Пахта момиғини Bi Vis аппаратида узлуксиз пишириш - Техника и технология - Рефераты

Пахта момиғини Bi Vis аппаратида узлуксиз пишириш

Загружено в:

08.11.2019

Скачано:

0

Размер:

205.5 KB

Пахта момиғини Bi Vis аппаратида узлуксиз пишириш Режа: 1. Пахта момиғини Bi-Vis аппаратида узлуксиз пишириш 2. Пахта момиғини тозалаш ва транспортировка қилиш. 3. Пахта момиғини қисман қирқиш ва пишириш. 4. Пахта момиғини қирқиш, ювиш ва массани оқартириш 5. Массани тозалаш аппаратлари

Пахта момиғини Bi-Vis аппаратида узлуксиз пишириш Ўзбекистонда пахта целлюлозаси, асосан икки хил технология асосида олинади. Ҳар бир технологияда қўлланиладиган аппарат ва қурилмаларда қисман ўхшашлик ва фарқлар бор. Ҳар иккала технология бўйича технологик қурилмалар, уларнинг техник характеристикаси ва қисман технологик чизмалари келтирилади. Фарғона фуран бирикмалари кимёси заводида пахта момиғини пишириш даврий усулда ўтказилиб, пахта целлюлозасини ишлаб чиқариш технологияси ўзлаштирилган. Янгийўл қоғоз ишлаб чиқариш фабрикасида эса пахта момиғини узлуксиз усулда пишириш технологияси ўзлаштирилган. Пахта момиғи таркибида механик ва йўлдош қўшимчалар мавжуд. Целлюлозани ажратиб олишда у йўлдош қўшимчалардан тозаланади. Механик қўшимчаларни пахта момиғидан қуруқ ёки сувли суспензия ҳолига келтирилиб тозаланади. Механик қўшимчаларга шелуха, чигит, чаноқ бўлакчалари ва хашак; ноорганик – қум, тош, металл бўлакчалари киради. Йўлдош қўшимчаларга – протеинлар, пектинлар, эфирлар, мойсимон моддалар киради. Қуруқ усулда тозалашда, дастлаб 18 – 20 той пахта момиғининг устки қисмидан аралаштирувчи машинанинг сўрувчи қисми, бир қатор тахлаб қўйилган тойларнинг устки қисмидан, қаторнинг у бошидан бу бошига бориб, оз-оздан тепа қисмдан олиб аралаштиради ва пневмотранспорт билан циклонга юборилади. Циклонда оғир механик қўшимчалар циклоннинг пастка қисмига тушади, енгил қисми – кейинги тозалагич аппаратларига юборилади. Бу аппаратларда пахта момиғи титиб тозаланади. Сўнгра, тозаланган пахта момиғи зичловчи аппаратда намлаб прессланади. Пахта момиғини сувли суспензия ҳолатига келтириб тозалаганда мехник қўшимчалар 2 % гача тозаланади. Тозалаш 4 – босқичли система гидроциклонли қурилмада бажарилади. Биринчи босқичда механик қўшимчалар ажратилади, иккинчи босқичда – целлюлоза йўлдош қўшимчалардан тозаланади.

