Ўзбекистоннинг давлат мустақиллигининг эълон қилиниши ва унинг тарихий аҳамияти - История - Рефераты

Ўзбекистоннинг давлат мустақиллигининг эълон қилиниши ва унинг тарихий аҳамияти

Загружено в:

25.02.2024

Скачано:

0

Размер:

95 KB

Ўзбекистон нин г давлат мустақиллигининг эълон қилиниши ва унинг тарихий аҳамияти Режа: 1. ХХ асрнинг сўнгги йилларида дунёда юзага келган сиёсий вазият ва Ўзбекистон Республикасининг мустақиллиги сари дастлабки қадамлар. 2. И.Каримовнинг Ўзбекистон Республикаси Президенти этиб сайланиши.

ХХ асрнинг сўнгги йилларида дунёда юзага келган сиёсий вазият ва Ўзбекистон Республикасининг мустақиллиги сари дастлабки қадамлар. XX асрнинг сўнгги йилларига келиб СССР таркибидаги республикалар суверенитетини ва инсон ҳуқуқларини поймол қилган маъмурий буйруқбозлик тизими ўз даврини ўтаб бўлганлиги янада яққолроқ намоён бўла бошлади. Бу ҳол ўзбек халқининг мустақиллик учун бўлган курашини тезлаштириб юборди ва бозор иқтисодиётига асосланган фуқаролик демократик давлат қуриш асослари шакллана бошлади. И.Каримов халқ ҳоҳиш-иродасини бажариб, ўзбектилига давлат тили мақомини бериш ишига бошчилик қилди. 1989 йил 28 октябрда Республика Олий Кенгашида Ўзбекистоннинг давлат тили ҳақида қонуни қабул қилинди. Республикадаги барча расмий ҳужжатлар ўзбек тилида юритиладиган бўлди. Ушбу қонуннинг қабул қилиниши мамлакатимизнинг мустақиллик сари ташлаган биринчи қадами бўлди. 90-йилларнинг бошларига келиб Ўзбекистонда халқнинг мустақилликка эришишидан иборат азалий орзусини амалга ошириш бош масала бўлиб қолди. Мамлакатда шундай вазият вужудга келдики, бир томондан, бири- бирига қарама-қарши бўлган турли қарашлар шаклланди. Иккинчи томондан, ўшадаврдаги марказий давлат раҳбарияти мамлакат ичкарисидаги вазиятни тўғри баҳолай олмади, миллий республикаларда мустақилликка эришиш тобора кучайиб бораётганининг олдини ололмай қолди. 1990 йил бошида Ўзбекистонда бошқарувнинг Президентлик шакли масаласи кўтарилди. Республикада бошқарувнинг шундай шаклининг жорий этилиши, аввало, сиёсий, ижтимоий-иқтисодий, миллатлараро ва бошқа соҳалардаги муаммоларни ҳал қилиш жараёнини тезлаштиришга кўмаклашиш воситаси сифатида жорий қилинди. Энг муҳими, Президент муассасининг жорий этилиши республика учун суверенитет ва давлатчиликда моҳият жиҳатидан янги босқичга ўтишни билдирар эди. Алоҳида шуни таъкидлаш керакки, ўшакезлари кенг миқёсда тартиб ва интизомни, энг аввало, бошқарувнинг барча даражаларида ва жабҳаларда

