғ. Р. Қоғоз технологияси, Тошкент, “Фан ва технология” 2009, 232 бет. 6. Примқулов М. Т., Раҳмонбердиев Ғ. Р. Целлюлоза ва қоғоз технологияси. Т.: Фан ва технология. 2009. 168 бет. 7. Примқулов М. Т., Раҳмонбердиев Ғ. Р. ,Эгамбердиев Э. Целлюлоза ва қоғоз технологиясидан масалалар. Т.: “Фан ва технология”. 2009. 168 бет.

Похожие

Пахта момиғини Bi Vis аппаратида узлуксиз пишириш

Тўр столининг сувсизлантирувчи элементлари

Қоғоз ишлаб чиқариш

Целлюлоза қуйиш машинасининг тузилиши

Лаборатория шароитида қоғоз қуйиш