Пахта момиғини тозалаш ва транспортировка қилиш. Тойларда пахта момиғи 4 та қурилма орқали ўралган ўрамаларидан ечилади (21-расм) ва иккита марказдан қочирма циклонли сепараторларга узатилади, унда оғир чиқиндилардан тозаланади, сўнгра титиб-тозалагич қурилмасига узатилади ва унда тозаланади. Тозалаш вақтида ажралиб чиққан чанг, вентилятор орқали сўриб олиниб, ҳавони фильтрловчи қурилмага берилади. Тозаланган пахта момиғи, металл заррачаларни тутувчи детектор орқали биринчи Bi – Vis машинасининг таъминловчи зичлагичига берилади (22расм). Пахта момиғини қисман қирқиш ва пишириш. Оқартирилмаган целлюлоза массаси I Bi – Vis машинасида тайёрланади. I Bi – Vis машинасида пахта момиғи айланма сув билан намланиб, қуруқлик даражаси 30 % га етказилади. Сўнгра толалар қисман қирқилади ва уларга ишқор эритмаси билан ишлов берилади. Қирқиш тўрт жуфт шнекли машинада олиб борилади. I Bi – Vis машинасидан чиқаётган масса, 60 минут давомида етилиши учун навбатдаги сиғимга юборилади. Пахта момиғини қирқиш, ювиш ва массани оқартириш. Сиғимда сақланган масса II Bi – Vis машинасига берилади. Бу машинада масса ювилади, оқартилади ва қирқилади. Бу мақсадлар учун, шнек профили тўрт зонада сиқилади (силжиш деформацияси), масса машинадан ўтиш учун, тўрт жуфт шнек элементларида тескари қадам йўналишини ташкил этади (23-расм). Натижада оқартириш жараёни қулай ўтади ва толаларнинг узунлиги тегишли ўлчамда қирқилади. Ювиш учун, дастлаб ювадиган сув массага, машинанинг кириш қисмига, икки марта ювиш учун эса иккинчи ва учинчи зона сиқиш қисмларига берилади. Массани ювиш учун шнек прессдан ажралиб чиққан сувдан фойдаланилади.

Ювиш натижасида ҳосил бўлган суюқ чиқиндилар, биринчи, иккинчи ва учинчи зоналарда сиқишда машина корпусида жойлашган фильтрлар орқали чиқарилади. Статик фильтр орқали тозаланган толалар иккинчи етилтириш сиғимига берилади. Оқартирувчи реактивлар 42 – 44 % ли натрий ишқори ва 30 % ли водород пероксид эритмаларини меъёрлаб узатувчи насос орқали машинанинг тўртинчи зонасининг олдтомонидан берилади. Оқартириш учун, толаларга нисбатан ишқор 1...2 %, водород пероксид – 2...5% сарфланади. Оқартирилган масса, иккинчи Bi – Vis машинасидан иккинчи етилтирувчи сиғимини берилади. Бу сиғимда 90 минут давомида оксидланиш реакциянинг тўлиқ ўтиши таъминланади. Оқартирилган массани ювиш. Оқартирилган масса иккинчи етилтирувчи сиғимдан суюқлаштириш сиғимига берилади. Бу сиғимга масса концентрациясини 3 % га етказиш учун айланма сув ва қурилмани ювиш учун тоза сув, ҳамда нейтраллаш учун меъёрловчи насос билан концентрланган сульфат кислота берилади. Масса аввал суюлтирилади. Сўнгра масса шнек пресслар ёрдамида масса 35 % қуруқлик даражасигача сувсизлантирилади.

23 - расм . Пахта момиғини Bi – Vis машинасида оқартириш схемаси: 1 – узатувчи колонна; 2 – металл заррачаларини ушлаб қолувчи детектор; 3 – зичловчи; 4 – 1- Bi –Vis машинаси; 5 – 1 – сақловчи бак; 6 – 2 – Bi–Vis машинаси; 7 – статик фильтр; 8 – 2 – сақловчи бак. 24- расм. Массани шнек – прессдан кейин суюлтириш схемаси: 1 – 1 чи суюлтирувчи бак; 2 – нейтралловчи қурилма; 3 – 2 – чи суюлтирувчи бак; 4, 5 – шнек-пресслар; 6 – оралиқ резервуар; 7 – сақловчи ва аралаштирувчи бак.