ижро механизмини қайта қуришни тезлаштириш вазифаларини вақтида ҳал этиш, фуқаролар ҳуқуқларини ҳимоя қилувчи барча муассасаларни назорат қилиш масалалари ҳам катта аҳамият касб этмоқда эди. Шу объектив ҳолатни ҳисобга олиб, 1990 йил 24 мартда Ўзбекистон Олий Советининг биринчи сессияси Ўзбекистон тарихида биринчи марта Президентлик лавозимини таъсис этиш тўғрисида қарор қабул қилди. Сессия якдиллик билан Ислом Абдуғаниевич Каримовни Ўзбекистоннинг Президенти этиб сайлаш тўғрисида қарор қабул қилди. Ўзбекистонда Президент лавозимининг таъсис этилиши республиканинг сиёсий ва иқтисодий мустақиллиги учун кураш борасида қўйилган дадил кадамларидан иккинчиси эди. Ўзбекистоннинг мустақиллика эришишида қўйилган навбатдаги муҳим қадам 1990 йил 20 июнда Ўзбекистон Республикаси Олий Советининг иккинчи сессиясида қўйилди. Сессияда Ўзбекистоннинг ―Мустақиллик Декларация‖ қабул қилинди ва унинг кириш қисмида қўйидагича ёзиб қўйилди: ―Ўзбекистон Совет Социалистик Республикаси Олий Кенгаши ўзбек халқининг давлат қурилишидаги тарихий тажрибаси ва таркиб топган бой анъаналари, ҳар бир миллатнинг тақдирини ўзи белгилаш ҳуқуқини таъминлашдан иборат олий мақсад ҳақи, Ўзбекистоннинг келажаги учун тарихий масъулиятни чуқур ҳис этган ҳолда халқаро ҳуқуқ қоидаларига, умумбашарий қадриятларга ва демократия принципларига асосланиб, Ўзбекистон Совет Социалистик Республикасининг давлат мустақиллигини эълон қилади. Сессия қабул қилган бу ―Мустақиллик Декларация‖ си халқимиз томонидан катта мамнуният билан кутиб олинди. Шу кундан бошлаб республикада Ўзбекистоннинг иқтисодий ва сиёсий ҳаётига доир масалалар мустақил тарзда ҳал қилина борди. Ўзбекистон раҳбарияти ва халқи мустақиллик сари дадил қадам қўяверди.

1991 йил 17 мартда умумхалқ референдуми ўтказилди. Референдумда Ўзбекистон халқининг мутлақ кўпчилиги Ўзбекистонни мустақил республика сифатида қўриш ҳоҳиши борлиги намоён қилди. 1991 йилга келиб Ўзбекистонда республиканинг давлат мустақиллигига доир мутлақо янги давлат рамзлари тайёрлаш ва қабул қилиш борасида дадил ишлар қилина бошланди. Хусусан, 1991 йил 15 февралида Ўзбекистон Олий Кенгаши ―Ўзбекистоннинг давлат рамзлари тўғрисида‖ махсус қарор қабул қилди. Ўзбекистоннинг суверенитети учун кураш, аввало, республикада қабул қилинган ҳар бир қонуннинг мазмуни ва моҳияти жиҳатидан собиқ иттифоқ қонунларидан тубдан фарқ қилинишида, бундан ташқари, ҳар бир қонун аввалгидек иттифоқ қонунига мослаштириб эмас, балки республика манфаатини ифода этиши билан ажралиб тура бошлади. 80-йилларнинг иккинчи ярмига келиб собиқ СССР нинг ижтимоий- сиёсий ҳолатида инқирозли ҳолат тобора кучайди. Бу ҳолат айниқса, кўпчилик республикаларнинг иттифоқ таркибидан чиқиш, ўз-ўзини белгилаш ҳуқуқини бериш, марказнинг сиёсий-иқтисодий, ҳарбий ва ташқи сиёсий соҳалардаги ролини қайта кўриш каби талабларнинг хақли равишда қўйилишида аксини топди. Лекин, марказий раҳбарият халқлар ва иттифоқчи республикалар сиёсий раҳбариятининг чинакам мустақилликка интилиши билан ҳисоблашмади. Бу муносабатни Марказнинг Болтиқбўйи республикаларнинг иттифоқ таркибидан чиқиб кетиши, Ўзбекистонда, кейинчалик эса бошқа республикаларда ҳам президентлик бошқарувининг жорий этилиши ва бу республикалар томонидан суверенитет тўғрисидаги Декларацияларнинг қабул қилинишига тиш-тирноғи билан қаршилик кўрсатганлигида ҳам кўриш мумкин. Лекин, барибир вужудга келган инқирозий ҳолатни тўхтатиб бўлмас эди. Шу сабабдан ҳам, давлат емирилишидан жиддий хавотирга тушган собиқ иттифоқ раҳбарияти 1990 йилнинг кузида марказ ва республикалар