Оқартирилган массани суюлтириш. Шнек-прессдан масса 35 % қуруқликда чиқиб, суюлтириш ҳавзасига тушади. Бу ерда масса айланма сув билан аралаштирилиб, концентрацияси 3 % га етказилади. Сўнгра, масса насос билан 150 м 3 лик аралаштиргичли ҳавзага (сақлаш учун) юборилади. Бу ҳавзадан масса насослар орқали иккита йиғувчи (аккумуллаш) ҳавзасига берилади. Бу ҳавзалардан масса майдалашга юборилади. Майдалаш амали МД 14-02 тегирмонида бажарилади. Майдаланган массанинг майдалик даражаси 20…25 о ШР ни ташкил этади. Майдаланган масса оралиқ ҳавзасига, ундан машина ҳавзасига берилади. Масса тугунтутгичлардан ўтгач, қоғоз қуйиш машинасининг босим яшчигига берилади. Босим яшчигидан масса бир текисда машина тўрига берилади, унда целлюлоза полотноси шакллантирилади. Машинанинг тўр қисмида целлюлоза полотноси регистр валиклари ва сўрувчи яшчиклар ёрдамида сувсизлантирилади. Полотнони зичлаш ва кейинги босқичларда машинанинг пресс қисмида сувсизлантирилади, машинанинг пресс қисмида, ундан кейин полотно қуритиш қисмига узатилади. Қуритиш қисмида қолган намлик парлантирилади. Накатда целлюлоза полотносининг қуруқлик даражаси 12 % ни ташкил этади. Қоғоз қуйииш машинасининг накатида полотно тамбур валга ўралади. Сўнгра тамбур целлюлоза полотноси бўйига кесиш станогига берилади. Станокда полотно тегишли форматларда кесилиб, полотно қоғоз гилзага ўралади.

Массани тозалаш аппаратлари Оғир қўшимчаларнинг тозалагич қурилмалари Оғир қўшимчаларни тозалагич қурилмаларининг умумий кўриниши. Целлюлоза, ёғоч, макулатура, картон ва қоғозли массаларни ишлаб чиқаришда, толали суспензияни оғир қўшимчалардан (қум, металл заррачалар, керамик плиталарнинг майда бўлакчалари ва бошқалар) тозалашга мўлжалланган. Ўта ифлосланган ярим фабркат УОТ-12 қурилмасида тозаланади, бу қурилма, қоғоз ва картон қуйиш машинасини ёнига ўрнатилади. УОТ-25 қурилма картон ва қоғоз массанларни тозалашда ишлатилади. Бу қурилма ҳам қоғоз ва картон қуйиш машинаси ёнига ўрнатилади. Тузилиши ва технологияси. Толали суспензия биринчи босқич тозалагичга берилади. Тозаланган толали суспензия технологик оқим бўйлаб навбатдаги жараёнга, ҳосил бўлган чиқинди эса, кейинги босқичга юборилади. Чиқиндиларни кетма-кет биринчи босқич тозалагичдан, сўнг кейинги босқич тозалагичдан ўтказиш оқибатида, чиқинди таркибида яроқли толалар миқдори камаяди ва охирги босқич тозалагичда оғир чиқиндилар миқдори ортади. Қурилманинг охирги босқичидан кейин чиқинди қурилмадан чиқарилади. Қурилмада чиқинди чиқариш тизими ёпиқ ҳолатда бўлади, бундай ҳолатда толали суспензия атрофга сачрамайди ва хонага буғ чиқмайди. Қурилма стандартлаштирилган тозалагич секциялардан йиғилган. Тозалагич секциялар (икки ва ундан ортиқ) тозалаш босқичларида умумий суспензия кириш ва чиқариш коллектори билан уланган. Тозалаш секциясининг таркиби: уюрмали тозалагичлар, босим ва йиғувчи коллекторлар ҳамда чиқинди коллекторлари.

Тозалагич қуввати ва босқичлар сони – технологик талабга қараб аниқланади. УОТ-25 русумли тозалагич, оқимни очиш ва ёпиш учун арматуралар билан жиҳозланган. Оғир қўшимчалардан тозаловчи уч босқичли қурилма схемаси. Енгил қўшимчалардан тозалаш учун қурилма Макулатура массасидан енгил бегона қўшимчаларни (майда пенапласт, полиэтилен бўлакчалари, парафин, битум, ёпишқоқ қўшимча, полиэтилен парда ва бошқалар) тозалашга мўлжалланган. Қурилма макулатура массадан оғир қўшимчаларни (қум, металл заррачалар, керамик плита бўлакчалари ва бошқалар) тозалаш технологик оқимидан кейин ўрнатилади. Тузилиши ва технологияси. Толали суспензия қурилмага берилади. Тозаланган суспензия технологик оқим бўйлаб кейинги жараёнга узатилади, ҳосил бўлган чиқинди эса қайта ишлашга узатилади. Массани атрофга сачрашини ва хонага буғ чиқишининг олдини олиш мақсадида қурилма ёпиқ тизимга эга. Тозалаш секциясини таркиби: уюрмали тозалагичлар, босим ва йиғувчи коллекторлар ва чиқинди учун коллектор. Енгил қўшимчалардан тозалаш қурилмасининг схемаси. 18-расм . 20-жадва. Техник тавсифи Параметрлар УОЛ-12 Масса концентрацияси кўпи билан, г/л 4,5 Тозалагич қувур диаметри, мм 125 3 Тозалагичнинг ўтказиш имконияти, л/мин (м /ч) 400(24) Тозаланадиган суспензияни қурилмага киришдаги босими, МПа 0,2 Босқичларда босимнинг камайиши, камида МПа 0,16

Пахта момиғини механик аралашмалардан тозалаш асбоб-ускуналари Пахта момиғидан целлюлоза олиш жараёни қуйидаги босқичлардан иборат: - пахта момиғини транспортировка қилиш ва тозалаш; - момғни Bi-Vis машинасига юбориш; - пахта момиғни қисман қирқиш ва пишириш; - момиғни қирқиш, ювиш ва массани оқартириш; - оқартирилган массани ювиш; - қуритиш, тахлаб жойлаштириш. Пахта момиғини транспортировка қилиш ва тозалаш. Фабрикага пахта момиғи кипларда келтирилади. Киплари очилиб, титилиб, марказдан қочма кучлар усулида ишлайдиган, циклонли сепаратор қурилмаларига берилади (19,20-расмлар), қурилмада оғир чиқиндилар ожратилади, сўнгра титиб –тозалагич қурилмасида тозаланади. 19-расм . Пахта момиғини механик қўшимчалардан тозалаш схемаси: 1 – кипларни очиш қурилмаси; 2 – вентилятор; 3 – транспортёр; 4 – циклон; 5 – титиб – тозаловчи қурилма.

Кипларни очиш ва титиш вақтларида ҳосил бўлган чанг, вентилятор орқали ҳаво фильтр қурилмасига берилади ва унда чангдан тозаланади. Аралаштиргич таъминлагич схемаси. Пахта момиғини титиб аралаштириш қуйидагича бажарилади: тайёрланган кип машина олдида симларини ва ўровчи бўз матоси ечилади, сўнгра машина таъминлагич панжарасига 1 20-расм узатилади. Панжара ҳаракатдаги қия ўрнатилган игнали панжарага 2 берилади. Ундан момиғ текисловчи 4 валикка берилади. Валикдан майда титилган толалар ўтиб, йириклари таъминлоачи панжарага 1 қайтарилади. Ўтган майда толалар қабул қилувчи 5 валикка қабул қилинади. Сўнгра улар колосникли 6 панжарага урилиб, қисман йирик қўшимчалардан тозаланади ва узун аралаштирувчи панжарага 7 узатилади.

Фойдаланилган адабиётлар: 1. Рахмонбердиев Ғ. Р., Примқулов М. Т., Тошпулатов Ю. Т. Қоғоз технологиясининг асослари. Тошкент, “Алоқачи”, 2009, 404 бет. 2. Примқулов М. Т., Рахмонбердиев Ғ. Р. Қоғоз олиш жихозлари. Тошкент, “Фан ва технология”, 2009, 80 бет. 3. Примқулов М. Т., Рахмонбердиев Ғ. Р., Яқубов С. Қоғоз олиш машина ва аппаратлари. Тошкент, “Фан ва технология”, 2010, 240 бет. 4. Примқулов М. Т., Раҳмонбердиев Ғ. Р. Целлюлоза-қоғоз ишлаб чиқариш асбоб-ускуналари. Т.: Фан ва технология. 2009. 156 бет.

Похожие

Целлюлоза технологияси

Материал балансини ҳисоблаш

Экология бўйича масалалар

Целлюлоза пишириш бўлими асбоб ускуналари

Пахта момиғи