ўртасидаги муносабатларни янги ҳолатга ўтказиш мақсадида музокара жараёнини бошлашга мажбур бўлди. 1990 йил охирларига келиб Болтиқбўйи мамлакатлари мустақиллик тўғрисидаги талабларни СССР Олий Кенгаши мажлиси ва халқ депутатлари қурилтойига кўндаланг қилиб қўйганларидан сўнг Президент М. Горбачев бир гуруҳи депутатлар ва раҳбарлар билан вазиятни ўрганиш, аниқроғи, тазйиқ қилиш, таъсирини ўтказиш мақсадида Болтиқбўйига борди. Ушбу гуруҳ таркибида Ўзбекистон Президенти И.Каримов ҳам бор эди. У ерда И.Каримов хақиқат билан юзма-юз келди ва шунда жуда катта қатъият ва фавқулодда журъат билан муносабатини билдирди. Комиссия ишини якунламасданоқ Горбачевни ҳам, унинг манфаатларини қўллаб-қувватловчи гуруҳни ҳам ташлаб, тезда орқага қайтди. Бу билан у Болтиқбўйи халқларинининг талаблари қонуний эканлиги, мустақиллик СССР таркибидан чиқиш-тарихий хақиқат, инсон ҳақ-ҳуқуқларинининг тантанаси эканлигини ошкора намоён қилди. Хақиқатдан ҳам, иттифоқ таркибида туриб ҳеч қандай миллий равнақ, маънавий тараққиёт тўғрисида гап бўлиши ҳам мумкин эмас эди. 1991 йил август ойига келиб бутун мамлакатда воқеалар шу даражада чувалашиб кетдики, унинг ечимини топиш ўта мушкул бўлиб қолди. Шу вазиятдан фойдаланиб 19-21 август кунлари Москвада давлат тўнтариши қилишга уриниб кўрилди. Фавқуллодда ҳолат давлат қўмитаси тузилиб, СССР Президенти М. Горбачев зўравонлик билан вазифасидан четлаштирилди 6 . Маълумки, мустақилликка эришиш остонасида одамларнинг таъминоти, даромади, яшаши учун зарур бўлган кундалик маҳсулотларнинг энг кам миқдори, ортиқча ишчи кучининг бандлиги каби масалалардаги аҳвол оғир бўлган. Бунинг асосий сабаби - бу йилларда ҳар бир вилоят бўйича аниқ дастурлар, ички резервлар ҳисобидан ишни тўғри ташкил этиш, ишлаб чиқариш қувватларини реконструкция қилиш, қанча миқдорда, кимга ва қачон қўшимча хом ашё ажратиш эвазига аҳволни яхшилаш имкониятлари

тўғрисида амалий тадбирлар бўлмаган. Бу даврда йилдан-йилга тобора кескинлашиб келаётган асосий ижтимоий муаммо - бу аҳоли ўртасида ишсизлар сонининг жадал равишда ўсиб бориши эди. Мамлакатимиз раҳбари ўша даврда вужудга келган аҳволдан чиқиш йўли сифатида қуйидагиларни белгилаб берди: а) ишларнинг аҳволига холис баҳо бериш, республикадаги вазиятни соғломлаштиришнинг конкрет ва аниқ-пухта дастурини ишлаб чиқиш; б) ҳаётнинг барча соҳаларида қатъий тартиб ва интизом ўрнатиш, раҳбар кадрларни жой-жойига тўғри қўйиш, уларга нисбатан талабчанликни ошириш. Демак, юқоридаги фикрлардан келиб чиққан ҳолда, ҳарбий хизматчилар билан олиб бориладиган маънавий-маърифий тайёргарлик машғулотларида мустақилликкача бўлган давр билан боғлиқ бўлган тарихий жараёнларни фалсафий-мантиқий тушуниш, истиқлол тарихини англаш, тарихий-сиёсий воқелик ва ҳодисаларга таҳлилий ёндашиш, уларнинг босқичма-босқич курашлар эвазига қўлга киритилганини идрок этиш масалаларига чуқур ёндашиш зарур эди 7 . Ана шундай оғир, саросимали таҳдид ва тахминлар пайтида Ўзбекистон раҳбарияти корхона ва хўжаликларнинг раҳбарлари, халқ ноиблари, барча софдил кишилар, халқни матонат ва осойишталикка даъват қилдилар. Айниқса, Биринчи Президент Ислом Каримовнинг бўлаётган воқеаларга муносабати барчани қаноатлантирди, унинг ҳалққа суянганлиги у билан дардлашганлиги, халқ билан ҳукумат ўртасида соғлом муносабатнинг вужудга келишига олиб келди. Ҳиндистон сафаридан қайтган Ўзбекистон Биринчи Президенти И.Каримов, 19 август куни кечқурун Тошкет шаҳрининг фаоллари билан бўлган учрашувда Ўзбекистон нуқтаи назарини маълум қилди ва Марказдан билдирилган қонунга хилоф бўлган ҳар қандай кўрсатмаларни республика раҳбарияти томонидан бажарилишни ман этди. 20 августда Ўзбекистон СССР Олий Кенгаши Раёсати ва Ўзбекистон ССР Президенти хузуридаги

Вазирлар Маҳкамасининг республика раҳбарлари иштирокида қўшма мажлиси бўлди. Унда фитна муносабати билан вужудга келган вазият мухокама қилиниб, Ўзбекистоннинг мустақилликка эришиш йўли ўзгармаслиги ҳақида Баёнот қабул қилинди. Унда Ўзбекистон Мустақиллик Декларация қоидаларини амалга ошириш йўлида бораверади, деб кўрсатилди. Ўшакуни Ўзбекистон Биринчи Президенти И.Каримов республика аҳолисига мурожаат билан чиқиб, Ўзбекистоннинг мустақиллигига эришиш йўли қатъий эканлигини яна бир бор алоҳида уқтирди. Шундай оғир шароитда, тарихий вазиятни тўғри баҳолай билиш қобилиятига эга бўлган Ўзбекистон Республикаси Биринчи Президенти И.Каримов Олий Кенгаш сессиясини чақириш ва унда Ўзбекистон Мустақиллиги ҳақида қонун қабул қилишни талаб қилди. Республика Олий Кенгаши 1991 йил 26 август куни Ўзбекистон давлат мустақиллиги тўғрисида қонун лойиҳасини тайёрлаш ҳамда 31 августда Олий Кенгаш сессиясини чақиришга қарор қилди. 2. 1991 йилнинг 31 августида Ўзбекистон замонавий тарихининг янги даври бошланди. Шу куни Олий Кенгашнинг навбатдаги ташқари олтинчи сессияси ―Ўзбекистон Республикасининг давлат мустақиллигини эълон қилиш тўғрисида‖ Қарор қабул қилди, тегишли баёнот билан чиқди ва ―Ўзбекистон Республикаси давлат мустақиллигининг асослари тўғрисида‖ги Қонунни тасдиқлади. Мамлакат тақдири ҳал бўлган бу хужжатларда халқнинг асрий орзулари мужассамланди у ўзтакдирини ўзи ҳал қиладиган бўлди; Ўз еридаги барча табиий бойликларнинг, ота-боболари меҳнати билан яратилган бутун ишлаб чиқариш ва илмий-техник куч қудратнинг тўла ҳуқуқли эгасига айланди; буюк тарихи ва маданиятининг муносиб вориси, буюк аждодларнинг урф-одатлари ва инсонпарвар анъаналарнинг давомчиси, порлоқ келажагининг мустақил ижодкори бўлди;

―Ўзбекистон Республикасининг Давлат Мустақиллигини эълон қилиш тўғрисида‖ги Қарорда ―1 сентабръ Ўзбекистон Республикасининг Мустақиллик куни деб белгилансин ва 1991 йилдан бошлаб бу кун байрам ва дам олиш куни деб эълон қилинсин, - деб қатъий белгилаб қўйилди. И.Каримовнинг Ўзбекистон Республикаси Президенти этиб сайланиши. Ўзбекистон мустақиллик томон йул тутар экан, 1989 йилнинг ёз ойлари ва 1990 йил баҳорида Ўзбекистон ҳаётида унинг раҳбарлигида бурилиш даври бўлди. Худди шу пайтларда ўзбек халқининг тақдирини ҳал қиладиган тараққиёт йўллари ишлаб чиқилди. Хусусан, Ўзбекистоннинг демократик йулда ривожланиши бош стратегик мақсад қилиб белгиланди. Ана шу йулнинг бошида, 1989 йил июнидан Ўзбекистоннинг раҳбари, 1990 йил мартидан Ўзбекистон Республикасининг Президенти сифатида Ислом Абдуғаниевич Каримов турди. 1991 йил 29 декабрда ўтказилган Ўзбекистон Республикасининг референдумида 9 миллион 898 минг 707 киши ёки сайлов рўйхатига киритилганларнинг 94,1 фоизи қатнашди. Ўзбекистон Республикасининг мустақил давлат деб эълон қилинишини ёқлаб 9 миллион 718 минг 155 киши ёки референдумда қатнашганларнинг 98,2 фоизи овоз берди. Демак, Ўзбекистоннинг Давлат мустақиллиги умумхалқ томонидан якдиллик билан маъқулланди. Худди шу йилнинг 29 декабрида халқимиз биринчи марта умумхалқ хохиш-иродаси билан мустақил Ўзбекистон Республикаси Президентини сайлади. Ўзбекистон Президенти сайлови Ўзбекистон Республикаси Олий Кенгашининг VIII сесиясида қабул қилинганЎзбекистон Республикаси Президенти сайлови тўғрисида‖ги Қонун асосида ўтказилди. Бу сайловнинг муҳимтомони шуки, у биринчи марта муқобиллик асосида ўтди, яъни Олий лавозимга икки номзод- Ўзбекистон ХДП ва Ўзбекистон касаба уюшмалари

федерация номзоди И.А.Каримов ва ―эрк‖ Демократик партияси вакили Салой Мадаминов (Муҳаммад Солих) номзоди қўйилди. Сайловлар якунига кўра 8 миллион 514 минг 136 киши ёки овоз беришда қатнашганларнинг (86%) И.Каримов номзодини 1миллион 220 минг сайловчи (12,3 %) Салой Мадаминов номзодини ёқлаб овоз берди. Марказий сайлов комиссияси Ўзбекистон Республикаси Президенти сайлови тўғрисидаги қонуннинг 35-моддасига асосланиб Ислом Абдуғаниевич Каримовни 1991 йил 29 декабрдан Ўзбекистон Республикаси Президенти лавозимига сайланган деб ҳисоблашга қарор қилди. И.Каримов Ўзбекистон Кенгашининг 1992 йил 4 январда бўлган навбатдан ташқари I Х сессиясида қасамёд қилди. 1995 йил 26 мартда умумхалқ овози (референдуми) билан И.Каримовнинг Президентлик ваколати 1997 йилдан 2000 йилгача узайтирилди. Ўтказилган референдум мамлакат ҳаётида катта сиёсий -ижтимоий аҳамият касб этди. 2000 йил 9 январда мамлакатимиз ижтимоий-сиёсий ҳаётида яна бир унитилмас тарихий воқеа бўлиб ўтди. 11 январда Ўзбекистон Республикаси Марказий сайлов комиссиясининг навбатдаги мажлиси 2000 йил 9 январ куни бўлиб ўтган Ўзбекистон Президенти сайлови натижаларига багишланди. Мажлисда қайд этилгандек, 2000 йил 9 январи мустақил Ўзбекистонимиз тарихида асрлар туташган пайтда содир бўлган, давлатимизнинг ХХ I асрдаги ҳаётига ва тараққиётига жиддий таъсир кўрсатадиган муҳим сиёсий воқеа сифатида муҳрланиб қолади. Ўзбекистон фуқароларининг аксарияти Ислом Каримов номзоди учун овоз берди. Бўлиб ўтган сайловнинг аҳамияти унинг муқобиллик ва демократик тамойиллар асосида ўтганлигидадир. Сайловчиларга танлаш имконияти берилди ва улар хохиш-иродасига биноан, ўзи танлаган номзод учун овоз берди. Шак- шубҳасиз бу ҳол жамиятимизда сиёсий фикрлар хилма-хиллиги ва қарашларининг турлича бўлиши учун катта туртки берди, давлатнинг ижтимоий-сиёсий ва иқтисодий ҳаётининг янада эркинлаштирлишига замин ҳозирлади.

Ўзбекистон Республикаси Марказий сайлов Комиссиясининг округ сайлов комиссияларидан келган баённомалар асосида 9 январда бўлиб ўтган сайловда рўйхатга олинган 12 миллион 746 минг 903 сайловчидан, 12 миллион 123 минг 199 сайловчи иштирок этганлигини, бу эса рўйхатга олинган сайловчиларнинг умумий миқдорининг 95,1 фоизини ташкил этишини маълум қилди. Фидокорлар миллий демократик партиясидан номзоди кўрсатилган И.Каримов учун 11 миллион 147 минг 621 сайловчи ёки сайловчиларнинг 91,9 фоизи овоз берди. Ўзбекистон Халқ демократик партиясидан номзоди кўрсатилган Абдулҳафиз Жалолов учун 505 минг 161 сайловчи ёки 4,17 фоиз сайлочи овоз берди. Ўзбекистон Республикасининг ―Ўзбекистон Республикаси Президенти сайлови тўғрисида‖ги Қонунининг 35-моддасига мувофик, Ўзбекистон Республикаси Марказий сайлов комиссияси Ислом Абдуғаниевич Каримовнинг Ўзбекистон Республикаси Президенти лавозимига сайланганлиги тўғрисида қарор қабул қилди. 3. Ўзбекистон ўзмустақиллигини қўлгакиритишидан анча олдин республиканинг давлат мустақиллигига доир мутлақо янги давлат рамзларини тайёрлаш ва қабул қилиш ишлари бошлаб юборилган эди. Хусусан, 1991 йил 15 февралда Ўзбекистон Олий Кенгаши ―Ўзбекистоннинг давлат рамзлари тўғрисида‖ махсус қарор қабул қилди. Ўзбекистон Республикаси Олий Кенгашининг 1991 йил 18 ноябрда бўлиб ўтган VIII сессияси ‖Ўзбекистон Республикасининг давлат байроғи тўғрисида‖ Қонун қабул қилди Ўзбекистон Республикасининг давлат байроғи ва унинг рамзи бизнинг мамлакатимиз ҳудудида илгари мавжуд бўлган ғоят қудратли салтанатлар байроғига хос бўлган энг яхши анъаналарни давом эттирган ҳолда республиканинг табиатига хос бўлган хусусиятларни, халқимиз миллий ва маданий соҳалардаги ўзлигини акс эттиради. Мамлакатимиз Давлат байроғи юртимизнинг ўтмиши, бугунги куни ва келажагининг ёрқин рамзидир.

1992 йил 2 июлда Ўзбекистон Республикаси Олий Кенгашининг Х сессиясида ―Ўзбекистон Республикасининг Давлат герби тўғрисида‖ Қонун қабул қилинди. Давлат гербидаги ҳар бир белги чуқур маънога эга. Ўзбекистон Республикасининг Олий Кенгашининг 1992 йил 10 декабрда бўлиб ўтган XI сессияси томонидан Ўзбекистон биринчи Конституциясининг қабул қилиниши мамлакат тарихида оламшумул воқеа бўлди. Ушбу сесссияда «Ўзбекистон Республикасининг Давлат мадхияси тўғрисида» ги Қонун ҳам қабул килинди. Сессияда шоир Абдулла Орипов ва бастакор Мутал Бурхонов томонидан тайёрланган мадҳия нусхаси тасдиқланди. Ўзбекистон Президентининг 1994 йил 16 июнидаги Фармонига мувофиқ 1994 йилнинг 1 июлидан бошлаб Ўзбекистон Республикасининг миллий валютаси - сўм муомалага киритилди. Ўзбекистон Республикаси давлат мустақиллигининг рамзлари тўғрисида Президент И.Каримов: - ―Миллий валюта, байроқ, герб, мадҳия, Конституция каби давлат ва халқнинг рамзи, мустақилликнинг муқаддас белгисидир! - деди. Ҳар қандай мустақил давлатларнинг ҳуқуқий асоси - бу унинг асосий Конуни - Конституциясидир. Ҳар қандай жамият келажакни кўзлаб яшайди ва унинг пойдеворини имкон қадар мустаҳкамроқ кўришга ҳаракат қилади. Шу нуқтаи назардан қараганда, давлатимиз, жамиятимиз эришган буюк ютуқ - Ўзбекистон Республикасининг Конституцияси бўлди. Ўзбекистоннинг янги Конституциясини яратиш ғояси 1990 йил 20 июнида Мустақиллик Деклорациясининг қабул қилиниши муносабати билан ўртага қўйилган эди. Олий Кенгашнинг иккинчи сессиясида Мустақиллик Декларациянинг муҳим тамойиллари асосида давлатнинг янги Конституцияси ишлаб чиқилиши лозим деган хулосага келинди. Сессия Президент И.Каримов раислигида Конституциявий Комиссия тузиш тўғрисида қарор қабул қилди.

Конституциявий комиссия маъқуллаган Конституция лойиҳасининг биринчи варианти 1991 йил ноябрида тайёрлаб бўлинди. Ушбу вариант муқаддима, олти бўлим, 158 моддадан иборат эди. Конституция лойиҳасининг иккинчи варианти 1992 йил баҳорига келиб ишлаб чиқилди. Бу вариант 149 моддадан иборат эди. Пухта ишловлардан сўнг Ўзбекистон Республикаси Конституциясининг лойиҳаси 1992 йил 26 сентабрда Конституциявий комиссия қарори билан умумхалқ муҳокамаси учун матбуотда эълон қилинди. Ўзбекистон Республикаси Конституцияси 1992йил 8 декабрда қабул қилинди ва у 6 бўлим, 26 боб, 128 моддадан иборат қилиб белгиланди. Конституциянинг энг муҳим моҳияти шундан иборатки, унда ―давлат органлари ва мансабдор шахслар жамият ҳамда фуқаролар олдида масъулдирлар‖ дейилган, яъни фуқаролар манфаатининг устунлиги қонуний равишда мустаҳкамланган ва кафолатланган. Собиқ тоталитар тузум шароитида бундай фикрни ҳеч ким хаёлига ҳам келтира олмас эди. Бир сўзбилан айтганда, Ўзбекистон Республикаси Конституциясининг қабул қилиниши асосий, ҳуқуқий ва халқаро аҳамиятга эга бўлган буюк воқеа бўлди. Биринчи Президент И.Каримов мустақилликнинг дастлабки кунидан бошлаб янги жамиятга мос сиёсий ислоҳотлар ўтказиш йўллариниоқилона кўрсатибгина қолмай, айни пайтда жамиятнинг бозор иқтисодиёти муносабатларига ўтиш тамойилларини ишлаб чиқди, уни изчил амалга ошириш чора-тадбирларини кўрди. Жаҳон тажрибаси, Ўзбекистонниинг миллий хусусиятлари, имкониятлари ва шарт-шароитлари асосида тараққиётнинг ― Ўзбекмодели‖ ишлаб чиқилди. Шундай қилиб, ХХ аср 90-йилларнинг бошларига келиб Ўзбекистон халқлари тарихида мисли кўрилмаган тарихий воқеа юз берди. Ўзбекистон давлат мустақиллигини қўлгакиритди. Дунё ҳаритасида 1991 йил 1 сентабрдан бошлаб яна битта мустақил, тўлаҳуқуқли суверен давлат - Ўзбекистон Республикаси пайдо бўлди.

Адабиётлар: 1. Каримов И.А. Ўзбекистоннинг ўз истиқлол ва тараққиѐт йўли // Ўзбекистон: миллий истиқлол, иқтисод, сиѐсат, мафкура. 1-жилд. Тошкент: Ўзбекистон, 1996. 2. Каримов И.А. Озод ва обод ватан, эркин ва фаровон ҳаѐт пировард мақсадимиз. Тошкент: Ўзбекистон, 1998. 3. Ислом Каримовнинг референдум куни сайлов участкасида берган интервьюсидан. 2002 йил 27 январь. Ўзбекистон Республикаси Президенти Матбуот хизмати жорий архиви, 2002 йил учун хужжатлар тўплами. 4. И.А. Каримов. Ўзбекистон мустақилликка эришиш остонасида. - Тошкент: «Ўзбекистон», 2011. 5. Мирзиѐев Ш.М. Эркин ва фаровон, демократик Ўзбекистон давлатини биргаликда барпо этамиз. -Тошкент: Ўзбекистон, 2016. 6. Мирзиѐев Ш.М. Танқидий таҳлил, қатъий тартиб интизом ва шахсий жавобгарлик –ҳар бир раҳбар фаолиятининг кундалик қоидаси бўлиши керак. - Тошкент: Ўзбекистон, 2017. 7. Mирзиѐев Ш.М. Қонун устуворлиги ва инсон манфаатларини таъминлаш юрт тараққиѐти ва халқ фаровонлигининг гарови. - Тошкент: Ўзбекистон, 2017.

Похожие

Узбекистон Республикаси Мустакиллигини эълон килиниши ва унинг жахоншумул тарихий ахамияти

Ўзбекистоннинг давлат мустақиллигини мустаҳкамлашнинг сиёсий ҳуқуқий асослари

Мактабда тарихий Ўлкашунослик тўгарагини ташкил қилишнинг таълим ва тарбиявий аҳамияти

Эълон қилинмаган уруш... Бухоро

Эълон қилинмаган уруш... Хива